Facebook
Twitter
Google+
YouTube
Blog
RSS Feed
වෙසෙස් බූන්දි
ජෙරමි කෝබීන්- ලේබර් පක්ෂය ඩැහැ ගත් 'අන්ත වාමාංශිකයා'!
බූන්දි, 02:20:14
බ්‍රිතාන්‍යයේ ලේබර් පක්ෂ නායකත්වය වෙනුවෙන් පැවති තරගය එරට මහමැතිවරණයටත් වඩා මාධ්‍ය අවධානයට ලක්වුණා. 'අන්ත වාමාංශිකයෙක්' ලෙස (BBC ඇතුළු මාධ්‍ය විසින් කෝබීන්ව හැදින්වූ ආකාරය) ප්‍රකටවූ ජ්‍යෙෂ්ඨ මන්ත්‍රීවරයෙකු වූ ජෙරමි කෝබීන් තරගයේ දෙවැනියාට වඩා 40%කට ආසන්න ඡන්ද ප්‍රමාණයක් ලබාගෙන දැවැන්ත ජයග්‍රහණයක් අත්පත් කරගත්තා.

ජෙරමි කෝබීන් ලේබර් පාක්ෂිකයින් අතර දැඩි ජනප්‍රියත්වයක් අත්පත් කරගෙන තිබුණත්, සිය පාර්ලිමේන්තු කණ්ඩායම අතර ඔහුට තිබුණේ අවම කැමැත්තක්. විපක්ෂය විසින් නම් කරන ෂැඩෝ කැබිනට්ටුවේ මෙතෙක් පත්ව සිටි බොහෝ පිරිසක් කෝබින්ගේ ආගමනයත් සමග ඉල්ලා අස්වුණා. මේ පිරිස තමන් සහ කෝබීන් අතර තිබෙන ප්‍රතිපත්තිමය නොඑකඟතාවය විවෘතව ප්‍රකාශ කළා. මේ අය නිර්නාමිකව පාර්ලිමේන්තු කණ්ඩායමේ සහ ෂැඩෝ කැබිනට්ටුවේ කටයුතු මාධ්‍ය වෙත මේ වනවිටත් නිකුත් කරමින් සිටිනවා.

ෂැඩෝ කැබිනට්ටුවේ ප්‍රධානතම තනතුර ෂැඩෝ චාන්සලර් තනතුරයි. මේ තනතුර සදහා මැදිහත් පුද්ගලයෙකු පත්කළ යුතු බව කොබීන්ට කොන්දේසි විරහිත විවේචන ගෙනෙන මාධ්‍ය මෙන්ම, විරුද්ධව කටයුතු කරන ලේබර් පාක්ෂික සහ ආණ්ඩු පක්ෂය විසින් ද යෝජනා කළා. පත්වීම සිදුකිරීමට පෙර සිට කසුකුසුව පැතිර ගියේ කෝබීන්ගේ නායකත්වය සදහා වන ප්‍රචාරණ කටයුතු මෙහෙයවූ ජෝන් මැක්ඩොනල් මේ සඳහා පත්කිරීමට යන බවයි. පාර්ලිමෙන්තුවේ කැරළිකාර මන්ත්‍රීන් අතර මැක්ඩොනල් දෙවැනි වූයේ කෝබීන්ට පමණයි. වරක් හිටපු බ්‍රිතාන්‍ය අගමැතිවරියක වන මාර්ග්‍රට් ත්‍රැචර් සම්බන්ධයෙන් "ඇයව ඝාතනයට ලක්වූවානම් මා වඩාත් සතුටුවනවා" වැනි ආන්දෝලනාත්මක ප්‍රකාශ ඔහු විසින් සිදුකොට තිබුණා. ඊට අමතරව මැක්ඩොනල් විසින් සමස්ත ධනවාදයම ලොවෙන් තුරන්කළ යුතු බවටත් ප්‍රකාශකොට තිබෙනවා. කෝබීන් සහ මැක්ඩොනල් යන දෙදෙනාම උතුරු අයර්ලන්තයේ කැරළිකාර අයි.අාර්.ඒ. සංවිධානය සමග සාම ගිවිසුම ක්‍රියාත්මක කරලීම වෙනුවෙන් ප්‍රධාන පෙළේ දායකත්වයක් දැක්වූ අය. මේ නිසාම උතුරු අයර්ලන්තයේ සින්ෆේන් සංවිධානය සමග සමීප ඇසුරක් යුද්ධය ක්‍රියාත්මක වූ අසූව දශකයේ සිට ඔවුන් දෙදෙනාටම පැවතී තිබෙනවා. ත්‍රස්තවාදීන් සමග සමීප ඇසුර සම්බන්ධයෙන් සුලබ චෝදනාව තවමත් බ්‍රිතාන්‍ය ටැබ්ලොයිඩ් පුවත්පත් විසින් සිදුකරන ලබන්නක්.

මෙවැනි තත්ත්වයක් මත මැක්ඩොනල් වෙත පාර්ලිමෙන්තු විපක්ෂයේ ප්‍රබල තනතුරක් ලැබෙන්නට යාම ලේබර් පක්ෂයේ සිටි දක්ෂිණාංශික ටෝනි බ්ලෙයාර්වාදීන්ට දැවැන්ත බලපෑමක් වන්නට නියමිතව තිබුණා. මේ නිසාම සියළු මාධ්‍ය විසින් මැක්ඩොනල්ට එරෙහි මඩ ප්‍රචාරණයක් දියත් කර ඔහුගේ චරිතයට හානිකරවීමේ උත්සාහයක් පැවතුණා. කෙසේ නමුත් ජෙරමි කෝබීන් විසින් පාර්ලිමේන්තු විපක්ෂයේ දෙවන ප්‍රධාන තනතුර වෙනුවෙන් තමන්ගේ මිත්‍රත්වයට වඩා, තමන් විසින් නියෝජනය කළ ප්‍රතිපත්ති සහ මතවාදය ඉදිරියට ගෙනයාම සඳහා වඩාත් ගැලපෙන ජෝන් මැක්ඩොනල් ඒ තනතුර සදහා පත්කරනු ලැබුවා.

ෂැඩෝ කැබිනට්ටුවේ ප්‍රධාන චරිත සදහා කාන්තාවන් පත්කොට නැති බවට වන දැවැන්ත මාධ්‍ය මෙහෙයුමක් දියත්වුණා. එහි අර්ථය වූයේ ෂැඩෝ චාන්සලර්වරයා හැරුණු කොට ප්‍රධාන යැයි කියවෙන අභ්‍යන්තර කටයුතු පිළිබද ෂැඩෝ ඇමතිධූරය සහ විදේශකටයුතු පිළිබද ෂැඩෝ ඇමතිධූරය වෙනුවෙන් පිරිමි අයම පමණක් පත්වීමයි. මෙකී කාරණයට තරම් නොවන දැවැන්ත මාධ්‍ය මෙහෙයුමක් මේ කාරණය වෙනුවෙන් ලැබුණා. කෙසේ නමුත් කෝබීන් නොමැති අවස්ථාවලදී පාර්ලිමේන්තුව තුළ ලේබර් පක්ෂය වෙනුවෙන් ප්‍රකාශ නිකුත් කිරීමේ බලය මෙන්ම සමස්ත ෂැඩෝ කැබිනට්ටුවෙන් භාගයකටත් වඩා වැඩි ප්‍රමාණයකට කාන්තාවන් පත්කොට තිබුණා. තත්ත්වය මෙසේ වන විට පාලක කොන්සවේටිව් පක්ෂයේ කාන්තා ඇමතිවරියන් සිටින්නේ 30%කටත් වඩා අඩු ප්‍රමාණයක්.

බ්‍රිතාන්‍යයේ සංකේතීයව හෝ පවතින රැජිණගේ පාලනයට එරෙහි වූ අයෙක් (රිබප්ලිකන්) ලෙසයි ජෙරමි කෝබීන් සැළකෙන්නේ. රැජිණ ඉදිරිපිට දණනමනවා ද කියන කාරණය සම්බන්ධයෙන් මෙතෙක් විරෝධතාවය දැක්වූ කෝබීන් සිය තනතුර නිසාවෙන් එසේ කරනවා ද යන්න සම්බන්ධයෙන්වත් තවම අදහසක් ප්‍රකාශ කොට නැහැ. "දෙවියන් විසින් රැජිණ රැකදේවා" යැයි කියවෙන බ්‍රිතාන්‍ය ජාතික ගීය, රාජ්‍ය උත්සවයකට සහභාගී වූ කොබීන් විසින් ගායනා නොකිරීම පසුගිය දින හත තුළම මාධ්‍ය විසින් පුපුරවා හරිනු ලැබුවා. වාමාංශික සහ රිපබ්ලිකන් පිරිස් විසින් මෙම කටයුත්ත දැඩිලස ප්‍රශංසා කලත්, ඉදිරියේදී ලේබර් පක්ෂ නායකයා ලෙස තමන් විසින් සහභාගී වන උත්සව වලදී එසේ ගායනා කිරීමට ඔහු එකඟ වූණා.

පාර්ලිමේන්තුවේදී අගමැතිවරයාගේ ප්‍රශ්ණ ඇසීමේ අවස්ථාව විපක්ෂ නායකයාගේ පාර්ලිමේන්තු භූමිකාවේ සුවිශේෂී අංගයක්. මෙතැනදී බොහෝවිට සිදුවුණේ අනෙකාව උසුළු විසුළුවලට ලක්කිරීම සහ වචන භාවිතයෙන් පරාජයට පත්කරලීමයි. මේ අවස්ථාවට ජෙරමි කෝබීන් මුහුණ දෙන ආකාරය පිළිබදව සියළුදෙනා උනන්දුවෙන් බලාසිටියා. මින්පෙර ඔහු පාර්ලිමේන්තුවේ ඉදිරිපෙළ අසුන්ගෙන නොතිබීමත්, අත්දැකීම් බහුල ඩේවිඩ් කැමරන් තමන්ගේ ප්‍රතිවාදියාට ප්‍රබල ප්‍රහාරයක් එල්ලකරන්නෙකු වීමත් මීට හේතුවුණා. එතෙක් පාර්ලිමෙන්තුවේ සැබෑ අරමුණුවලින් බැහැරව ජනතාවගේ ප්‍රශ්ණ ගැටළු පිළිබදව විමසනවාට වඩා මල්ලවපොර තරගයක ස්වභාවයගත් විපක්ෂ නායකවරයාගේ ප්‍රශ්ණ ඇසීම වෙනස් මුහුණුවරක් ගත්තා. කෝබීන් විසින් දින කිහිපයකට පෙර සියළු ලේබර් පාක්ෂිකයින්ට ඊමේල් පණිවිඩයක් මගින්, තමන්ට අගමැතිවරයාගෙන් ඇසීමට ප්‍රශ්ණ ලබාදෙන ලෙස ඉල්ලා සිටියා. ඒ අනුව ඔහුට ප්‍රතිචාර 40,000කට ආසන්න ප්‍රමාණයක් ලැබී තිබුණා. ඒ අතරින් ප්‍රශ්ණ කාණ්ඩ වශයෙන් වෙන්කොට එකී ක්ෂේ්‍ත්‍ර නියෝජනය කෙරෙන ලෙස තෝරාගත් ප්‍රශ්ණ අගමැතිවරයාට යොමු කෙරුණා. එකී ප්‍රශ්ණ සිය ජනතාවගෙන් ලැබී තිබුණ නිසා ඵලක් නොවන, විහිළුකාර පිළිතුරු ලබානොදී ඒ වෙනුවෙන් සැළකීමක් දැක්වීමට අගමැති කැමරන්ට සිද්ධ වුණා.

සැප්. 19 වන දා, ලෝක රගර් තරගාවලිය බ්‍රිතාන්‍යයේදී ආරම්භ වුණා. ඒ වෙනුවෙන් ලැබූ ආරාධනාව පිළිනොගෙන, කෝබීන් විසින් තමන්ගේ ප්‍රාදේශීය මහජනතාව වෙනුවෙන් වන වැඩසටහනකට සහභාගී වූවා. මේ සදහා මාධ්‍ය විවේචන තිබුණත්, සැබැවින්ම මෙම ප්‍රවෘත්තියට ප්‍රසිද්ධියක් ලැබුණේ නම් ඒ සදහා මහජන කැමැත්ත වැඩිපුර ලැබෙන තත්ත්වයක් තිබූ නිසා බොහෝ මාධ්‍ය මෙම ප්‍රවෘත්තිය මග හැරියා.

ඇමරිකන් විදේශ ප්‍රතිපත්තියට සෘජුව විරුද්ධ, නේටෝ සංවිධානයේ ක්‍රියාකාරීත්වය ප්‍රශ්ණ කරන, මැද පෙරදිග කලාපයේ යුරෝපා හැසිරීම ප්‍රශ්ණ කරන, සමස්ත ලෝක ධනවාදයට සිය විරෝධතාවය පළකරන බ්‍රිතාන්‍ය කම්කරු පක්ෂ නායකයාට වැඩිම අභියෝගය තිබෙන්නේ මාධ්‍යයෙන් සහ සිය පක්ෂ අභ්‍යන්තරයෙන්ම බවයි මේ වන විට පෙනී යන්නේ. සිය පක්ෂය තුළ ඇති ප්‍රතිපත්ති පිළිබදව සංවාදයක නිරත වන කෝබීන් මාධ්‍ය කෙරෙහි නම් කිසිමාකාරයක හිතවත් බවක් පෙන්වන බවක් පෙනෙන්නට නැහැ. ඇමරිකානු සහ බ්‍රිතාන්‍ය මාධ්‍ය සක්විති රූපට් මර්ඩොක්ගේ ටැබ්ලොයිඩ් පුවත්පත වන "සන්" පුවත්පතක්වත් නොවේ යැයි කියන්නට කෝබීන් පසුබටවූයේ නැහැ.

ජෙරමි කෝබීන්ට අභ්‍යන්තරව සහ බාහිරව අභියෝග රැසක් එල්ලවෙන බව වඩාත් පැහැදිලියි. එහෙත් සමාන්‍ය පක්ෂ සාමාජිකත්වය අතර තිබෙන ඔහුට තිබෙන කැමැත්ත ක්‍රමිකව වැඩිවන බවයි පෙනෙන්නේ. ලක්ෂ තුනකට අධික නිත්‍ය සාමාජිකත්වය පසුගිය සතිය තුළ පමණක් තවත් 50,000කින් ඉහළට ගොස් තිබෙනවා.

[Photo: EPA/Will Oliver, Telegraph]
මේ වියමන ඔබේ මූණු පොතට එක් කරන්න-
Tags- Jeremy Corbyn, Jeremy Bernard Corbyn, John McDonnell, British Labour Party, British Politicians, David Cameron, Margaret Thatcher, Queen Elizabeth II
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංඛ කිරිඳිවැලගෙන් තවත් වියමන්
Cine
ආලෝකය නොදිටිමි!
අදහස්
දඩ ගැහුවම අවිචාරේ- මල් පිපෙයිද මහ පාරේ?
වෙසෙස්
ට්‍රම්ප්...!
වෙසෙස්
Brexit- සමුගැනීමේ මොහොත, ඉන් එපිට සහ මෙපිට
අදහස්
අපචාර වින්දනයේ සිට එල්ලුම් ගස් සුරතාන්තය දක්වා
තවත් වෙසෙස් බූන්දි
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
මුතුරාජවෙල වනසන්නට පෙර
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!
බූන්දි නව ඊමේල් ලිපිනය- editorial@boondi.lk
BoondiLets
ඉන්ග්‍රිඩ් බර්ග්මාන් කියයි.
"හාද්දක්" යනු "වචන" අනවශ්‍ය වන තැනට පැමිණි පසු, "කතාව" නැවැත්වීම සඳහා, සොබා දහම විසින් නිර්මාණය කරන ලද ආදරණීය උපක්‍රමයකි.
What's New | අලුතෙන්ම
අදහස්| ගාමිණි වියන්ගොඩගේ සයිටම් ජපමාලයට පිළිතුරක්- 1

9-Mins

(අජිත් සී හේරත්) ගාමිණි වියන්ගොඩ ශූරීන් තම සයිටම් ජපමාලය සතිපතා දිගින් දිගටම ජපකරයි. ඔහු සයිටම් විරෝධීන් යැයි සිතන සියල්ලන්ට එරෙහිව ද්වේෂය සහ වෛරය... [More]
වෙසෙස්| බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?

4-Mins

(තිලක් සේනාසිංහ ) හේතුවාදය යනු Rationalism යන ඉංග‍්‍රීසි වදනෙහි සිංහල අරුත ය. මෙම ඉංග‍්‍රීසි වදන සඳහා සුදුසු සිංහල වචන කිහිපයක්ම මුල දී යෝජනා... [More]
ඔත්තු| රංජිනී ඔබේසේකරගෙන් Sinhala Poetry in Translation

22-Secs

ආචාර්ය රංජිනී ඔබේසේකර විසින් පසුගිය දශක කිහිපය පුරා වරින් වර පරිවර්තනය කරන ලද සිංහල කාව්‍ය... [More]
වෙසෙස්| උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!

10-Mins

(අන්ද්‍රෙ විල්ෂෙක් | අජිත් සී හේරත්) උතුරු කොරියාව ගැන සිතන විට මගේ මතකයට පළමුවෙන්ම නැගෙනුයේ පියොන්ග්යෑන්ග් අසල තායිදොන් නදියේ නිශ්චල ගම්භීර ජලතලය මත වූ මිහිදුම් පටලයන්ය.... [More]
කතන්දර| ඉරණවිල එළිය

6-Mins

(සහන් කසීර වික්‍රමසිංහ) 2016. 12.18
jessica_mclarck88@yahoo.com

ආදරණීය ජෙසිකා,

දුවටත් , අම්මාටත් සුබ නත්තලක් පතමි. සියලුම කටයුතු හොඳින් සිදුවෙනු ඇතැයි සිතන අතර නත්තල් රාත්‍රිය ඔබ දෙදෙනා... [More]
ගී කිය(ව)මු| ඔබට පමණි ඔබ ආදරේ- ප්‍රොයිඩියානු කියවීමක්

2-Mins

(සුදේශ් කවීශ්වර) ඇයගේ ඇකයෙහි ඔබ හිස රඳවා
සැනැහුණු මොහොතක ඔබේ ම දෙනෙතින්
මා ඔබ දුටුවා ඇයට නොවේ
ඔබට පමණි ඔබ ආදරේ

වසන්ත දෙකොපුල නිදිවැරු තොල් මල
දසැඟිලිි... [More]
Cine| යුක්තිය ජය ගැනීමට 'දුෂ්ටයාගෙන්' පළිගැනීම- ඇස්ගාර් ෆර්හාඩිගේ The Salesman

6-Mins

(උපාලි අමරසිංහ) පහත පළ වන්නේ ඉරාන ජාතික කීර්තිමත් සිනමාකරුවෙකු වන ඇස්ගර් ෆර්හාඩි ගේ The Salesman චිත්‍රපටය පිළිබඳ ටොම් කාටර් විසින් ලෝක සමාජවාදි... [More]
රංග| මරණය සහ කන්‍යාවිය මැවූ ඒරියල් ඩෝෆ්මන්

2-Mins

(සංජීව නුවන් ගුණරත්න) ශ්‍රී ලාංකික වේදිකා නාට්‍ය කලාවට ආගන්තුක නොවන නමුත්, විශාල වශයෙන් සංවාදයට බඳුන් නොවුණු, නූතන ඇමරිකානු නාට්‍ය රචකයෙකු ලෙසට ඒරියල් ඩෝෆ්මන්... [More]
අදහස්| විධිමත් සංහිඳියාවක සවිමත් පදනම

6-Mins

(කසුන් සී. තිලකරත්න) පසුගිය වසර කිහිපයක පටන්, මේ මොහොත දක්වාම අප සමාජය තුළ සුවිසල් කතිකාවතකට ලක් වූ සංකල්පයක් වේ නම්, එය සංහිඳියාවයි. යුද... [More]
අදහස්| තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!

3-Mins

(හිරාන් ද සේරම්) එක්සත් ජාතීන්ගේ සංගමය විසින් ජාත්‍යන්තර වෙසක් දිනයක් නම් කළ බවට ලොකු ප්‍රසිද්ධියක් දෙනවා රාජ්‍ය මැදිහත්වීමෙන්. ලංකාවෙ මාධ්‍යවලත් ඒ ගැන හදපු... [More]
ඔත්තු| සයිටම් පිළිබඳ සාකච්ඡාවක්- මැයි 6

7-Secs

සයිටම් ගැටළුව හා නිදහස් අධ්‍යාපනය පිළිබඳ සාකච්ඡාවක්, 2017, මැයි 6 සෙනසුරාදා, සවස 3:00ට, මීගමුව ජනාවබෝධ... [More]
ඔත්තු| ශිශිරය සන්ධ්‍යාව- මැයි 28

22-Secs

අග්නි ඔපෙරාව ඇතුළු ප්‍රේමසිරි කේමදාසගේ ඔපෙරා නිර්මාණ සඳහා ගායනයෙන් දායකත්වය ලබා දෙමින්, ලාංකේය ඔපෙරා කලාව... [More]
වෙසෙස්| මුතුරාජවෙල වනසන්නට පෙර

4-Mins

(කපිල මහේෂ් රාජපක්ෂ) මීතොටමුල්ල ඛේදවාචකයෙන් පසු කොළඹ කුණු බැහැර කිරීම සඳහා දේශපාලකයින් සහ ඇතැම් අමනෝඥ්ඥ නිළධාරීන් විසින් වඩාත් සුදුසු ස්ථාන ලෙස තෝරාගනිමින් සිටින්නේ... [More]
රංග| යුරිපිඩීස් චිත්‍රණය කළ ස්ත්‍රීත්වය

3-Mins

(මහේෂි බී. වීරකෝන්) සම්භාව්‍ය ඇතැන්ස් පුර (ක්‍රි.පූ. 480-323) ස්ත්‍රියගේ අවකාශය වූකලී, ඓතිහාසික ග්‍රීක ඉතිහාසය තුළ, අන් කාල පරිච්ඡේදයන්ට සාපේක්ෂව ගත් කල යම් කිසි... [More]
ඔත්තු| 'නොසන්සුන් මොහොතක හීනයක්'| අප්‍රේල් 30

9-Secs

කසුන් සමරතුංග විසින් රචිත 'නොසන්සුන් මොහොතක හීනයක්' කාව්‍ය සංග්‍රහය 2017 අප්‍රේල් 30 වන ඉරිදා සවස... [More]
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook