Facebook
Twitter
Google+
YouTube
Blog
RSS Feed
පොත් බූන්දි
ප්‍රඥා ප්‍රාසාද- විවේචනාත්මක උත්ප්‍රාසයෙන් යුත් නවකතාවක්
බූන්දි, 08:04:14
ප්‍රඥා ප්‍රසාද නමැති මේ අභිනව නවකතාව මහාචාර්යවරයකු හා ලේඛකයකු ද වන ප්‍රබල බුද්ධිමතකු ගේ මනෝව්‍යාධිගත ජීවිතය නිරූපණය කරයි. තරුණ නිර්මාණකරුවකු ගේ නිර්භය ප්‍රයත්නයක් වන මෙහි වස්තු විෂය මේ තාක් පැවැති සිංහල නවකතාවේ තේමාත්මක මානය පුළුල් කරන්නකැයි සිතමි. දිගින් දිගට ගොඩනැඟෙන ලාභ රුචියට අනුබල දෙන කතාවස්තුවක් මෙහි නො වේ. සීමාන්තික ජාතිකවාදියකු වූ බුද්ධිමතකු ගේ ඛේදාන්තය ම මෙහි වෘත්තාන්තයක් බවට පත් වෙයි. සංස්කෘතික ජාතිකවාදයෙන් ව්‍යාධිගත බුද්ධිමතකු ගේ ඛේදවාචකය නිරූපණය කිරිම මඟින් රචකයා ඉඟි කරනුයේ මෙබඳු ප්‍රඥාවන්තයන් හේතු කොට ගෙන සිදු වූ හා සිදු වන විනාශයේ සැබෑ තතුව යි. මේ වනාහි ජාතික වෙස් ගත් එක් උගතකු ගේ මතු නො ව පොදුවේ එබඳු උගතුන් විසින් සෙවුනා ලද සමාජ දේශපාලන ක්‍රියාකාරීත්වයේ අගතිය විදාරණය කරන නවකතාවකි.

එක් අතකට විය හැක්කක් ද නො විය හැක්කක් ද වන මෙහි අමරබන්දු ගේ මනෝව්‍යාධිය කතුවරයා තමා අපේක්ෂිත සමාජ දේශපාලන සංකථනයක ප්‍රබල උපක්‍රමයක් ලෙස භාවිත කරයි. තමා තෝරාගත් අත්‍යවශ්‍ය සිද්ධි සමූහයක් රචකයා තමාට රුචිකර දෘෂ්ටියක් මතු වන පරිදි සංඝටනය කරයි. ඔහු ප්‍රයත්න දරන්නේ යථාර්ථවත් මායාවක් නිපදවා එය මායාවක් නොවන තැනකට ගෙන ඒම පිණිස යි.

අමරබන්දු ගේ නිර්මාණාත්මක ශක්‍යතා ඔහු ගේ ජාතික චින්තනවාදී ඍජු දෘෂ්ටිවාදී පක්ෂපාතකම් නිසා පිරිහී ගිය සැටි ද මෙමඟින් නිරූපණය වේ. තව ද අමරබන්දු ගේ දෘෂ්ටිවාදය කූට දේශපාලනඥයා විසින් උපයෝගී කොටගනු ලබන ආකාරයත් එය එක් අතකින් රාජ්‍ය අනුග්‍රහය හා බලය සමඟ හිතවාදී වන අයුරුත් පළ කරන මේ ප්‍රඥා ප්‍රාසාද එක්තරා විවේචනාත්මක උත්ප්‍රාසයකින් යුක්ත නවකතාවකැ යි හැඟේ.

මුළු ප්‍රබන්ධය ම මහාචාර්ය අමරබන්දු වටා ගොනු වන ප්‍රථම පුරුෂ ආඛ්‍යානයකින් යුක්ත යි. අභිනව ශෛලියක් නිපදවීමට වඩා ප්‍රධාන චරිතය නිරූපණය සඳහා අවශ්‍ය ක්‍රමෝපායයන් භාවිත වෙයි. ඇතැම් විට චරිත නිරූපණයට නැතහොත් රූපණයට වඩා කතුවරයා ගේ මැදිහත් වීමෙන් කැරෙන ආඛ්‍යාන විලාස ප්‍රමුඛ වෙයි. සමාජීය මුළාවට කැස කවන ආධානග්‍රාහී උගතුන් ගේ නිෂ්ඵල ක්‍රියා පිළිවෙළ ප්‍රතීයමාන කිරීමට සුදුසු ආඛ්‍යාන ක්‍රමය රචකයා සොයමින් සිටින බව ද මෙමඟින් හෙළි වෙයි. අප ගේ ගමන් මඟ සකස් කිරීමට පෙරමුණ ගතයුත්තවුන් ගේ ම උන්මත්තක භාවය වූ කලි අද අප සියල්ලන් මුහුණ දෙන අනාථ භාවය පිළිබඳ සංඥාකාරකයකි.

මේ වූ කලි ප්‍රඥා ප්‍රාසාද නො ව දෘෂ්ටිවාදාත්මක සිර ගෙවල් ය. ඒ සිර ගෙවල්වලින් ලබා ගන්නා දැනුම ද අගතියට කරුණු වේ. ස්වාධීන ඥාන ගවේෂක පරපුරක් තව දුරටත් මෙබඳු ප්‍රඥා ප්‍රාසාද සරණ යා යුතු ද යන්න කෘතිය පුරා නැඟෙන එක් අන්‍යාලාපයකැ යි සිතේ.

අමරබන්දු වැනි පුද්ගලයකු මඟින් ශෂී ප්‍රභාත් ඉඟි කරන්නේ වඩාත් මානව කේන්ද්‍රීය සංවර්ධන ක්‍රියාවලියක කාර්යය භාරයන් ඉටු කිරීමේ ශක්‍යතා සහිත බුද්ධිමතුන් ගේ ආවශ්‍යකත්වය ද? එහෙත් කතුවරයා මෙබඳු අරමුණු සාක්ෂාත් කරනු පිණිස තම සිද්ධි සමූහය පෙළගස්වා ඇති බව දැනෙන්ට නො හැරීමට දක්වා ඇති තැත පැසසුම් කටයුතු ය. අමරබන්දු ගේ මනෝව්‍යාධිය මායාවකැයි සැලැකූව ද එය අභව්‍යයක් නො වන තැනකට පත් කිරීමට ලේඛකයා දරා ඇති පරිශ්‍රමය එහි ආකෘතික සංගත භාවයෙහි ම ඵලයකි. අමරබන්දු හා තදාත්ම්‍ය වන සියල්ල තත්කාලීන සමාජ, සංස්කෘතික, දේශපාලන කාල අවකාශගත යථාර්ථයක් බවට පත් වේ. අනෙක් අතට සමාජ සංශෝධකයකු ගේ අඩංගුවක් ද අමරබන්දු තුළ වේ. ඔහු ගේ සංශෝධක විඥානය අවුල් වියවුල් රැසකට හේතු වන විෂම වක්‍රයක පැවැත්මට කරුණු වෙයි. සැබැවින් ම මෙවැන්නෝ අන්තරායයෝ වෙති. මන්ද යත් ඔවුන් පරමාදර්ශයන් යෝජනා කරන්නන් වන බැවිනි.

ප්‍රමුඛ පෙළේ සමාජ චින්තකයකු හා විශිෂ්ට තායි බුද්ධිමතකු වන සුලක් සිවරක් ගේ 'විස්ඩම් ඔෆ් සස්ටේනබිලිටි' (wisdom of sustainability) කෘතියෙහි දක්නට ලැබෙන අදහසක් කෙරෙහි මෙහි දී අවධානය යොමු කරනු මැනවැ යි සිතමි.

"අපේ සම්ප්‍රදාය පමණක් විශිෂ්ට යැයි නොසිතිය යුතු ය. අප සියලු සම්ප්‍රදායයන්ට හා භාවිතයන්ට ගරු කිරීමට උගත යුතු ය. විවෘත මනසකින් යුතු ව බොහෝ ගුරුකුලයන් ගෙන් අපට උගත හැකි ය. විවිධ සම්ප්‍රදායයන්ට හා ආගම්වලට අයත් මිතුරන් සමඟ පමණක් නොව අඥේයවාදීන් සහ අදේවවාදීන් සමඟ පවා සහයෝගී විය හැකි ය. සියලු මනුෂ්‍යයෝ ආධ්‍යාත්මික සත්ත්වයෝ ය."

ප්‍රඥා ප්‍රාසාද යැ යි අප සලකන තැන්වල තත්ත්වය කෙබඳු ද? එබඳු ස්ථාන අප ප්‍රමාදයට මිස අප්‍රමාදයට පත් කිරීමට කටයුතු කොට නැත. අමරබන්දු ප්‍රමාද වූවෙකි. අවුල් වූවෙකි. අප්‍රමාද වූවෙක් නො වේ. ඔහුට ශෝක විරහිත ව ශෝකී ජනයා දෙස බැලිය නොහැකිය.

ධම්මපදයේ, අප්පමාද වග්ගයට අයත් ගාථා ධර්මයක් නවකතාවේ නාමයට හා තේමාවට බද්ධ කිරීමෙන් රචකයා සිය කෘතියට නව ආලෝක ධාරාවක් ලබා ගනී. මෙකල මුද්‍රණයෙන් නිකුත් වන ඇතැම් නිෂ්ඵල නවකතා කෘති කතා කලාවට, ප්‍රබන්ධ ආඛ්‍යාන ස්වරූපයට, බසට අල්ප මාත්‍ර මෙහෙයක් නො කරයි. අලුත් අභිප්‍රායයන්, නව තේමා සෙවීම්, ඒවායේ නො පෙනෙයි. එබඳු මොහොතක ශෂි ප්‍රභාත් රණසිංහ ගේ මේ ප්‍රයත්නය වඩාත් අර්ථ සම්පන්න යැයි සලකනු කවර වරද ද?
මේ වියමන ඔබේ මූණු පොතට එක් කරන්න-
Tags- A review on Sashi Prabhath Ranasinghe's Pragna Prasada, Sinhala Novel, Sri Lankan Fiction
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
නන්දන වීරසිංහගෙන් තවත් වියමන්
කවි
දුම්මල ගලට ගිය අම්මා
කවි
නියම කළ මාවතෙක සැඳෑවෙහි..
කවි
සුළඟේ අයැදුම
කවි
ඩමි
කවි
ශුද්ධ භූමියේ පව්කාරයෝ
තවත් පොත් බූන්දි
ඉණෙන් හැලෙන කලිසමක් රදවා ගන්න තතනමින්...
උමතු වාට්ටුවට අප්පචිචී ඇවිත්!
සෞන්දර්යය වෙනුවට කටු අතු- අපේ යුගයේ උරුමය!
"මතක වන්නිය" හෙවත් උතුරේ ශේෂ පත්‍රය
මී පුප් සේ රස 'හෑල්ල'
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook