Facebook
Twitter
Google+
YouTube
Blog
RSS Feed
වෙසෙස් බූන්දි
අභිමානවත් මානසික සෞඛ්‍යයක් සඳහා....
බූන්දි, 00:14:57
ලෝක මානසික සෞඛ්‍ය දිනය, ඔක්තෝබර් 10 දිනට යෙදී ඇත. ලෝක මානසික සෞඛ්‍ය සම්මේලනය විසින් 1992 වසරේ සිට සෑම වසරක ම ඔක්තෝබර් 10 ලෝක මානසික සෞඛ්‍ය දිනය ලෙස නම් කොට තිබේ. මෙවර එහි තේමාව වන්නේ Dignity in Mental Heath (මානසික සෞඛ්‍යය තුළ ඇති අභිමානය) යන්න යි.

Dignity හෙවත් අභිමානය යන්න සරල ව පැහැදිලි කළ හැකි නොවේ. එහෙත් එය මානව අයිතිවාසිකම් වල මූලික අංගයකි. එක්සත් ජාතීන්ගේ මානව හිමිකම් පිළිබඳ විශ්ව ප්‍රකාශනයේ පළමු වගන්තියෙහි මෙලෙස සඳහන් වේ. "All human beings are born free and equal in dignity and rights." (සෑම මනුෂ්‍යයකු ම නිදහස් ව, අභිමානයෙන් සහ අයිතිවාසිකම් වලින් සමානව උපත ලබා ඇත.) එමෙන්ම එක්සත් ජාතීන්ගේ, ආබාධ සහිත පුද්ගලයන්ගේ අයිතිවාසිකම් පිළිබඳ ප්‍රඥප්තියේ පූර්විකාව මෙලෙස දක්වා තිබේ. "...that discrimination against any person on the basis of disability is a violation of the inherent dignity and worth of the human" (ආබාධිත බව හේතුවෙන් කිසියම් පුද්ගලයකු කොන් කිරීමට ලක් වන්නේ නම් එය එම පුද්ගලයාට මනුෂ්‍යයකු වශයෙන් නිතැතින් ම හිමි වන අභිමානය සහ වටිනාකම උල්ලංඝනය කිරීමකි.)

ඒ අනුව සමාන ලෙස අභිමානයෙන් යුතු ව ජීවත් වීමට සෑම පුද්ගලයකුට ම අයිතියක් තිබේ. එහෙත් පුද්ගලයකුගේ ස්වයං අභිමානයට බාධා වන අවස්ථා වරින් වර ඇතිවීමත්, එවැනි අවස්ථා වල පුද්ගලයා මානසික පීඩාවකට ලක් වීමත් වැළැක්විය නොහැකි ය. විශේෂයෙන්ම මානසික රෝග වලින් පීඩා විඳින්නන්, වෙනත් ආබාධ වලින් පීඩා විඳින්නන්, ආර්ථිකමය අපහසුතා වලින් පෙළෙන්නන් සහ පහත් යැයි සම්මත වෘත්තීන්හි නිරත වන්නන් වැනි සමාජයේ නොසලකා හැරීමට හා කොන් කිරීමට ලක් ව සිටින පුද්ගලයන් මෙවැනි අවස්ථා වන්ට වැඩි වැඩියෙන් ගොදුරු වනු දක්නට හැකි ය. එබැවින් මෙවර ලෝක මානසික සෞඛ්‍ය දින තේමාව වඩාත් පුළුල් ලෙස සමාජයේ කතාබහට ලක් විය යුතු මාතෘකාවක් බවට පත් ව තිබේ.

අභිමානය යනු කුමක් ද?

අභිමානය යන්නෙන් අදහස් වන්නේ කිසියම් පුද්ගලයකුට මනුෂ්‍යයකු වශයෙන් උපතින් ම ලැබෙන අගයයි. එය ගෞරවය ලැබීම, පිළිගැනීමට ලක් වීම, ආත්ම ගෞරවය සහ ස්වාධීනව තීරණ ගැනීමේ හැකියාව ආදී පුද්ගල වටිනාකම් සමග සෘජු ව බැඳී පවතී. පුද්ගලයකු "අභිමානයෙන් යුතුව ජීවත් වීමට" අවස්ථාව ලබන්නේ, ප්‍රචණ්ඩත්වයෙන් හා අතවරයෙන් වැළකීමේ නිදහස, කොන් කිරීමෙන් වැළකීමේ නිදහස, ස්වාධීනව තීරණ ගැනීමේ නිදහස, සමාජීය ජීවිතයක් ගත කිරීමේ නිදහස සහ ප්‍රතිපත්ති සම්පාදනයට දායක වීමේ නිදහස යන මූලික අයිතිවාසිකම් භුක්ති විඳීමට අවස්ථාව ලැබීමෙනි.

මානසික රෝග වලින් පෙළෙන පුද්ගලයන්ගේ අභිමානය

එහෙත් මානසික රෝග වලින් පෙළෙන පුද්ගලයන් බොහෝ අවස්ථා වලදී කොන් කිරීමට හා නොසලකා හැරීමට ලක් වේ. ඒ හේතුවෙන් ලොව පුරා වෙසෙන මිලියන 500 ක් පමණ වන මානසික රෝග වලින් පීඩා විඳින්නන්ගෙන් අති මහත් බහුතරය සිය අභිමානය නොසලකා හැරීමට හා පීඩාවට පත් කිරීමට භාජනය වෙති.

ඔවුන් බොහෝ විට ජීවිතයේ වැඩි කාලයක් ගත කරන්නේ අන් සමාජයෙන් වෙන් වූ ආයතනවල ය. නැතහොත් බන්ධනාගාරවලය. එවැනි ඇතැම් ආයතන වලදී ඔවුහු විවිධ පීඩාවන්ට සහ අතවරයන්ට ලක් වෙති. නිවෙස්වල දී පවා කොන් කිරීමට සහ අවමානයට ලක් වීමට සිදු වන අවස්ථා වැඩිය. තමා පිළිබඳ තමාට ම තීරණ ගැනීමට අවස්ථාවක් ලැබෙන්නේ කලාතුරකිනි. මානසික රෝග වලින් පෙළෙන පුද්ගලයන් සැලකිය යුතු පිරිසකට නිසි වෙෙද්‍ය ප්‍රතිකාර වෙත යොමු වීමට අවස්ථාව නොලැබේ. එපමණක් නොව අධ්‍යාපනය ලැබීමේ අයිතිය සහ රැකියාවක් කිරීමේ අයිතිය ද ඔවුන්ගෙන් පැහැර ගනු ලබයි. මානසික රෝග වලින් පෙළෙන පුද්ගලයන්ගෙන් බහුතරයක් මුලු ජීවිත කාලය පුරාම කිසිදු අවස්ථාවක සමාජය හා ගැටීමට අවස්ථාව නොලැබූවෝ වෙති.

මානසික රෝග ඉතා පීඩාකාරී ය. බොහොමයක් මානසික රෝග ලොව වඩාත් ම වේදනාකාරී රෝග දහයට ඇතුළත් කොට තිබේ. රෝගය මගින් ඇති කරන පීඩාවට අමතරව ප්‍රජාව මගින් ඇති කරන ඉහත ආකාරයේ බරපතළ පීඩාවන්ට ද මුහුණ දීමට මානසික රෝග වලින් පෙළෙන පුද්ගලයන්ට සිදු වී තිබේ. ඔවුන් ද ප්‍රජාවේ සාමාජිකයන් ය. එහෙත් ඔවුන් බොහෝ විට සලකනු ලබන්නේ තවත් මනුෂ්‍යයකුට සැලකිය යුතු ආකාරයෙන් නොවේ. එය ඔවුන්ගේ අභිමානය නැංවීමට බාධාවකි. එය පුද්ගලයා තවදුරටත් ප්‍රජාවෙන් ඈත් වීමටත්, ප්‍රජාවට ඔහුගෙන් හෝ ඇයගෙන් ලැබිය යුතු දායකත්වය නොලැබී යාමටත් හේතු වේ.

මෙය ද්විපාර්ශ්වීය වශයෙන් මුහුණ දීමට සිදු වන හානියකි. ලෝකයේ ආබධිත භාවයට පත් වන්නන්ගෙන් 30%-45% අතර සංඛ්‍යාවක් ආබාධිත බවට පත් වන්නේ මානසික රෝග නිසා ය. ඒ හේතුවෙන් ලෝකයට අහිමි වන මිනිස් පැය සංඛ්‍යාව අති මහත් ය. මෙම තත්ත්වය අවම කිරීම සඳහා විශාල දායකත්වයක් දැක්වීමට සමාජයට හැකියාව තිබේ. එහි මූලික කරුණක් වන්නේ මානසික රෝග වලින් පෙළෙන පුද්ගලයන්ගේ අභිමානයට ගරු කිරීමයි. එය රෝගී පුද්ගලයා සමාජගත වීම ඉක්මන් කිරීමටත්, ඵලදායි පුද්ගලයකු බවට පත් කිරීමටත් විශාල දායකත්වයක් දක්වයි.

මානසික රෝග වලින් පෙළෙන පුද්ගලයන්ගේ අභිමානය නැංවීමට ප්‍රජාවට කළ හැක්කේ කුමක්ද?

මූලික වශයෙන් ම ප්‍රජාව අවබෝධ කර ගත යුත්තේ රෝගය සහ රෝගියා යනු දෙදෙනෙක් බව ය. රෝගියා රෝගය නිසා පීඩාවට පත් ව සිටියි. ඔහු හෝ ඇය නිරතුරුව ම රෝගය සමග අනවරත අරගලයක නිරත වී සිටියි. රෝගියා සමාජයෙන් අපේක්ෂා කරන්නේ කොන් කිරීම හෝ වෙනස් කොට සැලකීම නොවේ. අනුකම්පාව දැක්වීම ද නොවේ. ඔහු රෝගය ලෙස නොව රෝගය සමඟ ජීවත් වන පුද්ගලයකු ලෙස පිළිගැනීම යි. රෝගය සමග ඔහු කරන අරගලයට කිසියම් සහයෝගයක් ලබා දීමයි. ඔහුගේ අභිමානයට ගරු කිරීම එහි ආරම්භක පියවරකි. ප්‍රජාවට මානසික රෝග වලින් පෙළෙන පුද්ගලයන්ගේ අභිමානය ආරක්ෂා කිරීමට වෙනමම කැප විය යුතු නැත. එය පවුල තුලින් ආරම්භ කර ප්‍රජාව ද දායකත්වය දක්වන සරල ක්‍රියාකාරකම් කිහිපයකි.

පුද්ගලයකුගේ අභිමානය බිහි වන්නේ සිය නිවස තුලිනි. තම පවුලේ සාමාජිකයකු කිසියම් මානසික රෝගයකින් පෙළෙන්නේ වුවද, පියා, මව, සොහොයුරා, සොයුරිය, දුව හෝ පුතා වශයෙන් පවුල තුළ ඔහුට හෝ ඇයට පවුල හිමි ස්ථානය අහිමි නොවිය යුතුය. තමා පිළිබඳ තීරණ ගැනීමටත්, පවුල සම්බන්ධ කරුණු වලදී තම මතය ප්‍රකාශ කිරීමට සහ පවුලේ පොදු අවස්ථා වලට සක්‍රීය ව දායක වීමටත් ඔවුන්ට අවස්ථාව ලබා දීම ඔහුගේ හෝ ඇයගේ අභිමානයට ගරු කිරීමකි.

විශේෂයෙන්ම මානසික රෝගයකින් පෙළෙන පුද්ගලයකුට සුවය ලැබීම සඳහා වඩාත් ම සුදුසු ස්ථානය වන්නේ සිය නිවස යි. හැකි සෑම අවස්ථාවක දීම රෝගියා නිවසේ තබා ප්‍රතිකාර ලබා දීමට කටයුතු කළ යුතු ය. ඇතැම් අවස්ථා වල රෝගී පුද්ගලයන් විවිධ අසාමාන්‍ය හැසිරීම් පෙන්විය හැකි ය. ඒ ඔහු හෝ ඇය පෙළෙන රෝගී තත්ත්වය හේතුවෙනි. එවැනි අවස්ථා නිවැරදිව අවබෝධ කර ගැනීමත්, එවැනි අවස්ථා වලදී ඔවුන් පීඩාවට පත් නොකර අවශ්‍ය ප්‍රතිකාර සහ සහය ලබා දීමත්, ඔවුන්ගේ අභිමානය ආරක්ෂා කිරීමකි.

මානසික රෝගයකින් පෙළෙන පුද්ගලයන්ට ප්‍රජාවේ අනිකුත් සාමාජිකයන් හා සමාන පිළිගැනීමක් ලබා දීමත්, ප්‍රජාව තුල තම අදහස් ප්‍රකාශ කිරීමටත්, පොදු වැඩ කටයුතු සඳහා සක්‍රීය ලෙස දායක වීමට අවස්ථාව ලබා දීම මගින් ප්‍රජාවට රෝගී පුද්ගලයාගේ අභිමානය ආරක්ෂා කළ හැකි ය. මානසික රෝග වලින් පෙළෙන පුද්ගලයන් බොහොමයකට ප්‍රතිකාර ලබාගන්නා අතර රැකියාවක නිරත වීමට හෝ අධ්‍යාපනය ලැබීමට හැකියාව ඇත. එබැවින් එවැනි පුද්ගලයන්ට ඒ සඳහා අවස්ථාව ලබා දීම ඔවුන්ගේ අභිමානයට ගරු කිරීමකි.

අභිමානය මානසික රෝගී පුද්ගලයන්ට පමණක් සීමා වූ දෙයක් නොවේ. සෑම පුද්ගලයකුගේම අභිමානයට ගරු කිරීමට සෑම පුද්ගලයකුටම වගකීමක් ඇත. අන් අය ඔබේ අභිමානයට ගරු කරන විට ඔබට සතුටක් දැනෙනු ඇත. එසේ නොවන විට ඕනෑම අයෙකු මානසික පීඩාවට ලක් වේ. එබැවින් අන් අයගේ අභිමානයට ගරු කරන්න. ජාතිය, ආගම, රෝගී බව හෝ වෙනත් කරුණු නොසලකා සියලු දෙනාගේ අභිමානයට ගරු කළ හැකි ප්‍රජාවක් බිහි වනු දැකීම මෙවර මානසික සෞඛ්‍ය දිනයේ අරමුණයි.

(ලෝක මානසික සෞඛ්‍ය සම්මේලනයේ 2015 මානසික සෞඛ්‍ය දින ප්‍රකාශනය සහ ලෝක සෞඛ්‍ය සංවිධානයේ 2015 මානසික සෞඛ්‍ය දින ප්‍රකාශනය ඇසුරිනි.)

(ප්‍රදීප් ගුණරත්න, ජාතික මානසික සෞඛ්‍ය විද්‍යායතනයේ වෘත්තීය චිකිත්සකයෙකි.)
මේ වියමන ඔබේ මූණු පොතට එක් කරන්න-
Tags- World Mental health Day, Mental Health, Dignity of a patient with a psychological disorder, Community's responsibility on mentally ill persons
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් වෙසෙස් බූන්දි
එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා
තෙත්බිම් පුරා අසූචි විසුරුවන 'සහස්‍රයේ නගරය'
තොවිල් වලදී යකුන් පලා යන විට ගස් අතු කඩා වැටෙන හැටි!
ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ
සංචාරක ව්‍යාපාරය, අධිපාරිභෝජනය සහ ශ්‍රී ලංකාව
බූන්දි නව ඊමේල් ලිපිනය- editorial@boondi.lk
BoondiLets
ආනන්ද මෛත්‍රෙය හිමි ආගම්වාදීන්, ජාතිවාදීන් ගැන....
ආගම්වාදීන්, ජාතිවාදීන් අන්ධයන් පෙළක් වැනිය. මුලින් සිටින්නා ද නොදකියි, මැද සිටින්නා ද නොදකියි- පිටුපසින් සිටින්නා ද නොදකියි.

-බලන්ගොඩ ආනන්ද මෛත්‍රෙය මහනාහිමි (1896- 1998)
What's New | අලුතෙන්ම
කවි| ඔබ

15-Secs

(මහේෂ් මුණසිංහ) (සැත්කමකින් අනතුරුව පුද්ගලයෙකුගේ මතකය මිනිත්තු 90 කට සීමා වේ.)

වෙළී වෙළී තැවරෙයි.
යනවා වුණත් යන්නට හැකි
කාලාවධිය කෙටියි... [More]
ඔත්තු| නුඹ සුළං රැල්ලක්ව- පෙබරවාරි 17

9-Secs

නිශාන්ත ෆර්නෑන්ඩුගේ පළමු කාව්‍ය සංග්‍රහය "නුඹ සුළං රැල්ලක්ව", 2017 පෙබරවාරි 17 වැනිදා සවස 3:00ට, මහවැලි... [More]
අදහස්| සිරිසේන සිදාදි එනවද, සිංහලේම ඉන්නවද?

2-Mins

(ඥානසිරි කොත්තිගොඩ) යහපාලන ආණ්ඩුව ඉවරද​? අගමැති වෙනස් වෙයිද​? එජාප නායකකම රනිල්ට අහිමි වේවිද​? මහින්ද අගමැති වේවිද​? මේ දිනවල ජනතාව අතර වැඩිපුර... [More]
අදහස්| පැ ර දු නේ ක වු ද ?

2-Mins

(නැදිමාලේ Miniහෙක්) මැතිවරණයක ජය පරාජය තමන් කැමති ඕනෑම රසකාරක අනුපාන හෝ තිත්ත අබිං දමා විග්‍රහ කර ගැනීම ඕනෑම පක්ෂයකට පුද්ගලයෙකුට කාගෙන්වත් බාධාවක්... [More]
අදහස්| [සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්

1-Mins

බෙල්ලන්විල හාමුදුරුවන්ව අපවත් කළ මියන්මාරයෙන් ගෙනෙන ලද ඇත් පැටියාට මියන්මාරයෙන් අවතැන් වීමට සිදුවී ඇති රෝහින්ග්‍යා සරණාගත පවුලක ළමයෙක් ලියුමක් එවලා.... [More]
කතන්දර| "ඇඳ යට කොටියෙක්"- ළමා කතන්දරය [වීඩියෝව]

28-Secs

"ඇඳ යට කොටියෙක්"- පොඩිත්තන්ට විනෝදාත්මක කතන්දරයක් [කාටූන්]- Anupa Lal ලියා, Suvidha Mistry සිත්තම් කළ "Under My Bed" ළමා කතන්දරයේ සිංහල... [More]
කවි| සදාතනික සිසු විරුවාණෙනි, මම නුඹේ ප්‍රේමවන්තිය වෙමි!

34-Secs

(සාරධිකා මංජරී හේරත්) වසන්තේ මල් පිපී තිබුනලු
අවාරෙට රඟහලේ තනියට
හන්තාන අළු වෙලා බෝ කල්
පුරුදු ලෙස ගිම්හාන සුළඟට
නුඹත් මේ සඳ දකිනවා ඇති
ප්‍රේම හැඟුමන් මතෙන් නලියන... [More]
Cine| ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය

19-Mins

(ජයන්ත අමරසිංහ / සමන් එම්. කාරියකරවන ) ධර්මසේන පතිරාජ ශ්‍රී ලාංකේය සංස්කෘතිය තුළ ශක්තිමත් ව ස්ථානගත ව ඇත්තේ ශ්‍රව්‍ය දෘශ්‍ය කවියෙකු ලෙසිනි. ඔහු අතින් කාව්‍ය, නාටක, ගීත,... [More]
කතන්දර| "සිංහ කොඩියෙ කතන්දරේ" සිංහයා කියා දෙයි! [වීඩියෝව]

20-Secs

අපේ ජාතික කොඩිය සහ එහි ඉතිහාසය ගැන පොඩිත්තන්ට කියාදෙන- "සිංහ කොඩියෙ කතන්දරේ"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි... [More]
කතා-බස්| "බොහෝ ලේඛකයන් බයයි ඇත්ත කථාකරන්න!"- අශෝක හඳගම සමග කතාබහක්

6-Mins

(ඩිල්ෂානි චතුරිකා දාබරේ) ප්‍රවීණ සිනමාකරුවකු වන අශෝක හඳගම විසින් රචනා කරන ලද 'අම්මා සහ සඳ එළිය' කෙටිකතා සංග්‍රහය නව මුද්‍රණයක් ලෙසින් එළි දක්වා... [More]
අදහස්| [සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්

2-Mins

ලංකාවේ නිදහස් උළෙලට සපෝට් එකක් දෙන්න මේ දවස්වල ලංකාවට ඇවිල්ල ඉන්න එංගලන්තේ මහ රාජිනීන්වහන්සේගේ දෙවෙනි පුත්‍ර රත්නය වන එඩ්වඩ් කුමාරයාණන්වහන්සේ... [More]
BoondiLets| බර්ටොල්ට් බ්‍රෙෂ්ට් කියයි.
බැංකු මංකොල්ල කන්නේ ආධුනික හොරුන්ය. නියම වෘත්තීය හොරුන් කරන්නේ අලුතෙන් බැංකුවක් පිහිටුවීමය!
කවි| සිද්ධාර්ථ සහ මරියා ගේ පේ‍්‍රමයේ මහිමය!

28-Secs

(තුෂාරි ප්‍රියංගිකා) පිනිකැට අහුලමි
ඔබ එහි ඇද්දැයි බලමි
පිරිත් පැන් කළයකට දමා
තුන් සූත‍්‍රය වඩමි

මරියා මම! ඇසින් වට... [More]
අදහස්| මේ "අහවල් FM" වහුකුණු රේඩියෝවයි!

2-Mins

(තාරක වරාපිටිය) එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට... [More]
කවි| රයිපලයට තවත් පතුරොමක් ඔබමි.

14-Secs

(ලාල් හෑගොඩ) මාස පෝය දිනක
සඳ මත සිට
පොළොව දෙස
කැක්කුම් ඇසකින් බලමි

පෙම් කවක් ලිවිය යුතු උන් සැමට... [More]
ඔත්තු| කව්සිළුමිණ සහ අබෞද්ධ දෘෂ්ටීන් සහ ආසියානු සන්නිවේදන පර්යාවලෝකයන්- ජන. 26

14-Secs

දර්ශන අශෝක කුමාර විසින් රචිත "කව්සිළුමිණ සහ අබෞද්ධ දෘෂ්ටීන්" හා "ආසියානු සන්නිවේදන පර්යාවලෝකයන්" (Asian Perspectives... [More]
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook