Facebook
Twitter
Google+
YouTube
Blog
RSS Feed
අදහස් බූන්දි
ජාතිවාදය නම් සිංහ හම යට....
බූන්දි, 16:51:19
සාමූහික බිය සාමූහික ආශයන් උත්තේජනය කර තම රැළට අයත් නොවන උන් ට එරෙහිව රෞද්‍ර ලෙස හැසිරීම ට පොළඹව යි.
-බර්ට්‍රන්ඩ් රසල්

ජිනීවා ගැටළුව පසුගිය හත් වැනිදා ඇමරිකාව විසින් ලංකා ආණ්ඩුවට මානව හිමිකම් ක්‍රියාත්මක කිරීම පිළිබඳව බලකරමින් ගෙනා චෝදනාවලියත් සමඟ උත්කර්ෂයට නැංවී ඇත. අඩු වැඩි වශයෙන් සියලු විකල්ප මතධාරී මාධ්‍යවලින් ද පැහැදිළි කළ පරිදි (රාජ්‍ය මාධ්‍යවල කියූ සියලු දේවල විසංවාදය ගළපා ගැනීමෙන් ඔබට ගැටළුවේ යථා ස්වභාවය අවබෝධ වනු ඇත.) ඇත්තම තත්ත්වය නම්, ජනාධිපති මහින්ද රාජපක්ෂ විසින් සියලු විධායක බලතල යොදා පත් කරනු ලැබූ උගත් පාඩම් හා සංහිඳියා කොමිසමේ වාර්තාවට අනුව කර ඇති යෝජනාවලිය තවම ක්‍රියාත්මක නො කිරීම නිසා ඒ පිළිබඳව බලවත් රටවල් ප්‍රශ්න කිරීම යි.

කොමිසම විමර්ශනය කොට ඉදිරිපත් කර ඇති යෝජනාවලට- අභ්‍යන්තර අවතැන්වූවන් යළි පදිංචි කරවීම, හිටපු සටන්කරුවන් පුනරුත්ථාපනය හා සමාජගත කිරීම, නඩු නැතිව සැකකරුවන් රඳවා ගැනීම නැවැත්වීම, නීති විරෝධී ආයුධ සන්තකයේ තබා ගැනීම අවසන් කිරීම, ආරක්‌ෂක හමුදා ඉවත් කිරීම, ඉඩම් ප්‍රශ්නය, වන්දි ගෙවීම හා සාධාරණය ඉටු කිරීම හා අදාළ ගැටලු, භාෂා ප්‍රතිපත්තිය ක්‍රියාත්මක කිරීම, සමාජ - ආර්ථික හා ජීවනෝපායන් සංවර්ධනය, පරිපාලන ගැටලු හා ශ්‍රී ලංකාවේ වෙසෙන සියලු ජාතීන්ගේ යුක්‌තිසහගත අභිලාෂයන් ඉෂ්ට කිරීමට අදාළ ජාතික සම්මුතියකට පැමිණීමේ අවශ්‍යතාව ඇතුළු සියලු කරුණු අඩංගු ය. අමෙරිකාව ඇතුළු මානව හිමිකම් සංවිධාන කියන්නේ තවත් කල් නොදමා මේ යෝජනා ක්‍රියාත්මක කරන ලෙස මිස අන් කිසිවක් නොවේ.

මෙයින් හොඳට ම කලබල වූ විමල් වීරවංශ ප්‍රමුඛ ජාති හිතෛශීහු 'ජනතාව'ට බත් සහ අරක්කු දී, රජයේ සේවකයන්ට විශේෂ නියෝග නිකුත් කොට පාරට බැස්සුහ. ඉන්ධන මිල වැඩි කිරීම නිසා වීදි බසින්නට සිටි ජනතාව ‘අධිරාජ්‍යවාදී රකුසා’ ගේ සුරංගනා කතාවෙන් මෝහනය වී මහ මඟට පිළිපන්නේ ඉන්ධන සහ ඇන්ටනී ව බල්ලාට දමමිනි. රජයේ මාධ්‍ය රණ බෙර වැයූ අතර දේශාභිමානී ගීයෙන් හෙළය ගිගුම් දුනි.

ඉතින්, මේ ලංකාව යි! විපක්ෂ හෝ විකල්ප කණ්ඩායම් කිසිදාක හරියට වටහා නො ගත්, විමල් වීරවංශලා සහ පාඨලීලා ගේ සහයෙන් වැජඹෙන ජනාධිපතිවරයා හරියට ම කියවා ගත් ලංකාව යි. ඔහු කියවා ගෙන ඇත්තේ ලංකාව පමණක් නොවේ. විපක්ෂය ද විකල්ප මත දරන බොහෝ දෙනාගේ නිල ද හරියට ම අල්ලා ඇත.



ඊට හොඳම උදාහරණය පසුගිය දිනවල ටී.එන්.ඒ. එක හැසිරුණු ආකාරයයි. ලොව පුරා දෙමළ ජනතාව මවිත කරමින් ටී.එන්.ඒ නායක සම්බන්දන් ප්‍රකාශ කළේ ඔවුන් ජිනීවා සමුළුව වර්ජනය කරන බවයි. අඩ සියවසක් තිස්සේ සිංහල ජාතිවාදී පක්ෂ සහ ආණ්ඩු විසින් ද අවස්ථාවාදී දෙමළ නායකයින් විසින් ද අතරමං කරනු ලැබූ දෙමළ ජනයාගේ ඉරණම එබඳු ය.

මහින්ද සමරසිංහ ජිනීවා නියෝජිතයන් ට කියූ දේ දිවයින මෙසේ වාර්තා කර තිබුණි.

"වාර්තාවෙහි ඇතුළත් බොහෝ නිර්දේශයන් පිළිබඳ ප්‍රගතියක්‌ ලබා තිබීම මාගේ සතුටට හේතුවකි. රජය විසින් අඛණ්‌ඩව ක්‍රමානුකූලව හා සම්පූර්ණ ලෙස මෙම ගැටලුවලට පිළියම් යෙදීම සිදු කරනු ඇත. ප්‍රගතියක්‌ අත් කර ගෙන ඇති සමහර ක්‌ෂේත්‍රයන්ට අභ්‍යන්තර අවතැන්වූවන් නැවත පදිංචි කරවීම, බිම් බෝම්බ ඉවත් කිරීම, හිටපු සටන්කරුවන් පුනරුත්ථාපනය, භාෂා ප්‍රතිපත්තිය ක්‍රියාවට නැංවීම, දෙමළ භාෂාව කතා කරන පොලිස්‌ නිලධාරීන් සේවයට බඳවා ගැනීම, කලින් ආරක්‌ෂක අභිමතාර්ථයන් වෙනුවෙන් යොදා ගත් නැගෙනහිර ඉඩම් නැවත පදිංචි කරවීම හා නැවත පැමිණීම සඳහා යොදා ගැනීමට ඉඩ සැලසෙන පරිදි උතුරේ සිවිල් පරිපාලන මධ්‍යස්‌ථානවලින් ආරක්‌ෂක අංශ ඉවත් කිරීම හා උතුර හා නැගෙනහිර පළාත්වල පුළුල් සංගණනයක්‌ පැවැත්වීම ඇතුළත්ය. පුළුල් ලෙස ආමන්ත්‍රණය කිරීම අවශ්‍ය වෙනත් නිර්දේශ ද වාර්තාවෙහි ඇතුළත්ය. විශේෂයෙන්ම උතුර හා නැගෙනහිර පළාත්වල සෑම දිස්‌ත්‍රික්‌කයකටම ඉඩම් භාවිත කිරීමේ සැලැස්‌මක්‌ ක්‍රමවත්ව සකස්‌ කිරීමේ හා දිගුකාලීන මූලාරම්භයක්‌ ලෙස මුළු රටටම අදාළ වන පරිදි ජාතික ඉඩම් කොමිසමක්‌ පිහිටුවීම හා අදාළ නිර්දේශ පිළිබඳව වැඩිදුර අධ්‍යයනයක්‌ අවශ්‍ය අතර එය සුපරික්‌ෂාකාරීව සැලසුම් කළ යුතු දෙයකි."

අවතැන් වූවන් නැවත පදිංචි කළා නොව ටකරං කිහිපයක් දී ඔවුන් ගිනි ගෙන දැවෙන පොළවට දැවෙන්නට වීසි කර දැමූ බව ඔහු කීවේ නැත. ගෙවල් දොරවල් තිබූ තැන්වලට ඔවුන් ඇඳිවත පිටින් ආපසු එද්දී ඒ ඉඩම් ආරක්ෂක හමුදා අධි ආරක්ෂක කලාප බවට පත් වී ඇත බව ඔහු කී‍වේ නැත. 2009 යුද්ධය අවසන් වන විට හෙක්‌ටයාර 4098.36 ක ප්‍රදේශයක පිහිටි අධි ආරක්‌ෂිත කලාප වලින් කොටසක් පමණක් ඉවත්කළ ද මේ වන විටත් එය හෙක්ටයාර 2600 ක පමණ ප්‍රදේශයක් ගිලගෙන ය. යාපනයේ කුඩා දැරියන් දෙමළ ඇමතිවරුන්ගේ මැරයන් විසින් දූෂණය කර මරා දැමෙන බව ද මඩකලපුවේ කුඩා දරුවන් කරුණාගේ මැරයින් විසින් කප්පම් පිණිස පැහැර ගෙන ගොස් මරා දැමෙන බව ද හරියට බීමට දිය ‍බිඳක් නැති චාටි වෙරළ අසබඩ ගම්වල මිනිසුන් හවස 6 න් පසු එළියට නො බසින්නේ ඇමති ඩග්ලස් දේවාන්නද ගේ මැරයින්ට ඇති බිය නිසා බව ද ඔහු කීවේ නැත. උතුරේ ද දකුණේ ද වෙනසක් නැතිව මිනිසුන් අතුරුදන් කෙරෙන බව ද මරා දැමෙන බව ද මහ කොළඹ මැද පුළුස්සන ලද මිනී හමුවන බව ද ගැහැණු දරුවන් මරා දමා යළි දූෂණය කෙරෙන බව ද ඒ සියල්ලට වගකිව යුතු දේශපාලන බලවතුන්ව ආණ්ඩුව විසින් කොන්දේසි විරහිතව රකින බව ද ඔහු කීවේ නැත. විකල්ප මත දරන්නන් දේශද්‍රෝහීන් ලෙස සලකා ඔවුන්ගේ උද්ඝෝෂණ කඳුළු ගෑස්, වතුර ඒත් බැරිනම් විශේෂ හමුදා කණ්ඩායම් ලවා පහර දී ලත් තැනම චප්ප කරන බව ඔහු කීවේ නැත. උතුරේ ඉඩම් හිතවතුනට රිසි සේ බෙදා දී පුත්‍ර සමාගමට හෝටල් හදන්නට ත්‍රිකුණාමල වෙරළ ලියා දී ඇති බවත්, පොලිස් මුර කාවල් යොදාගෙන ඒ යුවරජු ම පාසිකුඩා වෙරළ පිරෙන්නට හෝටලයක් හදන බවත්, ඒ පුතු ම තංගල්ල බාලිකාව සහ තංගල්ල බස් නැවතුම් පොළබිමට සමතලා කර තවත් හෝටල් සංකීර්ණයක් හදන්නට පිඹුරුපත් සාදා ඇති බවත් බවත් එතකොට ඔය කියන ‘පරිස්සමින් අධීක්ෂණය කොට පත් කළ යුතු’ ඉඩම් කොමිසම් කිසිවක් නො බැලූ බවත් ඔහු කීවේ නැත. මේ රටෙහි තව දුරටත් නීතියක් නැති බවත් තිබෙන එකම නීතිය රජ පවුලේ නීතිය බවත්, නීතියේ ස්වාධිපත්‍යය ගලග්‍රහයෙන් ගෙන විධායකයේ සාක්කුවේ දා ගෙන ඇති බවත් මරණ දඬුවම ද අභය දානය ද සඳහා යා යුත්තේ වෙන කොහේවත් නොව ජනාධිපතිවරයා ළඟට බැව් රජයේ ඇමතිවරු නිවේදන නිකුත්කරන බවත් ඔහු කීවේ නැත.



ඔලිවර් කෝක්ස් ගේ ‘පන්තිය, කුලය සහ ජාතිය’(1948) ඇසුරින් මේ තත්ත්වය මෙසේ විග්‍රහ කළ හැක. මාක්ස් ජාතිවාදය පිළිබඳව දැරූ අදහස් පැහැදිළිව ඉදිරිපත් කරන ඔහු පවසන්නේ ජාතිවාදය යනු මිනිසා උරුමයෙන් ලද දෙයක් නො වන බවයි. ඔහු තර්ක කරන්නේ ජාතිවාදය යනු ප්‍රබන්ධිත යමක් බවයි. ඔහුට අනුව එය උපදින්නේ ‘ප්‍රායෝගික සූරාකෑමේ සම්බන්ධතාවක්’ තුළිනි. එක් කණ්ඩායමක් විසින් අනෙක් කණ්ඩායම සූරාකෑම සාධාරණීකරණය කිරීම සඳහා ජාතිවාදය උපයෝගී කර ගැනෙයි. කෝක්ස් මෙය සම්බන්ධ කරන්නේ ධනවාදයේ නැගීමට යි.

කාස්ට්ල්ස් සහ කෝසැක්ස් සහ ඉම්මෑනුවෙල් වෙලස්ටීන් වැනි විචාරකයින් ද මේ මතය ම සනාථ කරයි. කම්කරු හමුදාවක් පවත්වා ගැනීම ධනවාදයට ප්‍රයෝජනවත් ය. (ලංකාවේ නම් අත්‍යවශ්‍ය ය.) ජාතිකත්වය යනු ලෝක මට්ටමේ ‘දේශපාලන උපරි ව්‍යුහයේ’ කොටසක් වන අතර ලෝකයේ සෑම රාජ්‍යයකට ම වෙන් කරන ලද ස්ථානයක් ඇත. ජාතිකත්වය පිළිබඳ සංකල්පය කරනුයේ බලවත් ජාතීන්ට ධූරාවලියේ ඉහළ ස්ථානයන් හිමිවීම සාධාරණීකරණය කිරීම යි.

විපක්ෂය සහ විකල්ප කණ්ඩායම් කියන්නේ (සහ විශ්වාස කරන්නේ) ජනාධිපතිවරයා ජාතිවාදියෙක් නිසා මේ යෝජනා ක්‍රියාත්මක නො කරන බව යි. මහින්ද ෆැසිස්ට් වාදියෙකැයි තවත් අය විශ්ලේෂණය කරති. සැබෑව නම් ජනාධිපතිවරයාට අවැසි දේපළ පමණක් බවයි. ඔහු බලය අල්ලා ඇත. ඒ තුළින් මිනිසුන් ද අල්ලා ඇත. දැන් ඔහුට සහ රජ පවුලට අවශ්‍ය උත්පත්තියෙන් හිමි නො වූ ධනය රැස් කර ගැනීමට ය. එහි දී ඔහුට උතුර ද දකුණ ද කියා වෙනසක් නැත. උතුරේ මිනිසුන් සිවිල් බලයෙන් වඩා දුර්වල නිසා වඩ වඩා පැහැර ගැනීම් කොල්ල කෑම් සිදුවෙයි. දකුණේ වැඩි ප්‍රසිද්ධියක් නැතිව ඉඩම් සහ හෝටල් පැහැර ගැනෙයි. හිට්ලර් යුදෙව්වන් මැරුවේ පිරිසුදු ආර්ය වර්ගයක් බිහි කිරීමේ වර්ගවාදී අරමුණක් වෙනුවෙනි. එහෙත් මහින්ද ට හිට්ලර් ට තරමවත් කණ්ඩායම් හැඟීමක් නැත. ඇත්තේ බල සහ දේපළ උමතුව පමණි. ඔහුට ජාතිවාදය (සහ ආගම) යනු ධනය සහ බලය රැස් කිරීමට උපයෝගී කරගන්නා මෙවලමක් පමණි.



පාඨලී චම්පික රණවක සහ උදය ගම්මන්පිල වැනි අවංක ජාතිවාදීන් ද, අළුතින් ම දෙමළ ජනතාවට පෙම් කරන අරගල ව්‍යාපාරයේ සහෝදරවරුන්බාහු ඇතුළු වම ට ද තවමත් වටහා ගත නො ගන්නා නැත්නම් දකින්නට අකමැති අල ගෙඩිය මෙය යි.

ජාතිවාදී සංකල්පය දේපළ පිළිබඳ කෑදර අදහසට වඩා බරසාර ය. රොමෑන්ටික් ය. එහෙත් ධනවාදයෙන් උත්කෘෂ්ටත්වයට නංවනු ලැබූ පවුල්වාදය ෆැසිස්ට්වාදයටත් වඩා භයානකය.
මේ වියමන ඔබේ මූණු පොතට එක් කරන්න-
Tags- Agitations against advisory panel in Geniva, Mahinda Samarasinghe, UN Human Rights Council, Geneva, LLRC Report, Sri Lankan War, Political solution, Mahinda Rajapaksha, Wimal Weerawansha, Patali Champika Ranawaka
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ආලෝක රණසිංහගෙන් තවත් වියමන්
අදහස්
මැරයිනි, ජයතිලක බණ්ඩාර නම් ජනතාවාදී අරගලකරුවාට අත නොතබනු!
අදහස්
ජෙයපාලන් නම් වන පාලම් තනන්නා....!!
අදහස්
පෙම්ලොවදී දුටු ඔහුමද මේ- ඔහුටද මා අන්ධ වුණේ? | Killing Fields වැලිවේරිය
කරන්ට්ස්
නිදහස ලැබුණා මල්ලි, නිදහස ලැබුණා
අදහස්
රිසානා
තවත් අදහස් බූන්දි
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
BoondiLets
සිත්තරා මරා ඝාතකයා පහළ වීම
හිට්ලර්, ස්වකීය තුරුණු විය මුලුල්ලේම සිහින දුටුවේ සිත්තරෙකු වීමටයි! වියානා කලා ඇකඩමියට ඇතුළත් වීම සඳහා හිට්ලර් ඉදිරිපත් කළ අයදුම්පත් දෙවරක් ම ප්‍රතික්ෂේප විය. පසු කලෙක... [More]
What's New | අලුතෙන්ම
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook