Facebook
Twitter
Google+
YouTube
Blog
RSS Feed
ගී කිය(ව)මු
අත්‍යවශ්‍ය මතක් කරදීමක් හෙවත් 'නැසුණු ලොව අභිමුවේ විජය කොඩි නගන්නේ කවුරුන්ද?'
බූන්දි, 01:49:06
මේ වන විට ලංකාවෙන් හතරෙන් තුනක් පමණ මහින්ද රාජපක්ෂගේ දෙවන පදවි ප්‍රාප්තියේ කිරිබත වළඳා දිරව ගනිමින් සිටියි. කිරියෙන් පැණියෙන් මෙන්ම රජ්ජුරුවන්ගේ ආශිර්වාදයෙන් ද ඔවුහු සතුටු වෙමින් දිවි ගෙවන්නෝ වෙති. රට වැසියෝ නිර්වින්දනය කිරීමට යොදා ගත් යුධ ජයග්‍රහණයේ එන්නත හෙටත් රාජ්‍ය ත්‍රස්තවාදයක් ලෙසින් ජනතාවගේ අධෝමුඛ තුළට විදිනු ඇත. ගත වූ සතියේ පදවි ප්‍රාප්තිය අළලා වියදම් කළ මුදල් ප්‍රමාණය අති විශාල ය.

ඒ තරම් මුදල් ප්‍රමාණයක් නාස්ති වීමේ ප්‍රීතිය ද අපේ රටේ මහජනයා ඉතා සතුටින් විඳ දරා ගත්හ. තිස්වසරක යුද්ධයක් හමාර වූයේ මිනිස් ජීවිත ලක්ෂ ගණනක මරණයන් මතිනි. දකුණේ පොදු සිංහල මතයට අනුව එය ලාංකීය ඉතිහාසයේ ලද විශාලම ජයග්‍රහණය වෙයි. උතුරේ දුක් විඳිමින් කැකෑරෙන අවිහිංසක දමිළ මිනිසුන්ගේ ආස්ථානයෙන් එය තවත් කබලෙන් ලිපට වැටීමක් ය. උතුරු වසන්තය ත් නැගනහිර නවෝදය ත් වචන වලින් එළියට විත් කළ දෙයක් නැත. ඔවුන් තවමත් රජය විසින් පාලනය කරන කඳවුරු තුළ හෝ විනාශ වී ගිය අනාගතයක් ඉදිරියේ එල්ලා ඇති 'සුභ අනාගතයක්' බෝඩ් ලෑලි කියවමින් සිටියි. ඉකුත් වසරේ මැයි 18 වන දින ලංකාවෙන් අති බහුතරයක් ම කිරිබත් කෑහ. පාරවල් වල සිංහ කොඩි ලෙළ වූහ. අදට දින කීපයකට පෙර ද සමහරු එසේම කිරිබත් වැළඳූ හ. ඒ යුධ ජයග්‍රහණය කරා රට රැගෙන ගිය මහින්ද රාජපක්ෂගේ උපන් දිනය ත් දෙවන පදවි ප්‍රාප්තිය ත් හේතුකොටගෙන ය.(සරත් ෆොන්සේකා මේ වියමනට අදාළ නොවන හෙයින් ඔහු ව මින් පිටතින් තබමි.) මේ සෑම අටමගලයක් මැද්දේ සිදු වූ කිසිවක් අප විසින් අමතක කළ යුතු නැත. මන්ද ඒ සෑම දෙයකින්ම අපට කියාපානුයේ පෙනෙනුයේ ලාංකීය ජන විඥානය සහ දේශපාලනික උප්පරවැට්ටි මෙන්ම රටේ කාලකන්නි හරස්කඩකි.

1. ස්වර්ණවාහියේ මෙගා ස්ටාර් ජරමරය.
2. මර්වින් සිල්වා පබා ගේ කුක්කු බොන්නට ඇති කැමැත්ත ප්‍රසිද්ධ ජන මාධ්‍යයේ ප්‍රසිද්ධියේ ප්‍රකාශ කිරීම.
3. කොළඹ කේන්ද්‍රීයව කැසිනෝ ශාලා ඉදි කිරීමේ අවධානම.
4. එස්. බී.ගේ පෞද්ගලික විශ්ව විද්‍යාල වලින් ලංකාවෙ කෙල්ලන්ට පිටරට කොල්ලන් ලැබීම.
5. මේ සෑම දේකටම සරිලන විදියට පාර්ලිමේන්තු හා නොවන සංඝ රත්නය ආශිර්වාද කරමින් සිටීම.

මේ සියල්ලක්ම ලාංකේය පොදු ජනමතයට ආතල් ය. ආතල් නිර්මාණය කරමින් ලොසින්ජර මෙන් ලොවන්නට දීම ආණ්ඩුවට විසින් සිදුකරගෙන යන්නකි. මෙවැනි ලොලි පොප් ලොවමින් මහජනතාව සියල්ල අමතක කරමින් සිටියි‍‍.(තවත් විදියකට මතක් වීමට ද ඔවුන්ට කිසිවක් නොමැත.) මේ අනුව රජයේ අලුත්ම ලොලි පොප් එක නොහොත් ආතල් එක 'රණවිරු රියල් ස්ටාර් ය'. එක බෝලයක් දමා හමාර වූ පසු ඔවුන් තවත් බෝලයක් දමයි. ඒ හැම බෝලයකටම ආදරයෙන් ස්වකීය කඩුල්ල පූජා කිරීමට ජනතාව පුල පුලා බලා සිටී. රණවිරු රියල් ස්ටාර් එසේ සිදු වෙද්දී එල්. ටී. ටී. ඊ රියල් ස්ටාර් කේ.පී සිටිනුයේ කොහේද....? අන්තිම හතලිස් අට දෙනාට පෙර ඉවත් වූ කරුණා අද සිටිනුයේ කොහේද.....? මෙවැනි ඔල්මොරොන්දම් මළවිකාර සියැසින් දකිමින් ලාංකීය බහුතරයක් ජනයා තමන්ගේ කාලකන්නි මෝඩකම නැවත නැවත කරමින් මහරජාගේ කැසිකිළි වැසිකිළි සෝදමින් සිටියි.

පබිලිස් සිල්වා විසින් සකසා දුන් කිරිබතට ඔබ්බෙන් ලාංකීය ජනවිඥානය මෝදු විය යුතුය. කට සැර ලුණු මිරිසක් සාදාගත යුත්තේ එතැනිනි. නොඑසේනම් දෙන දේ කමින් වෙන දේ බලා සිටින පොදු ජනතාවට ඉදිරියේ දී තව තව කිරිබත් හැලි ඉදෙනු ඇත. පබිලිස් සිල්වාගේ කිරිබත දින තුනකට පසු නොදිර වූ ආහාර කැබලි ලෙස වමනෙ ගියේ අය වැය කියවීමත් සමගය! ඒ සමගම රට්ටුන්ගේ කර්ණශංඛය ආශ්‍රිතව තරු කීපයක් එහාට මෙහාට භ්‍රමණය වන්නට වුණි. ඔළුව අත ගා ටොකු ඇනීමේ කලාවට එහා ප්‍රාගුණ්‍යක් ප්‍රකට කරන රාජපක්ෂ ආණ්ඩුව ඇඳුම් අන්දවාම අහවල් වැඩේ කරමින් සිටියි.

ඉතිකින් ජනතාවත්, රජ්ජුරුවෝත්, සහචරයෝත්, වන්දිභට්ටයෝත්, කේවට්ටයෝත් මේ සැමරුවේ කුමක්ද....? ලක්ෂ ගණනක් මරණයි. මරණයට පත් වූයේ කවුරුන්ද කොයි රටේ මිනිසුන් ද යන්න අමතක කරමින් ලේ පිපාසයෙන් කෑ ගසන රජුත් ඔල්මොරොන්දම් දකුණේ ජනතා චින්තනයත් තවත් ඉදිරියට සිදු කරන්නේ කුමක්ද....? මේ මහා මිනිස් සංහාරය සැමරිය හැකි නිරුපද්‍රිත හෘද සාක්ෂිය කුමක්ද......? ඉතිං නැසුණු ලොව අභිමුවේ විජය කොඩි නගන්නේ කවුරුන් ද....?

ලෝකයක් නසන්නට
රුදුරු අවි අත දරා සැරසෙමුද
නැසුණු ලොව අභිමුවේ
විජය නොඩි නගන්නේ කවුරුන් ද


මිනිස්කම හමුවේ පැන නගින මේ පැනය කුමක්ද? ළමයින් දුටු දුටු තැන වඩා ගන්නා සංවේදී නායකයා මේ සැමරුවේ කුමක් ද? බල ලෝභිත්වයත් උමතුවත් තව තවත් එල්.ටී.ටී.ය පරාජය කිරීම ම පමණක්ම ඉදිරියට දමමින් කරගෙන යන්නේ කුමක් ද....?

එකම ඉර එකම හඳ පිහිට කොට ගත් අපට
එකම පැනයකි ඇත්තෙ රිදුම් දෙන හදවතට
ඒ පැණය පසෙක ලා බෙදි හිඳ දෙපිලකට
උපන් බිම දෙකඩ වන සටන් කරනුයෙ කුමට


එකම ගැටළුවක් වෙනුවෙන් පෙනී සිටින ජනතාව එකම ඉරක් හඳක් යට ජීවත් වෙමින් පිල් වැදී කරන අරගලය කුමක්ද....?

"එකම පැනයකි ඇත්තෙ රිදුම් දෙන හදවතට...."

අපිට ඇත්තේ පොදු සතුරෙකි. අප විසින් කළ යුත්තේ ඒ පොදු සතුරා පරාජය කිරීම පමණි. පවතින දේශපාලනයට කඩේ යාමත් මුග්ධ කපටි චරිත වන්දනාමාන කිරීමත් නොව පොදු සතුරා පරාජය කිරීම වෙනුවෙන් එකතු වීමයි.

වෛර ගිනි ඉවත ලා දයාබර වෙමු ලොවට
නසනු වෙනුවට රකිමු හොවා ළය උණුසුමට


රාපක්ෂගේ කිරිබත් වලින් ඔබ්බට අප කවුරුත් සිතා බැලිය යුතු කරුණක් ඇත. ඒ මවාපාන මහා පරිමාණ බොරු වලට රැවටී තව දුරටත් ඔවුන්ගේ දේශපාලනික ඉත්තන් බවට පත් වීමට තුඩු දෙන කශේරුකාවේ ඇති රබර් මිශ්‍රණය ඉවත් කර ගැනීමයි.

ඉන් පසුව,
එකමුතුව ජය පතා අනාගත පරපුරට.... අවි ගනිමු එරෙහි වී දුගී දුප්පත් කමට....!

ලෝකයක් නසන්නට
රුදුරු අවි අත දරා සැරසෙමුද
නැසුණු ලොව අභිමුවේ
විජය නොඩි නගන්නේ කවුරුන් ද

එකම ඉර එකම හඳ පිහිට කොට ගත් අපට
එකම පැනයකි ඇත්තෙ රිදුම් දෙන හදවතට
ඒ පැණය පසෙක ලා බෙදි හිඳ දෙපිලකට
උපන් බිම දෙකඩ වන සටන් කරනුයෙ කුමට

වෛර ගිනි ඉවත ලා දයාබර වෙමු ලොවට
නසනු වෙනුවට රකිමු හොවා ළය උණුසුමට
එකමුතුව ජය පතා අනාගත පරපුරට
අවි ගනිමු එරෙහි වී දුගී දුප්පත් කමට


ගායනය - සුනිල් එදිරිසිංහ
සංගීතය - රෝහණ වීරසිංහ
පද රචනය - බණ්ඩාර ඇහැලියගොඩ

ගීතය අහන්න මෙතනින් යන්න.

ශිල්පීන් සමග සම්බන්ධ විය හැකි දුරකථන අංක-
සුනිල් එදිරිසිංහ - 777 686 986 , බණ්ඩාර ඇහැළියගොඩ - 777 486 482
මේ වියමන ඔබේ මූණු පොතට එක් කරන්න-
Tags- Rana Wiru Real Star, 'Lokayak Nasannata Ruduru Awi Atha Dara', Sunil Edirisinghe, Rohana Weerasinghe, Bandara Eheliyagoda, Sinhala Lyrics
පැරණි මාදිලියෙන් ලැබුණු ප්‍රතිචාර-
Amdon මෙහෙම කියනවා :
ගින්දර බO ගින්දර

කිවුව වෙලාව- 2010-12-27 03:58:02
neranji මෙහෙම කියනවා :


කිවුව වෙලාව- 2010-11-26 20:38:57
Namal මෙහෙම කියනවා :


කිවුව වෙලාව- 2010-11-26 03:01:14
@පැමිනිලිකාරයා මෙහෙම කියනවා :


කිවුව වෙලාව- 2010-11-26 01:45:53
පැමිනිලිකාරයා මෙහෙම කියනවා :
නැසුණු ලොව අභිමුවේ
හෙලිවැල්ලෙන් නටන්නේ
මහජරා රජාගේ
චුටි බබාලා වන
අපිමද?
ශිරන්ති නැන්දා - නුබට පුතේ මගක් නැතේ, මේ මග මිස කොහෙ යමන් පුතේ
මහින්ද මාමා - සුව‍්රගෙට ගියකලේ යුන්ද ඒවි බොලේ, අපොයි මගේ හාපැටියා කියා හඩයි බොලේ...
තව.... හයියෙන්!


කිවුව වෙලාව- 2010-11-26 00:58:34
SAM මෙහෙම කියනවා :
වීරයා මැරිලා? නෑ නේ?

කිවුව වෙලාව- 2010-11-25 22:30:54
Rambo මෙහෙම කියනවා :
දෙමළු මරා ලැබුනේ කිම
අපි ඔක්කොම බිම

හැබැයි දෙයක් ඇත

මොකා බලයට ආවත් පලක් නැත
රජා අඩුම තරමින් මෙය ලියූ වීරයා ජීවග්‍රහයෙන් ගෙන ගොස් උල තබන්නේද නැත
තම තමන් උත්සාහයෙන් උඩට විත් අනෙකාට අතක් දෙන්නේනම් මැනවි

ලිපිය එළ....!


කිවුව වෙලාව- 2010-11-25 22:19:24
Asanga මෙහෙම කියනවා :


කිවුව වෙලාව- 2010-11-24 01:30:38
Mihindu මෙහෙම කියනවා :


කිවුව වෙලාව- 2010-11-24 00:44:12
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
වීරයාගෙන් තවත් වියමන්
පොත්
'අඟුණ මල්'- කෙටි කවියක දාර්ශනික දිගන්තයක් හෙවත් පොඩියට ලියපු ලොකු කවි
වෙනස්
මෛත්‍රී
පොත්
ආයෙත් එන්න කියන්න බැරි තැනක හිඳ "යන්නං චන්දරේට" අතවනමු.
වෙනස්
ඉනිමං නැති අපි
වෙනස්
නාලන්ද සර්පයා දුටුවාද?
තවත් ගී කිය(ව)මු
ග්‍රීස් ගහේ මුදුනට ම ගියා මම- ඇය අවුරුදු කුමරිය වෙන්න ගියා!
සඳ, හොරෙන්- හොරෙන්- හොරෙන්- බලමු!
ඔබට පමණි ඔබ ආදරේ- ප්‍රොයිඩියානු කියවීමක්
පාළුව දෙවනත් කරලා නාඬන් උල ලේනෝ- විප්ලවයේ මළගම
මගෙ දුවේ ඔබ අවදියෙන් නම්.....
BoondiLets
බොබ් මාර්ලේ කියයි.
කියයි ඔබ වැස්සට පෙම් බඳින බව -
එහෙත් වහින විට අවැසිමය කුඩයක් ඔබට
කියයි ඔබ හිරුට පෙම් බඳින බව -
එද ඔබ හෙවණකට දුවන්නෙ ය... [More]
What's New | අලුතෙන්ම
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook