Facebook
Twitter
Google+
YouTube
Blog
RSS Feed
වෙසෙස් බූන්දි
දුම් නැගෙන ගිනි මූලය සොයමුද? ලන්ඩන් සිට කොළඹ දක්වා කෝපාග්නියේ අතුරු කතාවක්
බූන්දි, 09:16:06
‍පහුගිය වසරේ අගෝස්තු මාසයෙදි එංගලන්තයේ ලන්ඩන් නුවර සහ තවත් ප්‍රාන්ත කිහිපයකම ප්‍රධාන නගර කිහිපයක් පුරා ඇවිල ගිය තරුණ උද්ඝෝෂණය හා කලකෝලාහල තත්ත්වය එරට මෙන්ම සමස්ත ලෝකයේම අවධානයට ලක්වූ කාරණයක් වුණා. දේශපාලන ආර්ථික සංකල්පවලින් ලෝකයට මගපෙන්වන රටක් ලෙසත්, බහු සංස්කෘතිකත්වයත් සමගම ලෝකයට වඩාත් බැදුණු රටක් ලෙසත්, ඒ වගේම ලෝක බල දේශපාලනයේ බටහිර ධනේෂ්වර බලකඳවුරේ කේන්ද්‍රීය රටක් ලෙසත්, ස්ථරයන් ගණනාවක් හරහා මේ සිදුවීම නිර්වචනය වන්නට පටන් ගත්තා. ‍මේ සියළු ස්ථරයන් වලින් විවිධාකාරයේ අදහස් දැක්වීම්, මතවාදයන් බොහෝමයක් පළවුණා. ඒවා බොහෝමයක් ජනප්‍රිය තලයේ තැබිය හැකි ඒවා වුවත්, වඩාත් අධ්‍යනික මට්ටමෙහිලා සැළකිය හැකි පර්යේෂණ වාර්තා ගණනාවක් ද අන්තර්ගත වුණා.

මේ අතරින් එංගලන්තයේ “ද ගාඩියන්” පුවත්පත සහ 'ලන්ඩන් ස්කූල් ඔෆ් එකොනොමික්ස්'හි සමාජ ප්‍රතිපත්ති දෙපාර්තමේන්තුව එක්ව සිදුකළ පර්යේෂණ වාර්තාව බිම්මට්ටම හා වඩා සබැඳි ස්වාධීන වූවක්. එමගින් මෙම තරුණ කෝලාහලය පිළිබදව ජනප්‍රිය මතයන් අභිබවමින්, එංගලන්ත සමාජයේ පවතින දේශපාලන ආර්ථික හා සමාජයිය කරුණු කාරණා ගවේෂණයකට යොමුවුණා. දේශපාලන ක්ෂේත්‍රයේ මෙන්ම, මාධ්‍ය ක්ෂේත්‍රය තුළත් වඩාත් ජනප්‍රිය‍ ලෙස භාවිතා වුණු අදහස්, මතවාද වල හරය මෙමගින් විමසා බැලුවා.

අප තුළ ඇති විවිධාකාර අගතීන් පසෙකලා විවෘත මනසකින් බැලුවොත්, පශ්චාත් යුධ ශ්‍රී ලංකාවේ තිබෙන්නේ, “ආයුධ වලින් කෙරුණු ද්වීපාර්ශවික යුද්ධය” අවසන් වී තිබෙන එහෙත් සුවපත් නොවූ සමාජයක්. ඒ තුළ තවමත් රජයන්නේ ජනප්‍රිය සමාජ මතයන්. ඒවා කිසිලෙසකින් වත් සමාජ ආර්ථික ගවේෂණයක් මගින් පෝෂණය කළ ඒවා නෙවෙයි. එංගලන්තයේ ජනප්‍රිය පුවත්පතක් සහ ලෝකයේ ප්‍රමුඛ අධ්‍යයන ආයතනයක් එක්ව සිදුකළ මේ පර්යේෂණය රටක් ලෙස අපටත් ආදර්ශයන් ගණනාවක් සපයනවා. රාජ්‍ය නොවන ව්‍යාපාර, මාධ්‍ය සදහා වන සමාජ වගකීම ඉන් පළමුවැන්නයි. අනෙක් ආදර්ශයන් ඇතුලත් වන්නේ, මේ අධ්‍යනයේ සොයා ගැනීම් තුළයි. මෙම අධ්‍යයන පිළිබඳව උනන්දු වීම එක් පසෙකින් ලෝකයේ අවධානයට ලක්වූ සිදුවීමක් පිළිබදව විමසාබැලීමක් වනවා මෙන්ම, යම් යම් මට්ටම් වලදී රටක්, සමාජයක් ලෙස පොදුවේ හැමදෙනාගේම අවධානයට ලක්විය යුතු කරුණු කාරණාවන් ගණනාවක් අධ්‍යනය කිරීමක්ද වනවා.

2011 වසරෙ අගෝස්තු 4 වැනිදා ලන්ඩන් නුවර ‍ටොටන්හැම් ප්‍රදේශයේදී මාක් ඩගන් නම් තරුණයෙකු පොලිස් වෙඩි පහරට ලක්ව මිය යනවා. පොලීසිය පවසන්නේ ඔහුව සැක කටයුතු යමක් සදහා පරීක්ෂාවට ලක්කිරීමට සැරසෙන විට ඔහු විසින් පොලිසීයට වෙඩි තැබීමට උත්සාහ කළ නිසා, ඔහුට වෙඩි තැබූ බවයි. කළු ජාතිකයෙකුවූ මාක් ඩගන්ගේ පවුලේ අය සහ හිතවතුන් 06 වැනි සෙනසුරාදා පොලීසිය අසල රැස්වෙන්නෙ, මෙම වෙඩි තැබීම හා මරණය ගැන ප්‍රශ්න කිරීමට. එහෙත් ඔවුන් බලාපොරොත්තු වෙන ආකාරයට පිළිතුරක් ලැබෙන්නෙ නැහැ. ඩගන්ගේ දෙමාපියන් හා හිතවතුන් එතැනින් පිටව යෑමත් සමගම රැස්ව සිටි පිරිස් පොලීසිය සමග ගැටුමක් ඇති කරගන්නවා. එය ක්‍රම ක්‍රමයෙන් වර්ධන වීමත් සමගම එය කඩවල් කොල්ලකන, පොදු දේපල විනාශ කරන, පොලිස් වාහන ගිනි තබන කෝලාහලයක් බවට පත්වෙනවා. ටික වෙලාවකින් ‍කෝලාහලය අසල නගර වලටත් විහිදෙනවා. දෙවන දිනය වන විට ‍කෝලාහල තත්ත්වය ලන්ඩන් නුවර පුරා ප්‍රදේශ ගණනාවක් පුරා පැතිරෙනවා. ගිනිතැබීම්, කඩසාප්පු කොල්ලකෑ‍ම් ප්‍රමාණය තව තව ඉහළ යනවා. තෙවන දිනය වන විට ලන්ඩන්වලින් එපිට ඈත ප්‍රාන්ත දක්වා කෝලාහල ව්‍යාප්ත වෙනවා. මැන්චෙස්ටර්, බර්මින්හැම්, නොටින්හැම් වගේ නගර ඊට අයත්. කෝලාහලවල අවසන් දිනය වන හතරවන දිනය තුළදි ලන්ඩන් නුවරින් එපිටට තව තවත් ව්‍යාප්ත වෙද්දි බර්මින්හැම් නගරයෙදි සිය කඩය කොල්ලකරුවන්ගෙන් ආරක්ෂා කරමින් සිටි පුද්ගලයින් තිදෙනෙකු ඝාතනය වනවා.


මාක් ඩගන්

සිද්ධියක් ලෙස මාක් ඩගන්ගේ මරණය ඉස්මතු වුවත්, ඇත්තටම මෙම කොල්ලකාරී තත්ත්වය හා සම්බන්ධ වූවන් සමග වන කතාබහේදී පැහැදිලි වන දෙයක් වෙන්නේ, සමාජයේ එක්තරා පිරිසක් විසින් දිගින් දිගටම මුහුණදුන් සමාජ අසාධාරණයන්, නොසළකාහැරීම්, වෙන්කොට සැලකීම් වැනි කරුණු කාරණා හින්දා ගොඩනැගී තිබුණු ආවේගයක් මේ කොල්ලකාරී තත්ත්වයත් එක්ක පුපුරා ගිය බවයි. විරැකියාව, ආර්ථික අපහසුතාවන්, බලාපොරොත්තු කඩවීම්, වැනි පොදු සමාජ ආර්ථික කාරණා වගේම, දෛනික ජීවිතය තුළදි රාජ්‍ය ආයතන, පොලීසියෙන් සිදුවුණු අසාධාරණකම් මේ වෙනුවෙන් සුවිශාල ලෙස බලපා තිබෙන බව දක්නට ලැබුණා.

“ මුළු ප්‍රදේශයෙම පාලනය තිබුණේ අපේ අතේ. ඒ පැත්තේ ලොකු පොලිස් ස්ථානයක් තිබුණා, ඒත් උන්ට කිසිම දෙයක් කරන්න පුළුවන් වුනේ නෑ. ඒක අපේ දවස. සැලෆර්ඩ් (ප්‍රදේශයේ නම) ප්‍රදේශයේ සැණකෙලි ස්වරූපයක් තිබුණේ. මිනිස්සු කනවා, බොනවා, මත්ද්‍රව්‍ය නිදහසේ ලබාගන්නවා, හිනාවෙනවා, කිසිම කෙනෙක් කාටවත් තර්ජනය කිරීමක් තිබුණේ නෑ”
-මැන්චෙස්ටර් ප්‍රදේශයේ කෝලාහලට සම්බන්ධවූ විසි දෙහැවිරිදි තරුණයෙක්

මෙම සමීක්ෂණය අනුව අදාළ කෝලාහලයෙදී ක්‍රියාකාරී වූ පිරිස් වලින් 70%කටත් වැඩි ප්‍රමාණයක් මහමගදී පොලීසිය විසින් කරන ලද ප්‍රශ්න කිරීම්වලට හසුව තියෙනවා. ලංකාව වගේ අධික ලෙස හමුදාකරණයට ලක්වූ රටක පොලිසීයට හෝ හමුදාවේ ප්‍රශ්න කිරීම් වලට ලක්වීම සාමාන්‍ය දෙයක් වුනත් ලන්ඩන් නගරයේ තත්ත්වය මීට වඩා වෙනස් වූවක්. ලන්ඩන් පොලීසිය විසින් සිදුකරන ලද ප්‍රශ්ණ කිරීම් වලදී ප්‍රතිශතයක් ලෙස වැඩි ප්‍රමාණයක් හසුව තිබෙන්නෙ කළු ජාතිකයින්. ඒ වගේම පොලිසිය විසින් විවිධාකාරයේ අඩන්තේට්ටම් ද සිදුකර තිබෙන බව මොවුන් පවසා තියෙනවා. සුදු ජාතිකයින් පරීක්ෂා කිරීමේදී වඩාත් ගෞරවශීලී ප්‍රතිපත්තියකුත්, කළු ජාතිකයින් පරීක්ෂාවේදී රළු ප්‍රතිපත්තියකුත් භාවිතා කිරීම බොහෝ දෙනෙකුට නිරික්ෂණය වී තිබෙනවා.

නිදහස් පුරවැසියෙකු ලෙස නිසග හැගීමක් ඇති අයෙකුට රාජ්‍ය ආරක්ෂාව වෙනුවෙන් පෙනී සිටින මැයෙන් සිදුවන අනවශ්‍ය බලහත්කාරයට එරෙහි හැගීමක් ඇතිවීම පුදුමයක් නෙවෙයි. රාජ්‍යය විසින් සිවිල් ජනයා වෙත නිකුත් කරන අනවශ්‍ය බලහත්කාරය වගේම, ඒවා ක්‍රියාත්මක කරන පුද්ගයින්ගේ හීනමාන සංකීර්ණ වල බලපෑම් කොතෙක් ද කියන එක ලංකාවේ අපට අලුත් දෙයක් නෙවෙයි. පහුගිය කාලයට පුරාවට දක්නට ලැබුණු ලංකාවේ පොලිස් ස්ථාන වලට එරෙහි මහජන උද්ඝෝෂණ හා ගල්මුල් ප්‍රහාර වල තිබෙන යටි අරුතත් මීට සමාන වුවක්. සමීක්ෂණයක් සිදුවේ යැයි කිසිලෙසකින් වත් බලාපොරොත්තු විය නොහැකි වුනත්, යම් ලෙසකින් ලංකාවේ වෙසෙන දමිළ තරුණයින් අතර ලංකාවේ ආරක්ෂක අංශ හා රාජ්‍ය බලහත්කාරය පිළිබදව ස්වාධීන සමික්ෂණයක් පවත්වන්න යෙදුනේ නම් ලංකාවේ ආරක්ෂක ප්‍රතිපත්ති හා ඒවා ක්‍රියාත්මක කරන පුද්ගලයින් පිළිබදව වැදගත් අදහසක් ගන්න පුළුවන් බව නොඅනුමානයි.



රට පාලනය කරන ආණ්ඩුවේ පිරිස් හෝ ඡන්ද දේශපාලනයේ යෙදෙන දේශපාලන පක්ෂ හෝ බොහෝ විට සමාජ දේශපාලන ප්‍රශ්න නිර්වචනය කරන්නේ හරිම අවස්ථාවාදී විදිහට, පටු ලෙස. ඒත් විද්වතුන් හෝ සිවිල් සමාජය විසින් පක්ෂ දේශපාලන‍යට මුවා වෙලා තමන්ගේ වෘත්තිය පාවාදෙන්නෙ නැහැ. අද වෙනකොට ලංකාවේ සියළුම ගැටළු නිරාකරණය කරගැනීමට එකම ඉටු දෙවියෙක් පසුපස යන්න වුණාට ධනේෂ්වර සමාජ යාන්ත්‍රණය එය පිළිගන්නේ නැහැ. මේ කලකෝලාහලය පිළිබදව අදහස් දක්වපු බ්‍රිතාන්‍ය අගමැති ඩේවිඩ් කැමරන් කිව්වේ මේ සමස්ත කලකෝලාහලයම සැලසුම් කරලා ක්‍රියාත්මක කරන්නේ බ්‍රිතාන්‍යයේ සිටින තරුණ කල්ලි විසින් කියලා. ඒ අදහස කොතරම් ප්‍රබල වුණාද කියනව නම් අගමැතිවරයාගේ උපදේශකවරයෙක් ලෙස ඇමරිකානු ආරක්ෂක අංශයේ තරුණ කල්ලි මර්ධනය පිළිබදව ක්‍රියාකළ ඉහළ නිලධාරියෙකු පත්කිරීමටත් කතිකාවක් ඇතිවුණා. එහෙත් ගාඩියන් හා LSC (London School of Economics ) එකතුව කරපු සමීක්ෂණය මගින් ඉතා පැහැදිලිව පෙන්වා දෙනවා මෙම කෝලාහලය පසුපස බ්‍රිතාන්‍යයේ තරුණ කල්ලි වල සහභාගිත්වය ඉතා අල්ප බව. ලංකාවේ බොහෝම වීරත්වයෙන් ප්‍රකාශ වන දේශපාලකයින්ගේ අවස්ථාවාදී අමන උපකල්පන හා නිගමන වල පසුපස තිබෙන සත්‍යයත් මෙයම නොවෙයිද?

ආණ්ඩුවට ඕන මේ සිද්ධියේ වරද කාට හරි පවරන්න. ඒ නිසා ඔක්කොම කල්ලි පිටපටවනවා. මම විශ්වාස කරන්නෙ නැහැ එතරම් සැලසුම්ගත විදිහට තරුණ කල්ලි ක්‍රියාත්මකයි කියලා.
-සැල්ෆර්ඩ්හි විසිඑක් හැවිරිදි තරුණයෙක්

දියුණු ධ‍‍නේෂ්වර රටක් ලෙස බ්‍රිතාන්‍යය පුරා පැතිර ඇති අසමානතාවය ද මෙකී කොල්ලකාරී තත්ත්වය නිර්මාණය කරන්න ප්‍රමුඛ වෙලා තියෙනවා කියන එක කැමරන්ට වගේම‍ සමාජ ප්‍රශ්ණ ඉදිරියේ ලෝකේ සියළු දේශපාලකයන්ට නොපෙනෙන තවත් හේතුවක්. මේ වනවිට යුරෝපය පුරා පවතින ආර්ථික අවපාතය හමුවේ රැකියා අහිමිවූවන් ඇතුළුව විරැකියාවෙන් පෙලෙන තරුණයින් මේ කොල්ලයේ ඉදිරියෙන් ක්‍රියාකර තිබෙනවා. මේ හේතුව හුදු ප්‍රතිසංස්කරණවලින් පියැවිය නොහැකිවන සමස්ත ආර්ථික ක්‍රමයම ‍දිහා ප්‍රශ්නකාරී ලෙස බලන්න හේතුවෙන තවත් එක අවස්ථාවක්.

ලන්ඩන් නගරය කියන්නෙ වඩාත්ම ‍ගෝලීයකරණයට ලක්වුණු නගරයක්. ලෝකයේ පවතින ප්‍රමුඛ වෙළඳ සන්නාම සියල්ල එහි තරගකාරීව ක්‍රියාත්මක වෙනවා. අධිපරිභෝජනවාදී සමාජයක් ඇතුලේ සන්නාම සදහා පිපාසාවක් ඇති කරන්න තරම් වෙළද ප්‍රචාරණය ප්‍රබල වෙලා තියෙනවා. මේ කියන පිපාසාව අසීමිත එකක්. මිනිස්සු අන්ධ ලෙස මේවා හා බැඳී සිටිනවා. කොතරම් ආදායමක් ඉපැයුවත් මධ්‍යම පාන්තික හෝ පහළ පාන්තිකයෙක්ට මෙම භාණ්ඩ පිපාසාව සංසිදුවාගන්න පුළුවන් කියලා හිතන්න බැහැ. මේ වගේ තමන්ට ළඟා වෙන්න නොහැකි වෙළද සන්නාම සහිත වෙළදසැල් මෙම කලකෝලාහලයේදී වඩාත් ඉලක්ක ගත වීමක් දක්නට ලැබුණා. තමන් මෙතෙක් ආසාවෙන් අත්පත් කරගැනීමට හිටියත්, ආදායම ප්‍රමාණවත් නොවීම නිසා මගහැරුණු භාණ්ඩ පොදි පිටින් තමන්ගේ නිවාසවලට අරං යන ආකාරය සුලබ දසුනක් වුණා.රෙදිකඩ, ඉලෙක්‍‍ට්‍රොනික් වෙළදසැලවල්, ජංගම දුරකතන හා පරිගණක වෙළදසැලවල් මීට අයත්.



ආරාබිකරයේ සිදුවූ පිබිදීමේ ක්‍රියාවලින්වල වගේම මෙහෙදිත් සමාජ ජාල වෙබ් අඩවි හා නව සන්නිවේදන උපකරණ විසින් සැළකිය යුතු බලපෑමක් සිදුකරන බවයි කෝලාහලය පවතින සමයෙදි බ්‍රිතාන්‍ය රජය විසින් ප්‍රකාශ කළේ. මේ නිසා ම ඔවුන් විසින් ට්වීටර් සමාජ ජාල වෙබ් අඩවිය තාවකාලිකව අත්හිටුවීමටත් යෝජනා කළා. එහෙත් මෙම සමීක්ෂණය මගින් පෙන්වා දෙන්නේ සමාජ ජාල වෙබ් අඩවිවලින් මීට වූ බලපෑම ඉතා අල්ප බවයි. ඒ වෙනුවට බ්ලැක්බෙරි දුරකතනය මගින් නොමිලේ ලබාදෙන බ්ලැක්බරි මැසෙන්ජර් නම් පණිවුඩ සේවාව වඩාත් භාවිතා කොට තිබුණා.

නැවත‍ මෙවැනි තත්ත්වයක් ඇතිවේද යන ප්‍රශ්නයට බොහෝ දෙනෙකු ලබාදී තිබු පිළිතුර වෙන්නෙ නැවත වරක් ඇතිවන බවයි. සැබැවින්ම ඊට හේතූවූ මූලබීජයන් සමාජය පුරා පවතින තාක් කලකෝලාහල පමණක් නොව රට බෙදන තත්ත්වය දක්වා ව්‍යාපත්ව විය හැකි ව්‍යාපාරයන් බිහිවීමේ ශක්‍යතාව එලෙසම ඉතිරිව තිබෙනවා. මේ නිසා එවැනි ප්‍රශ්නයක් ඇතිවූ විට යුද්ධ කිරීමට හෝ මර්ධනය කිරීමට අවශ්‍ය ආරක්ෂක අංශ ගොඩනගනවාට වඩා ඒ ප්‍රශ්න ඇතිවීමට බලපාන හේතුවලට පිළිතුරු සෙවීම වඩාත් යෝග්‍ය බව ‍නොතේරෙන්නෙ අවස්ථාවාදීන්ටම පමණයි.

සබැඳි|
Reading the Riots: Investigating England's summer of disorder – full report

Reading the Riots: 'It was a war, and we had the police scared' - video

මේ වියමන ඔබේ මූණු පොතට එක් කරන්න-
Tags- London Riots- 2012, Mark Duggan, The Gardian, Twitter, Black Berry Phones, David Cameron, British government, Sri Lankan Civil War, Youth Groups in London, London School of Economics
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංඛ කිරිඳිවැලගෙන් තවත් වියමන්
Cine
ආලෝකය නොදිටිමි!
අදහස්
දඩ ගැහුවම අවිචාරේ- මල් පිපෙයිද මහ පාරේ?
වෙසෙස්
ට්‍රම්ප්...!
වෙසෙස්
Brexit- සමුගැනීමේ මොහොත, ඉන් එපිට සහ මෙපිට
අදහස්
අපචාර වින්දනයේ සිට එල්ලුම් ගස් සුරතාන්තය දක්වා
තවත් වෙසෙස් බූන්දි
මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා
ටෙඩිබෙයා සහ ස්ත්‍රී ලිංගිකත්වය
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
මුතුරාජවෙල වනසන්නට පෙර
බූන්දි නව ඊමේල් ලිපිනය- editorial@boondi.lk
BoondiLets
ලෙනින් ලියයි.
පීඩිත ජනයාට ඉවත් වීමේ අයිතිය දෙන ලෙස කරන ඉල්ලීම අත් හැර දමා ජාතීන්ගේ අයිතිවාසිකම් එක සමාන විය යුතු බවත් පිළිගැනීම පුහු වදන් දෙඩීමක් හා හුදු... [More]
What's New | අලුතෙන්ම
කතන්දර| "කළු කිටියා හරි නරකයි"- ළමා කතන්දරය [වීඩියෝව]

27-Secs

අනුෂ්කා රවිශංකර් පොඩිත්තන් වෙනුවෙන් රචනා කළ, ප්‍රියා කුරියාන් සිත්තම් කළ, "It's All the Cat's Fault!" සිඟිති කතන්දරය ඇසුරින් හැදූ කාටූනය.... [More]
ඔත්තු| 'තට්ට ගායිකාව' කෘතිය දොරට වැඩුම- සැප්. 2

1-Mins

රුමේනියානු- ප්‍රංශ අභූතරූපී නාට්‍ය රචක යූජෙන් ඉයොනෙස්කෝගේ La Cantatrice Cahuve හෙවත් The Bald Soprano නාට්‍යයෙහි... [More]
ඔත්තු| නේරංජනේ ඉස්නානේ- අගෝ. 29

16-Secs

2000 වසරේදී අතිශය ආදෝලනයට මෙන්ම නොනිල තහනමකට ලක්වූ කේ. කේ. සමන් කුමාරගේ 'නේරංජනේ ඉස්නානේ' නවමුද්‍රණය,... [More]
පොත්| සමහර කමටහන් සහ සමහර රජත

8-Mins

(ඩිල්ෂානි චතුරිකා දාබරේ) ශ්‍රී ලංකා පොත් ප්‍රකාශකයන්ගේ සංගමය විසින් පිරිනැමෙන 2016 වසරේ ප්‍රකාශිත ප්‍රශස්තත ම කාව්‍ය කෘතිය සඳහා වන රජත සම්මානය පසුගිය දා... [More]
කවි| An Attacked Mosque alias Sutta Palli

40-Secs

(ෆතීක් අබූබකර්) Poem embeds the same boy
twenty sixth time
into the memory of an attacked mosque
where thousand eyes of misery
are wide-opened scars... [More]
කතන්දර| රා ත්‍රි ය

2-Mins

(අරුශිමා කරුණාකලගේ ) ඒක හුඟක් කෙටි රාත්‍රියක්... මට උවමනා වුනේ ඒ රාත්‍රිය නවත්තන් ඉන්න... ඉවරයක් වෙන්න නොදී... අපි වෙනදා වගේම අසුන් ගත්තේ බිම... [More]
වෙසෙස්| මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා

7-Mins

(කපිල මහේෂ් රාජපක්ෂ) සේද මාවත පසුකර රුවල් නැවෙන් වෙළදාමේ ගිය වෙළෙන්දා විසිතුරු ඇඳුම් ආයිත්තම් මහද්වීපයෙන් මහද්වීපයට ගෙන ගොස් වෙළදාමේ යෙදුණි. ඒ යුගය වන... [More]
රත්තරං ටික| දේශපාලන කිණිතුල්ලෝ

1-Mins

(සුනන්ද මහේන්ද්‍ර) සෝමෝසයේ වැසියෝ අත් පා බඳින ලද මිනිසෙකුට කුරිරු ලෙස තලමින් රංග භූමියට පිවිසෙති. ඒ මිනිසා... [More]
රංග| ඇරිස්ටොෆනීස් -සම්භාව්‍ය කොමඩියේ පියා- සහ ඔහුගේ කෘති

4-Mins

(සංජීව නුවන් ගුණරත්න) ශ්‍රේස් දෙවඟනාවෝ, සදාකාලික නිවහනක් සොයා යද්දී එය සොයා ගත්තේ ඇරිස්ටොෆනීස්ගේ ආත්මයෙහිය.
-ප්ලේටෝ- මධුසාදය- ඩී.ආර්.පෙන්නම්පෙරුම පරිවර්තනය

ඇරිස්ටොෆනීස් ක්‍රි.පූ. 444 දී ඇතෑන්ස් නගරයේදී උපත... [More]
රත්තරං ටික| ධනේශ්වරයේ නැගීම- කොමියුනිස්ට් ප්‍රකාශනයෙන්

2-Mins

ධනපති පංතියේ යුගය වන අපේ මෙම යුගයට අයත් විශේෂ ලක්ෂණය නම් එය පංති ප‍්‍රතීඝතය සරල... [More]
පරිවර්තන| ආත්මීය කුණාටුව

13-Secs

(එමිලි ඩිකින්සන් | මාලතී කල්පනා ඇම්බ්‍රෝස්) පහර දුනි එය මට, හැමදාම
නැවුම් විය අකුණුසර,
වලාවක ක්ෂණික විවරයකින්
විහිදුවන ගින්නක්ව

දැවී එය මා රෑ කල... [More]
පරිවර්තන| පීඩිතයෝ

47-Secs

(එදුවාර්දෝ ගලියානෝ | මහේෂ් මුණසිංහ) බල්ලෙකු මිලට ගැනීමට මැක්කෝ සිහින දකිති
බඳුන් පිරෙන්නට වාසනාවේ වැසි වැටෙතැයි
පීඩිතයෝ සිහින දකිති

එහෙත් වාසනාවේ වැසි නම් නොවැටෙයි
ඊයේ නොවේ අද, හෙට, අනිද්දා කවදාවත්... [More]
කතන්දර| "හඳහාමී මගෙ යාලූ"- ළමා කතන්දරය [වීඩියෝව]

27-Secs

රෝහිණී නිලේකානි පොඩිත්තන් වෙනුවෙන් රචනා කළ, "The Moon and The Cap" සිඟිති කතන්දරය ඇසුරින් හැදූ කාටූනය.

Sinhala Translation of... [More]
කවි| තාත්තේ කෝ ඔය ඉදිමුණ අත දෙන්න....

46-Secs

(තුෂාරිකා ඇන්තනි) කැණියුලාවේ ඵලක් නොමැති බැල්මත්
බෙහෙත් විද දෙන
නිමා නැති රුදුරු රිදුමත් නවතා
මට පුළුවනි ලොවම අතැ'ර
රෝගී ඔබ අත පිරිමැද මැද
ඔබ ළඟම ගැවසී... [More]
කතන්දර| "රජ්ජුරුවෝ කෙට්ටු වෙලෝ"- ළමා කතන්දරය [වීඩියෝව]

24-Secs

පරිස්මිතා පොඩිත්තන් වෙනුවෙන් ලියා සිත්තම් කළ, "Fat King Thin Dog" සිඟිති කතන්දරය ඇසුරින් හැදූ කාටූනය.

Sinhala Translation of the Kids... [More]
ඔත්තු| "රාජ්‍ය සේවකයාට සමාජ මාධ්‍ය අකැපද?" කතිකාව- ජූලි 26

12-Secs

"මූණුපොතේ කවි ලියූ ගුරුවරයාට දඬුවම් කිරීම -වර්තමානයෙන් අනාගතයට- රජයේ සේවකයාට සමාජ මාධ්‍ය අකැපද?" යන මැයෙන්... [More]
වෙසෙස්| ටෙඩිබෙයා සහ ස්ත්‍රී ලිංගිකත්වය

5-Mins

(ඩිල්ෂානි චතුරිකා දාබරේ) ප්‍රවේශය

ප්‍රාථමික අවධියේදී ගැහැණු ළමුන් රුචි කරනුයේ තම අනුරුව දරන බෝනික්කන්ටය. අනාගතයෙහි වීමට අපේක්ෂිත මාතෘ සංකල්පයට සිය කුටුම්භ කාරකාදීන් සහ පොදු... [More]
ඔත්තු| කොළඹ නාට්‍ය කතිකාව නව මුහුණුවරකින්- ජූලි 25

39-Secs

ඉන්ටර් ඇක්ට් නාට්‍ය කණ්ඩායම පසුගිය වසර පුරා පවත්වාගෙන ආ කොළඹ නාට්‍ය කතිකාව නව මුහුණුවරකින් මේ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook