Facebook
Twitter
Google+
YouTube
Blog
RSS Feed
පොත් බූන්දි
අසන්ධිමිත්තා- පශ්චාත් නූතන ගොතික් නවකතාවක්
බූන්දි, 04:22:01
සමන් වික‍්‍රමාරච්චි අලුත් නවකතාවක් ලියලා තියෙනවා 'අසන්ධිමිත්තා' කියලා. ඒක කියවලා බැලූවාම ලංකාවේ ලියවුණු අනෙක් නවකතාවලට වඩා වෙනස් කියලා පෙනෙනවා. සාම්ප‍්‍රදායික විචාරයේ දී සලකා බලන චරිත, සිද්ධි, ශෛලිය කියන ව්‍යුහයන්ට කොටු කරලා කරන කියැවීම්වලින් එහාට ගිහිින් කියවන්න පුළුවන් නවකතාවක් විදියට අසන්ධිමිත්තා හදුන්වන්න පුළුවන්.

නවකතාවේ නිර්වචනය සහ ඉතිහාසය හොයාගෙන යනවිට ඒක ඇතුළේ කියැවෙන මූලික අදහසක් තමයි ගද්‍යයෙන් ලියැවුණු දීර්ඝ ප‍්‍රබන්ධමය ආඛ්‍යානයක් කියන එක. ගද්‍යය සහ ප‍්‍රබන්ධය කියන එක යම් නිශ්චිත අදහසක් ගෙනාවත් දීර්ඝ කියන එක ටිකක් සංදිග්ධයි. කොහොම වුණත් ඒ අතරේ විවිධ ප‍්‍රවර්ගයන්ට (ෂානරවලට) වෙන් කරන්න පුළුවන් ශෛලීන්ට අනුව ලියැවුණු නවකතා අපිට දකින්න ලැබෙනවා. නවකතාව උපත ලැබූයේ බටහිර. ඒ වගේම විවිධ අත්හදා බැලීම් සිදු කළේත් බටහිර ප‍්‍රමුඛව. ඒ නිසාම බටහිර නවකතා ඉතිහාසය පුරාම විවිධ වෙනස්කම් හමුවෙනවා. එයින් එකක් තමයි ‘ගොතික්’ නවකතාව. මේ සියල්ලම කිව්වේ අසන්ධිමිත්තා නවකතාව ගැන කියන පූර්විකාවක් විධියට.

ගොතික් කියන වචනයෙන් මුලින්ම අදහස් වුණේ ජර්මානු ජන කණ්ඩායමක්. ඒ අය ‘ගොත්’ කියලා හැඳින්වුණේ. ඊට පස්සේ මේ වචනේ ක‍්‍රමානුකූලව මධ්‍යකාලීන යුරෝපයේ ගෘහ නිර්මාණ ශිල්පීය ක‍්‍රමයක් හඳුන්වන්න යොදා ගත්තා. මේ ගෘහ නිර්මාණ ශිල්ප ක‍්‍රමයට අනුකූලව නිර්මාණය කරන ලද ගොඩනැගිලිවල විශේෂ ලක්‍ෂණ තියෙනවා. ගොතික් නවකතාව ආරම්භ වුණේ 1764දී. මේ ලේඛකයන් තමන්ගේ නවකතාවලට පසුබිම් කර ගත්තේ, අහිංසක කතානායිකාවක් ග‍්‍රහණයට ගන්න වෙර දරන දරුණු කාමුක දුෂ්ඨයෙකුගේ කතාව කියන්න. ඒ වගේම මේ සිදුවීම් වුණේ පාළු, මූසල, භයානක බිමිගෙවල්, ඇරෙන වැහෙන දොරවල්වලින් පිරුණු විශාල මන්දිරයක. ඩ‍්‍රැකියුලා නවකතාව සිහියට නගා ගන්න. ඒ වගේම අවතාර, ගුප්ත අතුරුදහන් වීම්, යථාර්ථය ඉක්මවා ගිය සිදුවීම්වලින් පිරිලා තිබුණා.

ගොතික් නවකතා ශෛලිය අසන්ධිමිත්තා නවකතාවට සම්බන්ධ වෙන්නේ කොහොම ද? රූපකාර්ථයක් විධියට එහෙම නැතිනම් සාදෘශ්‍යයක් ලෙස මේ සමාජය කියවාගන්න උත්සාහ කරන කොට මේක අවබෝධ කරගන්න පුළුවන්. අපි වර්තමාන සමාජයේ ස්වභාවය දකින විදිහ, විග‍්‍රහ කර ගන්න විදිහ ඒකට බලපානවා. එයින් ප‍්‍රධාන එකක් තමයි කිසිම චරිතයකට නිශ්චිත අනන්‍යතාවක් නැති වීම. එහෙම නැතිනම් අනන්‍යතාව ව්‍යාජ වීම. තවත් විදිහකින් බහුවිධ අනන්‍යතාවක් පෙන්වීම. හැබැයි ඒවාත් ව්‍යාජයි. ඒ නිසාම සමාජයේ අසහනය සහ ව්‍යාකූල බව උතුරලා යනවා.

ගොතික් නවකතාව බිහිවන අවධියේ දී යුරෝපයේ සාමාජීය, ආර්ථික, සංස්කෘතික ක්ෂේත‍්‍රවල වර්ධනය උපරිම තලයකට එමින් තිබුණා. මිනිස් ශිෂ්ටාචාරය පරිපූර්ණත්වයට ළංවෙමින් තිබෙන බවට හැඟීමක් වර්ධනය වුණා. මේ සංතෘප්ත සමාජයට සංත‍්‍රාසය එක් කරන්න විනෝදයක් ලබාදෙන්න තමයි ගොතික් නවකතාව බිහිවුණේ.

අතිශය උත්ප‍්‍රාසජනක ආකාරයට සමන් වික‍්‍රමාරච්චි අසන්ධිමිත්තා හරහා අපේ සමාජය කියවාගන්න අපව පොළඹවනවා. ඒ තමයි විනෝදයෙන් වැහිලා තියෙන සංත‍්‍රාසය එළියට ගන්න එක. ගොතික් ශෛලිය මේ මොහොතට අදාළ වන්නේ ඒ විධියට. අසන්ධිමිත්තා නවකතාවේ චරිත වූ වික‍්‍රමසේකර අසන්ධිමිත්තා සහ සුජීව මහලියන ආදී හැමෝම අතිශය සංත‍්‍රාසජනක සමාජයක ජීවත් වෙන්නේ. මේ සංත‍්‍රාසයම විනෝදයකින් වැහිලා තියෙනවා. අපේ වත්මන් සමාජය 17-18 වන ශත වර්ෂවල තිබුණු ගොතික් ගොඩනැගිල්ලක් වගෙයි. මේක ගුප්තයි. අඳුරුයි . මූසලයි. ඒ වගේම බියකරුයි. ඊළඟ මොහොතේ තමන්ට මොකක්ද වෙන්නේ කියලා කවුරුවත් දන්නේ නැහැ. ඒ වගේම කරන්න ඕනෑ මොකක් ද කියලා දන්නේත් නැහැ. සිදුවෙන දේවල් තර්කයට හසුවෙන්නේත් නැහැ. ඉතින් මේක සංත‍්‍රාසජනක සමාජයක් නෙවෙයි ද? නවකතාව ඇතුළේ මේක අපූරුවට විග‍්‍රහ වෙනවා. මේ පොතේ කාටවත් විස්තර කරලා දෙන්න පුළුවන් කතාවක් නැහැ. ඒ වගේම කතාවක් නැත්තේත් නැහැ. කතාව කියන්නේ කවුද කියලා එක එල්ලේම කියන්නත් බැහැ. කථකයෝ ගොඩක් ඉන්නවා. ඒ නිසාම ප‍්‍රබන්ධය සහ යථාර්ථය අතර සීමා ඉර බොඳවෙලා. සිද්ධි සියල්ලම සංත‍්‍රාසජනකයි. අසන්ධිමිත්තාට වික‍්‍රමසේකර මුලින්ම හමුවුණු දවස බලමු.

"එතකොටම කවුදෝ මා ළඟින් වාඩිවුණා. මම හැරිලා බැලූවා. අපූරු මහත්තයෙක්. උසත් නැති, මිටිත් නැති, කෙට්ටුත් නැති, මහතත් නැති, ගෑනියෙක්ව බොහොම සීරුමාරුවට දැපෙනේ දා ගන්න තරම් ඇස් දෙකක් හිමි පිරිමියෙක්. අත්කොට නිල් ඉරි වැටුණු කමිසය, අළු පැහැති දිග කලිසම…. කැරලි කෙස් ටික හරියට ගානට සිටින ලෙස පීරලා… කඩවසම් පුරුෂ ශරීරයක් මගේ ළඟටම ඇවිත්." (පිටුව, 1-2)

ඒත් එදාම රාත‍්‍රියේ අසන්ධිමිත්තා දකින්නේ කොයි වගේ කෙනෙක්ද?

"ඒ වෙලාවේ මා ළඟ සිටියේ බස් රියේ මා ළඟ වාඩි වී මා සමගම ගෙදර ආ මනුස්සයා නෙවෙයි. එතන හිටියේ මුළුමනින්ම රූපාන්තරණය වූ අමුතුම සත්ත්වයෙක්….. මාත් එක්ක ආපු මනුස්සයාට තිබුණානේ කැරළිත් ඇති, කැරළිත් නැති අපූරු කොණ්ඩයක්. දැන් මෙතන මගේ ඇඳේ ගුලිි ගැහෙන මනුස්සයාගේ කෙස් තිබුණේ යන්තමින් ඔළුව වටේ විතරයි. ඒකත් වියපත් වෙමින් තිබුණු කෙස් රොදක්… නිකටේ රැුවුලේ තිබුණ කළු පැහැය බොඳවෙලා ගිහින්. මේ අද්භූත සත්ත්වයා දුබල ලෙස හිනාවෙන්න වෑයම් කරා. එතකොටයි මම දැක්කේ ඔහුගේ මුවේ ඉදිරිපස දත් දෙකක් අඩු බව. බස් එකේ ආ මනුස්සයාගේ එහෙම අඩුපාඩුවක් තිබුණේ නැහැ. ඔහු මග දිගටම සුන්දර දත් දෙපළ පෙන්වමින් හරි අපූරුවට හිනාවුණානේ. මා සමග බසයෙන් බැස ගෙදරට පැමිණි අවුරුදු හතලිහේ පිරිමියාට එක පැයෙන් පනස් පහ පැනලා." (පිටුව, 29)

මේ වගේ දේකට කවුරුහරි මුහුණ පෑම භයානක හීනයක් වාගේ දෙයක්. ඒත් කියවන කොට කෙනෙකුට හිනායන්න පුළුවන්. සැබෑ සමාජයෙත් එහෙමයි. බියෙන් තැතිගන්න ඕනෑ තැනදි මිනිස්සු හිනාවෙනවා. අපිව පාලනය කරන දේශපාලනඥයෝ, අපිට අදහස් දක්වන සමාජයේ ඉන්න උගතුන්, බුද්ධිමතුන් කියන අය දිහා බලන්න. මේ අය එක පාරට රූපාන්තරණය වෙනවා. ඒත් සමාජය සංත‍්‍රාසයට පත්වෙනවා වෙනුවට හිනාවෙනවා.

නවකතාව ඇතුළේ ගුප්ත ආතතියෙන් පිරුණු පරිසරයක් තියෙනවා. කෘතිය පුරාම කාගෙ හරි ජිවිතයකට තර්ජනයක් තිබෙන බවට හැඟීමක් තියෙනවා. ඒත් කාටද කියලා නිශ්චිතවම කියන්න බැහැ. ප‍්‍රබන්ධයේ ආකෘතිය මේකට හුඟක් උදව් වෙනවා. හැබැයි ඒක අන්තර්ගතයෙන් වෙන් කරන්න බැහැ. කවුරුහරි ඇහුවොත් අසන්ධිමිත්තා නවකතාවේ අන්තර්ගත කතාව මොකක්ද කියලා එකට උත්තර දෙන්න නම්, මුළු නවකතාවම කියවන්න වෙනවා. ඒත් එකත් සම්පූර්ණ නැහැ. කතාව පාඨකයාට අවශ්‍ය විදියට ගොඩනගා ගන්න පුළුවන්. කොහොම වුණත් අසන්ධිමිත්තා කියවීම අපූරු අත්දැකීමක්.
[මෙම ලිපිය මුල් වරට 'රාවය' පුවත්පතෙහි පළ වූවකි.]
මේ වියමන ඔබේ මූණු පොතට එක් කරන්න-
Tags- Asandhimiththa, Saman Wickramarachchi, Sinhala Fictions, Sinhala Novels
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් පොත් බූන්දි
මී පුප් සේ රස 'හෑල්ල'
උතුරා යන්න ගඟ මම කැමති පොකුණට- විමසුමක්
ලිස්සන පපුව මැද නොලිස්සන ගැහැනු සලකුණ
යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා
සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!
බූන්දි නව ඊමේල් ලිපිනය- editorial@boondi.lk
BoondiLets
රොබට් රග්දෙත්ස්වෙන්ස්කි ලියයි.
සාමාන්‍යයෙන් කියනවා නම් යම් විටක හෝ කවියක් නොතැනූ මිනිසෙක් මෙලොව නැති බව හොඳටම විශ්වාසය. හැම කෙනෙක්ම එක් මට්ටමකට කවි ලියති. හැම කෙනෙක්ම...! ඊට පසු සිදු... [More]
What's New | අලුතෙන්ම
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook