A review on Gayan Indula's Poetry Collection- Viramayakata Pasuwa Hamuwemu | BOONDI.LK
Facebook
Twitter
Google+
YouTube
Blog
RSS Feed
පොත් බූන්දි
ඔහු, දිගු විරාමයකින් පසුව හමුවිය යුතු කවියෙක්
බූන්දි, 22:30:16
"කවියක් ලිවීමට තැත් කිරීමම කවියක්" යන්න නිතර සිතට නැගෙන කාරණයකි. එයට හේතුව කවිකමක් තමන් තුළ ඇතියැයි සිතීමම අස්ථි පංඤරයක් තුලට මනුෂ්‍ය ආත්මයක් ඇතුළුවීමක් වන බැවිනි. ඒ නිසා කොතැන හෝ තැනෙක කුරුටු ගෑ කවියක් යනු මනුෂ්‍ය ආත්මයක භාව ප්‍රකාශනයක් වෙයි. පසුගිය වකවානුවේ කෙටි කාලයක් තුළ කවි පොත් ගණනාවක් එළි දකින ලදි. ඒ අතර පරිණත කවීන් මෙන්ම නව කවීන් රැසක් ද සිටිනු දක්නට ලැබුණි. එය කිසියම් ආකාරයෙන් කවියට නව ඇරඹුමක් වෙනු ඇතැයි නිතර සිතෙන්නේ කවියට අප තුළ ඇති ලේ සබැඳියාව නිසාමය.

මේ නව කවියන් අතර සිටි ගයාන් ඉන්දුල කොඩිතුවක්කු ගේ කාව්‍ය එකතුව "විරාමයකට පසුව හමුවෙමු." කාව්‍ය ග්‍රන්ථය කියවා නිමා කළෙමි. මුළු කවි පොත පුරාම සුහුඹුලේ වැඩෙන කවි අංකුර රැසක් දැක ගත හැකිවිය. ඇතැම් කවියක් කියවා අවසානයේ ඒ කවිය මත මොහොතක් නැවතී සිටින්න්ට හිතෙන තරමට ඒ තුළ කුමක්දෝ යමක් තිබෙන බව හැඟේ. එවැනි කවි කිහිපයක් මගේ මනසේ තැන්පත් විය.

"පිරික්සමි යළි යළිත්
නෙත් විවර කර තුයුණු ව
මා අත රැඳි කැඩපතෙහි බැඳි
මලකඩ සූර සූරා
අයාලේ ගිය වසත් ඍතුව.."


(17 පිටුව )

ගයාන් ජීවිතය පිළිබඳ ඔහුගේම කියවීමක් කවි කිරීම සඳහා භාවිතා කරන්නේ අවට පරිසරයයි. ගස්වැල්, ඉර සඳ, තාරකා, සුළඟ, දහවල, රාත්‍රිය, අඳුර වැනි දේ භාවිතා කරමින් ඔහු ජීවිතය කවියෙන් කියවීමට උත්සාහ දරයි.

"මල් පෙති මත මත් වී
නෙක බමර පොදි
මල් ගැන කියන කවි ගී
මල් හීනෙනුත් ගයනවා ඇති..."


(26 පිටුව )

ගයාන් ගේ කවි එකතුවේ ඉතාම සිත් ගන්නා කවි කිහිපයක් වෙයි. එක අතකින් ඔහු කවි බස භාවිතා කරමින් මනසේ චිත්තරූප මවන අතර විටෙක කවියේ මතුපිට අරුත විනිවිද යටිපෙළ අරුත සොයා යන්නට අපගේ අතින් ඇද බලකරයි.

"වටිනාකමින් වැඩි හාදුවක් තවරමි
මහා කළුවරක් පැවති
හාදු ඇති තරම් ගොඩ ගසා තිබූ
රිදෙන්නේ නැති
බිඳෙන්නේ නැති
මහා පර්වත කොපුලක

සිය ගණන් සමනල්ලු එන්න ඇති
තව හාදු මිටි ගණන් අරන් යන්නැති
කළුගලක් උන්ට ඇත්තටම ආදරේ යැයි
උන් හිතාගෙන ඉන්නවා ඇති

කඳු ගැන මොනවත්ම දන්නේ නැති
දළඹුවොත් ඒ ගැන හීන මවන්නැති
කාටවත් දුන්නේ නැති එකම එක හාදුවක්
ඒ කඳු මුදුනේ කොහේ හරි ඇති..
"


(30 පිටුව)

ගයාන්, මෙවැනි කවි වලින් ජීවිතය පිළිබඳ යම් දාර්ශනික කාරණා කිහිපයක් අප වෙතට විසි කර ඒවායෙ යුක්තා'නුයුක්ත භාවය විමසා බලන්න යැයි ඉල්ලා සිටී. මේද එවැනි කවියකි.

"උස් තුරෙක හිඳ ආදරේ අයදින
කළුම කළු බඹර හිතකට මිස
රතු නෙළුම් මල් ආදරේ නැත

මවු කෙරෙන් බලෙන් උදුරා
නිවන් දකිනට - බුදුන් පුදනට
සැදැහැවත් අත් වෙත
හිතේ උපදින මරණ බය හැර.."


(36 පිටුව)

ගයාන් ඉන්දුල කොඩිතුවක්කු තරුණයා භෞතික ශරීරයේ අපහසුතාවලින් පීඩා වින්ද ද ඔහුගේ හදවත් විසල් ය. එසේ නොවන්නේ නම් ඔහුට කිසිදිනක කවියෙකු විය නොහැක. රෝද පුටුවකට වී දිවි ගෙවීමට සිදුවීම නිසාම ඔහුගේ අත්දැකීම් පරාසය හැකිලී ඇති සෙයක් මේ කෘතිය පුරාම දැකිය හැකිය. මේ නිසා ඔහුගේ හැකිලී ගිය ලෝකයේ කවුලුවෙන් දකින දේ හා ඔහුගේ හදවත ඉල්ල සිටින් දේ පමණක් ඔහු කවියට නගයි. විශේෂයෙන් පරිසරය ළඟම මිතුරා සේ ඇසුරු කරන ඔහු පරිසරය පාදක කරගෙන ඒ ඔස්සේ ජීවිතය කියවයි. ආදරය, සෙනෙහස, අවධානය ඔහුගේ කවිවල හුස්ම බවට පත්වන්නේ එබැවිනි.

ගයාන්ගේ බොහෝ කවි තවමත් පවතින්නේ අංකුර ස්වරූපයේ යැයි විටෙක හැඟේ. ඇතැම් කවි ඉතා ප්‍රබල තැනකින් පටන් ගෙන ආන්තික වී යන්නේ එබැවිනි. මේ නිසා ගයාන් කවියට තවදුරටත් තම සිත තුළ වැඩෙන්නට ඉඩ දිය යුතුය. එවිට ඔහුගේ කවිය නිරෝගී ජීවිතයක් ලබන බව නිසැකය. මේ නිසා කවියට නිරෝගීව වැඩෙන්නට ගර්භාෂගතව සිටින්නට ගයාන් ඉඩදිය යුතු බව සඳහන් කරන්නේ අනාගත ජවසම්පන්න කවියෙකු දැකීමේ බලාපොරොත්තුවෙනි. අවසාන වශයෙන් අප සසල කරවන ඔහුගේ කෙටි කවියක් සමාප්ති සටහන ලෙස උපුටා දක්වමි.

"අම්මාගේ පපුව උඩ තරම් ඕන පුතෙකුට
අඬන්න පුළුවන් තැනක් නෑ මුළු ලෝකෙම
පුතු හැඬුවොත් අම්මත් හඬනා බියට
තවමත් පුතුන් හඬනව හොරැහින් රෑට "


(41 පිටුව)

ගයාන්, ඔබ දිගු විරාමයකින් පසුව අනිවාර්යෙන්ම හමුවිය යුතු කවියෙකි.
මේ වියමන ඔබේ මූණු පොතට එක් කරන්න-
Tags- Gayan Indula Kodithuwakku, Sinhala Poetry Collection, Viramayakata Pasuwa Hamuwemu
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
කපිල එම්. ගමගේගෙන් තවත් වියමන්
පොත්
අකුරු ද හුස්ම ගන්නා බව සැබෑවකි..!
පොත්
"ටිකිරිලියා තරු මැද්දේ ගියා"- පරාක්‍රම ප්‍රේක්ෂාගාරයට ගල් ගසයි..!
කවි
යෝධයාගේ උයනේ සිරවූ බිරිඳ
පොත්
ජනමාධ්‍යවේදීන්ට බලපාන නීති- විමසුමක්
පොත්
රේන්ද ගුදමින් පෙරී ආ ආදරණීය වික්ටෝරියා
තවත් පොත් බූන්දි
ලිස්සන පපුව මැද නොලිස්සන ගැහැනු සලකුණ
යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා
සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!
අක්කරෙයිපත්තු අක්ෂර- අත්‍යවශ්‍ය හදිසි කියැවීමක්!
කාංචනාලගෙ පොකුණට ආපු පාත්ත මෙනවිය
බූන්දි නව ඊමේල් ලිපිනය- editorial@boondi.lk
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook