Facebook
Twitter
Google+
YouTube
Blog
RSS Feed
අදහස් බූන්දි
11 වැනි පැයේදී.....
(2012 අගෝස්තු 25 පැවැත්වෙන, "11 වැනි පැය" සාමූහික කාව්‍ය සංග්‍රහය එළිදැක්වීමේ ඉසව්ව පිළිබඳ එය සංවිධානය කරන සොයුරු සොයුරියන් විසින් එවන ලද හඳුන්වාදීමේ සටහනකි.)

කලෙක මහරු අස්වනු ඵල දුන් හෙළබස් සාහිත කලා කෙත වල්බිහි වී ය, අද ඇත්තේ. ඛේදයකි. වැඩකට ඇති ඵලයක් දැකිය හැක්කේ ම නැති සෙයකි. ඉදින්, දකින්ට හැකිවුණොත්ඒ කලාතූරෙකිනි; නව පරපුරෙන් ඊටත්අඩුවෙනි. ප‍්‍රඥාව අවදිකරන්නේම භාෂාසාහිත්‍යකලාදියෙන් යැයි කියා තිබේ. ඉදින්, ප‍්‍රඥාව නැතිවීම ගැන පුදුමවන්ට කාරණා නැත. හේතු නැතිව ඵල ඇතිවන රටකුත් ඇත්ද? ජුපිටර්ගේ හිසින් මිනර්වා පහළ කරන්නාසේ ප‍්‍රඥාව පහළ කරන්ට බැරිය, එසේ සිදුවෙන්ට ඇවැසි පූර්ව කොන්දේසි සපුරාලීමක් නැතිව.

තතු නිශ්චයෙන්ම විමසා බලමු. හෙළ කලා කෙත සෝබමාන කළ දැවැන්තයින් බොහෝ දෙනෙකු නික්මී ගොසිනි. ඉතිරි හතරපස්දෙනාටද දැන් එක්කෝ අසූවිය පැනලාය; නැතිනම් ඊටආසන්නය. ජීවිත කාලයම උඩු ගං බලා පීනන්ට සිදුවීම නිසා ඇති වූ රෝග පීඩාදියෙන් දුර්වල කෙරිලාය. ඉතින් ඔවුන් ද නොබෝ කලකින් ම සිය මෙහෙවර නිමාකර නික්මීයනු ඇත. ඒ ගැන වන සිතුම් මාත‍්‍රයක් පවා හදසෝක සංතාප උපදවයි. අනෙක් අතට දරුවන්ට භාෂා සාහිත්‍යය තබා කිසිදු ශාස්ත‍්‍රයක් උගන්වන හරිහමන් අධ්‍යාපනයක් නැත. නුදුරේ එවැන්නක් පහළවේයැයි සිතීම ඉබ්බන්ගෙන් පිහාටු ලැබේයැයි සිතීමකට සමානය. එසේම භාෂා සාහිත්‍යයය ඉගෙන ගන්ට ඇවැසි තරුණන්ටවත්, මැදි වයසුවන්ටවත් ඒවා ඉගෙන ගන්ට තැනක් මෑත අතීතයේ මේ කොදෙව්වේ තිබියේ නැත. එනිසා ම ඔවුන්ට කවදාවත් ඒවා විධිමත්ව ඉගෙන ගන්ට අවස්ථාවක් ම නොඑළඹුණි. භාෂා සාහිත්‍යකලාවන් ඉදිරියට ගෙන යාමේත්, එතැනින් එහාට රටේ අධ්‍යාපනය හරි පීල්ලට දැමීමේත් වගකීම දැන් ඇත්තේ මේ දෙපිරිස අතය. නමුත්, මේ උනන්දු සහගත දෙපිරිසටම සිය වගකීම ඉටුකිරීමට හැකිවන තරමේ භාෂා සාහිත්‍යය කලා අධ්‍යාපනයක් ලැබී නැත.

තතු මෙසේ තිබියදී, පෙර කී ඉතිරි දැවැන්තයන් කීපදෙනා ද නික්මී ගිය කල රටේ භාෂා සාහිත්‍යය කලාවන්ට කුමන කලක්යාද? ඔවුන්ගෙන් හිස්වුණ භාෂා සාහිත්‍යයයට මතු නොව සකල කලාවන්ටත්, එතැනින් නොනැවතී රටේ පුළුල් සමාජ සංස්කෘතික ජීවිතයටත් සදා ගිම්හානය ම එළඹ සිටිනු නැද්ද? එහි සලකූණු දැනටමත් පැහැදිලි නැද්ද? අප දැනටමත් ප‍්‍රමාදය. කි‍්‍රයාත්මක විය යුතූව තිබුණේමීට බොහෝ කලෙකට පෙරය. එසේනමුත්, හානිය සම්පූර්ණයෙන්ම වළක්වා ගැනීම කෙසේ වෙතත්, එහි බරපතල බව අඩුකර ගැනීමට කළ හැකි එකම එක් දෙයක් ඉතිරිව තිබේ. නමුත් ඒ වහ වහා ම කි‍්‍රයාත්මක වන්නේ නම් පමණි. අපට 11 වැනි පැය එළඹ ඇතැයි කියූයේ මෙහෙයිනි.

කුමක්ද, ඒ එක ම එක්දෙය?

අර පෙරකී දැවැන්තයන් වෙතින් මැදිවයසුවන් හා තරුණන් වෙතට භාෂා සාහිත්‍යකලා දැනුම් මාරුවක් සිදු කිරීම වහ වහා ඇරඹිය යුතු ය. මේ දැනුම් මාරුව ග‍්‍රාහකයන් භාෂා සාහිත්‍යකලාවබෝධයෙන් වෙනස් මිනිසුන් බවට පත් කළ හැකි අකාරයේ දිගුකල් පවතින, ශාස්ත‍්‍රීය වැඩපිළිවෙලක් වුවමනාය. ප‍්‍රීතියට කරුණ නම් ගුරුවරුන් උගන්වන්ට ද, තරුණ පරපුර ඉගෙන ගන්ට ද නොඉවසිලිව සිටීමයි. ප‍්‍රවීණයන්ගෙනුත්, ආධුනිකයන්ගෙනුත් කවි එකතු කරමින්, ඒවා එක් සංග‍්‍රහයකින් එළි දක්වන්ට කටයුතු යොදමින්, අප කාලයක් පුරා තැත් දැරුවේ මේ දෙගොල්ලන්-එනම් ගුරුවරුන් හා අනාගත සිසුන්-ඔවුනොවුන්ට මුණ ගස්වන තැනක් හෙළි පෙහෙළි කර ගන්ටයි. එනිසා අප ඉටුකරන්ට යන්නේ හුදෙක් ම කවි එකතුවක් එළි දැක්වීමක් පමණක්ම නොවේ. ඊට එහා යන වැඩකට අඩිතාලමක් දමා ගැනීමයි. එහි අරමුණ හුදෙක්ම භාෂා සාහිත්‍යකලාදියේ අභිවෘද්ධියත් ඒ කරණකොටගෙන ඇතිවන සාමාජීය හා සංස්කෘතිකමය අභිවෘද්ධියත් වේ. එනිසා එය කිසිදු භේදයකින් තොරවූ, සියලූ ලාංකිකයන්ටම අයත් පොදු කටයුත්තක් බව සැළකූව මැනව!

ඉතින්, පෙරකී ආකාරයේ සියලූ දෙනාටම සහභාගිවිය හැකි ගැඹුරු භාෂා සාහිත්‍යකලා අධ්‍යයන කටයුත්තක මූලික පිඹුරුපත් දැනටමත් සකස් කොට අවසානය. ඒ ගැන වැඩිමනත් කතාකර ගන්නට ය, ‘11 වැනිපැය‘ කවි සංග‍්‍රහය එළිදැක්වීමේ උළෙල සහ සාකච්ඡා සන්ධ්‍යාව සැලසුම්කොට ඇත්තේ. ඉතින්, ඔබ හෙළ භාෂා සාහිත්‍යකලා අභිවෘද්ධිය පතන්නෙකු නම්, මේ සාකච්ඡාවට ඔබේ පැමිණීම අත්‍යාවශ්‍ය ම බව අමුතුවෙන් කිවයුතු ද?

සංවාද සහභාගිත්වය
සාකච්ඡා සභාව

ඉඳුරාගාරේ ධම්මරතන හිමි
අගලකඩ සිරිසුමන හිමි
සුචරිත ගම්ලත්
කරුණාරත්න අමරසිංහ
සිරි තිලකසිරි
ගුණදාස අමරසේකර
කමලා පීරිස්
සුනන්ද මහේන්ද්‍ර
ආරිය රාජකරුණා
ජිනදාස දනන්සූරිය
රත්න ශ්‍රී විජේසිංහ
තිලකරත්න කුරුවිට බණ්ඩාර
අජන්තා රණසිංහ
දර්ශන රත්නායක
ආරියවංශ රණවීර
නන්දන වීරසිංහ
සිරිල් එඬේරමුල්ල
ලාල් හෑගොඩ
සුනිල් සරත් පෙරේරා
සුනිල් ආරියරත්න
ධර්මසේන පතිරාජ
සෝමලතා සුබසිංහ
ධර්මසිරි බණ්ඩාරනායක
අනෝජා වීරසිංහ
ප‍්‍රසන්න විතානගේ
සරත් විජේසූරිය
ජයන්ත අමරසිංහ
චින්තක රණසිංහ
ලියනගේ අමරකීර්ති
ලූෂන් බුලත්සිංහල
එරික් ඉලයප්පාරච්චි
ජයලාල් රෝහණ
සඳගෝමි කෝපරහේවා
සිරි රණසිංහ
වික්ටර් අයිවන්
මොහාන් සමරනායක
ගාමිණී සුමනසේකර
කරුණාදාස සූරියාරච්චි
මාලින්ද සෙනවිරත්න
ප‍්‍රණීත් අභයසුන්දර
බන්ධුල නානායක්කාරවසම්
සුනිල් මිහිඳුකුල
දිලීප අබේසේකර
ගුණසිරි සිල්වා
නාලක ගුණවර්ධන
නුවන නයනජිත් කුමාර

’11වැනි පැය’ සාමූහික කාව්‍ය සංග‍්‍රහය එළි දැක්වීම හා මුහුණට මුහුණ සාකච්ඡා සභාව-

දිවයින පුරා විසිරී සිටින කවි කිවිඳියන් 500කගේ නිර්මාණ දායකත්වයෙන් හැඩ වූ ’11වැනි පැය’ සාමූහික කාව්‍ය සංග‍්‍රහය එළි දැක්වීම අගෝස්තු මස 25 දින සවස 1.30 සිට කොට්ටාව පන්නිපිටියේ ධර්මපාල විදුහල ඉදිරිපිට සිසිලස ගාඩ්න්ස් හිදී සිදු කෙරේ.

අනතුරුව, කවියන් හා කලාකරුවන් සඳහා වූ භාෂා සාහිත්‍ය ඇකඩමියක ආරම්භක පියවර ලෙස සිදු කෙරෙන, භාෂා සාහිත්‍ය කලා ලොව දැවැන්තයන්, කවි කිවිඳියන්, කලාකරුවන් හා සාහිත්‍ය කලා කාමීන් අතර වන, සාහිත්‍ය කතාබහ රස ගලන, මුහුණට මුහුණ සාකච්ඡා සභාවකි.

භාෂා සාහිත්‍ය කලා ලැදි සියල්ලෝ ම පැමිණෙත්වා!

-බ‍්‍රහස්පති
මේ වියමන ඔබේ මූණු පොතට එක් කරන්න-
Tags- 11 weni paya, 11th hour, Poetry Collection 2012
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
විරහවේ නොස්ටැල්ජියාව, ආදරය සහ කවිය
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
බූන්දි නව ඊමේල් ලිපිනය- editorial@boondi.lk
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
කතන්දර| "නුවණක්කාර කපුටුහාමි"- ළමා කතන්දරය [වීඩියෝව]

10-Secs

"නුවණක්කාර කපුටුහාමි"- පොඩිත්තන්ට ඊසොප්ගේ උපමා කතාවක් [කාටූන්]

හඬ- නයෝමි ගුණසිරි, මාෂා සුවනි
පිටපත සහ සජීවීකරණය- බූන්දි වැ.දෙ.


[Sinhala Cartoon Kids Story -THIRSTY CROW-... [More]
කතන්දර| විරාම ලකුණු

7-Mins

(යශෝධා සම්මානි ප්‍රේමරත්න) "රායා, ඔයාට තේරෙනවද මම කියන දේ?" මම එකපාරටම පොළොවට වැටුනා. පොළව තිබුනේ බිම් මට්ටමට තට්ටු විසි එකක් උඩින්, කලබල නගරයක... [More]
කවි| හැරයාම

13-Secs

(තරින්ද්‍ර ගලහේන) නටුවකින් ගිලිහී වැටෙන
දුඹුරු පතක වන්
සොඳුරුවූ දුක්මුසු බවක් ඇත
ක්ෂය වෙමින් යන
සෑම ආදරයකටම...... [More]
ඔත්තු| කවි පොත් තුනක්- මැයි 26

11-Secs

ටිම්රාන් කීර්තිගේ "පෙම්බරියගෙන් වෙන් වුණ ලූලෙක් හැරෙයි ඇලකට", දිමුතු ප්‍රදීප් පෙරේරාගේ "ගඟුලක් ව නවතිමි", ඩොමිනික්... [More]
අදහස්| ඒ ඇගේ අහසයි!

4-Mins

(මහේෂි බී. වීරකෝන්) ශ්‍රී ලාංකේය සන්දර්භයේදී ස්ත්‍රීය හා ඇගේ විමුක්තිය යන කතිකාවත තුළ අඩු අවධානයක් දෙන මාතෘකාවක් වේ නම් ඒ ස්ත්‍රී ලිංගිකත්වය (Female... [More]
ගී කිය(ව)මු| ග්‍රීස් ගහේ මුදුනට ම ගියා මම- ඇය අවුරුදු කුමරිය වෙන්න ගියා!

6-Mins

(කේ.ඩී. දර්ශන) අජිත් කුමාරසිරි ගයන "ග්‍රීස් ගහේ මුදුනට ම ගියා මම" සම්මත ගීත ආකෘතිය ඉක්මවා ගිය ගීතයකි. ආකෘතිය අතින් මෙන් ම අදහස්... [More]
කතන්දර| "මොනවද මේ දවල් හීන?"- ළමා කතන්දරය [වීඩියෝව]

35-Secs

"මොනවද මේ දවල් හීන?"- පුංචි අපේ පුංචි හීන ගැන පුංචි කතාවක්! [කාටූන්]- Cristy Zinn ලියා, Mary-Anne Hampton සිත්තම් කළ "What... [More]
වෙසෙස්| මානව සමාජයේ මීළඟ විප්ලවය 'දත්තවාදය'ද?

4-Mins

(සරද සමරසිංහ) මානව සමාජය වැඩවසම්, සමාජවාදී, ලිබරල් සහ පශ්චාත් ලිබරල් ආදී යුගයන් පසුකර පෑමිණ, ඉතා සංකීර්ණ සමාජ හා දේශපාලන යුගයක් අබියස සිටින... [More]
Cine| ලෙස්ටර්- සිනමා අඹරේ මැකී ගිය රිදී රේඛාව

5-Mins

(චන්දන ගුණසේකර) මගේ මතකය නිවැරදි නම් ඒ අසූව දශකයේ නිකින්න විය. නිල්වන් අහස ඉතා සැඩ පරුෂව දැවුණු හිරු සිඳී ගිය වැව් මත... [More]
Cine| "තුන්දෙනෙක්|மூவர்"- මිනිස්කම අහිමි වීම පිටුපස ඇති දේශපාලන ප්‍රශ්නය නිරාවරණය කිරීමේ අභියෝගය

10-Mins

(උපාලි අමරසිංහ) අප ජීවත්වන මේ යුගයේ සමාජ ආර්ථික දේශපාලන මූලයන්ගෙන් ඉපදී එම ක්‍රමය විසින් ම පෝෂණය කරන්නාවූ යක්ෂයාගේ හෝරාව පැමිණ කළ විනාශය... [More]
කතන්දර| "පොඩි සාදුගෙ කතන්දරේ" [ළමා කාටූන් වීඩියෝව]

31-Secs

"පොඩි සාදුගෙ කතන්දරේ"- බුදු සිරිතෙන් පොඩිත්තන්ට ආදර්ශමත් කතන්දරයක් [කාටූන්]- Arvind Gupta ලියා, Debasmita Dasgupta සිත්තම් කළ 'What happened to the... [More]
කවි| සිංහයෝ උඹ ණයයි!

25-Secs

(අමිල නන්දසිරි) හදන්නට සීගිරිය මාලිගේ
කොන්ත්‍රාත් එක ගත්තෙ
මිගාරගෙ මල්ලි වුන
ගම් සභාපතිතුමයි
වැලි ගඩොල් අපි ඇද්දෙ
උඩට කර බරෙන්මයි... [More]
කවි| 'අපේක්ෂා' - ඒක ගැලපෙන නමක්!

16-Secs

(වජිර දීප්ති වීරකෝන්) "කුසුමාවතී රත්නායක"
නම කියනකොටම
මට "ඉන්නවා" කියවුනා,
මේ ඉස්කෝලෙ නෙමේ
ඉස්පිරිතාලෙ කියලා
හාංකවිසියක් අමතක වුනා..... [More]
අදහස්| හිත් මත බර අඩි තබමින් "සහෝදරයා" නික්ම ගිය පසු...

5-Mins

(චන්දන ගුණසේකර) අවසාන භෝජන සංග්‍රහය සහ ජුදාස්ගේ පාවාදීම සිදුවූ මහ සිකුරාදාවෙන් ඇරඹුණු පසුගිය සති අන්තය ජේසුතුමන්ගේ උත්ථානය සිදුවූ පාස්කු ඉරිදාවෙන් අවසන් වූයේ... [More]
අදහස්| විරහවේ නොස්ටැල්ජියාව, ආදරය සහ කවිය

3-Mins

(ක්‍රිෂාන් රත්නායක) ජීවිතය යනු බුද්ධීමය සහ භාවමය තල අතර දෝලනයකි. සෑම සංසිද්ධියක ම, සෑම ප්‍රපංචයක ම සෑම සමාජ භූමිකාවක ම පාහේ පවතින්නේ... [More]
කතන්දර| "හිපෝට හරි දාංගලේ"- ළමා කතන්දරය [වීඩියෝව]

36-Secs

"හිපෝට හරි දාංගලේ"- පොඩිත්තන්ට තවත් ලස්සන කතන්දරයක් [කාටූන්]- Sam Beckbessinger ලියා, Megan Andrews සිත්තම් කළ "Hippo Wants to Dance" ළමා... [More]
පොත්| සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!

8-Mins

(චන්දන ගුණසේකර) "නිලට හුරු අළු පාටට හැරී තිබුණු උතුරු ක්ෂිතිජය ලා රතු පැහැයක් ගත්තේය. ලා රත නැවත තඹ පැහැයට හැරුණි. අනතුරුව එය... [More]
කතන්දර| "අමුතු ආච්චිගෙ අපූරු සර්කස්"- ළමා කතන්දරය [වීඩියෝව]

31-Secs

"අමුතු ආච්චිගෙ අපූරු සර්කස්" බලමුද?- පොඩිත්තන්ට විනෝදාත්මක සිංදු කතන්දරයක් [කාටූන්]- Mala Kumar හා Manisha Chaudhry ලියා, Niloufer Wadia සිත්තම් කළ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook