Facebook
Twitter
Google+
YouTube
Blog
RSS Feed
Cine බූන්දි
සිනේ සිහිනෙක සෙනෙහෙ සිනහව- කණ්ඩම්බි
බූන්දි, 17:22:41
කඩවත පසුකර ඉඳිගහමුල හන්දියෙන් හැරී වෑබඩ පාරේ ගිනි කකා ආ මා එක්වරම ඇතුළු වූයේ එයාකන්ඩිෂන් කළ වත්තකට. තණ ඇතිරූ මිදුලක අලංකාරයට තුරු සෙවණැලි අඳින අහස යට සිසිලස මූණට මුලිච්චි වූ විට බඩකට පුරා වදින ඒසී සීතලේ ඔබ මොබ ඇස් යවන විට කුඩා මිනිසෙක් මා පරණ ඉස්කෝලෙ පාට ගෑ තනිපලේ ගෙදෙට්ට කැඳවූවා. මේ රචනයේ පළවෙනි වාක්‍ය විය යුතුව තිබුණු එක මං අතින් ගිලිහුණා. ඒ, මේ නිවසේ ගේට්ටුව. එහි ටිකක් ලොකු ස්ටිකරයක් අලවා තිබුණා මෙහෙම. 'හේමප්‍රිය කණ්ඩම්බි- සිනමා කෞතුකාගාරය.'

දැන් ඔබට පැහැදිලියි මං ආවේ කොතනටද කියන එක. හේමප්‍රිය කණ්ඩම්බි කියන්නේ 'දන්නෝ' නම් 'දන්න' කෙනෙක්. ඒත් ඔහු සහ ඔහුගේ මේ ගේට්ටුව තවමත් බහුතර ලාංකිකයන්ට රහසක්. පුවත්පත්වල වාර්තා පළවී තිබුණත් තවම කණ්ඩම්බිගේ කෞතුකාගාරය ඒ තරම් කතාබහක් ඇතිවෙලා නැහැ.

කණ්ඩම්බිගේ ගෙදරට ඇතුල් වූ සැණින් ඇඟේ දැවටෙන්න ගත්තෙ සිරවූ හැඟීමක්. එන්න එන්න කුඩාවී යන හිතුවිලි වලියක්. ඒ මේ ගෙදර ඇතුළ දකින විට ඇතිවන ආශාව සහ විස්මය පිළිබඳ හැඟීමක අතුරුඵලයක් වෙන්න පුළුවන්. බලන බලන තැන ඇහැ ගන්නේ නම නොදන්නා පින්තූර. ඇහැ ගන්න හැම නොදන්නා පින්තූරවලින් මේ ගෙදර කට කපලා. ඔහු තමන්ගේ නිවසේ කට කපලා මේ පුරවන්නේ සිනමාවේ අතීතයෙන්. සිනමාවේ ඓතිහාසික ගමන් මග ඔහු ආපහු තමන් ගෙදර පිළිසකර කරමින් ඉන්නවා. අතීතයක් විසිකර කරමින් අනාගතය වෙත රක්ෂා කරන මිනිසකු ඉතිහාසයට හසු නොවීමේ අවදානම දරාගන්නවා මේ රචනය.

මැජික් ලන්තෑරුමේ ආලෝකෙ දිග

"අද වෙනකොට මං ළඟ මැජික් ලන්තෑරුමේ ඉඳලා ඩී.ටී.එස්. ශබ්ද ක්‍රමය දක්වා වන සිනමාවේ තාක්ෂණික උපකරණ තියෙනවා. 'සැවෝයි' මිනි සිනමා ශාලාවේ තියෙන වර්ගයේ ප්‍රොජෙක්ටර් එකකුත් තියෙනවා. ඒ වගේම තෝමස් අල්වා එඩිසන්ගේ මුල්ම ග්‍රැමෆෝන් තැටියේ ඉඳලා අද එම්පීත්‍රී දක්වා ශබ්ද තාක්ෂණික උපකරණ මං ළඟ තියෙනවා. ලංකාවේ පළමුවැනි වර්ණ චිත්‍රපටය වන මි.මී. 16 'ගම්බද සුන්දරී' චිත්‍රපටයේ ඉඳලා අද එළිදක්වන චිත්‍රපටය දක්වා බොහෝ චිත්‍රපට මං ළඟ තියෙනවා. ඒ වගේම දේශපාලන වැඩසටහන් මං රෙකෝඩ් කරලා තියෙනවා. 1948 නිදහස් උළෙල මං ළඟ වර්ණ වීඩියෝවක් තියෙනවා. ඒක මට ලැබුණේ එංගලන්තයෙන්. 1980 ගණන්වල ඉඳලා ටී.වී. එකේ විකාශය වෙන ප්‍රවෘත්ති පටිගත කරලා තියෙනවා මම. විවිධ දේශපාලන පෝස්ටර්, වේදිිකා නාට්‍ය පෝස්ටර්, චිත්‍රපට පෝස්ටර්, චිත්‍රපට ගීත පොත්, මුදල් නෝට්ටු, මුද්දර, ලොතරැයි ආදී වූ රාශියක් දේ මම එකතු කරල තියෙනවා."

කණ්ඩම්බි මහත්තයාම ඔහුගේ එකතුව ගැන කෙටියෙන් කිව්වා. "කඩවුණු පොරොන්දුවේ ඉඳලා මේ දක්වා තිරගත කරලා තියෙන හැම චිත්‍රපටයකම මොකක්හරි සිහිවටනයක්, කොටසක් මං ළඟ තියෙනවා. එක්කෝ චිත්‍රපටයේ කොටසක්, නැත්නම් ගීත. එහෙමත් නැත්නම් චිත්‍රපට පූර්ව ප්‍රචාරකපට ආදී වශයෙන්."

ලෝකයේ මුලින්ම චිත්‍රපට පෙන්වූ මැජික් ලන්තෑරුමේ සිට නූතනම තාක්ෂණික යන්ත්‍ර දක්වා වන කණ්ඩම්බිගේ මේ එකතුව තියෙන්නේ පර්චස් 18ක් වගේ ඉතා කුඩා ඉඩමක ඊටත් වඩා කුඩා නිවෙසක. එහි බැලු බැලූ තැන චිත්‍රපටි. නොයෙක් යන්ත්‍ර මා කලිනුත් කිව්වා වගේ නම නොදන්නා පින්තූර ගැනිල්ලෙන් තොරතෝංචියක් නෑ ඇස්වලට. ආවා සොයා ආදරේ, කස්තුරි සුවඳ, ඔබයි මමයි. එක උඩ එක අඩුක්කර ඇති චිත්‍රපටි ටේප් රෝල් කිහිපයක් මම ළංවී බැලුවා.

මිලි මීටර් 8, 16, 35, 70 ආදී චිත්‍රපට පෙන්වීමට භාවිත කළ/කරන ක්‍රියා කළහැකි මට්ටමේ පවතින ප්‍රක්ෂේපණ යන්ත්‍ර, විවිධ චිත්‍රපට කැමරා, සංස්කරණ යන්ත්‍ර, ග්‍රැමෆෝන් තාක්ෂණයේ සිට අලුත්ම ශ්‍රව්‍ය උපකරණ දක්වා වූ යුග යුග බැඳි යන්ත්‍ර, චිත්‍රපට පෝස්ටර්, ගීත තැටි, ගීත පොත්, සිනමා පොත් හා සඟරා, චිත්‍රපට පූර්ව ප්‍රචාරක පට ආදී වූ අතිවිශාල භාණ්ඩ ගොඩක් අස්සේ සංරක්ෂණය වෙන කණ්ඩම්බිගේ මුළු සිංහල චිත්‍රපට එකතුව අටසීයකටත් වඩා වැඩි බව ඔහු කියනවා. සිංහල චිත්‍රපටවලට අමතරව ඉංග්‍රීසි, හින්දි, දෙමළ චිත්‍රපට ඔහු සතුව තියෙනවා. මුල් පිටපත්- ගුරු ගෙදර, සිරියලතා, නැවත හමුවෙමු, සුමුදු භාර්යා, අජාසත්ත, සුදු මාමා, ලොකු තාත්තා, මල්වරුසා, තක්කිට තරිකිට, බදුලු කෝච්චිය ආදී වූ දුර්ලභ පැරණි සිනමා කෘති 100කට ආසන්න ප්‍රමාණයක නීත්‍යනුකූල හිමිකරු ඔහු බවයි කණ්ඩම්බි කියන්නේ.

සිනේ අතීතෙක සෙනේ

හේමප්‍රිය කණ්ඩම්බි සතුව පවතින කෞතුක අගයකින් යුතු භාණ්ඩ කෙටියෙන් කියන්නට සෑහෙන ඉඩක් රචනය උදුර ගත්තා. එවැනි ඉඩක තබා ඇති සිනමා භාණ්ඩවල අතීතය සිනමාවට ඔහු දැක්වූ සෙනෙහසේ දිගුවක්. කණ්ඩම්බි හුදු චිත්‍රපටි හා කාර්මික උපකරණ එකතු කරන්නෙක් විතරක් නෙමෙයි. ඔහු සිනමා ක්ෂේත්‍රයට අදාළ නොයෙක් ඉසව්වල කරක් ගැසූවෙක්. නළුවෙක්, සහය අධ්‍යක්ෂවරයෙක්, කාර්මික ශිල්පියෙක්.

"මං පොඩි කාලේ ඉඳලාම චිත්‍රපටිවලට ආසයි. ඒ කාලේ ඉඳලාම මං සිනමාවට සම්බන්ධ පොඩි පොඩි දේවල් එකතු කළා. එතකොට මම චිත්‍රපට සංරක්ෂණය කියලා කිසිම දෙයක් දන්නෙත් නෑ. එහෙම අදහසක් තිබ්බෙත් නෑ. ඒත් මොකක්දෝ හේතුවක් හින්දා මං අතට අහුවෙන හැමදේම එකතු කළා. සිනමා සංරක්ෂණය වෙනුවට මට 80 දශකය වෙනකොට තිබුණේ රඟපෑමේ පුදුම ආසාවක්. මට ඒ අවස්ථාව ලැබුණා. මං සිනමාවට සම්බන්ධ වුණේ රංජන් රාමනායක ආපු කාලෙම ඔහුත් එක්ක එකටමයි. මට එතන ඉඳලා ගාමිණී ෆොන්සේකා දක්වා ගොඩාක් ප්‍රසිද්ධ නළු නිළියො එක්ක චිත්‍රපටවල නොයෙක් නොයෙක් වැඩවලට සම්බන්ධ වෙන්ඩ පුළුවන් වුණා."

කණ්ඩම්බි තමන්ගේ සිනමා ජීවිතයේ නොයෙක් තැන් අතරින් පතර උගුලමින් අපේ කතාවට අමුණන්න වුණා.

"මං ඔය ගොඩක් චිත්‍රපටිවල කාර්මික පැත්ත ගැනත් අවබෝධයෙන් හිටියේ. විශේෂයෙන්ම කෙමිකල් ඉෆෙක්ට්ස් එක්ක මං ගොඩක් වැඩ කරලා තියෙනවා. ගිනිගන්න ඒවා වගේ මැජික්වලින් කරන කාර්මික වැඩ ගැන මට අවබෝධයක් තිබුණා. 'දෙමෝදර පාලම, නොමියෙන මිනිස්සු' වගේ චිත්‍රපටිවල මං ඒවා අත්හදා බැලුවා. ඒ දෙකේ සහාය අධ්‍යක්ෂත් මම. ඒ වගේම චිත්‍රපටි පිරිසිදු කිරීමේ කටයුතු මං කරනවා. ඒවට අදාළ උපකරණ තියෙනවා සියල්ල මං ළඟ. ගොඩක් විදේශ චිත්‍රපටි උළෙලවල්වලට යවන චිත්‍රපටි පිරිසිදු කිරීමේ කාර්ය කරගන්න අපේ ප්‍රසිද්ධ සිනමාකරුවො මං හොයාගෙන එනවා."

කණ්ඩම්බි නවතින්නේ නැත. ගොඩක් වැඩ කරපු මනුස්සයෙකුට කියන්නට බොහෝ ඇති නමුත් පත්තර පිටුවක් ඒ සියල්ල දරාගන්නට තරම් ඉවසිලිවන්ත නැත. "මමයි තව මිත්‍රයෙකුයි 'සැඟවුණ පිළිතුර' කියන රුක්මණී දේවි එහෙම රඟපාපු චිත්‍රපටියකට හඬ කැව්වා. ඒක වෙනස්ම කතාවක් තියෙන අත්දැකීමක්. 'සැඟවුණු පිළිතුර' අපි සිංහලට හඬ කැව්වෙ දෙමළ පිටපතකින්. දෙමළ පිටපතේ නම කුසුමලතා. ඒත් ඒක මුලින් සිංහල චිත්‍රපටියක්. 'සැඟවුණු පිළිතුර' සිංහල පිටපත විනාශ වෙලා ගිහිල්ලා. ඉතිං අපි අර දෙමළට දාලා තිබුණු චිත්‍රපටිය ආපහු සිංහලට දැම්මා. මං හිතන්නේ එහෙම වුණු එකම සිංහල චිත්‍රපටිය වෙන්නැති සැඟවුණු පිළිතුර. සමහරු අපිට මේකට හොඳටම බැන්නා."



අප සාරාංශ කරන්නට උත්සාහ කළේ කණ්ඩම්බි විස්තර කරන සිය සිනෙමා අතීතයක කඩා ගත් කොටස්. කෙසේ වෙතත් කණ්ඩම්බිගේ සිනමා සංරක්ෂණ කිරීමේ මුල්ගල තැබෙන්නේ ඔය සිනෙමා සෙනෙහස එක්කම තමයි.

සංරක්ෂණාගාර සිහිනය

ලෝකයේම විශිෂ්ටතම සිනමා කෞතුකාගාරයක් ලෙස සැලකෙන ඉතාලියේ මෝල් ඇන්ටොනොලියානාවල තියෙන 'ජාතික සිනමා කෞතුකාගාරය', ස්පාඤ්ඤයේ ජිරෝනා සිනමා කෞතුකාගාරය වැනි ප්‍රකට සිනමා කෞතුකාගාර ගැන මා කියවා තිබෙනවා. ඒවායෙහි ආරම්භක පුද්ගලයෝ සහ එම සිනමා කටුගෙවල්වල ආරම්භය අපේ කණ්ඩම්බිගේ සිහිනය හා බොහෝදුරට ඒ තරම් වෙනසක් නෑ. එහෙත් එවැනි සිනමා කෞතුකාගාරවල සේවය ලබාගන්නා හැටි, සිනමාවට අදාළ භාණ්ඩ සංරක්ෂණය වෙන හැටි, ඒ ආශ්‍රිත පර්යේෂණ කෙරෙන හැටි කියවන විට කණ්ඩම්බිගේ කෞතුකාගාරය සම්බන්ධයෙන් අප දක්වන සැලකිල්ල කොතරම් පටු ද යන්න ගැන උපදින්නේ වේදනාවක්. කණ්ඩම්බි කියන හැටියටම පාසල් සිසුන්ට, විශ්වවිද්‍යාල සිසුන්ට ඒ වගේම සිනමාව හදාරන නොයෙක් විද්‍යාර්ථීන්ට මේ දැනුම ලබාගන්නට කණ්ඩම්බිගේ සහාය ලබාගන්නට පුළුවන්. එහෙත් ඔහුම කියන හැටියට තවමත් සැලකිය යුතු තරමේ එවැනි ප්‍රයෝජනයක් කණ්ඩම්බිගේ සිනමා කෞතුකාගාරයෙන් අපේ සමාජය ලබාගන්නේ නැහැ. ඒකට ප්‍රධාන හේතුව ලෙස ඔහු දකින්නේ තවමත් මේ 'සිනමා භාණ්ඩ එක්කහුව' පිළිබඳ අපේ සමාජය දැනුවත් වී නොතිබීම. කණ්ඩම්බි හුදු භාණ්ඩ එකතු කරන්නෙක් විතරක් නෙමෙයි. ඔහු සතුව සිනමාවේ අතීතයත්, එහි තාක්ෂණයත් ගැන ඇති ප්‍රායෝගික දැනුම විශිෂ්ටයි. මැජික් ලන්තෑරුමේ සිට සීටීඑස් තාක්ෂණය දක්වා වූ යන්ත්‍ර අලුත්වැඩියා කරන්නෙ ඔහු. ඒ වගේම පැරණි චිත්‍රපටවල කරුණුමය තොරතුරු ගැනත් ඔහු පුස්තකාලයක්. කොටින්ම කණ්ඩම්බි එක්ක කතා කරන කොට ඔහු සතු කාර්මික දැනුම, සිනමාවේ සාහිත්‍ය දැනුම, ඉතිහාස දැනුම ආදී සියල්ල එළිවෙනවා. ඒ අර්ථයෙන් හේමප්‍රිය කණ්ඩම්බි කියන්නෙමත් 'සිනමා කෞතුකාගාරයක්.'

ඉතිං කණ්ඩම්බිගේ සිහිනය සමාජමය සිහිනයක් වෙන්නේ මෙතනදි. එනම් කණ්ඩම්බිගේ බලාපොරොත්තුව අපේ සිනමාවේ ද බලාපොරොත්තුවක් වීම. කණ්ඩම්බිගේ කාලයක් තිස්සේ පවතින බලාපොරොත්තුව වන්නේ තමා සතුව පවතින 'අමිල සිනමා භාණ්ඩ' බහුතර පිරිසකට නැරඹිය හැකි ඉඩක- දියුණු පොදු සංරක්ෂණාගාරයක තැන්පත් කිරීම. කණ්ඩම්බිගේ කාර්යය ලෙස්ටර් ජේම්ස් පීරිස් නම් විශිෂ්ට සිනමාකරුවා නිරන්තරයෙන් දකිමින් සිටි සිහිනයට පණදීමක්.

කණ්ඩම්බිගේ නිවසේ ඇති භාණ්ඩ සමග හිතන විට ඔහු ඉන්නා පරිසරය සහ එම නිවසෙහි තත්ත්වය කිසිසේත් සංසන්දනය කරන්නට බෑ. එය ඇස් පනාපිට දකින අසත්‍යයක් මෙන්. ඒ ඔහු ගතකරන දුප්පත් ජීවිතය හින්දම විතරක් නෙමෙයි. ඔහු සිනමා කෞතුකයන් ආරක්ෂා කරගන්නට දරන වෙහෙසත් මහන්සියත් දෙස තවමත් කිසිදු පාර්ශ්වයක් මැදිහත් නොවීමේ ඛේදවාචකය සුළුපටු එකක් නෙමෙයි. අර ඉතාලියේදීත් ස්පාඤ්ඤයේත් ඇති සිනමා කෞතුකාගාරවලින් කණ්ඩම්බිගේ එක වෙනස්වෙන පරතරය හැදෙන්නෙත් ඒ සැලකිල්ලෙන්. මුදල්වලින් මැනිය නොහැකි අතීතයක් දරා සිටින කණ්ඩම්බි මේ භාණ්ඩ සුරැකීම සඳහා නිවෙස සකස් කරගෙන ඇති ආකාරය නිසායි මේ වත්තට ඇතුළු වෙද්දීම දැනුණ සිසිලට හේතුව. "සාමාන්‍යයෙන් මේ වගේ කෞතුකාගාරයක් ඒසී කරල ඉතාම පරිස්සමෙන් තියාගන්න ඕන. ඒත් මෙහෙ එහෙම පහසුකම් නැති හින්දා ඒවා ආරක්ෂා කරගන්ඩ මං පාවිච්චි කරන්නේ වාතාශ්‍රය සහ සොබාදහමේ සමතුලිතතාව. ඇත්තටම අපිට සොබා දහම මගින් ඒක කරගන්න පුළුවන්." කණ්ඩම්බිගේ උත්සාහය මගේ හමට පවා දැනුණා.

"මං චිත්‍රපටි සංරක්ෂකයෙක් නෙමෙයි. මේ දෙස් විදෙස් චිත්‍රපටි, තාක්ෂණික උපකරණ හා ඒවායේ දැනුම අනාගත පරපුරට ආරක්ෂා කරදෙන මනුස්සයෙක්. හිතලා බලන්න අද වෙනකොට අපේ තිරගතවුණු චිත්‍රපටි කොච්චර සංඛ්‍යාවක් ආපහු නරඹන්න බැරි විදිහට විනාශ වෙලා තියෙනවාද කියලා. අපේ ගොඩක් චිත්‍රපටි අයිිතිකාරයො කරන්නේ චිත්‍රපටි සංරක්ෂණය කරන එක නෙමෙයි. මුල් කොපි මිලදී අරගෙන තමන්ගේ නම ගහගෙන ඒවා විනාශ කරනවා. පරණ චිත්‍රපටි කොහොමහරි ඉතාම අඩු මුදලට අරගෙන ඒවායේ අයිතිය මොකක්හරි ක්‍රමේකින් තමන්ට ලියාගෙන ඒවා ටීවී එකට වරින් වර ප්‍රදර්ශනය කරලා හොයාගන්න එක තමයි ගොඩක් අය කරන්නේ. විශේෂයෙන්ම අපේ ප්‍රසිද්ධම චිත්‍රපටි අයිතිකාරයො මේ වගේ හොඳ ව්‍යාපාරිකයෝ මිසක් ඇත්තටම සිනමාවට ආදරය කරන අය නෙමෙයි. පරණ චිත්‍රපටිවලට අයිතිකාරිත්වය ගන්න මොක්කහරි ලියවිල්ලක් හදාගන්න බැරිවුණාම ඒ පිටපත් විනාශ කරලා දාන්න තරම් සාහසික වුණු අය අපි අතර ඉන්නවා. 83 කාලේ චිත්‍රපටි ගොඩක් ගිනි තිබ්බනේ. ඒ කාලෙ ඉතුරු වුණු ඒවා තවමත් තියෙනවා කිසිම අයිතිකාරයෙක් හොයාගන්න බැරිව. ඒවාට හිමිකම් කියන්න කෙනෙක් නැති හින්දා එළියට දාන්න බෑ. චිත්‍රපටි ව්‍යාපාරිකයො මේවා පාවිච්චි කරන්නේ ඉතාම නින්දිත විදිහට. ඉතිං මේවාට එකම විසඳුම තමයි දියුණු මට්ටමේ සිනමා සංරක්ෂණාගාරයක් අලුතින් හදන එක. අලුතින් කිව්වට ඉඩමක් තෝරගෙන ගොඩනැගිල්ලක් හදන එක විතරයි කරන්ඩ තියෙන්නේ."

රහස් පොලිස් කරදර

කණ්ඩම්බිත් සිනමා සෙනෙහස ඔස්සේ ඔහු අද වනවිට එකතු කරගෙන ඇති ප්‍රාග්ධනය චිත්‍රපටි වෙළෙන්දන්ට බෙහෙවින්ම ප්‍රශ්නකාරී වී තියෙනවා. ඒ ඔහුට හිමිවන වටිනාකම නිසා ව්‍යාපාරිකයන්ගේ සාක්කුවලට පාඩු සිදුවීමයි. ඒ නිසාම කණ්ඩම්බිගේ සිනමා සංරක්ෂණයේ නීත්‍යනුකූලභාවය ප්‍රශ්න කරන්නට ඔහුට විරුද්ධව පැමිණිලි බොහෝ පොලිසියට යවලා තියෙනවා. ඔහු පැමිණිලි ලියූ ලිපි, නීත්‍යනුකූල හිමිකම් පෙන්වන ලියවිලි හා නොයෙකුත් ලිපි ඇතුළත් ලිපිගොනු පෙන්නමින් කතා කරන්නට වුණා.

"ගොඩක් චිත්‍රපටි ව්‍යාපාරිකයො මාත් එක්ක තරහින් ඉන්නේ. මං මගේ සංරක්ෂණාගාරයේ වැඩවලට සල්ලි උපයගන්නේ චිත්‍රපටි ටීවී එකේ ප්‍රදර්ශනයට විකුණලා. මං දෙන්නේ මටම අයිතිය තියෙන පිටපත්. ඒවා මං සම්පූර්ණයෙන්ම නීත්‍යනුකූල ලියවිලිත් එක්ක සල්ලි ගෙවලා ලබා ගත්තුවා. ඒත් මට එහෙම අයිතිය තියෙන චිත්‍රපටි කීපයකටම වෙන අයිතිකාරයන්ගේ නම් දාලා පොලිසියට පැමිණිලි කරලා තිබුණා. රහස් පොලිසියත් ඇවිත් මාව ප්‍රශ්න කළා. මේව නිසා මට ගොඩාක් පාඩු සිද්ධ වුණා. රූපවාහිනී නාලිකා මගෙ චිත්‍රපටි මිලදී ගැනීමෙන් වැළකී හිටියා. හැබැයි ඒ හැම එකකම නීතිමය ලියවිලි මං ඉදිරිපත් කළා. ඒත් මේ නඩුවල පැටලෙන්න යන එක කාලයත් සල්ලිත් දෙකම නාස්තිවෙන වැඩක්. ඒකෙන් මගේ ආදායමත් නැතිවෙනවා. මං ඒ ආදායම සම්පූර්ණයෙන්ම වගේ යොදවන්නේ මේ සංරක්ෂණාගාරයේ වැඩවලට අලුතින් බඩු ගන්න. මේවා දියුණු කරගන්න."

කණ්ඩම්බි වේදනාවකින් මෙන් කියාගෙන ගියේ බදුලු කෝච්චිය, තක්කිට තරිකිට, සිරියලතා වැනි කණ්ඩම්බිට නීත්‍යනුකූල හිමිකම ඇති චිත්‍රපට ගැන කරනු ලැබූ පැමිණිලි හා ඒවාට අදාළ ලියකියවිලි පෙන්නන ගමන්.

කණ්ඩම්බිගේ සිහිනය දෙස මරුවිකලෙන් බලන ව්‍යාපාරික රොත්තක් හා මෙවැනි මිනිසකුගේ සිනමා සංරක්ෂණයේ හුදෙකලා වෙහෙස දෙස අන්ධ සිනමා ප්‍රජාවක් හා සංස්කෘතික අමාත්‍යාංශයක් ගැන කල්පනාවට පැටලී කණ්ඩම්බි නිවසින් මා එළිබහින විට වත්තේ අර ඒසී සිසිල ගිනිගෙන තිබුණා.
මේ වියමන ඔබේ මූණු පොතට එක් කරන්න-
Tags- Hemapriya Kandambi, Conservation of old Sinhala Films, Film Archive, Sinhala Cinema, Sri Lankan Films
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සුදර්ශන සමරවීරගෙන් තවත් වියමන්
වෙසෙස්
නවකතාවේ නිදහස: අරාජික සිංහල නවකතා කිහිපයක් ඇසුරින් [අවසන් කොටස]
වෙසෙස්
නවකතාවේ නිදහස: අරාජික සිංහල නවකතා කිහිපයක් ඇසුරින් [දෙවන කොටස]
වෙසෙස්
නවකතාවේ නිදහස: අරාජික සිංහල නවකතා කිහිපයක් ඇසුරින් [මුල් කොටස]
කවි
නේවි නිල් අහසේ - පැතුම් පොදි සිලි උරේ විසිරේ
කවි
ආරාධනා ගල
තවත් Cine බූන්දි
ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්
Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!
ලෙස්ටර්- සිනමා අඹරේ මැකී ගිය රිදී රේඛාව
"තුන්දෙනෙක්|மூவர்"- මිනිස්කම අහිමි වීම පිටුපස ඇති දේශපාලන ප්‍රශ්නය නිරාවරණය කිරීමේ අභියෝගය
ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය
බූන්දි නව ඊමේල් ලිපිනය- editorial@boondi.lk
BoondiLets
ඩේවිඩ් ක්‍රොනන්බර්ග් (කැනේඩියානු සිනමාකරු) කියයි.
වාරණ බලධාරීන් කරන්නේත් උමතු රෝගීන් කරන දෙයයි. ඔවුන් යථාර්ථය, මායාව හා පටලවා ගනී.
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook