Facebook
Twitter
Google+
YouTube
Blog
RSS Feed
වෙසෙස් බූන්දි
බෙන්ජමින් සේෆ්නායි නම්වූ කරදරකාර කවියා
බූන්දි, 18:43:54
බි‍්‍රතාන්‍යයේ, බර්මින්හැම් නගරයේ කළු ජාතික කවියෙක් ඉන්නවා බෙන්ජමින් සේෆ්නායි කියලා. කවියෙක් විතරක් නෙවෙයි නවකතාකරුවෙක්, ගායකයෙක් වගේ ගොඩාක් අනන්‍යතා ඔහු සතුව තියනවා. ඉංග්‍රීසි භාෂාවෙන් ලියන කවියෙක් ටිකක් ජනප්‍රිය වුනාම ඔහුගේ හෝ ඇයගේ අක්මුල් ගැලවිල ගිහිල්ල ප්‍රථමයෙන්ම හොඳ වෙළඳපොල වටිනාකමක් ලැබෙනවා. ඊළඟට සමාජයේ 'අධිපති’ පන්තියේ බුද්ධිමත් සාමාජිකයෙක් වෙනවා. ඒත් බෙන්ජමින් තාමත් මේ මොඩලයට නොවැටි ලන්ඩනයේ වීදි දිගේ ඇවිදගෙන යනවා විතරක් නෙමෙයි අධිපති පන්තියේ කරදරකාර කවියා බවට පත් වෙලා ඉන්නවා.

වසර සියයකට වඩා දිගු අතීතයකට උරුමකම් කියන බි‍්‍රතාන්‍යයේ රාජකීය කවි සමාජයේ දීප්තිමත් සාමාජිකයෙක් වෙන්න බෙන්ජමින්ට පුළුවන්කමක් ලැබෙන්නේ නෑ. හේතුව තමයි ඔහුගේ තෝරාගැනීම. තමන්ගේ කවි සඳහා අමුද්‍රව්‍ය ඔහු තෝරාගන්නේ ලස්සන හිම පියලි හෝ වසන්ත කාලයට අවදිවන පරිසරයෙන් නෙමෙයි. ඔහු තෝරාගන්නේ ඔහුවමයි. ඔහුගේ සංක්‍රමික ජීවිතය, බි‍්‍රතාන්‍ය කිරීටය නඩත්තු කිරීමට ජිවිත කාලයම දිය කර හැරපු ඔහුගේ ජැමෙයිකානු මුතුන් මිත්තන් ගැන විතරක් නෙමෙයි නුතන ආර්ථික මොඩල වලින් ගිලිහී නන්නත්තාර වන ප්‍රජාවන්ගේ හඬවල් ඔහු කවි බවට පත් කරනවා.

ජැමෙයිකාවෙන් බි‍්‍රතාන්‍යට සංක්‍රමණය වුණු පවුලක සාමාජිකයෙක් වන මේ කරදරකාරයා වයස අවරුදු දහ තුනේදී පාසැල් අධ්‍යාපනය කඩාකප්පල් කරගන්නවා. ඉන්පසුව ඔහු අයාලේ යන කොලු ගැටයෙක් වෙනවා. ඔහුගේ මේ අන්තරාකාරී අයාල ජීවිතය අහවර වෙන්නේ ගෙවල් බිඳීමේ සොරකමකට අසුවී වී වසර ගණනාවකට සිරගත වීමෙන්.



බෙන්ජමින් හිරෙන් නිදහස් වෙන්නේ 1979 වසරේ. මේ අවුරුද්දේ තමයි මාග්‍රට් තැචර් බි‍්‍රතාන්‍යයේ අගමැති වෙන්නේ. ඇය ලෝක දේශපාලනයේ විශේෂ චරිතයක්. නව ලිබරල් ආර්ථිකය රටේ නිශ්චිතවම පැලපදියම් කළේ ඇය. මේ කාලයේ බොහෝ මිනිසුන් රස්සා වලින් දොට්ට දානවා. රටේ මිනිසුන්ගේ විරෝධය මැඩපවත්වන්න අලුත් නීති එනවා.

මේ කාලයේම විරෝධාකල්ප ගී ප්‍රසංගයක් රටේ නිර්මාණය වෙනවා. 'Rainbow Fair' නම් වූ මේ ප්‍රසංගයේ ඉදිරිපෙළ සාමාජිකයෙක් බවට බෙන්ජමින් පත් වෙනවා. ඔහුගේ ගී පද රචනා සහ ගායනා ඉඳිකටු පාරවල් වගේ තියුණු ලෙස කිරීටය රිදවනවා. මේ තමයි කරදරකාරී කවියාගේ ආරම්භය.

බෙන්ජමින් කවි ලියනවා විතරක් නෙමෙයි ඒවා ප්‍රසාංගික ලෙස ඉදිරිපත් කරනවා. සමහරවිට සංගීතය පවා මුසු කොට කවියට ප්‍රසාංගික රසක් එක් කරනවා. මේ කවි වල තියෙන රෙගේ තාල තුළ සැඟවිලා අප්‍රිකාවේ සුරාකෑමට ලක්වුණු මිනිස්සු, දේවවාදය තුළ අන්ධ වුණු ආසියාවේ මිනිස්සු මෙන්ම ලිබරල් ආර්ථික චක්‍ර තුළ බෙල්ල හිරවුණු මිනිස්සු සැඟවෙලා ඉන්නවා.

2003 වසරේ එක් දිනයක බෙන්ජමින්ට එළිසබත් මහා රැජිණගෙන් ලිපියක් ලැබෙනවා. ලිපියේ තියෙන්නේ නයිට් නාමයක් ප්‍රදානය කිරීම සදහා මහ රැජිණ විසින් ඔහුව තෝරා ගෙන ඇති බවයි. මහපාරේ කවියාට සුපිරි කවියෙක් ලෙස පොලා පනින්න මේක හොඳ අවස්ථාවක්. ඒත් බෙන්ජමින් නයිට් නාමය ප්‍රතික්ෂේප කරනවා.

"ඇයි ඔබ මහ රැජිණගේ ආරාධනාව ප්‍රතික්ෂේප කරන්නේ?" මේ වකවානුවේ මාධ්‍ය ඔහුගෙන් ප්‍රශ්න කරනවා.

"රැජිණගේ ලිපිය දැක්කම මම පුදුම වුණා. මට මතක් වුණා, අපේ මුතුන්මිත්තන් සුදු අධිරාජ්‍යය හදන්න ජීවිත වලින් වන්දි ගෙවපු හැටි. අපේ මිනිසුන් කෲර ලෙස වදහිංසා වලට ලක් වූ හැටි. අපේ ගැහැණු ළමුන් දුෂණය වූ හැටි, අධිරාජ්‍යයේ වහලුන් වූ හැටි. ලෝකය පුරාම අසමතුලිතතාවයේ සහ දුගී බව තුළින් සුදු අධිරාජ්‍යය ගොඩනඟපු හැටි. මගේ පපුව ඇතුළෙ මේ ගැන සංවාදයක් තියනවා. ඒ සංවාදය මම වර්තමාන පරපුර එක්ක ගොඩනඟමින් ඉන්නෙ. අධිරාජය විසින් දෙන සම්මාන ඒ සංවාදයට බාධාවක්. මම ඉන්නේ එතන නෙමෙයි. ඒ සම්මානයට මම සුදුසු නෑ."

සෑම ජැමයිකානුවෙක්ගේම වගේ රෙගේ සංගීත රිද්මය බෙන්ජමින්ගේ ලේ වලටත් මිශ්‍ර වෙලයි තියෙන්නේ. විශේෂත්වය වෙන්නේ රෙගේ සහ කවිය එකට එකතු කොට නිර්මාණශීලි සමාජ කතිකාවක් ගොඩ නැඟීමයි. ඒ කතිකාව අධිරාජ්‍යයේ මහගෙදර තුළදීම ගොඩනැඟීමට හැකිවීම තුළින් බෙන්ජමින් සුවිශේෂ මිනිසෙකු බවට පත්වෙනවා.



බෙන්ජමින් පසුගියදා ඔහුගේ නවතම කෘතිය 'Terror Kid' එළිදක්වනවා. එය ළමා නවකතාවක්. සැමවිටම නීතිය සමඟ හරි පැත්තේ හිට ගැනීමට උත්සාහ කරන ස්භාවයෙන්ම වරදකරුවෙක් වූ 'Ros' නම් ළමයෙකුගේ කතාවක්.

"ලියන්න ආස කරන කෙනෙකුට ඔබ දෙන උපදේශය කුමක්ද?" මේ පොත එළියට දාන කොට එංගලන්තයේ ගාර්ඩියන් පුවත්පත ඔහුගෙන් අහනව.

"ඉස්සෙල්ලාම සවන් දෙන්න පුරුදු වෙන්න. මිනිස්සුන්ට සවන් දීල ඔවුන්ව කියවන්න පුරුදු වෙන්න. ඊළගට අවංක වෙන්න. තම හදවතට දැනෙන දේ අවංකවම ලියන්න. නිර්මාණශීලි වෙන්න. ඔව් ඒක උපක්‍රමයක් ලෙස හිතන්න. ඒත් මතක තියාගන්න. ලියන දේට අවංක වෙන්න."

මෙම සටහන අවසන් කරන්නේ බෙන්ජමින්ගේ 'Who’s Who' නම් කවියේ සිංහල අනුවාදයෙන්.

මම හිතුවේ
හෙදියන්
ගැහැණුන් කියා
මම හිතුවේ
පොලිස්කාරයන්
මිනිසුන් කියා
මම හිතුවේ කවියන්
නීරසයි කියා
මමත් කවියෙක් වෙනතුරුම




මූලාශ්‍ර- theguardian.com, benjaminzephaniah.com
මේ වියමන ඔබේ මූණු පොතට එක් කරන්න-
Tags- Benjamin Obadiah Iqbal Zephaniah, English writer, Dub poet, Rastafari
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් වෙසෙස් බූන්දි
පාවුලෝ කොයියෝ හෙවත් පිස්සෙකු ගේ කතාව
සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!
අරාබි සාහිත්‍යයේ ඛලීල් සලකුණ
තෝල්ස්තෝයි අදට වලංගු ද?
නවකතාවේ නිදහස: අරාජික සිංහල නවකතා කිහිපයක් ඇසුරින් [අවසන් කොටස]
බූන්දි නව ඊමේල් ලිපිනය- editorial@boondi.lk
BoondiLets
පාවුලෝ කොයියෝ ලියයි.
ආදරේ කරන ඕනෑම කෙනෙක්, තමා එකිනෙකා හා නොමැති විට පවා එකිනෙකා තුල ජීවත්වෙනවා. සිරුරු දෙකක් හමුවුනාම ඒක හරියටම කුසලානයක් උතුරා යෑමක්. ඔවුනට පැය ගණක්, සමහරවිට... [More]
What's New | අලුතෙන්ම
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook