Facebook
Twitter
Google+
YouTube
Blog
RSS Feed
වෙසෙස් බූන්දි
Buddhist Warfare| බුදුදහම මිලිටරිකරණය
බූන්දි, 00:02:08
"යුධ පිටියේ මිය යන සොල්දාදුවන් දිව්‍යලෝකයේ නැවත උපදිනවාදැයි එක් යුධ වීරයෙක් විසින් බුදු රජාණන් වහන්සේගෙන් විමසයි. ඊට පිළිතුරක් නොදුන් බුදුන් වහන්සේ නිහඬව සිටිසේක. පිළිතුරක් නොලද හෙයින් නැවත වරක් එම යුධ වීරයා විසින් එම ප්‍රශ්ණයම බුදුන් වහන්සේගෙන් අසනු ලබයි. ඒ අවස්ථාවේද උන්වහන්සේ නිශ්ශබ්දව සිටි‍ සේක. තෙවැනි වරද එම ප්‍රශ්ණයම විමසන ලදුව බුදුන් වහන්සේ විසින් පිළිතුරක් ලබාදෙන ලදී. යුධ පිටියේ මියයන සොල්දාදුවන් දිව්‍යලෝකයේ උපත නොලබයි. ඊට හේතුව යුධපිටියේ මියයන සොල්දාදුවන් විසින් මියයන මොහොතේදී වැළැක්විය නොහැකි ලෙස වෛරයත්, වේදනාවත් හැඟීම් දරණ නිසාවෙන් ඒ හැඟීම් වලට අනුව ඔවුන් අපායේ උපත ලබන බව උන්වහන්සේ දේශනා කළ සේක." (සංයුක්ත නිකායේ XLII වැනි යෝධාජීව සූත්‍රය.)

මානව සමාජය තුළ වඩාත් ව්‍යූහගතව පැතිරුණු සංවිධානාත්මකව ආයතනය "ආගම" යැයි කීවාට වරදක් නැත. ජීව විද්‍යාත්මක මිනිසා මෙහෙයවන ප්‍රධානතම සංස්කෘතික මෙ‍වලම "ආගම"යි. ලෝකය පුරාවට විහිදුණු ආගම් 4200 ක් පමණ ඇතැයි සැලකෙන අතර ඉන් වඩාත් විහිදුණු ආගම් අතලොස්සක් පමණක් ලොව ප්‍රධානතම ආගම් ලෙස පිළිගැනේ.

ආගම යන්න වඩාත් පුළුල් හැඳින්වීමකට භාජනය කළ යුතු වුවත් එමඟින් මිනිසාගේ සදාචාරය, ආචාර ධර්ම නිර්වචනය කොට මනුෂ්‍යයාගේ මනුෂ්‍යත්ව විශ්වාස හා අගයන් පිළිබඳව නිශ්චිත දැක්මක් සිය භක්තිකයන් හට ලබාදෙන්නක් යැයි කිව හැක. මාක්ස්වාදී සරල අර්ථදැක්වීමට අනුව "ආගම යනු අබින්" යැයි දක්වා තිබීම පසුපස ඇති අර්ථය නම්, මිනිසා භෞතිකව පෙළනු ලබන පීඩාවන් ආගම මඟින් වෙනත් දෘෂ්ඨිවාදයක් ගෙනහැර දක්වමින් එහි සැබෑ භෞතික හේතූන් වසන් කිරීම නිසා සැබෑ සමාජ ප්‍රතිරෝධය මඟහැරවීමට හේතුවන්නාක් බවයි. උදාහරණයක් ලෙස ‍භෞතික සමාජ අසාධාරණත්වය හේතුකොට ගෙන පීඩාවට පත්වන පුද්ගලයෙකු එහි සැබෑ හේතු වලට එරෙහිව කටයුතු කරනවා වෙනුවට "කර්මය" "පාපය" "දේවකැමැත්ත" වැනි දෘෂ්ඨිවාදයන් කරණකොට ගෙන නිශ්ක්‍රීයව කටයුතු කිරීමට පෙළඹීම ය.

ආගම හා මානව පරිණාමය දෙස බැලූ විට "ආගම" යනු ස්වභාවික භෞතික තත්ත්වයන් නිර්වචනය කරගැනීම සඳහා නිර්මාණය කොට ගත් මනෝමූලික ක්‍රමවේදයක් යැයි කිව හැක. එය ආයතනිකගත වීම හා බල දේශපාලනය හා සම්බන්ධ වන්නේ මානව සමාජය තුළ "ආගම" විසින් අත්පත්කරගත් ප්‍රබල ස්ථානය නිසාමය. "ආගම" යනු නිරතුරුවම මානව යහපත, සදාචාරය, මානූෂීය අගයන් ආරක්ෂා කිරී‍ම වැනි පාර්ශවයන් නියෝජනය වන සංකල්පයක් යැයි හඳුනාගනු ලැබුව ද ලෝක ඉතිහාසය තුළ සිදුවූ අතිශය දරුණු අමානුෂික ක්‍රියාවන් සඳහා "ආගම" මූලික වීම පුදුම එළවන සුළුය. ජීවිත බිලියන ගණනක් ආගම් වෙනුවෙන් සිය ජීවිත කැපකොට ඇත. විවිධාකාරයේ දෘෂ්ඨිවාදයන් ඔස්සේ අන්තගාමීන් ලෙස ක්‍රියාකරන පිරිස් වර්තමානයේදී ද අතිශය ප්‍රබල බලපෑමක් සිද්ධ කරමින් සිටිති. රුසියාව බිඳවැටීමත් සමඟම ලෝක බලදේශපාලනයේ සමතුලිතතාව බිඳී ගිය ද, අනෙක් අතට විකල්ප බලය ගොඩනැංවීමක් සිදුවූයේ ආගම මත පදනම් වූ බෙදීම නිසා බව නිරීක්ෂණය කළ හැක.

ප්‍රචණ්ඩත්වය හා ආගම පිළිබඳව වන කතිකාවන්හීදී ප්‍රධානකොටම කියැවෙන්නේ ක්‍රිස්තියානි කතෝලික, ඉස්ලාම්, යුදෙව්, හින්දු වැනි ආගම්ය. ඒවායේ ඓතිහාසික ක්‍රියාකාරීත්වයත්, එකී ප්‍රචණ්ඩකාරී ඉතිහාසය පිළිබඳව ඇති ජනප්‍රිය ඉතිහාසයත් මේ සඳහා හේතු වී ඇති බව පෙනේ. ඒ අතර "බුදු දහම" පිළිබඳව කියැවෙන්නේ අවිහිංසාව හා සාමය රැඳි ආගමක් ලෙසටය.

ආගම් අධ්‍යයන පිළිබඳව සහාය මහාචාර්යවරයෙකු ‍වන මයිකල් ජෙරීසන් [Michael Jerryson] හා කැලිෆෝනියා විශ්ව විද්‍යාලයේ සමාජ විද්‍යාව හා ගෝලීය අධ්‍යයන පිළිබඳ මහාචාර්යවරයෙකු වන මාක් ජූවගන්ස්මියර් [Mark Juergensmeyer] විසින් සංස්කරණය කරන ලදුව ඉදිරිපත් කර ඇති "Buddhist Warfare" නම් කෘතිය තුළ ලෝකයේ බුදුදහම අදහන රටවල් කිහිපයක ආගමික සංස්ථාවන් විසින් යුද්ධ හා ප්‍රචණ්ඩත්වය හිංසාව සඳහා සිදුකරන ලද දායකත්වය පිළිබඳව විමසීමක් කරනු ලබයි.

මෙම කෘතිය තුළට ‍එකිනෙකට වෙනස් ලේඛකයන් විසින් පළකරන ලද පර්යේෂණ ලිපි අටක් ඇතුලත්ව තිබේ. ඒවා මඟින් එකිනෙකට වෙනස් රටවල, ජනකොටස්වල එකිනෙකට වෙනස්‍ බෞද්ධාගමික ප්‍රචණ්ඩත්ව යොමුව පිළිබඳ සටහන් තබා ඇත. ආගම තුළින් සිය බැතිමතුන් තුළ මුල්බැස ඇති ව්‍යූහාත්මක ප්‍රචණ්ඩත්වයන්ගේ මූලයන් වන මූලික බෞද්ධ ඉගැන්වීම් පමණක් නොව ආගම විවිධාකාර සන්දර්භයන් තුළදී එකිනෙකට වෙනස් ලෙස ආගම අර්ථදැක්වීමට තුළින් ප්‍රචණ්ඩත්වය කරා මෙහෙයවී ඇති අවස්ථා ද මෙහි ඇතුලත්ය. බෞද්ධ දාර්ශනික ඉගැන්වීම් තුළින් ප්‍රචණ්ඩත්වය, හිංසාව සඳහා මෙහෙයවෙන බෞද්ධ ඉගැන්වීම් පිළිබඳව ගැඹුරු විග්‍රයන්ද මේ තුළ ඇතුලත් කිරීමට සංස්කාරකවරුන් කටයුතු කර ඇත.

මෙහි එන ප්‍රථම ලිපිය ලියා ඇත්තේ Paul Demiéville විසින් 1957 වසරේදීය. එය ප්‍රංශ භාෂාවෙන් ලියවූවක් වන අතර Michelle Kendall විසින් ඉංග්‍රීසියට පරිවර්තනය කර ඇත. ජපානයේ සිටින වීර භික්ෂූන් [Warrior Monks] විසින් යුධ කාලයන්හීදී දක්වන ලද දායකත්වය මෙම ලිපියෙහි සටහන්ව ඇත. විශේෂයෙන්ම බුදුදහම ඇසුරුකොටගෙන යුද්ධයට මෙම භික්ෂූන්ගේ දායකත්වය දැක්වූ ආකාරය මෙම ලිපියෙහි ඇතුලත්ව ඇත. Stephen Jenkins විසින් ලියා ඇති දෙවන ලිපියෙහි බුදුදහම දර්ශනය පිළිබඳව ලියැවී ඇති ඓතිහාසික ග්‍රන්ථ ඇසුරුකොට ගෙන ඉන් වන ප්‍රචණ්ඩත්ව නැඹුරුව පිළිබඳව විමසීමකට ලක්කරයි. ඓතිහාසික සිදුවීම්, ඒවායේ අර්ථදැක්වීම් හා බුදුදහමේ ක්‍රියාකාරීත්වය පිළිබඳව දාර්ශනික විමසීමක් දක්වා සිය කරුණු ඉස්මතු කිරීමට ලේඛකයා උත්සාහ දරා ඇත. Derek Maher විසින් දාහත්වන සියවසය තුළද ටිබෙටයේ හා මොන්ගෝලියාව ආශ්‍රිතව පැවති යුධ වාතාවරණය පිළිබඳව පස්වැනි දලෙයි ලාමා වරයාගේ සටහන් උපයෝගි කොට ගෙන සිය සටහන් තබා ඇත. බොදු දහම දේශපාලන රාමුවක් වෙත විතැන් වීම හා රාජ්‍ය වෙනුවෙන් බුදුදහමේ පෙනීසිටීම කරණකොට ගෙන යුද්ධය සාධාරණීකරණය කරලීම සඳහා ආගම භාවිතා කිරීම මෙම පර්ච්ඡේදය තුළ සාකච්ඡාවට ගෙන ඇත.

Vesna Wallace විසින් මෙම කෘතියේ සිව්වන රචනාව තුළින් මොංගෝලියාව ඇසුරුකොට ගෙන බුදුදහම හා රාජ්‍යත්වය මුසුවීම සමඟ ඇතිවූ ප්‍රචණ්ඩත්වය සාකච්ඡා කොට ඇත. විශේෂයෙන් අනෙකුත් ආගම් යටපත් කිරීමට රාජ්‍ය බලය යොදා ගැනීමත්, මරණ දණ්ඩනය ක්‍රියාත්මක කිරීමට යොමුවීමත් එහි වැදගත් ලක්ෂණය. Brian
Victoria විසින් ඉදිරිපත්කර ඇති ජපානයේ "සෙන් නැමැති සෙබළා" නැමැති සංකල්පය භාවිතය (මෙහි "සෙන්" යනු "සෙන් බුදුදහමයි") හා එමඟින් යුද්ධය සාධාරණීකරණයක කිරීම වෙනුවෙන් දෘෂ්වාදීමය සහයෝගය ලබාගැනීම පිළිබඳව විවරණයක යෙදේ.

Xue Yu විසින් මෙම කෘතියේ හයවැනි පරිච්ඡේදය තුළ 1951 – 1953 කොරියානු යුද සමයේදී චීනය විසින් ඊට සහයෝගය දැක්වීමත් බෞද්ධ භික්ෂූන් විසින් ඊට ලබාදුන් සහායෝගය පිළිබඳවත් ලියැවී ඇත. විශේෂයෙන් කොමියුනිට්ස්වාදයේ ව්‍යාප්තියත් සමඟම බෞද්ධ භික්ෂූන්ගේ භාවිතාවේ ඒ වෙනුවෙන් වු නැමියාවත්, යුද්ධයට සහයෝගය දැක්වීම සඳහා චීන බෞද්ධ භික්ෂූන් විසින් සිය ජාතිකවාදී අදහස් මෙහෙයවීමත් මෙහි අන්තර්ගතව ඇත.

ඩැනියෙල්. ඩබ්. කෙන්ට් විසින් ලියා ඇති රචනය තුළ ශ්‍රී ලංකාවේ බෞද්ධ භික්ෂුවක් විසින් දමිළ එල්ටීටීඊ සංවිධානය හා යුධවැදී සිටින රජයේ හමුදාව වෙත ධෛර්ය පළකරමින් සිය ධර්ම දේශනා පවත්වන ආකාරය සඳහන්ව ඇත. විශේෂයෙන් බුදුදහම සිංහල ජාතිකවාදය වෙත ලඝුකිරීමත්, හිංසාව වක්‍රාකාරයකින් සාධාරණීකරණය කිරීම මෙහි නිරීක්ෂණය කොට ඇත.

මෙම ලිපි එකතුවේ අවසාන රචනාව "බුදුදහම මිලිටරිකරණය: දකුණු තායිලන්තයේ හිංසනය" නමින් මයිකල් ජෙරිසන් විසින් ලියා ඇත. ඉස්ලාම් ධර්මය හා බුද්ධ ධර්මය අතර දිනෙන් දින තියුණු වන ආගමික ගැටුම් වලට සමගාමීව තායි බුදුදහමේ මිලිටරි යොමුව පිළිබඳ නිරීක්ෂණයන් මෙම ලිපිය තුළ අන්තර්ගතය. බෞද්ධ භික්ෂුන් සෘජුවම හමුදා පුහුණුව වෙත යොමුවීමත්, ඒ හරහා බෞද්ධ හමුදාකරණය පිළිබඳවත් මෙම රචනාව තුළ නිරීක්ෂණය කොට ඇත.

බුදු දහම රාජ්‍ය පාලනය දක්වා විතැන් වීමත්, එහි ජාතිකවාදී මුහුණුවර වඩ වඩාත් ව්‍යාප්ත වීමක් පිළිඳව කතිකාවන් බහුල සමයෙක "බුදුදහම හා මිලිටරිකරණය" පිළිබඳව විද්වත් කතිකාවකට ඉඩසලසන මෙවැනි කෘතියක් කාලීනව ශ්‍රී ලාංකික පාඨකයාට වැදගත් ඉසව්වක් අනාවරණය කරන්නේ යැයි කිව හැකිය. ආගමේ ජාතිකවාදී මුහුණුවරක් ගැනීම ලංකාවට පමණක් සීමා වූවක් නොවන බව මෙම කෘතියේ එන රචනා මඟින් පැහැදිලිව ඔප්පු කොට ඇත.

එක් පසෙකින් ආගමික සදාචාරය නීතිගත කිරීමට උත්සාහ ගන්නා අතරතුර, තවත් පසෙකින් බෞද්ධ සදාචාරයට එරෙහි බාහිර සතුරෙකු පිළිබඳව වන භීතිකාවක් නිර්මාණය කරමින් රටවැසියා වඩාත් පටු මානසික මට්ටමක් දක්වා පෙළගස්සමින් සිටී. සැබැවින්ම විවිධ සන්දර්භයන් තුළ සමාජ විද්‍යාත්මක විග්‍රහයක යෙදෙන එක සමාන ලක්ෂණයන්ගෙන් යුතු භාවිතාවන් බහුලව මෙම කෘතිය තුළින් ඉදිරිපත් කොට ඇත.

සමස්තයක් ලෙස බුදුදහම හා හිංසනය පිළිබඳව එකිනෙකට වෙනස් දිශාවන් ගණනාවක් ආමන්ත්‍රණය කොට ඇති මෙම ලිපි පෙළ වැදගත් කතිකාවක් සඳහා ඉඩහසර ලබා දේ. ලේබල් ගත කොට ඉවත දැමීමට නොව විද්වත් ක්‍රමවේද මඟින් ඉදිරිපත් කෙරෙන මෙම තත්ත්වයන් දෙස විවෘත මනසකින් යුතුව විමසා බැලීම වඩා යහපත් සමාජයක් උදෙසා වන කතිකාවකට තවත් සහයෝගයක් වනු ඇත.
වෙනත් සබැඳි |
Buddhist Warfare [amazon.com]
මේ වියමන ඔබේ මූණු පොතට එක් කරන්න-
Tags- Buddhist Warfare, Edited by Michael Jerryson and Mark Juergensmeyer
පැරණි මාදිලියෙන් ලැබුණු ප්‍රතිචාර-
Ruwan මෙහෙම කියනවා :
ඔය ඔය කියන සුදු මහත්වරුන්ගේ රෙසේර්ච් ඔක්කොම තියෙන්නේ සැප ලබාදෙන අරමුණින්
නමුත් භාග්‍යවත් බුදු රජාණන් වහන්සේ තමයි මේ ලෝකේ පරම සත්‍ය දේශනා කලේ එයය් ආර්ය සත්‍ය
එනම් තණ්හාව උපාදානය හේතු කරගෙන භාවය හටගන්නවා එනම් විපාක පිණිස කර්මය සකස් වෙනවා
ඒ ඒ කර්මය ඇලීම ගැටීම හෝ මුලාව හේතුකරගෙන හටගත් නිසා . අනිත් දේ අමතක කරන්න එපා තව නියම ධර්ම
4ක් තියනවා. අවිද්යවය් විද්යවය් කියන්නේ දෙකක් මෙදෙක පටලගත්ත කෙනා අතම සිය දහස් ගණනින් උපදිනවා
ඒ තරමට දුකමය් විඳින්නේ රුස්සිඅ උනත් අමෙරිcඅ ෆ්‍රන්cඑ උනත් කොහේ උනත් දිකින් නම් නිදහස් වෙන්න බැහැ.

ඔය පොතක් අරගෙන ලියන්න මතුකාවක් හොයන්න කියල සුත්‍ර දේශනාවකින් කෑල්ලක් අරගත්තට වැඩක් නැහැ එක
තමුන්ටවත් අනුන්නටවත් ප්‍රයෝජනයක් නැහැ. අනිත් දේ බුද්ද දර්ශනය ඔය විදියට ගන්න එපා ඔයාට අවශ්‍ය වෙලාවට
සුළු සහනයක් ගන්න බැරි තරමට ඔයාගේ හිත ඔඋටොෆ් ෆොcඋස් වෙනවා. එක ඔයාගේ අහිත පිණිස මය පවතින්නේ.


කිවුව වෙලාව- 2011-08-23 03:18:17
maura paala මෙහෙම කියනවා :
බසරාවො, කියන්නේ බූන්ඩියට එනවානම් බටහිර කුනු කන්ඩල් ඉස් මුඩුනින් පිලි ගන්න ඔන කියලඩ? බටහිර පඩය සුවඩයි කියන එකා දියුනු, නෑ කියන එකා නොදියුනු පොන්නයා..

කිවුව වෙලාව- 2011-08-14 11:24:02
Abepala A. Liyanage මෙහෙම කියනවා :
baudda biksun tika denekui balalobee palakayangei kriyakarakam uputadakwamin porawal weemata hadana baudda wirodeenta sanka dana ho nodena udagedi denawa. Ohuge udrutaya ara kiyana porawalwalwalata uttaradenawa.

කිවුව වෙලාව- 2011-05-27 02:46:20
Basarov මෙහෙම කියනවා :
බුදු දහම මිලිටරිකරනය පිලිබද රිසර්ච් කරනව වගේම සුස්ති ගුනේ, ගොටයිම්බර වගේ අය බූන්දියට අවිල්ලත් නොදියුනු මිනිසුන් වගේ හසිරෙන්නෙ මොකද කියල හොයන රිසර්ච් එකක් කරනව නම් ඉතා වදගත් වේවි. සමහරවිට මේ බුදු දහම මිලිටරිකරනය පිලිබද රිසර්ච් එකටත් වඩා............

කිවුව වෙලාව- 2011-05-27 00:40:59
සූස්ති ගුණේ මෙහෙම කියනවා :
අනේ බොල හඩු සංකයො, ආගම අබිං වෙච්ච ඔය බොසාලට මොන බුද්දාගමද?

කිවුව වෙලාව- 2011-05-26 12:33:41
ප්‍රියාන් ආර් විජේබණ්ඩාර මෙහෙම කියනවා :
maru article eka machan..digatama liyapan..

කිවුව වෙලාව- 2011-05-26 10:47:47
ක්‍රිශාන් මෙහෙම කියනවා :


කිවුව වෙලාව- 2011-05-25 02:17:48
sudumalli මෙහෙම කියනවා :


කිවුව වෙලාව- 2011-05-22 21:12:12
ගෝඨයිම්බර මෙහෙම කියනවා :
ඔව් ඉතින් මෙහෙ ඉන්න පාන් කන බූරුවන්ට සුද්දෙක් පඩයක් ඇරියත් ඒකත් සුවදයි නේ

කිවුව වෙලාව- 2011-05-22 09:00:56
Kavindu Ediriweera මෙහෙම කියනවා :
adorable!!! Huge Like for this!!

කිවුව වෙලාව- 2011-05-20 22:44:58
මහරජ තාරක මෙහෙම කියනවා :
උඩුගන් බල පිහිනන අතලොස්ස අතින් බිහිවෙන්නේ ඉතා හරවත් දේවල් ...මෙය ගොඩක් කාලිනයි... පැහැදිලිවම අච්චු ගහල බෙදන්න වටිනවා කොටුව ඉස්ටේසම ලග...

කිවුව වෙලාව- 2011-05-20 04:50:28
වරුණ මෙහෙම කියනවා :
ඔබේ අදහස් ඉතා විශිෂ්ටයි.. තවත් ලියන්න. අපේ රටේ බහුතරයක ට මේවා වැඩි බන වගේ.. එත අතහරින්න එපා.. දිගටම යන්න.

කිවුව වෙලාව- 2011-05-20 00:28:19
සෝපාක මෙහෙම කියනවා :
හොඳයි... හරි අගෙයි... අච්චු ගහලා පොතේ කොපිය ගානෙ ලන්කාවෙ ගෙවල් වලට බෙදන්ඩ ඕනෙ

සෝපාක


කිවුව වෙලාව- 2011-05-19 20:57:48
Ferni Alwis මෙහෙම කියනවා :
"යුධ පිටියේ මිය යන සොල්දාදුවන් දිව්‍යලෝකයේ නැවත උපදිනවාදැයි එක් යුධ වීරයෙක් විසින් බුදු රජාණන් වහන්සේගෙන් විමසයි. ඊට පිළිතුරක් නොදුන් බුදුන් වහන්සේ නිහඬව සිටිසේක. පිළිතුරක් නොලද හෙයින් නැවත වරක් එම යුධ වීරයා විසින් එම ප්‍රශ්ණයම බුදුන් වහන්සේගෙන් අසනු ලබයි. ඒ අවස්ථාවේද උන්වහන්සේ නිශ්ශබ්දව සිටි‍ සේක. තෙවැනි වරද එම ප්‍රශ්ණයම විමසන ලදුව බුදුන් වහන්සේ විසින් පිළිතුරක් ලබාදෙන ලදී. යුධ පිටියේ මියයන සොල්දාදුවන් දිව්‍යලෝකයේ උපත නොලබයි. ඊට හේතුව යුධපිටියේ මියයන සොල්දාදුවන් විසින් මියයන මොහොතේදී වැළැක්විය නොහැකි ලෙස වෛරයත්, වේදනාවත් හැඟීම් දරණ නිසාවෙන් ඒ හැඟීම් වලට අනුව ඔවුන් අපායේ උපත ලබන බව උන්වහන්සේ දේශනා කළ සේක." (සංයුක්ත නිකායේ Xළෛඓ වැනි යෝධාජීව සූත්‍රය.)

මෙවුව ලන්කවෙ ඉන්න බත් කන බූරුවො දන්නෙ නැහැ..


කිවුව වෙලාව- 2011-05-19 02:22:50
isuru chamara somaweera මෙහෙම කියනවා :
ඉතාම සිත් ගන්න ලිපියක්. කාලෝචිත මාතෘකාවක් ගෑන අපූරුවට ලිව්වට ස්තූතියි සහෝදරයා.

කිවුව වෙලාව- 2011-05-19 02:07:02
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංඛ කිරිඳිවැලගෙන් තවත් වියමන්
Cine
ආලෝකය නොදිටිමි!
අදහස්
දඩ ගැහුවම අවිචාරේ- මල් පිපෙයිද මහ පාරේ?
වෙසෙස්
ට්‍රම්ප්...!
වෙසෙස්
Brexit- සමුගැනීමේ මොහොත, ඉන් එපිට සහ මෙපිට
අදහස්
අපචාර වින්දනයේ සිට එල්ලුම් ගස් සුරතාන්තය දක්වා
තවත් වෙසෙස් බූන්දි
මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා
ටෙඩිබෙයා සහ ස්ත්‍රී ලිංගිකත්වය
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
මුතුරාජවෙල වනසන්නට පෙර
බූන්දි නව ඊමේල් ලිපිනය- editorial@boondi.lk
BoondiLets
චේ කියයි.
නිර්ධන පංතිය නිරාහාරව, පීඩාවට පත්ව සිටින විට ධනපති පාලකයා සුඛෝපබෝගීව ජීවත් වේ. සියළු ධනපති බලවේගයන්ගේ සහයෝගය ලබමින් පාලකයා සිය ආරක්ෂාව තර කර ගනී. ජාතික විමුක්තිය,... [More]
What's New | අලුතෙන්ම
කතන්දර| "කළු කිටියා හරි නරකයි"- ළමා කතන්දරය [වීඩියෝව]

27-Secs

අනුෂ්කා රවිශංකර් පොඩිත්තන් වෙනුවෙන් රචනා කළ, ප්‍රියා කුරියාන් සිත්තම් කළ, "It's All the Cat's Fault!" සිඟිති කතන්දරය ඇසුරින් හැදූ කාටූනය.... [More]
ඔත්තු| 'තට්ට ගායිකාව' කෘතිය දොරට වැඩුම- සැප්. 2

1-Mins

රුමේනියානු- ප්‍රංශ අභූතරූපී නාට්‍ය රචක යූජෙන් ඉයොනෙස්කෝගේ La Cantatrice Cahuve හෙවත් The Bald Soprano නාට්‍යයෙහි... [More]
ඔත්තු| නේරංජනේ ඉස්නානේ- අගෝ. 29

16-Secs

2000 වසරේදී අතිශය ආදෝලනයට මෙන්ම නොනිල තහනමකට ලක්වූ කේ. කේ. සමන් කුමාරගේ 'නේරංජනේ ඉස්නානේ' නවමුද්‍රණය,... [More]
පොත්| සමහර කමටහන් සහ සමහර රජත

8-Mins

(ඩිල්ෂානි චතුරිකා දාබරේ) ශ්‍රී ලංකා පොත් ප්‍රකාශකයන්ගේ සංගමය විසින් පිරිනැමෙන 2016 වසරේ ප්‍රකාශිත ප්‍රශස්තත ම කාව්‍ය කෘතිය සඳහා වන රජත සම්මානය පසුගිය දා... [More]
කවි| An Attacked Mosque alias Sutta Palli

40-Secs

(ෆතීක් අබූබකර්) Poem embeds the same boy
twenty sixth time
into the memory of an attacked mosque
where thousand eyes of misery
are wide-opened scars... [More]
කතන්දර| රා ත්‍රි ය

2-Mins

(අරුශිමා කරුණාකලගේ ) ඒක හුඟක් කෙටි රාත්‍රියක්... මට උවමනා වුනේ ඒ රාත්‍රිය නවත්තන් ඉන්න... ඉවරයක් වෙන්න නොදී... අපි වෙනදා වගේම අසුන් ගත්තේ බිම... [More]
වෙසෙස්| මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා

7-Mins

(කපිල මහේෂ් රාජපක්ෂ) සේද මාවත පසුකර රුවල් නැවෙන් වෙළදාමේ ගිය වෙළෙන්දා විසිතුරු ඇඳුම් ආයිත්තම් මහද්වීපයෙන් මහද්වීපයට ගෙන ගොස් වෙළදාමේ යෙදුණි. ඒ යුගය වන... [More]
රත්තරං ටික| දේශපාලන කිණිතුල්ලෝ

1-Mins

(සුනන්ද මහේන්ද්‍ර) සෝමෝසයේ වැසියෝ අත් පා බඳින ලද මිනිසෙකුට කුරිරු ලෙස තලමින් රංග භූමියට පිවිසෙති. ඒ මිනිසා... [More]
රංග| ඇරිස්ටොෆනීස් -සම්භාව්‍ය කොමඩියේ පියා- සහ ඔහුගේ කෘති

4-Mins

(සංජීව නුවන් ගුණරත්න) ශ්‍රේස් දෙවඟනාවෝ, සදාකාලික නිවහනක් සොයා යද්දී එය සොයා ගත්තේ ඇරිස්ටොෆනීස්ගේ ආත්මයෙහිය.
-ප්ලේටෝ- මධුසාදය- ඩී.ආර්.පෙන්නම්පෙරුම පරිවර්තනය

ඇරිස්ටොෆනීස් ක්‍රි.පූ. 444 දී ඇතෑන්ස් නගරයේදී උපත... [More]
රත්තරං ටික| ධනේශ්වරයේ නැගීම- කොමියුනිස්ට් ප්‍රකාශනයෙන්

2-Mins

ධනපති පංතියේ යුගය වන අපේ මෙම යුගයට අයත් විශේෂ ලක්ෂණය නම් එය පංති ප‍්‍රතීඝතය සරල... [More]
පරිවර්තන| ආත්මීය කුණාටුව

13-Secs

(එමිලි ඩිකින්සන් | මාලතී කල්පනා ඇම්බ්‍රෝස්) පහර දුනි එය මට, හැමදාම
නැවුම් විය අකුණුසර,
වලාවක ක්ෂණික විවරයකින්
විහිදුවන ගින්නක්ව

දැවී එය මා රෑ කල... [More]
පරිවර්තන| පීඩිතයෝ

47-Secs

(එදුවාර්දෝ ගලියානෝ | මහේෂ් මුණසිංහ) බල්ලෙකු මිලට ගැනීමට මැක්කෝ සිහින දකිති
බඳුන් පිරෙන්නට වාසනාවේ වැසි වැටෙතැයි
පීඩිතයෝ සිහින දකිති

එහෙත් වාසනාවේ වැසි නම් නොවැටෙයි
ඊයේ නොවේ අද, හෙට, අනිද්දා කවදාවත්... [More]
කතන්දර| "හඳහාමී මගෙ යාලූ"- ළමා කතන්දරය [වීඩියෝව]

27-Secs

රෝහිණී නිලේකානි පොඩිත්තන් වෙනුවෙන් රචනා කළ, "The Moon and The Cap" සිඟිති කතන්දරය ඇසුරින් හැදූ කාටූනය.

Sinhala Translation of... [More]
කවි| තාත්තේ කෝ ඔය ඉදිමුණ අත දෙන්න....

46-Secs

(තුෂාරිකා ඇන්තනි) කැණියුලාවේ ඵලක් නොමැති බැල්මත්
බෙහෙත් විද දෙන
නිමා නැති රුදුරු රිදුමත් නවතා
මට පුළුවනි ලොවම අතැ'ර
රෝගී ඔබ අත පිරිමැද මැද
ඔබ ළඟම ගැවසී... [More]
කතන්දර| "රජ්ජුරුවෝ කෙට්ටු වෙලෝ"- ළමා කතන්දරය [වීඩියෝව]

24-Secs

පරිස්මිතා පොඩිත්තන් වෙනුවෙන් ලියා සිත්තම් කළ, "Fat King Thin Dog" සිඟිති කතන්දරය ඇසුරින් හැදූ කාටූනය.

Sinhala Translation of the Kids... [More]
ඔත්තු| "රාජ්‍ය සේවකයාට සමාජ මාධ්‍ය අකැපද?" කතිකාව- ජූලි 26

12-Secs

"මූණුපොතේ කවි ලියූ ගුරුවරයාට දඬුවම් කිරීම -වර්තමානයෙන් අනාගතයට- රජයේ සේවකයාට සමාජ මාධ්‍ය අකැපද?" යන මැයෙන්... [More]
වෙසෙස්| ටෙඩිබෙයා සහ ස්ත්‍රී ලිංගිකත්වය

5-Mins

(ඩිල්ෂානි චතුරිකා දාබරේ) ප්‍රවේශය

ප්‍රාථමික අවධියේදී ගැහැණු ළමුන් රුචි කරනුයේ තම අනුරුව දරන බෝනික්කන්ටය. අනාගතයෙහි වීමට අපේක්ෂිත මාතෘ සංකල්පයට සිය කුටුම්භ කාරකාදීන් සහ පොදු... [More]
ඔත්තු| කොළඹ නාට්‍ය කතිකාව නව මුහුණුවරකින්- ජූලි 25

39-Secs

ඉන්ටර් ඇක්ට් නාට්‍ය කණ්ඩායම පසුගිය වසර පුරා පවත්වාගෙන ආ කොළඹ නාට්‍ය කතිකාව නව මුහුණුවරකින් මේ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook