Facebook
Twitter
Google+
YouTube
Blog
RSS Feed
පොත් බූන්දි
තටු අස්සේ මැෂින් ගන් සඟවගෙන පියඹන ගම්මිරිස් කුරුල්ලා
බූන්දි, 22:08:39
"ඔයා සේවකයො පාලනය කරන්නෙ උඩ බොත්තමෙනුයි ටයි එකෙනුයිද? " - අඟහරුවාදා රෑ

ඒකාධිපති පාලනය ක්‍රියාත්මක වන්නේ සංකේතාත්මක(symbolic) ලෙස ය. අපට මෙය මෙසේ ද සකස් කළ හැක.

"ඔයා රටක් පාලනය කරන්නෙ උඩ රැවුලෙනුයි සාටකෙනුයි ද?"

Slavoj Žižek (ගැටුම් වලට තුඩු දිය හැකි බැවින් ඉංග්‍රීසියෙන් නම සඳහන් කරමි) වරක පවසයි, (මෙයට මැතක සිදුවීමක් ඇසුරින් දේශීය නිදසුනක් සොයා ගැනීම අපහසු නොවනු ඇත.)

"සැබෑ ඒකාධිපති පියා තමාත් දරුවාත් අතර කිසියම් පරතරයක් පවත්වාගෙන යයි. ඔහු තමා බලවත් බව හඟවන්නේ සංකේතාත්මකවයි. ඒ ඔහුගේ බියකරු බැල්මකින් විය හැක. බැරි වෙලා හෝ ඒකාධිපති පියා දරුවාට අතක් ඔසවා ගැසුවහොත් දෙදෙනා අතර පරතරය සුන් වී දරුවා ඉදිරියේ පියා විකටයෙක් බවට පත් වෙයි."

"අඟහරුවාදා රෑ" කෙටිකතාව කෙටියෙන් මෙසේ වෙයි. බැඳපු ස්ත්‍රියක් හයි හීල්ස් දාගෙන හෑන්ඩ් බෑග් එකක් ලාගෙන හෙළුවෙන් පාරේ යයි.

"යකෝ ගෑනියෙ... මගේ යකා අවුස්සන්නෙපා. හෙළුවෙන් පාරෙ යන්න පුළුවන්ද?"
- අඟහරුවාදා රෑ

එදා සොරුන්ටත් සොරකමේ යෑමට අමතක වූ දිනයකි. තම බිරියගේ මේ ක්‍රියාවත් සමඟ සැමියා මානසික අවුලකට පත් වෙයි. ඇයගේ නිරුවත් ක්‍රියාව නැවත්වීමට ඔහු සෑම උත්සයක්ම ගනයි.

ඔහු අසමත් වෙයි. සමහරෙක් පැවසූයේ මෙය දැඩි ස්ත්‍රීවාදී වියමනක් ලෙසයි. අයෙක් මෙය ලිංගික ඊෂ්‍යාව ගැන යැයි ද පවසා තිබුණි.

කෙටිකතාවේ එන පරිදී සැමියා තුළ ප්‍රධාන වෙනස්කම් දෙකක් මෙහි දී සිදු වෙයි,

1. වෙන කවරදාටත් වඩා අති සුන්දර ඇෆ්‍රොඩයිටි ස්ත්‍රියක් ලෙස ඔහුට ඇයව පෙනෙන්නට වෙයි. සැබෑ ජීවිතයේ පූර්ණ නොවන ඔහුගේ බිරිය පුරුෂයාගේ ෆැන්ටසිය තුළ පරිපූර්ණ ස්ත්‍රියාවක් සේ මතු වෙයි. නමුත් පරිපූර්ණ ඇෆ්‍රොඩයිටි ප්‍රතිමාව පාමුළ ඔහු අඩපණ වී ක්‍රමයෙන් කතාව නපුරු සිහිනයක්(nightmare) බවට පෙරලී අවසානයේ රමණයෙන් කෙළවර වෙයි.

2. තම බිරියගේ නිරුවත වෙන අයවලුන් දකිනවා යන සිතිවිල්ල සමඟ ඔහු දැඩි මානසික අවුලකට යයි. ස්ත්‍රියගේ නිරුවත නිදියහනේදී පමණක් රහසිගතව තම සැමියාට පෙන්විය යුතුය යන සංකල්පය (මුස්ලිම් ගැහැණිය පිළිබඳ කතිකාව තුළ බෝ සේ ජනප්‍රිය) මෙම කතාව තුළ අභියෝගයට ලක් වෙයි. තමා ආදරය කරන ආශා කරන වස්තුවේ තමාට පමණක් හිමි රහසිගත ඒ දෙය වෙන අයවලුන්ට නිරාවරණය වී එක රහසිගතය සිඳී යාම සැමියාගේ මානසික අවුලට සමහරවිටෙක හේතුව විය හැක.

අපේ නිරුවත ඔවුන් අපෙන් සොරාගෙන නැවත පෙරළා අපට විකුණනවා යනුවෙන් විරෝධය පාන "Free the Nipple" ව්‍යාපාරයේ සිට මුසල්මානු හිජාබය දක්වා වර්තමානයේ සිදුවන ජරමර මැද "අඟහරුවාදා රෑ" රචනා වීම අහඹුවක් යැයි මම නොසිතමි.

කාංචනාගේ කෙටිකතා කියවූ පසු මා තුළ හටගත් අනෙක් ගැටළුව නම් මෙවායේ එන දේශපාලනය සවිඥානිකිව අඩංගු කරන ලද්දක් ද නැතිනම් අවිඥානිකව තැනපත් වූවා ද යන්නයි. අයෙකුට මෙවා හුදෙක් කතාන්තරයක් ලෙස මතුපිටින් රසවිඳිය හැක. තවත් අයෙකුට යටි පෙළ තුළ සැඟවී ඇති අරුත් ඔස්සේ දේශපාලනමය කියවීමකට ලක් කළ හැක.

මෙම බහුමානික ගුණය කතාවක පිහිටන්නේ ඉතා කලාතුරකිනි. උදාහරණයක් ලෙස "මාළු හටන" නම් කතාවේ,

* "හැම මාළුවෙකුගෙ ම වරල ඇතුළෙ හංග ගත්ත පුංචි කෙටේරියක් තිබුණා. චූටි ම චූටි මාළු ළඟත් මොකාක් හරි උල් ආයුධයක් තිබුණා. කොරල්පර ඇතුළෙ ගෙවල්වලින් එළියට බහිද්දි හැමෝම අමතක නො කර තම තමන්ගෙ ආයුධ අරන් ගියා."
- නීතිය බල්ලට ගිය රටක ජනතාවගේ ආරක්ෂාව රජයට තහවුරු කළ නොහැකි වූ විට තම තමාගේ පෞද්ගලික ආරක්ෂාව සඳහා ජනතාව වෙළඳ පළ වෙත හැරෙයි. නිවස උස් පවුරින් වටකොට බැඳ CCTV කැමරා පද්ධතියක් ඔවුන් සවිකර ගනී.

* "ලොකු මාළුවගෙ බිරිය, ඈ හිටියෙ ස්වල්ප වශයෙන් උන්මාද තත්ත්වයක. වැඩි කාලයක් සිප්පි කටු ඔටුන්න දාගෙන ඉන්න කොට මේක කාටත් වෙනවා..."
- මේ ලේඩි මැක්බත්ම නොවෙයි ද? දේශීය රූපයක් වුවත් ආදේශ කරගත හැක.

* "ලොකු මාළුවා තමන්ගෙ වම් වරල ඇතුළෙ හංගගෙන හිටපු විසාල කෙටේරිය කාටත් පේන්නත් එක්ක බිමින් තිබ්බා. ඊළඟට දකුණු වරල ඇතුළෙ තිබුණ මැෂින් ගන් එකත් හිමිහිට පැත්තකින් තිබ්බා. මුලු ගම්මානෙ ම මාළු ලොකු හුස්මක් උඩට අරගත්තා. කට කතාවක් විතරක් වෙච්ච මැෂින් ගන් එක තව දුරටත් රහසේ කතා කරන්න ඕන මාතෘකාවක් නො වුණෙ ඊට පස්සෙ."
- මේ අප කවුරුත් අසා ඇති ඒත් කවුරුත් දැක නැති සුදු වෑන් භීතිකාවම නොවෙයි ද?

* නිල් තීන්ත විදින බූවල්ලා - පොදු සතුරා

* ".. මේ වගේ බයානක වෙලාවක අර මළ ඉලව් ගෑනිගෙ සංගීත ප්‍රසංගයක් තියන්න?
යකෝ මුන්ට අමු කැවිලද?
බූවල්ලා අපේ ගම්මානෙම නිල් තීන්තෙ ගිල්ලලා දාවි...."

- දැවෙන ප්‍රශ්න ජාලාවක් මැද රෙජිමය විසින් සංදර්ශන පැවැත්වීම.

සැබැවින්ම මෙම කෙටිකතාව රෙජීමය ගැනයි. කෙටිකතාවේ අවසානයේ පසක් වන්නේ පොදු සතුරා ලොකු මාළුවාගේ නිදන කාමරයෙන් මතු වූ බිරිඳගේ මනෝ විකාරයක් බවයි. මාළු පුරවරයම පාලනය කළේ රජා නොව රජාගේ බිරියයි.

හැබැයි එකක් නම් සැබෑව, එනම්
ගම්මිරිස් කුරුල්ලා සුරංගනා කතාවක් නොවන බව ය.

"මිසිස් සමරසිංහලාගේ ගෙදර හරි කලබලයකි. සාවරියාගේ පියා අභාවප්‍රාප්ත වී මිදුලේ වැටී උන්නේය. මිසිස් සමරසිංහ ළිදෙන් වතුර අදිමින් සිටින අතර ළිඳ ළඟ පොල් ගසෙන් ගෙඩියක් හිසට වැටී පළමුව සිහිසුන්ව, දෙවනුව මියැදී තිබිණි. ලේන්නු ඩබලත්, ගම්මිරිස් කුරුල්ලාත් ඒවා කිසිත් නොතකමින් කෑම පිගානේ තිබූ පළතුරු කෑමට වූහ. මද වේලාවකින් තිදෙනාම කටින් සෙම වගුරමින් මිදුල පුරා දුව ඇවිදින්නට වූහ. මද වෙලාවකින් තණකොළ බිස්සේ වැතිරුණු තිදෙනා නැවත නැගිට්ටේ නම් නැති. " - ගම්මිරිස් කුරුල්ලා

Black humor (කළු හාස්‍ය රසය). කාංචනා අළුගෝසුවකු මෙන් සියල්ලෝම මරා දමා සංඛ්‍යාලේඛන වලට ඌණනය කරයි. මරණය මෙතරම් සැහැල්ලු ද? ස්ත්‍රියකගේ කන් පෙති යටින් ගලන විලවුන් සුවඳ තරමටම ඇය සාහසික ඇයි? සමහරවිට ලේඛකයා හැදුණු වැඩුණු සමාජ දෙශපාලන පසුබිම එයට හේතු වන්නට ඇත.

උදාහරණයක්,
යුද්ධය (රූපවාහිනිය තුළින් දුටුවා) - - > යුද්ධයෙන් මළ මිනිස්සු (රූපවාහිනිය තුළින් දුටුවා) - - > සංඛ්‍යාලේඛන (රූපවාහිනිය තුළින් දුටුවා)

ඇයගේ කතා වල ඇතුලත් ගැට, පිටත් ගැට. මෙන්න තවත් ගැටයක්,

"ගම්මිරි කුරුල්ලාට ප්‍රධාන වශයෙන්ම ප්‍රශ්න දෙකක් තිබේ. ඉන් පළමුවැන්න එහා ගෙදර ලේන්නු ඩබලයි. දෙවැන්න මුදල් නැති කමයි. මේ ප්‍රශ්න දෙකෙන් මුලින්ම විසදා ගත යුත්තේ ලේන්නු ඩබල පිළිබද ගැටලුවයි... ඉතා ඉක්මනින් මේ ලේන්නු ඩබල මරා දැමිය යුතුය...

ලේන්නු ඩබලට ඇත්තේ එකම ප්‍රශ්නයකි. ඒ මෙහා ගෙදර දෙල් ගහේ වසන, උද්දච්ච ගම්මිරිස් කුරුල්ලාය. එක්කෝ ඔහුව මරා දැමිය යුතුය. නැත්නම් ත‍ටුවක් හෝ කඩා දැමිය යුතුය. "
- ගම්මිරිස් කුරුල්ලා

ලේන්නු ඩබලටයි ගම්මිරිස් කුරුල්ලටයි ඇයි බැරි සාකච්චා මාර්ගයෙන් සාමකාමීව තමන්ගේ ගැටුම නිරාකරණය කරගන්න. එක් පාර්ශවයක් විසින් අනෙක් පාර්ශවය සහමුලින්ම ඝාතනයෙන් මොකක් ද ලැබෙන විසඳුම ? එයින් ගැටුම නිරාකරණය වූවා යැයි කිව හැකි ද?

බටහිර සාහිත්‍ය පිරික්සන්නෙකුට මෙවන් ආකාරයේ "කළු හාස්‍යමය- විකාර රූපී- පශ්චාත් නූතන" සාහිත්‍ය භාවිතයක් ඉටැලෝ කැල්වීනෝ(Italo Calvino) , ඩොනල්ඩ් බාතලෙමි(Donald Barthelme) , ඉයුජීන් අයනෙස්කෝ(Eugène Ionesco) වැන්නවුන්ගේ කතාන්තර තුළ දකිත හැකිය.

විශේෂයෙන්ම කැල්වීනෝගේ "චන්ද්‍රයාගේ දියණි වරුන්" (The Daughters of the Moon) යන කෙටි කතාව තුළ මහළු චන්ද්‍රයා, තව දුරටත් ධනවාදී පරිභෝජනවාදී වර්තමාන සමාජයට අනවශ්‍ය වෙයි. එබැවින් චන්ද්‍රයා කෙමෙන් කෙමෙන් මිය ගොස් කසල ගොඩකට පාත් වෙයි. ඒත් සමඟම වෙළඳ පළ සමාජයට විරුද්ධව නැවත ස්වභාවධර්මය සොයා යන හිපි කෙල්ලන් නිර්වස්ත්‍රව උමතුවෙන් චන්ද්‍රයා දෙසට දෑත් දිගු කරගෙන වාහන මත නැඟී චන්ද්‍රයා ගලවා ගැනීමට කසල ගොඩ වෙත යයි.

ධනවාදය, පරිභෝජනවාදය විවේචනය කරනවාත් සමඟම කැල්වීනෝ අපූරුවට යථාර්තවාදයෙන් ඔබ්බට ගිය මායාමය කළු හාස්‍යය රසයෙන් යුක්ත වූ විකාර රූපී ආකෘතියකින් කෙටි කතාව ඉදිරිපත් කරයි.

Playfulness, Black humor, Irony, Juxtaposition, Dadaism, Surrealism, Anarchism, Absurdism, Meta fictional වැනි පශ්චාත් නූතන සාහිත්‍ය ලක්ෂණ රැසකට නෑකම් කියමින් කාංචනාගේ කෙටිකතා ද නව පරිකල්පනීය මානයන් ඔස්සේ විකාශනය වේ.

ගම්මිරිස් කුරුල්ලා වසර ගණනාවක් පුරා ගොඩ නැඟුණු සයිබර් සාහිත්‍යක ප්‍රථිපලයකි. සැබැවින්ම එය පාඨකයාගේ සමබරතාවය පරීක්ෂාවට ලක් කරන අල්පෙනෙති තුඩක් වැනිය.
මේ වියමන ඔබේ මූණු පොතට එක් කරන්න-
Tags- Gammiris Kurulla, Kanchana Amilani karunamuni, Sinhala Short Stories
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
හර්ෂ අරවින්දගෙන් තවත් වියමන්
කරන්ට්ස්
එහෙම වෙලා....
කවි
ශුක්‍ර පැටවාගේ චාරිකාව
Cine
ආර් ද කිඩ්ස් ඕල් රයිට්...?
තවත් පොත් බූන්දි
සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!
අක්කරෙයිපත්තු අක්ෂර- අත්‍යවශ්‍ය හදිසි කියැවීමක්!
කාංචනාලගෙ පොකුණට ආපු පාත්ත මෙනවිය
කැත මත ලස්සන සෙවීම- සරද සමරසිංහ ප්‍රබන්ධ ප්‍රවේශය
සමහර කමටහන් සහ සමහර රජත
බූන්දි නව ඊමේල් ලිපිනය- editorial@boondi.lk
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Cine| ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්

13-Mins

(ඩිල්ෂානි චතුරිකා දාබරේ) මෙම ලිපිය ආචාර්ය ලෙස්ටර් ජේම්ස් පීරිස්ගේ අදහස පරිදි සුමිත්‍රා පීරිස් විසින් නිෂ්පාදනය කරන්නට යෙදී, මෑතකදි තිරගත වූ වෛෂ්ණාවී සිනමාපටය සම්බන්ධයෙනි.... [More]
Cine| Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!

4-Mins

(වජිර කාන්ත උබේසිංහ) මල් පිපෙන එකයි මිනිස්සු හැදෙන එකයි වෙනස්. මොකද මල් කොච්චර ලස්සන වුනත් මල් පුබුදුවන්න අවශ්‍ය ජලයයි, සුර්යාලෝකයයි විතරයි. මේවා කොපමණ... [More]
කවි| සර්ධාවෙන් ලියන වග නම්

36-Secs

(අමිල නන්දසිරි) අපි පුතේ දුර ඈත වන්නි හත් පත්තුවේ
පාන්දර බස් එකෙන් පෝලිමට එක්වුනේ
වැඳ පුරුදු මුදු මීට පෙරත් මුතියංගනේ
බුදුන් වැඩි බිම බුදුන් දකින්නට පෝලිමේ

අස්වැන්න කැපෙන මහ ගමට එන ලොරි කඩේ... [More]
කවි| යෞවනය!

25-Secs

(තුෂාරි ප්‍රියංගිකා) යෞවනය! ඇති තරම් හිනහා වී ඔබ ඉන්න
මැදිවිය බර වැඩී කෙනෙකුට
දරන්නට බෑ ඒ තනියම
දහක් අතරෙත් තනි වියහැකි බැවිනි.

පාට තවරා ගත්තු ගහකොළ... [More]
සිත්තර| "දූපතෙන් එහා කලාව ගැන අවදියෙන් ඉන්න වෙනවා!"- ප්‍රගීත් රත්නායක

5-Mins

(කසුන් සමරතුංග) චිත්‍රයක් යනු නිහඬ කවියක් යැයි කියනු ලැබේ. එනයින් ගෙන බලන කල ප්‍රගීත් රත්නායක යනු කැන්වසය මත, අපේ පරපුරේ නිහඬ කවි... [More]
කතන්දර| "කුකුළු පැටියයි තාර පැටියයි"- සෝවියට් ළමා කතන්දරය [වීඩියෝව]

14-Secs

මෙන්න තවත් ලස්සන සෝවියට් රුසියානු කතන්දරයක් [පොඩිත්තන්ට කාටූන්] වී. සුතේයෙව් ලියා සිත්තම් කළ "කුකුළු පැටියයි තාර පැටියයි" ළමා කතන්දරයේ සිංහල... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook