Facebook
Twitter
Google+
YouTube
Blog
RSS Feed
පොත් බූන්දි
'කියන්නට හදන විදිහ' විසින් 'කියන්නට හදන දෙය' යටපත් කළ 'මගේ ආද‍රණීය යක්ෂණී'
බූන්දි, 18:35:36
මංජුල වෙඩිවර්ධන මිත්‍රයාගේ 'මගේ ආද‍රණීය යක්ෂණී' නම් නවකතාව මා කියවා අවසන් කළේ මාස ‍තුනකට පමණවත් පෙර ය. නමුත්, ඒ පිළිබඳ මගේ අවංක අදහස පවසන බව ඔහුටත් පැවසුවත් ඒ පිළිබඳ නිශ්චිත අදහසක් ගොනු කර සටහනකට ගැනීමට අවැසි විවේක බුද්ධිය නොලදින් එය දින දින කල් ගියේ ය.

විවිධ නිර්මාණ කාර්යයන් කිහිපයක් කෙරෙන් රසිකයා වෙත තමාගේ කාර්යය පිළිබඳ යම් අදහසක් ඇති කළ ලේඛකයෙකු ගේ නව කෘතියක් එළි දැක්වෙන කල එයට පූර්වයෙන් සිදු කළ ඔහුගේ නිර්මාණයන් නවමු කෘතිය කියවන රසිකයා කෙරෙහි බලපෑමක් කරන බව ‍නොකියමනා ය. මංජුලගේ කවි සහ වෙනත් නිර්මාණ ද 'බත්තලංගුණ්ඩුව' නවකතාව ද ඇසුරෙන් ඔහුගේ නිර්මාණකාය පිළිබඳ අපට අදහසක් ඇත. අප 'මගේ ආදරණීය යක්ෂණී' අතට ගන්නේ එවැනි පූර්ව නිශ්චිත අදහස් ගොන්නක් හිසෙහි දරමිනි.

එමතු ද නොවේ. නවකතාවට ප්‍රථමයෙන් කියවන්නට ලැබෙන ඒ පිළිබඳ විචාර ද, මිතුරු මිතුරියන්ගේ අදහස් ද ඊට අනුපාන සපයයි. මංජුලගේ නවකතාව වෙනස් වැඩකි. මංජුල කවදත් වෙනස් වැඩ කරන වෙනස් විදිහට දකින කෙනෙකි.‍

ඒ කෙසේ වෙතත් ලංකාවෙ මුල් බැස ගනිමින් තිබෙන අමුතු තාලයේ විචාර ප්‍රවර්ගයක් දැන් දැන් දක්නට ලැබේ. එම විචාර නම්, කෘතියට වඩා තේරුම් ගැනීමට අසීරු,පැටලිලි සහගත බස්වහරක් යොදා ගත්, ඉංගිරිසි යෙදුම් නහුතයක් අඩංගු, කියවා අවසන් වන විට කියා ඇත්තේ කුමක්දැයි හිතා ගැනීමට නොහැකි අපභ්‍රංශ තාලයේ ඒවා ය.

මේවා කියවන බොහෝ පාඨකයන් එය තමන්ට නොතේරුණ බවක් නොඅඟවා සිටින්නට කැමැතිය. ඒ තමා නොදන්නා අනෙකෙකුට මේවා තේරෙණු ඇතැයි ද නොතේරුණු තමා මුග්ධයෙකු ලෙස ගනිතැයි ද යන අස්ථාන බිය නිසා ය. අප දන්නා පරිදි, වඩා සාර්ථක ලේඛනය යනු කියවන්නාට තමා ‍ලියූ දෙය නිවැරදිව සන්නිවේදනය කෙරෙන ලේඛනයයි. කෙසේ වෙතත් පෙර කී අපභ්‍රංශ විචාරකයින්ට හසුවන ලේඛකයා තමා තුල තමා නොදන්නා යම් සාරයක් ඇතැයි සිතමින් මං මුළා වෙයි. 'යක්ෂණී' කෘතිය ගැන ලියැවුණු සමහර විචාර ද එබඳු ය. (මංජුල ඊට හසුව ඇතැයි ඉන් නොකියැවේ.)

කෘතිය ගැන පවසන්නට බොහෝ කරුණු ගොන්නක් නැත. 'කියන්නට හදන විදිහ' විසින් 'කියන්නට හදන දෙය' යටපත් කොට දමා ඇත. අප දන්නා පරිදි මංජුල යනු කියන්නට දෙයක් නැති ලේඛකයෙක් නොවේ. කියන්නට බොහෝ දේවල් ඇත්තෙකි. නමුත් කියන්නට හදන විදිහ හෙවත් ආකෘතිය විසින් කියන්නට හදන දෙය හෙවත් අන්තර්ගතය ඉතා ක්ෂුද්‍ර කොට සඟවා දමා ඇත. ආඛ්‍යාන රටාවේ ගලා යෑම සංකීර්ණ ය. භාෂාව නම් ඔහුට ආවේණික ළගන්නා රීතියයි. එය පවා යම් යම් අවස්ථාවල දී අධිමාත්‍රාවක් ගන්නා ලෙසක් පෙනෙන්නට තිබේ. ආකෘතිකමය වශයෙන් කර ඇති අත්හදා බැලීම් කෘතියට සාධාරණයක් කරන්නේ නැත. නිදසුනක් ලෙස කෘතියේ අවසාන භාගයේ පිටුව දෙකට බෙදමින් ගෙන යන කතා දෙක කියවන්නා පැටලිල්ලකට ගෙන යනු විනා කෘතියට යහපතක් ඉටු නොකරයි.

මේ කෘතිය ගැන පවසද්දී මා මුහුණ දුන් රසවත් සිදුවීමක් ද සිහියට නැගේ. කෘතිය පිළබඳව මම එක්තරා අවස්ථාවක, විචාර කටයුතුවල නිරත ව සිටින සාහිත්‍ය මිතුරෙක්ගෙන් අදහස් විමසුවෙමි. ඔහු කෘතියේ ආඛ්‍යාන රටාව ගැන පැහැදීමෙන් කථා කළ අතර 'පිටුවල වෙනසක් දැනුණේ නැති දැ'යි විමසුවෙමි. ඔහු එවැන්නක් නැති බව කීවේ ය.

කෘතියේ පිටු ඇමිණීමේ දී දොසක් සිදු වී පිටු කිහිපයක් මාරු වී පොත් සකස් ව තිබුණි. තාක්ෂණික දොස පවා ආකෘතික හරඹයක් ලෙස දකින තත්වයක් ඇතිව තිබෙන බව මේ සිදුවීමෙන් මම තේරුම් ගතිමි. මොනතරම් ආකෘතික හරඹයන්, අත්හදා බැලීම් කෘතියක් වෙත ගෙන ආව ද ඒවා අවසාන විග්‍රහයේ දී කියවන්නා වෙත සේවය කළ යුතු ය. එකී කරුණු කියවන්නා වෙහෙසට පත් කරමින් ඔහු එයින් ඈත් කරන්නේ නම් එවැනි හරඹ වලින් පලක් නැත.

අවසාන වශයෙන් බොරු වර්ණනා වලින් තොරව කිය යුත්තේ, 'බත්තලංගුණ්ඩුව' අතික්‍රමණය කිරීමට 'මගේ ආදරණීය යක්ෂණී'යට නොහැකි වී ඇති බව යි.

එනමුත්, නවකතාකරුවෙක් ලෙස මංජු‍ල දෙස බලාපොරොත්තු දල්වා බලා සිටීම මා අත්හරින්නේ නැත. කිම ද යත්, බත්තලංගුණ්ඩුව නවකතාවෙන් ලද ප්‍රහර්ෂය තවමත් හදෙහි රඳනා බැවිනි.
මේ වියමන ඔබේ මූණු පොතට එක් කරන්න-
Tags- A review on Mage Adaraneeya Yakshani [My Beloved Demoness] (2013) by Manjula Wediwardena, Baththalangunduwa (2007), Sinhala Novels, Sri Lankan Fictions, Sinhala Nawakatha, Kuweni, Kuwanna
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සඳුන් ප්‍රියංකර විතානගේගෙන් තවත් වියමන්
පොත්
පරාගේ "ක්ලැරා" සිරා ද?
පොත්
කලාව සහ කතිකාව- නූතන කලා සංස්කෘතික දෘෂ්ටිවාදී කතිකාව කෙරෙහි අකුටිල මැදිහත්වීමක්
පොත්
වීරයන් අවැසි සමයක - මරියා සිලොනිකා වස්තුව
පොත්
කියනු මැන දිවි අරුත- ගුණදාස අමරසේකර
කවි
කොරියාවේ සිරියාව
තවත් පොත් බූන්දි
ඉණෙන් හැලෙන කලිසමක් රදවා ගන්න තතනමින්...
උමතු වාට්ටුවට අප්පචිචී ඇවිත්!
සෞන්දර්යය වෙනුවට කටු අතු- අපේ යුගයේ උරුමය!
"මතක වන්නිය" හෙවත් උතුරේ ශේෂ පත්‍රය
මී පුප් සේ රස 'හෑල්ල'
BoondiLets
පාවුලෝ කොයියෝ ලියයි.
ආදරේ කරන ඕනෑම කෙනෙක්, තමා එකිනෙකා හා නොමැති විට පවා එකිනෙකා තුල ජීවත්වෙනවා. සිරුරු දෙකක් හමුවුනාම ඒක හරියටම කුසලානයක් උතුරා යෑමක්. ඔවුනට පැය ගණක්, සමහරවිට... [More]
What's New | අලුතෙන්ම
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook