Facebook
Twitter
Google+
YouTube
Blog
RSS Feed
අදහස් බූන්දි
66 වසක ශ්‍රී ලංකාවේ නිදහසට ජයවේවා! [?]
බූන්දි, 19:01:25
2014 පෙබරවාරි හතරවන දා අප සමරන්නේ ශ්‍රී ලංකාවට නිදහස ලැබීමේ හැටහය වන වසරයි. මිනිසකුගේ නම් මේ වයස යනු මහලු අවධියයි. වැදගත් ලෙස ජීවත් වූ මනුෂ්‍යයකුට නම් තම ජිවිතයේ හැටහය වන සැමරුම වනාහි දූ දරුවන්ගෙන් නොමද සැලකිලි ලබමින් සැනසිල්ලේ තම අතීතය සැමරිය හැකි වසරකි. එසේ නොවී බේබදුකමට, සල්ලාලකමට ඇබ්බැහි වී දරුවන් වෙනුවෙන් සිය යුතුකම් ඉටු නොකළ පියෙකුට නම් තම හැට හයවන උපන් දිනයේ දී තම අතීතය සැනසිල්ලේ සැමරිය නොහැකිය.

රටකට වුවත් ඒ න්‍යාය එසේම ගැලපේ. රටකට නිදහස ලැබීම යනු රට ගැන, එහි අතීතය හා අනාගතය ගැන, එහි වසන මිනිසුන් ගැන, හැඟීමක් නැතුව ඒ රටේ සම්පත් සූරාකන විදේශ ආණ්ඩුවක පාලනයෙන් නිදහස් වීමයි. රට නම් වූ භූගෝලීය පරිසරයේ උපන් දේශමාමකයන් අතට පත්වීම එමගින් සිදුවේ. අප මේ හැට හයවන වතාවටත් සමරන්නේ එසේ ලැබුණා යයි සිතන උතුම් නිදහසය.

විජය කුමාරයාගෙන් ඇරඹුනා යයි කියන හෝ ඊටත් පෙර ස්වදේශික ජනවාර්ගිකයන් විසින් පවත්වා ගෙන ආවායයි සිතන ශ්‍රී ලාංකික අඛණ්ඩ ස්වදේශීක පාලනය මුළුමනින්ම අත්හිටුවා විදේශීය පාලනයකට යටත් වූයේ 1815 මාර්තු දෙවනදාය. ඒ යටත් විජිත පාලනය නිමාවීම සංකේත කරමින් අවසන් රජු ශ්‍රී වික්‍රමරාජසිංහ, මුරුසියට පිටුවහල් කර යවන ලදුව එහිදී ඔහු මරුමුවට පත්විය. ඉංග්‍රීසින්ට උඩරට අත්පත් කර ගැනීමට හැකි වූයේම කන්ද උඩරට රජුට විරුද්ධ වූ එකී පාලනයේ කොටස්කරුවන්ව සිටි රදළ ප්‍රධානීන්ගේ සහාය ඉංග්‍රීසින්ට ලැබුණ නිසාය.

ඇහැලේපොළ ඉංග්‍රීසින්ට සහාය දැක්වීම නිසා කෝපයට පත් ශ්‍රී වික්‍රමරාජසිංහ රජු විසින් ඇහැලේපොළ ආර්යාව ලවා සිය කුඩා බිළිඳා වංගෙඩියක ලා කෙටවූ බවත්, වැඩිමහල් පුතුන් දෙදෙනා උතුම් දළදා වහන්සේ අභිමුව මහ මළුවේ දී හිස දෙපලුකර මැරූ බවත්, ඇහැලේපොළ ආර්යාව බෝගම්බර වැවේ ගිල්වා මැරූ බවත් මෑත ඉතිහාසයට අයත් සත්‍ය කාරණාය.

වර්තමාන යුගයේ එවැනි සැහැසිකම් අපට වාර්තා වෙන්නේ උගන්ඩාවේ ඉඩි අමින්, මධ්‍යම අප්‍රිකාවේ බොකාසා වැනි පාලකයන් ගෙනි. අපි කවුරුත් ඉඩි අමින් හෝ බොකාසා වැදගත් මිනිසුන් සේ සලකන්නේ නැත.

ඉංග්‍රීසි පාලනය මුළු රටම යටත් කර ගත් අවධියෙන් වසර තුනකට පසුව 1818 දී තම බල පරාක්‍රමය අහිමි වූ රදළ ප්‍රධානීන්ගේ ප්‍රධානත්වයෙන් කැරැල්ලක් ඇරඹිනි. කැරැල්ලට සහාය ලබා ගැනීමට මල්වත්තේ මහනායක හිමියන් බැහැදුටු රදළ ප්‍රධානීන්ට මහනාහිමියෝ පවසා ඇත්තේ ගෙවී ගිය සිංහල රාජ පාලනයට වඩා ඉංග්‍රීසි පාලනය මිනිසුන්ට හිත කර බවත් එහෙයින් කැරැල්ලට තමන්ගේ සහයක් ලබානොදෙන බවත්ය. අවසානයේ මල්වතු විහාරයේ ඉංග්‍රීසි ආණ්ඩුව කෙරේවූ පක්ෂපාතිත්වය කෙසේද යත් එකී පාර්ශ්වයේ උපසම්පදාව ලබා ගන්නා භික්ෂුවක්ගෙන් පහත සඳහන් පොරොන්දුව ලබා ගත්තේය. 'තමන් ඉංග්‍රීසි ආණ්ඩුවට එරෙහිව කෙරෙන කුමන්ත්‍රණවලට සම්න්ධ නොවන බවත්, කවර නම් වූ භික්ෂුවක් එසේ කරන්නේ නම් ඒ බව මල්වතු පාර්ශ්වීය කාරක සංඝ සභාව වෙත නොපමාව දැනුම්දෙන බවත්ය.' (මෙම පොරොන්දුව ලබාදීමට එරෙහිව අතිපූජ්‍ය මහාචාර්ය වල්පොල රාහුල හිමිපාණෝ එකී වගන්තිය ඉවත් කරන තෙක්ම මල්වතු උපසම්පදාව නොගෙන සාමනේර නමක්ව වැඩ වාසය කළහ.)

රාජ්‍ය සමග පාර්ශිකව කටයුතු කිරීම මල්වතු හා අස්ගිරි පාර්ශ්වවල පුරුද්දක් වූ නිසා එසේ වූවා විය හැකිය. එමෙන්ම ස්වදේශික පාලනය සතු කෲරතර ස්වභාවයද මල්වතු විහාරයේ ආස්ථානයට හේතු වූවා විය හැකිය.

තමන්ගේ ආර්ථීක ඕනෑ එපාකම් නිසා හෝ ලංකාව යා කරන මං මාවත් තැනුවෝ ඉංග්‍රීසිහුය. ඔවුන් තැනූ දුම්රිය මාර්ගවලට වඩා වැඩි පුර කි.මි. 50ක් දුරටවත් දුම්රිය මාර්ග දිගු කිරීමටවත් මේ හැට හය වසර තුළ ස්වදේශික පාලකයනට නොහැකි විය.

ලංකා විශ්වවිද්‍යාල කොලීජිය එනම් දැනට කොළඹ විශ්ව විද්‍යාලය යයි හැඳින්වෙන විද්‍යායතනය ඉංග්‍රීසින්ගේ නිර්මාණයකි. අද කෙසේ වෙතත් මෑතක් වන තුරුම එය දැනුමේ පරමාර්ථයට ගැළපෙන උගතුන් එම විශ්වවිද්‍යාලයෙන් බිහි කළේය. පසුව එහිම දිගුවක් ලෙස පේරාදෙණියේ අති මනරම් විශ්වවිද්‍යාලයක් ද බිහි කෙරිණි. මහාචාර්ය සරච්චන්ද්‍රයන්ගේ වැටහීමට අනුව ලොව රමණීයම විශ්වවිද්‍යාලය පේරාදෙණියයි. එය තැනූ සර් අයිවර් ජෙනිංස් යටත් විජිත වාදියෙකි. එහෙත් වැඩ වසම් ආකල්පයකින් හෝ ලංකාවේ බුද්ධිමය සමාජයක් නැගෙනු ඔහුගේ ඒකායන පරමාර්ථය විය. පේරාදෙණිය විශ්ව විද්‍යාලය නම්වූ යටත් විජිත නිර්මාණය විසින් ඉතාම හොඳම වෛද්‍ය පීඨයක් ඉතාම හොඳ ඉංජිනේරු පීඨයක් හා ශාස්ත්‍ර පීඨයක් මගින් අඩ සියවසකට වැනි කලක් ලංකාවට ශාස්ත්‍රවන්තයන් බිහි කළේය.

1948 දී තමන්ට හා තමන්ගේ සනුහරේට අයත් කොටස වෙන්කරවා ගැනීමේ අභිප්‍රායෙන් ලංකා ජාතික සංගමයේ නායකයෝ ළඳ බොළඳ හා මෘදු ලෙස ඉංග්‍රීසින්ගෙන් නිදහස ඉල්ලා සිටියෝය. ලංකා සම සමාජ පක්ෂය වටා ගොනු වූ තව පිරිසක් එකල ලෝකයේ (විශේෂයෙන් ඉන්දියාවේ) පැවති නිදහස් සටන් සම්ප්‍රදාය අනුව යමින් ලංකාවේ නිදහස අරබයා සටනක් දියත් කරමින් සිටියේය. දෙවැන්න ජයගතහොත් තවදුරටත් ලංකාවේ තම අයිතිවාසිකම් අහෝසි වන්නේ යයි ඉංග්‍රීසින් විසින් පෙර දැක පළමු කණ්ඩායම අතට නිදහස පවරා දුන්නෝය.

එක අතකින් එය එසේ සිදුවීම හොඳ යයි සිතන්නේ ඒ නිදහසින් ඈතට යන්නට යන්නට තමන්ගේම වූ ස්වදේශික ක්‍රම අත්හදා බලන්නට ගොස් රට අද වැටී ඇති ප්‍රපාතය සිහි ගන්වන විටය. අඩුපාඩු සහිතව වුවත් බ්‍රිතාන්‍ය පරිපාලන ක්‍රමය, දූෂිත දේශපාලන ක්‍රමයක් විසින් පාලනය කරන වර්තමාන පරිපාලන ක්‍රමයට වඩා ආචාර ධාර්මික හා සංවර්ධනයට හිත කර එකක් වූයේය. බ්‍රිතාන්‍ය යුගයේ අධ්‍යාපනය අඩු පාඩු සහිත වුවත් අද ඇති භාෂා ශාස්ත්‍රයක් නොදන්නා නිකමුන් බිහිකරන එකක් නොවීය. මේ සඳහා නිදහසින් පසු බිහි වූ විශ්වවිද්‍යාල සමූහය හා නිදහසට පෙර යුගයේ විශ්වවිද්‍යාල දෙක නීති විද්‍යාලය හා වෛද්‍ය විද්‍යාලය සංසන්දනය කිරීම වටී.

ස්වභාෂාවන්ගෙන් කටයුතු නොකිරීම, නීතිය හමුවට පොදු මහජනයාට ඒමට ඇති දුෂ්කරතා, හරුණු විට බ්‍රිතාන්‍ය යුගයේ අධිකරණ ක්‍රියාවලිය සර්ව සාධාරණ ආචාර ධාර්මික පදනමකින් යුක්ත වූ එකක් විය. එහෙත් නිදහසින් පසු පීලික්ස් ඩයස්ගෙන් ඇරඹි මහින්ද රාජපක්ෂගෙන් කෙළවර වූ අධිකරණ ක්‍රියාවලියේ ස්වාධීනත්වය විනාශ කිරීම මහ පොළොව නුහුලන එකක් වූයේය. ජේ.ආර්. ජයවර්ධන, ප්‍රේමදාස, චන්ද්‍රිකා ඔස්සේ ගලා ගිය අධිකරණයේ ස්වාධීනත්වය විනාශ කිරීමේ ක්‍රියාවලිය වත්මන් ජනාධිපති පාලන යුගයේ කූට ප්‍රාප්තියට පත්කොට ඇත. තවදුරටත් ලංකා අධිකරණයකින් යුක්තිය පැතීම යනු සියලු බලාපොරොත්තු අත් හැර ගත් සංදර්ශනීය ක්‍රියාවලියක් විනා 'යුක්තිය උදෙසා අවසන් දෙවොලෙන් පිහිට යැදීමක්' නොවන්නේය.

බ්‍රිතාන්‍ය යුගයේ විජිතවාසීන් මෙරටින් ධනය උපයා ගන්නේ ව්‍යාපාරික විද්‍යාවකට අනුවය. ඔවුන් මනරම් ලෙස තේ, පොල්, රබර් වගාව කරමින් ඒ වටා අලංකාර සංස්කෘතියක් ද නිර්මාණය කළේය. ලංකාවේ දුර බැහැර වූ ඒ වැවිලි ප්‍රදේශ කරා යන මාර්ග පද්ධතියක් ද තනාලූහ. ඒ මාර්ග හරහා අවශේෂ වාහන ගමනා ගමන රටාවක්ද ඇති විය. (ලංකාවේ අද පවත්නා ප්‍රවාහනයේ පදනම තැනුනේ ඒ ආකාරයටය.) එසේ ව්‍යාපාරික විද්‍යාවකට අනුව තැනුනු වැවිලි වගාවට නිදහසින් පසු කවර කලදසාවක් උදාවීද? 56 දරුවෝ රන් පවුම් වතු ජසනතු කිරීමේ මුවාවෙන් කට්ටි කඩා තම හෙංචයියන්ට දී ඒ මහා ධන උල්පත විනාශ මුඛයට හෙළීය. ඉනික්බිතිව පැමිණි මෘග ජේ.ආර්. පාලනය ඒ ජනසතු ඉඩම් නැවත පවරාගෙන තමන්ගේ හෙංචයියන්ට දුන්නේය. ඇතැම් වටිනා වැවිලි වගා අක්කරය රු. 2.25 ගණනේ තම හෙංචයින්ට ලබාදීමට ජේ.ආර්. පාලනය කටයුතු කළේය. ජේ.ආර්. යුගයේම විජිතවාදීන් විසින් ඉන්ද වූ රබර් හා තේ වතු කුට්ටි කඩා දේපළ වෙළඳොම් නමින් මහපොළොව විකුණා කෑමේ ව්‍යාපාරවල අණසකට පත් කළේය.

මේ ආකාරයට හැට හය වසරක නිදහසේ ගමන් මග වනාහි පැවතුණු යහපත් සිද්ධාන්ත බිඳ වැටුණු පාලන ක්‍රමයක උදාවයි. භාෂා ප්‍රේමය, ජාතිකත්වය, දේශ ප්‍රේමය වැනි ඊනියා වචනවල මෝඩ ස්වදේශික ජනයා සිරගත කළ ඉතිහාසයක කතාවයි. තැපැල් පියුන්ලා, සමුපකාර සේවකයෝ, කැන්ටර් ලොරිවල තේ දලු ඇද්දෝ දේශපාලනය නාමයෙන් ධන කුවේරයන් වූ ඉතිහාසයක කතාවයි. දැරියන් 100ක් දූෂණය කොට එය සිය සගයන් සමග සමරන ප්‍රාදේශීය සභාපතිවරුන්, විදේශීය සංචාරකයන් මරා දමා ඔවුන්ගේ පෙම්වතියන් දූෂණය කරන ප්‍රාදේශීය සභාපතිවරුන්, සිය නිල රථවල ගංජා අදින ඇමතිවරුන් සිටින, කුඩු කන්ටේනර් නිදහස් කර ගැනීමට ලියුම් දෙන අගමැතිවරු සිටින, හෙරොයින් මත්කුඩු ජාලයන්හි අධිපතිකම් කරන මැති ඇමතිවරු සිටින, ඔවුන්ට සකල විධ ආරක්ෂාව සපයන පොලිසි තිබෙන, රටක නිදහසේ 66 වසරයි.

1815 මාර්තු 02 වන දා බ්‍රිතාන්‍යයන් ශ්‍රී ලංකාව අත්පත් කරගත් දා සිට ඔවුන් ලංකාව කෙරේ වූ පාලන බලය අත්හල 1948 පෙබරවාරි 04 දක්වා වන අවුරුදු 133 ක පාලන කාලය හා 1948 පෙබරවාරි 04 සිට 2014 පෙබරවාරි 04 දක්වා වන නිදහසින් පසු 66 වසර සංසන්දනය කර බලන්න. පසුකාලීන 66 වසර තුළ සිදු වූ මහා අපරාධ කිසිවක් නිදහසට පෙර යුගයේ 133 වසර තුළ සිදු වී ඇද්ද?

ශ්‍රී ලංකාවේ නිදහසට ජයවේවා..?
මේ වියමන ඔබේ මූණු පොතට එක් කරන්න-
Tags- Sri Lankan Independence Day, February 4th, The rule of British imperialist in Sri Lanka, Mahinda Rajapaksa, J.R. Jayawardena
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
චන්ද්‍රරත්න බණ්ඩාරගෙන් තවත් වියමන්
අදහස්
ආදරණීය රෝහණට හෙවත් ඉස්සර රෝහණට
වෙසෙස්
සාමකාමීන්ගේ සාහිත්‍ය කලා
අදහස්
බෞද්ධකම දුස්සීලයන්ගේ ගොදුරක්ව....
අදහස්
මේ මුන්නේෂ්වරම් නාටකයේ විවේක කාලයයි!
වෙසෙස්
පියසීලි විජේගුණසිංහ| පිවිතුරු දැනුම උල්පත
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
ස්ටීව් බිකෝ කියයි.
පීඩකයා සතු හොඳම ආයුධය නම්, පීඩිතයාගේ පීඩිත මානසිකත්වයයි.
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook