Facebook
Twitter
Google+
YouTube
Blog
RSS Feed
අදහස් බූන්දි
ලංකාවේ මේ මොහොතේ ලොකුම ප‍්‍රශ්නය ‘හලාල්’ද?
බූන්දි, 01:57:15
ජාතිවාදී - ආගම්වාදී සර්පයාව කහ රෙදි අස්සේ සඟවා ගත් එක්තරා සේනාවක් බදුල්ලට ගොස් නැටූ නාඩගම ගැන අයන්නේ පටන් කතාන්දරය ජනරළ විසින් හෙළි කරන ලදී. එහි මුල සිටින්නේ ධනපති පාලකයන් බවත් මැද සිටින්නේ කහ රෙදි පොරවා ගත් වියරු තක්කඩියන් පිරිසක් බවත් අග සිටින්නේ ප‍්‍රාදේශීය වශයෙන් පාරාජිකා වී ගිය හෝ වන්නට නියමිත දේශපාලන කල්ලකඩත්තයන් පිරිසක් බවත් දැන් කිසිවකුට රහසක් නොවේ.

සර්පයා මෙවර හිස ඔසවන්නේ ඇඹිලිපිටියෙනි. බොදු යැයි කියා ගන්නා සේනාවේ භික්ෂූන් පිරිසක් පසුගිය දා ඇඹිලිපිටිය නගරයේ දී ‘පති‍්‍රකා බෙදීමක්’ සිදු කළ අතර ආණ්ඩුවේ හවුල්කාර පක්ෂයක් වන ජාතික හෙළ උරුමය පක්ෂයේ සහයෝගය ද එයට ලැබී තිබුණේය.

එහිදී භික්ෂූන් දෙදෙනකු එක්ව මුස්ලිම් ව්‍යාපාරිකයන් දෙදෙනකුට පහර දී තිබූ අතර ජාතිවාදී නොවූ තරුණ පිරිසක් මැදිහත්ව තත්වය සන්සුන් කර ඇත. එහෙත් පොලිසිය පැමිණිල්ල භාරගැනීමට උනන්දු නොවූයේ ‘බලය’ කාගේ පැත්තේදැයි පෙන්වමිනි. ඊටත් පසු මුස්ලිම් විරෝධී උද්ඝෝෂණයක් ද ඇඹිලිපිටියේ පැවැත්විණ.

කෙසේ වෙතත් අත් පති‍්‍රකාවේ සඳහන් වී තිබුණේ තනිකරම මුස්ලිම් විරෝධී කරුණු කාරණාය. අමු සිංහල ජාතිවාදී කරුණු කාරණාය. හලාල් සහතිකය ලත් භාණ්ඩ වර්ජනය කරන්නැයි වෙළෙන්දන්ගෙනුත් පාරිභෝගිකයන්ගෙනුත් ඒ පති‍්‍රකාවෙන් ඉල්ලා තිබිණි.

මෙය විකාර කතාවකි. මන්ද, හලාල් යනු කිසියම් ආගමික විශ්වාසයක් මත පදනම් වූ ප‍්‍රමිතියකි. ඉස්ලාමිකයෝ තමන් පරිභෝජනය කරන ද්‍රව්‍යවල ‘හලාල්’ තිබේදැයි සොයා බලති - සලකති. පොදු මානව සමාජයක් වෙත යන ගමනක දී අත්හළ යුතු ‘චාරිත‍්‍ර - වාරිත‍්‍ර’ තිබේ නම් ඒවා අත්හැරීම වෙනම කතාවකි. එහෙම නොවී එක් මිථ්‍යාවක් අතහැරිය යුත්තේ තවත් මිථ්‍යාවක් මත පදනම් වෙමින් නොවේ.

බොදු යැයි කියා ගන්නා සේනාව නඟන තර්කය මෙයයි. ‘හලාල්’ වලට කැමැති නැති මිනිසුන් ‘හලාල්’ සහතිකය ලත් භාණ්ඩ පරිභෝජනය කරන්නේ මන්දැයි ඔවුහු අසති. අප කැමැති වුවත් නැතත් ‘අලුත් වෙළෙඳපොළ’ වල ‘පැරණි සංකල්ප’ තිබේ. ඒවා සහමුලින්ම ඉවත් කරනවා වෙනුවට ජාතිවාදී හෝ ආගම්වාදී ලෙස වැරැුදි කෙළවරකින් අල්ලා ගැනීම එක්කෝ මෝඩකමකි. එහෙමත් නැත්නම් උපායික තක්කඩිකමකි. මෙතැන ඇත්තේ එයින් දෙවැන්නය.

හොඳයි, කෙනකු මෙහෙම ප‍්‍රශ්නයක් ඇහුවොත් බොදු යැයි කියා ගන්නා බල සේනාව හෝ ඔවුන් සමඟ ජාතිවාදී රිලේ තරගයක යෙදෙන බංකොලොත් දේශපාලන ව්‍යාපාර, ඊට දෙන පිළිතුර කුමක්දැයි දැනගැනීමට අපි කැමැත්තෙමු. ‘‘පෝය දිනවලට මත්පැන් හල් හෝ මස් වෙළෙඳසල් වහන එකෙන් බුද්ධාගම නොඅදහන ජනතාවගේ පරිභෝජන අයිතිය උල්ලංඝනය වන්නේ නැද්ද?’’

එහෙම බැලු විට විවිධ ආගමික මතිමතාන්තර ‘වෙළෙඳපොළ’ට බලපෑම් කරන බව තේරුම්ගත හැකිය. ‘හලාල්’ පමණක් ඉවත් කර තේරුමක් නැති අතර ඉවත් කරනවා නම් ‘ඒ ජාතියේ සේරම බඩු’ අයින් කළ යුතුය. හැබැයි මේ සේනාවන් තමන්ගේ ‘බඩු’ ගැන කතාවක් නැත. ඒ වෙනුවට ‘හලාල්’ පමණක් අල්ලාගෙන ජාති - ආගම්වාදී සර්පයා නටවති.

ඔය කියන සේනාවන්ගේ තවත් තර්කයක් නම්, ‘හලාල්’ සහතිකය වෙනුවෙන් ගෙවන මුදල් ඉස්ලාම් ආගමේ උන්නතිය වෙනුවෙන් යොදවන බවයි. මෛති‍්‍රය, කරුණාව, මුදිතාව ගැන එක් වරෙක කතා කරන අය තවත් ආගමක උන්නතියට වෛර කිරීම ප‍්‍රහේලිකාවකි. විවිධ නිෂ්පාදන වෙළෙඳපොළට එවන සමාගම්, පාරිභෝගිකයන්ගෙන් අය කරගන්නා මුදල්වලින් කරන කරන හැමදේම මේ සේනාව සොයා බලනවාද? එහෙම නම් මානව විරෝධී කොයිතරම් දේවල් වෙනවා ඇද්ද?

සල්ලිවලට ආගමක් ජාතියක් නැත. ඒවා විවිධ තලවල දී විවිධ දේ වලට යෙදවේ. කොන්දොස්තර කෙනෙක් හවසට ‘‘අපේ සල්ලිවලින් බොනවා’’ කියා සල්ලි නොදී බස්වල යාම සඳහා තර්කයක් හදාගන්නට පුළුවන්කමක් නැත. ලංකාවේ රූපවාහිනී නාලිකා අතර ඉස්ලාමිකයකුට අයිති එකක් නැතැයි කියා හෝ ඒවායේ අයිතිකරුවන් බෞද්ධ හෝ හින්දු ආගමේ උන්නතියට තමන්ගේ ලාභ යොදවනවා කියා මුස්ලිම් ජාතික ව්‍යාපාරිකයන්, වෙළෙඳ දැන්වීම් ලබා නොදුන්නොත් එය තේරුමක් නැති වැඩකි. ‘හලාල්’ වර්ජනය කරන්නැයි ආගම්වාදී කෝණයකින් ඉල්ලීම එවැනිම තේරුමක් නැති වැඩකි. මේ ජාතියේ තේරුමක් නැති වැඩවලට ජනතාව අහු නොවිය යුතුය.

වර්තමාන වෙළෙඳපොළ ජයගැනීම යනු සූදුවකි. ඒ සූදුවෙන් සිංහලයකු පරාද වූ විට ඒකට වගකිවයුත්තේ දෙමළකුවත් මුසල්මානුවකුවත් නොවේ. මේ ජරාජීර්ණ වෙළෙඳපොළමය.

අනෙක් අතට මේ වෙලාවේ මේ දූපතේ ලොකුම ප‍්‍රශ්නය ‘හලාල්’ පිළිගන්නවාද නැද්ද යන්න නොවේ. මිනිස්සු අධික ජීවන බරකය. සුදු වෑන් සැරිසරයි. අර්බුදයේ කරවටක් ගිලුණු මිනිස්සු එකිනෙකා මරති. පුච්චති. යන යන තැන අනතුරුය. අපරාධය. එහෙව් රටක ‘හලාල්’ අල්ලාගෙන දැඟලීමෙන් සිද්ධ වන්නේ ඇත්ත ප‍්‍රශ්නය යට යෑමය. මේ කරන්නේ ඒකය. ඇත්ත ප‍්‍රශ්නය යට ගසන්නට, සර්පයා නටවන උන්ට ඕනෑය.

දූපතේ තැන් තැන්වලින් සර්පයා හිස ඔසවන්නේ අන්න ඒ උවමනාව නිසාය. පෙරදා බදුල්ලෙන් හිස එසවූ ඌ ඊයේ ඇඹිලිපිටියෙන් මතු වූයේය. හෙට කොතැනින් ඒදැයි කල්පනාවෙන් සිටිය යුතුය. ඒ කොතැනින් මතු වුණත් ඇඹිලිපිටියේ පොදු ජනයා ජාතිවාදී නොවී දුන් ආදර්ශයෙන්ම සර්පයාට උත්තර දෙන්නට ඕනෑය.

සමාජයේ දෙපා අතරින් සර්පයා ඇදෙද්දී ඌ පරදවන්නට නම්, ඊට වඩා වේගයෙන් අතින් අත යැවිය යුත්තේ පරෙවියාය.

(-ජනරළ/ http://lankaviews.com)
මේ වියමන ඔබේ මූණු පොතට එක් කරන්න-
Tags- Janarala News Paper, Halaal certification, Sri Lankan Muslims, Sri Lankan Buddhists, Bodu Bala Sena
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
විමල් කැටිපෙආරච්චිගෙන් තවත් වියමන්
කරන්ට්ස්
ඇයි කුමක්ද ඔය මඳ සිනහවේ තේරුම?
කවි
අප්‍රේල් මතකය ද 'වේලාසනින් අවදි වේ'!
කවි
ඩබල්!
කවි
ඇන්ටන් ජෝන්ස්ලාට උපහාර හිඟයි!
අදහස්
ගොළුවෝ, කථිකයෝ සහ කුමාර්
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
චේ කියයි.
නිර්ධන පංතිය නිරාහාරව, පීඩාවට පත්ව සිටින විට ධනපති පාලකයා සුඛෝපබෝගීව ජීවත් වේ. සියළු ධනපති බලවේගයන්ගේ සහයෝගය ලබමින් පාලකයා සිය ආරක්ෂාව තර කර ගනී. ජාතික විමුක්තිය,... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook