Facebook
Twitter
Google+
YouTube
Blog
RSS Feed
අදහස් බූන්දි
පොදු අපේක්ෂකයා සහ පැරසිටමෝල්
බූන්දි, 18:25:53
පැරසිටමෝල් යනු වෛද්‍ය විද්‍යාවෙන් මිනිසා වෙත දායාද කල අපූරු බෙහෙතකි. සැබවින්ම එය බෙහෙතක් නොවේ. එය වේදනා නාශකයකි. ඕනෑම ලෙඩකදී අපි පැරසිටමෝල් පෙති දෙකක් බී වේදනාව සමනය කරගෙන පසුව වෙද්‍යවරයා හමුවීමට පුරුදුව සිටින්නෙමු. කිසිදු බෙහෙතකින් තොරව හුදු විවේක සුවයෙන් සනීප කරගතහැකි ආබාධවලට පවා වෛද්‍යවරු පැරසිටමෝල් නිර්දේශ කොට රෝගියාගේ 'ලෙඩට බෙහෙත් බීමේ මානසික ආශාව' සමනය කරවයි. අද දවසේ බොහෝ ආබාධ වලට ගොදුරු වී, එම ආබාධ වලට නිසි බෙහෙත් හෝ දොස්තරවරු නැතුව අඳුරේ අතපත ගාන අපේ සමාජයට ගිල්ලවීමට හදන පැරසිටමෝල් පෙත්ත "පොදු අපේක්ෂකයා" ද?

පොදු අපේක්ෂක සිහිනයේ ක්ෂේමභූමි වන්නේ ජනාධිපති ධූරය අහෝසි කිරිම, ව්‍යවස්ථාදායක කොමිසම, මැතිවරණ කොමිසම, පොලිස් කොමිසම වැනි ශක්තිමත් කොමිසම් පිහිටවීම වැනි බැරෑරුම් වැඩ කිහිපයකි. බලය හමුවේ උපායශීලි නොවී උපක්ෂාසහගත ලෙස කටයුතු කළ හැකි දේශපාලන නායකයන් කීදෙනෙකු පොදු අපේක්ෂක කතාබහ ඇතුලේ ඉන්නවාදැයි සැක සහිතය. මෙම කොමිෂන් සභා වලට පත්කිරීමට අපක්ෂපාති උගත් සිවිල් නිලධාරීන් හොයාගන්නේ කෙසේද? හැමෝම කෙළින්ම හෝ අනියම්ව සිටින්නේ මරා සහ පිරිසගේ සෙවණැල්ල යටය. නොඑසේනම් සෙවණැල්ල යටට යාමේ සිහිනය තුළය. පුද්ගලික අැජෙන්ඩා නිසා මරාගේ සෙවණැල්ල සමග තරහ වුණු පිරිස් මහන්සි වන්නේ නිදහස සඳහා නොව තවත් මරා වර්ගයේ සෙවණැල්ලක් දිනාගැනීම සඳහා ය!

මෙම කොමිසම් සක්‍රියව පවත්වාගෙන යාමට නම් බටහිර රටවලින් සිවිල් උගතුන් ආනයනය කිරීමට සිදුවෙනු ඇත. එහෙත් මෙසේ පත්වෙන නිලධාරීන් මාස කිහිපයකින් තම තනතුරු වලින් ඉල්ලා අස්වනු ඇත. ඔවුන් එසේ ඉල්ලා අස්වෙන ලිපිවල සඳහන් කරනු ඇත්තේ ලංකාවේ සමාජයට සාධාරණව ජීවත්වීමට බැරෑරුම් අවශ්‍යතාවයක් නොමැති බවයි. හැමෝම කැමති පුංචි පුංචි ඩීල් දාගෙන සාමයෙන් සතුටෙන් ජිවත් වීමටයි. මේ අංගවිකල සාමය කැඩෙන තැන වන්නේ අනෙකා තමාට වඩා වැඩියෙන් ඩීල් දමාගෙන වැඩි ජොලියක් ගන්නා බවට තමාගේ හිත කීරි ගැසෙන අවස්ථාව ය. සමහරු පොදු අපේක්ෂක පැරසිටමෝල් හොයාගෙන යන ලෙඩේ නිමිත්ත ඇත්තේ මෙතනද?

මරා සහ පිරිස දූෂිතයි කියමින් කෑ මොර දෙන පිරිස අමතක කර දමන කාරණය නම් දූෂිත නැති පිරිස් රට තුළ ඉතා අල්ප බවත් මේ අල්පයන්ගේ බලය රට පාලනය කිරීමට තරම් බලවත් නොවන බවත්ය. රටේ දූෂණය සෙවීමේ ලිට්මස් පරික්ෂාව තියෙන්නේ රට තුළ නොව රටෙන් එළියේ සිංගප්පුරුව, ඩුබායි, ලන්ඩන්, වැනි රටවලය. ලංකාවේ දේශපාලකයන් සහ දේශපාලකයන් නිසා ව්‍යාපාරිකයන් වුන මිනිසුන් මේ රටවල් සමග කරන ගනුදෙනු සොයා සමාජගත කළහොත් රටේ දූෂණයට එරෙහි සුළග හමන අත වෙනස් වනු ඇත.

සමහරු හිතන්නේ මගතොටේ ඔබ මොබ ඇවිද යන මිනිසුන් සොයන්නේ පොදු අපේක්ෂකයෙක් කියාය. එහෙත් රටේ භුමිය එක්කර කිරිබත් කෑ මිනිසුන් තවමත් සිටින්නේ අඩනින්දේය. බොහොම අහිංසක විදිහට ටෙලියක් දෙකක් බලාගෙන කුට්ටුම්බගත වී සිටින නිහඬ බහුතරයට පොදු අපේක්ෂකයා යනු තවත් එක් රියැලටි ෂෝ එකකි. එහෙත් ඇස් දෙක රතුවෙන විහිළුව නම් හොඳ මිනිසුන් කිහිප දෙනෙක් එකතුවී මේ නිද්‍රාගත මිනිසුන් සමග සමාජය ශිෂ්ට කිරීමේ පොදු අපේක්ෂක කතිකාවක් ගොඩනැගීමට තැටමිමයි.

සැබවින්ම පොදු අපේක්ෂක සිහිනය සමග හුරතල් වීම අපේ සමාජයට අලුත් දෙයක් නොවේ. මහා වැස්සකට පෙර එන අකුණු සැර වගේ සෑම ජනාධිපතිවරණයකටම පෙර පොදු අපේක්ෂක කතාබහක් උඩ පැන පැන දැල්වී නිවී යයි.

මෙවර පොදු අපේක්ෂක කතිකාව යන දුර කොපමණද? අරලිය ගහ මන්දිරයේ දී හෝ දළදා මන්දිරයේ දී රන් පතක ලියා, රන් කොපුවක දමන ලද ලියවිල්ලක් මරා සමග හුවමාරු කරගැනීමෙන් මෙවරත් පොදු අපේක්ෂකයා සියදිවි හානි කරගනිද? ජීවත්වීම යනු ඩීල් එකක් බවට ලඝු කරගෙන, දේශපාලනයෙන් පාර්ලිමන්ට් ජෝක්ස් විඳින, සමනල වර්ණ ව්‍යාපාර අස්වාභාවික මරණ වලට ගොදුරුවීමේ දේශපාලනය අප තේරුම් ගන්නේ කවදාද?
මේ වියමන ඔබේ මූණු පොතට එක් කරන්න-
Tags- Common Candidate for the Presidential Election in Sri Lanka, Numbness of General Public, Mahinda Rajapakse, Sri Lankan Parliament Jokes
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
වෙසෙස්
ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ
අදහස්
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
වෙසෙස්
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
වෙසෙස්
දීපාල්- ගැලරියට ඇහුණේ නැති ගැලරියේ ගායකයා
අදහස්
අමරදේව මාස්ටර්, අපිනං ගොඩ...!
තවත් අදහස් බූන්දි
අපේ මධ්‍යම පන්තියේ නුතන සංස්කෘතික විලාසිතාව!
ගල්කිස්සේ ප්‍රහාරය: අන්තවාදයේ නරුම මුහුණුවරයි!
[සරදගේ ලියුං හැකින්ස්]- මැතිවරණ කොමසාරිස්ට ජේ.ආර්.ගෙන් ලියුමක්!
ගබ්සාව සහ දෙවියන් වහන්සේගේ සැලැස්ම!
විභාගය ගොඩ යාමට ඥාන පූජාව!
බූන්දි නව ඊමේල් ලිපිනය- editorial@boondi.lk
BoondiLets
Simone de Beauvoir කියයි.
"පිරිමියා" යන්නෙන් නිරතුරුවම "මනුෂ්‍යයෙකු" යන්න අරුත් ගන්වනු ලැබේ. "ගැහැණිය" යන්නෙන් අරුත් ගැන්වෙන්නේ "ස්ත්‍රී" බවයි. කිසියම් මොහොතක "ගැහැණිය", "මනුෂ්‍යයෙකු" ලෙස හැසිරෙන්නේ ද එවිට, ඇය "පිරිමියා" අනුකරණය... [More]
What's New | අලුතෙන්ම
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
කවි| (ඔබ හිනැහෙන විට)

5-Secs

(මහගම සේකර) ඔබ හිනැහෙන විට
මුලු ලොව
ඔබ සමඟින් සිනා සෙයි

ඔබ වැලපෙන විට
මුලු ලොව... [More]
කරන්ට්ස්| ඈත සහ මෑත

23-Secs

(අමිල නන්දසිරි) "අනුරාධපුරයේ උද්‍යාන තුලදී පෙම්වතුන් යුවල 304ක් පොලිස් භාරයට."
-පුවතක්


ඈත, කුහුලින් සවල් ගහනා
මැදිවියේ නෙතු බහුලය
මෑත, විලියෙන් ජම්බු රතුවෙන... [More]
Cine| ස්වරූප නොපෙන්වීමේ සහ නොබැලීමේ විනෝදය

13-Mins

(එරික් ඉලයප්ආරච්චි) කලාත්මක අවකාශය සහාසික ලෙස විනෝදයේ අවකාශය විසින් පාගා දමනු ලබන අතරේ කලාත්මක ප්‍රදර්ශනයේ අවකාශය විනෝද ප්‍රදර්ශනයේ අවකාශය විසින් උදුරා ගනිමින්... [More]
කතන්දර| "හරි අපූරු අම්මාච්චි"- ළමා කතන්දරය [වීඩියෝව]

33-Secs

"හරි අපූරු අම්මාච්චි"- පොඩිත්තන්ට දැනුම ගෙනෙන විනෝදාත්මක කතන්දරයක් [කාටූන්]- Rajiv Eipe ලියා සිත්තම් කළ "Ammachi's Amazing Machines" සිඟිති කතන්දරයේ සිංහල... [More]
BoondiLets| අඳුර පලාගියේය!
තල්මසාගේ සිරුර ඇතුළත වූයේ අඳුරයි. පිනෝකියෝ පාවෙමින් තල්මසාගේ කුසෙහි ගැඹුරු ආගාධයට ඇදී ගියේය.

ඉමක් නැති ගණඳුර මැදින් හදිසියේම කුඩා ආලෝකයක් පහළ විය.

"කවුද ඔතන?" පිනෝකියෝගේ... [More]
කවි| සියයට විස්සයි, සතුට අනුලට!

38-Secs

(තුෂාරිකා ඇන්තනි) ඉසුරු දෙවිඳු මවනවද සිහිල පිරි පෙදෙසක්
ගිනි නිවුන මව් හිසක මැවු පසන් නිවසක්

දෛනික වැයෙන් මරදූන් පැරද ඉසිඹුවක්
පතයි මාස අග දිනක හෝ නිරාමිස සුවයක්... [More]
වෙසෙස්| තොවිල් වලදී යකුන් පලා යන විට ගස් අතු කඩා වැටෙන හැටි!

3-Mins

(තිලක් සේනාසිංහ ) මිනිසුන්ට සහ වාසස්ථාන වලට අරක් ගන්නා යක්ෂයන් පලවා හැරීම පිණිස යක් තොවිල් පැවැත්වීම අප ජන සංස්කෘතියේ ප්‍රධානතම අංගයකි. මෙම යක්... [More]
BoondiLets| සරච්චන්ද්‍ර ලියයි.
පුතු සෙනේ මස් නහර හම සිඳ
ඇට සොයා ගොස් ඇට තුළට වැද
ඇට මිදුලු මත රඳා සිට දුක්
දෙයි නිබන්දා

-සිංහබාහු
කවි| (හදිසියේ මියගිය) අම්මාගේ මිනිය හඳුනාගැනීමට පුතුව කැඳවයි!

44-Secs

(ජනිත් විතාරණගේ) දෙක තුනක් ඇර හුඟක් කෙස් ගස් තිබුනේ බාගෙට සුදුවෙලා
ගල් තැලුම් මල් යටි පතුල්වල විලුඹ තිබුනා පුපුරලා
අලි ඇවිත් පැල කඩපු දවසේ තාත්තගේ බඩ පාගලා
පෙරළිලා ගෙයි බිත්ති පලුවක් කකුල තිබ්බේ කොරවෙලා

අන්න අර දුර පේන කන්දට ටිකක් එහායින් තියන බැද්දේ... [More]
Cine| බහුචිතවාදීයා- සමකාලීන අගනාගරික සමාජ සැකැස්ම සහ එහි දේශපාලන ආර්ථීකය පිළිබද නියෝජනයක් ලෙස

6-Mins

(නිර්මාල් රංජිත් දේවසිරි) පසුගිය සමයේ, විශේෂයෙන්ම, 2015 ජනවාරි 8 වනදා පැවැති ජනාධිපතිවරණය පූර්වගාමීව සමාජ මාධ්‍යවල ඇති වූ දේශපාලන කතිකාවේ දක්නට ලැබුණු මූලිකාංගයක් වූයේ,... [More]
කතන්දර| "මෙන්න මෙයා- බෝල බෙයා"- ළමා කතන්දරය [වීඩියෝව]

27-Secs

පොඩිත්තන්ට විනෝදාත්මක කතන්දරයක් [කාටූන්]- Ramendra Kumar ලියා, Delwyn Remedios සිත්තම් කළ "The Day It Rained Fish" සිඟිති කතන්දරය ඇසුරින්.

හඬ- නයෝමී... [More]
වෙසෙස්| ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ

4-Mins

(සරද සමරසිංහ) "ජනතාව අතුරින් කිහිප දෙනෙකු අත්‍යන්ත ම්ලේච්ඡයන් වීම හේතුවෙන් හෝ පාලක පක්ෂය ප්‍රජාතන්ත්‍රවාදය යන වචනයේ අරුත නොදැන සිටීම හේතුවෙන් හෝ ජනමාධ්‍යවේදීන්ට... [More]
BoondiLets| දාරියෝ ෆෝ ලියයි.
(දාරියෝ ෆෝ | එච්. ඒ. පෙරේරා) පවතින පාලනය, ඉවසන් ඉන්න බැරි තරමට ජඩ, දූෂිත, මර්දනකාරී එකක් උනහම ජනතාව ජීවිත පරදුවට තියල හරි ඒක පෙරලලා දානවා. ඊට පස්සෙ අලුත් පාලකයෝ විසින් හිටපු... [More]
කතන්දර| "වීර යට්ටෝගේ සහ තෙයූන්ගේ කතන්දරය"- රුසියානු ළමා කතන්දරය [වීඩියෝව]

18-Secs

පොඩිත්තන්ට රුසියාවෙන් කතන්දරයක්- නෙන්ත් ජනකතාවක් ඇසුරින් ජාන්නා විටෙන්සොන් විසින් ලියන ලද, ලියනීඩ් ආරිස්තොව් විසින් සිත්තම් කරන ලද, "වීර යට්ටෝගේ සහ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook