"සඳකඩ පහණක කැටයම් ඔප ලා" අරුත් සරු ගීයකි! | BOONDI.LK
Facebook
Twitter
Google+
YouTube
Blog
RSS Feed
ගී කිය(ව)මු
"සඳකඩ පහණක කැටයම් ඔප ලා" අරුත් සරු ගීයකි!
බූන්දි, 00:50:24
හැත්තෑව දශකයේ මුල් භාගයේ සිට මෙරට රසික සවන් පත් සනහාලන "සඳකඩපහණක කැටයම් ඔපලා" ගීතය සතිස්චන්ද්‍ර එදිරිසිංහයන් අධ්‍යක්ෂණය කළ 'මාතර ආච්චි' චිත්‍රපටයෙන් මෙරට සුවහසක් රසිකයන්ට පිදුණු මහඟු තිළිණයකි. සැබවින්ම මෙම ගීතය සිවු කුළුඳුල් ගීතයක් ලෙස නම් කළ හැක්කේ වොලී නානායක්කාරයන්ගේ පළමු ගීත රචනය වීමත් වික්ටර් රත්නායකයන්ගේ පළමු සංගීත අධ්‍යක්ෂණය වීමත් සතිස්චන්ද්‍ර එදිරිසිංහයන්ගේ කුළුඳුල් චිත්‍රපට අධ්‍යක්ෂණය වීමත් හැරුණු විට ප්‍රතිභා පූර්ණ ගායක සුනිල් එදිරිසිංහයන්ගේ ගායන ප්‍රවේශයත් මෙම ගීතය ඇසුරෙන් සිදුවීම නිසාය.

ගීත කලාව පිළිබඳව උනන්දුවක් ඇති වූ අවධියේ සිටම මේ ගීතයේ අරුත් පාදා ගැනීමට මා කළ උත්සාහය සඵල වූයේ දිගු කලකට පසුවය. මා මේ පිළිබඳව මට වඩා දැන උගත් විවිධ පුද්ගලයන්ගෙන් විමසන ලදුව පිළිතුරු ලෙස ලැබුණු විවිධ අර්ථ කථනයන් එකිනෙකට පටහැනි විය. කිසියම් නිර්මාණයක රසය තම තමන් රිසි පරිදි හෝ තම තමන් සතු පරිකල්පන ශක්තිය මත කෙනෙකුට තීරණය කළ හැකි වුව ද එකී අරුත් දැක්වීම් පිළිබඳව සෑහීමකට පත් නොවීමි. විවිධ පුද්ගලයන් මෙය අරුත් සුන් පද රචනයක් ලෙස බැහැර කරන්නට දැරූ උත්සාහයන් ද වරින් වර දැකගත හැකි විය. එහෙත් පසු කලෙක චිත්‍රපටය නැරැඹූ පසු, මඳක් සංකීර්ණ වුව ද, 'සඳකඩපහණක' ගීතය, චිත්‍රපටයෙහි අන්තර්ගතය හා මනා ලෙස ආබද්ධ වූ පරිපූර්ණ 'අරුත් පුන්' ගේය පද රචනයක් බව අපට පිළිගත හැකි විය. මාතර ආච්චි චිත්‍රපටය දිගු කලක් අස්ථාන ගතව තිබීම ද මෙම ගීයෙහි අරුත සපුරා වටහා ගැනීමට කිසියම් බාධාවක්ව පවතින්නට ඇතැයි සිතිය හැකිය.

මෙම චිත්‍රපටයට තේමා වන්නේ පෙම් පුවතකි. තරුණයා වැඩිදුර අධ්‍යාපනය සඳහා විදේශගත වූ පසු වෙනත් තරුණයෙකු හා විවාහ වන ලෙස තරුණියට ඇගේ පවුලෙන් දැඩි බලපෑමක් එල්ල වෙයි. තරුණියට ද අකමැත්තෙන් වුව ද එයට එකඟ වන්නට සිදුවෙයි. කලකට පසු ලංකාවට එන තරුණයාගේ සිතේ ඇය කෙරෙහි එතෙකුදු දැල්වෙන ඇල්ම සහ පවතින විරහ වේදනාව මේ ගීයට කැටිවෙයි.

සඳකඩපහණක කැටයම් ඔපලා
පාවෙන දේදුනු ලැගුම් ගනී
කැළැතුණු රසයක පැන ආ බුබුළක්
අකුරු වැලක් දෙහදක ලියැවේ


සඳකඩපහණක කැටයම් සේම ස්ථීර යයි පෙම්වතා සිතූ ප්‍රේමය අද පාවෙන දේදුන්නක් තරමටම වෙනස් වන සිතුවිල්ලක් පමණකි. එදා ප්‍රේමය නිසා හදවතෙහි ඇතිවූ කැලතීමෙන් හටගත් ආදරය නැමැති අකුරු වැල අද දිය බුබුළක් වන් අස්ථීර තත්වයකට පත් වී ඇත. එහි පැවැත්මක් නැත.

යුගයෙන් යුගයට නොමියෙන දහමක
දිවියක පදනම මතුවෙද්දී
නොපෙනෙන ඈතක ඈ ගෙන යනවා
සියුමැලි කැකූළක් මැළවෙද්දී


ප්‍රේමයෙන් බැඳුණු කාල පරිච්ඡේදය එක්තරා යුගයක් නම් ප්‍රේමය මුහුකුරා ගොස් විවාහයට එළැඹීම යනු තවත් යුගයකි. එසේ දෙදෙනා එක්වීමේ කාලය එළැඹෙත්ම නොසිතූ විරූ ලෙස ඔවුන්ට වියෝ වන්නට සිදුවිය.

එය, සංසාරගත බැඳීමක් තරමටම තහවුරුවී පැවතියා යැයි සිතූ ආදරය, පිපෙන්නට පෙර කැකූළු අවධියේදීම මැළවී යාමක් බඳුය. ඒ පිළිබඳ තැකීමක් හෝ නොමැතිව පෙම්වතිය වෙන තරුණයෙකුට විවාහ කර දී පෙම්වතා වෙතින් ඈත් කරනු ලැබ ඇත.

දහසක් පෙති මත රහසක් කොඳුරා
තුඩින් තුඩට ගෙන යන බිංදු
ගව්වක් ඉහළක ගොනුකොට රඳවා
පොපියන දෙතොළක් එහි කැන්දූ

අහසක් ගුගුරා කළුවක් වපුරා
ඒ හා මුහුවන වැහි බිංදු
ඈ ගෙන යද්දී නටබුන් අතරෙක
තවෙකෙක් ඈ වෙත හද රැන්දූ


මී මැස්සා මලින් මලට ගොස් සුවහසක් පෙති මත දැවටෙමින් එකතු කර ගන්නා මල් පැණි තුඩින් තුඩ එක් කරමින් වදය වෙත ගෙන යයි. එසේ වෙහෙස ගෙන එක්රැස් කළ පැණි තැන්පත් කරමින් වදය බඳින්නේ ගවුවක් පමණ ඉහළ ස්ථානයකය. ප්‍රේමවන්තයා ද එසේ සිය ප්‍රේමයේ මල්ඵල දකිනු පිණිය එයට අදාල වන සම්පත් එක්රැස් කරයි. ඒවාට ලොබ බඳියි.

කළුවක් වපුරා අසහක් ගුගුරා යාම අමිහිරි අත්දැකීමකි. වහින වැස්ස මී පැණිවල තත්වය බාල කරයි. එලෙසින් ඔවුන්ගේ ප්‍රේමයට බාධා මතුවෙයි. පෙම්වතාගේ අතීත ප්‍රේම ලෝකය නටබුන් වී අවසාන ය. ඒ වන විට ඔවුන්ගේ ලෝකයට පිවිසෙන අනෙකෙකු ඇය වෙත හදවත විවර කර ඇත.

හද විල ඉපැදුණු කැකුළක් නොකලට
නටුවෙන් ගලවා දුරක යවා
මිහිලිය තෙත්කොට ගිලිහුණු කඳුළක්
සත් සමුදුරකට මුහුව ගියා

ඔබට උරුම වූ රිදුණු තැවුණු හද
එක්ටැම් මැඳුරක කවුළු අරා
රුවන් විමානෙන් පියඹා එනතුරු
පොපියන හදවත සිටියි බලා


ප්‍රේමය නමැති මල් කැකුළ ගසෙහි මෝදු වී කල් බලා පිපෙන්නට පෙර නටුවෙන් ගලවා, ඉන් නොනැවතී දුරක යවා ඇත. මේ නම් මිහිකත පවා නුහුලන වියෝ දුකකි. ඒ වෙනුවෙන් ගිලිහුණු කඳුළ සමුදුර කරා ඇදී යයි. ඒ කඳුළු සත් සමුදුරෙහි සැඟව ගිය කල එය වෙන් කර හඳුනාගන්නට කෙනෙකු නැති සේම පෙම්වතාගේ වේදනාව හඳුනාගන්නා අයෙකු ද නැත. පෙම්වතිය වෙනුවෙන් වැළපෙන පෙම්වතාගේ හදවත එක්ටැම් මැඳුරක් බඳුය. එහි බලාපොරොත්තු නමැති කවුළු පියන් පත් විවර කොට ඇත. ඇය වෙසෙන ලොව රුවන් විමානයක් විය යුතු යයි ඇගේ යහපතම පතන ඔහු සිතයි. ප්‍රේමවන්තයාගේ පොපියන හදවත ඇය වසන රුවන් විමානයෙන් මිදී පියඹා එන තුරු බලා සිටියි.

මේ අනුව 'සඳකඩපහණක' ගීතය අරුත් සුන් ගීයක් නොව 'අරුත් පුන්' ගීයක් වන්නා සේම එය දුලබ ගේය පද රචනයක් ද බව අපේ හැඟීමයි. එය වදනින් වදන සීරුවෙන් අමුණමින් කැටයම් කළ පිරිපුන් සඳකඩපහණකි.

-කොට්ටාවේ සමිත හිමි
[පළමු වසර - සමාජීය විද්‍යා හා මානව ශාස්ත්‍ර පීඨය
ශ්‍රී ලංකා රජරට විශ්ව විද්‍යාලය, මිහින්තලය.]
මේ වියමන ඔබේ මූණු පොතට එක් කරන්න-
Tags- Sandakada Pahanaka Katayam Opala, Volly Nanayakkara, Victor Rathnayake, Sunil Edirisinghe, Maathara Achchi Sinhala Movie, Sinhala Lyric, Sinhala Song Reviews
පැරණි මාදිලියෙන් ලැබුණු ප්‍රතිචාර-
Namal මෙහෙම කියනවා :
බන්ඩාරගේ විචාරය සමග සැසඳීමේදී කොට්ටාවේ සමිත හිමි මෙම ගීතයේ අරුත් විමසුමට දක්වන ප්‍රවේශය ඉදිරිගාමීයි. එතෙකුදු, එය ගීය ඉතාම නිවැරදිව විග්‍රහ කරන්නේයි කිව නොහැක. කෙසේ වුවද මෙබඳු මැදිහත්වීම් අගය කළ යුතුයි.

කිවුව වෙලාව- 2011-11-26 04:28:33
kaviya මෙහෙම කියනවා :
අත්තටම විචාරය දොස් සහිතය්.මෙකෙදි කියල කියන්නෙ "රාගය" කියන කලතුනු රසයෙන් හටගත් බුබුලක් හෙවත් ආදරයක් ගනය්.
(sorry for bad spelling)


කිවුව වෙලාව- 2011-11-26 04:02:43
DM මෙහෙම කියනවා :
Bandara, oba hariyatama hari. Kottawe bhikshuwata aththana eta kevila.

කිවුව වෙලාව- 2011-11-24 22:00:03
සුමනෙ මෙහෙම කියනවා :
@ kalaa karayek
මොනාද අයියො මේ කියන්නෙ..? අංගම්මනද අංගම්පොරද කියාදෙන්න අංගජාතෙ හංගගෙන වෙනත් අංගයක් භවිතා නොකරන්න. පොරවගෙන පොර වෙන්න එපා අනේ පොරව පාරක් වදියි.


කිවුව වෙලාව- 2011-11-22 04:14:20
kalaa karayek මෙහෙම කියනවා :
වොලී කව්ද..? සුනිල් කව්ද...? උඹනෙ පොර. අනේ සුමනෙ...උඹ අංගම්මන සුමනෙද...? hi hi..

කිවුව වෙලාව- 2011-11-20 03:44:06
සුමනෙ මෙහෙම කියනවා :
@ හෂිත

\"මේක ලියපු කෙනාවත් දැනගෙන හිටියේ නෑ මේ ගීතයේ තේරුම මොකද්ද කියල.අඩුම තරමින් සුනිල් එදිරිසිංහ මහත්තයවත් දන්නේ නෑ අදටත්.මේ ගීතය ජනප්‍රිය උනේ තනුව,චිත්‍රපටය සහ හඬ නිසා.මේක පැහැදිලි කිරීමකට වඩා මම දකින්නේ විචාරයක් විදියට.විචාරයේදී නිර්මානකරුවටත් නොහිතුන තැන් මතු වෙන්න පුළුවන්.මේ ගැන මගේ කියවීම අන්න ඒ වගේ දෙයක්.\"

ඔයා වොලී ගෙන් අහලද කියන්නෙ ඔහොම...නිකන් යන්න මෙයා යන්න. දැන් සුනිල්ගෙන් අහන්නද කියන්නෙ..සුනිල් මොන ජාතියෙ ඉබ්බෙක්ද? කාලෙකට යුද්ධෙ එපා කියනවා කාලෙකට යුද්ධ කරනවුන් තනි කරන්නෙ නෑ කියනවා...නිකං ඉන්න මෙයා ඉන්න. මෙයා හොරාට සින්දුවක් විකුණලා ටොරානා එකට. ලියපු එකා දැන් නඩු දාල තියෙන්නෙ..මේ තක්කඩින්ගෙන්ද මේව අහන්න කියන්නෙ..දෙන ඕනම බම්බුවක් කියන නපුංසක පිටකොඳු. රාවයේ මේ ගීතය ගැන විචාරය කරපු උන්නැහහේ ගැන හරි කණගාටුයි අප්පා..පව් එයා ජීවිතේට සිංදු විඳලා නෑ. එයාට අනුව සිංදුවකදි ගහකින් වැටුණා කිව්වම ඌ ඊළඟ ‍පද පේළියේදී මැරිල වැටෙන්නම ඕන. නැත්තං නිකං අප්සට් වගේ අප්පා...අනේ අම්මපා මෙහෙම විචාර...!

\"විචාරයේදී නිර්මානකරුවටත් නොහිතුන තැන් මතු වෙන්න පුළුවන්.මේ ගැන මගේ කියවීම අන්න ඒ වගේ දෙයක්.\"

කොහාමද ඔයාගෙ තක්කඩි කම..ඔයා කලින් මේක ලිව්ව එකාවත් තේරුම දන්නෑ කියලා දැං රෙද්ද පොරව ගන්නව නේද..? හොරා...! අම්මපා ඉඹ ගන්න හිතෙනවා...අම්මපා හිරුණිකා ප්‍රේමචන්ද්‍ර වගේ ඔයා...එයත් දැං කියනවානේ දුමින්ද තාත්තට වෙඩි තිබ්බෙ නැති වෙන්ඩත් පුළුවං කියලා... හිහ්..හිහ්..හිහ්....!!!
මේ මගේ කිස් එක ඔයාට ම්ම්ම්ම්ම්.....! හුරතලයා..අපිව රවත්තන දඟයා..ඔන්න මං ඔයාව ඇල්ලුවා...දැං මං දුවනවා ඔයා මාව අල්ලන්න...!


කිවුව වෙලාව- 2011-11-15 05:13:32
@නෙරන්ජි මෙහෙම කියනවා :
@නෙරන්ජි

ඔයාලගෙ සුනිල් ආරියරත්න චූටි කුචයියට බැරි වුනාට එක වසරේ හාමුදුරු නමක් මේ ගීතයෙ අරුත් පහදලා තියන විදිහ බලන්ටකො... ඔය චූටි කුචය්යල හිතන් ඉන්නෙ යුගයෙන් යුගයට නොමියෙන දහමක් දෙසා ගෙන රජ කොරන්ට හැමදාම.. හැබැයි ඕකුන්ගෙ දිවියක පදනමට කෙලවෙලා ඉවරයි...

gune


කිවුව වෙලාව- 2011-11-11 17:15:06
Hasitha මෙහෙම කියනවා :
මේක ලියපු කෙනාවත් දැනගෙන හිටියේ නෑ මේ ගීතයේ තේරුම මොකද්ද කියල.අඩුම තරමින් සුනිල් එදිරිසිංහ මහත්තයවත් දන්නේ නෑ අදටත්.මේ ගීතය ජනප්‍රිය උනේ තනුව,චිත්‍රපටය සහ හඬ නිසා.මේක පැහැදිලි කිරීමකට වඩා මම දකින්නේ විචාරයක් විදියට.විචාරයේදී නිර්මානකරුවටත් නොහිතුන තැන් මතු වෙන්න පුළුවන්.මේ ගැන මගේ කියවීම අන්න ඒ වගේ දෙයක්.

කිවුව වෙලාව- 2011-11-11 09:24:04
Priyantha මෙහෙම කියනවා :
Wichara buddiya ekak ,wiwechana buddiya thawaekak......hamuduruwo karalathiyenne Geethayata hoda wicharayak.....

කිවුව වෙලාව- 2011-11-11 05:47:58
saman idammudali මෙහෙම කියනවා :
I think this is the most reasonable explanation..

කිවුව වෙලාව- 2011-11-11 00:28:45
Harindra මෙහෙම කියනවා :
Dinuka මේක තව සැරයක් කියවන්න


කිවුව වෙලාව- 2011-11-10 22:51:27
Dinuka මෙහෙම කියනවා :
මේකත් ගීතය වගේම තේරුමක් නැති තේරුම් කිරීමක්..වැඩේ පටන් ගන්නෙම නාගෙන..
සඳකඩපහණක කැටයම් ඔපලා
පාවෙන දේදුනු ලැගුම් ගනී
මෙතන තියෙන්නෙ නම් කැටයම් තවත් ඔපලා දේදුන්නක් ලැගුම් ගන්න කතාවක්.හැබැයි තේරුම් කරලා තියෙනෙ කැටයම් මකලා දේදුන්නක් ලැගුම් ගන්න එකක්..
නැවතත් කියන්නෙ ගීතය වගේම එකට එකක් නැති විග්‍රහ කිරීමක්


කිවුව වෙලාව- 2011-11-10 21:40:41
Neranji මෙහෙම කියනවා :
මමත් හිතෙනවා........මේ සහෘද විචාරය එහි අරුමැසි ගුණ ගැන සාධාරණව විග්‍රහ කළා කියලා...සතුටුයි..!!

කිවුව වෙලාව- 2011-11-10 20:01:32
Shanaka මෙහෙම කියනවා :
නොදන්න අයට මේ ගැන කියා දුන්නට ගොඩක් පින්

කිවුව වෙලාව- 2011-11-10 10:32:06
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් ගී කිය(ව)මු
ග්‍රීස් ගහේ මුදුනට ම ගියා මම- ඇය අවුරුදු කුමරිය වෙන්න ගියා!
සඳ, හොරෙන්- හොරෙන්- හොරෙන්- බලමු!
ඔබට පමණි ඔබ ආදරේ- ප්‍රොයිඩියානු කියවීමක්
පාළුව දෙවනත් කරලා නාඬන් උල ලේනෝ- විප්ලවයේ මළගම
මගෙ දුවේ ඔබ අවදියෙන් නම්.....
බූන්දි නව ඊමේල් ලිපිනය- editorial@boondi.lk
BoondiLets
බොබ් ඩිලන් කියයි.
කිසිවෙකු නිදහස් නැත. කුරුල්ලන් පවා අහසට බඳිනු ලැබ ඇත!
| No one is free, even the birds are chained to the sky.
What's New | අලුතෙන්ම
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook