Facebook
Twitter
Google+
YouTube
Blog
RSS Feed
වෙසෙස් බූන්දි
ම්ලේච්ඡ ජනසංහාරය සහ සිරියාවට පහරදීමේ ඇමරිකානු හදිස්සිය
බූන්දි, 00:11:56
ඊජිප්තු වීදි මත ලේ පැල්ලම් වියැකී යන්නටත් මත්තෙන්, ඉකුත් සතියේ සිරියානු පොළොව මත සිදු වූ ම්ලේච්ඡ ජන සංහාරය, මුළු මහත් ලෝකයම කම්පනයට පත් කළේය. අන්තර්ජාතික මාධ්‍ය අවකාශය, පණ අදින ළදරුවන්ගේ සහ ගොඩ ගැසුණු මළමිනී පෙන්වන ඡායාරූප සහ වීඩියෝ වලින් වැසී ගියේය. මුල් පැයේදීම ඇමරිකානු සහ ඇමරිකානු ගැති මාධ්‍ය, චෝදනාත්මක ලෙස, සිරියානු හමුදාව ජනතාවට එරෙහිව රසායනික අවි ප්‍රහාරයක් එල්ල කළ බවට සෘජුවම වාර්තා කළ අතර සිරියාවට එරෙහි එක්සත් ජනපද හමුදා මැදිහත්වීමක් ඉල්ලීමේ සුපුරුදු හඬ තැලීම දසතින් නැගෙන්නට විය. එහෙත්, අතළොස්සක් විකල්ප මාධ්‍ය සිදුවීම වටහා ගැනීම සඳහා වෙනත් පර්යාලෝකයන් යෝජනා කරමින් සිටිති. බිල් වෑන් ඕකන් විසින් ලෝක සමාජවාදී වෙබ් අඩවියට ලියන ලද මෙම ලිපිය, මෙකී ප්‍රහාරය සිරියානු හමුදාව විසින් නොව ඇමරිකානු ආධාර ලබන කැරලිකාර කණ්ඩායම් විසින් කරන ලද්දක් විය හැකි බවට යෝජනා කරයි.

රසායනික අවි පිළිබඳ සිරියාවට එරෙහි ප්‍රහාර ඉල්ලමින් නැගෙන ඝෝෂාව

සිරියාවේ දමස්කස් ආශ්‍රිත රසායනික අවි ප්‍රහාරය පිළිබඳ වාර්තා, බටහිර බලවතුන් සහ ඔවුන්ගේ මිත්‍ර රාජ්‍යයන් විසින්, සිරියාව තුළ සෘජු හමුදා මැදිහත්වීමක් සඳහා වන ව්‍යාජ හේතුවක් නිර්මාණය කර ගැනීමට යොදා ගනු ලබමින් සිටිති. යෝධ මාධ්‍ය ආවරණයක් සමග අතිනත ගත් මෙකී රාජ්‍යයන්ගේ තරවටු කිරීම මගින්, ප්‍රහාරයේ ස්වභාවය පිළිබඳ කිසිදු ස්වාධීන තහවුරු වීමක් හෝ එය අසාද් රෙජීමය සමග සම්බන්ධයක් තිබේද යන්න පිළිබඳ ලේශ මාත්‍ර සාක්ෂියක් හෝ ලැබීමටත් පෙර සිටම, සිරියානු ජනපති බෂාර් අල්-අසාද්ට අධි චෝදනා එල්ල කෙරෙමින් පවතී.

2011 දී ලිබියාවේ රෙජීම වෙනස ඇති කිරීමේදී කළාක් මෙන්ම, සිරියාවේ අතීත පීඩකයා වන ප්‍රංශය, මෙවරද මේ චෝදනා නැගීමේ ව්‍යාපෘතියේ පෙරමුණ ගෙන තිබෙයි. ප්‍රංශ විදෙස් ඇමතිවරයා සිරියානු ප්‍රහාරයට ප්‍රතිචාර දක්වමින් පවසා සිටියේ මෙසේයි; "අපට මේ පිළිබඳ අන්තර්ජාතික ප්‍රජාවගෙන් ප්‍රතිචාර දැක්වීමක් අවශ්‍යයි... (මිලිටරි) ප්‍රතිචාරයක්...!"


බෂාර් අල්-අසාද්

එලෙසින්ම, සිරියානු භූමිය තුළ සිටින අල්-ඛයිඩා අනුබද්ධ කණ්ඩායම් වලට කඳවුරු, ආයුධ සහ උපක්‍රමික සහාය ලබා දෙන, තුර්කි ඉස්ලාමික ආණ්ඩුව ද හමුදාමය ප්‍රතිචාර දැක්වීමක් සඳහා බල කරමින් සිටියි. තුර්කි විදෙස් ඇමතිවරයා සිරියාව 'රතු කට්ට' පන්නවා ක්‍රියා කරන බව පවසයි. 'රතු කටු' වාක්‍ය ඛණ්ඩය මගින් තුර්කි ඇමතිවරයා යළි වර නගන්නේ, මින් ඉහත රසායනික අවි භාවිතා කළහොත් හමුදා ක්‍රියාමාර්ග ගන්නා බවට සිරියානු රජයට කළ තර්ජනයේදී එක්සත් ජනපද ජනපති ඔබාමා යොදා ගත් වචනයි.

එපමණක් නොව, සිරියානු ගෝලාන් කඳුකරය අත්පත්කරගෙන සිටින ඊශ්‍රායලය, -නොඉවසිලිමත් ලෙස- ඉක්මන් සෘජු මිලිටරි ප්‍රහාරයක් දියත් නොකරන්නේ මන්දෑයි බටහිර බලවතුන්ට දොස් නගමින් සිටියි. ඊශ්‍රායෙල් අගමැති බෙන්ජමින් නෙතන්යාහු, ඉරානය සමග අභිමුඛ වීමට පූර්ව සූදානමක් වශයෙන්, සිරියාවට එරෙහි ආක්‍රමණයක් අවශ්‍ය බවට තර්ක කරයි. "සිරියාව ඉරානයේ පරීක්ෂණ භූමිය වෙලා තියෙන්නේ, ඉරානය ඉතාම අවධානයෙන් බලන් ඉන්නවා මේ සිදුවීමට ලෝකය ප්‍රතිචාර දක්වයිද- ඒ කොහොමද කියලා." ඔහු කියයි.

සිරියානු රජයේ කිසිදු මැදිහත්වීමක් හෝ පරිචාරණයක් රහිතව, රසායනික ප්‍රහාරය සිදු වූවායැයි චෝදිත භූමියට ප්‍රවේශ වීමට එක්සත් ජාතීන්ගේ සංවිධානයේ නිරීක්ෂකයන්ට ඉඩ දිය යුතු බවට ඉල්ලීමක් කිරීමෙන් පමණක් සෑහීමකට පත් වීමට, මේ දක්වාම ඔබාමා පරිපාලනය පරිස්සම් වී තිබේ. එක්සත් ජනපදයේ මෙකී ඉල්ලීම ප්‍රතිරාවය කරන බටහිර රාජ්‍යයන් හෝ මාධ්‍යවලට, භූමියේ පාලනය ඇත්තේ එක්සත් ජනපද සහාය ලබන අල්-ඛයිඩා සම්බන්ධතා ද සහිත සන්නද්ධ අතුරු හමුදා අතය යන්න උදාසීන ලෙස නොසලකා හැරිය හැකි කාරණයක් පමණි.

එක්සත් ජනපදයට සම්බන්ධ අනෙකුත් කොටස් ද යුද ප්‍රකාශ කිරීම සඳහා මෙය අවස්ථාවක් කොට ගත යුතු බව අවධාරණය කරති. ඇරිසෝනාවේ සෙනට් සභික ජෝන් මැකේන්, සිරියාව 'රතු කට්ට' පන්නවා සිටියදීත් තවමත් ක්‍රියාත්මක නොවීම ගැන, ඔබාමාට තදින් පහර දෙමින් කියා ඇත්තේ මින් ඉදිරියට අමරිකානු ජනාධිපතිවරයෙකුගේ වචන කිසිවෙකු හෝ ගණන් නොගනු ඇති බවයි. එක්සත් ජනපද ප්‍රහාරයකින් සිරියානු ගුවන් බලය දින කිහිපයක් ඇතුළත විනාශ කළ හැකි බවට තර්ක කරන මැකේන්, 'පියාසැරි විරහිත කලාපයක්' සහ ඊනියා කැරලිකරුවන් 'නිසි ලෙස ආයුධ සන්නද්ධ කිරීමක්' ගැනත් උපදේශාත්මකව කතා කරයි.





හුස්මක් කටක් නොගෙන විකාශනය කෙරෙන ඇමරිකානු රූපවාහිනී වාර්තාකරණය මගින් හමුදා මැදිහත්වීමක් පිළිබඳ ඉල්ලීම් වර්ධනය කෙරෙමින් පවතියි. ඒ සමගින්, 'කැරලිකරුවන්' විසින් ජාලගත කරන ලද, මිනීඇඳුමින් ආවරණිත දේහයන් සහ ප්‍රතිකාර ගන්නා ජනතාවගේ වීඩියෝ දහස් ගණනක් ද එකී තත්ත්වය වර්ධනය කිරීමට දායක වෙයි. රූපවාහිනී නිවේදකයන් "සංවේදී දර්ශන" (disturbing images) පිළිබඳ ගරුගම්භීර ලෙස ප්‍රේක්ෂකයන් දැනුවත් කරති. එහෙත්, ඉකුත් සතියේ ඊජිප්තුවේ නිරායුධ උද්ඝෝෂකයින් දෙදහස් ගණනක් අමු අමුවේ මරා දමමින් කළ ම්ලේච්ඡ සංහාරය පිළිබඳ, මෙකී මාධ්‍ය දැක්වූයේ අන්තිම අඩු උනන්දුවකි. ඇතැමුන් කිසිදු උනන්දුවක් දැක්වුවේ ම නැත.

ජන සංහාරයන් ආවරණය කෙරෙන මේ කුඩුකේඩු ක්‍රමවේදය මගින් පිළිබිඹු වන්නේ, කයිරෝවේ ලේ-පිපාසිත මිලිටරි ජුන්ටාවට දිගටම ආධාර දෙමින් සහාය පළ කරන අතරම සිරියානු ආණ්ඩුවට එරෙහිව හමුදා ක්‍රියාමාර්ග ගන්නා බවට තර්ජනය කරන එක්සත් ජනපද ආණ්ඩුවේ නිරුවත් ප්‍රතිපත්තියයි.

මෙබඳු දෙබිඩි වාර්තාකරණයන් සහ බරහිර බලධාරීන්ගේ ගිගිරීම් හැර සිරියානු රජය විසින් එබඳු ප්‍රහාරයක් කළාදැයි බරපතල ලෙස සලකා බැලීමක් සිදුව තිබේද? හරියටම, චෝදිත රසායනික අවි ප්‍රහාරය එල්ල වන්නේ, අසාද් ආණ්ඩුව විසින් එක්සත් ජාතීන්ගේ රසායනික අවි නිරීක්ෂණ කණ්ඩායමට එහි කටයුතු අරඹන්නැයි ආරාධනා කරනු ලැබූ මුල්ම දිනයේය. දමස්කසයෙන් සැතපුම් දහයක් දුර ස්ථානයකදී, ග්‍රහලෝකය මත දශක ගණනාවකින් සිදු වූ විශාලතම රසායනික අවි ප්‍රහාරය එල්ල කිරීම සඳහා, එබඳු මොහොතක් යොදා ගත්තාය යන්න සිදු විය හැක්කක්ද? බටහිර-ආධාර ලබන සන්නද්ධ කැරලිකාර කණ්ඩායම් වලට එරෙහිව අනවරත යුද ක්‍රියාවලියක නිරත වෙමින් නොසැලී ඉදිරියට යන මොහොතක, දමස්කස් රෙජීමය එබඳු අවි සේවනය කරන්නේ කවර හේතුවකටද? ඔවුන් එබඳු ප්‍රහාරයක් එල්ල කරන ලද්දේ නම්, ප්‍රහාරයෙන් පසු එකී ප්‍රදේශය අත් පත් කර ගැනීම සඳහා අසාද් හමුදා ඉදිරියට නොපැමිණ, එය 'කැරලිකරුවන්' අතම තබා ගනිමින් ඔවුන්ට සිදුවීම වාර්තාකරමින් ගොදුරු වූවන්ගේ පින්තූර අන්තර්ජාලයට මුදා හරින්නට ඉඩ සලසා පසෙකට වී සිටියේ මන්ද? රසායනික අවි ප්‍රහාරයේදී යොදා ගත්තාය කියන රොකට් විදිනයේ ඡායාරූප ලෙස ඉදිරිපත් කරන බොහොමයක් ඒවා, ප්‍රකටව පෙනෙන පරිදි නිවසක සාදන ලද ඒවා වන අතර, ඒවා ඉරානය සහ රුසියාව සිරියානු හමුදාවට සැපයූ එබඳු අවි සමග කිසිම විදිහක සමානත්වයක් නොපෙන්වයි.

මෙබඳු ප්‍රහාරයකින් අසාද් රෙජීමයට හිමි කොට ගත හැකි කිසිවක් නැති- අහිමි වන බොහෝ දේ පමණක් ඇති තත්ත්වයක් තුළ, මෙය නිදහස් සිරියානු හමුදාව සිදු කළ ප්‍රහාරයක්ය සිතනවාට වඩා, එය සිරියානු හමුදාවේ ජයග්‍රහණ හමුවේ බලාපොරොත්තු සුන් වූ ද, ඊසානදිග සිරියාවේ දමනය කළ නොහැකි කුර්දි සටන්කරුවන්ගේ ප්‍රතිරෝධය දරා ගත නොහැකි වූ ද, පක්ෂග්‍රාහී බව සහ ක්‍රෑරකම් හේතුවෙන් වැඩෙමින් පවතින මහජන විරෝධයට ලක් වෙමින් සිටින්නා වූ ද, බටහිර අනුග්‍රහය ලබන අල්-ඛයිඩා අනුබද්ධ අල් නුස්රා පෙරමුණ විසින් කරන ලද්දක්යැයි සිතීමට කරුණු ඇත.


"Big event of grave concern..!"- Obama. [23.08.2013]

විවාද රහිතවම, මෙකී 'කැරලිකාර' කණ්ඩායම් එබඳු ප්‍රහාරයක් එල්ල කිරීම සඳහා සමත්කම් දක්වන්නෝය. ඔවුහු මින් ඉහතදී තමන්ට රසායනික අවි සඳහා ප්‍රවේශ මාර්ග ඇති බවට පාරට්ටු කිරීම් කොට ඇති අතර ඉකුත් මැයි මාසයේ අත් අත්ඩංගුවට පත් ඇතෑම් 'කැරලිකරුවන්' සතුව ස්නායු නාශක සාරින් වායුව* තිබූ බවට ද තුර්කි මාධ්‍ය වාර්තා කොට තිබේ. අල් නුස්රා සහ අනෙකුත් අල්-ඛයිඩා අනුබද්ධ, මිනීමරු ප්‍රතිගාමී 'කැරලිකරුවන්'ට අසාද් රෙජීමයට වරද පටවා එක්සත් ජනපද-නේටෝ මැදිහත්වීමක් අවුස්සා ගැනීමේ අරමුණෙන් එබඳු සමූහ ඝාතනයක් කිරීමට කිසිදු පසුතැවිල්ලකින් හෝ වරදකාරී හෘද සාක්ෂියක් ඇත්තේ ද නැත.

බටහිර සහාය ලබන කැරලිකාර කණ්ඩායම් විසින් සාරින් වායුව භාවිතා කොට ඇති බවට ශක්තිමත් සහ ප්‍රත්‍යක්ෂ සාක්ෂි ඇති බව, සිරියාව පිළිබඳ විමසීම පිණිස එක්සත් ජාතීන් පත් කළ ස්වාධීන කොමිසමේ මුල් පෙළේ සාමාජික Carla Del Ponte විසින් ඉකුත් මැයි මාසයේදී වාර්තා කරන ලද අතර, වොෂිංටනය සහ එහි යුරෝපියානු මිත්‍රරාජ්‍යයෝ එකී හෙළිදරවු කිරීම් සත පහකට ගණන් ගත්තේ නැත. මෙකී බලවේග විසින් අවුස්සා පෝෂණය කෙරෙන, රෙජීම වෙනසක් සඳහා කෙරෙන සාවද්‍ය යුද්ධයකදී, එබඳු අපරාධ "අත්‍යාවශ්‍ය" බව ඔවුන් සිතනවා වන්නට පුළුවන.

(* සාරින් [saarin] යනු පොස්ෆරස් අඩංගු සංශ්ලේෂි කාබනික සංයෝගයකි. දෙවන ලෝක මහා යුද සමයේදී ජර්මනියේ මුල්වටර නිපදවන ලදී.)

ලෝක සමාජවාදී වෙබ් අඩවියේ අගෝස්තු 23 වන දා පළ කෙරුණු Growing calls for attack on Syria follow chemical weapons claims යන ලිපියේ පරිවර්තනයකි.
මේ වියමන ඔබේ මූණු පොතට එක් කරන්න-
Tags- Syrian chemical weapons attack 2013 August, Damascus, US military intervention in Syria, Al Nusra, Al Qaeda-linked Rebels in Syria, Saarin Attack, Bashar Al Assad Syrian_President
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් වෙසෙස් බූන්දි
මැදියම් රැයේ වාහනවලට අතවනන සුදු හැඳි ගැහැනිය
වාලම්පුරි- වාසනාව, විහිළුව සහ මිත්‍යාව
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
BoondiLets
බර්ට්‍රන්ඩ් රසල් කියයි.
ලෝකයේ අති මහත් ම ගැටළුව වූකලී, මෝඩයන් සහ භක්ති උන්මන්තකයින් තමන් පිළිබඳ අතිශයින් ම විශ්වාසයෙන් පසු වීමත්, ප්‍රඥාවන්තයින් තමන් පිළිබඳ අවිශ්වාසයෙන් පිරී සිටීමත් ය.
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook