Facebook
Twitter
Google+
YouTube
Blog
RSS Feed
අදහස් බූන්දි
උසස් පෙළ ප්‍රතිඵලය ට මකරාගේ විශ්වාසය අභිමුඛ වීම
බූන්දි, 20:53:15
බලය යනු මිනිසුන් ගිල ගන්නා මකරෙකු බඳු යයි කියමනක් අපි අසා ඇත්තෙමු. එය සාමාන්‍ය මිනිසා සුගතියෙන් දුගතියට ද විචක්ෂණභාවයෙන් අගතියට ද පිටුවහල් කරයි. එහි ප්‍රතිඵලය වනාහි අවුල් වියවුල් , මිනිස් ඝාතන සහ සකලවිධ මුග්ධකම් වලින් පිරුණු පිරිහුණු සමාජ යාන්ත්‍රනයකි.

උසස් පෙළ ප්‍රතිඵල ගැටළුව ප්‍රමුඛව මේ මොහොත වන විට මෙරට අත්විඳින්නාවූ දුක්ඛ පීඩාවන් වලට ලංකාවේ දේශපාලන බලධාරීන් සහ නිළධාරීන් වගකිව යුතු බව කුඩා දරුවෙකුගෙත් ඇසුව ද කියනු ඇත. එහෙත් ඊට ඇහුම් කන් දෙන්නේ කවුද? එහි ප්‍රතිඵලය කුමක්ද? සිය මුග්ධ විශ්වාසයන් නිසා ජනතාව අඳුරින් අඳුරට හෙලූ නායකයින් නම් ඕනෑ තරම් ය. 'උගත් පාඩම්' ඊටත් වැඩිය. එහෙත් ලංකාවේ පාලකයින් නම් කවදාවත් පාඩම් ඉගෙන ගන්නේ නැත. ඊට හොඳම උදාහරණය මේ දිනවල අලියාට උදව්වට ගිය වඳුරා ගේ භූමිකාව රඟපාමින් සිටින ලංකාවේ අධ්‍යාපන ඇමති සහ උසස් අධ්‍යාපන ඇමති ය. අනෙක් චරිතය වන ‘හිටපු’ විභාග කොමසාරිස් අනුර එදිරිසිංහ සභා තොමෝ හඬවා නික්ම ගොසිනි.

කෙසේ වෙතත් මේ වෙද්දී,
• උසස් පෙළ ප්‍රතිඵල අසාමාන්‍ය ලෙස පමා වී නිකුත් වී ඇත.
• පමා වූ ප්‍රතිඵල අවුල් සහගත ය. (වැරදි විෂයය ප්‍රතිඵල, වරින් වර එය වෙනස් කිරීම, වැරදි කුසලතා මට්ටම්, එක් විෂය ධාරාවකින් විභාගයට පෙනී සිටි දරුවන්ට වෙනත් විෂයය ධාරාවකින් ප්‍රථිඵල නිකුත් කිරීම.)
• මේ බරපතල වැරදි අදාළ බලධාරීන් සහ නිළධාරීන් විසින් අශිෂ්ට ලෙස ප්‍රසිද්ධියේ ප්‍රතික්ෂේප කෙරෙයි.
• විභාග ප්‍රතිඵල නිවැරදිය යන පදනමේ සිට නැවත සමීක්ෂණය සඳහා අයැදුම්පත් කැඳවා ඇත.
• මේ කරුණ සම්බන්ධයෙන් නැගෙන මාධ්‍ය, කණ්ඩායම්ගත සහ පුද්ගලික විරෝධතා ආණ්ඩුව තඹ දොයිතුවකට ගණන් ගන්නේ නැත.

ලංකාවේ අධ්‍යාපනයේ පරිහානිය එක රැයින් උසස් පෙළ ප්‍රතිඵල නිසා ඇතිවූවක් නොවේ. අධ්‍යාපන ප්‍රතිසංස්කරණ (මෙය වෙනම කතා කළ යුතු පුළුල් විෂයයකි.) පිළිබඳ දිගින් දිගටම චෝදනා සහ යෝජනා එල්ලවෙද්දී ආණ්ඩුව දිගින් දිගටම කළේ උමතුවෙන් මෙන් හිතුණු හිතුණු තැනින් විෂය නිර්දේශ වෙනස් කිරීම පමණි. මේ ප්‍රතිසංස්කරණ යෝජනා ඉතාම ප්‍රගතිශීලි ශිෂ්‍ය කේන්ද්‍රීය ඒවා වූ අතර, ඒ අතර වූ වැදගත්ම යෝජනාවක් වූයේ ජනප්‍රිය පාසල් ක්‍රමය අහෝසි වන ලෙස දරුවා ජීවත් වන ප්‍රදේශය ඉලක්ක කරගෙන ප්‍රාථමික පාසල් පද්ධතිය සංවර්ධනය කිරීම යි. මේවා පොත් ගණන් ලියා ඇමතිවරුන් සමග ද සාකච්ඡාකොට විද්වතුන් විසින් භාර දුන්න ද කිසිවක් සිදු වූයේ නැත. කුඩා පාසල් වසා දැමුණා පමණි. සාමාන්‍ය පෙළ ගණිතය සහ ඉංග්‍රීසි විෂයයන් සිසුන් 50% කට වඩා වසරක් පාසා අසමත් වෙද්දී ඒ වෙනුවෙන් ගත් පියවරක් නැත. පෙළ පොත්වල සඳහන් විෂය කරුණුවල වැරදි සිය ගණන් ඔප්පු වෙද්දී ඒවා නිවැරදි කෙරුණේ ද නැත. බොහෝ පාසල්වලට වැරදි සහිත පෙළ පොත් වුවද ලැබෙන්නේ මුල් වාරයත් අවසන් වූ පසුව බවට නිරන්තරයෙන් ම විදුහල්පතිවරු සහ ගුරුවරු මැසිවිලි නගති. කිසියම් වරදක් දිගින් දිගට සිදුවෙද්දී ඒවාට නිසි පියවර නො ගැනෙන විට සිදුවන්නේ වරද සාමාන්‍යකරණය වී සම්ප්‍රදායයක් බවට පත්වීමයි. ඉදින් ලංකාවේ අධ්‍යාපනයට ද සිදුව ඇත්තේ එය යි.

සිසුන් දෙලක්ෂ තිස් නව දහසක් පෙනීසිටි උසස් පෙළ විභාගයේ ප්‍රථිඵල අවුල යනු එහි තවත් එක් විපරීතවූ කූට ප්‍රාප්තියක් පමණි. සිසුන් නිර්දේශ දෙකකින් විභාගයට ලියන බව අවුරුදු දෙකක් තිස්සේ අධ්‍යාපන අමාත්‍යංශය ද විභාග දෙපාර්තමේන්තුව ද දැන සිටියේය. නමුත් ඒ දෙකට ‘z අගය’ ගණන් බැලිය යුතු අයුර සිතන්නේ ප්‍රතිඵල නිකුත් කළ යුතු දිනය පමාවී මසකුත් ඉක්ම ගොස් ජනතාව ප්‍රශ්න කරද්දී ය. උසස් පෙළ විභාගයේ ‘z අගය’ යනු පරණ බංගලාවක තිබෙන හොල්මන් වැනි අද්භූත දෙයකැයි කවුදෝ අන්තර්ජාලයේ ලියා තිබුණි. ‘z අගය’ සදන ආකාරය හෙවත් සූත්‍රය ඉල්ලූ විට ලැබුණු පිළිතුරු තවම කාටත් ග්‍රීක් ය. මේ ගැන කතා කරන්නට රූපවාහිනියට ආ විභාග කොමසාරිස්වරයා තමන් වෙත එල්ලවූ ප්‍රශ්න වලට පිළිතුරු දුන් ආකාරය දුටු එක් පියෙකු නැගූ ප්‍රශ්නය වූයේ "මෙතරම් අපරාධයක් සිදුව තිබියදී ත්‍රස්තවාදියෙකු සේ හැසිරෙන්නේ මන්ද?" යන්නයි. ප්‍රතිඵල පිළිබඳව රට ගිනි ගනිද්දී විභාග කොමසාරිස්වරයා, බන්දුල ගුණවර්ධන සහ එස්. බී. ඇමතිවරයා හැසිරුණ ආකාරය මවිත කරවන සුළු වුවද අප සිහි විසඥ නොවූයේ දුමින්ද සිල්වාටත් රාජ්‍ය අනුග්‍රහය සහිතව යහතින් සිටින්නට හැකි රටක විභාග ප්‍රතිඵලයක් යනු මොන කජ්ජක්දැයි සිතා සිහි එලවා ගනිමිනි.

අධ්‍යාපනය සම්බන්ධ ගැටළුව හෝ වෙන කිසියම් ම ගැටළුවක් වියුක්තව ගෙන විසඳිය හැක්කක් නොවන බව අපි දනිමු. විටෙක පගාව ගැනීම අතින් ශ්‍රී ලංකා පොලිසිය ද අභිබවා ගිය අධ්‍යාපන නිළධාරීන්ගේ පටන්, විෂය නිර්දේශ, ඉගැන්වීමේ ක්‍රමවේද, විභාග ක්‍රමය, උමතු ඇමතිවරුන් යන සියල්ල නිසි පරිදි සකස් කළද ජරාජීර්ණව ව්‍යාධියක් බවට පත්වූ ජරපත් සමාජ දේහයක සියලු කොටස් සුව නො කොට අපේක්ෂිත ප්‍රථිඵල නෙළා ගත නො හැකි වනු ඇත. එහෙත් එතෙක්වත් පවතින ක්‍රමය තුළ හෝ සවිඥානිකව කටයුතු කිරීම බලධරයින්ගේ වගකීමක් වන අතර ඒ වගකීම පැහැර හැරෙන පළමු තැනදී ඊට එරෙහි වීම ජන මාධ්‍යවල ද ජනතාවගේ ද වගකීමකි.

සිය අත්තනෝමතික මනෝ භාවයන් සහ ඒවායේ භෞතික ප්‍රතිඵල ලෝක වේදිකාව මත රඟ දක්වා මුලු මිනිස් සංහතියම ගොඩ එනු බැරි විපත් මුදායක ගිල්වා දැමූ කුප්‍රකට චරිත බොහෝ ඇත. එබඳු විපරීත ක්‍රියාකලාපයන් වෙත ඔවුන් තල්ලුකරනු ලැබූයේ අන් කිසිවක් නොව ඔවුන් තමන්ට ම ඒත්තු ගන්වාගත් අතිශය සාවද්‍ය වූ විශ්වාසයන් ගොන්නයි. 'විශ්වාසයක්' යනු නිශ්චිත හෝ ආසන්න අත්දැකීමකින්, සාක්ෂියකින් තොරව යම් දෙයක් මානසිකව පිළිගැනීම යි. පුද්ගලයෙකු සතු විශ්වාසයන් රැසක් නො එසේ නම් සමාජයක් හෝ කණ්ඩායමක් විසින් එකඟ වූ සහසම්බන්ධිත විශ්වාසයන් රාශියක්, 'විශ්වාස පද්ධතියක්' (Belief System) ලෙස සැළකෙයි. මෙය ආගමික, දාර්ශනික හෝ මතවාදීමය විය හැකිය.

හිට්ලර් සතු වූ ඒ විපරීත සහ දෘඨ එනම් ‘පිරිසිදු ආර්යයන් පමණක් ලොව විසිය යුතුය, ඒ වෙනුවෙන් අන් සියල්ලන් දිවි පිදිය යුතුය’ යන මතවාදීමය විශ්වාසය කෙළවර වූයේ මානව ඉතිහාසයේ මෙතෙක් සිදුවූ කෲරතම විනාශය වූ දෙවන ලෝක යුද්ධයට මුල පුරමින් මිලියන හැත්තෑවක් මිනිස් ජීවිත ම්ලේච්ඡ ලෙස විනාශ කරමිනි. 70 දශකය ලෝකයේ අනෙක් බොහෝ රට වලට බලාපොරොත්තුවේ මොහොතක් සලකුණු කරද්දී උගන්ඩාව වසා සිටි කුරිරු සෙවණැල්ල බවට පත්වූ යේ ජනාධිපත් ඉඩි අමීන් ය. ඔහු තමා රජෙක් බවට විශ්වාස කරමින් හා එය අන් අයට ඒත්තු ගන්වන්නට රැඟූ රැඟුම ‍අවසන් වන විට උගන්ඩා වැසියන් ලක්ෂ පහකට අධික ප්‍රමාණයක් ඔහු විසින් මරා දමා තිබුණි. මේ ලැයිස්තුව තව බොහෝ දිග ය. ඊට ඉතිහාසය පුරා බිහිවූ උම්මත්තක රජවරුන් ද බහුතරයක් ආගමික සංස්ථාවල නායකයින් ද ලොව බේරා ගැනීමට පැමිණි ගැලවුම්කාරයා තමන් බව විශ්වාස කළ අල් කයිඩා නායක ඔසාමා බින් ලාඩ්න් ද අධිරාජ්‍යවාදීන් ට එරෙහි විප්ලවයේ කුමාරයා තමන් බවට විශ්වාස කරමින් මහ මඟ මරා දමන තෙක් 1977 සිට 2011 දක්වා වසර තිස්හතරක් රජ කළ ගඩාෆි වැනි බොහෝ බලවන්තයින් ද ඊට ඇතුළත් ය.

ඉහත සඳහන් කළ සියලු ගැටළුවලට බලපාන පරිදි ඇදහිය නොහැකි තරම් මෝඩ ලෙස හැසිරෙන ලංකාවේ පාලකයින්ගේ නො එසේනම් මේ කාරණයට අදාළ ඇමතිවරුන්ගේ සහ අනෙක් නිළධාරීන්ගේ ද විශ්වාස පද්ධතිය ද එබඳුම ය. ඒවා මායාමය මිථ්‍යාවන්ගෙන් පිරී ඇති තරම කෙතරම් ද යත් තමන් තරම් මේ කාර්යයන් කළමණාකරණය කිරීම සුදුසු අන් කිසිවෙකු නොමැති බව ඔවුහු දැඩිව විශ්වාස කරති. එනිසාම ‘ඉල්ලා අස්වීම’ සඳහා කෙරෙන ඉල්ලීම වැනි ප්‍රජාතන්ත්‍රවාදී(?) ඉල්ලීම් සදය සිනහවකින් බැහැර කරති. උසස් පෙළ ප්‍රථිඵලවල කිසිදු වරදක් නැති බව මොර ගසමින් ප්‍රකාශ කරති. මාධ්‍යවලින් සහ විවිධ කණ්ඩායම්වලින් අනේක සාක්ෂි සහ විරෝධතා එල්ලවෙද්දී කිසිවෙක් ඒ ගැන පැමිණිල්ලක් ඉදිරිපත් කර නැති බව දිවුරා කියති. අනෙක් අතට මේ මොහොත තුළ නැගී එන සියලු ජනතා විරෝධතා යනු ‘නිකම් ඉන්න බැරි පිස්සන් දෙතුන් දෙනෙකුගේ’ ‘කඩාකප්පල්කාරී’ වැඩ බවත් ‘රටට ආදරය කරන අය’ කොහොමත් ‘රට වෙනුවෙන් අපි එක්ක’ බවත් ඔවුහු දනිති.

මේ නො සැලෙන පරම පවිත්‍ර විශ්වාසයේ උපරිමය නම් තමන් කොහොම පොට වරද්දාගත්තත් ජනාධිපතිතුමා ඇවිත් වැඩේ ගොඩදමන දමන බවට ඇති දැනුමයි. මේ විශ්වාස පද්ධතිය තුළ නම් ඇමතිවරුන් පමණක් නොව ජනතාව ද සිටී. ජොන්ස්ටන් ඇමතිවරයාට දවසක් රෑක ගෙදර ගෙන ගොස් කිළුටු සාටක සෝදන ගමන් තනියෙන් කල්පනා වූ පරිදි එළවළු ප්‍රවාහනය සඳහා ප්ලාස්ටික් කූඩ නීතිය ගෙන ආ විට ‘අපේ ජනාධිපතිතුමා’ ඉදිරිපත් වී ගොවීන්ගේ සහ වෙළෙන්ඳන්ගේ ගැටළුව විසඳූ පරිදිම උසස් පෙළ ප්‍රතිඵල පමා වන විට එක දුරකථන ඇමතුමකින් ප්‍රතිඵල නිකුත් කෙරෙව්වේ ද එතුමා ය. ඉතිං එපරිදි ම එතුමා මේ ගැටළුව ද විසඳනු ඇත. අලුත් විභාග කොමසාරිස්ගේ විශ්වාසය කුමක්දැයි දන්නේ අයියනායක දෙවියන් පමණි. එය අනෙක් අයගෙන් වෙනස් වීමට හේතුවක් නැත.

එහෙත් මේ විශ්වාස පද්ධතියේ ගැටළුව නම් මේ පාලකයින්, බලධාරීන් සමඟ සමස්ත ජනතාව ම පරිහානියට යාමයි. කෙබඳු ගැටළු තිබුණ ද මේ රටේ දරුවන්ට ඇති එකම ගැලවීම, සැනසීම සහ වරප්‍රසාදය අධ්‍යාපනය පමණි. මේ අහිමි කරමින් සිටින්නේ ඒ අයිතියයි. අධ්‍යාපන අයිතිය අහිමි වූ දරුවන් පුරවැසියන් වූ රටක අනාගතය ගැන ලිවීමට වඩා නො ලියා සිටීම හොඳය.

බලය තුළින් හිමිවන සුඛාස්වාදය වළඳන සුදු බණ්ඩලාට සහ ටියුෂන් මාස්ටර්ලා ට ඉහළින් සිටින ජනාධිපතිවරයාට ද තමන් ගේ ම වූ පරම විශ්වාසයක් තිබේ.

ඒ, ඉතිහාසය පුනරාවර්තනය නොවන බවට ඇති දැඩි විශ්වාසය යි!
මේ වියමන ඔබේ මූණු පොතට එක් කරන්න-
Tags- Sri Lankan Education, G.C.E A/L, Advance Level Examination, Bandula Gunawardana, S.B. Dissanayake, Mahinda Rajapaksha
පැරණි මාදිලියෙන් ලැබුණු ප්‍රතිචාර-
Samitha මෙහෙම කියනවා :


කිවුව වෙලාව- 2012-02-02 22:03:57
Kalum sandaruwan මෙහෙම කියනවා :


කිවුව වෙලාව- 2012-02-02 17:31:39
Menaka මෙහෙම කියනවා :


කිවුව වෙලාව- 2012-01-18 20:55:01
nalinda මෙහෙම කියනවා :


කිවුව වෙලාව- 2012-01-08 06:25:51
saman මෙහෙම කියනවා :
ජරා යකෙක් රට පාලනය කරන්නෙ .

කිවුව වෙලාව- 2012-01-07 20:41:49
YMA මෙහෙම කියනවා :


කිවුව වෙලාව- 2012-01-07 18:01:16
විභීෂණ මෙහෙම කියනවා :
පරණ විභාග කොමා තක්කඩියෙක්. අලුත් එකා නම් අමු හරකෙක්. ඌ තමයි පෙල පොත් ටික හරියට දීගන්න බැරුව ඉන්දැද්දි ස්කූල් බෑග් හදන්න ගත්තෙ. ඒක අයිත් ඌට නෙමෙයි ආර්පිකෝ එකටයි හම් සන්ස්ථාවටයි කියලවත් ඌ දැනගෙන හිටියෙ නැහැ. මුගෙ හමෙනුත් බෑග් හදන්න පුලුවන් ඇති. මීහරක් හම් හයියයිලුනෙ.

කිවුව වෙලාව- 2012-01-07 10:12:27
Kasun Deeptha මෙහෙම කියනවා :


කිවුව වෙලාව- 2012-01-05 21:26:58
Kasun Deeptha මෙහෙම කියනවා :
ආයෙ නම් ලියන්නෙ නෑ ඔය උසස් පෙළ විභාගය. ප්‍රතිඵල වැරදියි. කතා කරලා වැඩක් නෑ ඒ ගැන.

කිවුව වෙලාව- 2012-01-05 21:26:13
nishantha මෙහෙම කියනවා :


කිවුව වෙලාව- 2012-01-05 21:12:28
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ආලෝක රණසිංහගෙන් තවත් වියමන්
අදහස්
මැරයිනි, ජයතිලක බණ්ඩාර නම් ජනතාවාදී අරගලකරුවාට අත නොතබනු!
අදහස්
ජෙයපාලන් නම් වන පාලම් තනන්නා....!!
අදහස්
පෙම්ලොවදී දුටු ඔහුමද මේ- ඔහුටද මා අන්ධ වුණේ? | Killing Fields වැලිවේරිය
කරන්ට්ස්
නිදහස ලැබුණා මල්ලි, නිදහස ලැබුණා
අදහස්
රිසානා
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
Castro says...
Fight against the impossible and win.

[Luchar contra lo imposible y vencer.]
What's New | අලුතෙන්ම
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook