Facebook
Twitter
Google+
YouTube
Blog
RSS Feed
අදහස් බූන්දි
දඩයක්කාරයාගේ දියණිය අවිය අමෝරන්නට මොහොතකට පෙර
සයිමන් නවගත්තේගම යනු නූතන සිංහල සාහිත්‍ය හා නාට්‍ය කලාවෙහි හැරවුම් ලක්ෂ්‍යය බව කවුරුත් අවිවාදයෙන් පිළිගන්නා කරුණකි. සමස්ථයක් ලෙස ඔහු ජීවත්ව සිටිය සමයේ එතරම් ගැඹුරු කියවීමකට භාජනය නොවුනු ඔහුගේ කෘති, දැන් දැන් ඉන්ද්‍රජාලික යථාර්ථවාදය ඇතුළු තවත් බොහෝමයක් නූතන කියවීම් සමග නව සමාජ කතිකාවන්ට බඳුන් වන්නට පටන්ගෙන ඇත. අන්තර්ජාලය ආශ්‍රිතව ඇරඹෙන මෙම නව සංවාද දඩමීමා කරගනිමින් ඇතැම් පිරිස් තම සිතැඟීන් ජයගනීමට සයිමන් වැරදි මාර්ගවල යැවීමට දරන උත්සාහයන්හි කිසියම් සමගාමී වර්ධනයක් ද දක්නට ඇත. මේ ඒ අලලා සයිමන්ගේ දියණිය වන මායා නවගත්තේගම විසින් සිය පෞද්ගලික අත්දැකීම් ඇසුරෙන් සකසන ලද වියමනකි. කුඩා කල සිටම සාහිත්‍ය හා කලා කටයුතු වලට දැඩි ඇල්මකින් සිය පියා සමග සම්බන්ධව කටයුතු කළ මායා, අසූව දශකයේ මුල් වකවානුවේදී විවිධ ගුරුකුල ඇසුරෙන් පසු පර්යේශනාත්මක නර්තන ශිල්පිනියක ලෙස ස්වීය අධ්‍යන කටයුතු ආරම්භකළාය. ගතවුනු වසර විසිපහක කාලය සිට මේ දක්වා ලන්ඩන් නුවර දිවිගෙවන ඈ මේ වන විට පූර්ව ළමාවිය සංවර්ධනය පිළිබදඳ තමන්ගේම ආයතනයක කටයුතු කරන්නීය. ලේඛන කලාවට මහත්සේ ඇලුම් දක්වන් ඈ පොදු ජන පාඨකයා අතරට එන පළමු අවස්ථාව මෙයය.

[-ලිපිය බූන්දියට යොමු කළ සහෝදරයා ගේ හැඳින්වීම් සටහන.]
බූන්දි, 21:12:53
සයිමන් නවගත්තේගම මගේ පියා පිළිබඳ සංවාද නව මුහුණුවරකින් සමාජ කරළියට පැමිණ තිබීම ඉහවහායන සතුට දනවන්නකි. එය අදවන විට වඩ වඩා ප්‍රොබෝධයකින් සමජ කරලිය පුරා දිවයන්නට පටන්ගෙන තිබීම දැකීම දියණියක ලෙස මා ලැබූ මහත් භාග්‍යක් ලෙස සලකමි. නූතන Social Networks (Facebook, Twitter), Blog හා Web අඩවි ආදිය හරහා ඇතිවන මේ නැවුම් ලගන්නා සුළු සංවාද වෙත නවමානයන් එක් කිරීම වෙනුවෙන් ඇප කැපවෙන මගේ පියාගේ කෘතහස්ත පාඨක සමූහයාට හදපිරි ස්තුතිය හා ගෞරවය පිරිනැමීමට මෙය අවස්ථාව කරගනිමි. ඒ මීට සත් වසරකට ඉහත අකාරුණික දිනයක මිය ගිය මගේ පියාගේ ගෞරවනීය නාමය වෙනුවෙනි. අදටත් ඒ සෝචනීය දිනය පිළිබද මතකය මෙනෙහි කිරීමට පවා මා බියවෙමි. ඒ දියණියක නිසාම පමනක් නොව සිංහල සාහිත්‍ය හා නාට්‍ය කලා විෂයය තුළ ඇල්ම පිරි පාඨකයකු හා රසිකයකු ලෙස ඔහු කෙරෙහි මා තුළ වන භක්ති ආදරය නිසාය.

මගේ පියා මගේ මවට වඩා දැඩි ස්නේහයෙන් දීග කෑවේ සාහිත්‍ය හා නාට්‍ය කලාව සමග කීවොත් එය නිවැරදිය. ඔහු ඒ වෙනුවෙන් විවිධ සමාජ පංතීන් වල ගැහැනුන් හා පිරිමි සොයා ඉබාගාතේ බොහෝ දුර ඇවිද ගියෙයේය. ඇතැම් විට දින සති මාස ගානන් ගතවී යද්දී අප පියා නැති සොව්න් මිරිකී ගියද ඔහුට එය දැනුනේවත් නැත. ඔහු එතරම් නොනැසෙන ආත්ම විශ්වාසී හදවතකින් කටයුතු කරන්නෙකු යැයි සිතීම පවා පුදුම සහගතය. ඒ ඊට අදාල බෝහෝමයක් ගැහැනුන් හා පිරිමින් ඔහුගේ කෘතිවල ප්‍රධාන කථා නායකයන් වී ඇති අපූරුව දෙස බලන විටය.



සාහිත්‍ය හා කලාවේ නාමයෙන් ඔහු විටෙක පියකු ලෙස දියණියක වෙත පිදියයුතු යුතු සෙනෙහස හා යුතුකම් පසෙක ලා කටයුතු කළ අවස්ථා මගේ මතකයට නැගෙන්නේය. බොහෝ අඳුරු රාත්‍රීන් වල එම නිසාම හඬමින් නින්දට යන්නට කුඩා මට සිදුවුනු වාර අනන්තය. වාසනාවකට හය හතර නොතේරුනු නොදරුවෙක් වුවද එදා මා හට ඔහු කෙරෙහි වෛර සිත් පහල නොවූයේය. ඒ සාහිත්‍ය හා කලාව කෙරෙහි ඔහු තුළ වූ ඒ සා විශාල අපිරිමිත සෙනෙහස කවදා හෝ පැහැබර අනාගතයක මංපෙත් විවර කරාවි යන්න ඉවෙන් මෙන් කුඩා මට දැනුනිසා වන්නට ඇත. ඔහු තුරුලේ නැලවෙමින් නොයක් දේ දොඩවන්නට කුඩා මම මහත් ලෙස ඇලුම් කළෙමි. අප ජීවත් වූ කුඩා මහල් නිවාසය නොකඩවා ඔහුගේ මුඛ කුහරය හරහා ගලන පයිප්ප දුමාරය නිසා නිරන්තරයෙන් වැසී පැවතිණ. රුසියානු ළමා කතාවල එන මිහිදුම් මැදින් යන පිණි මුවන් බැදි කරත්ත මම ඒ දුම් පටල තුළ ඕනෑ තරම් දැක ඇත්තෙමි.

වැඩිවිය පැමිනි පසු පවා මසිත ඒ ඉමිහිරි ආස්වාදය අවිඥානිකව ඇලුම් කළේය. මා ස්වකැමැත්තෙන්ම සෝදුපත් කියවමින් හා ඔහුගේ ලේඛන නැවත නැවත ලියමින් ඔහුට සහාය වූයේ නිරන්තර ඔහු අසල දැවටෙන්නට ඇති ඒ දැඩි කැමැත්ත නිසා වන්නට ඇත. මා ඇබ්බැහියෙන් මෙන් ඔහුගෙ පොත් පත් දිනපතා පිස දමමින් රාක්කවල තැම්පත් කළෙමි. පුවත් පත්වල ඇති සියළු ලිපි සුරැකිව පිළිවෙලට රැස්කළේ රාජකාරියකට වඩා උතුම් දේව කාරියකැයි සිතාගෙනය. ගල්කිස්ස මුහුදුවෙරළට තාත්තා කවදත් කැමතිය. කුඩා මා තාත්තාගේ අතේ එල්ලෙමින් ඒ වෙරළ ඔබමොබ ගිය අනන්ත වාර මට අද වාගේ මතකය. ඒ මතක සමග ගල්පරයක් මත තනිවන්නට මම අද වෙනදාටත් වඩා කැමතිය. ඒ ගල්පර අතර විසිරෙන යෝධ ජලකඳ මවිසින් මුහුකළ තාත්තාගේ භශ්මාවශේෂ හා එක්ව ඔහුගේ උණුහුම මගේ හදවතට සමීප කරන නිසාය. ලියනවානම් ඔහු පිළිබදව වන දහස්ගනනින් පිටු පුරවන්නට තරම් මතක ගබඩා මසිත සිරවී පවතින්නේය. ඒ තාත්තා පිළිබද වන හද උතුරා යන අප්‍රමාණ සෙනෙහස සමගය.

මේ මතකයන් සමග අප විසින් අද සාකච්ඡාවට බඳුන් කළ යුතුව ඇති ප්‍රධාන කාරණයට මම ඔබලාගේ සහය පතන්නෙමි. ඒ නූතන Social Networks හරහා ඇරඹෙන සයිමන් නවගත්තේගම පිළිබඳ නව කතිකා හා සංවාද වලට සමාන්තරව ගොඩනගමින් තිබෙන ඔහුගේ කීර්තිනාමය විනාශ කරන හා වැරදි අර්ථකතනයන් බලෙන් ඔහුගේ කෘති තුළට පැටවීමේ ල්ජ්ජාසහගත වෑයම පැරදවීමේ කතිකාවත පෙරට ගැනීය.

ඒ පිළිබඳ මගේ නෙත ගැටුනු ආසන්නම උදාහරණය මගේ පියා පිළිබද ව්‍යාජ තොරතුරු සමාජය තුළ වපුරමින් යන Simon Nawagaththegama [facebook.com/simon.nawagaththegama] නැමැති Facebook Profile එකය. එය කවුරුන් විසින් කාගේ උවමනාවකට ආරම්භකරන ලද්දක් ද යන්න පැහැදිලි නැත. නමුත් එය සයිමන් නවගත්තෙගම දඩමීමා කරගනිමින් ව්‍යාජ තොරතුරු වපුරන බවනම් පැහැදිළිය. එහි එන මගේ පියා පිළිබද තොරතුරු සියල්ල වැරදිය.

තවද අදාල Profile එකෙහි මිතුරන් ලෙස Add කර ගනිමින් මගේ පියාට හිතවත් කම් ඇති ක්ෂෙත්‍රයේ බොහෝ දෙනෙකුට ව්‍යාජ තොරතුරු සහිත Messages බොහෝමයක් යවා ඇත. අප පවුලේ සාමජිකයන් වෙසින් මගේ පියාගේ ආදරණීය පාඨකයන් කිහිප දෙනෙකුට තවත් ව්‍යාජ දේ පවසමින් චෝදනා කර ඇත. කොටින්ම එම ව්‍යජ Facebook Profile යේ සඳහන් මගේ පියාගේ උපන් දිනය, උපන් ස්ථානය ආදිය සියල්ල වැරදිය. එහි මගේ පියාගේ නමින් දමා ඇති ඇතැම් කවි වෙනත් අය විසින් ලියන ලද ඒවාය. දැනටමත් එහි මිතුරන් ලැයිස්තුවට එකව ඇති අපගේ පවුලේ හිතවතුන් හා තවත් බොහෝ අය දුරකථනයෙන් කතා කරමින් මට පවසන්නේ මියගිය මගේ පියා වෙනුවෙන් Facebook Profile එකක් කුමට ද; අවශ්‍යය නම් Facebook Page එකක් නිර්මාණය කිරීම ප්‍රමාණවත් නොවන්නේ ද යන පැනයය. ඒ මේ ව්‍යාජ
(Facebook Page එක) අප විසින් පවත්වාගෙන යන්නක්ය යන්න සිතාගෙනය.



සයිමන් යනු මගේ පියා වූ පමණින් ඔහුගේ නිර්මාණ සමාජ ගතකිරීමේ අයිතිය අප පවුලට පමනක් සීමාවූවක් බවට මම ද එකඟ නොවෙමි. ඔහුට ආදරය කරන ආදරණීය පාඨකයන් හා රසිකයන් ද ඒවායේ කොටස්කරුවන්ය. එහෙත් එය දඩමීමා කරගනිමින් ඇතැම් නොමිනුසුන් විසින් කරගෙන යන මේ ආකාරයේ බාල ක්‍රියා ඉදිර්යේ මුනිවත රැකිය යුතු නැත. එසේ නොවන්නට වගබලා ගැනීම අද ඔබත් මමත් ඇතුලු සැවොම ඉදිරියේ ඇති වගකීමය. ඒ කාලාවේ නාමයෙන් නිර්ව්‍යාජව කටයුතු කළ තවත් බොහෝමයක් මිනිසුන්ගේ කීර්ති නාමයන් හෙට දවස විනාශ නොවීමේ සැබෑ සමාජ සත්කාරය සමගය.

[-මායා නවගත්තේගම, ලන්ඩන් නුවර සිට]
වෙනත් සබැඳි |
Simon Navagattegama @ Wikipedia
මේ වියමන ඔබේ මූණු පොතට එක් කරන්න-
Tags- Simon Navagattegama, Maya Nawagaththegama, Sinhala novelist, playwright and actor
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
විරහවේ නොස්ටැල්ජියාව, ආදරය සහ කවිය
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
බූන්දි නව ඊමේල් ලිපිනය- editorial@boondi.lk
BoondiLets
මාර්කේස්ගේ සමුගැනීමේ ලිපියෙන්.
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප... [More]
What's New | අලුතෙන්ම
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook