Kumar Gunarathnam; His right to engage in politics in Sri Lanka | BOONDI.LK
Facebook
Twitter
Google+
YouTube
Blog
RSS Feed
අදහස් බූන්දි
ගොළුවෝ, කථිකයෝ සහ කුමාර්
බූන්දි, 23:01:46
"ගොළු නොවන සියල්ලෝ කථිකයෝය". මේ වාක්‍යය කීවේ 1998 වයඹ පළාත් සභා මැතිවරණ ව්‍යාපාරය අබිමුවේ ජනතා විමුක්ති පෙරමුණේ පුත්තලම් දිස්ත්‍රික් සාමාජිකයන් වෙනුවෙන් සංවිධානය කරන ලද විශේෂ සූදානම් කිරීමේ වැඩමුළුවක් ඇමතූ 'මූලස්ථානයෙන් පැමිණි' සහෝදරයෙකි. චන්ද්‍රිකා බණ්ඩාරනායක පාලන සමයේ සිදු වූ මහා ඡන්ද මංකොල්ලයක් ලෙස කුප්‍රකට වූ එම මැතිවරණය, එයට දින නියම කළ දා පටන්ම සංග්‍රාමයක සිරි ගෙන තිබිණි. එවකට පුත්තලම හොල්ලමින් සිටි ද. මු. දසනායකලා ප්‍රමුඛ පොදුජන එක්සත් පෙරමුණ පුටුව ලකුණෙන් තරග වැදුණේ වයඹ පළාත් සභා මැතිවරණය වන් හෝ(ර්) ස් රේස් එකක් ලෙස ඉතාම උද්දච්ඡ ලෙස උපකල්පනය කරමින් රාජ්‍ය බලයේ කටු මුගුර මිට මොලවාගෙනය.

94 පරාජයෙන් දළ කැඩී සිටියේ වුව එක්සත් ජාතික පක්ෂයද සටන අතහැර තිබුණේ නැත. පුත්තලම දිස්ත්‍රික්කය යනු එජාප බලකොටුවකි. එයිනුත් හලාවත සහ වෙන්නප්පුව ආසන යනු කාලයක් තිස්සේ හරින්ද්‍ර කොරයලා පෙස්ටස් පෙරේරලා හොඳට සෙල්ලම් දැමූ, කැපුවත් කොළ ලෙස නම්කළ හැකි ආසන යුගලයකි. එහෙයින් ඒ හයිය ගෙන එජාපයද කරටකර සටනකට සූදානම් වෙමින් සිටියේය. මේ ප්‍රචණ්ඩ අලකලංචිය මැද ජවිපෙ තෝරාගෙන තිබුණේ සාමකාමීත්වයේ මාවතය. උනුත් එකයි මුනුත් එකයි සටන් පාඨය මුළින්ම යොදා ගැනුණේ මෙන්න මේ වයඹ පළාත් සභා මැතිවරණය සඳහාය. අපි දැන් නැවතත් අර වැඩමුළුවට එමු.

සබකෝලය ලැජ්ජාව බය අතහැර හැමෝටම ජනතාව අමතන්නට සිදුවන බව 'මූලස්ථානයෙන් පැමිණි' සහෝදරයා කීවේ පෙර කී වාක්‍යය වහරමිනි. එහෙම කියා හැරෙන තැපෑලෙන් ඔහු මෙහෙමද කීවේය. "ඒ වගේම මතක තියාගන්න ඕන, ස්ටේජ් එකට නැග්ගට පස්සෙ ඔලුව කසන්න නහය හාරන්න නියපොතු කන්න එපා. මිනිස්සු අපි දිහා බලාගෙන ඉන්නේ. මීඩියා අපි දිහා බලාගෙන ඉන්නේ. අනික, ලොකුම ප්‍රශ්නෙ තමයි මයික් එක ලඟට ගියාම ගොඩක් අයට එක එක්කෙනාව වැහෙනවා. මැරිච්ච මිනිස්සු විතරක් නෙවෙයි තාම ජීවත්වෙලා ඉන්න අයවත් වැහෙනවා. ඒක නිසා අරයව මෙයාව වැහෙන්නෙ නැතුව තමන් තමන් වෙලා කතාව කරන්න ඕන."`

එය ඇත්තකි. එවකට ජවීපෙ තුළ වීරයා විමල් වීරවංශය. ප්‍රාදේශීය බොහෝ සහෝදරවරු කතා පවත්වද්දී 'පොඩි' වීරවංශමය ගතියක් පෙනෙන්නට තිබීම සාමාන්‍ය තත්වයක් විය. විමල් වීරවංශ කොපි කළේ රෝහණ විජේවීර සහෝදරයාගේ කතා ශෛලිය බව වෙනම කතාවකි. ඊට අමතරව සමහරු අජිත් කුමාර (මේ කියන්නේ පාර්ලිමේන්තු බෝම්බ සිද්ධියට සම්බන්ධ - පසුව ජවිපෙ හැරගිය) ගේ ශෛලියද අනුකරණය කලෝය. අජිත් කුමාර අනුකරණය කලේ 89 අරගලයට පෙර ජවිපෙ වේදිකා හෙල්ලූ පැරැණි නායකයන්ගේ ශෛලිය යැයි ලියුම්කරුට සිතෙයි. මේ අනුකරණ ශෛලිය කතාවෙන් වෙනස් කළේ ටිල්වින් සිල්වා සහෝදරයා යැයි කිව හැකිය. අපගේ කතාවේ එන වැඩමුළුවට මූලස්ථානයෙන් ආ සහෝදරයාටද අමුතුම කතා ශෛලියක් තිබිණි. එහෙත් ඔහු කිසිදිනෙක ජවිපෙ වේදිකාවක දැක නැත.

පෙර නුදුටු අමුතු විලාසයකට කතාකරන මේ මනුෂ්‍යයා, තමන් විසින් අමතනු ලැබෙන පිරිස කතාවෙන් අවනත කරගත්තේය. එක්තරා මෘදු කමකුත් ඊට යටින් පෙනෙන නොපෙනන පරිදි එලන ලද කිසියම් කර්කශ අධිකාරීත්වයකුත් ඒ හඬේ ගැබ්ව තිබිණි. සදයද නිර්දයද කිවනොහැකි කීරිගැහෙන උපහාසයක් ඔහු වහරන වචන තුළ පැවතියේය. එය බැණුම් වරුසාවකට වඩා ප්‍රබල බව දන්නෝ දනිති. වරෙක එකී උපහාසයේ කෙළවරක ගොස් වැදෙන ඔහුගේ සිනහව, තවත් වරෙක සහෝදරත්වයේ කෙළවර තෙක් දිවෙන සුහදකමකට මග පාදයි. 2011 වර්ෂයේ ජනතා විමුක්ති පෙරමුණේ මහා පිපිරුම එන තෙක් පක්ෂයේ කොයිකාගේත් ආදරය දිනූ වීරයා වූ ඔහු ප්‍රේම්කුමාර් ගුණරත්නම් හෙවත් කුමාර් සහෝදරයා ය.

දේශපාලනය යනු වීරයන් නිර්මාණය කර නොගත යුතුම කලාපයකි. මක්නිසාද යත් ඔවුහු භෞතිකව ජීවත්ව සිටියදී පවා දේශපාලනිකව මිය යා හැකි නිසාය. ජවිපෙ දෙකට කැඩී පෙරටුගාමී සමාජවාදී පක්ෂය නිර්මාණය වන විට රළ නගා ආවේ මෑතකාලීන වාමාංශික දේශපාලනයේ වඩාත්ම ප්‍රබෝධජනක අපේක්ෂාවන්ය කියා කීවොත් එය වැරදි නැත. එහෙත් ඒ අපේක්ෂාවන්ට අර්ථයක් ලැබුනේ නැත. ඉතා කෙටි කාලයක් තුළ වමට ආවේණික ඇමීබාකරණයේ සීග්‍රතාව වැඩිවිය. එක් 'විශාල වරදක්' දෙකඩ වී ඉනික්බිතිව පුංචි පුංචි 'වැරදි කෑලි' ගණනාවකට කැඩී බිඳී වෙන්ව ගියේ න්‍යායික ව්‍යවහාරික පඹ ගාලක් නිර්මාණය කරමිනි. ජාතිකවාදයේ සරණ ගිය මව් පක්ෂයෙන් වෙන්ව ගිය පුත්‍රයන්ට පවා පීඩිත ජන අයිතිය සම්බන්ධයෙන් කෙලින් හිටගත නොහැකි විය.

කුමාර් ගුණරත්නම් අද ජේවීපීයේ නැතත් නියම ජේවීපී කාරයෙකි. ජේවීපී දැක්මෙන් මතවාදයෙන් වැඩ රටාවෙන් වැඩ කලාවෙන් සංවිධාන විලාසයෙන් වචනයේ පරිසමාප්ත අර්ථයෙන්ම ජේවීපී කාරයෙකි. එනිසාම 2011 ඛණ්ඩනයේ අපේක්ෂාවන් මල්පලගන්වන්නට ඔහුට නොහැකි වී ඇත. එහෙත් තමන් අනුදත් සටන අත නොහරින දිරිමත් මිනිසුන් පොකුරක් තවමත් ඔහු වටා ඇත. ඒ මිනිසුන්ගේ ප්‍රාර්ථනාවන් අපි අවතක්සේරු නොකරමු. එහෙත් බොහෝ දහදිය ලේ කඳුළු මේ වනවිට ගඟේ ගොස් තිබේ. විප්ලවය කරන්නට හිතාගෙන ආ බොහෝ දෙනා - ඇතැම්විට මේ ලියුම්කරුද ඇතුළුව - දැන් තැන් තැන්වල සිල්ලර කඩ දමාගෙන ඇත. එසේ වූයේ ඇයි ? එයද ඇතුළු වැදගත් දේශපාලන ප්‍රශ්න ගණනාවකට කුමාර් ගුණරත්නම්ගෙන් පිළිතුරු ලබාගත යුතුය. හැබැයි , ඒ ප්‍රශ්න අසන්නට නම් කුමාර් මේ දේශපාලන භූමියේ සිටිය යුතුය.

අන් සියලු දේශපාලන ක්‍රියාකාරීන්ට තිබිය යුතු දේශපාලන නිදහස ඔහුගෙන් අහිමි නොකළ යුතුය. ඔහුගේ පක්ෂය ක්‍රියාකාරීව සිටින භූමියෙන් ඔහු පිටුවහල් නොකළ යුතුය. මනුෂ්‍යයන්ගේ දේශපාලන නිදහස අහිමි කරන සමාජයක වෙන මොන නිදහසක්වත් රැකෙන්නේ නැත. නීතියේ සංකීර්ණ නූල් සූත්තර වලින් දේශපාලන අයිතිය හකුලවන්නට ඉඩ දිය නොහැකිය. කුමාර් ගුණරත්නම්ගේ ප්‍රශ්නය හුදු ආගමන විගමන ගැටළුවකට ලඝු කිරීම තක්කඩි කමකි. ඔහු වෙනුවෙන් කතාකරන්නට සිවිල් සමාජයක් නැත. එදා ජවිපෙ යුද්ධයට සහය පලකළ සමයේ කුමාර්ලාද ඒ මල්වට්ටියට අතගැසූ නිසා "කාලා වරෙල්ලා" යැයි ඇතැම් විද්වතෙක් සිතනවා විය හැකිය. එහෙත් එය නරුම ස්ථාවරයකි. යහපාලනයේ මුරදේවතාවන්ට මේ දේශපාලන ප්‍රශ්නය නොපෙනෙන රහස කුමක්ද ?

"ඒක එයාලගේ ප්‍රශ්නයක්නේ - ඒක එයාලාම බේරගන්නෙ නැතැයි" කියා ඉහළම විප්ලවවාදීන් පවා සිතන බව පෙනෙයි. සමහරුන්ට ලංකාවේ වාමාංශික කෝටාව සම්පූර්ණයෙන්ම අත්පත්කර ගැනීමේ ආශාවක් තිබෙනවාද විය හැකිය. ලිබරල් ප්‍රජාතන්ත්‍රවාදීන්ට මෙය එතරම් ප්‍රශ්නයක් නොවේ. මෙය රාජ්‍ය නොවන සංවිධාන වලින් මුදල් ලැබෙන 'ව්‍යාපෘතියක්' ද නොවේ. කිසිකෙනෙක් මේ ගැන කතාකරන්නේ නැත. කුමාර් සහ ඔහුගේ පක්ෂය හුදෙකලා කර ඇත. එදා කුමාර් ගුණරත්නම් කීවේ "ගොළු නොවන සියල්ලෝ කථිකයෝය" කියාය. මේ සෝෂල් මීඩියා යුගයේ 'ගොළු වූවන් පවා කථිකයෝය'. එසේ තිබියදී පවා අද මෙතැනදී සියලු කථිකයන් ගොළු වී තිබේ. මේ සටහන ලියන මොහොතේ කුමාර් නිදහස් කරන්නැයි ඉල්ලූ උද්ඝෝෂණයකට පොලිස් ප්‍රහාර එල්ල වී ඇත. ටෙක්නිකල් හන්දියේ උද්ඝෝෂණයට යන්නට බැරි ටෙක්නිකල් ප්‍රශ්නවල මේ ලියන අප පවා සිරකරුවන්ය. එහෙත් සාමාන්‍යයෙන් ඉතිහාසය, සියලු නිහැඬියාවන්හි වන්දිය අපෙන් ගනියි.
මේ වියමන ඔබේ මූණු පොතට එක් කරන්න-
Tags- Kumar Gunarathnam, JVP, Tilvin Silva, Rohana Wijeweera, Wimal Weereawansa, Arresting of Prtemkumar Gunarathnam, Justice for Kumar Gunarathnam, Chandrika Bandaranayake, D.M. Dasanayake, Frontline Socialists Party (FSP), Peratugamee Samajawadee Pakshaya, Leftists in Sri Lanka, Yaha Palanaya
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
විමල් කැටිපෙආරච්චිගෙන් තවත් වියමන්
කරන්ට්ස්
ඇයි කුමක්ද ඔය මඳ සිනහවේ තේරුම?
කවි
අප්‍රේල් මතකය ද 'වේලාසනින් අවදි වේ'!
කවි
ඩබල්!
කවි
ඇන්ටන් ජෝන්ස්ලාට උපහාර හිඟයි!
කරන්ට්ස්
ජෝතිපාල
තවත් අදහස් බූන්දි
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
සිංහලයා වඳ වෙමින් යනවද?
කාලෝ අයංතේ
බූන්දි නව ඊමේල් ලිපිනය- editorial@boondi.lk
BoondiLets
එලී වියෙසෙල් කියයි.
අප සෑම විටම පැත්තක් ගත යුතුම ය. මධ්‍යස්ථභාවය උපකාර කරනුයේ පීඩාවට ගොදුරු වන්නන්ට නොව පීඩකයාටම ය. නිහැඬියාව දිරි ගන්වන්නේ වධකයා මිස වධයට පාත්‍ර වන්නා නොවේ.... [More]
What's New | අලුතෙන්ම
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook