Facebook
Twitter
Google+
YouTube
Blog
RSS Feed
පොත් බූන්දි
'අඟුණ මල්'- කෙටි කවියක දාර්ශනික දිගන්තයක් හෙවත් පොඩියට ලියපු ලොකු කවි
බූන්දි, 21:32:57
අකුරක් දෙකක් හෝ වචනයක් දෙකක් මහා ගොඩක් දේ අපට කියන්නේ ඒ ඒ අකුරු වචන නිසි ආකාරයෙන් පෙළගැසුවාට පසුවයි. එසේ වූ පෙළ ගැස්වීමක් කළ හැක්කේ ටක් ටික් ටුක් ක්‍රීඩාවට වචන හරඹ කරනවාට වඩා කීමට අවැසි දේ හි කොඳුනාරටිය මිටින් ඇල්ලිය හැකි අයෙක්ට මෙන්ම ජීවිතයද නාරටියෙන් අල්ලා ගත්තෙකුට පමණි. වචන කීපයක වසර දහස් ගණනක සත්තාව ගිල්වාලනු හැක්කේ එහෙව් හිතකට පමණි. මාලන් බණ්ඩාර කපුවත්ත, වචන පමණක්ම දකින වචන පමණක්ම වුණු කවි වෙනුවට අඩුම වචන වලින් ප්‍රකාශනයේ වැඩිම බර තබන්නට 'අඟුණ මල්' නිර්මාණය කර තිබීම සතුටකි.

ඔබට යමක් අල්ලා ගැනීමට අවශ්‍ය නම් එය අතහැරිය යුතු ය වාගේම ඔබට අවශ්‍යම දේ කීමට නම් ඔබ එය කෙටියෙන් කිව යුතු බව අප දන්නා නමුත් ප්‍රායෝගිකව නොවන්නේද එයම වෙයි. යමක් අල්ලා ගැනීමට දරන වෙහෙසේදී එය ඔබෙන් පලා යනවා මෙන්ම අවශ්‍යම දේ කීමට වචන වැඩි වැඩියෙන් මහන්සි කරවීම තුළ අවශ්‍ය දේට වඩා අනවශ්‍ය දේ අප විසින් පවසමින් සිටියි. මාලන් බණ්ඩාර කපුවත්ත අඟුණ මල් හරහා අවශ්‍ය දේ අවශ්‍ය අනුසාරයෙන් කසාය හැළියක තබා පැසවා ගනිමින් කවදාවත් විසි කළ නොහැකි වචන ටිකක් දාර්ශනික ඖෂධ ගුණයකින් අප වෙත තිළිණ කරයි. ඒ කෙටි කවිය දිගු කාලීන ජීවිතය ක්ෂණයකින් අවබෝධය කරා වැඩම කරවයි.

හැර ගිය මගෙහි
ඉඳ හිට හමුවන
ගැඹුරු අඩි..


හැරගිය මං වලින් මාලන් ප්‍රක්ෂේපණය කරන සංඥාර්ථ සමූහයකි. වසර දස දහස් ගණනක් තිස්සේ මිනිසා මෙතෙක් ආ ගමන් මග තුළ මිනිසා විසින් අතහැර දැමූ නොඑසේනම් දියුණු සමාජයක් උදෙසා යනෙන අවගමන තුළ විසිකර දැමූ සාරාර්ථ බොහෝ ය. ඒවා ඇතැම් විට අතීත දැනුම් පද්ධති විය හැකිය. ඇතැම් විට ඉපැරණි සංස්කෘතිකාංග විය හැකිය. ඇතැම් විට පෞද්ගලික ජීවන ලාලසාවන්ගේ අතීත මර්මස්ථාන විය හැකිය. ඇතැම් විට අතීතකාමය විය හැකිය. ඒ කෙසේ වතුදු ඒ තුළ ද ගැඹුරු අඩි අපට හමු විය හැකිය. නව මං සොයන සමස්ත ලෝක මිනිස් අහිණක අතහැරුණු දෑ තුළ ඇති විශාලනය මාලන් කැටි කරන්නේ, ලෝක සිතියමම ගුලිකර එක මිටට ගත් කඩදාසි බෝලයක් පරිද්දෙනි.

ගෙවුණු ලාඩම
කියයි
එසවුණු වර ගණන
කෙවිට ..


පාවහන් යුගලයක ගෙවීම සන් කරන්නේ ජීවිතේ කෙතරම් දුරක් ඇවිද ගියාද කියායි. මාලන් ඉඟි කරන මේ ලාඩම සත්ත්වයෙකුට වුවද මනුස්සයෙකුට වුවද එක සේ අදාළ විය හැකිය. කෙවිට සත්ත්වයෙකුට එරෙහිව එසවෙන වාර ගණන වගේම මනුස්ස වර්ගයාට එරෙහිව එසවෙන දේශපාලනික, සංස්කෘතික, ආර්ථිකමය වගේම සමාජයීය කෙවිටි පහරවල් ද අති විශාලය. සත්ත්ව සහ මනුස්ස සංහතියේම අතිශය පීඩාකාරී ජීවන රටාව මාලන් සීමිත වචන කීපයක් තුළට ගොනු කරන්නේ අසංඛ්‍යෙය කෙවිටි පහරවල් තොගයක් රසික ඔළුගෙඩි වලට තිළිණ කරමිනි.

පිරුණු මිනිසුන් අපරිණත මවාපෑම් නොකරනවා සේම ප්‍රදර්ශනකාමී පුහු හැසිරීම් වලින් තොරය. ඒ බවට උපහැරණ නොයෙක් අප අසා ඇත. හිස් තුළ සාර අස්වනු පිරුණු පසු ඔවුන්ගේ නන්දෙඩවිලි අඩුය. කැපී පෙනීමට දරණ උත්සහයන් නොමැත. වැජඹීමට දරණ උත්සහයන් නොමැත. තරගකාරීත්වයක් නොමැත. අල්ලා ගැනීමක් නොමැත. කුලල්කා ගැනීමක් නොමැත. එසේ නමුදු පොදු වැසිකිලියේ සිට සමාජජාලා වෙබ් අඩවි දක්වා අපට අද දකින්නට ඇත්තේ වැජඹීමට, කැපී පෙනීමට, පුරුෂාර්ථ වීමට දරන්නාවූ අප්‍රමාණ පුද්ගල උත්සහයන්ය. මිනිසා අභ්‍යන්තරිකව තදින් වැළඳ ගෙන ඇති ඉතා කුඩා වූ යම් යම් දේවල් පුද්ගල හමුවීමකදී කළ හැකි වාචික ශල්‍යකර්මයක් මගින් අපට ඉතා පහසුවෙන් සොයා ගත හැකිය. මාලන්ගේ කවියේ දාර්ශනික මානය තව දුරටත් ඔහු මෙසේ විදාරණය කරයි.

නැවෙන විට
සුවඳැල් බිමට
එසවෙයි හිස් අහසට
බොල් කරල් ..


කෙටි කවියක් ඉලක්කගත නිෂ්චිතම අරුත් සම්පාදනයක් නොකෙරෙන්නේය. එහි බොහෝ වූ බහු අරුත් තිබිය හැකිය. බොහෝ මානයන් තිබිය හැකිය. රසිකයින්ට එහි ගැඹුරට ගොස් නා නා විධ අරුත් සම්පාදනය කර ගත හැකි ය. වැදගත් විය යුත්තේ පුහුණු රසිකත්වයක් තුළින් කවියට එබීම සහ කවියාට උඩින් සිතීම පමණි. එවිට කෙටි කවියක් අතිවිශාල දාර්ශනික චින්තාවන් උත්පාදනය කරනු ඇත.

උපාසක
ගෙබිම අතැ'ර
මළුව අමදියි
රටාවට ..


මාලන්ගේ මෙකවෙහි විටෙක උත්ප්‍රසාසයක් දැකිය හැකිය. විටෙක අතහැර දැමීම සඳහා වූ තවත් අල්ලා ගැනීම් ගැන ඉඟියක් සපයන්නේය. තවත් විටෙක ආධ්‍යාත්මික විමුක්තිය උදෙසා ආයෙත් බැඳීමකට යටත් වන අහිංසකයින් දෙස සානුකම්පිත දෘෂ්ටියක් හෙළන්නේය. තවත් විටෙක රටාවට මළුව ඇමදීමෙන් නැවත නැවතත් තෘෂ්ණාවේම ඇලීම ප්‍රකට කරන්නේය. තවත් විටෙක කුටුම්භ වලින් බැහැරව බාහිර ස්ත්‍රීන් සමග පවත්වන්නාවූ සම්බන්ධතා පිළිබඳ ඉඟියක්ද සපයන්නේය. ඉදින් මෙකවි මෙබඳු වූ බුහු විධ රසාභ්‍යාසයකට රසිකයා කැඳවා ගනී. එවන් වූ ප්‍රතිඵලදායී තත්ත්වයක් උද්ගත වන්නේ කවියා තුළ ඇති වචන පෙළගැස්වීමේ බුහුටි භාවය නිසාමය. මාලන්ගේ අඟුණ මල් කෘතිය රසිකයාව සීමිත වචන ප්‍රමාණයකින් අසීමිත කැළඹිල්ලකට පත් කරන ආකාරය පුදුම සහගතය.

අඟුණ මලින් එපිට බිම් කිහිපයක්

ලක්ෂාන්ත අතුකෝරලගේ 'හිතග්ගිස්සේ නැකැත් මොට්ටු' කෘතියේද අපට මෙබඳුම කවි කුලකයක් හමු වන්නේය. මෙකවි කුඩා බෝම්බයක් සේ එකවරම පිපිරී මහා විනාසයක් ඔළු තුළ සිදු කරනු ලබයි.

වැඩ ඇරී
වැඩට යති
ගෑනු -


ලක්ෂාන්ත අතුකෝරල

දිනපතා වචන ලක්ෂ ගණන් ලියැවුණද සයිබර් කවියෙන් අපට යහපත් කවි බලාපොරොත්තුවක් තැබිය හැක්කේ ඉතා සීමිත ප්‍රමාණයකිනි. නමුදු සමාජයේ අවැඩක් කිරීමට වඩා සයිබරයේ කවියක් ලිවීම ම යහපත්ය. එනමුත් ඇතැම් සයිබර් කවි නම් සමාජයට සිදු කරන්නෙත් අවැඩැක්මය. කෙටි කවියකින් ලොකු පහරවල් එල්ල කරන සයිබරයේ එක් කවි කාරියකි රසිකා ගුණවර්ධන. ඇගේ ප්‍රතිභාවේ සුක්ෂමතාව ලොකු ගම්මානයකට ඇතුළුවන්න අඩි පාරක් සකසා දෙන්නකි. ඉදින් අඩිපාර නොදැක වන ලැහැබි තුළ රිංගන රසිකයින්ට ගම්මානය නොපෙනී යනු ඇත.

සුළං නැතුවත්
සෙලවෙන්න තනයි
බෝපත් -


රසිකා ගුණවර්ධන

අන්තර්ජාලයේ බොහෝ කවි අංකුර වලට දලු ලා වැඩෙන්න වෙහස වූ සොඳුරු මිනිසෙකි සමර විජේසිංහ. සමර අනපේක්ෂිත මොහොතක විශාල රිදුමක් තිළිණ කරමින් නික්ම ගියේද ඔහු අනුදත් කවි මගෙහි ගැඹුර ද අපට පසක් කරමිනි.

මහල්ලෙක් ලෙඩෙක්
මළකඳක් දුටිමි
ශ්‍රමණයෙක් නොදුටිමි -


සමර විජේසිංහ

සයිබරයේ කවි අතර බොහෝ මංවල නොගොස් ස්වකීය මගකට පිළිපන් තවත් එක් මානවකයෙකි විහඟ සත්සර. කෙටි කවිවලින් කොණිත්තන ඔහුගේ කවි ගොන්න දෙස රිදුම් පිරිමදිමින් නැවතත්, නැවත නැවතත් බලා සිටිය හැකිය.

කඳු හිස පිපුණු
සිඟිති මල් කැකුළු
ප්‍රපාතය ගැඹුර සඟවන
ධවල මිහිදුම් සළු -


විහඟ සත්සර

අඟුණ මලේ සුවඳ

නේක කවිමල් ගොනු නිතර හමුවෙද්දී මාලන්ගේ අඟුණ මල් ගෙනාවේ වෙසෙස් සුවඳකි. ඒ වූ කලී අරුත් සම්පාදනයේදී කවියා දැක්වූ සුවිශේෂී ප්‍රතිභාවයි. බුහුටි බවයි. ඕලාරික වචන සමූහයන් අතර කවි රසවිඳීමේ දුෂ්කර ක්‍රියාන්විතයේදී අඟුණ මල්, සුපහන් ජීවිතාවබෝධයක් සමගින් දාර්ශනික චින්තාවක වගේම හුදෙකලා ආරම්මණයක නිමග්න කරන්නේය. ඉතා ප්‍රබල වූත් සාර වූත් චිත්ත රූප මැවිය හැකි කවියක් මාලන් සතුය. මාලන්ගේ කවිය රසිකයාගේ ඇතුඵ හදට වඩාත් විහිදෙන්නේ ඒ නිසාය. කෙටියෙන් පැවසූ කඳු ගණන් තේරුම් ලිහාගත් පසුව මාලන්ගේ කවිය අපට බුද්ධිගෝචර රැස් වළල්ලක් පළඳයි. ජීවිතාවබෝධයේ පරිපාකය කරා ළඟා කරවයි.
කොතෙක් කවි එක සේ ලියවුණද වෙසෙස් කවියක් පිළිබඳ ඉඟියක් මාලන්ගේ කවිවලින් අපට හමු වෙයි. ඔහුගේ ඒ වෙහෙසට රසිකයින් ලෙසින් අපි හිස නමමු. කවියේ වෙනත් දිශානතියක් කරා ගමනේ යන මාලන්ට ඔහුගේම කවියකින් ඔහුට සුභ පතමු.

ගලා යයි ඟඟ
පහළට
මාළු පීනන්නේම
ඉහළට ..
මේ වියමන ඔබේ මූණු පොතට එක් කරන්න-
Tags- Anguna Mal, Malan bandara Kapuwatta, Sinhala Poetry Collection
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
වීරයාගෙන් තවත් වියමන්
වෙනස්
මෛත්‍රී
පොත්
ආයෙත් එන්න කියන්න බැරි තැනක හිඳ "යන්නං චන්දරේට" අතවනමු.
වෙනස්
ඉනිමං නැති අපි
වෙනස්
නාලන්ද සර්පයා දුටුවාද?
කරන්ට්ස්
රටක් කියන්නේ තවමත් හිරගෙදරක්
තවත් පොත් බූන්දි
මී පුප් සේ රස 'හෑල්ල'
උතුරා යන්න ගඟ මම කැමති පොකුණට- විමසුමක්
ලිස්සන පපුව මැද නොලිස්සන ගැහැනු සලකුණ
යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා
සවන් දෙන්න! මේ අමිහිරි මතක අතීතයක සිට එන "අන්තිම දුම්රිය"යි!
බූන්දි නව ඊමේල් ලිපිනය- editorial@boondi.lk
BoondiLets
මාර්කේස්ගේ සමුගැනීමේ ලිපියෙන්.
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප... [More]
What's New | අලුතෙන්ම
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook