Facebook
Twitter
Google+
YouTube
Blog
RSS Feed
ගී කිය(ව)මු
"සඳකඩ පහණක කැටයම් ඔප ලා" ගීතයක් ද?
බූන්දි, 17:13:11
සුනිල් එදිරිසිංහයන් "මාතර ආච්චි" චිත්‍රපටයට ගැයූ වික්ටර් රත්නායකයන්ගේ සංගීතයෙන් පෝෂිත වොලී නානායක්කාර ලියූ මේ ගීතය රසික විද්වත් දෙපාර්ශ්වයෙන් ම දහස් වර ප්‍රශංසනයට පාත්‍ර වූ එකකි. "මේ ගැන තවත් කුමක් නම් කතා කරන්නේදැයි" ඔබ සිතනු ඇත. මෙය අද දවසේ කළ යුතු ම එකකැයි මම සිතමි. මගේ රටේ ප්‍රවීණයන් විද්වතුන් හා රසිකයන් විසින් එතෙක් මෙතෙක් පවත්වා ගෙන යන ලද්දා වූ චාරිත්‍රයක් වෙයි. ඒ නම් අනුචිත ප්‍රවීණ වන්දනා මානයයි. වැඩිහිටියන් ජේ්‍යෂ්ඨයන් බහුමානයට ලක්කිරීම ප්‍රගතිලෝලී යුක්තිගරුක සමාජය විසින් පිටු දක්නා ලද්දක් නොවේ. අනුදක්නා ලද්දකි. එසේ වුවද එය අවිචාරයෙන් කළ යුත්තක් ද නොවේ.

අගෝචර ප්‍රවීණ වන්දනාව නිසා අප අහිමි කර ගනිමින් සිටින දෑ බොහෝය. විඳගැනීමට සිදුවී ඇති අලාභයන් ද බොහෝය. ගායකයෝ ද රචකයෝ ද පදනම් විරහිතව උස් අසුන් ගෙන සිටිති. ගෞරවයේ වලංගුභාවයත්, තේජවන්තභාවයේ අසිරියත් කරණ කොට ගෙන අපි වරදක් දුටුවද එරෙහිව කටක් නොඅරිමු. මේ චාරිත්‍රයෙන් නිර්මාණයක සැබෑ සෞභාග්‍යය දැක ගැනීමේ අවකාශය වැසී යයි. දෝෂය අනුමත වෙයි. මේ දුෂ් ප්‍රවණතාව නුදුරේදී නිමා විය යුතුය. නිමාව කොතැනින් හෝ ඇරඹිය යුතුය. සාහිත්‍ය කලා අඩවියේ සශ්‍රීකත්වය උදෙසා වන යත්නයක් බැවින් සංවර්ධන ලෝලී පාඨකයාගෙන් තමාට සමාව ලැබෙතැයි ලියුම්කරු සිතයි.

සම්මත පද සාධන රීති හා වියරණය අනුව ලියන්නේ නම් යම් වැකියක් බහු අර්ථ නූපදවයි. මෙය කවියට ද ගීත රචනයට ද ගද්‍ය ලේඛනයට ද එකසේ අදාළ වෙයි. "රට සෙමෙන් වැනැසෙයි" යන වැකිය ගනිමු. මෙහි අරුත් දෙකක් නැත. ඇත්තේ එකකි. යම් වැකියක් බහු අරුත් නගන්නේ නම් ඊට හේතු දෙකක් දැක්විය හැකිය.

1. වැකිය සම්මත පද සාධන නීති නොසලකා ලියා තිබීම.
2. උත්තර ලේඛකයා විසින් ව්‍යංගාර්ථ නගන සේ පද සංස්කරණය කර තිබීම.


ඉහත පද රචනයේදී මින් දෙවැන්න ඉවත් කළ හැකි බව පෙනෙයි. මේ ගීත රචනය දෙදෙනෙකුට දෙයාකාරයකින් වැටහී යා හැකිය. එසේ වෙතොත් වනුයේ පළමුවන හේතුව එනම් පද සාධන රීති දෝෂය නිසයි. එබැවින් රචනයේ පද වින්‍යාසය අනුව යමින් අරුත් කියන්නට අපට සිදු වේ. එවිට ලේඛකයාට ඒ ගැන එක එක අදහස් ප්‍රකාශ කිරීමේ අවකාශය වැළකී යයි. "මං කීවේ මෙහෙමයි" කියා ඔහුට බේරෙන්නට බැරි වෙයි. එබැවින් රචනයේ පද සංයෝජනයේ අනුසාරයෙන්ම අරුත් කීම නිවැරදි වෙයි.

මේ ගීත රචනය උදෙසා මා කියන්නේ එහි පද වියමනෙන් නිවේදනය වන අරුත්ම පමණි. එබැවින් "එය එසේ නොවේ මෙසේ යැයි" කියන්නට වෙනත් අයෙකුට හැකි වෙතොත් ඔහු ඊට පිළිගත හැකි සාධක දැක්විය යුතු වෙයි. මේ සාධක සම්මත භාෂා න්‍යාය ධර්මයන්ට අනුකූල විය යුතු ද වෙයි.

"සඳකඩ පහණක කැටයම් ඔප ලා" නම් වූ ගීතය තරම් අර්ථ සම්පත්තියෙන් විමුක්ත වූ පද රචනයක් මෑත කාලයේදී සොයා ගැනීම දුෂ්කරය.

"සඳකඩ පහණක කැටයම් ඔප ලා
පාවෙන දේදුනු ලැගුම් ගනී
කැලැතුණු රසයක පැන ආ බුබුළක්
අකුරු වැලක් දෙහදක ලියැවේ

යුගයෙන් යුගයට නොමියෙන දහනක
දිවියක පදනම මතු වෙද්දී
නොපෙනෙන ඈතට ඈ ගෙන යනවා
සියුමැලි කැකුළක් මැලැවෙද්දී"


"සඳකඩ පහනක කැටයම් ඔප ලා - පාවෙන දේදුනු ලැගුම් ගනී" මේ කුමක්ද? "දේදුනු ලැගුම් ගනී" යන්න නව්‍ය ප්‍රකාශයකි. එය අලුත් හැඟුම් ඇති කරයි. එහෙත් මේවා "පාවෙන දේදුනු" වෙයි. මැකී යන හා පායන දේදුනු ඇතත් "පාවෙන දේදුනු" ඇත්තේ කොහේද? මේවා දුටහොත් කුඩා ළමයින් මතු නොව අප ද බියපත් වනු ඇත. දේදුන්න සඳකඩ පහණට හැඩ රුවින් සමානය. එහෙත් මේ දේදුනු ලැගුම් ගන්නේ මේ අශ්ව ගව රූපාදිය ඔපලමිනි. මනහරය. දැන් දෙවැනි පියට යමු.

"කැලැතුණු රසයක පැන ආ බුබුළක් අකුරු වැළක් දෙහදක ලියවේ." අරුත් මෙසේය.

රසයක් කැලැතෙයි. ඉන් බුබුළක් පැන නඟී. ඒ බුබුළ ද අකුරු වැළක් ද දෙහදක ලියැවෙයි. බුබුළු දමමින් කැලතෙන රසයකින් එක් බුබුළක් ඉවත පැනනඟී. එය ලියැවෙන්නට හදවත් දෙකක් ළඟට එයි. එහිදී අකුරු වැළක් ද හමුවේ. දෙගොල්ලෝම හදවත් දෙකේ ලියැවෙති. එසේ ලියැ වුණු පසු හදවත් දෙක බලා ගැනීමට යම් ඉඩක් ලැබුණොත් එහි ස්වභාවය අනුමාන කළ හැකි වන්නේය. අර තරම් වර්ණිත දේදුනු දැන් කොහේවත් නැත. ඒවා එහි තිබියදී අකුරු වැළක් විත් හදවත් දෙකක ලියැවෙයි. වැළෙන් බාගයක් එක් හදකය. එනෙක් බාගය අනෙකේය. සුන්දර නැද්ද?

"යුගයෙන් යුගයට නොමියෙන දහනක
දිවියක පදනම මතු වෙද්දී
නොපෙනෙන ඈතක ඈ ගෙන යනවා
සියුමැලි කැකුළක් මැලැ වෙද්දී"


මේ ප්‍රේමවන්තයා නුවණැත්තෙකි. ඔහු ආවාට ගියාට කෙල්ල අරන් යන්නේ නැත. යන්නේ "දිවියක පදනම මතු වෙද්දී" ය. එය ඉතා හිතකර ක්‍රියාවකි. රැකියාවක් ලැබී ඇති බවින් (දිවියක පදනම මතු වූ ඇත.) දැන් ඈ ගෙන ගිය හැකිය. මේ රක්ෂාව තරුණයාට ලැබෙන්නේ කොහේදී ද? "යුගයෙන් යුගයට නොමියෙන දහනක" දීය.

කෙතෙක් යුග පසු කළ ද අමරණීය වූ (රජ) දහනකි. එය නිර්වාණය හෝ ස්වර්ගය හෝ විය යුතු බවට සැකයක් තිබිය නොහැකිය. නිවනේ ජොබ් එකක් ලැබීම නිකම් නිවන් යනවාට වැඩි එකකි. නිවනට පිවිසීම හැරුණු විට එහි රැකියාවක් සුරක්ෂිත කර ගැනීමට හැකි වීමටත් වැඩි භාග්‍යයක් මනුෂ්‍යයෙකුට තිබිය නොහැකිය. ඈ ද එහි යන්නට වරම් ලබයි. එහෙත් ඈ ගෙන යද්දී "සියුමැලි කැකුළක් මැලැවෙයි" මේ සියුමැලි කැකුළ තරුණියගේ ලාබාල නැගණිය විය යුතුය. අක්කා ස්වර්ගයට ගෙන ගියද මේ සිඟිති දැරිය ශෝක වීම පුදුමයක් නොවේ. එහිදී රචකයා නිර්දෝෂී වේ.

"දහසක් පෙති මත රහසක් කොඳුරා
තුඩින් තුඩට ගෙන යන බින්දූ
ගව්වක් ඉහළට ගොනු කොට රඳවා
පොපියන කැකුළක් එහි කැන්දූ

අහසක් ගුගුරා කළුවක් වපුරා
ඒ හ මුසුවෙන වැහි බිංදූ
ඈගෙන යද්දී නටබුන් අතරෙක
තවකෙක් ඈ වෙත හද රැන්දූ"


වෙනත් යම් පෙම්වතෙකුට කරනවා තබා සිතීමටවත් දුෂ්කර වන විශ්මිත ප්‍රාතිහාර්යයන් සමූහයක් සිදු වන්නේ මින් ඉක්බිතිවය. ප්‍රථමයෙන්ම දහසක් පෙති මත රහසක් කොඳුරනු ලබයි. ලොවේ යම් තැනෙක "තුඩින් තුඩට ගෙන යන බින්දූ" සමූහයක් තිබේ. මේ බින්දු සමූහය දෑත් ගොනු කොට ගව්වක් ඉහළින් රඳවනු ලබයි. මේ සුපර් සොනික් ජෙට්යානයක් සාමාන්‍යයෙන් යන උසටත් වඩා ඉහළ තැනක් බව සිහිපත් කර ගැනීමෙන් පෙළහරේ තරම දැන ගත හැකිය. දිගු පුළුලින් නිමක් දැක්ක නොහෙන්නාව වූ නීලාකාශයේ ගව්වක් තරම් ඉහළ තැනෙක රඳවනු ලැබූ, ගොනු කොට ගත් බින්දු සමූහය වෙතට ඊ ළඟට කැන්දාගෙන එන්නේ කුමක්ද? පොපියන දෙතොලකි. පොපියන හෝ නොපොපියන දෙතොළක් පමණක් සිරුරේ අනෙක් අවයවයන්ගෙන් වෙන් කොට ගත නොහැකිය. එබැවින් මේ අසිරිමත් ගීත රචකයා අපට අඟවන්නේ ඒ දෙතොල් සහිත ඇය ගුවන් තලයේ ප්‍රස්තුත උත්තුංගස්ථානය වෙත ප්‍රවාහනය කළ බවය. අර තරම් උසෙක බින්දු ටිකක් ගොනු කොට එහි ස්ත්‍රියක් රැඳවීම බුදුන්වහන්සේගේ යමා මහ පෙළහරින් පසුව සිදු කරන ලද විශ්මිතම ආශ්චර්යය බව කිව යුතුව තිබේ. මේ පාර භෞතික ප්‍රාතිහාර්යයයෙන් පසු නොනවතින රචකයා අනතුරුව ඉහත පෙළහරට කිසි ලෙසකිනුත් නොපරදන භාෂා ප්‍රාතිහාර්යයකට ද යයි. ඒ තමන් ආරම්භ කළ වැකිය ඉවර නොකොට මඟ නවතා වෙනත් වැකියක් ඇරඹීමය. සිංහල සාහිත්‍ය වංශ කතාවේ එතෙක් මෙතෙක් කවර හෝ කෘතියක අන්තර්ගත නොවූ මේ බස් නියර අප ප්‍රථමවරට හඳුනා ගන්නේ මේ ගීතයෙනි. මෙය නිදර්ශනය කළ හැක්කේ පහත දැක්වෙන අයුරිනි.

"බල්ලා බත්
කෙල්ල දියට යයි"
වැන්නකි.

අප විසින් මුලදී කියවනු ලැබූ අනුපමේය වර්ණනයෙන් විභූෂිත ළඳ ගුවනේ එතැන් හිම සිටියදීඅහසක් ගුගුරා කළුවක් වපුරා ඒ හා වැහි බින්දු මුසුවෙයි. මෙහි "ඒ හා" යන්න අවධාරණය විය යුතුය. ඒ නම් අන් කිසිවක් නොව අර ඉහළ අහසේ ගොනුකළ බින්දු සමූහය වෙත පැමිණි ළඳයි. දැන් ඒ ළඳ සමග වැහි බින්දු මුසුවෙයි. සාරාංශය මෙබඳු වෙයි. (ඉතා සංකීර්ණ ක්‍රියාවලියක් වන බැවින් පාථකයාට මෙහි සාරාංශය සකස් කර ගැනීම දුෂ්කර විය හැකිය. එබැවින් මම ඔබට උදව් කරමි.)

"බින්දු සමූහයක් ගව්වක් ඉහළ අහසේ තැනෙක ගොනු වෙයි. එතැනට පොපියන දෙතොළක් සහිත ළඳක් කැඳවනු ලබයි. අහසක් ගුගුරා වැහි බින්දු ඇද හැලෙයි. ඒ වැසි බිඳු ලිය ද බින්දු සමූහය ද හා මුසුවෙයි."

මේ සානුකම්පිත ව්‍යාඛ්‍යානය ගීත රචකයා ලියන්නට සිහිනෙකිනුදු අපේක්ෂා කළ එකක් විය නොහැකිය. එසේ නම් මේ වී ඇත්තේ කුමක්ද? සිතට එන සිත් කළු ඡේදයන් හා පදයන් අවිචාරයෙන් එකට ඇමිණීමේ අනිටු ප්‍රතිඵල මෙසේ වේ. මෙය පිස්සාගේ පලා මල්ල වැන්නකි. පිස්සා වර්ණවත් වීදුරු කටුවක් දුටුවහොත් එය ඇහිඳ මල්ලේ ලා ගනී. ඇණයක් මුරිච්චියක් වර්ණවත් කොළ කෑල්ලක් හෝ වයර් කැබැල්ලක් දුටු විට ද ඇහිඳී. තමාට වටිනා යයි හිතෙන සියල්ලෙන්ම මල්ල පිරී ඇත. මේ ගීත රචකයා ද එවැන්නෙකි. "පොපියන තොල්, නොමියන දහනක, රහසක් කොඳුරා, ලැගුම් ගන්නා දේදුනු, කැලැතුණු රස, පැන ආ බුබුළක්, අකුරු වැළක් දෙහදක ලියැවේ" ආදිය මේ රචකයාට මියුරු ඡේද වෙයි. ඔහු මේවා එකිනෙක ගැටගසා ගීතයක් ලියයි. ඉහත ගීතය නිර්මාණය වූයේ එසේය. මේවා අප මතු මාලයේ ලා සලකන ගීත නම් ඒ ගී රස විඳිනවාට වඩා වල් වැද දිවි තොර කර ගැනීම වඩා අගනේය. වික්ටර් රත්නායකයන් මීට මධුර ශබ්දාලේපනය කරති. සුනිල් එදිරිසිංහ මෙයට සිය කර්ණාලෝලී මියුරු කටහඬ සම්ප්‍රදානය කරයි.

මනහර වර්ණාලේපයෙන් සුසැදි දළ මැටියෙන් කම් කළ ළමයෙකුගේ වැඩක් බඳු පිළිරුවක් මෙන් මේ ගීතය මට දිස්වෙයි. මේ රමණීය ගීතය ගායක සංගීතඥ දෙපළට අයිතිය. රචකයාගේ සම්ප්‍රදානයක් ඇත්තේ ම නැති තරම් වන බැවිනි. අපතේ ගිය සංගීත හා ගායන කෞශල්‍යයකට උත්තර නිදර්ශනයක් සැපයීම හැරුණු කොට මේ ගීතයෙන් සිරිලක මියැසි අඩවියට පත් වූ ශාන්තියක් නොමැති බව සඳහන් කොට තබමි. ගීතයේ ඉතිරි කොටසට වියනක් සැපයීම මම අත්හළෙමි. එහි විනිශ්චය පාඨක සංවේගය උදෙසා මම ඉතිරි කරමි. ඉතිරි කර විඩා නිමා ගනිමි.

[2008 මාර්තු 08- රාවය]

[ගීතය අහන්න.]
මේ වියමන ඔබේ මූණු පොතට එක් කරන්න-
Tags- Sandakada Pahanaka Katayam Opala, Volly Nanayakkara, Victor Rathnayake, Sunil Edirisinghe, Maathara Achchi Sinhala Movie, Ravaya
පැරණි මාදිලියෙන් ලැබුණු ප්‍රතිචාර-
Paradox මෙහෙම කියනවා :
$සඳකඩ පහණක කැටයම් ඔප ලා
පාවෙන දේදුනු ලැගුම් ගනී$
සඳකඩ පහණ - ඉතා දැඩි, කාලයත් සමග වෙනස් නොවෙන දෙයක් - පිරිමියා සහ ඔහුගේ ආදරය
දේදුන්න - අලංකාර, ඉතා ඉක්මණින් වෙනස් වන දකින්න ලැබෙන තැන කලින් කිව නොහැකි දෙයක් - ගැහැණිය සහ ඇයගේ ආදරය
කවියා දකින ලෙස එම දේදුන්නට හැකියි එතරම් දෘඩ සඳකඩ පහණ තුල නොමැකෙන කැටයම් මවන්නට - ගැහැණියකට හැකියි පිරිමියකුගේ හදවත තුළ මිහිරි මතකයන් සදා නොමැකෙන ලෙස ඇති කරන්නට

$කැලැතුණු රසයක පැන ආ බුබුළක්
අකුරු වැලක් දෙහදක ලියැවේ$
කැලැතුනු රසය- ආදරය, රාගය, මිත්‍රත්වය, බැඳීම් - ආදරය කරන දෙදෙනෙක් තුල ඇතිවන හැඟීම්
පැන ආ බුබුලක් - හදිසියෙන් බලාපොරොත්තු නොවූ ආකාරයට දෙදෙනෙක් අතර ආදරයක් ඇතිවීම
අකුරු වැලක් දෙහදක ලියැවේ- ආදරය නම් වූ බැඳීම දෙහදක් තුල ඇතිවීම

$යුගයෙන් යුගයට නොමියෙන දහමක
දිවියක පදනම මතු වෙද්දී$
ආදරය නම් වූ යුගයෙන් යුගයට නොමියෙන ධර්මතාවයේ කෙලවර වූ විවාහය ගැන බලාපොරොත්තු ඇතිවෙද්දී
$නොපෙනෙන ඈතට ඈ ගෙන යනවා
සියුමැලි කැකුළක් මැලැවෙද්දී$
බලෙන් එම ආදර සම්බන්ධය කඩා දමා වෙනත් විවාහයකට යාමට පෙම්වතිය හට බල කරයි. පෙම්වතා සිය පෙම්වතිය දකින්නේ සියුමැලි මල් පොහොට්ටුවක් (තවම නොපිපුන) ලෙසයි.

$දහසක් පෙති මත රහසක් කොඳුරා
තුඩින් තුඩට ගෙන යන බින්දූ$
ඉතා වෙහෙස වෙමින් මල් සිය දහස් ගණනකින් තුඩට එකතු කරගත් මී මැස්සෝ තම වදය බඳිති. - පෙම්වතා තම පෙම්වතිය වෙනුවෙන් කරන්නා වූ කැප කිරීම පිළිබිඹු කරයි.
$ගව්වක් ඉහළට ගොනු කොට රඳවා
පොපියන කැකුළක් එහි කැන්දූ$
එසේ ගෙන ආ පැණි බිඳු උසක බැඳි මී වදයක තැන්පත් කරනුයේ ඒවා ප්‍රවේශම් කරගැනීමටයි - පෙම්වතා දැන් තම පෙම්වතිය පිබිදීමට වෙර දරන මල් කැකුලක් ලෙස දකියි. ඔහු ඇයට ලබාදෙන ආරක්ෂාව ගැන සිහින දකියි.

$අහසක් ගුගුරා කළුවක් වපුරා
ඒ හ මුසුවෙන වැහි බිංදූ$
ගොරවමින් වැහිවලාකුළු වලින් අහස වසාගනිමින් ඇතිවන වැස්ස- පෙම්වතාට තම පෙම්වතිය තමන්ට අහිමිවෙමින් පවතින බව දැනෙයි.
$ඈගෙන යද්දී නටබුන් අතරෙක
තවකෙක් ඈ වෙත හද රැන්දූ $
ඇයව ඔහුට අහිමිවෙයි. ඇය ජීවත් වනුයේ ඔහු සමග වූ මියගිය මතකයන් (නටබුන්) තුල බවද ඔහු දනියි. නමුත් ඔහු තවමත් ඈ ගැන සිහින මවයි (තවකෙක් ලෙස හඳුන්වා ඇත්තේ පෙම්වතාවමයි - ඔහුට ඔහුවම අහිමි වී ඇත).

$හදවිල ඉපැදුන කැකුලක් නොකලට
නටුවෙන් ගලවා දුරක යවා$
පෙම්වතාගේ හද තුල ඉපැදුන ආදරය කූඨප්‍රාප්තියට නොවන බව දැනෙයි. ඇය ( කැකුල) නටුවෙන් ගලවා නොකලට (නොපිපීම) අනෙකෙකු රැගෙන යයි.
$මිහිලිය තෙත්කොට ගිලිහුණු කඳුලක්
සත්සමුදුරකට මුහුව ගියා$
ඔහු වැලැපෙයි. එහෙත් ඒ කඳුළු කිසිවකුට නොවටී.

$ඔබට උරුම වූ රිදුනු තැවුණු හද
එක්ටැම් මැදුරක කවුළු අරා
රුවන් විමානෙන් පියඹා එනතුරු
පොපියන හදවත සිටී බලා$
ඔහු වෙනස් නොවේ. ඔහුගේ රිදුනු තැවුනු හදවත උරුමව ඇත්තේ ඇයටමයි. ඇය ඇයගේ ධනවත් සැමියාගෙන් (රුවන් විමානෙන්) එන තුරු පෙම්වතා වෙනත් ආදරයක් ගැන නොසිතාම( එක්ටැම් මැදුරක) ඇය ගැන සිතමින් (කවුලු අරා) මහත් සේ බලාපොරොත්තුවෙන් (පොපියන) බලා සිටී.

Paradox


කිවුව වෙලාව- 2012-01-29 09:37:00
udara මෙහෙම කියනවා :
හුදෙක් ගැරහුමක් මිස කිසිම විචාරාත්මක බවක් මේ ලිපිය තුලින් දැකිය නොහැක..

කිවුව වෙලාව- 2012-01-02 08:08:22
Darshana මෙහෙම කියනවා :
අන්ධයෙක් අලියාගෙ කකුලක් අල්ලගෙන් අලියා නිකන් වo ගෙඩියක් වගේ කියනකොට තව එකෙක් අලිය නිකන් කුල්ලක් වගේ කියනව වගේ.. ම්ම්ම්ම්ම් අපේ කාලෙ ලස්සන සින්දු ගොඩක් ලස්සනද ?

කිවුව වෙලාව- 2011-12-01 16:00:36
Amaley Munasinghe මෙහෙම කියනවා :
මේ මනෝහාර පද යෙදීම් ඉසියුම් රස රැසක් මා තුළ ඇති කර යි. සිත තුළ සෞන්දර්යයක් මවයි. මම මල මල ලෙස දකිමි. කලංක, කීල, පරාගනය ඈ දෑ ගැන නොසිතමි.

කිවුව වෙලාව- 2011-11-27 20:50:15
DM මෙහෙම කියනවා :
Bandara, oba hariyatama hari. Kottawe bhikshuwata aththana eta kevila.

කිවුව වෙලාව- 2011-11-24 21:58:38
sANHINDA මෙහෙම කියනවා :
meke hari theruma danna ekek theruma danawada karuna karala anek aya kata wahagena inne. nethnam apita hithenneth meke hari therumak ne kiyala

කිවුව වෙලාව- 2011-11-21 00:46:26
paatakayek මෙහෙම කියනවා :
සංවරව අදහස දක්වන්න... කරුනාකරලා...

කිවුව වෙලාව- 2011-11-13 06:05:10
Gayaka මෙහෙම කියනවා :
Banda Mahaththayo..., Vakkya Rachana awwanna. Mata Sindu C.D. 1k karanna. Habai Viyakarana thithatama ona. upama upameya, "parikalpana", "fantasi "., "viyangartha" hemathibunoth baraganne na putho...

කිවුව වෙලාව- 2011-11-13 04:24:05
මිස්ටර් කූල් මෙහෙම කියනවා :
ඔක්කොමල මේ බනින්නෙ බණ්ඩටද? සිංහල ගීතය ඩේලි පකිං නෝ චිල්ඩ්රන් බණ්ඩෝ දුවපං සෙනසිටිව් පිස්සො පිහි ලෙලවනවා. හී... හී... හී...

කිවුව වෙලාව- 2011-11-12 22:09:05
මිස්ටර් කූල් මෙහෙම කියනවා :
පිස්සන්ට පිස්සු කියල පිස්සො දන්නෙ නෑ. පිස්සන්ට ඒක තේරැමි කරන එක අමාරැ වැඩක්. බණ්ඩාර කළ වැඩේ හරි. දැං පිස්සො වමාරන්නෙ අතීත කාමය. ලංකාව සායනික පර්යේෂණයකට පල්ලමේ ප්ලග් වෙලා.

කිවුව වෙලාව- 2011-11-12 22:01:41
ගරා මෙහෙම කියනවා :
විනාඩි ගානක සිංදුවකින් කතාවක් කියන්න බැහැ සහෝ. ඉතින් ගීතයක තියෙන්නේ (සමහරවිට) සංකල්පරූප මැවීමක් - වචන හා සංගීතය එක්ක. ඒක ඇතුලෙ ඒ වු ඉසෙඩ් අරුත් හොයන්න යන්න එපා.

කිවුව වෙලාව- 2011-11-11 22:50:47
@නෙරන්ජි මෙහෙම කියනවා :
@නෙරන්ජි

ඔයාලගෙ සුනිල් ආරියරත්න චූටි කුචයියට බැරි වුනාට එක වසරේ හාමුදුරු නමක් මේ ගීතයෙ අරුත් පහදලා තියන විදිහ බලන්ටකො... ඔය චූටි කුචය්යල හිතන් ඉන්නෙ යුගයෙන් යුගයට නොමියෙන දහමක් දෙසා ගෙන රජ කොරන්ට හැමදාම.. හැබැයි ඕකුන්ගෙ දිවියක පදනමට කෙලවෙලා ඉවරයි...

gune


කිවුව වෙලාව- 2011-11-11 17:16:16
Sithu මෙහෙම කියනවා :
praveena wandanawa gana sahodaraya darana mathaya sahenna diyunui..mage pranamaya

කිවුව වෙලාව- 2011-11-11 09:34:42
කියවන්නා මෙහෙම කියනවා :
මට මේක කියවන කොට දැනුනෙ තරහක්. මෙහෙම විචාරයක් ලියල කාගේ හරි අවධානයනක් ගන්න හදන වෑයමට ස්තුති කරනව.

කිවුව වෙලාව- 2011-11-10 21:46:10
Gamanayake මෙහෙම කියනවා :
සින්දුව කියන්නෙ සාහිත්යයක් නෙමෙයි. අපි සින්දු රස විදින්නෙ ඒවැයෙ ශබ්දෙට. ඒ කියන්නෙ සන්ගීතෙට, තනුවට හා කට හඩට. හින්දි උර්දු සින්දු විතරක් නෙමෙයි දෙමල ඉන්ග්‍රීසි සින්ද්ත් අපි අහනව ඒවැයෙ තෙරුම් මෙලෝ දෙයක් නොදැන. මේ සින්දුවත් ඒ වගෙයි. අපි මේක අහන්නෙ වික්ටර්ගෙ සන්ගීතෙයි සුනිල්ගෙ කට හඩයි හින්දයි. ගීතය කියන්නෙ සන්ගීත ශානරයක් බවයි මේකෙන් පේන්නෙ. සාහිත්ය ශානරයක් නෙමෙයි.

කිවුව වෙලාව- 2011-11-10 21:42:48
thilini shalwyn මෙහෙම කියනවා :
nirmanaya kiyanne parikalpanayak. eya oba edineda athdakina samajaya samaga patalawa gatha yuthu ne. nirmanayak sarwa sampoornawa yatharthayak wunoth ethana niramanayak thiyanawada? ehi niramanasheeleethwaya mathai sarthakathwaya rendila thiyenne. wicharayak kiyanne yamaka naraka peththa witharak dakeema newei wgema nirmanayak nirdaya lesa wiwechanaya kireemath newei. oba pawasa athi dein pehediliwa penenne obata nirmana rasawindanaya pilibanda kisidu denumak, awabodhayak nomethi bawai. mewan lipi pala kireemata prathama nirmana, kalawa, sawundarya, rasawindana, wichara kerehi oba mana awabodayak laba gatha yuthuya yanu mage adahasai.

කිවුව වෙලාව- 2011-11-10 21:05:06
ජනප්‍රිය මෙහෙම කියනවා :
පද මාලාවෙ අර්ථයක් නැහැයි කියමුකො. ඉතින් සින්දුව හොද නැද්ද. ලංකාවෙ අය පද මාලාවෙ අර්ථය මත ගීත රසවි්‍දින පුරැද්ද තමයි මේ විචාරය ලියන්න මග පාදල තියෙන්නේ. සංගීතය කියන්නෙ නාද හැසිරවීමක්. ගීතය කියන සංගීතයට සම්බන්ධ කලා අංගයෙ තියෙන එක් නාද ඒකකයක් ලෙස ගේය පද මාලාව අරගෙන පොඩ්ඩක් රස වින්දොත් මේ ගැටුලුව පැන නගින්නේ නැති වෙයි.
දෙබරවලට ගල් ගහනව වගේ මේ ආකාරයෙ මතවාද අවුස්සන එක ඇත්තටම හොදයි. ඒක මේ ලිපිය හොද සංවාදෙකට මුල පිරැවනේ.ඒ ගැන රචකයාට ස්තුතියි.


කිවුව වෙලාව- 2011-11-10 20:58:25
Solomons මෙහෙම කියනවා :
අයියෝ බණ්ඩාර .... හැමෝටම ගීත විචාරය කරන්න බැහැ... විචාරය කියන එක විධිමත්ව හැදෑරිය යුතු දෙයක්. ඒ හින්දා දන්නේ නැති තේරෙන්නේ නැති මගුල් වලට අත දාන්නේ නැතිව සද්ද නැතිව ඉන්නවා නම් නේද හොද...? ඒකට හේතුව ඔයාගේ විචාරය කියෙව්වම ඇත්තටම ඔයාට මානසික රෝගයක් ද කියලා හිතෙන නිසයි. හැබැයි මේ සින්දුවේ තේරුම මෙන්න මේකයි කියාල ඔයා ඔයා හිතාගෙන ඉන්න එක ඔයාටම කියවලා සැනසෙන්න පුලුවන්. හැබැයි තනියම... අපේ කාලය නාස්ති කරන්න එපා.

කිවුව වෙලාව- 2011-11-10 18:59:38
ඉසුරු මෙහෙම කියනවා :
මේ විචාරය දැක්කම ඇත්තටම දුක හිතෙනවා. බණ්ඩාර සෙනෙවිරත්න විචාරය කරන විදියට සිංදු, චිත්‍රපටි හදන්න ගියොත් සාහිත්‍යක් නැත්තටම නැති වේවි. සෝප් ගණයේ සිංදු චිත්‍රපටි විතරක් හදන්න වේවි.
චිත්‍රපටි ගීතයක් විචාරය කරනවනම් ච්ත්‍රපටිය බලලා ඉන්න ඹ්නේ. මොකද චිත්‍රපටි ගීත නිර්මාණය වෙන්නේ චිත්‍රපටියේ කථාවට හා තේමාවට අදාලව. ඒ හින්දා චිත්‍රපටි ගීතයක් විචාරය කරන්න ඕනේ ඒ චිත්‍රපටියට හා තේමාවට අදාලව. එහෙම නැතුව තමන්ගේ පෞද්ගලික රාමුව ඇතුලේ ඉදගෙන නෙමෙයි.

එත් බණ්ඩාර මේ ගීතය විස්තර කරන්නේ චිත්‍රපටියේ කථාවට සාපෙක්ෂව නෙමේ. මේ ගීතයේ පද රචනයේ නොතේරෙන තැන් තියෙනවා තමයි. ඒත් හැම තැනැක්ම එහෙම නෑ.

උදාහරණයක් විදියට පහත දැක්වෙන කොටස දැක්විය හැකියි.

"දහසක් පෙති මත රහසක් කොඳුරා
තුඩින් තුඩට ගෙන යන බින්දූ
ගව්වක් ඉහළට ගොනු කොට රඳවා
පොපියන කැකුළක් එහි කැන්දූ

අහසක් ගුගුරා කළුවක් වපුරා
ඒ හ මුසුවෙන වැහි බිංදූ
ඈගෙන යද්දී නටබුන් අතරෙක
තවකෙක් ඈ වෙත හද රැන්දූ"

මේ කොටස තියෙන අර්ථය වටහා ගන්න නම් “මාතර අත්තම්මා“ චිත්‍රපටිය අනිවාර්යෙන්ම බලන්න වෙනවා. එහෙම උනොත් මේකෙන් කියන්නේ මොකක්ද කියන එක තේරුම් ගන්න පුළුවන්.


කිවුව වෙලාව- 2011-11-10 05:11:16
Soosthigune මෙහෙම කියනවා :
වොලී නානයක්කර කවුද ඔ0යි, චාමින්ද රත්නසූරියනෙ පොර!

කිවුව වෙලාව- 2011-11-10 04:00:03
Thotalanga Kusum-paala මෙහෙම කියනවා :
ගව්වක් ඉහළට ගොනු කොට රඳවා
පොපියන කැකුළක් එහි කැන්දූ....

මී මැස්සා අර වදේ හදන්නෙ "ගවුවක්" ඉහලද?
අනේ දන්න කෙනෙක් මෙයාට කියල දෙන්ටකො අනෙ ගවුව කියන්නෙ කොච්චර උසක්ද කියලා... පොල් ගස් කීයක් විතර උසින්ද පොර වදය බඳින්නෙ?


කිවුව වෙලාව- 2011-11-09 08:55:34
Ane Nikan Inda Meya මෙහෙම කියනවා :
"දහසක් පෙති මත රහසක් කොඳුරා
තුඩින් තුඩට ගෙන යන බින්දූ.... යනාදී කොටසට ශානක නමැත්තෙක් සෝක් අර්ත සෙවීමක් කර ඇත.

එනම්
...මී මැස්සා දහසක් පෙති මත රහසක් කොදුරා තුඩගින් රොන් ගෙන ගොස් ඉහල තැනක (ආරක්ෂාවට ) පොපියන දෙතොල් ඇලුම් කරන මී පැනි පිරි මී වදය සදයි, නමුත් අහසක් ගුගුරුවා කලු කර වහින මහ වැස්සට බොහො කලක් තිස්සේ මහන්සි වී සෑදූ මී වදය සේදී යයි....
යනුයි...

එම් එස් කිවුවාට පසු කිවුව ලොකුම පට්ට බයිලය මෙයයි.

මේ අසා මට මතක් වුනෙ...

ඇහැළ මල් පිපෙයි පිට කසයි... යන යාන් හෑල්ලයි

වොලී සින්දුවේ කියන්නෙ "ඇහැළ මල් පිපෙයි" කියලාය. ශානකට එය තේරෙන්නෙ (කරුමෙට] "පිට කසයි" යනුවෙනි...


කිවුව වෙලාව- 2011-11-09 08:52:08
Ranil Mudunkotuwa. මෙහෙම කියනවා :
මේ ලිපිය හරිම අසධාරණයි...වොලී නානායක්කාර ජීවතුන් අතර නැති එක හොඳයි කියල හිතෙනව...

කිවුව වෙලාව- 2011-11-09 07:47:36
Neranji මෙහෙම කියනවා :
මේ ගීය ගැන ගැටලුව හැමෝටම තියෙනවා.අපි මේ ගැන ප්‍රොෆෙසර් සුනිල් ආරියරත්න මහතා ගෙන් පහු ගිය සතියෙ ඇහුවා...එතකොට ඔහු කීවෙ මේ ගීය ගැන තේරුම හොයලා වැඩක් නැහැ. මොකද මේකෙ තේරුම අඩුම තරමෙ ගීය ලියපු වොලී නානායක්කාරවත් දන්නෙ නැහැ කියලා...කොහොම වුණත් ...බලගල්ලෙ පිපිරෙන්න කට්ටිය හිනා වෙලා.. ලේ පිරිපහදු වුණා... මම හිතන්නෙ ගොඩක් දෙනා තේරුම දන්නෙ නැති ගොඩක් දේ දාන්නෙ සම්භාව්‍ය ගණයට... මේකෙ හොඳ මියුසික් තමා...ඒක තමා මේ තරම් ජනප්‍රිය වුණේ...ඒත් මේ පද රචනයට සම්මාන හම්බුණානේ.ඒක වුණෙත් යම් කිසි හේතුවක් නිසා විය හැකියි...
ඒත් මේ විචරයට නම් මම විරුද්ධයි...හරිම නිර්ධයයි.අනාථ කරන්න බලන් ලියපු විචාරයක්...සාධාරණව දැකලාම නැහැ....නිර්මාණයක අරුමැසි ගුණ තිබිය හැකියි...යථාර්ථය කියන්නෙ නිර්මාණයක් නෙවීනෙ


කිවුව වෙලාව- 2011-11-09 04:26:14
Shanaka මෙහෙම කියනවා :
උපමාව : වැස්සට අසු වූ මී වදය
උපමේය : බොහො ප්‍රශ්න හමුවේ තම ප්‍රේමය රැක ගෙන සිටින විට වෙනත් අයෙක් ඇයට පෙම් බැද ඇයව රැගෙන යයි.


කිවුව වෙලාව- 2011-11-09 03:23:03
Harindra මෙහෙම කියනවා :
තේරුම් ගන්න බෙරී නම් දන්න කෙනෙක් ගෙන් අහල දැනගන්නව, ගීතයට බොරු අර්ථ නිරූපන දීල ගීතය විනශ කරන්නෙ නැතිව.

කිවුව වෙලාව- 2011-11-09 03:14:32
Shanaka මෙහෙම කියනවා :



කිවුව වෙලාව- 2011-11-09 03:07:45
Shanaka මෙහෙම කියනවා :
මී මැස්සා දහසක් පෙති මත රහසක් කොදුරා තුඩගින් රොන් ගෙන ගොස් ඉහල තැනක (ආරක්ෂාවට ) පොපියන දෙතොල් ඇලුම් කරන මී පැනි පිරි මී වදය සදයි, නමුත් අහසක් ගුගුරුවා කලු කර වහින මහ වැස්සට බොහො කලක් තිස්සේ මහන්සි වී සෑදූ මී වදය සේදී යයි.

කිවුව වෙලාව- 2011-11-09 03:04:22
Reader මෙහෙම කියනවා :
Me Vicharaya Liyapu akata pissu. Mu" Nirmanya" ha "Yatharthaya" Patalawagaththa Gonmagon Buruwek.

කිවුව වෙලාව- 2011-11-09 02:07:32
Sachie මෙහෙම කියනවා :
හැබෑව. වික්ටර් ගේ මියුරු සංගීතය නොවෙන්නට මේ ගීයේ ගත යුත්තක් නෑ..අර්ථයක් ඇත්තේ ම නැති නිසා.

කිවුව වෙලාව- 2011-11-09 01:36:30
Dinuka මෙහෙම කියනවා :
සහතික ඇත්ත..මේකත් අර රම්බරි,රතු රටකජු ජාතියේම එකක්

කිවුව වෙලාව- 2011-11-09 01:27:34
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
බණ්ඩාර සෙනෙවිරත්නගෙන් තවත් වියමන්
කවි
කුදු බව
තවත් ගී කිය(ව)මු
සඳ, හොරෙන්- හොරෙන්- හොරෙන්- බලමු!
ඔබට පමණි ඔබ ආදරේ- ප්‍රොයිඩියානු කියවීමක්
පාළුව දෙවනත් කරලා නාඬන් උල ලේනෝ- විප්ලවයේ මළගම
මගෙ දුවේ ඔබ අවදියෙන් නම්.....
මේ තරම් සියුමැලි ද කළුගල්....
බූන්දි නව ඊමේල් ලිපිනය- editorial@boondi.lk
BoondiLets
බොබ් ඩිලන් කියයි.
ඇතැම් විට, අපට මේ ඌරන් පැරදවිය නොහැකි වනු ඇත. එහෙත්, උන් සමග එක් නොවී සිටීමට අපට හැකි විය යුතුය.
What's New | අලුතෙන්ම
ඔත්තු| නුඹ සුළං රැල්ලක්ව- පෙබරවාරි 17

9-Secs

නිශාන්ත ෆර්නෑන්ඩුගේ පළමු කාව්‍ය සංග්‍රහය "නුඹ සුළං රැල්ලක්ව", 2017 පෙබරවාරි 17 වැනිදා සවස 3:00ට, මහවැලි... [More]
අදහස්| සිරිසේන සිදාදි එනවද, සිංහලේම ඉන්නවද?

2-Mins

(ඥානසිරි කොත්තිගොඩ) යහපාලන ආණ්ඩුව ඉවරද​? අගමැති වෙනස් වෙයිද​? එජාප නායකකම රනිල්ට අහිමි වේවිද​? මහින්ද අගමැති වේවිද​? මේ දිනවල ජනතාව අතර වැඩිපුර... [More]
අදහස්| පැ ර දු නේ ක වු ද ?

2-Mins

(නැදිමාලේ Miniහෙක්) මැතිවරණයක ජය පරාජය තමන් කැමති ඕනෑම රසකාරක අනුපාන හෝ තිත්ත අබිං දමා විග්‍රහ කර ගැනීම ඕනෑම පක්ෂයකට පුද්ගලයෙකුට කාගෙන්වත් බාධාවක්... [More]
අදහස්| [සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්

1-Mins

බෙල්ලන්විල හාමුදුරුවන්ව අපවත් කළ මියන්මාරයෙන් ගෙනෙන ලද ඇත් පැටියාට මියන්මාරයෙන් අවතැන් වීමට සිදුවී ඇති රෝහින්ග්‍යා සරණාගත පවුලක ළමයෙක් ලියුමක් එවලා.... [More]
කතන්දර| "ඇඳ යට කොටියෙක්"- ළමා කතන්දරය [වීඩියෝව]

28-Secs

"ඇඳ යට කොටියෙක්"- පොඩිත්තන්ට විනෝදාත්මක කතන්දරයක් [කාටූන්]- Anupa Lal ලියා, Suvidha Mistry සිත්තම් කළ "Under My Bed" ළමා කතන්දරයේ සිංහල... [More]
කවි| සදාතනික සිසු විරුවාණෙනි, මම නුඹේ ප්‍රේමවන්තිය වෙමි!

34-Secs

(සාරධිකා මංජරී හේරත්) වසන්තේ මල් පිපී තිබුනලු
අවාරෙට රඟහලේ තනියට
හන්තාන අළු වෙලා බෝ කල්
පුරුදු ලෙස ගිම්හාන සුළඟට
නුඹත් මේ සඳ දකිනවා ඇති
ප්‍රේම හැඟුමන් මතෙන් නලියන... [More]
Cine| ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය

19-Mins

(ජයන්ත අමරසිංහ / සමන් එම්. කාරියකරවන ) ධර්මසේන පතිරාජ ශ්‍රී ලාංකේය සංස්කෘතිය තුළ ශක්තිමත් ව ස්ථානගත ව ඇත්තේ ශ්‍රව්‍ය දෘශ්‍ය කවියෙකු ලෙසිනි. ඔහු අතින් කාව්‍ය, නාටක, ගීත,... [More]
කතන්දර| "සිංහ කොඩියෙ කතන්දරේ" සිංහයා කියා දෙයි! [වීඩියෝව]

20-Secs

අපේ ජාතික කොඩිය සහ එහි ඉතිහාසය ගැන පොඩිත්තන්ට කියාදෙන- "සිංහ කොඩියෙ කතන්දරේ"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි... [More]
කතා-බස්| "බොහෝ ලේඛකයන් බයයි ඇත්ත කථාකරන්න!"- අශෝක හඳගම සමග කතාබහක්

6-Mins

(ඩිල්ෂානි චතුරිකා දාබරේ) ප්‍රවීණ සිනමාකරුවකු වන අශෝක හඳගම විසින් රචනා කරන ලද 'අම්මා සහ සඳ එළිය' කෙටිකතා සංග්‍රහය නව මුද්‍රණයක් ලෙසින් එළි දක්වා... [More]
අදහස්| [සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්

2-Mins

ලංකාවේ නිදහස් උළෙලට සපෝට් එකක් දෙන්න මේ දවස්වල ලංකාවට ඇවිල්ල ඉන්න එංගලන්තේ මහ රාජිනීන්වහන්සේගේ දෙවෙනි පුත්‍ර රත්නය වන එඩ්වඩ් කුමාරයාණන්වහන්සේ... [More]
BoondiLets| බර්ටොල්ට් බ්‍රෙෂ්ට් කියයි.
බැංකු මංකොල්ල කන්නේ ආධුනික හොරුන්ය. නියම වෘත්තීය හොරුන් කරන්නේ අලුතෙන් බැංකුවක් පිහිටුවීමය!
කවි| සිද්ධාර්ථ සහ මරියා ගේ පේ‍්‍රමයේ මහිමය!

28-Secs

(තුෂාරි ප්‍රියංගිකා) පිනිකැට අහුලමි
ඔබ එහි ඇද්දැයි බලමි
පිරිත් පැන් කළයකට දමා
තුන් සූත‍්‍රය වඩමි

මරියා මම! ඇසින් වට... [More]
අදහස්| මේ "අහවල් FM" වහුකුණු රේඩියෝවයි!

2-Mins

(තාරක වරාපිටිය) එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට... [More]
කවි| රයිපලයට තවත් පතුරොමක් ඔබමි.

14-Secs

(ලාල් හෑගොඩ) මාස පෝය දිනක
සඳ මත සිට
පොළොව දෙස
කැක්කුම් ඇසකින් බලමි

පෙම් කවක් ලිවිය යුතු උන් සැමට... [More]
ඔත්තු| කව්සිළුමිණ සහ අබෞද්ධ දෘෂ්ටීන් සහ ආසියානු සන්නිවේදන පර්යාවලෝකයන්- ජන. 26

14-Secs

දර්ශන අශෝක කුමාර විසින් රචිත "කව්සිළුමිණ සහ අබෞද්ධ දෘෂ්ටීන්" හා "ආසියානු සන්නිවේදන පර්යාවලෝකයන්" (Asian Perspectives... [More]
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook