Facebook
Twitter
Google+
YouTube
Blog
RSS Feed
රත්තරං ටික
රිද්මයක් නැතිකම තමයි බවුල් වල රිද්මය. උමතුව.
බූන්දි, 18:31:15
"බවුල් සංගීතෙ ලොකු බලපෑමක් කළා තාගෝර් තුමාගෙ කාව්‍යකරණයට" තරුණයා කීවේය. ඒ සෞන්දර්ය චාරිකාවෙහි ලොබ බැඳ ගත් නිත්‍ය සුන්දර නිහඬවම සිටියේය.

නිත්‍ය සුන්දර දන්න තාගෝර්. දැන් මේ පුරුෂයට හැමදේම උගන්නන්න ඕන. තාගෝර්ගේ කාව්‍යකරණයට විතරක් නෙමෙයි නවකතාකරණයටත් බවුල් සංගීතය බලපෑම් කළා කියන එක වන්නා හොයාගත්තෙ පුස්තකාලය පීරමින් ඇවිදලා. හින්දු, මුස්ලිම්, ක‍්‍රිස්තියානි කියන හැමදෙනා අතරෙම වෙනසක් නැතිව මනුෂ්‍යත්වය ඉස්මතු කරගන්න පුළුවන් නම් ඒක තමයි බවුල් සංගීතයෙ කියැවිලා තියෙන්නෙ කියන එක හොයා ගැනීමෙන් වන්නා ශාන්ති නිකේතනයේ ශිෂ්‍යාවක වීමේ අපූර්ව ප‍්‍රීතිය භුක්ති වින්ඳා.

තාගෝර් ගෝරා ලිව්වෙ "බවුල් සංගීතයෙ ආභාෂය ඇතිව" එහෙම කිව්වෙ පිය සෙනෙහසින් යුතුව නර්තනය උගන්වපු ශංකරලාල් ගුරුතුමා. ශංකරලාල් ගුරුතුමා නිත්‍ය සුන්දරට මහා ආදර කරුණාවක් පෑම ගැන වෙලාවකට වන්නාගෙ හිතේ පසුබෑමකුත් ඇති වුණා. නිත්‍ය සුන්දර ගෝරා කියවලා තිබුණෙ නැහැ. කිවිඳා හැටියට ගෝරා නොකියෙව්වත් නිත්‍ය සුන්දර හැටියට ගෝරා නොකියවීම මදිපාඩුවක් හැටියටයි වන්නා හිතුවෙ. ඒත් වන්නා ගෝරා කතාව නිත්‍ය සුන්දරට කියලා දුන්නා. පුස්තකාලයෙ ඉංග‍්‍රීසි පරිවර්තනය තිබුණත් නිත්‍ය සුන්දර සිංහල පරිවර්තනය ගෙන්නලා දෙන්න කියලා වන්නාගෙන් ඉල්ලීමක් කළා. ගෝරා බ‍්‍රාහ්මණ වංශිකයෙක් කියලා හිතුවට එහෙම නෙවෙයි කියලා ගෝරා හොඳින්ම දැනගත්ත අවස්ථාව ගැන විස්තර කරන කොට නිත්‍ය සුන්දර ඉද්ද ගැහුවා වගේ ඉඳගෙන හිටියා.

ගෝරාට හැමදේම නැති වුණා. මහ ඉහළින් හිතාගෙන හිටපු හින්දුකම නැති වුණා. විශේෂයෙන්ම තමන් උපන් හින්දු භක්තිකයෙක් නෙවෙයි කියලා දැනගත්තම ගෝරා කියපු දේ ඔයා දන්නවද?, කියලා වන්නා නිත්‍ය සුන්දරගෙන් ඇහුවම නිත්‍ය සුන්දර වෙව්ළන්න ආසන්න වුණා වගේ තැති ගැනීමකින් වන්නා දිහා බලාගෙන හිටියා. හින්දු භක්තිකයෙක් වීමේ ආඩම්බරය, මුළු ජීවිතේම ඒ වෙනුවෙන් කැප කිරීම, මුසල්මානුවන් සතුරන් සේ දැකීම යන සියල්ල ගෝරාට කනපිට පෙරළෙන්න හේතු වෙන්න ඇති. ගෝරා වගේ බ‍්‍රාහ්මණයෙකුව සිටීමේ ආඩම්බරය භුක්ති වින්ඳ මිනිහෙක් ඒක දරාගන්නෙ කොහොමද?

දන්නවද ගෝරා කියපු දේ? ”මං අද සැබෑ ඉන්දියානුවෙක්. මා සිතෙහි මින්මනත කවදාවත් හින්දූ, මුසල්මානු හා ක‍්‍රිස්තියානු කියන වෙනස නැහැ. අද හැම කුලයක්ම මගේ කුලය. ඔවුන් සියලු දෙනාගෙම ආහාරය මගේ ආහාරය.”

නිත්‍ය සුන්දර, වන්නාගෙ අත අල්ල ගෙන තමාගෙ ලොකු දෑසින් බලාගෙන හිටියා. ඒ බැල්මෙ තිබුණෙ "උඹ මහ වටින ගෑනියෙක්. මට තව ඉගෙන ගන්න කොච්චර දේවල් තියෙනවද?" කියන ප‍්‍රකාශනයයි.

[පි: 54/55]

*******

"මොහුවා"

මොහුවා සිය සිහින් දෑස් රංගනයකදී මෙන් විසල් කොට ගත්තීය.

”ඇයි බවුල් ගායකයෙක් අඳින්නෙ?”

මොහුවාගේ මුහුණෙහි මස්පිඬු අතරෙහි නැගී ආ සිනාපොද කරුණා රසයෙහි මාහැඟි සිත්තමක් ලෙස උපන් අප‍්‍රමාණ සෞන්දර්යයක උල්පත යැයි නිත්‍ය සුන්දර සිතුවේය.

”බවුල් ගායකයට වගේම වාදකයටත් මම ආදරෙයි.
ඔවුන්ගෙ පරමාර්ථය පුළුල් හින්දා.”


”අපිට බැරිද බවුල් ගායකයො වෙන්න” ඒ හඬ ආයාචනාත්මකය.

ඒ සොඳුරු ආයාචනාත්මක හඬ කුඩා දරුවකුගේ ආයාචනයක් බඳු යැයි මොහුවා සිතුවාය.

"බවුල් කියන නමේ තේරුම දන්නවද?"

හැඟීම්, දැනීම් දැනෙන හැම මනුෂ්‍යයෙකුට ජීවිතය දෙන්නෙ, සුසංයෝගය දෙන්නෙ වායුව.

ඒ ගුරුතුමිය ඉදිරියේ නිත්‍ය සුන්දර එකත්පසව සිටියේය.

"රිද්මයක් නැතිකම තමයි බවුල් වල රිද්මය. උමතුව."

රිද්මයක් මට දැනෙනවනෙ.

ඒ තමයි රිද්මය. එකිනෙකාට වෙනස්ව දැනෙන රිද්මය.

ඔයා ඇයි බවුල් ගායකයා සිත්තම් කරන්නෙ?

බවුල් ගායකයට හින්ඳුද, මුස්ලිම්ද, ක‍්‍රිස්තියානිද කියන වෙනසක් දැනෙන්නෙ නැති හින්දා. බවුල් ලෝක සම්මතයට හිස නොනමන හින්දා.

ගුරුමෑණියනි, මට ඔබගෙන් උගැන්මට වුවමනාය. බොහෝ දේ උගැන්මට වුවමනාය. ඔබතුමිය සිත්තම් කරන්න සැබෑ මනුෂ්‍යයා!

”හැම මනුෂ්‍යයෙකුගෙම ශරීරය ඇතුළෙ ඉන්නවා අභ්‍යන්තර සත්ත්වයෙක්. උමතු ආදරය කියන්නෙ ඒ අභ්‍යන්තර සත්ත්වයට. සියලුම සීමාමායිම් කඩා බිඳගෙන යන්න පුළුවන් වීම වැදගත්ම දේ. බවුල් සංගීතයෙ තියෙන්නෙ සීමාමායිම් ඉවත දමන සංගීතයක්.”

ඒ උමතු ආදරය සොයමින් බවුල්වරු කාව්‍යය, නර්තනය හා ගායනාවද වාදනයද ඔස්සේ ගම් නියම්ගම් සැරිසරන බව මොහුවා පැහැදිලි කළාය.

"ඒ ගොල්ලො හරි සැහැල්ලු මිනිස්සු. අඳින ඇඳුම් කැඩුම් ටිකයි, වාද්‍ය භාණ්ඩ ටිකයි විතරයි දේපලට තියෙන්නෙ."

මොහුවා ඒ බවුල් සංස්කෘතියෙහි මානසික ඉසුරුමත් බව කියා සිටියාය.

”මං ආසයි නිත්‍යා බවුල්වරු වගේ ජීවත් වෙන්න. හරි සැහැල්ලුයි නේද?”

[පි: 72/73]


(-තුරු සමුදා - 2014)
Image- Baul in Painting by Biplob Sarkar
වෙනත් සබැඳි |
Baul
මේ වියමන ඔබේ මූණු පොතට එක් කරන්න-
Tags- Thuru Samuda (2014) Sinhala Novel by Sumithra Rahubadda, Rabindranath Tagore, Baul, বাউল
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් රත්තරං ටික
මෙන්න බත් කූරෙක්!
පළතුරු සහ චාරිත්‍රය
ඇඬෙන තරමට ජීවත් ව මැරෙමු!
මතක පෙට්ටි සහ ගින්දර
මිත්‍රත්වයේ ගිනිසිළුව
BoondiLets
දාර්ශනිකයා සහ මී පැටවු
ආචාර්ය ඊ. ඩබ්ලිව්. අදිකාරම් මහත්මෝ පුදුම මොළොක් සිතක් ඇති කුළුණු බර කෙනෙකි. දවසෙක ඒ මහතාණන් ගේ නිවසට මම ගියෙමි. තමන්ගේ කාරය එහි ම තිබියදී කොහේ... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook