Facebook
Twitter
Google+
YouTube
Blog
RSS Feed
Cine බූන්දි
සිංහල සිනමා ඉතිහාසය තුළ දුයිෂෙන් ලකුණ- ඇන්ඩෲ ජයමාන්න
හාරලක්ෂය, මරුවා සමඟ වාසේ, හඳයා, හංසවිලක්, තුන්වෙනියාමය, සුද්දිලාගේ කතාව, විසිදැල, පලගැටියෝ, ජුලියට්ගේ භූමිකාව, පවන රළුවිය, මංගල තෑග්ග, සිරි මැඳුර බඳු සිනමා පට ගණනාවක කැමරාව පිටුපස හිඳිමින්, සිනමා කැමරා ශිල්පියෙකු ලෙස ලංකේය සිනමාවේ නොමැකෙන මංසලකුණු තැබූ ඇන්ඩෲ ජයමාන්න ඉකුත් දා අප අතරින් වියෝ විය. පහත පළ වන්නේ, 2012 වසරේදී පැවති ඇන්ඩෲ ජයමාන්න පනස් වසරක සිනමා දිවිය ඇගයුම් උළෙලේදී 'කිතුසර' සංස්කාරක මහින්ද නාමල් කළ දේශනය ඇසුරින් සැකසූ සටහනකි.
බූන්දි, 03:26:24
මීට සතියකට පමණ පෙර ලංකීය ඡායාරූප කලා ඉතිහාසයේ නිර්භීත විශිෂ්ට ඡායාරූප කලාකරුවෙකු වූ මීගමුවේ වෛද්‍ය එම්.එස්.එන්. වීරකෝන් මහතා යාන්තම් දහ දොළොස් දෙනෙකු තරමේ ඡායාරූප ශිල්පීන් සහභාගී වූ අවමඟුල් පෙරහැරකින් අවසන් ගමන් ගිය බව අසන්නට ලැබුණි. හැම හන්දියක් හන්දියක් ගානේ එක බැගින් නොව එක හන්දියක දෙක තුන බැගින් ඡායාරූප ශාලා තිබෙන විකෘති වෙළඳපොල ධනවාදයේ තෝතැන්නක් බවට පත් වූ ලංකාව තුළ කලාකරුවන් හා කලා වෙළඳුන් අතර වෙනස එකී මළගම තුළ වෛද්‍ය වීරකෝන්ගේ ප‍්‍රබල ඡායාරූපයක පරිදිම සටහන් වූයේ යැයි මම සිතමි.

නිරුවත කලාත්ම ප‍්‍රකාශනයක් සේ ඡායාරූප කලාව තුළ සිත්තම් කළ මේ පුරෝගාමී ලාංකීක කලාකරුවා තම ඩිස්පැන්සරිය තුළ ඡායාරූප කලා ඩිස්පැන්සරියක් ද නොමිලේ පවත්වාගෙන ගිය බව දන්නෝ දනිති. ඕනෑම ඡායාරූප ශිල්පියෙකුට තම ඡායාරූපක් එහි ලෙඩ දුක්, ගුණ දොස් විචාරන්නට දෙපැයක කාලයක් එතුමා වෙන් කර තිබුණි. ඡායාරූප පමණක් නොව මිනිසුන් ද, දේවල්, ද්‍රව්‍ය, බඩු භාණ්ඩ බවට පත් කර ගත් සේරිවාණිජ පරපුරට දොස්තර වීරකෝන්ලා අමතකවයාම පුදුමයක් නොවේ.

අද අපි එකතු වී සිටින්නේ දොස්තර වීරකෝන්ලාගේ පරපුරට අයත් වූ නිශ්චල ඡායාරූපය නොව චලන චිත‍්‍රයේ හෙවත් සිනමාවේ මෙන්ම රූපවාහිනියේද පෙළහර පෑ මීගමුවට ඥාතිකම් කියන විශිෂ්ට සිනමාකරුවෙකුගේ වෙනස් ආකාරයක සමුගැන්මකට සුභ පතන්නයි.

ඡායාරූපශාලා සියගණනින් වැඩි වුවද 70 දශකයේ අග තිබූ සිනමාශාලා 360, 140 දක්වා අඩුවී ඉනුත් හොද සිනමාශාලා අතේ ඇඟිලි ගානට අඩු වූ සිනමා කර්මාන්තයක් තිබෙන රටක බොහෝ විට සිනමාවේ තිරය පිටුපස කාර්යයට උර දුන් ජයමාන්නයන්ව අගයන්නට මේ ටික දෙනා සිටීමද සතුටකි.

මා ඇන්ඩෲ ජයමාන්නයන්, දොස්තර වීරකෝන්ගේ පරපුරට අයත් යැයි කීවේ කලා වෙළඳාම වෙනුවට කලා නිර්මාණය, තමා පොර වීම වෙනුවට අනෙකාට අත දීම, හීනව ගැතිකම් පානු වෙනුවට අදීනව නොගැතිව පෙනී සිටීම තමා අනුදත් කලාව තුළ එඩිතරව ක‍්‍රියා කිරීම, තමා අතපෙවූ කලාවට අවංකවීම ජීවිත වටිනාකම් සේ සැලකූ පරම්පරාවට ඔහු අයිති බව කියන්නයි. අනෙක් අතට ජයමාන්නයන් නමින්ම අයත් වූයේ ලෙස්ටර් ජේම්ස් පීරිස්, ටයිටස් තොටවත්ත වැනි බටහිර ආභාෂය ඇති එහෙත් ගැති නැති දූපත්වාසී මානසිකත්වයෙන් ඔබ්බට ගිය නිදහස් මනසක් සහිත කණ්ඩායමටය.

ඇන්ඩෲ යන ඉංග‍්‍රීසි නමේ සිංහල අරුත වන්නේ වික‍්‍රමවත් නැතිනම් වික‍්‍රමාන්විත යන්නයි. ඇන්ඩෲ ජයමාන්නයන් ඇදහූ ක‍්‍රිස්තියානියේ කිතුතුමන්ගේ නිර්භීත ශ‍්‍රාවකයෙකුට ද ඒ නම විය. මා ඇන්ඩෲ ජයමාන්නයන් දකින්නේ තම අරුතට ගැලපෙන පරිදිම තම විෂය ක්ෂේත‍්‍රය තුළ වික‍්‍රමයක් සිදු කළ වික‍්‍රමවත් මිනිසෙකු ලෙසය. තාක්ෂණය ඉතා අඩු, ප‍්‍රාග් ධනය ඉතා අඩු කාල වකවානුවක ඇන්ඩෲ ජයමාන්නයන් ඔහුගේ පරපුර සමඟ කළ වික‍්‍රමාන්විත ක‍්‍රියා, සිංහල සිනමා ඉතිහාසයේ එක් පරිච්ඡේදයක සටහන් විය යුතුමය. එහෙත් ඉතිහාසය පුරාම සිදුවූවා සේ රජුන් මැති ඇමතියන්ගේ වන්දිභට්ටයින් විසින් සිංහල සිනමාවේ මහා වංශය ලියන විට අධ්‍යක්ෂකවරු, නළු නිලියන් මැති ඇමතිවරු ප‍්‍රමුඛ වී පස්සෙන් වැටී ප‍්‍රශස්ති නොගැයූ ජයමාන්නයන් වැන්නවුන්ට අදාල පරිච්ඡේද නොලියවෙන්නට ඉඩ කඩ ඇත.

ඒ නිසා කෘතඥතාව හොද ගුණධර්මයක් නොව සියලූ හොඳ ගුණධර්මයන්හි මූලාරම්භයය යන සත්‍යය පසක් කරමින් අද මේ උත්සවය සංවිධානය කිරීමට ද මුල් වූ ධර්මසිරි බණ්ඩාරණායකයන් වැන්නවුන් විසින් අවංකයන්ගේ සිනමා වංශය ලිවිය යුතු යැයි මම සිතමි. අද පැවැත්වෙන මේ සරල චාම් උත්සවය ඇගයුම එවන් උත්සාහයක් ලෙස අගයමි.

රුසියානු මහා ගත්කතුවරයෙකුගේ බිරිඳ ගැන ලියැවුණු පොතක් සිංහලට පරිවර්ථනය වී තිබුණේ "මහා පුරුෂයෙකුට බිරිඳක්ව" යනුවෙනි. එසේ නොකියා ඒ කතාව "මහා ස්ත‍්‍රීයකගේ කතාවකි" යනුවෙන් හඳුන්වන්නට බැරිදැයි එය කියවන විට මට සිතුණි. මහා පුරුෂයෙකුගේ සෙවනැල්ලට මහා ස්ත‍්‍රීයක් වැසී ගියා සේ ලංකාව තුළ මහා සිනමාකරුවන්ගේ සෙවනැල්ලට ඇන්ඩෲ ජයමාන්නයන් නැමැති සිනමා පෞරුෂය ද වැසී ගියා දැයි මට සිතේ. නමුත් මා තිරසරව පවසා සිටින්නේ ඇන්ඩෲ ජයමාන්න සිනමාවේ මහා පුරුෂයෙකු බවයි. මහා පෞරුෂයක් බවයි.

සැලෝලයිට් පටිය තුළ බයිස්කෝප් වෙනුවට සිනමාව සිත්තම් කිරීමට පුරෝගාමී වූවන් අතර ජයමාන්නයන්ද දැවැන්තයෙකි. අධ්‍යක්ෂකවරයාගේ මාධ්‍ය වූ සිනමාවේදී කැමරා අධ්‍යක්ෂකවරයා, කාර්මික ශිල්පියා එතරම් මතු වී නොපෙනුනත් ඔහුට සිනමාවේදියා යැයි ව්‍යවහාරයේ නොවුනත් මා සිතන්නේ ජයමාන්නයන් සිනමාවේදියෙකු බවයි.

ඇන්ඩෲ ජයමාන්නයන් සතු සිනමා දැනුමෙන්, පරිචයෙන්, ප‍්‍රතිභාවෙන්, අංශුමාත‍්‍රයක්වත් නැති සේරිවාණිජ කලා භෂ්ටයන් මහා සිනමාකරුවන් සේ ප‍්‍රතිරූප සාදා ගන්නා විපරිත වාණිජ ලෝකය තුළ දේශපාලන වන්දිභට්ටයින් හා දේශපාලන තෙල් බෙහෙත්කරුවන් වූ කලා විහීන කලාකරුවන් නොවන කුලීකරුවන් සම්මානයට, උපහාරයට, පිනාචාර්ය පදවියෙන් පිදුම් ලැබීමට ලක් වන දේශපාලන ලෝකය තුළ ජයමාන්නයන්ට එවැනි ගෞරව නාමයක් නොලැබීම, එවැනි දේශපාලන උපහාරයක් නොලැබීම ඔහුට ගෞරවයක් සේ සැලකිය හැකිය.

රුසියානු සංස්කෘතික මධ්‍යස්ථානයේදී පැවැත්වෙන මේ ඇගයුම් උළෙලේදී ජයමාන්නයන්ගේ වැදගත් කාරණය ලෙස මා දකින දේ කියන්නට සුදුසුම උපමාව වන්නේ වින්ගීස් ආයිත්මාතව් නම් රුසියානු ගත්කරුගේ ගුරු ගීතයේ දුයිෂෙන් චරිතයයි. ජයමාන්නයෝ මෙරට සිනමා ඉගැන්වීමේ මහා ඇඳුරාණන් කෙනෙකි. රාජ ගුරු කෙනෙකි. ඔහු විධිමත් ශාස්ත‍්‍රාලීය අධ්‍යාපනයකින් සිනමාව පිළිබඳ උපාධි හදාරා නොතිබුණද සිනමාව පිළිබඳ ඔහු උපයාගත් දැනුම නිර්ලෝභීව බෙදා දුන් දුයිෂෙන් ගුරුතුමා විය. සිනමා පාසලක් නොමැති යුගයක ලාංකීය සිනමාවේ දුයිෂෙන් පාසල සේ සැලකිය හැකි OCIC සිනමා පාඨමාලාවේ මහැදුරු ඔහු විය. ඔහුගේ ගෝලයෝ සත් සමුදුර තරණය කර විසල් ජයග‍්‍රහණ ලබන විටද ඔහු අද දක්වා අලූත් පරපුරකට සිනමා දැනුම බෙදා දෙන පරණ පුරුදු මිනිසාම ය.

අප පවත්වන මේ කතාව සභාව හඳුන්වා දීමේදී ජයමාන්නයන් හා පල්ලිය අතර සබඳතාවයන් ජයමාන්නයන්ගේ ක‍්‍රිස්තු අනුගාමිකත්වයත් ගැන යමක් කීමටද ආරාධනයක් විය. අප දකින්නේ කිතු තුමා කී වෛද්‍යවරයෙකු අවශ්‍ය වන්නේ රෝගීන්ටය යන වදන තුළ පිහිටා ඔහු සිනමාව ගැන මෙලෝ හසරක් නොදන්නා අයට ඇතැම් විට සා.පෙළ උ.පෙළත් අසමත් අයටද සිනමා දැනුම කිසිදු ගුරු මුෂ්ටියක් තබා නොගෙනම බෙදා දුන් මිනිසෙකි. යහපත් එඬේරෙකි. මෙහෙ වරෙන්, මේක කරපන්, මොකක්ද මේ කෙරුවේ, මේකද උඹට ඉගැන්නුවේ වැනි සැර වචන කුණු බැනුමක් සේ පෙනුනද ඒ තුළින් ඔහු ඉගැන්වීමට තිබූ කැපවීම ප‍්‍රකාශ කළේය.

ඔහු සිනමා ක්ෂේත‍්‍රය තුළ බිය නැති පර්යේෂකයෙකු විය. තමා කැප වූ කාර්යය අකුරටම ඉටු කිරීමට උත්සහ කළ මිනිසෙකු විය. ඒ නිසාම ඔහු තමාගේ ක්ෂේත‍්‍රයට මෙන්ම උපන් බිමටද ණය නැති මිනිසෙකි. ගැත්තන් හීලෑ වුවන්, වසල වෙළෙන්දන් එහෙත් නොමැතිනම් මුනිවත රකින්නන් පමණක් ඉල්ලා සිටින අදීන මිනිසුන්, සන්සුන් නොගැති ජීවිත පතන මිනිසුන් පලවා හරින ආශ්චර්යමත් මව් බිමක් හමුවේ තම දුවා දරුවන් සිටින විදේශයකට තම ජීවිතයේ එළඹෙන සන්ධ්‍යා සමය ගතකිරීමට යාමට සූදානම් වන මේ මොහොතේ ඔහු අගයන, ඔහුට සමුදෙන මේ හමුව තුළ අපට කිව හැක්කේ ඔබ මේ බිමට ණය නැති මිනිසෙකු බවයි. ඔබේ හැරයාම මව්බිමට මිස ඔබට දුකක් නොවිය යුතු බවයි.

කවුරුන් ඉදිරියේ වුව නොබියව නොපැකිලව සිනමාව ගැන කතා කළ හැකි ප‍්‍රත්‍යක්ෂ දැනුමක් ඔහු සතු විය. ඔහු ඉතාම ආධුනියන්ට වුවද දැනුම දීමට කැප වූ නොනස්නා තාරුණ්‍යයෙන් හා නොපසුබට වීර්යයෙන් යුතුව තමා සතු සිනමා ඥානය අන් අය හා බෙදා ගැනීමට නොසන්සිඳෙන ආශාවක් ඔහු සතු විය. මේ කරුනු ද්විත්වය ගැන අපේ අත්දැකීම් දෙකක් පවසන්නට මා කැමතිය. මා ගුරුවරයෙකු ලෙස සේවය කරන බාලිකා පාසල වෘතාන්ත සිනමා පටයක් කිරීමට සැලසුම් කළ අවස්ථාවේදී එයට එරෙහිව ආ මතවාද වලට පිලිතුරු දිය හැකි පිළිගත් චරිතයක් මා විසින් සොයද්දි පෝරුතොට පියතුමා නිර්දේශ කළේ ජයමාන්නයන්වය. ජයමාන්නයෝ පාප්තුමන්ලාව පවා උපුටා දක්වමින් අදහස් දැක් වූ පසු සියලූ විරුද්ධ මතවාද නිහඬ විය. දැරියන් දුටු සිනමා සිහිනය සැබෑ වන්නට ඒ ප‍්‍රබල ප‍්‍රත්‍යක්ෂ අදහස් මුල් විය.

දෙවැන්න නම් අප මීට මාස කිහිපයකට පෙර ඉතාමත් ආධුනික පිරිසකට සංවිධානය කළ සිනමා පාඨමාලාව ජයමාන්නයන් මෙහෙයවූ ආකාරයයි. ඔහු පුරා තෙදිනක් පාන්දර තුන හතර වන තුරු අවදිව මේ ආධුනිකයන් සමඟ ගනුදෙනු කළ ආකාරය ඒ තරුණ පිරිසට අභියෝගයක් විය. ජයමාන්නයන් අප දකින්නේ 'සනත් කුමාර' කෙනෙකු ලෙසිනි. එනම් සනාතන හෙවත් සදාතනික තරුණයෙකු ලෙසයි. තවමත් ඔහුට තරුණයන් සමඟ තරුණයෙකු ලෙස වැඩ කළ හැකිය. ඔහුගේ දැනුමද සැමදා තරුණය.

ජයමාන්නයන් මෙන්ම වැඩකිරීමෙන් උකහාගත් දැනුමෙන් පෝෂිත පෝරුතොට පියතුමා ඔහුගෙන් වැඩ ගත්තේය. පෝරුතොට පියතුමා OCIC පාඨමාලාවේ භාරකාර නිර්මාතෘ වෙද්දී ඔහු එහි දිසාපාමොක් ආචාර්යවරයා විය. එහෙත් අවාසනාවක් වන්නේ පෝරුතොට පියතුමාගෙන් පසු ඔහුගෙන් ඒ තරම් වැඩක් ගන්නට නොහැකි වීමයි.

ඉතින් ජයමාන්නයෙනි මෙරට සිනමාවට දර දිය ඇද්ද බොහෝ විට පෙර හැරේ නොගිය අද ද පළමු පේලියේ නොව තුන්වෙනි පේලියේ වාඩි වී සිටින ඔබ, කොට ඇද්ද මහා සිනමා හස්තිරාජයෙකි. මා පෙර කී ලෙස මදක් වසා දැමුණු චරිතයක් සේ පෙනී ගියද ලාංකීය සිනමා ඉතිහාසයේ වසා දැමිය නොහැකි පෞරුෂයකි. ඔබ....

වැඩ කිරීම පිලිබඳ ඔබ පෙන්වූ සනාතන තාරුණ්‍යයේ අභියෝගය බාරගන්නට අපි සියල්ලන්ට හැකි වේවායි පතමු. ඔබ අපට අභියෝගයකි.
වෙනත් සබැඳි |
Andrew Jayamanne- Wikipedia
මේ වියමන ඔබේ මූණු පොතට එක් කරන්න-
Tags- Andrew Jayamanne, Andrew Jayamanna, Sri Lankan Cinematographer, Film director, Film producer, Dr. M.S.N Weerakoon
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මහින්ද නාමල් ගෙන් තවත් වියමන්
අදහස්
"වෙනූෂා" කියවීම සහ නව යෞවනයේ සැබෑ අර්බුදය හඳුනා ගැනීම
තවත් Cine බූන්දි
බස්‌සා තටු සලන ගොම්මනේ නැටීම- ධර්මසේන පතිරාජගේ 'ස්‌වරූප' ගැන විචාරයක්‌
"මේ රට මගෙ නෙවෙයි; මගෙ අම්මගෙත් නෙවෙයි" සමඟ "28" කියවීම
යුක්තිය ජය ගැනීමට 'දුෂ්ටයාගෙන්' පළිගැනීම- ඇස්ගාර් ෆර්හාඩිගේ The Salesman
විපරීත යුගයක තරුණ සිනමාව
ආලෝකය නොදිටිමි!
බූන්දි නව ඊමේල් ලිපිනය- editorial@boondi.lk
BoondiLets
රෙනේ මැග්‍රිට් කියයි.
ජීවිතය මොනවා හෝ කරන්නැයි මට බලකරයි; ඉතින් මම චිත්‍ර අඳින්නෙමි!
What's New | අලුතෙන්ම
අදහස්| ගල්කිස්සේ ප්‍රහාරය: අන්තවාදයේ නරුම මුහුණුවරයි!

2-Mins

(තාරක වරාපිටිය) මේ මොහොත වනතාක් බුරුමයේ හෙවත් මියන්මාරයේ ඇතිවී තිබෙන අර්බුදය යනු සිරියාවේ, ඉරාකයේ හෝ ලිබියාවේ ඇතිවුණු/ ඇතිකළ අරාජිකත්වය තුලින් මතුවූ මුස්ලිම්... [More]
වෙසෙස්| සංචාරක ව්‍යාපාරය, අධිපාරිභෝජනය සහ ශ්‍රී ලංකාව

3-Mins

(සංඛ කිරිඳිවැල) සංචාරක කර්මාන්තය ලෝකයේ ප්‍රමුඛතම කර්මාන්තයක් වන අතරම සීඝ්‍රතාවයකින් වර්ධනය වෙමින් පවතී. එය ඊටත් වඩා සැලකිය යුතු වේගයකින් ලංකාවේ වර්ධනය වෙමින්... [More]
BoondiLets| ෆෙඩ්රික් නීට්ෂේ කියයි.
(සඳකාන්ත) රකුසන් හා යුද වදින්නන්, එ් කාර්යය නිසාම රකුසන් බවට පත් නොවීමට වග බලාගත යුතුය. අැති පමණ කල් අාගාධයක් පතුලට නෙත් යොමා සිටියොත් අාගාධය ද පෙරළා... [More]
අදහස්| [සරදගේ ලියුං හැකින්ස්]- මැතිවරණ කොමසාරිස්ට ජේ.ආර්.ගෙන් ලියුමක්!

2-Mins

අපේ මැතිවරණ කොමිසමේ සභාපති මහින්ද දේශප්‍රිය මගේ හොඳ යාළුවෙක්. නිතර මට කෝල් කරනවා. ‘මැතිවරණත් තියන්නේ නැති එකේ හරි කම්මැලියි බං...... [More]
කතන්දර| "වීර යට්ටෝගේ සහ තෙයූන්ගේ කතන්දරය"- රුසියානු ළමා කතන්දරය [වීඩියෝව]

18-Secs

පොඩිත්තන්ට රුසියාවෙන් කතන්දරයක්- නෙන්ත් ජනකතාවක් ඇසුරින් ජාන්නා විටෙන්සොන් විසින් ලියන ලද, ලියනීඩ් ආරිස්තොව් විසින් සිත්තම් කරන ලද, "වීර යට්ටෝගේ සහ... [More]
කරන්ට්ස්| අපේ හුස්ම බිංදුව තියෙන්නෙම උඹ ළඟයි දුවේ!

40-Secs

(තුෂාරි ප්‍රියංගිකා) බඩගින්න නිසා වමනය කළ පාසල් දැරිය ගැබිණියකැයි චෝදනා කොට විදුහල්පතිනිය විසින් ඇය පාසලින් අස් කරයි.
-පුවතක්


කුළියක් කරන් රෑ දාවල පිරිමහලා
දවසට වරක් විතරම විටෙකදි කාලා
දරුවට උගන්නන්නම වීරිය යොදලා... [More]
කවි| මාතෘ වාට්ටුව ඉදිරිපිට මල් පිපුණු සල් ගස

30-Secs

(පද්මිණි ශ්‍රියාලතා ) මායා මව් බිහිකරන විට ලොවට බුදු පුතෙක්
අතු නමා පාත් කර සැනසුවේ සල් ගහක්
මල් නෙළන්නට කියා එක වසරෙ ‍පෙළ පොතක්
කාලයක් දරුවනට පෙන්නුවෙත් සල් ගහක්

මේ මෙතන තිඹිරිගෙයි ඉදිරිපිට රෝහලේ... [More]
අදහස්| ගබ්සාව සහ දෙවියන් වහන්සේගේ සැලැස්ම!

3-Mins

(තාරක වරාපිටිය) "දරුවෙක් උපදිනවා කියල කියන්නේ, දෙවියන් වහන්සේගේ සැලැස්මෙනුයි ජීවිතය උදා වෙන්නේ. එක දරුවෙක්වත් දේව සැලැස්මෙන් පිට ඉපදෙන්නේ නැහැ." යෝජිත ගබ්සා නීති... [More]
ගී කිය(ව)මු| සඳ, හොරෙන්- හොරෙන්- හොරෙන්- බලමු!

4-Mins

(ඩිල්ෂානි චතුරිකා දාබරේ) ප්‍රේමයට රාත්‍රිය මහෝපකාරීවන්නේ යම් සේ ද ශෘංගාරෝද්දීපනයට සඳ සතු කාර්යභාර්ය ද එසේ ම වේ. ළමා ලපටියන් සඳ දකිනුයේ සිය කුටුම්බ... [More]
කතන්දර| සරසවි ශිෂ්‍යයාගේ මරණය

6-Mins

(සහන් කසීර වික්‍රමසිංහ) ප්‍රවෘත්ති සංස්කාරක තුමනි,
සති දෙකකට උඩදි ගෙලවැල ලාගෙන සියදිවි නසාගත් 'කසුන් හේරත්' නම් සරසවි ශිෂ්‍යයාගේ (ශිෂ්‍ය සංගම් නායකයෙක් ලෙස ද... [More]
කවි| ප්‍රේමයක් ඇති වුණේ නෑ!

45-Secs

(භාතිෂ අකලංක සිල්වා) එක ගමේ, ළඟ ගෙවල්,
එක වයස, ඒ වුනත්
කළු කෙල්ලෙ නුඹේ ගැන
කිසිදාක මගෙ හිතේ
ප්‍රේමයක් ඇති වුණේ නෑ!... [More]
කතන්දර| "එඩිසන්ගෙ අම්මා"- ළමා කතන්දරය [වීඩියෝව]

12-Secs

තෝමස් අල්වා එඩිසන් කියන මහා විද්‍යාඥයා ගැන චූටි ටීචර් කියන අපූරු කතාවක්-

Voiced by- Masha Suwani and Nayomi Gunasiri
Script and Animated... [More]
අදහස්| විභාගය ගොඩ යාමට ඥාන පූජාව!

2-Mins

(තාරක වරාපිටිය) ස්ථානය- වේයන්ගොඩ, පත්තලගෙදර බෝධිමංගලාරාමය විහාරස්ථානය
නිමිත්ත- ශිෂ්‍යත්ව විභාගය වෙනුවෙන් පෙනී සිටින සිසු-සිසුවියන් හට උසස් ප්‍රතිඵල ලබා ගැනීම උදෙසා පවත්වනු ලබන විශේෂ... [More]
අදහස්| [සරදගේ ලියුං හැකින්ස්]- සිරිසේන මහත්තයාට ලියා ඔප්පු කරන වග නම්...,

2-Mins

සෑර්,

සෑර් කැකිරාව පැත්තේ ඇවිල්ල කුඹුරු ටිකක් එහෙම හාලා දීලා, මදිවට වගා සංග්‍රාමයක් එහෙමත් පටන් ගන්නව කියල ආරංචියක් ආව. ආසාවේ උහුලගන්ඩ... [More]
කවි| පටාචාරා

1-Mins

(ප්‍රියලාල් කොග්ගලගේ) සැවැත් නුවරත් නොවෙයි, සිටු කුලේකත් නොවෙයි පටාචාරා ඉපදුණේ
බුදුන් වැඩියත් රජුන් නොවඩින ඈත දුර මහියංගණේ
ඈ කැටුව ආ දාසයා වෙමි ඉපිද ඈ පිළිබඳ සෙනේ
අතු පැහීමයි ගෙඩි කැඩීමයි දත් එකම ශිල්පය වුණේ

පුතෙකු වැදුවා, දුවක වැදුවා මමත් පොඩි අතුපැලක් හැදුවා... [More]
රංග| දෙවියන් බුදුන් මැරී බොහෝ කල්ය! -"මායා බන්ධන"- විචාරාත්මක විමර්ශනයක්

10-Mins

(ප‍්‍රනීත් චානක මුරමුදලිගේ) වත්මන

පරමාදර්ශී කලාවන්ට කණකොකා හඬන 2017 වැනි යුගයක, තරුණ නාට්‍යකරුවන්ට සෙත්ශාන්තියක් මෙන් වූ ජාතික තරුණ සේවා සභා නාට්‍ය තරඟාවලිය මෙවරත් යම්... [More]
පරිවර්තන| අඳුරු ගොම්මනක කතාව

16-Secs

(ෆතීක් අබූබකර් | මාලතී කල්පනා ඇම්බ්‍රෝස්) මැටි බඳුන
පිරී යයි
මා හෙවත්
පිරියම් නො කළ
වදනින් ...
සිත්තම් කරමි... [More]
කවි| නෙළුමෙහි කුහුඹු මිනිසාට

24-Secs

(දුලන්ජන් විතාරම) වළාකුළු සිඹී ඉහළට නැගුනාම
බලා නෙත් අහස මුදුනේ රැඳුනාම
රවා බලන ඉර තරහින් බැලුවාම
නිවා විඩා දුරලා නුඹ ගනු කෝම

පියාඹන කාක පෙරහැර නිරන්තරේ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook