Na Gahak Yata- Collection of Short Stories by Praneeth Chanaka Muramudali- Review | BOONDI.LK
Facebook
Twitter
Google+
YouTube
Blog
RSS Feed
පොත් බූන්දි
නා ගහක් යට- ක්ෂුද්‍රභාවය ඉක්මවන සුන්දර අනිශ්චිතාර්ථවත් බවක් රැගත් කෙටිකතා
බූන්දි, 00:17:19
ප‍්‍රනීත් චානක මුරමුදලිගේ "නා ගහක් යට" නම් කෙටිකතා සංග්‍රහය, කෙටිකතාව නම් කලාවේ විචිත‍්‍රත්වය පිළිබඳ අවබෝධයකින් ලියන ලද බව පෙනෙන කෙටිකතා එකතුවකි. ලෝකයේ විවිධ කාල පරාස තුල කෙටිකතාව විවිධ ස්වරූපයෙන් පැන නඟියි. ස්වරූපය කවරක් වුවත් ඒ කලාවේ ඇති ස්වභාවය නම් ක්ෂණික වූද ගැඹුරු වූද අන්තර්දෘෂ්ටියක් සැපයීමේ හැකියාවයි. ඉතා කුඩා පඨිතයක් තුළ අනිශ්චිතාර්ථවත්භාවය මත රඳවන ලද අන්තර්දෘෂ්ටිය නිසා කෙටිකතා කියවීම සුවිශේෂ අත්දැකීමක් වෙයි. මුරමුදලිගේ ඇතැම් කතා වල එන 'නොකියන ලද දේද නොකියා සිටීම' නිසා ඇති වන කලාත්මක අනිශ්චිතාර්ථවත්භාවයද ඔහුගේ කතා කලාවේ කලාත්මක සුවිශේෂිත්වය ඇති කරයි. "කෙටිකතාව නම් කලාවේ විස්මකර්ම වැඩ කිරීමට නම් ඒ කතාවේ ව්‍යූහමය අංගවලින් හරියටම වැඩ ගැනීමට ඉගෙන ගත යුතුය" යන්න හෙන්රි ජේම්ස් (Hendry Jeams) සහ එඞ්ගා ඇලන් පෝ (Edgar Allen Pho)ගේ කාලයේ සිටම පිළිගැනුණ අදහසකි. "කථකයා හෝ පාඨකයා" යනු එසේ නිර්මාණශීලි ලෙස භාවිත කළ හැකි ව්‍යුහමය අංගයකි. දෘෂ්ටිකෝණය තව එකකි. මේ අංග සූක්ෂමාකාර වලින් මෙහෙයවීමේ ලා අවශ්‍ය වන්නේ කවිකම් සහිත භාෂා හැසිරවීමේ හැකියාවකි.

මේ තරුණ කෙටිකතාකරුවාට යට කී කෙටිකතාවේ නුතන භාවිතාවන් පිළිබඳ අවබෝධයක් නොමඳ ලෙස පිහිටන බව පෙනෙන්නේ වර්තමාන ජනසමාජීය ඛේදවාචකයක් "අහෝ වීර්යය ජාතකය" වැනි නාම සඳහනක් භාවිතයෙන්, ජාතකකතා ස්වරූපයෙන්, සාම්ප්‍රදායික භාෂා භාවිතයකින් හුවා දැක්වීම තුළිනි. "කුලුනක් මුදුනක දී" වැනි කතාවක් ද මා මේ විස්තර කළ ඇතැම් අංග පිළිබඳ හොඳ නිදර්ශනයකි. එසේම ඔහුගේ කෙටිකතා එක්තරා සංදිග්ධ මිනිස් නාටකයක් මැදට ඉතා ක්ෂණයකින් අප ගෙන යනු ලබයි. එසේ ගොස් අතහරිනු ලබන පාඨකයාට ආඛ්‍යානය වෙතින් ආපසු එන්නට වන්නේ ඥානවිභාගාත්මක ගමනකි. "නා ගසක් යට" කතාවේදී අපට මුණ ගැසෙන කථකයා සහ කෝදාගොඩ මහත්තයා කුමක්දෝ අමුතු ආඛ්‍යාන ලෝකයකට අප රැගෙන යති. ඒ දෙදෙනා සමඟම අපි වහා බැඳෙමු. "ප්ලේන්ටියක් ගැහුවොත් හොඳයි" යන සිතිවිල්ල පවා ඔවුන්ගේ ජීවිතය වෙත අනපේක්ෂිත නාට්‍යමය බවක් එකතු කරයි. ඉන් පසු ඒ සිදුවීම අර්ථකථනය කරන්නට අපට බාර දී රචකයා නවතියි. ඒ කතාවට හසු වී ඇති මිනිස් පැවැත්මේ නිමේෂය තුළට යුගයක් හා සංස්කෘතියක්ද පරම්පරා දෙකක් ද දර්ශනය වේ.

"සරත්සමය" දී 2009 වර්ෂයේ මාස නමයක් තුළ සොල්දාදුවෙකුගේ දිනසටහන් මාලාවට රචකයා හසු කරගන්නා දේ පශ්චාත් යුධ රණවිරුවා පිළිබඳ මවන්නේ ශෝකජනක චිත‍්‍රයකි. මේ රණවිරුවා සමාජයට නොව තමාටම පෙනෙන හැටිය. ඒ දිනපොතේ මැයි මාසය පුරාම කිසිම සටහනක් නැතිවීමද අර්ථවත්ය. කතාවේ හරය ඇත්තේ සොල්දාදුවා දිනපොතටවත් නොකියන්නට තීරණය කරන එතැන විය යුතුය. සමස්ත ජාතියම කතා කරන දිනයක් ගැන සොල්දාදුවා දිනපොතේවත් නොලියන්නේ ඇයි?

"මකුළු දැල්" වැනි කෙටිකතාවක් ලාංකීය සාම්ප්‍රධායික කෙටිකතා කලාවේ අවශ්‍යතා සපුරන්නක් වැන්න. එහි ඔහු භාවිතා කරන මූලෝපක්‍රම මෙහෙමත් කතා ගොතන්නට මට හැකිය යන්න කියාපාන්නකි. මුරමුදලිගේ බොහෝ විට තම ශානරය තුළින් මිනිස් ජිවිත පිළිබඳ 'සානුකම්පිත උපහාසයක්' ගෙන එයි. "සුවර්ණ පුස්තකය කලුයකා සහ කිරිපණුවා" වැනි නිර්මාණයක් එකී දෘෂ්ටිය පෙන්වන්නකි. ඔහු මිනිසාගේ වර්තමාන පැවැත්ම දෙස බලන්නේ අනුකම්පා සහගත සිතකිනි. මේ දෘෂ්ටිය ගී ද මෝපසන්ට්(Guy de Moupassant)ගේ කෙටිකතාවෙන් නැගී ආ ආඛ්‍යාන විදිහක් වන අතර මුරමුදලි බටහිර කෙටිකතාව පිළිබඳ අවබෝධයක් ඇත්තෙකු සේ පෙනේ.

ඔහුටම ආවේණික වූ ද මෙකල ලංකාවේ ජීවිතය පිළිබඳ තීරණාත්මක සංඥාර්ථ විසිර පවත්නා වූද සමකාලීන ශ‍්‍රී ලාංකිකයාගේ විඥානයේ හා චින්තනයේ රිද්මයද හසු කරගන්නා භාෂාවක්, ආඛ්‍යාන ස්වරූපයක් මුරමුදලිගේ විසින් සොයාගනු ලැබ ඇත. එය පහසු ජයග‍්‍රහණයක් නොවේ. පළමු පොතින්ම එවැනි ජයග‍්‍රහණක් ලැබීම යනු ද විරල කාරණයකි.

මෙම තරුණ කෙටිකතාකරුවාට කෙටිකතාව නම් කලාවේ ව්‍යූහමය සංරචන ක‍්‍රියාවලිය ගැන පවා මනා අවබෝධයක් ඇති බව පෙනේ. මෙතරම් මනරම් ආකාරයට මිනිස් ජීවන අවස්ථා හසු කරගන්නා රචකයෙකුට තවත් නම් ඉගෙනගන්නට ඇත්තේ කෙටිකතාව නම් ශානරය තුළ විනිවිදින තේමා ගොඩනඟන්නේ කෙසේද යන කාරණයයි. ඒ සඳහා සමහර විට ඔහුට අභිමත යැයි ක්ෂුද්‍ර කෙටිකතාවෙන් තරමක් ඈතට යන්නට හැකි විය යුතුය. ඔහුගේ කතා තව ටිකක් දිගට කියවන්නට අපට නම් අරුචියක් හෝ වෙහෙසක් නැත. කෙටිකතාවෙන් සැපයෙන ක්ෂණික අන්තර්දෘෂ්ටියේ අර්ථය සහ කෙටිකතාවේ දිග අතර අනුල්ලංඝනීය සම්බන්ධයක් ඇත. තරමක් දිග කෙටිකතාවක් වුව කලාත්මක පරිසමාප්තිය අත්පත් කරගෙන ඇත්නම් රසිකයා ක්ෂණයකින් පුදුම කර ඇහැරවන කියවීම් අත්දැකීමක් ලබා දිය හැකිය.

තමන් ලියන්නට කැමති ශානරයේ ව්‍යූහය සහ ශෛලිය මෙතරම් හොඳින් හසුවන රචකයෙකු ඒ බුද්ධිමය අන්තර්ගතය සොයා ගත හැක්කේ බුද්ධිමත්ව නිරීක්ෂණයෙන්ද කවුරුත් බලන ආකාරයට නොබලන දෘෂ්ටිමය පොහොසත්බව අත්පත් කරගැනීමෙන්ද පමණි. ඒ ලක්ෂණ දැනටමත් රචකයා තුළ යම් තරමකට හෝ නැතිනම් යටකී ව්‍යූහමය හා අන්තර්ගතමය විශිෂ්ටත්වය අත්පත් කරගන්නට ද නොහැකිය.

වර්තමාන සංකීර්ණ මිනිස් චර්යාවන් සංස්ලේෂණය කිරීම කොතරම් දුරට මේ කෙටිකතා සංග්‍රහයේදි සිදුවී ඇතිදැයි විමසීමට නම් අඩුම තරමේ මේ කතා දෙවරක්වත් කියවිය යුතුය. එවිටය ඒවායෙහි ඇති අතිසරල ගැඹුර දිටීය හැක්කේ. එය විචාර කර්තව්‍යයකට මඟ පෙන්වන්නකි. මේ සියල්ල මෙසේ තිබියදී තමා තෝරාගත් කලාව සමඟ ජීවිත කාලයක් ගත කිරීමේ හා දරාගැනීමේ ශක්තිය මුරමුදලිගේට ලැබේවායි මම පතමි.
මේ වියමන ඔබේ මූණු පොතට එක් කරන්න-
Tags- Na Gahak Yata by Praneeth Chanaka Muramudali, Collection of Sinhala Short Stories, Sinhala Kathandara, Ketikatha, Sri Lankan Short Stories
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ලියනගේ අමරකීර්තිගෙන් තවත් වියමන්
වෙසෙස්
ආචාර්ය බී. ආර්. අම්බෙඩ්කර් අනුස්මරණය- සංස්කෘතික ස්වයං-විචාරයක් සේ
වෙසෙස්
හඳ පායන්නේ, පෑයිය යුත්තේ හන්තානට පමණද?
වෙසෙස්
විවීගේ විශිෂ්ට කවිය හෙවත් ඉංග්‍රීසියෙන් ලියවෙන අපේ කවිය
පොත්
රන්කරඬුවේ ලූ රන්පතේ කුමක් ලියවී තිබේද?
රංග
තුවක්කුවකියි නොකියන තුවක්කුවකි- අද දවසේ විඥානය පිළිබ‍ඳ නිර්දය පරීක්ෂාවක්
තවත් පොත් බූන්දි
ලිස්සන පපුව මැද නොලිස්සන ගැහැනු සලකුණ
යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා
සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!
අක්කරෙයිපත්තු අක්ෂර- අත්‍යවශ්‍ය හදිසි කියැවීමක්!
කාංචනාලගෙ පොකුණට ආපු පාත්ත මෙනවිය
බූන්දි නව ඊමේල් ලිපිනය- editorial@boondi.lk
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook