Facebook
Twitter
Google+
YouTube
Blog
RSS Feed
රහ කතා-බස්
අකිරා කුරොසව සමග සිනමාව ගැන කතාබහක්
බූන්දි, 03:11:51
'මද දයෝ' කුරොසව ගේ අවසන් චිත්‍රපටයයි. මීට පාදක වී ඇත්තේ 'උචිද හ්‍යක්කෙන් ' නමැති ජපන් ලේඛකයාගේ ජීවිතයේ, එනම් ඔහු ගුරු වෘත්තිය හැරදමා පොත් පත් ලිවීමෙහි නිරත වූ වර්ෂයේ සිට ඔහුගේ හැත්තෑහත් වන උපන් දිනය දක්වා සිදු වූ අර්ථවත් පුවත් කිහිපයකි. චිත්‍රපටය සකස් කොට ඇත්තේ ලේඛකයාගේ එදිනෙදා ජීවිතය අලලා ගෙතුණු වාර්තා ස්වරූපය ගත් නිබන්ධයක් ලෙසිනි. ඔහුගේ ඇතැම් සිනමාපට වල මෙන්ම මෙහි ද එක් ප්‍රධාන තේමාවක් වනුයේ ගුරු ගෝල සම්බන්ධතාවයයි.

ගුරුවරයා සර්ව සම්පූර්ණ පුද්ගලයෙකු ලෙස හෝ ශිෂ්‍යයන් සුවච කීකරු ගෝල පිරිසක් ලෙස හෝ දක්වා නොතිබීම මෙහි ප්‍රකට විශේෂත්වයකි. එසේම ගුරුවරයා පරමාදර්ශි පුද්ගලයෙකු ලෙස දක්වා තිබේ නම් එසේ කොට ඇත්තේ ඔහු කිසිම විටක තම ගෝලයන් අරබයා ආඥාදායකු සේ ක්‍රියා නොකිරීම අතින් පමණි. ගෝලයන් තම ගුරුවරයාට බෙහෙවින් ගරු බුහුමන් දැක්වීමට හේතුව ඔහුගේ දැනුම ඉක්මවා යන ඔහු සතු සිත්ගන්නා සුළු ගති පැවතුම් බව පෙනී යයි. මේ සිනමා පටය තුලින් ගුරුවරයා සහ ගෝලයන් එකිනෙකා කෙරෙහි විශ්වාසයෙන් හා ගෞරවයෙන් යුතුව වෙසෙන මනා සබඳතාවක් මූර්තිමත් කෙරේ.

චිත්‍රපටය අවසන්වනුයේත් ස්වභාව ධර්මය ඉස්මතු කොට දැක් වෙන සිදුවීමකිනි. එනම් හැත්තෑහත් වන වියේ පසුවන ගුරුතුමා දකින සිහිනයකිනි. කුඩා දරුවෙකුගේ අවධියේ පසුවන ඔහු වෙලක් මධ්‍යයේ සම වයසේ ළමුන් හා හැංගි මුත්තං ක්‍රීඩාවෙහි නියැලෙමින් සිටියි. පිදුරු ගොඩකට මුවා වී සිටින ඔහු 'තවම සූදානම් නැහැ' යන අරුතැතිව 'මද දයෝ- මද දයෝ' යනුවෙන් කෑ ගසමින් සිටී. එය මහලු වියෙහි පසුවෙන ගුරුතුමා තවමත් මරණයට සූදානම් නැතැයි වක්‍රාකාරයෙන් පවසන්නක් බඳුය.

'මද දයෝ' කියමින් දරුවා අහස දෙසට නෙත් යොමයි. එවිට ඔහු දකින්නේ විව්ධාකාර හැඩ තලයන්ගෙන් ද, ලොකු කුඩා ප්‍රමාණයෙන් ද අහසෙහි විසිර ඇති වලා සමූහයකි. ඒ වන විට අසු වන විය ඉක්මවා සිටි කුරොසව තමා තවමත් මරණයට සූදානම් නැතැයි ලොවට හඬගා කියන්නාක් සේ ප්‍රේක්ෂකයාට හැඟී යනු ඇත.

-ආරිය රාජකරුණා
['අපූරු ඉරිදා දවසක්' හි පසු පරිච්ඡේදයේ ලියූ 'අකිරා කුරොසවගේ චිත්‍රපට' හැඳින්වීම ඇසුරිනි.]


'මද දයෝ'- කුරොසව ගේ අවසන් චිත්‍රපටය

'මෙවැනි ආකාරයේ චිත්‍රපට කිරීමෙන් මා බොහෝ සතුටට පත් වෙනවා .' එවකට 83 වන වියෙහි පසු වූ අකිරා කුරොසව සිය සිනමා ජිවිතයේ රිදී ජුබිලිය සමරමින් කියා සිටියේය. 1993 දී සිය තිස්වන චලන චිත්‍රය - 'මද දයෝ' පිළිබඳ තෝකියෝ කැපිටල් හෝටලයේ පැවැත් වූ පුවත් පත් සාකච්ඡාවක් දී ෆ්‍රෙඩ් මාෂල් නම් මාධ්‍ය වේදියා හා කළ සාකච්ඡාවයි මේ.

''අධිරාජයා'' යනුවෙන් අන්වර්ථ නාමයක් ඔබට භාවිත කරන්නේ ඇයි?

ඒක මාධ්‍යකරුවන් විසින් මා වෙනුවෙන් යොදනු ලැබූවක්. ඔවුන් ඊට බොහොම කැමතියි.

සිත්තරෙකු වීමට ඔබට නොහැකි වූයේ ඇයි?

විභාගයෙන් අසමත් වූ නිසා.

ඔබ වඩාත් ප්‍රියකරන චිත්‍රපටය කුමක්ද?

බොහෝ දෙනෙකු ගේ අදහස නම් ඒ ''සමුරායි සත් දෙනා'' (Seven Samurai-1954) යනුයි. මොකද එය මා හැදුවේ ජනප්‍රියත්වයේ හිණිපෙත්තේ සිටින අවධියක වීම නිසා. එනමුත් එය මගේ පෞද්ගලික කැමැත්ත නොවෙයි. කිසියම් කාර්යයක උත්පත්තිය කියන්නේ, කිසියම් වූ වර්ධනය වන මතවාදයක විශාලනයක්. මා වඩාත්ම ප්‍රියකරන චිත්‍රපටය මෙයැයි කීමට හැකියාවක් මට ඇත්තේ නැහැ. ජීවිතේ එක් වතාවක හෝ වෙනත් වතාවක මේ චිත්‍රපට හැමෙකක්ම පාහේ පණ ගැන්වෙන බව මා ඔබට කියන්නට කැමතියි.

කුමන ආකාරයේ චිත්‍රපට නිර්මාණය කිරීමටද ඔබ වඩාත් කැමති?

මට ඕනෑ නැහැයි කියලා හිතෙන කිසිම දෙයක් මම සිනමාවට නගන්නේ නැහැ. විශේෂයෙන්ම මුදල් ඉපයීමේ සඳහා බලකෙරෙන විදියේ චිත්‍රපට නිර්මාණයට මගේ කිසිදු ආකාරයක කැමැත්තක් නෑ. එය හොඳ දෙයක් වෙන්නට හෝ නොවෙන්නට පුළුවන්. එහෙත් කෙනෙක් ඒ පිළිබඳ ස්ථාවරයක සිටිය යුතුයි. සිනමාකරුවෙකු කිසියම් දෙයක් විශ්වාසකරන්නෙක් විය යුතුයි, තමාට අවංක කෙනෙකු විය යුතුයි, තමාගේ කාර්යය සහ අරමුණ පිළිබඳ වාස්තවික විය යුතුයි. නිෂ්පාදකයෙකු සිනමාකරුවෙකුට මුදල් ලබා දිය යුතුයි, එවිට සිනමාකරුවා විශ්වාස කරනවා, නිෂ්පාදකවරයා නිර්මාණකරුවා පිළිබඳ කෙතරම් විශ්වාසයකින් පසුවනවාද යන්න.

ඔබ සත්‍යය සමග කටයුතු කරන්නේ කොහොමද?

හැමවිටම එය ඇතුල් කල හැකි සියළු අවස්ථා සහ විධි මා විසින් සොයා බැලිය යුතුයි. සත්‍ය කතා කිරීම ඔස්සේ මුදල් ඉපයීම ඉතාම දුෂ්කර කටයුත්තක්. කොහොම නමුත් ජපානයේ ඉතිහාසය සහ එහි සංස්කෘතික වටිනාකම් පිළිබඳව කතා කිරීම නම් බොහොම පහසු කටයුත්තක් වී තිබෙනවා.


Ikiru- 1952

ඔබේ සිනමාපටවල සංස්කරණ කටයුතු අන් කෙනෙකු වෙත නොදෙන්නේ ඇයි?

මා විසින් සියලු කටයුතු ඉටුකිරීම තමයි මගේ මූලධර්මය. සියලු දේ ඉටුකරන්නේ මා විසින්. එය අධ්‍යක්ෂවරයෙකු ලෙස මාගේ කාර්යයේ කොටසක්. අදාල රූප රාමු කැමරාකිරීමෙන් අනතුරුව පසු දිනම මා විසින් සංස්කරණය කෙරෙනවා. මං අනෙක් අයට වඩා වෙනස්. මම කැමති එය මේ ආකාරයෙන් කරන්නට, මොකද ඒ නිසා මුද්‍රණය පෙර අවසාන මිනිත්තුවේ ගන්නට සිදුවන තීරණ වළකිනවා. බොහොම නැවුම් හැඟීමක් එක්ක සංස්කරණය කරන එක හරිම ඵලදායි. නිවැරදි සංස්කරණයත් සමගම අවසානයේ ඇති වන සමබරතාව පවත්වාගැනීම ඉතා පහසුයි. හැමදිනකම රූපගතකිරීම අවසානයේ පැය දෙකක පමණ කාලයක් මා වැයකරනවා සංස්කරණ කටයුතු වලට.

සිනමාපටයක් නිර්මාණය සඳහා ඔබ කොපමණ කාලයක් වැය කරනවද?

මාස 8 ක් වැනි කාලයක් ඒ සඳහා වැය කරනවා. ඒත් හැමදවසකම රූගත කිරීම් කෙරෙන්නේ නෑ. එක් දර්ශන තලයක් සඳහා කැමරා තුනක් මම භාවිතා කරනවා. රූගත කිරිම් නැවත නැවත කෙරෙන්නෙත්, කපා හැරෙන්නෙත් ඉතාම අඩුවෙන්. ඇතැම් අවස්ථා වල එක් රූගත කිරීමක් මිනිත්තු 16ක් තුල මට නොනවත්වා කරගෙන යා හැකියි.

සිනමාපටයේ අවස්ථා ඔබට කොතරම් වැදගත් වනවාද? රංගන ශිල්පීන් කොතරම් දුරට ඔබට වැදගත් වෙනවාද?

මගේ චිත්‍රපටවල ඇති වැදගත්ම අංගය වෙන්නේ ඉතා හොඳ තිර රචනයක් තුලින් ගොඩ නගන අවස්ථාවනුයි. එය එසේ නොවේ නම් රංගන ශිල්පීන්ගෙන් ප්‍රයෝජනයක් වන්නේ නෑ. වෘත්තීය නොවූ අයට පවා හොඳින් රංගනයේ යෙදෙන්නට පුළුවන්. හැම විටම මම බලාපොරොත්තු වෙන්නේ ඉතා තාත්වික මට්ටමේ රංගන ශිල්පීන්.

ඔබේ පෞද්ගලික රුචි අරුචිකම් ගැන කතා කළොත්?

මම ක්‍රීඩා වලට බොහොම ප්‍රිය කරන කෙනෙක්. ඒ වගේම චිත්‍රපට නැරඹීමටත් කියවීමටත් මම බොහොම කැමතියි.

ඔබේ සිනමාපට තුල දී දෘෂ්‍ය සංකලනයන් කොපමණ වැදගත් වනවාද?

ප්‍රකාශන කාර්යයන් සඳහා එය භාවිත කළ හැකි ඉතා වැදගත් ආකාරයන් තිබෙනවා. මගෙ අළුත් සිනමා නිර්මාණය තුල මම ඒවා බොහොසෙයින් භාවිතා කොට තිබෙනවා.

ඉදිරියට ඇති ඔබේ සැලසුම් මොනවාද?

මගේ ජීවිතේ බොහෝ කාලෙක ඉඳන් තියෙන බලාපොරොත්තුවක් තමයි සුප්‍රකට චිත්‍ර ශිල්පියෙකුවන Vincent van Gogh ගේ ජීවිතය අලලා චිත්‍රපටක් කිරීම. සමහර විට මම මේ ව්‍යාපෘතිය අරඹාවි ඉදිරි වසර කිහිපය තුල.

ඔබේ අවසාන චිත්‍රපට හතර තුල 'තොෂිරො මිෆුනේ' (Toshiro Mifune) ට අවස්ථාවක් හිමි නොවුනේ ඇයි?

තොෂිරො මිෆුනේ කියන්නේ ඉතා ශ්‍රේෂ්ඨ රංගම ශිල්පියෙක්. ඔහු ජනප්‍රියත්වයේ හිණිපෙත්තේ සිටියදීම 'රත් රැවුල්කාරයා' (Red Beard) සඳහා ඔහුගේ විශිෂ්ඨ හැකියාවන් මට ලබා දුන්නා. අපි තවමත් සමීප මිතුරෝ. මගේ නිර්මාණ තුල ඔහු දකින්නට නොසිටියත්, ඔහු පිළිබඳ මා තුල ඇත්තේ අප්‍රමාණ ගෞරවයක්.


තොෂිරො මිෆුනේ- Rashomon- 1950

රංගන ශිල්පීන් හා කටයුතු කිරීමේදි ඔබේ රහස කුමක්ද?

හැමවිටම පුහුණු වීම ඔස්සේ ඔවුන් සූදානම් කරවනු ලබනවා. ඒ සඳහා මාස 8 ක කාලයක් ගත වෙනවා. එවිට ඔවුන්ට තමන්ට හිමි චරිතය හා මුහුවෙන්නටත් එය අවබෝධ කරගන්නටත් ඒ වෙනුවෙන් ඔවුන්ගේ රුචිකත්වය වර්ධනය කරගන්නට ඉඩ ප්‍රස්ථා හිමි වෙනවා. චරිතයක් ගොඩ නගන්න්ට කාලයක් ගත වෙනවා. ඇත්තෙන්ම එහි රහසක් නැහැ. එයට මූලිකව අවශ්‍ය වන්නේ ඉවසීමයි.

ඔබේ සිනමාපට වල ස්වභාවය ගැන යමක් කිවුවොත්?

සිනමා පටයක් නිර්මාණය කරන විට ඔබ එහි ප්‍රමුඛ භූමිකාව හා කටයුතු කරන්නන්ගෙන් කෙනෙක්. එක්ව සිනාසීම, හැඬීම, දුක්විඳීම කියන මේ හැමදේම. ඇත්තෙන්ම එය තමා චිත්‍රපටය කියන්නේ.

ඔබට හැකියාවක් ඇත්නම් සමාජය වෙත බලපෑම් කරමින් එය වෙනස් කරන්නට, ඔබ එය කරන්නේ කෙසේද?

කලාකරුවෙකු විදියට මා සතු නිර්මාණ කෞශලයේ වාසිය උපරිමෙන් දෙන්නට කටයුතු කරනවා. මම බොහොම සතුටු වෙනවා. ඒ මට මා ඉදිරිපත් කළ හැකි මාධ්‍යක් සහ අවස්ථාවක් තිබෙන නිසා. මගේ වෘත්තිය කෙරෙහි මා සතු වගකීමක් තිබෙනවා. සත්‍යවාදී සහ අවංක දැනුවත් වීමක් මට තිබෙනවා. එහි කිසිදු රහසක් මා සතුව නැහැ. මූලිකවම මම ජපන් සමාජය හා කටයුතු කරමින් එහි අපට ඇති ගැටළුකාරි අවස්ථා නිර්භය ලෙස ඉදිරිපත් කිරීමටත් කටයුතු කරනවා. මගේ සිනමාපට නරඹන්නේ නම් ඔබ මේ පිළිබඳව දන්නවා ඇති. කතන්දර කියන්නෙකු විදියට එහි සඟවාගත් කිසිදු රහසක් මට නැහැ.

ඔබේ 'මද දයෝ' සිනමා පටය කුමක් පිළිබඳවද?

එය මහාචාර්ය වරයෙකු වන උචිද හ්‍යක්කෙන් සහ ඔහුගේ පෙර සිටි සිසුන් අතර ඇති හෘදයාංගම බැඳීම පිළිබඳයි. ඒ තුල මේ වන විට ඒ සියල්ල අමතක කර දැමූ එහෙත් කිසියම් වූ නොමිණිය හැකි දෙයක් තියෙනවා. එය උණුසුම් හිත් ඇති ප්‍රාර්ථනීය ලෝකයක්. මේ සිනමා පටය නරඹීමෙන් පසු සියල්ලෝම තමන්ගේ මුව රැඳුණු පුළුල් සිනාවකින් සහ නැවුම් හදවතකින් යුතුව සිනමාහලෙන් නික්ම යනු ඇතැයි මා බලාපොරොත්තු වෙනවා.
මේ වියමන ඔබේ මූණු පොතට එක් කරන්න-
Tags- Akira Kurosawa, Akira Kurosawa's Last Movie 'Madadayo' 1993, Hyakken Uchida, Toshiro Mifune
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් රහ කතා-බස්
"ජාතිය තීරණය කරන්නේ ලේ නෙවෙයි; සංස්කෘතිය!"- නැගෙනහිර වෙරළෙන් ඇසුණු හඬ- හඳගම සමග කතාබහක්
"කෆ්කා යථාර්ථවාදය පිළිබඳ සම්ප්‍රදායික අදහස අර්බුදයට යවපු ලේඛකයෙක්"- එරික් ඉලයප්ආරච්චි
"මගේ ඇතුළෙත් දේශපාලන සත්ත්වයෙක් ඉන්නවා. මං ඌට ආදරෙයි!"- සෝමරත්න දිසානායක
"කිමිදෙන එක නෙමෙයි, පතුල හොයන එකයි අවුල"- විරාජ් ලියනාරච්චි
"හොඳ දේට රැල්ලක් හදන්න ඕනේ...!"- 'ගිරිකූඨ කාශ්‍යප' ගැන අඛිල සපුමල් සමග කතාබහක්
බූන්දි නව ඊමේල් ලිපිනය- editorial@boondi.lk
BoondiLets
රෙනේ මැග්‍රිට් කියයි.
ජීවිතය මොනවා හෝ කරන්නැයි මට බලකරයි; ඉතින් මම චිත්‍ර අඳින්නෙමි!
What's New | අලුතෙන්ම
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
වෙසෙස්| එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා

5-Mins

(මහේෂි බී. වීරකෝන්) පුරාතන ග්‍රීක පෞර රාජ්‍යන් පිළිබඳ අධ්‍යනය කිරීමේදී ප්‍රමුඛස්ථානයක් ගනුයේ ඇතන්ස් සහ ස්පාර්ටා යන පෞර රාජ්‍යයන්ය. එකිනෙකට වෙනස් වූ දේශපාලනික සහ... [More]
අදහස්| අප ඔවුන්ගෙන් වෙනස් විය යුත්තේ කෙලෙසද?

2-Mins

(කෙවින් කරුණාතිලක) මා හිතවත් උපාසිකා මාතාවක් කී දෙයක් තේමා කරගෙන මෙම සටහන ලිවීමට අදහස් කලෙමි. ඇය නොවරදවාම පොහොයට සිල් සමාදන් වන, කාර්යාලයේ... [More]
කතන්දර| "කොණ්ඩෙ කපන කොටි බාබර්"- ළමා කතන්දරය [වීඩියෝව]

45-Secs

"කොණ්ඩෙ කපන කොටි බාබර්"- පොඩිත්තන්ට විනෝදාත්මක කතන්දරයක් [කාටූන්]- Rohini Nilekani ලියා, Angie හා Upesh සිත්තම් කළ "The Haircut" ළමා කතන්දරයේ... [More]
BoondiLets| ග්‍රවුචෝ මාක්ස් කියයි.
මං හිතන්නේ ටෙලිවිෂනය මාරම 'අධ්‍යාපනික'යි. මොකද, මොකෙක් හරි ඒක ඔන් කරන ඕනෙම වෙලාවක මං කරන්නේ, වෙන කාමරේකට ගිහිල්ලා හොඳ පොතක් කියවන එකයි!
කවි| නැගිටපන් බණ්ඩාර

28-Secs

(ඉරේෂා මධුවන්ති) ගොජ දමන පෙණ කැටිති ගොඩවැදී කට අගට
ඊ වේගයෙන් පනී දිවි පුදා හුළඟකට
විසිර පාවුල බැබිල, මියණ පත් අතු අතර
පිහි තලේ හේදුවා කඳුලකින් මහ කිතුල

වරපටින් වැළඳ වාරුව කිතුලෙ කඳ බඩට... [More]
වෙසෙස්| තෙත්බිම් පුරා අසූචි විසුරුවන 'සහස්‍රයේ නගරය'

7-Mins

(කපිල මහේෂ් රාජපක්ෂ) මානව වර්ගයා වනගත දිවියෙන් නික්ම ගංගා නිම්න ආශ්‍රිතව ශිෂ්ටාචාර ඇරඹු අවදියේ මුහුණ දුන් නව අභියෝග අතර ප්‍රමුඛ ගැටලුවක් වුයේ එතෙක්... [More]
අදහස්| [සරදගේ ලියුං හැකින්ස්]- අපේ ලොක්කාගෙං පුටිංට සැරම සැර ලියුමක්

2-Mins

රුසියාවේ ඉන්න මගේ යාළුවෙකුගෙන් හදිස්සියේම කෝල් එකක් ආවා. මිනිහා එහා පැත්තේ ඉඳගෙන බොහෝම සන්තෝසෙන් කෑ ගහන්න පටන් ගත්තා. "කියල වැඩක්... [More]
කතන්දර| "කණ්ණාඩියෙ හැංගි හොරා"- ළමා කතන්දරය [වීඩියෝව]

38-Secs

"කණ්ණාඩියෙ හැංගි හොරා"- පොඩිත්තන්ට ලස්සන පුංචි කතන්දරයක් [කාටූන්]- Rachita Udaykumar ලියා, Suvidha Mistry සිත්තම් කළ "My Best Friend" සිඟිති කතන්දරයේ... [More]
කවි| අතුරුදහන්වූවන් හඳුනා ගැනීමේ පෙරෙට්ටුව

27-Secs

(කසුන් හර්ෂණ) මැයි මහේ සාපයට පහන් පෙළ ඇවිලූ ව,
දුක් ගීය තමා ඒ කන්ද උඩ වැහි කළුව
සඳ එහෙම නෑවිත් පොරවද්දී රෑ සළුව
නංගි අපි කෑවේ ගින්දරේ කොස් පළුව

විඩාබර දෙනෙත් අග රැඳුනාම ඉඟි නළුව... [More]
කතා-බස්| "ජාතිය තීරණය කරන්නේ ලේ නෙවෙයි; සංස්කෘතිය!"- නැගෙනහිර වෙරළෙන් ඇසුණු හඬ- හඳගම සමග කතාබහක්

9-Mins

(කේ.ඩී. දර්ශන) මේ දිනවල අයිටීඑන් නාලිකාවේ විකාශය වන "නැගෙනහිර වෙරළෙන් ඇසෙන" ටෙලි නාට්‍යය දුවන රැල්ලට හාත්පසින් ම වෙනස් මානයකුයි නියෝජනය කරන්නේ. එක... [More]
අදහස්| [සරදගේ ලියුං හැකින්ස්]- රට කොරන මහත්තුරු- පතති කිරි උතුරනා අවුරුදු!

2-Mins

අලුත් අවුරුද්දේ උදේ පාන්දර ගෙදර ලියුම් පෙට්ටිය ඇරල බලනකොටයි මං දැක්කෙ, රටේ ලොකු ලොකු උන්නැහේලා මට අලුත් අවුරුදු සුබ පැතුම්... [More]
කවි| කුණු නොවෙන ප්‍රේමයක්

36-Secs

(කුෂාන් ශාලික) කන්ද පාමුල ගෙන්දගම් නිම්නෙක
හැටේ වත්තේ ලස්සනම හරියක
මම හිටියෙ ලෑලි ගෙදරක
ඒ දවස් වල

කන්ද මුදුනේ ඉඳුල් අතරට... [More]
BoondiLets| ඒබ්‍රහම් ටී. කොවූර් කියයි.
තමන් විසින් පානු ලබන ඊනියා ප්‍රාතිහාර්යයන් පරීක්ෂාවට ලක් කිරීමට ඉඩ නොදෙන්නා තක්කඩියෙකි. එබඳු පරීක්ෂා කිරීමකට ධෛර්යය නොමැත්තා පහසුවෙන් මුළාවේ වැටෙන්නෙකි. පරීක්ෂාවකින් තොරව සියල්ල විශ්වාස කිරීමට... [More]
කතන්දර| චිත්‍ර ප්‍රදර්ශනය

2-Mins

(අනුෂ්ක තිලකරත්න) පොඩි එවුන්ගෙ චිත්‍ර ටික නම් ඔක්කොම ලැබුනා. ගිය සැරේ වගේම මේ සැරෙත් ශාලාවෙ ඉඩ මදි වෙයි. කමක් නෑ කොහොම හරි... [More]
ඔත්තු| "ගුත්තිල කාව්‍ය" වේදිකාවට!

13-Secs

"ගුත්තිල කාව්‍ය"- අඛිල සපුමල්ගේ නවතම සංගීත නාට්‍යයේ මංගල දැක්ම, 2018 ජනවාරි 11 වන දින, ලයනල්... [More]
කවි| වයාපන් ලුද්මිලා චෙලෝමය පෙම් ස්වරය

24-Secs

(මලිත් දිලූෂ නානායක්කාර) ලුද්මිලා,
හදවතත් ඇතැම් විට විපිළිසර ස්වර පෙළක්
විටෙක උච්චව විටෙක මන්ද්‍රව හඬ නැඟෙන
ස්ථායී තැන්වලත් අස්ථායී වෙන
සෘති අස්ථාවර ව ළතැවෙන
විරහ ගී ගැයෙන්නේ එතකොට;... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook