Facebook
Twitter
Google+
YouTube
Blog
RSS Feed
වෙසෙස් බූන්දි
නිදහස රාජ්‍යයට දී සීනිබෝල දිනාගන්න..!
බූන්දි, 21:58:44
"නිදහස" කියන වචනය හරි අපුරු පාට පාට සීනි බෝල වගේ කැමති කෙනෙකුට කැමති විධියකට අර්ථකථනය කරගන්න පුළුවන් වචනයක්. අපි හැමෝම හිතුවේ සහ හිතන්නේ කිසියම් 'තත්ත්ව වෙනසකට' පසුව නිදහස හමුවෙන බවයි. ඒක නිසා සුද්දා ලංකාවෙන් ගියපසු අපට නිදහස ලැබුණු බව අපි කීමට පුරුදුව සිටියා. ඊට පසු කොටියා මැරූ පසු නිදහස ලැබුණු බව අපි කීවා. තව කට්ටියක් මරා පරදවා නිදහස ලැබුවා. ජේ.ආර්.ගේ වෙළදපොල ආර්ථිකයේ කුටප්‍රාප්තියට පැමිණ ඇති අද දවසේ, අපි දැන් නිදහස බුක්තිවිදින්නේ අයි ෆෝන් එකක්, ලැප්ටොප් එකක්, කාර් එකක් වගේ ගැජමැටික්ස් අත්පත් කරගැනීමේ ක්ෂුද්‍ර අරගල වලින්. එහෙත් ගැජට් සමග නිදහසේ හුදකලා වෙන මිනිසුන්ගේ මහා ප්‍රජාතන්ත්‍රවාදී, ලිබරල් නීති රීති උල්ලංඝනය කරන රාජ්‍යය, දැන් ඔවුන්ගේ පුද්ගලික නිදහස අත්පත් කරගනිමින් ඉන්නවා. ඔබේ දුරකතනයේ, ඊමේල් ලිපිනවල, පරිගණකයේ සිදුවෙන දෑ රහසිගතව විමසා බැලීමට රාජ්‍ය උකුසු ඇසක් සවිවී තිබෙනවා. රාජ්‍යය අපට යෝජනා කරමින් ඉන්නේ හෝ බලකර සිටින්නේ අපේ පුද්ගලික ජීවිතය රාජ්‍යය සමග බෙදා හදා ගන්නා ලෙසයි.

ඇමරිකාවේ, ජාතික ආරක්ෂක ඒජන්සියේ (NSA) සේවය කල එඩ්වඩ් ස්නෝඩන් කල හෙළිදරවුවකට අනුව, එම ආයතනය විසින් ඇමරිකාවේ, බ්‍රිතාන්‍යයේ මෙන්ම බොහෝ රටවල සාමාන්‍ය වැසියන්ගේ පමණක් නොව දේශපාලකයින්ගේ පවා දුරකථන වලට රහසිගතව සවන්දීම සංවිධානාත්මකව කරගෙන යනවා. මෙම හෙළිදරවුව නිසා ඔහුට තම රටෙන් පිටුවහල් වී රුසියාවේ දේශපාලන රැකවරණ යටතේ ජීවත්වීමට සිදුවී තිබෙනවා. බ්‍රිතාන්‍යයේ BBC ආයතනයේ, මාධ්‍යවේදියෙක් පසුගියදා ස්නෝඩන් හමුවීමට රුසියාවට ගියා. එහිදී ස්නෝඩන් කියා සිටියේ NSA ආයතනය, බ්‍රිතාන්‍යයේ GCHQ ආයතනයත් සමග එක්ව මෙම චරපුරුෂ සේවය ඉතා තීව්‍ර ආකාරයට කරගෙන යන බවත් ඒ තුළින් ඔවුන් ලෝක දේශපාලනයේ අයිතිකාරයින් වීමට උත්සාහ කරමින් ඉන්නා බවත්.

ස්නෝඩන්ට අද හිමිව ඇත්තේ මෙම අති ප්‍රබල චරපුරුෂ ජාලයට වසන්වී ජීවිතය රැකගැනීමේ අමාරු ජීවිතයක්. ඔහු සම්බන්ධ කරගැනීමට BBC මාධ්‍යවේදියෙකු ගත් වෙහෙසකර උත්සාහයක ප්‍රතිඵලයක් ලෙස අවසානයේ ස්නෝඩන් ඔහුට පණිවිඩයක් එවනවා. ඉන් කියවෙන්නේ මොස්කව් නුවර, නිශ්චිත හෝටලයක කාමරයක නැවතී සිටින ලෙසත්, කිසියම් මොහොතක ස්නෝඩන් පැමිණ දොරට තට්ටු කරන බවත්. එම කිසියම් මොහොත උදාවුණු පසු ස්නෝඩන් දොරට තට්ටු කරනවා. එතැන් සිට ඔහු හෙළිදරවු කරන්නේ මිනිසාව කළමනාකරණය කිරීම සදහා බිහිවූ ආයතනය වන රාජ්‍යය විසින් ඉතා සූක්ෂම ලෙස මනුෂ්‍යත්වයේ මුලික සීමාවන් පවා උල්ලංඝනය කරන ක්‍රියාදාමයේ ආරම්භයයි.

ස්නෝඩන්ගේ වචන- "NSA කියන්නේ ලෝකයේ තිබෙන ලොකුම චරපුරුෂ ජාලය. ලෝකය පුරා 35,000ක් පමණ සේවකයින් මේකේ සේවය කරනවා. මෙම ආයතනය නඩත්තු කරන්න ඇමරිකාව ඩොලර් බිලියන දහයක් වාර්ෂිකව වැය කරනවා. NSA එකයි බ්‍රිතාන්‍යයේ GCHQ ආයතනයයි එකතු වෙලා හදලා තියන ක්‍රමවේදය මගින් ලෝකයේ ඕනෑම කොනක ඉන්න කෙනෙකුගේ දුරකථන, ඊමේල් බැංකු ගිණුම් විතරක් නෙමෙයි පුද්ගලික පරිගණක වලට පවා ඇතුළු වී තොරතුරු ලබාගන්න පුළුවන්. මිට අමතරව Temper නමින් ඔවුන් ආරම්භ කරලා තියන වැඩසටහන මගින් යුරෝපයේ සහ ඇමරිකාවේ මිනිසුන්ගේ සන්නිවේදන උපකරණ වල ඇති දත්ත සියල්ල එකතු කොට ඒවා කළමනාකරණය කරන ක්‍රියාවලියක් හදල තියනවා. මේ මගින් මිනිසුන් වර්ගීකරණය කරලා ඔවුන් ගැන වැඩිපුර ඔත්තු බලනවා. කොටින්ම, ඔවුන් යුරෝපය හා ඇමරිකාව සම්බන්ධ කරන, අත්ලාන්තික් සාගරය හරහා මුහුද යටින් දමා ඇති පරිගණක දත්ත කේබල් වලින් සංසරණය වෙන දත්ත සොරා ගන්නවා.

මෑතකදී NSA ආයතනය දියත්කරපු තවත් ඔත්තු සේවා වැඩක් තමයි Smurfs. බෙල්ජියමේ ජනප්‍රිය කාටුන් චරිතයක නමක් යොදාගෙන දියත් කර ඇති මේ වැඩසටහන මගින් කරන්නේ දුරකථන ටැප් කිරීමයි. ක්‍රියා විරහිත කර ඇති දුරකථනයකට පවා ඇතුළුවී එහි අඩංගු දත්ත සොරාගැනීමට මෙයට හැකියාව තියනවා. එසේම මිට සමගාමීව නිර්මාණය කොට ඇති Nosey Smurf නමින් හැඳින්වෙන ක්‍රියාවලිය මගින් කිසියම් තැනැත්තෙක් රැගෙන යන දුරකථනයට ඇතුළු වීමෙන් එම තැනැත්තා යන එන තැන්, කථා කරන දෑ හඳුනාගත හැකියි."


ලෝකයේ රාජ්‍යයන් විසින් දියත් කර ඇති චරපුරුෂ යාන්ත්‍රණයට එරෙහිව ලෝකය දැනුවත්කරන Privacy International ආයතනයේ ක්‍රියාකාරිකයෙකු වන එරික් කිං පවසන්නේ එක්සත් ජාතින්ගේ සංවිධානය විසින් සම්මත කරගෙන ඇති පුද්ගලික නිදහස සදහා වූ නීති මේ මගින් අමු අමුවේම උල්ලංඝනය වෙමින් පවතින බවයි.

"මෙහි ඇති අනෙක් බරපතලම කාරණය තමයි, රටක නැතිනම් ලෝකයේ මිනිසුන් සතුව මෙන්ම විශාල ව්‍යාපාර හා පර්යේෂණ ආයතන සතුව ඇති දත්ත එක් ආයතනයක මිනිසුන් කිහිප දෙනෙක් විසින් හැසිරවීමේ බලය අනියම් ලෙස ලබාගැනීම. එමගින්, විවිධ රටවල් වලට මෙන්ම වෙළඳ සමාගම් වලට දේශපාලන සහ ආර්ථික බලපෑම් කිරීමේ අනියම් බලයක්, මෙම දත්ත එක්රැස් කිරීමේ ආයතන වලට ලැබෙනවා. ඒක හරි භයානක තත්ත්වයක්. විශේෂයෙන් ජංගම දුරකථන සේවා සමාගම් වල පරිගණක පද්ධති වලට හොර රහසේ ඇතුළු වී දත්ත එක්රැස් කිරීමට යොමුවීම තුළ සමාජයේ අලුත් ප්‍රශ්න පැන නගිනවා. පුද්ලිකත්වය බිඳවැටුණු සමාජයක් අපට හමුවෙයි. තව දුරටත් ඔබට ඔබේ රාජ්‍යය හෝ පාලකයා විශ්වාස කරන්න බැරිවෙයි."



ලෝකයේ සිදුවෙන ව්‍යාපාරික ගනුදෙනු තුළට ඔත්තු සේවා දැනටමත් හොර රහසේ මැදිහත් වී ඇති බවයි ස්නෝඩන් පවසන්නේ. ඇමරිකාවේ පරිගණක මෘදුකාංග නිෂ්පාදන ආයතනයක් වන CISCO සමාගම විසින් වරක් පාකිස්ථානයේ ආරක්ෂක හමුදාවට සහ රටේ ආරක්ෂක මර්මස්ථානවල භාවිතය සදහා අලෙවි කරන ලද පරිගණක හරහා තාක්ෂණික ප්‍රයෝග භාවිතා කොට එරට හමුදාවේ රහස් ලබාගැනීම මගින්, NSA ආයතනය පාකිස්ථානු හමුදාව අනියම් ලෙස පාලනය කළ බව ඔහු පවසනවා.

යුරෝපයේ සහ ඇමරිකාවේ පමණක් නොවේ ශ්‍රී ලංකාවේ පවා යමෙකුගේ ජංගම දුරකථන හෝ ඊමේල් ගිණුමක් පරික්ෂා කිරීමට විශේෂ නීතිමය අවසර ලබාගත යුතු වෙනවා. එත් NSA සහ GCHQ ඔත්තු සේවා ව්‍යාපෘති වලට රටක අභ්‍යන්තර නීති හෝ දේශ සිමා බලපාන්නේ නැහැ. GCHQ ආයතනයේ ප්‍රකාශකයෙකුගෙන් මේ පිළිබඳව කල විමසීමකදී මොහු මාධ්‍ය වෙත පවසන්නේ 'තමන් කරන්නේ ඔත්තු බැලීමක් නොව පරිගණක පද්ධති විශ්ලේෂණය කිරීම [CNE- Computer Network Exploitation]' බවයි. මෙම සියළු දේ තිරය පිටුපස සිට ක්‍රියාත්මක වීමට උත්තේජනය සපයන කාරණය වන්නේ ජාතික සහ ජාත්‍යන්තර ආරක්ෂාවයි. එහෙත් NSA ආයතනය තුළින් ස්නෝඩන් ලබාගත් අත්දැකීම් තුළින් ඔහු පවසන්නේ ආරක්ෂාව යනු මෙම ආයතන වල න්‍යාය පත්‍රයේ එක් කාරණයක් පමණක් බවයි. මෙම ඔත්තු සේවා වල තොරතුරු යොදාගෙන වෙළඳපොල හැසිරවීමට මොවුන් කටයුතු කල බවට ඕනෑතරම් සාධක ඇති බව ඔහු පවසනවා.

ස්නෝඩන්ගේ නම සඳහන් කල පමණින් ඇමෙරිකාවේ NSA බලධාරීන් කියන්නේ ඔහු 'ද්‍රෝහියෙකු' බවත් ඔහුට හිමි තැන වන්නේ ඇමෙරිකාවේ සිරමැදිරිය බවත්ය. එසේම ඔහුට එල්ලවන තවත් චෝදනාවක් වන්නේ ඔහුගේ හෙළිදරවු නිසා ඇමෙරිකාවට එරෙහිව කටයුතු කරන ත්‍රස්තවාදීන්ට උපායමාර්ගික අවි සැපයුණු බවයි. මනුෂ්‍ය ශිෂ්ටාචාරයේ මේ අවදියේ මිනිසා භුක්ති විඳින ලිබරල් නිදහසේ සැබෑ අර්ථය ලෝකයට හෙළිදරවු කල ස්නෝඩන් ද්‍රෝහියෙක් ලෙස ගැරහුම් ලැබ පිටුවහලෙක් ලෙස ලෙස ජිවිත් වෙයි. ද්‍රෝහියා යන චෝදනාවට ඔහු මඳක් කලකිරෙයි. එහෙත් ඔහු ඔහුගේ හෙළිදරවුව ගැන කිසිදිනක පසුතැවෙන්නේ නැති බව පවසයි.

ස්නෝඩන්ගේ වචන- "මම ද්‍රෝහියෙක් නම් ඇමරිකානු සහ බ්‍රිතාන්‍ය ආණ්ඩුත් ද්‍රෝහීන්. මං මගේ හෙළිදරවු කිරීම් කලේ මාධ්‍ය වෙතට. එහෙමත් නැතිනම් ජනතාව වෙතට. මං කවදා හරි ඇමෙරිකාවට ඇවිත් ඉතා සංවේදී දත්ත අවභාවිතා කල වරදට සිරබත් කෑමට සුදානම්. ඒත්, සැබෑ නිදහසක් වෙනුවෙන් සටන්කරන මිනිසුන් කවදා හරි මාව නිදහස් කරාවි."
මේ වියමන ඔබේ මූණු පොතට එක් කරන්න-
Tags- Edward Snowden, BBC, NSA, GCHQ, The Government Communications Headquarters, Smurf Suite, Nosey Smurf
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
අදහස්
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
වෙසෙස්
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
වෙසෙස්
දීපාල්- ගැලරියට ඇහුණේ නැති ගැලරියේ ගායකයා
අදහස්
අමරදේව මාස්ටර්, අපිනං ගොඩ...!
අදහස්
චේ නැතිව චේ සමග!
තවත් වෙසෙස් බූන්දි
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
මුතුරාජවෙල වනසන්නට පෙර
ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!
ට්‍රම්ප්...!
බූන්දි නව ඊමේල් ලිපිනය- editorial@boondi.lk
BoondiLets
ජේ. ක්‍රිෂ්ණමූර්ති කියයි.
අප කොතැනක- චීනයේ, ජපානයේ, එංගලන්තයේ, ඉන්දියාවේ හෝ ඇමරිකාවේ හෝ ජීවත් වුවත්, ඉතා වැදගත් වන්නේ "මගේ රට" යැයි අපි සැවොම කියමු. ලෝකය සමස්තයක් වශයෙන් කිසිවෙක් කල්පනා... [More]
What's New | අලුතෙන්ම
අදහස්| ගාමිණි වියන්ගොඩගේ සයිටම් ජපමාලයට පිළිතුරක්- 1

9-Mins

(අජිත් සී හේරත්) ගාමිණි වියන්ගොඩ ශූරීන් තම සයිටම් ජපමාලය සතිපතා දිගින් දිගටම ජපකරයි. ඔහු සයිටම් විරෝධීන් යැයි සිතන සියල්ලන්ට එරෙහිව ද්වේෂය සහ වෛරය... [More]
වෙසෙස්| බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?

4-Mins

(තිලක් සේනාසිංහ ) හේතුවාදය යනු Rationalism යන ඉංග‍්‍රීසි වදනෙහි සිංහල අරුත ය. මෙම ඉංග‍්‍රීසි වදන සඳහා සුදුසු සිංහල වචන කිහිපයක්ම මුල දී යෝජනා... [More]
ඔත්තු| රංජිනී ඔබේසේකරගෙන් Sinhala Poetry in Translation

22-Secs

ආචාර්ය රංජිනී ඔබේසේකර විසින් පසුගිය දශක කිහිපය පුරා වරින් වර පරිවර්තනය කරන ලද සිංහල කාව්‍ය... [More]
වෙසෙස්| උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!

10-Mins

(අන්ද්‍රෙ විල්ෂෙක් | අජිත් සී හේරත්) උතුරු කොරියාව ගැන සිතන විට මගේ මතකයට පළමුවෙන්ම නැගෙනුයේ පියොන්ග්යෑන්ග් අසල තායිදොන් නදියේ නිශ්චල ගම්භීර ජලතලය මත වූ මිහිදුම් පටලයන්ය.... [More]
කතන්දර| ඉරණවිල එළිය

6-Mins

(සහන් කසීර වික්‍රමසිංහ) 2016. 12.18
jessica_mclarck88@yahoo.com

ආදරණීය ජෙසිකා,

දුවටත් , අම්මාටත් සුබ නත්තලක් පතමි. සියලුම කටයුතු හොඳින් සිදුවෙනු ඇතැයි සිතන අතර නත්තල් රාත්‍රිය ඔබ දෙදෙනා... [More]
ගී කිය(ව)මු| ඔබට පමණි ඔබ ආදරේ- ප්‍රොයිඩියානු කියවීමක්

2-Mins

(සුදේශ් කවීශ්වර) ඇයගේ ඇකයෙහි ඔබ හිස රඳවා
සැනැහුණු මොහොතක ඔබේ ම දෙනෙතින්
මා ඔබ දුටුවා ඇයට නොවේ
ඔබට පමණි ඔබ ආදරේ

වසන්ත දෙකොපුල නිදිවැරු තොල් මල
දසැඟිලිි... [More]
Cine| යුක්තිය ජය ගැනීමට 'දුෂ්ටයාගෙන්' පළිගැනීම- ඇස්ගාර් ෆර්හාඩිගේ The Salesman

6-Mins

(උපාලි අමරසිංහ) පහත පළ වන්නේ ඉරාන ජාතික කීර්තිමත් සිනමාකරුවෙකු වන ඇස්ගර් ෆර්හාඩි ගේ The Salesman චිත්‍රපටය පිළිබඳ ටොම් කාටර් විසින් ලෝක සමාජවාදි... [More]
රංග| මරණය සහ කන්‍යාවිය මැවූ ඒරියල් ඩෝෆ්මන්

2-Mins

(සංජීව නුවන් ගුණරත්න) ශ්‍රී ලාංකික වේදිකා නාට්‍ය කලාවට ආගන්තුක නොවන නමුත්, විශාල වශයෙන් සංවාදයට බඳුන් නොවුණු, නූතන ඇමරිකානු නාට්‍ය රචකයෙකු ලෙසට ඒරියල් ඩෝෆ්මන්... [More]
අදහස්| විධිමත් සංහිඳියාවක සවිමත් පදනම

6-Mins

(කසුන් සී. තිලකරත්න) පසුගිය වසර කිහිපයක පටන්, මේ මොහොත දක්වාම අප සමාජය තුළ සුවිසල් කතිකාවතකට ලක් වූ සංකල්පයක් වේ නම්, එය සංහිඳියාවයි. යුද... [More]
අදහස්| තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!

3-Mins

(හිරාන් ද සේරම්) එක්සත් ජාතීන්ගේ සංගමය විසින් ජාත්‍යන්තර වෙසක් දිනයක් නම් කළ බවට ලොකු ප්‍රසිද්ධියක් දෙනවා රාජ්‍ය මැදිහත්වීමෙන්. ලංකාවෙ මාධ්‍යවලත් ඒ ගැන හදපු... [More]
ඔත්තු| සයිටම් පිළිබඳ සාකච්ඡාවක්- මැයි 6

7-Secs

සයිටම් ගැටළුව හා නිදහස් අධ්‍යාපනය පිළිබඳ සාකච්ඡාවක්, 2017, මැයි 6 සෙනසුරාදා, සවස 3:00ට, මීගමුව ජනාවබෝධ... [More]
ඔත්තු| ශිශිරය සන්ධ්‍යාව- මැයි 28

22-Secs

අග්නි ඔපෙරාව ඇතුළු ප්‍රේමසිරි කේමදාසගේ ඔපෙරා නිර්මාණ සඳහා ගායනයෙන් දායකත්වය ලබා දෙමින්, ලාංකේය ඔපෙරා කලාව... [More]
වෙසෙස්| මුතුරාජවෙල වනසන්නට පෙර

4-Mins

(කපිල මහේෂ් රාජපක්ෂ) මීතොටමුල්ල ඛේදවාචකයෙන් පසු කොළඹ කුණු බැහැර කිරීම සඳහා දේශපාලකයින් සහ ඇතැම් අමනෝඥ්ඥ නිළධාරීන් විසින් වඩාත් සුදුසු ස්ථාන ලෙස තෝරාගනිමින් සිටින්නේ... [More]
රංග| යුරිපිඩීස් චිත්‍රණය කළ ස්ත්‍රීත්වය

3-Mins

(මහේෂි බී. වීරකෝන්) සම්භාව්‍ය ඇතැන්ස් පුර (ක්‍රි.පූ. 480-323) ස්ත්‍රියගේ අවකාශය වූකලී, ඓතිහාසික ග්‍රීක ඉතිහාසය තුළ, අන් කාල පරිච්ඡේදයන්ට සාපේක්ෂව ගත් කල යම් කිසි... [More]
ඔත්තු| 'නොසන්සුන් මොහොතක හීනයක්'| අප්‍රේල් 30

9-Secs

කසුන් සමරතුංග විසින් රචිත 'නොසන්සුන් මොහොතක හීනයක්' කාව්‍ය සංග්‍රහය 2017 අප්‍රේල් 30 වන ඉරිදා සවස... [More]
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook