Facebook
Twitter
Google+
YouTube
Blog
RSS Feed
අදහස් බූන්දි
කියන දේ තරම්ම කියන ආකාරය ද වැදගත්....!
බූන්දි, 04:12:53
සාහිත්‍ය ශානරයන් පිළිබඳ විචාර සිදුකරන බොහෝ විචාරකයන් අන්තර්ගතයට පමණක් සිමාවිම නිර්මාණයට සිදුකරන විශාල අසාධාරණයකි. මන්දයත් අන්තර්ගතය තරම්ම ආකෘතියද නිර්මාණයක් සඳහා බලපාන හෙයිනි. යම් සාහිත්‍ය ශානරයක් ඔස්සේ සමාජගත කරනු ලබන අදහස නිර්මාණකරුවා ආයසයකින් තොරව අයාලේ යන්නට ඉඩ හරින්නේ නැත. එනම් නිර්මාණකරුවා අන්තර්ගතය තවදුරටත් පෝෂණය කරනු ලබන ආකෘතියක් ස්වකීය නිර්මාණය සඳහා ඉවහල් කර ගනී. විශේෂයෙන්ම කවිය, කෙටි කතාව, නවකතාව, නාට්‍ය ආදි වු සාහිත්‍ය ශානරයන් සඳහා පොදුවේ පිළිගත් ආකෘතියක් නොපවතින අතර ඒ ඒ නිර්මාණකරුවාගේ කියවීම ඔස්සේ ආකෘතික භාවිතාව වෙනස් වේ. මහගමසේකරයන්ගේ ''කුසලානේ ලු මිදි යුෂ''* නම් කවිය වෙත අවධානය යොමු කිරිමෙන් ආකෘතිය කෙරෙහි ඔහු දක්වා ඇති සැලකිල්ල මනාව අවබෝධ වේ. මෙහිදි කුසලානයක හැඩයක් ඇසුරු කරගනිමින් වචන අතර අවකාශමය හිඩසක්ද යොදාගනිමින් අපුර්වත්වයක් ගොඩනැගිමට කවියා සමත්ව ඇත. කුසලානය පිළිබඳ නිරන්තර අදහසක් පාඨකයාගේ මනසේ ගැබ්ව පවති. ඒ නිසාම පඨිතය හා පාඨකයා අතර සමීප කියවිමක් සඳහා අවශ්‍ය අවකාශමය ඉඩ විවර වේ.

අජිත් තිලකසේනයන්ගේ සංයුක්ත කවි වෙත අවධානය යොමු කිරිම මගින් තවදුරටත් ආකෘතිය පිළිබඳ විමසා බැලිය හැක. විශේෂයෙන්ම අජිත් තිලකසේනයන්ගේ සංයුක්ත කවි ඔස්සේ ඔහු මතු කරන්නට උත්සාහ කරනු ලබන දාර්ශනික චින්තාවට ආකෘතිය විශාල පිටුවහලක් වී ඇත. ශබ්දමය ස්වභාවයට එහා ගිය දෘෂ්‍ය රූප මතු කිරිම සඳහා තිලකසේනයන් ආකෘතික භාවිතාව මැනවින් ඇසුරුකර ඇත. සංයුක්ත කවි පිළිබඳව සාකච්ඡා කිරිමෙදි ආකෘතියෙන් වියුක්තව කියවීමක් සිදුකිරිම පිළිබඳව සිතීම පවා අර්ථශුණ්‍ය කාර්යකි. විශේෂයෙන්ම නිර්මාණකරුවාට ස්වකීය නිර්මාණය පිළිබඳ වඩාත් සතුටු විය හැක්කේ ඒ සඳහා පාදක කරගත් වස්තු විෂය පිළිබඳ පමණක් සලකා නොව එය පාඨකයා වෙත සමිප කිරිම සඳහා ඔහු විසින් තෝරා ගනු ලබන ආකෘතිය පිළිබඳවත් සැලකිලිමත් වීමෙනි. කියන දේ තරම්ම කියනු ලබන ආකාරය ද වැදගත් වන නිසාවෙනි.

ආකෘතිය පිළිබඳ සලකා බැලිමෙදි නුතන සාහිත්‍ය ක්ෂත්‍රයේ පමණක් නොව අතීත සම්භාව්‍ය සාහිත්‍ය තුළද එය දක්නට ලැබේ. ජාතක කතා වෙත අවධානය යොමු කිරිමෙන් එය මනාව වටහා ගත හැක. ජාතක කතාව තුළ එයටම ආවේනික වු ආකෘතියක් දක්නට ලැබේ. අතීත කතාව සහ වර්තමාන කතාව පිළිබඳ කියවිමක් ඒ තුළ අන්තර්ගත වේ. ජාතක කතාකරු ඉස්මතු කිරිමට බලාපොරොත්තු වන අර්ථය වඩාත් තීව්‍ර කිරිමට යොදාගත් ආකෘතිය මැනවින් ඉවහල් වී ඇත.

කාලයත් සමඟ වෙනස් නොවන දේට රැඳී සිටීමේ ගැටලුවක් පවතින බව අපි ප්‍රශ්න කිරිමකින් තොරවම පිළිගනිමු. එසේනම් එකි න්‍යාය ධර්මය සාහිත්‍ය සඳහාද ඉවහල් වේ. නුතන සමාජ සන්දර්භය තුළ ජිවත්වන මිනිසා සෑම කාර්යයක් තුළම පීඩනයක් අත්විඳිමින් කාර්යබහුලත්වයට පත්ව තිබේ. ඒ නිසාම මිනිසුන් ඉදිරියේ ඇති විශාල ගැටලු ප්‍රශ්න කිරිමකින් තොරවම සාමාන්‍ය දැනිම බවට පත්ව තිබේ. එය සමාජ පරිහානියක පෙරනිමිති වැන්න. නුතනයේ, නිර්මාණකරනයේ යෙදෙන බොහොමයක් දෙනා ඉහත කී සාමාන්‍ය දැනීම බවට පත්ව ඇති සමාජ යථාර්ථය ප්‍රශ්න කිරිමට ආකෘතියේ දායකත්වය මැනවින් ඇසුරු කර ඇති බව පෙනේ. විශේෂයෙන්ම විකල්ප සංගිත කණ්ඩායම් ඔස්සේ එය තහවුරු කරගත හැක. ඔවුන් අපේ සමාජ සන්දර්භය තුළ කණ්ඩායම් සංගීතයේ ගමන් මඟ පැහැදිලි වෙනසකට බඳුන්කර ඇත. පසුගිය දවසක Down Town Pulse නමින් විකල්ප සංගිත කණ්ඩායම් එකමුතුවෙන් ප්‍රසංගයක් පැවැත්විණි. ඔවුන් කොතරම් දුරට සමාජයේ සාමන්‍ය දැනීම බවට පත්ව තිබෙන තත්වයන් ප්‍රශ්න කිරිම සඳහා ආකෘතිය භාවිතා කර ඇද්ද යන්න හඳුනාගත හැක.

විචාරකයන් පමණක් නොව නිර්මාණකරුවන්ද ඇතැම් අවස්ථා වල ස්වකීය කියවීම එක් තැනකට පමණක් විතැන් කිරිමට උත්සාහ ගනි. ඒ හරහා ඔවුන්ගෙන් නව දිශානතීන් පිළිබඳ අදහසක් පහළ වේය යන්න සැක සහිතය. එවැනි වටපිටාවක පේරාදෙණි විශ්වව්ද්‍යාලයේ ලලිත කලා අධ්‍යයන අංශයේ බාහිර කථීකාචාර්ය වරයකු වන පුජිත ද මැල් විසින් නිෂ්පාදනය කරනු ලැබු සොක්‍රටිස් නාට්‍ය සාර්ථක අත්හදා බැලීමක් ලෙස හඳුනා ගත හැක. මෙහිදි සාම්ප්‍රදායික නාට්‍ය ආකෘතියෙන් මිදී ක්ෂේත්‍ර සුවිශේෂි නාට්‍ය නම් වු ක්‍රමවේදය භාවිත කරමින් නාට්‍ය නිර්මාණ කර තිබුණි. ඒ තුළ ද නව ආකෘතික කියවිමක් මැනවින් දක්නට ලැබුනි. සොක්‍රටිස් නාට්‍ය පිළිබඳව නව කියවීමක් සඳහා වු අදහස පාඨකයාට මුලින්ම දැනෙන්නේ ඔහු අත්විඳින ආකෘතික වෙනස තුළයි.

නිර්මාණකරුවා මෙන්ම විචාරකයාද අන්තර්ගතය තරම්ම, ආකෘතිය පිළිබඳවත් සැළකිලිමත් වීම ඔස්සේ පඨිතය සහ පඨකයා අතර වන දුරස්ථභාවය බොහෝ සෙයින් අවම කරගත හැක. මෙහිදි වැදගත් කාරණයක් වන්නේ අන්තර්ගතය හෝ ආකෘතිය යන දෙකෙන් එකක් අනෙකට වඩා වැදගත් ද යන්න නොව, නිර්මාණයේ සාර්ථකත්වයට දෙකම ඉතා වැදගත් යන්නයි. සාහිත්‍ය ශානරයන් පිළිබඳ විමසිමේදි "කියන දේ තරම්ම, කියන ආකාරය ද" ඉතා වැදගත් වේ.

*කුසලානේ
ලු
මිදි යුෂ
කුසලානේ
හැඩය ගනී
කුසලානේ
ලු
විෂ වුව
කුසලානේ
හැඩය ගනී

මේ වියමන ඔබේ මූණු පොතට එක් කරන්න-
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
දුමින්ද යූ. ගමගේගෙන් තවත් වියමන්
පොත්
සොබාදහම අපි සහ මීළඟ මීවිත
වෙසෙස්
සුබවාදී පෙරවදනක්- විකල්ප සංගීත ධාරාවේ මැදිහත්වීම
අදහස්
විශේෂ අවශ්‍යතා සහිත දරුවන් සඳහා කලාව
වෙසෙස්
පරිසරවාදි සාහිත්‍ය න්‍යායක අවශ්‍යතාව
තවත් අදහස් බූන්දි
විරහවේ නොස්ටැල්ජියාව, ආදරය සහ කවිය
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
BoondiLets
ලියෝ තෝල්ස්තෝයි කියයි.
නිදහස් චින්තකයෝ යනු පූර්ව විනිශ්චයන්ගෙන් සහ ස්වකීය සම්ප්‍රදායන්ද, වරප්‍රසාදයන්ද, ඇදහිලි හා විශ්වාසයන්ද හා ගැටෙන සියල්ල අවබෝධ කරගැනීමට බියෙන් තොරව ස්වකීය මනස මෙහෙයවීමේ කැමැත්තෙන් කටයුතු කරන්නෝය.... [More]
What's New | අලුතෙන්ම
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook