Facebook
Twitter
Google+
YouTube
Blog
RSS Feed
අදහස් බූන්දි
උපුල් සර්ගේ පන්තියට පරක්කුවී ගිය රනිල්
බූන්දි, 18:30:48
විපක්ෂ නායක රනිල් වික්‍රමසිංහ තුමා පසුගියදා තමන්ගේ දහසකුත් එකක් රාජකාරි මැද උපුල් ශාන්ත සන්නස්ගල මහතාගේ ටියුෂන් පන්තියට ගොස් කොලු කෙලු ගැටව්-ගැටවියන්ට 'හායි' පාරක් දැම්මා. ලංකාවේ දේශපාලන මාකට් එක ගැන ඉවක් තියන උපුල්, එම හමුවේදී රනිල්ට නොකියා කියූ දේ නම් "සර් ආවට බොහොම ස්තුතියි. ඒත් ආව ප්‍රමාද වැඩියි." යන්නයි.

තරුණයන්ට දේශපාලනය උගන්වන්නේ නැතුව දේශපාලනිකව හුරතල් කිරීම හරි ආතල් වැඩකි. ලිබරල් දේශපාලන ඔලුවක් වන රනිල් රටේ ප්‍රශ්ණවලට රහසින් ලිබරල් අයිසින් දමමින් සිටින විට රටේ මාක්ස්වාදී දේශපාලන විප්ලවයක් කරන්න උත්සාහ කරපු විජේවීරගේ වර්තමාන දේශපාලන ජේ.වී.පී. පුරුක්, තරුණයන්ගේ සිහින මත රතුපාට සීනි ආවරණ තවරන්න හුරතල් දේශපාලන බජවු සංවිධානය කරයි. රනිල්ට මේ මල්වැසි අමතකකොට තවදුරටත් ලිබරල් භාවනාව අල්ලගෙන සිටීමට අපහසුවී මල් කඩන්නට ටියුෂන් පන්ති යෑමට සිදුවීම අරුමයක් නොවේ.

ජේ.ආර්.ගේ කැබිනට් එකේ වාඩිවී ජනාධිපති ධූරයක් ඇති කිරීමට උදවු කළ රනිල්ට ජනාධිපති ධුරයට පහළ සියළු ආයතන එදා සිට අද දක්වා ක්‍රම ක්‍රමයෙන් අදේශපාලනික හිස් විහිළු බවට පත්වෙන හැටි වේදනාකාරී නරඹන්නෙක් ලෙස බලා සිටීමට සිදුවීම අවාසනාවක් නොවෙයිද?

ජේ.ආර්. විසින් ජනාධිපතිධූරයක් නිර්මාණය කොට ලංකාවේ යලිත් රාජාණ්ඩු පාලන තන්ත්‍රයක් ඇති කළ පසු පාර්ලිමේන්තුව මරණාධාර සමිතියක් දක්වා උකුටු වකුටු වී ගියේය. මේ 'වෙනස' දරාගන්න බැරි සමාජය පාර්ලිමේන්තුව උත්තරීතරයි කියමින් තවමත් අඩා වැලපෙමින් සිටී. දේශපාලකයින් ද කිරිටොයි සුදු ඇදගෙන පාර්ලිමේන්තු ගොස් උත්තරීතර වීමට දඟලමින් සිටී. ඉඳහිට මේ ආයතනය තුල ගොන් පාට් දාන මන්ත්‍රීවරුන්ට ජනමාධ්‍ය පහර ගහන්නේ ද 'සභාවේ උත්තරීතරභාවය කෙළසනවා' යනුවෙනි. ඒත් මේ සියලු දෙනා දකින්න අකමැති, නමුත් දිනපතා දකින නපුරු සිහිනය නම් පාර්ලිමේන්තුව හා එහි උත්තරීතරභාවය යනු ජේ.ආර්. විසින් ආදේශපාලනික කොට, බියගන්වා පලවාහරින ලද අහසේ පාවෙන වචන සමුදායක් යන්නයි.

මේ දවස්වල සිදුවෙන බොහෝ හුදකලා සිද්ධීන් ටොකු ඇන ඇන ජනතාවට බොහෝ දේවල් කියාදෙයි. එනම් රටේ ඇත්තේ යන්ත්‍ර දෙකක් පමණක් බවත් ජනාධිපති යන්ත්‍රයට හා මාකට් එකේ යන්ත්‍රයට අමතර සියළු දේවල් අබලි ද්‍රව්‍ය බවට පත්ව ඇති බවත්ය.

ජනාධිපති ධුරය ඇරඹී දශක ගණනාවකට පසුව දැන් ලංකාවේ සමාජය විසින් ජේ.ආර්. පැතූ පාරිභෝගික දේශපාලනයේ මාර්කට් එක බිහිකොට ඇත. දැන් දේශපාලනය හරි අපූරුය. රිදී තීරයේ පෙම් රජා වන රන්ජන් රාමනායකට දෙබස් මාරුකොට පාර්ලිමේන්තුවේ දුෂණයට එරෙහි ජනතා වීරයා වීමට හැකිය. රිදී තිරයේ රන්ජන් අයියාට පෙම් බඳින කොලු කෙල්ලන්ට ඒ ගැම්මෙන්ම රන්ජන් මන්ත්‍රීතුමාට ආදරය කළ හැකිය. නටන්න, ගයන්න, වයන්න විතරක් නෙමයි ගැම්මට කතාකරන්න පුළුවන් දයාසිරිට තොග වශයෙන් මිනිස්සු ඡන්දය දුන්නේය.

අනාගතයේ රටේ දේශපාලනය කරන අයට රියැලිටි ෂෝ සංවිධායකයන්ගෙන් ටියුෂන් ගන්නට සිදුවෙන දිනය ඈතක නොවේ. සංවාදශීලි දේශපාලන ඔලු වෙනුවට මල්ටි ටැලන්ට් මන්ත්‍රීවරු අනාගතයේ අපට හමුවනු ඇත. මේ සිදුවීම් ගැන හොටු පෙර පෙර කදුළු සලන මිනිසුන්ට කීමට ඇත්තේ ඉවසීමෙන් බවුන් වඩන ලෙසයි. හෙට අනිද්දා රිදී තිරය හා දේශපාලන තිරය අතර ඉර අහෝසි වී යන අතර ලංකාවේ දේශපාලන ශබ්ද කෝෂයෙන් උත්තරීතර වචනය හැලී යනු ඇත.

ඉන්පසුව අවැසි අයෙකුට රට තුල යළිත් දේශපාලනය ආරම්භ කල හැකිය.
මේ වියමන ඔබේ මූණු පොතට එක් කරන්න-
Tags- Ranil Wickremasinghe, Upul Shantha Sannasgala, Ape Sinhala Panthiya, Tuition Classes, J.R. Jayawardena, JVP, Sri Lanklan Current Political Situation
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
අදහස්
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
වෙසෙස්
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
වෙසෙස්
දීපාල්- ගැලරියට ඇහුණේ නැති ගැලරියේ ගායකයා
අදහස්
අමරදේව මාස්ටර්, අපිනං ගොඩ...!
අදහස්
චේ නැතිව චේ සමග!
තවත් අදහස් බූන්දි
ගාමිණි වියන්ගොඩගේ සයිටම් ජපමාලයට පිළිතුරක්- 1
විධිමත් සංහිඳියාවක සවිමත් පදනම
තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!
බොරළුගොඩ සිංහයාගේ පුත්තරයා
සම රිසිභාවය වරදක් වූ සමාජයක....
බූන්දි නව ඊමේල් ලිපිනය- editorial@boondi.lk
BoondiLets
ඒබ්‍රහම් ජේ. හෙසල් කියයි.
ජාතිවාදය යනු මිනිසෙකු විසින් තවත් මිනිසෙකු වෙත එල්ල කරන බරපතලම තර්ජනයයි. ඇත්තෙන්ම එය නොසැලකිය හැකි තරම් කුඩා හේතුවක් සඳහා වූ අප්‍රමාණ වෛරයකි.
What's New | අලුතෙන්ම
අදහස්| ගාමිණි වියන්ගොඩගේ සයිටම් ජපමාලයට පිළිතුරක්- 1

9-Mins

(අජිත් සී හේරත්) ගාමිණි වියන්ගොඩ ශූරීන් තම සයිටම් ජපමාලය සතිපතා දිගින් දිගටම ජපකරයි. ඔහු සයිටම් විරෝධීන් යැයි සිතන සියල්ලන්ට එරෙහිව ද්වේෂය සහ වෛරය... [More]
වෙසෙස්| බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?

4-Mins

(තිලක් සේනාසිංහ ) හේතුවාදය යනු Rationalism යන ඉංග‍්‍රීසි වදනෙහි සිංහල අරුත ය. මෙම ඉංග‍්‍රීසි වදන සඳහා සුදුසු සිංහල වචන කිහිපයක්ම මුල දී යෝජනා... [More]
ඔත්තු| රංජිනී ඔබේසේකරගෙන් Sinhala Poetry in Translation

22-Secs

ආචාර්ය රංජිනී ඔබේසේකර විසින් පසුගිය දශක කිහිපය පුරා වරින් වර පරිවර්තනය කරන ලද සිංහල කාව්‍ය... [More]
වෙසෙස්| උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!

10-Mins

(අන්ද්‍රෙ විල්ෂෙක් | අජිත් සී හේරත්) උතුරු කොරියාව ගැන සිතන විට මගේ මතකයට පළමුවෙන්ම නැගෙනුයේ පියොන්ග්යෑන්ග් අසල තායිදොන් නදියේ නිශ්චල ගම්භීර ජලතලය මත වූ මිහිදුම් පටලයන්ය.... [More]
කතන්දර| ඉරණවිල එළිය

6-Mins

(සහන් කසීර වික්‍රමසිංහ) 2016. 12.18
jessica_mclarck88@yahoo.com

ආදරණීය ජෙසිකා,

දුවටත් , අම්මාටත් සුබ නත්තලක් පතමි. සියලුම කටයුතු හොඳින් සිදුවෙනු ඇතැයි සිතන අතර නත්තල් රාත්‍රිය ඔබ දෙදෙනා... [More]
ගී කිය(ව)මු| ඔබට පමණි ඔබ ආදරේ- ප්‍රොයිඩියානු කියවීමක්

2-Mins

(සුදේශ් කවීශ්වර) ඇයගේ ඇකයෙහි ඔබ හිස රඳවා
සැනැහුණු මොහොතක ඔබේ ම දෙනෙතින්
මා ඔබ දුටුවා ඇයට නොවේ
ඔබට පමණි ඔබ ආදරේ

වසන්ත දෙකොපුල නිදිවැරු තොල් මල
දසැඟිලිි... [More]
Cine| යුක්තිය ජය ගැනීමට 'දුෂ්ටයාගෙන්' පළිගැනීම- ඇස්ගාර් ෆර්හාඩිගේ The Salesman

6-Mins

(උපාලි අමරසිංහ) පහත පළ වන්නේ ඉරාන ජාතික කීර්තිමත් සිනමාකරුවෙකු වන ඇස්ගර් ෆර්හාඩි ගේ The Salesman චිත්‍රපටය පිළිබඳ ටොම් කාටර් විසින් ලෝක සමාජවාදි... [More]
රංග| මරණය සහ කන්‍යාවිය මැවූ ඒරියල් ඩෝෆ්මන්

2-Mins

(සංජීව නුවන් ගුණරත්න) ශ්‍රී ලාංකික වේදිකා නාට්‍ය කලාවට ආගන්තුක නොවන නමුත්, විශාල වශයෙන් සංවාදයට බඳුන් නොවුණු, නූතන ඇමරිකානු නාට්‍ය රචකයෙකු ලෙසට ඒරියල් ඩෝෆ්මන්... [More]
අදහස්| විධිමත් සංහිඳියාවක සවිමත් පදනම

6-Mins

(කසුන් සී. තිලකරත්න) පසුගිය වසර කිහිපයක පටන්, මේ මොහොත දක්වාම අප සමාජය තුළ සුවිසල් කතිකාවතකට ලක් වූ සංකල්පයක් වේ නම්, එය සංහිඳියාවයි. යුද... [More]
අදහස්| තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!

3-Mins

(හිරාන් ද සේරම්) එක්සත් ජාතීන්ගේ සංගමය විසින් ජාත්‍යන්තර වෙසක් දිනයක් නම් කළ බවට ලොකු ප්‍රසිද්ධියක් දෙනවා රාජ්‍ය මැදිහත්වීමෙන්. ලංකාවෙ මාධ්‍යවලත් ඒ ගැන හදපු... [More]
ඔත්තු| සයිටම් පිළිබඳ සාකච්ඡාවක්- මැයි 6

7-Secs

සයිටම් ගැටළුව හා නිදහස් අධ්‍යාපනය පිළිබඳ සාකච්ඡාවක්, 2017, මැයි 6 සෙනසුරාදා, සවස 3:00ට, මීගමුව ජනාවබෝධ... [More]
ඔත්තු| ශිශිරය සන්ධ්‍යාව- මැයි 28

22-Secs

අග්නි ඔපෙරාව ඇතුළු ප්‍රේමසිරි කේමදාසගේ ඔපෙරා නිර්මාණ සඳහා ගායනයෙන් දායකත්වය ලබා දෙමින්, ලාංකේය ඔපෙරා කලාව... [More]
වෙසෙස්| මුතුරාජවෙල වනසන්නට පෙර

4-Mins

(කපිල මහේෂ් රාජපක්ෂ) මීතොටමුල්ල ඛේදවාචකයෙන් පසු කොළඹ කුණු බැහැර කිරීම සඳහා දේශපාලකයින් සහ ඇතැම් අමනෝඥ්ඥ නිළධාරීන් විසින් වඩාත් සුදුසු ස්ථාන ලෙස තෝරාගනිමින් සිටින්නේ... [More]
රංග| යුරිපිඩීස් චිත්‍රණය කළ ස්ත්‍රීත්වය

3-Mins

(මහේෂි බී. වීරකෝන්) සම්භාව්‍ය ඇතැන්ස් පුර (ක්‍රි.පූ. 480-323) ස්ත්‍රියගේ අවකාශය වූකලී, ඓතිහාසික ග්‍රීක ඉතිහාසය තුළ, අන් කාල පරිච්ඡේදයන්ට සාපේක්ෂව ගත් කල යම් කිසි... [More]
ඔත්තු| 'නොසන්සුන් මොහොතක හීනයක්'| අප්‍රේල් 30

9-Secs

කසුන් සමරතුංග විසින් රචිත 'නොසන්සුන් මොහොතක හීනයක්' කාව්‍ය සංග්‍රහය 2017 අප්‍රේල් 30 වන ඉරිදා සවස... [More]
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook