Facebook
Twitter
Google+
YouTube
Blog
RSS Feed
වෙසෙස් බූන්දි
ඔසප් දුක දන්න මුරුගා
බූන්දි, 04:20:08
මේ කියන්න යන කතාවේ ආරම්භය 1998 වර්ෂය වෙනකම් ඈතට යනවා. අරුණාචලම් මුරුගනාදම් කියන්නේ දකුණු ඉන්දියාවේ අත්යන්ත්‍ර පේෂකර්ම නිර්මාණකරණය ජීවිකාව කරගත් දුප්පත් මවකටත් පියෙකුටත් දාව උපන් දරුවෙක්. තමන්ගේ අලුත ගෙනා මනමාලිය නැතිනම් බිරිඳ ඇගේ ඔසප් දිනවලදී සනීපාරක්ෂක තුවා වෙනුවට භාවිතා කරන්නේ පරණ රෙදි කැබලි නැත්නම් පාංකඩ බව මුරුගනාදම් දැන ගන්නවා. සනීපාරක්ෂක තුවා වෙනුවෙන් වැය කරන මුදලින් කෑමට දෙයක් ගැනීම වටිනා තත්ත්වයකයි ඔවුන් ජීවත් වුනේ. කොහොම වුනත් මුරුගා මේ සිදුවීමෙන් බලවත් සිත්තැවුලට පත්වෙනවා. මුදල් අගහිඟකම නිසා තම බිරිඳ ඔසප් දිනවල පරණ රෙදි කෑලි පාවිච්චි කිරීම ගැන ඔහු බොහෝ කලකිරෙනවා. මේ ගැන හිතන මුරුගා තමන්ගෙ බිරිඳට පාවිචිචි කරන්න සනීපාරක්ෂක තුවා තම අතින්ම නිර්මාණය කරන්න හිතනවා. මුලින් ඒක හරිම සරල දෙයක් විදියටයි ඔහු කල්පනා කරේ. කපු රෙදි රෝලක් අරං එන මුරුගා ඒක කැබලි වලට කපනවා. කඩවල්වල විකුණන්න තියෙන සනීපාරක්ෂක තුවායන්ගේ ප‍්‍රමාණයට ඒ කපු රෙදි කැබලි කරගන්න මුරුගා පසුව ඒ කැබලි වටේට තවත් හීනි කපු රෙදි ලේයරයක් ඔතනවා. තමන්ගෙ අතින් ගෙදරදී නිපදවපු මේ සනීපාරක්ෂක තුවාය තම බිරිඳ අතට දෙන මුරුගා ඇගෙන් ඉල්ලන්නේ ඔසප් දිනවල එය භාවිතා කර බලන ලෙසයි. ඇය එය භාවිතා කරනවා. නමුත් මුරුගාගේ හිත සැනසෙන ප්‍රතිචාරයක් නම් ලැබුනෙ නෑ. මේක වැඩකට ඇති එකක් නොවයි මීට වඩා පරණ රෙදි කෑලි තියා ගන්න එක හොඳයි වගේ අදහසක් තමයි මුරුගාගේ බිරිඳගෙන් පිටවුනේ.

මුරුගාට වැරදුනේ කොතනද? කඩේ විකුණන්න තියෙන සනීපාරක්ෂක තුවායේ සහ ඔහු හදපු සනීපාරක්ෂක තුවායෙ වෙනස මොකක්ද? මුරුගා කල්පනා කළා. කලින් භාවිතා කරපු ද්‍රව්‍යයන්ට වඩා වෙනස් ද්‍රව්‍ය යොදාගෙන අලුතින් තව සනීපාරක්ෂක තුවා හදන්න මුරුගා කටයුතු කළා. හැබැයි මුරුගට ප්‍රශ්නයක් ආවා ඒ හැම වෙලාවෙම. අලුත් සනීපාරක්ෂක තුවායක් හදන හැම වෙලේම ඒක පරීක්ෂා කරන්න තමන්ගෙ බිරිඳට ඔසප් හැදෙනකම් බලන් ඉන්න සිදුවුනා මුරුගාට. ඊළඟට මුරුගා කරේ මේ සඳහා ස්වේච්ඡාවෙන් ඉදිරිපත් වෙන්න ඉන්නෙ කවුද කියල හොයල බලපු එක. මුරුගට ආපහු හැරෙන හිතක් තිබුනෙ නෑ. ඔහුගෙ ගම ආසන්නයේ තිබුනු වෛද්‍ය විද්‍යාලයේ ඉගෙන ගන්න සිසුවියන් හමුවුන මුරුගා තමන්ගෙ පරීක්ෂණයට සහයෝගය දක්වන්නැයි ඔවුන්ගෙන් ඉල්ලා සිටියා. ඔවුන්ගෙන් සමහරු ඇත්තටම මුරුගාගේ සනීපාරක්ෂක තුවා භාවිතා කර පරීක්ෂා කරල තිබුනා. ඒත් ඉන් හුඟ දෙනෙක් මේ ගැන ඇත්තම ප්‍රතිචාර කියන්න මැළි වුනා. විකල්පයක් නොමැති තැන මුරුගා තීරණය කරා තමන් විසින්ම මේ නිපැයුම පරීක්ෂා කර බලන්න. ඔහු අවට පරිසරයෙන් හොයාගත් රබර් යොදාගෙන කෘතිම ගර්භාෂයක් නිර්මාණය කරා. එම කෘත්‍රිම ගර්භාෂයට සත්ව රුධිරය පුරවා ඔහුගේ උකුල ආසන්නයේ රඳවා ගත්තා. තමන් නිපදවපු සනීපාරක්ෂක තුවායක් තම යට ඇඳුම ඇතුලින් හරියට කාන්තාවො පළඳින විදියටම මුරුගා තියාගත්තා. එතකොට ඒ කෘත්‍රිම ගර්භාෂයේ ඉඳන් බටයක් දිගේ සත්ව රුධිරය ඒ සනීපාරක්ෂක තුවායට එන විදියට මුරුගා සකස් කරගත්තා. ඒ ගර්භාෂය මිරිකන වෙලාවට කාන්තාවන්ගෙ ගර්භාෂයේ ඉඳන් රුධිරය යෝනි මාර්ගය දිගේ එනවා වගේ පහළට ගලං ආවා.

අවාසනාවට ඒ පරීක්ෂාවත් හරිගියේ නෑ. මුරුගගේ ඇඳුම් වල සත්ව රුධිරය තැවරිලා පිළී ගඳ එන්න පටන් ගත්තා. මුරුගාගෙ ඇඳුම්වල ලේ පැල්ලම් දැක්ක අසල් වැසියො හිතුවේ මුරුගා අසනීපයකින් පෙළෙනවා එහෙමත් නැත්තම් කිසියම් කාම විකෘතියකින් පෙළෙනවා කියලයි. මේ කටකතා නිතරම අහන් ඉන්න මුරුගාගේ බිරිඳ කැමති වුනේ නෑ. ඇය ඔහුව අත හැර ඇගේ මව ළඟට ගියා. බිරිඳ ඔහුව හැර ගිහිං දින විස්සකින් දික්කසාදය ඉල්ලා නීතීඥයෙකු හරහා එවන ලිපියක් ඔහු අතට ලැබුනා. තම මහන්සියට ලද පළමු ඇගයීම එය ලෙසයි මුරුගා සැලකුවේ.

ඒත් මුරුගා නෙවෙයි නැවතුනේ. මේ හැම අපහාසයක්ම විඳ දරාගෙන මේ දේ කරන්නේ ඉන්දියාවේ සමස්ත දුප්පත් කාන්තා සංහතියේම යහපතට බව මුරුගා දැනගෙන උන්නා. මේ සමීක්ෂණ අතර තුර මුරුගා දැනගත්තා සියයට දහය සහ සියයට විස්ස අතර ඉන්දීය ගැහැණු ළමුන් සහ වැඩිහිටි කාන්තාවන් ප්‍රමාණයක් පමණයි නිවැරදි සනීපාරක්ෂක තුවා භාවිතා කරන්නේ කියලා. මුරුගාට අවශ්‍ය වුනේ තම රටේ කාන්තාවන්ට අඩු මිලකට මිලදී ගන්න පුළුවන් වඩාත් නිවැරදි සනීපාරක්ෂාවකින් යුක්ත සනීපාරක්ෂක තුවායක් නිර්මාණය කිරීමට පමණයි.

මෙහෙම අවුරුදු දෙකක් ගතවෙද්දි මුරුගා හරිම අමුද්‍රව්‍ය හොයා ගත්තා. අවුරුදු හතරක් ගතවෙන කොට ඉතාමත් පහසුවෙන් නිවැරදි සනීපාරක්ෂාවකින් යුක්ත සනීපාරක්ෂක තුවා අඩු මිලට නිපදවන්න පුළුවන් යන්ත්‍රයක් නිර්මාණය කරන්න මුරුගා සමත් වුනා. පිටරටින් ආනයනය කරන සනීපාරක්ෂක තුවා නිපදවන යන්ත්‍රයක් ඇමෙරිකානු ඩොලර් ලක්ෂ පහක් පමණ වෙද්දි, මුරුගා නිපදවූ යන්ත්‍රයක මිල වුනේ ඇමෙරිකානු ඩොලර් 950ක් පමණයි. දැන් කාන්තා සංවිධාන හෝ පාසල්වලට මුරුගාගේ මෙම යන්ත්‍ර මිලදී ගෙන තමන්ටම සනීපාරක්ෂක තුවා නිපදවාගන්නටත් අතිරික්තය අලෙවි කරන්නත් පුළුවන්. මුරුගාගේ සොයාගැනීම නිසා ඉන්දියාවේ ග්‍රාමීය පෙදෙස්වල කාන්තාවන්ට ස්වයං රැකියා අවස්ථා උදාවුනා. ඇත්තටම මුරුගා කළේ හැබෑම විප්ලවයක් ඒක දැවැන්ත වෙනසක්. ඒ වගේම සේවයක්. මේවන විට ඉන්දියාවේ ප්‍රාන්ත 27ක මුරුගාගේ සනීපාරක්ෂක තුවා නිපදවන යන්ත්‍ර 1300ක් විකිණී තිබෙනවා. ඒ වගේම මේ යන්ත්‍ර විදෙස් රටවලට අපනයනය කිරීමත් පසුගියදා ආරම්භ වුනා.

ඉන්දියාවේ පාසල් යන වයසේ ගැහැණු ළමුන් පස් දෙනෙකුගෙන් අයෙක් ඔසප් දිනවල පාසල් යන්නේ නෑ. ඒ වගේම ඉන්දියානු කාන්තාවන් මිලියන 300ක් ඔසප් දිනවලදී සනීපාරක්ෂාවෙන් යුක්ත නිවැරදි සනීපාරක්ෂක තුවා මිලදී ගැනීමේ අපහසුතාවන්ගෙන් පෙලෙනවා.

මුරුගාගේ බිරිඳ ශාන්ති තමන් හැරදා ආපු සැමියාගේ දස්කම් මාධ්‍යයෙන් දකින්නේ මේ අතරයි. ඔහු මනුෂ්‍ය වෙසින් ඉන්න දෙවියෙක් කියල ඇයට හිතෙන්නෙ එතකොටයි. සැමියාට දුරකථන ඇමතුමක් ගන්න ශාන්ති ඇගේ වරදට සමාව ඉල්ලන්න පැකිලෙන්නෙ නෑ. දැන් මුරුගයි ශාන්තියි ඉතාම ලස්සන පවුල් ජීවිතයක් ගත කරනවා.

අදවන විට මුරුගා කියන්නේ මුළු ඉන්දියාවේම නම රඳවපු කීර්තිමත් සමාජයීය ව්‍යවසායකයෙක්. ඒ වගේම 2014 වර්ෂයේදී ටයිම් සඟරාව විසින් ලෝකයේ වඩාත්ම බලපෑම් සහගත පුද්ගලයින් 100 දෙනා අතරට මුරුගාවත් තෝරනු ලැබුවා.

සමාගම් කිපයක්ම මේ යන්ත්‍රයේ පේටන්ට් හිමිකම් විශාල මිලකට ඉල්ලා සිටියත් එය ප්‍රතික්ෂේප කළ මුරුගා කාන්තා ප්‍රජාවේ යහපතට පමණක් එය යොදවන්න තීරණය කරා.

[අල්ජසීරා වෙබ් අඩවිය ඇසුරිනි.]
මේ වියමන ඔබේ මූණු පොතට එක් කරන්න-
Tags- Arunachalam Muruganatham, Low Cost Sanitary Napkin Machine, Womens' Sanitary Napkins, Time Magazine, Indian Inventor
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් වෙසෙස් බූන්දි
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
සමාජවාදයේ සහ ධනවාදයේ දත්තවාදී කියවීම
මානව සමාජයේ මීළඟ විප්ලවය 'දත්තවාදය'ද?
බූන්දි නව ඊමේල් ලිපිනය- editorial@boondi.lk
BoondiLets
ගෞතම බුද්ධ දේශනා කරයි.
කොහේ හෝ තිබී කියවූ පමණින්, මා (බුදුන්) හෝ කවුරුන් හෝ කී පමණින් කිසිවක් විශ්වාස නොකරන්න. එය ඔබේම නුවණින් සහ අවබෝධයෙන් පසක් වන්නේ නම් පමණක් විශ්වාස... [More]
What's New | අලුතෙන්ම
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook