Facebook
Twitter
Google+
YouTube
Blog
RSS Feed
වෙසෙස් බූන්දි
"කොල්ලෙක් වුනාම නාවලා ගෙට ගන්න බැරියැ" කියු කාලය ඉවරයි- පිරිමි ළමුන්ද ගැහැණු ළමුන් මෙන් අපයෝජනයට ලක්වේ..!
බූන්දි, 08:37:31
දරුවන්ගේ කුඩා කාලයේ අත්දැකීම් වැඩිවිය පෝෂණය කරයි. පිිරිමි ළමුන් හට කුඩා අවධියේදි නිසි ආරක්ෂාව සහ රැකවරණය සැලසීම තුළින් අනාගතයේ හිංසකාරි නොවන තරුණයන්, යහපත් සැමියන්, ආදරණිය පෙම්වතුන් සහ හොඳ පියවරුන් වීමේ අවකාශය වැඩි වේ. කුඩා කාලයේදි ළමා අපචාර වලට ගොදුරු වූවන් මෙන්ම, ගෘහස්ථ හිංසනය සහිත පවුල් වල ඇති දැැඩි වුවන්ද වැඩිවියට පත්වු පසු හිංසාකාරී ලෙස හැසිරීමේ ප‍්‍රවණතාවය වැඩිය. තම මව වෙත සිදු වන හිංසාකාරී බව නිතර දකින පිරිමි දරුවා වැඩිවියට පත්ව විවාහ වු පසු තම බිරිඳට ආදරණීය ලෙස සලකන්නේ කෙසේද කියා සමාජානුයෝජනය තුළින් දැැනුවත් නොවේ. කොළඹ, හම්බන්තොට, නුවරඑළිය සහ මඩකළපුව යන දිස්ත‍්‍රික්ක හතරක කෙයාර් ශ‍්‍රී ලංකා ජාත්‍යන්තරය (Care International) විසින් කරන ලද අධ්‍යයනයකට අනුව පිරිමි ළමුන් මුහුණ දෙන ලිංගික අපචාරයන්, නිවසේ ඇති ගෘහස්ථ හිංසනයන්, කායික සහ මානසික අපයෝජනයන් ඔවුන් වැඩිහිටියන් වු පසු ස්ත‍්‍රී පුරුෂ සමාජභාවය මත පදනම්වු හිංසාකාරි හැසිරීමක් ඇති කර ගැනීම සමග සම්බන්ධයක් ඇති බව පෙනී ගොස් ඇත. මෙලෙස අපචාරයන්ට ගොදුරු වූ ළමයින්ගෙන් තුනෙන් පංගුවක් පමණ වැඩිහිටියන් වු පසු ගෘහස්ථ හිංසනයේ යෙදෙන බව මෙම අධ්‍යයනය පෙන්වා දෙයි. එසේ වුවද කුඩා අවදියේ ළමා අපචාර වලට ගොදුරු වූ සියළුම පිරිමින් වැඩිහිටි වියේදී හිංසනයේ යෙදෙන්නේ යැයි නිගමනය නොකළ යුතුය. මෙහිදි අවධාරණය කල යුත්තේ කුඩා කල හිංසනයට හා අපචාරයට ලක් වුවෝ ඇතැම් අවස්ථා වල වැඩිවියට පත් වූ පසු හිංසාකාරි වීමේ හෝ මානසික ආතතින්ට මුහුණ පෑමේ සම්භාවිතාවක් ඇති බවයි.

කාන්තාවන්ට සහ ගැහැණු දරුවන්ට සිදුවන අපරාධ නිරන්තරයෙන් වාර්තා වුව ද, පිරිමි දරුවන්ට සිදු වන ලිංගික අපයෝජනයන් පිළිබඳ අවධානය යොමු වීම ආරම්භ වුයේ 1990 දශකයේදි පමණය. විශේෂයෙන්ම වෙරළ බඩ ආශ‍්‍රිත සංචාරක ව්‍යපාර හරහා බැඳුනු ළමා ලිංගික අපචාර හා වාණිජ ලිංගික සුරා කෑම වාර්තා වීමට පටන් ගන්නා ලද්දේ මෙම වකවානුවේදීය. නමුත් නිවස තුල මෙන්ම පොදු සමාජය තුළ තවමත් පිරිමි ළමුන්ට එරෙහිව සිදු වන හිංසන හා ලිංගික අපරාධ වාර්තා වන්නේ අඩුවෙනි. ශ‍්‍රී ලංකාවේ පවුල තුළ සිදු වන අපයෝජන වැඩි බව දත්ත වලින් පෙනී ගියත් පවුලෙන් පරිබාහිර පාසැල්, ටියුෂන් පන්ති, ළමා සුරැකුම් මධ්‍යස්ථාන, තාවකාලික රැඳවුම්භාර මධ්‍යස්ථාන වල සහ සම වයසේ පසුවන්නන්ගෙන්ද පිරිමි දරුවන් අපචාර වලට ලක් වේ.

කෙයාර්(Care) අධ්‍යනයට අනුව ළමා කාලයේ සිදුවන අපචාර ගැන පිරිමින්ගෙන් තුනෙන් දෙකකට වැඩි ප‍්‍රමාණයක් වාර්තා නොකරන අතර පිරිමින්ගෙන් 1/3 තුනෙන් එකක ප‍්‍රමාණයක් වාර්තා කරති. මෙම 1/3 තුනෙන් එකක ප‍්‍රමාණයක් ඔවුන්ගේ කැමැත්තෙන් තොරව කලවා, තට්ටම්, වෘෂණ කෝෂ ඇල්ලීම හෝ බලහත්කාරයෙන් තවත් කෙනෙකුගේ රහස් ප‍්‍රදේශ ස්පර්ශ කරවා ගැනීම වැනි විවිධ ස්වරූපයේ ලිංගික අපචාර ගැන ඔවුන් අනාවරණය කරති. ළමා කාලයේ තමන් ලිංගික ස්වරුපයේ අනවශ්‍ය/අකමැති සිද්ධින්ට මුහුණ දුන් බව පිරිමි දස දෙනෙකුගෙන් එක් අයෙක් වාර්තා කළේය. එසේම පුද්ගලයින් දස දෙනෙකුගෙන් එක් අයෙක් තමන්ගේ කැමැත්තකින් තොරව ඔවුන්ට බලෙන් නිරුවත් පින්තුර පෙන්නු බවද ප‍්‍රකාශ කළේය. මෙම අධ්‍යයනයට අනුව කොළඹ, හම්බන්තොට, නුවරඑළිය සහ මඩකළපුව යන දිස්ත‍්‍රික්ක හතරෙන් ලිංගික අපචාරයට වැඩි පුර ලක් වූ පිරිමි ඇත්තේ කොළඹ දිස්ත‍්‍රික්කයේ වන අතර, නුවරඑළියේ සෑම තුන් දෙනෙකුගෙන් එක් අයකු මෙම තත්වයට මුහුණ දී තිබුණී. හම්බන්තොට හා මඩකලපුවේ මෙම අනුපාතය පිරිමි පස්දෙනෙකුට එක් අයෙක් විය. මෙම පිරිමි අය අපචාරයන්ට ලක් ව ඇත්තේ පවුලේ සාමාජිකයන් ඇතුළු ළමයා හොදින් දන්නා හඳුනන පුද්ගලයින් වන පවුලේ මිත‍්‍රයින් හා වයස් ගත පිරිමින්ගෙන් වීම කණගාටුවට කරුණකි. අද කාලයේ පිටස්තර පිරිමියෙකුටවත් පිරිමි දරුවෙකු ඕනෑවට වඩා ආශ‍්‍රය කිරිමට ඉඩ හැරිම අවදානම් බව මෙයින් පෙනී යයි. අප ජීවත්විය යුත්තේ සැක සහිතව නොව අවධානයෙනි. පිරිමි දරුවන්ගේ තත්වය මෙසේ නම් ගැහැණු දරුවන්ගේ තත්වය ගැන කවර කතා ද?

මෙවන් තත්වයන් ඇති වීමට පිරිමි ළමුන් හා ගැහැණු ළමුන් කෙරෙහි වෙන් වෙන් වශයෙන් ඇති කරන ලද සමාජ මත, ප‍්‍රස්ථා පිරුළු, ආප්තෝපදේශ, අනන්‍යතා සීමාකරණයන් නැතහොත් ඒකාකෘතින් ඉවහල් වේ. උදාහරණ ලෙස "පිරිමි ළමයෙක් නම් නාවලා ගෙට ගත හැකි, ගෑනු ළමයි තමයි හොඳට බලා ගන්න ඕනේ" යන මතය සමාජය තුළ මුල් බැස ගත් මතයකි. මෙවන් මත නිසා දෙමාපියන් විසින් පිරිමි ළමුන් නොදැැනුවත්වම නොසලකා හැරීමකට භාජනය කරයි. එසේම පිරිමි දරුවා ගැන අවධානය යොමු නොකිරිමෙන් ඔවුන් පාසැල් වලින් නෙරපී යෑමට, මත්ද්‍රව්‍ය හෝ දුම්වැටි භාවිතයට වෙනත් සමාජ ව්‍යවසන වලට ගොදුරු වේ. මෙලෙස ඉවක් බවක් නැතිව කුඩා පිරිමි දරුවන් රස්තියාදු ගැසීමට යෑමෙන් නරක ඇසුරට වැටී, යම් යම් කල්ලි සමඟ එක් වී අනාගතයේ අපරාධකරුවන් වීමට පවා ඉඩ ඇතිවේ. මේ නිසා ගැහැණු දරුවන්ට මෙන්ම පිරිමි දරුවන්ටද රැකවරණය සහ ආරක්ෂාව නිසි පරිදි සැපයිය යුතුය.

කුඩා කල ඉගෙන ගන්නා ගීත, කවි, නාට්‍ය, චිත‍්‍රපටි, ජාතක කථා, ප‍්‍රස්ථා පිරුළු, ආප්තෝපදේශ, ජනප‍්‍රිය ටෙලිනාට්‍ය, වෙළඳ දැැන්වීම්, සංස්කෘතික ව්‍යවහාර, නවකථා හා ළමා පොත් ඇසුරෙන් පිරිමින් හා ගැහැණුන්ට වෙන් වු ලේබල් හා ඒකාකෘතින් ඇති වේ. මේවා පිරිමි දරුවන්ට මෙන්ම ගැහැණු දරුවන්ටද අහිතකරය. එසේම පිරිමි දරුවන් හා ගැහැණු දරුවන් ඇති දැඩි කිරිමේදි පිරිමි දරුවන් තද, ශක්තිමත් දරදඬු හිත් ඇත්තන් කිරිමට සමත් ආකල්ප සමාජය තුළ ඇත. උදාහරණ පිරිමි ළමයෙකු ඇඬුවොත් "ලැජ්ජා නැත්ද ගෑනු ළමයෙක් වගේ අඬන්න" ආදි යෙදුම් පිරිමි දරුවන් මුදු මොලොක් බවට පත් කරනු වෙනුවට, හිත තද දඩබ්බර කොටසක් බවට පත් කරයි. වේදනාවට හෝ හැඬීමට නොහැකිව තද සිත් ඇතිව ජීවත් වීමෙන් පිරිමින් දියවැඩියාව, අධික රුධිර පීඩනය මෙන්ම වැඩි වශයෙන් හදෘයාබාධ වලට ගොදුරු වීමෙන් මිය යයි. ගැහැණුන්ට වඩා පිරිමින් අතර හදෘයාබාධ වැඩි වීමට හේතුවක් වන්නේ කඳුලක් ඇසට පැමිණි විට පවා නොඅඩා දරා ගෙන සිටිම නිසාය. මෙලෙස "ශක්තිමත් පිරිමින් අඬන්නේ නැත" යන භාවිතය තුළින් විශාල වියෝවක් වු විට පිරිමින් බොහෝ විට කඳුළු නොසැලීමටත්, දුක වියෝ කර ගැනීමට මත්පැන් පාවිච්චියට ඇබ්බැහි වී ක‍්‍රමයෙන් කායිකව හා මානසිකව විනාශයට ලක් වීමේ අවධානම වැඩිය.

නිවසේ තම මවගේ අදහස් වලට මුල් තැන ඇති නිවසක ඇති දැඩි වන පිරිමි දරුවන් බිරිඳගේ අදහස් වලට සවන් දෙන්නෙකු බවට පත් වීමට ඉඩ ඇත. කාන්තා අදහස් උදහස් වලට ගරු කරන පරිසරයක හැදෙන වැඩෙන පිරිමියා වැඩ කරන ස්ථානයේ කාන්තාවන්ගේ අදහස් වලට ගරු කිරිමට පෙළඹෙයි. එසේම තම පියා විසින් තම මවට සිදු කරන ගෘහස්ථ හිංසන අත්දැක ඇත්තකු විවාහයට පත් වු පසු තම බිරිඳට ආදරය හා ගෞරවය දක්වනනේ කෙසේදැැයි නොදැන වැඩිවියට එළඹේ. මෙලෙස කුඩා කාලයේ සිදු වන හිංසන මානසික පීඩා හා ලිංගික අතවර හේතුවෙන් පිරිමි දරුවන් වැඩි වියට පත් වු පසු සමාජය තුළ නිසි පරිදි අනුකලනය වීමට බාධා ඇති කරයි. ඇතැම් ගෘහස්ත හිංසන නිසා තම මවගේ මරණය පවා දුටු පිරිමි දරුවන් සමාජය තුළ ඇති දැඩි වන්නේ කෝපයෙන් සහ වෛරයෙනි. එසේම බීමත්ව පැමිණ මවට තඩිබාන පියවරුන්ගෙන් මව බේරා ගැනීමට ඉදිරිපත් වන පිරිමි දරුවන් තමා පියාට පහර දී ළමා අපරාධකරුවන් බවට පත්ව රැඳවුම් කඳවුරු වල පුනරුත්ථාපනයට යවන අවස්ථා අනන්තවත් පුවත්පත් වලින් අප දැැක ඇත.

මේ සියලු සිදුවීම් වලින් සනාථ කරන්නේ ගෘහස්ත හිංසන හෝ ළමා කල දරුවන් විඳිනා අතවර නිසා, වැඩිවියට පත් වු පසුද ඒවායේ ප‍්‍රතිවිපාක විඳිමට ඔවුන්ට සිදු වන බවයි. එසේම හිංසාවට පත්වුවන් අනාගතයේ අන් අය කෙරෙහි හිංසාකාරී විමටද ඉඩ ඇත. කුඩා වියේදි නිතරම තම පියාගෙන් ගුටි බැට කෑ පිරිමි දරුවෙකු ඇති දැඩි වු විට තම දරුවන් සමඟ ඉතා ඉක්මනින් කෝපවන කලහකාරි පියෙක් බවට පත්වීමට ඇති අවධානම වැඩිය. "අප්පා කල දේ පුතා නොකොලොත් නොට්ටිගේ පුතා" යනුවෙන් ගම් වල ඇති ප‍්‍රස්ථා පිරුලක් නැතහොත් ව්‍යවහාරයක් ඇත. මෙවන් ව්‍යවහාරයන්ගෙන්ද සනාථ කරන්නේ පිරිමි දරුවන් තම පියාගේ හැසිරිම් රටාව අනුගමනය කිරිමට ඉඩ ඇති බවයි. එසේම තම පියා විසින් මවට පහර දෙන පවුලක ඇති දැැඩි වන දරුවන් බිරිඳ හා සැමියා අතර පවතින අන්‍යෝන්‍ය පුද්ගල සම්බන්ධතාවයේ ගුණාත්මක භාවය සහ සොඳුරුභාවය නොදැැන ගනියි.

"පිරිමියෙක් වුනාම කොන්ද පණ තියෙන්න ඕන", "ගෑණීගේ කට හදා ගන්න මිනිහා දැැන ගන්න ඕනෑ", "තමන්ගේ ගෑනිටයි දරුවන්ටයි කන්න දෙන්න බැරි එකා පිරිමියෙක්ද?" යනාදි සමාජයේ මුල් බැස ගත් පිරිමින්ට අහිතකර මති මතාන්තර ඔබ විසින් අසා ඇතුවාට සැක නැත. මෙවන් ඒකාකෘතින් නිසා පිරිමින්ට වන හානිය පිරිමින් විසින් පවා හඳුනා ගෙන නැත. තම දරුවන්ට බිරිඳට කෑම බීම සැපයීමට මුදල් නොමැතිකමේ ලැජ්ජාවෙන් හා තමා වරදක් කර ඇත සිතුවිල්ල පිරිමින්ගේ සියදිවි හානි කර ගැනීම් වලට මුලික වන හේතුන් ගණනාවන් අතර එක් හේතුවකි. පොළොන්නරුවේ ගොවින් තම කුඹුරු පාළු විමෙන් ණය ගෙවා ගැනිමට නොහැකිව සහ අඹුදරුවන්ට මුහුණ දීමට නොහැකිව සිය දිවි හානි කර ගැනීම් කර ගත් ආකාරය දුටුවේද? පියා යනු හුදු ආර්ථික සැපයුම් කරුවකුට වඩා මව සමඟ එක්ව සෙනෙහස පෑමේ හා විඳ ගැනීමේ භුමිකාවේ සිටින්නකු වීමේ වැදගත්කම ගැන ලංකාවේ පවුල් වටහා ගතහොත් පිරිමින් සහ ගැහැණුන් යන දෙකොටසටම ජීවිතය සමසේ විඳිය හැකි වනු ඇත. මේ නිසා ගැහැණිය සහ පිරිමියා යන දෙදෙනාටම නිවසේ වැඩ පල වලට හවුල් වීමට හැකි වන අතර සහ කාන්තාවට ද රැකියා කිරිමට හැකි වීමෙන් තනි පුද්ගලයෙකු මත පැටවෙන ආර්ථික වගකීම ලිහිල් වනු ඇත. එසේම කාන්තාවන් නිවසට කොටු නොවි ආර්ථික ශක්තිමත්භාවය ලබා ගැනීමටද හැකි වනු ඇත. පිරිමින්ද කාන්තාවන්ගේ ගෘහස්ත කාර්යභාරයට උර දෙන ප‍්‍රමාණය වැඩි වනු ඇත. බොහෝ අය තමන් කුඩා කලදී තම පියවරුන්ගෙන් ඈත් වී කල් ගත කිරිමට සිදු වීම ගැන පශ්චාත්තාප වෙති.

ගෘහස්ත හිංසන පනත කරළියට පැමිණිමට පෙර යම් දිනෙක ගෘහස්ත හිංසනය ගැන පැමිණිලි කිරිමට ගිය කාන්තාවක් පොලිසියට ගොස් තමාගේ සැමියා විසින් පහර දුන් බව කියා සිටියාය. මෙහිදි පොලිසිය විසින් ගැහැණියගේ පැමිණිල්ල ලියා ගැනීමට මැළිකමක් දැැක්වූයේ "තමන්ගේ මිනිහා ගහන්නේ නැති නම් අල්ලපු ගෙදර මිනිහා ගහනවාද?" යනුවෙන් අසමිනි. මෙවන් අදහස් මෙන්ම පිරිමිකම පෙන්වීමට නම්, "ගැහැණිය නිතරම ආණ්ඩු මට්ටු කළ යුතුය, ගැහැණුන්ගේ කට පාලනය කළ යුතුය" යන වැරදි ආකල්ප සමාජය තුළ ඇති වීමෙන් පිරිමින් කාන්තාව කෙරෙහි හිංසාකාරි ආකල්ප සහ හැසිරිම් රටා ඇති කර ගැනීමට මඟ පාදයි. මෙවන් නිශේධනාත්මක ආකල්ප පිරිමින් හිංසාකාරි හැසිරිම් වලට තුඩු දෙන බැවින් ගැහැණුන් සහ පිරිමින් හැසිරිය යුත්තේ කෙසේද යන්න පිළිබඳ ඇති නිශේධනාත්මක ඒකාකෘතින් මඟ හැරවීමට මුලූ මහත් සමාජය විසින් ක‍්‍රියාත්මක විය යුත්තේය. එසේම පිරිමින් වෙත ආක‍්‍රමණශීලිත්වය සහ හිංසකාරි බව ආරෝපනය කරන තුවක්කු, පිස්තෝල ආදි සෙල්ලම් බඩු දීම ගැනද දෙමව්පියන් අවධානය යොමු කල යුතුය. එසේම ගැහැණු දරුවන්ට හැළි වලං සහ බෝනික්කන් දී ඇය ගෘහීය කාර්යයේ ගති ලක්ෂණ ආරෝපනය කිරිමට දරන වෙර අවම කොට ඇයට සාම්ප‍්‍රදායික නොවන සෙල්ලම් බඩුද ලබා දී ඇයගේ බාහිර ලෝකය සුවිසල් කිරිමට දෙමව්පියන් උත්සුක විය යුතුය. මේ තුළින් පිරිමින් සහ ගැහැණුන් සමාජය විසින් නිර්මිත ඒකාකෘතික ආකල්ප වලින් මිදි නිදහස් පුරවැසියන් ලෙස සමාජානුයෝජනය විමට ඉඩ සලසයිි.

එසේම පිරිමියෙකු වුණාම හොඳ කොන්දක් තිබිය යුතුය යන මතය පිරිමි මානසිකත්වය තුළ නිශේධනාත්මක ලෙස බලපෑම් කරයි. තමාගේ කොන්ද පණ තියෙන බව පෙන්වීමට යෑමෙන් රණ්ඩු සරුවල් වලට පැටලී පිරිමින් මරණයට පත් වීම, බස් රියේ හෝ දුම්රියේ් පාපුරුවේ ගමන් කිරිමෙන් අනතුරු වලට පත්වීම සහ තම පිරිමි වික‍්‍රමයන් පෙන්වීමට ගොස් ඉක්මනින් මරුමුව වැළඳගත් පිරිමින් කොපමණද යන්න මෙම ලිපිය කියවන ඔබට තේරුම් යනු නොඅනුමානයි. වැඩිපුර යුද්ධ සහ ගැටුම් වලින් මිය යන්නේද, රිය අනතුරු වලින්, බිමත් කමින්, දුම් බීමෙන් මිය යන්නේ පිරිමින්ය. මෙලෙස පිරිමි දරුවන් නොසලකා හැරිම ආදිය අවම කොට, අනෙක් පිරිමින්ගෙන් සහ සමාජයෙන් දරුවන්ට එරෙහිව සිදු වන ලිංගික අතවර වලට ගොදුරු වීම් වැලැක්වීමට නිවෙස් මට්ටමේදීත්, ප‍්‍රජා මට්ටමේදී කටයුතු කිරිම ඉතා වැදගත් වේ. මේ සඳහා පාසල්, ළමා රැකවරණ ආයතන, වෘත්තීය පුහුණු ආයතන, ළමා සුරැකුම් නිවාස, තරුණ වියේ වැරදිකරුවන් රඳවා තබා ගන්නා ආයතන, වීථි වල ජීවත් වන නිවස් අහිමි ළමයින් යන සියලු කොටස් වලට අවධානය යොමු කළ යුත්තේය.
මේ වියමන ඔබේ මූණු පොතට එක් කරන්න-
Tags- Abusing Boys, Violence against Men, Myths and Beliefs about Manliness, Sex education, Sexual Abuse, Child Abuse
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ශාමිලා දළුවත්තගෙන් තවත් වියමන්
අදහස්
තිතට මත් වන රටක කාන්තා හිංසනයට තිතක් කොහේද?
තවත් වෙසෙස් බූන්දි
වාලම්පුරි- වාසනාව, විහිළුව සහ මිත්‍යාව
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
සමාජවාදයේ සහ ධනවාදයේ දත්තවාදී කියවීම
BoondiLets
චැප්ලින් සහ හිට්ලර්
චිර ප්‍රකට උඩු රැවුල්වල සමානත්වය හැරුණු විට චැප්ලින් සහ හිට්ලර් අතර තවත් අපූරු සමානකමක් තිබෙන බව ඔබ දන්නවාද? දෙදෙනාම මෙලොව එළිය දුටුවේ එකම වසරේ එකම... [More]
What's New | අලුතෙන්ම
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook