Facebook
Twitter
Google+
YouTube
Blog
RSS Feed
රන් රෝස
නොමියෙන කලු තරුව| හැරී බෙලෆොන්ටේ
Harry Belafonte (1927 -)
බූන්දි, 01:50:14
ලොව ජීවත් වන සියලු දෙනාටම ජිවත් වන ලෝකය වඩාත් යහපත් තැනක් බවට පත් කරලීමේ බලය, අධිෂ්ඨානය සහ හැකියාව තිබේ.

ඔබට ගායකයාව සිර ගත කල හැකිය. නමුත් ගීතය සිර ගත කල නොහැකිය.


1950 දශකයේදී කැලිප්සෝ සංගීතයෙන් රසික සිත් අමන්දානන්දයට පත් කල තවත් කලු ජාතික තරුවක් සංගීත ක්ෂේත්‍රයට බිහි විය. කැලිප්සෝ සංගීතයේ ඔටුනු පලන් රජු ලෙස සැලකෙන ඔහු හැරී බෙලෆොන්ටේ ය. 1927 මාර්තු 1 වන දින ඇමෙරිකාවේ නිව්යෝක් නුවරදී මෙලොව එළිය දුටු හැරී කුඩාකල සිය මිත්තණිය සමග ජැමෙයිකාවේ ජීවත් විය. පසුව යළිත් නිව්යෝක් නගරයට එන හැරී නාවික හමුදාවට බැඳී දෙවන ලෝක මහා සංග්‍රාමයට සහභාගිවිය. පසුව ජෝර්ජ් වොශින්ටන් උසස් පාසලට-

ඇතුළත් වන හැරී එහිදී රංගනය හැදෑරුවේය. හැරී සිය සංගීත දිවිය අරඹන්නේ නිව්යෝක් නුවර සමාජ ශාලා වල ගීත ගායනයෙනි. ඒද සිය රංගන පාසල් ගාස්තු සොයා ගැනීම සඳහාය. මුලදී ඔහු පොප් ගායකයෙකු වුවද ක්‍රම ක්‍රමයෙන් ජන සංගීතය හැදෑරීමට යොමු විය.

ඉක්මනින් ඔහු සුප්‍රකට ජෑස් සංගීත ශාලාවක් වන "විලේජ් වැන්ගාර්ඩ්" හිදී සිය ප්‍රථම ගීත ප්‍රසංගය පැවැත්වීය. 1952 දී ඔහු ඇමෙරිකානු ගුවන්විදුලි සංස්ථාව හා එක්ව ගිවිසුම් අත්සන් කර සිය ගායන දිවිය සඳහා ස්ථිරසාර අඩිතාලමක් දමා ගත්තේය. 1956 දී එළිදැක්වූ ඔහුගේ "කැලිප්සෝ" නම් ගීත ඇල්බමය ඇමෙරිකාව තුළ ඉමහත් ජනප්‍රියත්වයට පත්විය. එහි ඇමෙරිකානු ගීත දර්ශක වල ඉහළින්ම රැඳි ගීත ගණනාවක් අඩංගු විය. මෙම කලු ජාතික ගායකයා විසින් ඇමෙරිකානු ජනතාව අතර කැලිප්සෝ සංගීතය මහත්සේ ජනප්‍රිය කරවීය. එනිසාම ඔහු කැලිප්සෝ සංගීතයේ රජු යන අන්වර්ථ නාමයෙන් හැඳින්වීය. Banana Boat Song, Jump in the line, Jamaica farewell වැනි අදටත් ජනප්‍රිය ඔහුගේ ගීත 1951-1958 කාලයේදී බිහි විය. සැබැවින්ම කියතොත් 1950 දශකයේ ඇමෙරිකානු සංගීතයේ වඩාත්ම ජනප්‍රිය තරුව හැරී විය. 1960 දශකයේදී බීට්ල්ස් ඇතුලු අනෙකුත් සංගීත කණ්ඩායම් ඇමෙරිකාව තුළ ජනප්‍රිය වීමත් සමගම හැරී ට තිබූ ජනප්‍රියත්වය ක්‍රම ක්‍රමයෙන් අඩුවීයන්නට විය.



කෙසේ නමුදු 1960 දී එළිදැක්වුනු ඔහුගේ Swing Dat Hammer නම් ඇල්බමයට සහ 1965 දී එළිදැක්වුනු Evening With Belafonte ඇල්බම සඳහා ග්‍රැමී (Grammy) සම්මානය ලැබුනේය. එමෙන්ම රූපවාහිනී වැඩසටහන් සඳහා පිදෙන එමී (Emmy) සම්මානය ලද ප්‍රථම කලු ජාතිකයාද වන්නේ හැරීය. ගායනයට පමණක්නොව හැරී රංගනයටද දස්කම් දැක්වීය. Bright Road(1953), Carmen Jones(1954), Island In The Sun(1957) වැනි චිත්‍රපට වල ඔහු රඟපැවේය. වරක් Porgy and Bess නම් චිත්‍රපටයේ එක් ප්‍රධාන චරිතයක් රඟපෑමට හැරීට ආරාධනා ලැබුනද එම චිත්‍රපටයේ කලු ජාතිකයන්ට අවමානයක් වන ලෙස සකස් කර ඇති බවට චෝදනාකරමින් ඔහු එහි රඟපෑම ප්‍රතික්ෂේප කලේය.



හැරී කලාකරුවෙකු මෙන්ම දේශපාලන සහ සමාජ ක්‍රියාධරයෙකුද වෙයි. ඔහුගේ දේශපාලන සහ සමාජීය දැක්ම සඳහා බෙහෙවින්ම බලපෑවේ එවකට ඇමෙරිකාවේ සිටි තවත් කලු ජාතික ගායකයෙකු මෙන්ම රැඩිකල් දේශපාලන මත ධාරියකුද වන පෝල් රොබ්සන් ය. පෝල් ඇමෙරිකාවේ තිබූ වර්ණභේද වාදයට දැඩිසේ විරුද්ධව කටයුතු කල අයෙකු මෙන්ම ශීත යුධ සමයේදී සෝවියට් රුසියාවට සහාය දැක්වූ අයෙකු ලෙසද ප්‍රකටය. තවද අප්‍රිකාවේ දියත් කල බටහිර යටත් විජිත වාදයටද දැඩිසේ විරුද්ධ වූ අයෙකි. හැරී 1950 දශකයේදී පමණ ක්‍රියාත්මකවූ සිවිල් අයිතිවාසිකම් දිනාගැනීම සඳහා වන ව්‍යාපාරයේද ක්‍රියාකාරී සාමාජිකයෙකි.



තවද මාටින් ලුතර් කින්ග්ගේ ද විශ්වාසවන්ත සගයෙක් වූ අතර ඔහුගේ කටයුතු සඳහා නොමසුරුව මුදල් වියදම් කලේය. අත්ඩංගුවට පත් දේශපාලන ක්‍රියාකරුවන් සඳහා ඇප ලබා දීමට අවශ්‍ය මුදල් ලබාදුන් අතර නිදහස සඳහා වන ව්‍යාපාරවලට මුදල් එකතු කිරීමේ කටයුතු වලට සහාය දුන්නේය.1963 දී පැවැත්වූ මහා වොෂිංටන් පාගමන සංවිධානය කිරීමටද මූලික විය. 1985 දී ගායකයන් විශාල ප්‍රමාණයක් සහභාගි වී ගායනා කල We are the world නම් ගීතයේ තිරයෙන් පිටුපස සිටි එක් සංවිධායකයෙකු වන්නේ හැරී බෙලෆොන්ටේ ය. මෙම ගීය අප්‍රිකාව සඳහා ආධාර එකතු කිරීමට යොදා ගැනුනි. තවද ඔහු අප්‍රිකානු රටවල ළමුන්ගේ ශුභ සිද්ධිය උදෙසා බොහෝ කටයුතු වලට දායක විය.



හැරී ඇමෙරිකානු විදේශ ප්‍රතිපත්ති දැඩි සේ විවේචනයට ලක් කල අයෙකි. ඔහු නිර්භයව ඇමෙරිකානු රජය විචේචනයට ලක්කල අතර කියුබානු නායක ෆිදෙල් කස්ත්‍රෝ ව අගය කලේය. හැරී විසින් සිදුකල වඩාත් ආන්දෝලනාත්මක සිද්ධිය වන්නේ කියුබාව තුළ හිප් හොප් සංගීතය සඳහා ඉඩ කඩ සලසා දීමයි. ඔහු 1999 දී කියුබාවට ගොස් නායක ෆිදෙල් ව මුණගැසීමට පෙර කියුබාවේ රැප් සංගීත ශිල්පීන් පිරිසක් මුණගැසුනේය. ඉන්පසු ෆිදෙල් හා පැවති සාකච්ඡාවෙන් පසු ෆිදෙල් සිය රට තුළ හිප් හොප් සංගීතය සඳහා ඉඩ කඩ සලසා දුන්නා පමණක් නොව හිප් හොප් සංගීත ශිල්පීන් සඳහා වෙනම ශබ්දාගාරයක් ලබා දීමටද කටයුතු කලේය. වසර 2002 දී පමණ ඇමෙරිකානු ජනාධිපති ජෝජ් ඩ්බ්ලිව්. බුෂ් , ඔහුගේ පාලන තන්ත්‍රය සහ ඉරාක යුද්ධය විවේචනය කරමින් හැරී දැක්වූ අදහස් නිසා ඔහු බහුතර ලෝක ජනතාවගේ අවධානයට ලක් විය.



2006 වසරේදී හැරී සහ තවත් දේශපාලන ක්‍රියාධරයන් පිරිසක් වෙනිසියුලානු ජනාධිපති හියුගෝ චාවේස්ව මුණගැසුනේය. ඔහු එහිදී පැවසුවේ "ලෝකෙ ඉන්න ලොකුම ත්‍රස්තවාදියා වන ජෝජ් ඩ්ව්ලිව්. බුෂ් මොනවා කිව්වත් අපි මෙහිදී කියා සිටින්නේ සිය ගණනක් නොව දහස් ගණනක් නොව මිලියන ගණනක් ඇමෙරිකානුවන් ඔබේ විප්ලවයට සහාය දෙනවා" කියායි. හැරී ඇතුලු පිරිසගේ මැදිහත් වීමෙන් ඇමෙරිකාවේ දිළිඳු ජනතාව වෙසෙන ප්‍රදේශ සඳහා අඩුමිල උෂ්ණකාරක තෙල් (Heating Oil) සැපයීමේ ව්‍යාපෘතියකට චාවේස් එකඟවිය.



කලාකරුවෙක් යනු හුදෙක් කලාව තුළම සිය යුතුකම් සහ වගකීම් හඳුනාගත්තෙකු නොව විශ්වයටම පොදුවූ මනුෂ්‍යත්වය සහ ආදරය තුළද සිය ආත්මීය වගකීම් හඳුනාගත්තෙකු බව ලොවටම ප්‍රකට කරන මෙම ශ්‍රේෂ්ඨ මිනිසාගේ ජීවිතය තමා හඳුනාගත් එම වගකීම් වෙනුවෙන් මේ මොහොතේද ක්‍රියාත්මක වෙමින් පැවතීම සැබවින්ම අපූර්වත්වයකි.
මේ වියමන ඔබේ මූණු පොතට එක් කරන්න-
Tags- King of Calypso, Harold George "Harry" Belafonte, American musician- singer- actor and social activist, Hugo Chavez, Martin Luthar King
පැරණි මාදිලියෙන් ලැබුණු ප්‍රතිචාර-
sahan මෙහෙම කියනවා :


කිවුව වෙලාව- 2010-12-31 03:03:26
kuma මෙහෙම කියනවා :


කිවුව වෙලාව- 2010-12-31 01:47:18
Mihisara මෙහෙම කියනවා :


කිවුව වෙලාව- 2010-12-22 01:00:34
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
අනුෂ්ක තිලකරත්නගෙන් තවත් වියමන්
කතන්දර
චිත්‍ර ප්‍රදර්ශනය
කවි
මායිම් ගම්මානයේ ටීචර්
කවි
හිම කුමරිය මිය ගිහිල්ල
කවි
හිතේ තියෙන ගඟ
කවි
පුංචි ගිනිකූරු වෙළෙන්දිය
බූන්දි නව ඊමේල් ලිපිනය- editorial@boondi.lk
BoondiLets
ප්ලූටාර්ක් කියයි
Painting is silent poetry, and poetry is painting that speaks.| සිත්තමක් යනු නිහඬ කවියකි. කවියක් යනු කතා කරන සිත්තමකි!
What's New | අලුතෙන්ම
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
වෙසෙස්| එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා

5-Mins

(මහේෂි බී. වීරකෝන්) පුරාතන ග්‍රීක පෞර රාජ්‍යන් පිළිබඳ අධ්‍යනය කිරීමේදී ප්‍රමුඛස්ථානයක් ගනුයේ ඇතන්ස් සහ ස්පාර්ටා යන පෞර රාජ්‍යයන්ය. එකිනෙකට වෙනස් වූ දේශපාලනික සහ... [More]
අදහස්| අප ඔවුන්ගෙන් වෙනස් විය යුත්තේ කෙලෙසද?

2-Mins

(කෙවින් කරුණාතිලක) මා හිතවත් උපාසිකා මාතාවක් කී දෙයක් තේමා කරගෙන මෙම සටහන ලිවීමට අදහස් කලෙමි. ඇය නොවරදවාම පොහොයට සිල් සමාදන් වන, කාර්යාලයේ... [More]
කතන්දර| "කොණ්ඩෙ කපන කොටි බාබර්"- ළමා කතන්දරය [වීඩියෝව]

45-Secs

"කොණ්ඩෙ කපන කොටි බාබර්"- පොඩිත්තන්ට විනෝදාත්මක කතන්දරයක් [කාටූන්]- Rohini Nilekani ලියා, Angie හා Upesh සිත්තම් කළ "The Haircut" ළමා කතන්දරයේ... [More]
BoondiLets| ග්‍රවුචෝ මාක්ස් කියයි.
මං හිතන්නේ ටෙලිවිෂනය මාරම 'අධ්‍යාපනික'යි. මොකද, මොකෙක් හරි ඒක ඔන් කරන ඕනෙම වෙලාවක මං කරන්නේ, වෙන කාමරේකට ගිහිල්ලා හොඳ පොතක් කියවන එකයි!
කවි| නැගිටපන් බණ්ඩාර

28-Secs

(ඉරේෂා මධුවන්ති) ගොජ දමන පෙණ කැටිති ගොඩවැදී කට අගට
ඊ වේගයෙන් පනී දිවි පුදා හුළඟකට
විසිර පාවුල බැබිල, මියණ පත් අතු අතර
පිහි තලේ හේදුවා කඳුලකින් මහ කිතුල

වරපටින් වැළඳ වාරුව කිතුලෙ කඳ බඩට... [More]
වෙසෙස්| තෙත්බිම් පුරා අසූචි විසුරුවන 'සහස්‍රයේ නගරය'

7-Mins

(කපිල මහේෂ් රාජපක්ෂ) මානව වර්ගයා වනගත දිවියෙන් නික්ම ගංගා නිම්න ආශ්‍රිතව ශිෂ්ටාචාර ඇරඹු අවදියේ මුහුණ දුන් නව අභියෝග අතර ප්‍රමුඛ ගැටලුවක් වුයේ එතෙක්... [More]
අදහස්| [සරදගේ ලියුං හැකින්ස්]- අපේ ලොක්කාගෙං පුටිංට සැරම සැර ලියුමක්

2-Mins

රුසියාවේ ඉන්න මගේ යාළුවෙකුගෙන් හදිස්සියේම කෝල් එකක් ආවා. මිනිහා එහා පැත්තේ ඉඳගෙන බොහෝම සන්තෝසෙන් කෑ ගහන්න පටන් ගත්තා. "කියල වැඩක්... [More]
කතන්දර| "කණ්ණාඩියෙ හැංගි හොරා"- ළමා කතන්දරය [වීඩියෝව]

38-Secs

"කණ්ණාඩියෙ හැංගි හොරා"- පොඩිත්තන්ට ලස්සන පුංචි කතන්දරයක් [කාටූන්]- Rachita Udaykumar ලියා, Suvidha Mistry සිත්තම් කළ "My Best Friend" සිඟිති කතන්දරයේ... [More]
කවි| අතුරුදහන්වූවන් හඳුනා ගැනීමේ පෙරෙට්ටුව

27-Secs

(කසුන් හර්ෂණ) මැයි මහේ සාපයට පහන් පෙළ ඇවිලූ ව,
දුක් ගීය තමා ඒ කන්ද උඩ වැහි කළුව
සඳ එහෙම නෑවිත් පොරවද්දී රෑ සළුව
නංගි අපි කෑවේ ගින්දරේ කොස් පළුව

විඩාබර දෙනෙත් අග රැඳුනාම ඉඟි නළුව... [More]
කතා-බස්| "ජාතිය තීරණය කරන්නේ ලේ නෙවෙයි; සංස්කෘතිය!"- නැගෙනහිර වෙරළෙන් ඇසුණු හඬ- හඳගම සමග කතාබහක්

9-Mins

(කේ.ඩී. දර්ශන) මේ දිනවල අයිටීඑන් නාලිකාවේ විකාශය වන "නැගෙනහිර වෙරළෙන් ඇසෙන" ටෙලි නාට්‍යය දුවන රැල්ලට හාත්පසින් ම වෙනස් මානයකුයි නියෝජනය කරන්නේ. එක... [More]
අදහස්| [සරදගේ ලියුං හැකින්ස්]- රට කොරන මහත්තුරු- පතති කිරි උතුරනා අවුරුදු!

2-Mins

අලුත් අවුරුද්දේ උදේ පාන්දර ගෙදර ලියුම් පෙට්ටිය ඇරල බලනකොටයි මං දැක්කෙ, රටේ ලොකු ලොකු උන්නැහේලා මට අලුත් අවුරුදු සුබ පැතුම්... [More]
කවි| කුණු නොවෙන ප්‍රේමයක්

36-Secs

(කුෂාන් ශාලික) කන්ද පාමුල ගෙන්දගම් නිම්නෙක
හැටේ වත්තේ ලස්සනම හරියක
මම හිටියෙ ලෑලි ගෙදරක
ඒ දවස් වල

කන්ද මුදුනේ ඉඳුල් අතරට... [More]
BoondiLets| ඒබ්‍රහම් ටී. කොවූර් කියයි.
තමන් විසින් පානු ලබන ඊනියා ප්‍රාතිහාර්යයන් පරීක්ෂාවට ලක් කිරීමට ඉඩ නොදෙන්නා තක්කඩියෙකි. එබඳු පරීක්ෂා කිරීමකට ධෛර්යය නොමැත්තා පහසුවෙන් මුළාවේ වැටෙන්නෙකි. පරීක්ෂාවකින් තොරව සියල්ල විශ්වාස කිරීමට... [More]
කතන්දර| චිත්‍ර ප්‍රදර්ශනය

2-Mins

(අනුෂ්ක තිලකරත්න) පොඩි එවුන්ගෙ චිත්‍ර ටික නම් ඔක්කොම ලැබුනා. ගිය සැරේ වගේම මේ සැරෙත් ශාලාවෙ ඉඩ මදි වෙයි. කමක් නෑ කොහොම හරි... [More]
ඔත්තු| "ගුත්තිල කාව්‍ය" වේදිකාවට!

13-Secs

"ගුත්තිල කාව්‍ය"- අඛිල සපුමල්ගේ නවතම සංගීත නාට්‍යයේ මංගල දැක්ම, 2018 ජනවාරි 11 වන දින, ලයනල්... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook