Facebook
Twitter
Google+
YouTube
Blog
RSS Feed
කවි බූන්දි
අම්මා
බූන්දි, 01:48:10
ඔබා දෙදණ නිල් උඳුපියලි බිම මත
වැන්දේ ය ඔහු බැති සිතින්
අම්මා වැළලූ තැන මහ පොළොවට;
පිපිලා තිබුණු එතැන සුදු පාටට
නමක් නොමැති පුංචි මලක්
සිම්බේ ය ඔහු එමල නමා හිස.
''දස මසක් කුස තුළෙහි දරා සිට
මා ලොවට වැදූ අම්මා ඔබ ය.
කෙළවරක් නොමැති දුක් දරා විඳ
මා ලොවට හැදූ අම්මා ඔබ ය:

අඩන විට මා කුඩා අවදියෙහි බඩගිනි ව
තම්බා බතල දළු
ලුණු දියර ඉස
පොල් ගා මුසුකොට කවා
බඩගිනි නිවූ අම්මා ඔබ ය.

උයා උදයෙන් නැගිට කඩයප්පන්
තබා තේ කඩයෙහි
ලබා ඉන් ලැබෙන සුළු වට්ටම
ජංගි ඇන්දූ අම්මා ඔබ ය.

ගල්වා ඉසෙහි තෙල් යහමින්
එල්ලා කරෙහි පංචායුදය
අල්ලා ගෙන අතින් මා
පාසලට එක්ක ගිය
අකුරු නූගත් අම්මා ඔබ ය.

ඇවිද ලඳු දෙණි කැලෑ බිම්වල
රැගෙන විත් තුන් හිරිය පන් කොළ
යොදා කුකුල් සායම් රතු හා කොළ
වියා නෙක් විසිතුරු රටා පැදුරු
රටාවක් බව මේ මහා විශ්වය
කුඩා කල සිට ම මට
කියා දුන් අම්මා ඔබ ය.

නො දත්තෙමි මම එකල
අම්මේ, ඔබ වත කැටපතක් බව;
මෙකල මා සිත පිළිබිඹු කරන
ගිලී යට ගිය ඇස් කුහර තුළ
නො දුටුවෙමි කිසි විටක සතුටක්
නො දුටුවෙමි කිසි විටක දුකකුත්.
ඉවසා සම සිතින් සැම සැප දුක්
ලැබුවා ද ඔබ සිතෙහි සාමයක්?
ඉපයුවෙමි මම මුදල්
ඉපයුවෙමි කිතු යසස්
වී ය මන්දිර යාන වාහන.
එහෙත් ඒ කිසිවකිනුත්
නො ලදිමි සිත් සැනසුමක්.
වටහා ගෙන සිටියා ද ඔබ ඒ සත්‍යය
නො ලබා ම ඔබ ඒ කිසිවක්?''

[ප්‍රබුද්ධ- 1977]
මේ වියමන ඔබේ මූණු පොතට එක් කරන්න-
Tags- Prabudda- 1977
පැරණි මාදිලියෙන් ලැබුණු ප්‍රතිචාර-
විචිත්‍ර මෙහෙම කියනවා :
@Student
ඒක දැනගෙන හිටියේ නෑ.ඇයගේ තවත් කවි කියවන්න කැමතියි.මේක අහම්බෙන් ලැබුණු කවියක්.


කිවුව වෙලාව- 2011-08-29 05:47:47
Student මෙහෙම කියනවා :
@ vichithra Bhagya m. herath kiyanne kaleka indan kavi liyana kenek. eya pasal sisyawak kiyana thanata lagu nokaranna.

කිවුව වෙලාව- 2011-08-29 04:31:21
විචිත්‍ර මෙහෙම කියනවා :
මේ සේකර‍ගේ කවිය කියවා පාසල් ශිෂ්‍යාවක් ලියූ කවියක්..

සේකර නොදුටු අම්මා ඔබය,
අඩන විට මා කුඩා අවදියෙහි බඩගිනි ව
සාදා ක්ෂනික නූඩ්ල්ස් - සෝස් ඉස කවා
බඩගිනි නිවූ අම්මා ඔබය

උදයෙන් නැගිට ගොස් කාර්යාලයෙහි
ලබා ඉන් ලැබෙන වැටුප
ත්‍රී ක්වාටර් ඇන්දූ අම්මා ඔබය

ගල්වා හිසෙහි ජෙල් යහමින්
එල්වා කරෙහි පොත් ගෝනිය
අල්ලාගෙන අතින් මා
පාසල් රථයට ගොඩ කල
උපාධිය ලත් අම්මා ඔබය

ඇවිද යෙහෙළියන්ගේ නිවෙස්වල
රෑ‍ගෙන විත් ඕපාදූප
යොදා ලුණු ඇඹුල්
බෙදා දුරකථනයෙන්
විකාරයක් බව ජීවිතය කියා දුන් අම්මා ඔබය

කියවූ දා සේකරගේ ප්‍රබුද්ධ
මා අතින් ලියැවුණු කවිය
කියවන්නට වෙලාවක් නොවූ
සේකර නොදුටු අම්මා ඔබය

භාග්‍යා.එම්.හේරත්


කිවුව වෙලාව- 2011-08-29 01:19:32
janaka samaranatha මෙහෙම කියනවා :
ADA 2011 02 28 ITN WALA SANHINDA PROGARAM EKA BALUWA.E ANUWA SEKARATA KARA ATHI ASADARANAYATA YAMAK KARANNA ME LOKE KAWURUTHMA UTHSAHA KARALANADDA KIYALA MATA SITHUNA .
MAGE PARIGANAKA HAKIYAWA ADUWUWATH OHU GANA INTERNRT THULINHO YAMAK KARANNA KAWURUTH HITHALA NADDA KIYALA NIKAMATA WAGE ‘MAHAGAMA SEKARA NAMA TYPE KARA BALUWA ETHTHATAMA MATA GODAK SATHTU HITUNA MEMA WEB PITU DEKEEMEN.
MAMA THAWA DURATATH OBA SAMAGA RENDEE SITIMI .STHUTHI!

Comment by janaka samaranatha | February 27, 2011 |


කිවුව වෙලාව- 2011-02-27 20:48:12
ranchagoda මෙහෙම කියනවා :
අහෝ.......................
ඔබට ලැබුනේ එකම ප්‍රතිචාරයද?


කිවුව වෙලාව- 2011-01-14 19:19:33
Leela මෙහෙම කියනවා :
lassanai arthawath poem ekkak.

amma waruni amma waruni
samma sum budu amma waruni
daruwan ge duk kadulu pisana da
suralowa sita athapa
e kadulal niwana.


කිවුව වෙලාව- 2011-01-05 06:08:26
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මහගම සේකරගෙන් තවත් වියමන්
කවි
(ඔබ හිනැහෙන විට)
කවි
පෙම් යුවළ
ගී
තට්ටු දෙකේ බස්
කවි
මගෙ කවියෙන් ඔබ දකින්න
කවි
සිද්ධාර්ථ!
තවත් කවි බූන්දි
මා බිරිඳ උවැසියක වී
නගා මැරූ අල....
උතුරින් දකුනට
බෝධිසත්ව ගබ්සාව
දුම්මල ගලට ගිය අම්මා
බූන්දි නව ඊමේල් ලිපිනය- editorial@boondi.lk
BoondiLets
බ්‍රෙෂ්ට් කියයි.
"අඳුරු යුගයේදී කවි ගී ලියවේද?
ඔව්....
ඒ, අඳුරු යුගය ගැනයි!"

"In the dark times
Will there also be singing?
Yes, there will also be singing
About the dark times."
What's New | අලුතෙන්ම
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook