Facebook
Twitter
Google+
YouTube
Blog
RSS Feed
වෙසෙස් බූන්දි
ගී ගැයූ කුරුල්ලන් ගැන ලියූ 'ලී'
බූන්දි, 12:21:44
ඇමරිකානු මිනිසෙකු වූ නීල් ආම්ස්‍ට්‍රෝං 1959 දී හඳ මත යකඩ අඩි සටහනක් තැබීය. එය මානව ශිෂ්ටාචරයේ ජයග්‍ර‍ණයක් ලෙස ඇමරිකානු ජනාතාව මෙන්ම මුළුමහත් ලෝකයද ආදරයෙන් වැළද ගත්තේ තාක්ෂණය පිළිබදව විශ්මයාවහ විශ්වාසයක් සමගිනි. ඊළග වසරේදී එනම් 1960 දී ඇමරිකානු ඉතිහාසය තුළ තවත් අඩිසටහනක් තබන්නට ඇමරිකානු කාන්තාවක් සමත් වූවාය. ඇය හාපර් ලී ය. ඈ සාහිත්‍යය මත තැබූ 'ලී' සටහන ඇමරිකානු ජනතාව මෙන්ම මුලු සාහිත්‍ය ලෝකයම මානවීයත්වය පිළිබද වූ දයාබරත්වයෙන් යුතුව වැළඳ ගත්හ.

හාපර් ලී පළමුවෙන්ම මගේ අවධානය දිනා ගත්තේ කුඩා කල කියවන්නට ලැබුණු ඇගේ පොත නිසාය. දෙවනුව ලෝකයේ එකම පොතක් පමණක් ලියා ප්‍ර‍සිද්ධිය දිනාගත් ලේඛකයන් ගැන තොරතුරු සොයද්දී හමු වූ ඇයගේ ලේඛන දිවිය ගැන අපූර්ව තොරතුරු සමගිනි. ඇත්තටම ඇය ලියා ඇත්තේ එකම පොතක් පමණක් යැයි කීම සුදුසුය. පළමු කෘතිය එළිදැක්වීමෙන් වසර 55කට පසුව පසුගිය වසරේ අය එළි දැක්වූ කෘතිය පවා ඇගේ මුල් කෘතියේ වෙනත් පියවරක් ලෙස දැක්වීම වඩා සාධාරණ වෙයි.

හාපර් 'ටු කිල් අ මොකින්බර්ඩ්' සමග ලේඛිකාවක් ලෙස ඉහළ අවධානයක් ලබා ගත්තාය. පුලිට්ස්ටර් ත්‍යාගය දිනා ගැනීමට අමතරව ඇමරිකානු ජාතියේ හදට බුද්ධිමය කලම්බනයක් ලබා දීමට ඕ ඉන් සමත් වූවාය. එමෙන්ම එය කතාන්දර කීමෙන් ඔබ්බට සාහිත්‍යමය ලියැවිල්ලක් ගෙන යන හැටි ගැන අපිට ඇඟිල්ලෙන් ඇණ පෙන්වන්නකි.

හාපර් ලී ගේ මරණය ගැන සහ ඇගේ කෘතියේ සිංහල නම වූ 'බට්ටිච්චන්ට වෙඩි තියන්න' (පරිවර්තක මතකයට නොඑයි) යන්න ඇසූ කෙනෙක් මගෙන් විමසා සිටියේ 'ඇමරිකාවේ බට්ටිච්චන් සිටිනවාද?' යනුවෙනි. බැලූ බැල්මට සරල විහිලුවක් වුවද හාපර් ලී ගොඩනැඟූ ගී ගයන බට්ටිච්චන් පිළිබඳ ප්‍රවාදය පිළිබඳ අලුතින් සිතන්නට මට ඒ කියමන දොරක් විවර කර දුනි. අවසන මට සිතුණේ එරට බට්ටිච්චන් නොසිටියත් ඈ බට්ටිච්චන් ගැන ලියා කියන්නට තැත් දැරූ දේවල් අඩු- වැඩි වශයෙන් අපේ රටටද පහසුවෙන් ආදේශ කරගත හැකි බවය. (මෙම කෘතියම පසු කලෙක චිත්‍රා. අයි. පෙරේරා විසින් සුදු - කළු නමින් පරිවර්තනය කර තිබේ.)

සරලව සහ සංක්ෂිප්තව ගත හොත් හාපර් ටු කිල් අ මෝකින්බර්ඩ් තුළින් විදහන තේමාව වන්නේ කලු- සුදු වර්ගවාදය වෙත සමානාත්මක හැඟීම පෙරදැරි එළඹීමකි. එය අදූෂිත ළමා දෘෂ්ටියක් ඔස්සේ කියා පෑම නිසා වඩාත් ආකර්ෂණීය ලෙස ඉදිරිපත් කරන්නට ඇය සමත් වූවාය. කෘතිය කෙතරම් බලපෑම්සහගත වීද යෙත් එය සෑම ඇමරිකානුවෙක් විසින්ම කියැවිය යුතු කෘතියක් යැයි නොනිල ආකාරයට සම්මත වන්නට තරම් ප්‍ර‍බල විය. එය ඇමරිකානුවන්ට දෙවැනි බයිබලයක් යැයි කියනු ලැබේ. ලී වැනි විවෘත මනසක් ඇත්තියක විසින් ලියන ලද කෘතියක් බයිබල්මය සන්දර්භයකට ගොනු කිරීම ඇයගේ දෘෂ්ටියට සාධාරණයක් ඉටු කරන්නකැයි මා නොසිතන නමුදු ඇමරිකානු පොදු ජන විඥාණය තුළ ලී තැබූ අඩියේ බර මේ පිළිගැනීම් මඟින් සනිටුහන් කරයි.

මගේ කියැවීම් තුළ ලී සැමවිට එකිනෙකට වෙනස් තැන් දෙකක් උණුසුම්ව නියෝජනය කරන්නීය. එකක් ඇයගේ සාහිත්‍යය ගොඩනැගීම්හි ඇති වින්දනීය බව සහ විචාරාත්මක දෘෂ්ටිවාදයයි. එනම් ඇගේ පොතේ ඇති අගයයි. ඒ පිළිබදව ලාංකික සාහිත්‍ය තතිකාව තුළ (ප්‍ර‍මාණාත්මකව නැතත්) වරින්වර කතා බහ මතු වී ඇතැයි මම සිතමි. දෙවැන්න වූ කලී ඇය සාහිත්‍යකාරිනියක ලෙස පෙන්වූ භාවිතාව සහ හැසිරීම පිළිබද මගේ පැහැදීම මත ඇය වෙනුවෙන් ගොඩනැඟුණු තැනකි. ඈ මෙලොවින් සමුගත් මේ මොහොතේ මට සිහිවන්නේ ඈ ලියූ පොතේ කතාවට වඩා ඇගේ කතාවයි.

'ටු කිල් අ මොකින්බර්ඩ්' ලිවීමට ඇය ආවේෂ ලද්දේ තමන්ගේම ළමා කාලයෙනි. තමාගේම අත්දැකීම් පදනම් කොට නිර්මාණය කරන කෘතියේ එන තාත්තා, ඇටිකස් වගේම තාත්තා කෙනෙක් ලීට සිටියේය. එමෙන්ම ඇය ඇලබාමාහිදී ගත කල ග්‍රාමීය ජීවිතයේදී ඇය අත් දුටු ගැහැණු සහ මිනිස්සු සිය කෘතියේ පේලි සහ වචන අතර ඇවිදින්නට ඇය ඉඩ ලබා දුන්නාය. ලී ලියුවේ එකම එක කතාවකි. එය ඇගේ ළමා කාලය පදනම් ගොඩනැගුණක් බවත් ඇත්තය. එහෙත් එය ඉබේ ලියැවුණු චරිත කතාවක් හෝ හුදු ඇගේ ජීවනාත්දැකීම්හි ආලාපයක් ලෙස ගැනීමට තරම් අප ඉක්මන් විය යුතු නම් නැත. ඒ කෘතිය බිහි කිරීම වෙත පැමිණෙන්නට ඇයට පහසු මංමාතත් හෝ විකල්ප අඩිපාරවල් තිබුණේ නැති බැවිනි. මගේ අවධානය ඇගේ ඒ සාහිත්‍යමය ගමන් මග කෙරෙහි යොමු වූයේ පරිධියේ රටක් ලෙස මෙහි වෙසෙන‍, දේශීය හෝ ලෝක සාහිත්‍යයට එළඹුම් සොයන්නන්ට මෙන්ම එසේ යම් යම් එළඹුම් ලද්දවුනට පවා ඇගේ ඒ කතාව කෙතරම් වැදගත් විය හැකිද යන්න වෙතයි.

ඇගේ කෘතිය හුදෙක් අහම්බයක් නොවන්නේ ලී යනු හදෙක් සාහිත්‍යලෝලයෙන් පමණක් නොව අධ්‍යනයෙන්ද ලේඛනයට පිවිසුණු අයෙකු නිසාය. ඇගේ පියා සඟරා සංස්කාරකවරයෙකු ලෙසින් කටයුතු කළ බැවින් ඇයට කුඩා කල සිටම සාහිත්‍යාත්මක පසුබිමක් තිබිණි. ඇය සිය උසස් විද්‍යාලයේදී ඉංග්‍රිසි සාහිත්‍යය උගත්තාය. එහි සාහිත්‍ය සගරාවේ සංස්කාරකවරිය වූවාය. එමෙන්ම පළමු උපාධියෙන් පසුව නීති උපාධිය හැදෑරීමට ඇයට අවස්ථාවක් ලැබුණු අතර වසරක අධ්‍යයන කාලයකට පසුව ඇය එම උපාධිය හැරදැමූද එකල ද ඇය නිරන්තරයෙන්ම යෙදී සිටියේ විශ්වවිදයාල මට්ටමේ සඟරා සංස්කාරක කටයුතුවලය.

හාපර් ලීට තමන් විසින් ලියා ලෝකයට ඉදිරිපත් කළ යුතු යමක් (නවකතාක් හෝ අන් යමක්) තිබෙන බවට වූ හැඟීම බොහෝ කලක් තිස්සෙ තිබුණු බව සිතිය හැක්කේ ඇය පොත ලිවීමට සිය රැකියාව හැර දැමීම නිසාය. ඒ එඩිතර පියවර ගැනීමට අවස්ථාව ඇයට උදා වූයේ මයිකල් බ්‍ර‍වුන් නම් වූ ඇගේ මිතුරු සංගීතඥයෙකු හා ඔහුගේ බිරිද විසින් ලබා දුන් අනුග්‍රාහකත්වය නිසාය. කෘතිය ලිවීමට අවශ්‍ය වසරක තරම් කාලයක් අතරතුර මාසිකව ඇය ලබමින් සිටි වැටුපට සමාන මුදලක් ඇයට ගෙවීමට මිතුරු අනුග්‍රාහක යුවළ කාරුණික වූහ. ඉතින් එතැන් සිට ලීට අනවරතව ලියන්නට සිදුවිය. ඔවුන්ගේ මිතුරු සිත හා ත්‍යාගශීලී අත ලී ගේ පොත ලිවීමේ ආරම්භකම දිරිය විය. ‍එය විශ්ව සම්භාවනීය කෘතියක් බිහි කිරීම පිණිස ලී ලද පළමු බාහිර පුද්ගල රුකුල විය. මේ අයුරින් ලී වසර දෙකක් ටු කිල් අ මොකින් බර්ඩ් ලියුවාය. ඒ එම නමින් නොව ‘ටු සී අ වොච්මන්‘ නමිනි.

අනතුරුව පොත සාහිත්‍ය ඒජන්තවරයෙකු ඔස්සේ ප්‍රකාශකයෙකු වෙත යැවිණ. පොත සදහා වූ දෙවන පුද්ගල මැදිහත්වීම ලැබුණේ එහිදීය. සැබැවින්ම එය ලීගේ මුල් පිටපත සම්භාව්‍ය කෘතියක් බවට පත් කිරීම පිණිස වූ බරපතල මැදිහත්වීමකි. J. B. Lippincott Company ප්‍ර‍කාශන සමාගමේ Tay Hohoff යනු අත්දැකීම් බහුල සංස්කාරිකාවක වූවාය. ඇය ලී ගේ කෘතියේ සෑම පේළියකින්ම මතුව ආ සාර්ථක ආඛයානයක එළිය වහා ග්‍ර‍හණය කරගත්තාය. නමුත් එය මුද්‍ර‍ණය කිරීමට සුදුසු මට්ටමේ නවකතාවකට වඩා අසංවිධිත උපාඛ්‍යාන එකතුවක් ලෙසිනි ඇයට පෙණුනේ. ඇය විසින් කෘතිය සඳහා බරපතල වෙනස්කම් යෝජනා කර සිටියාය. සිද්ධි හා චරිතත් ඒවායේ ආඛ්‍යානගත පිළිවෙළත් වෙනසකට පත් කළ යුතු බව ඇයගේ නිගමනය විය. එය කතුවරයා හා ලේඛකයා අතර බරපතල අන්තර් අවබෝධයකින් පසුව පමණක් දිනාගත හැකි ඉලක්කයක් වූ අතර ඇතැම් අවස්ථාවලදී පැය ගණන් දිගු සංවාද වල නියැළෙන්නට ඔවුන්ට සිදු විය. ඇතැම්විට ලී ගේ අදහස්ද ඇතැම් විට හහොෆ් ගේ අදහස්ද අනුමත වූ නමුත් ඇතැම් විට ඔවුනගේ සංවාද නැවතුණේ තුන්වන අන්තයකය. මෙසේ කෘතිය වෙනස් තැනකට ගෙන ආ සංස්කාරිකාව වූ හොහොෆ් වනාහි එය සාර්ථකත්වයට තල්ලු කළ අදිසි හස්තයයි.

දීර්ඝ කාලීන ලිවීමේ හා සංස්කරණ ක්‍රියාවලියෙන් වෙහෙසට පත් ලී දිනක් සිය වෑයම හැර දමන්නට තීරණය කළාය. ඉන්පසු ඇය මෙතෙක් ලියා තිබුණු පිටපත කවුළුවක් ඔස්සේ හිම ගොඩකට විසි කොට දැමුවාය. හිම පිරුණු රාත්‍රියක ගල් වන්නට තිබුණු උණුසුම් කෘතියක් නැවත නැවත හාපර්ගේ අත් වලට පැමිණියේද හොහොෆ් මහත්මියගේ මැදිහත් වීමෙනි. ඒ වන විට ඔවුන් දෙදෙන අතර‍ රාජකාරීමය බන්ධනයට වඩා දැඩි මිත්‍ර‍ත්වයන් ඇතිවී තිබණි. ඒ හේමන්ත රාත්‍රියෙහි තමා පිටපත එළියට විසි කළ බව ලී දුරකථනයෙන් කී විට එය නැවත ගෙන එන්නැයි හොහොෆ් බලකර කියා සිටියාය. අවසන ලී ඇයට අවනත වූවාය.

සංස්කාරකවරිය සිය කටයුත්ත පිළිබදව කෙතරම් අවංක වී සිටියාද යන්න ලෝකයට අලුතින් දැක බලාගන්නට අවස්ථාවක් 2015 දී අවස්ථාව ලැබිණි. ඒ මොකින්බර්ඩ් කෘතියේ පළමු පිටපත වූ 'ටු සී අ වොච්මන්' වෙනම පොතක් ලෙස එළිදක්වන්නට ලී තීරණය කිරීමත් සමඟය. එය ඇමරිකාවේ සහ වෙනත් ඉංග්‍රිසි බසින් කියවන්නන් සිටින යුරෝපා රටවල පොත් කඩ අසල දිගු පෝලිම් සදන්නට හේතු විය.

මේ සියල්ල සිදු වන්නේ ඇය සාහිත්‍ය හෝ වෙනත් සංස්කෘතික කටයුතු සදහා දිගු කලෙක සිට ප්‍ර‍සිද්ධියේ පෙනී සිටීමෙන් වැලකී සිටි පසුබිමකය. තමා වෙනුවෙන් ප්‍රචාරණ ලබා ගැනීමෙන් ඇය දැඩිව වැලකී සිටියාය. කතුවරිය සිය පළමු කෘතියෙන් පසුව සියලු සාහිත්‍යමය කටයුතු වලින් ඈත් වී සිටියත් මොකින්බර්ඩ් කෘතිය පාඨක සමාජයෙන් හිමි විය යුතු නියම ඇගයීම සහ පිළිගැනීම ලබා ගැනීමට සමත් වූවාය. ඒ සියල්ල දෙස හාපර් ලී බලා සිටියේ කිසියම් දුරස්ථ හැගීමකින් යැයි සිතන්නට හැක්කේ ඇය කිසි විටෙක ප්‍ර‍සිද්ධියේ පෙනී නොසිටි නිසාය.

හාපර්ලීගේ පොතේ ඇති කතාව මෙන්ම පොත ගැන ඇති කතාද වඩාත් සිත් ගන්නාසුළු ලෙසින් පෙනෙන්නේ ඒවා ලාංකික පසුබිමක් මත තබා විවරණය කරන විටය. සාහිත්‍ය කටයුත්තක් සදහා වන අනුග්‍රාහකයන් හෝ සාර්ථක කෘතියකට ලැබිය හැකි ආර්ථික අගය පිළිබදව සහතික දියහැකි ප්‍ර‍කාශක සමාගම් හෝ ප්‍රකාශන එජන්තවරු අපට නැත. එමෙන්ම කෘතියක් ඔප මට්ට්ම් කිරීම පිළිබඳව සංස්කාරකවරයාට ඇති හැකියාව පිළිබදව ලාංකික සාහිත්‍යය තුළ විශ්වාසයක් හෝ තැනක් ගොඩනැගී නැත. එමෙන්ම හාපර්ලා මෙන් ලියන ලේකඛයෝ ද අපිට හිඟය. සිය පළමු කෘතියෙන් පසු තම නිර්මාණාත්මක ධාරිතාව වෙත විචාරශීලීව බැලීමට, කෘතිවල ප්‍රමාණාත්මක ගුණාත්මක තත්වය පිළිබද ස්වයංවාරණ සහිත ලේඛකයන් අපේ සාහිත්‍ය සම්ප්‍රදාය තුළ විරලය. තමන් වෙසෙන බිමෙන් අහුලාගත් වස්තු බීජ පෙරලා ඒ බිමෙහි ජනතාව වෙත විසි කොට ඔවුන්ව සෞන්දර්යාත්මකව කළඹන, ඉනුත් නොනැවතී විශ්ව සාහිත්‍යයට දායකයත්වයක් සැපයිය හැකි කෘති අපෙන් බිහි වන්නේ නැත. මේ සෑහෙන්න පැරණි නිතරම අසා පුරුදු පොදු චෝදනාව නැවතත් මතු කරන අතරතුරේදී මට සිතෙන්නේ අපිට වඩා හාපර් ලී ලා වාසනාවන්ත බවය. කියන්නට තිබූ දේ ලෝකයටම ඇසෙන්නට කියන්නට කෙසේ හෝ මඟක් සොයා ගත් ඈ සිය කැමැත්තෙන් වසන්තය හැර යන ගී ගයන කිරිල්ලක මෙන් ජීවිතය නිදහසේ විඳ අවසන පසුගිය පෙබරවාරි 19 වනදා නික්ම ගියාය.
මේ වියමන ඔබේ මූණු පොතට එක් කරන්න-
Tags- Harper Lee, To kill a Mocking Bird, To see a Watchman
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
බී.ජී.එම්. ජනප‍්‍රියගෙන් තවත් වියමන්
කතන්දර
ටුවරිස් හෝටලය
පොත්
ව්‍යවච්ඡේදකයා - ස්ත්‍රී සිරුර ඔස්සේ දෘෂ්ටිවාද ව්‍යවච්ඡේදනය
වෙසෙස්
චීන තෙල් සමාගම්වල පිපාසයට බිලිවන ඇමසන් උරුමය
කවි
ගුරු විභාගය
කවි
නැකත එනකං
තවත් වෙසෙස් බූන්දි
සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!
අරාබි සාහිත්‍යයේ ඛලීල් සලකුණ
තෝල්ස්තෝයි අදට වලංගු ද?
නවකතාවේ නිදහස: අරාජික සිංහල නවකතා කිහිපයක් ඇසුරින් [අවසන් කොටස]
නවකතාවේ නිදහස: අරාජික සිංහල නවකතා කිහිපයක් ඇසුරින් [දෙවන කොටස]
බූන්දි නව ඊමේල් ලිපිනය- editorial@boondi.lk
BoondiLets
ලියෝ තෝල්ස්තෝයි කියයි.
නිදහස් චින්තකයෝ යනු පූර්ව විනිශ්චයන්ගෙන් සහ ස්වකීය සම්ප්‍රදායන්ද, වරප්‍රසාදයන්ද, ඇදහිලි හා විශ්වාසයන්ද හා ගැටෙන සියල්ල අවබෝධ කරගැනීමට බියෙන් තොරව ස්වකීය මනස මෙහෙයවීමේ කැමැත්තෙන් කටයුතු කරන්නෝය.... [More]
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook