Facebook
Twitter
Google+
YouTube
Blog
RSS Feed
කතන්දර බූන්දි
ප්‍රේමයේ හඬ
බූන්දි, 21:33:57
සරත් අහස මත වැටුණු වලාකුල් එකිනෙක විහිද විසිර යනවා. සැන්දෑව තව නොබෝ වෙලාවකින් එළඹෙනු ඇති. කුස පිරුණු කවුඩන් කැදලි බලා ආපසු එන අතර වාහන දුම් කිලිටි ඇතිරිල්ලක් මෙන් පරිසරය වසා ගනු ඇති. ඇය සෙමින් නැගිට කවුළුව වසා දැමුවා. පස්වෙනි මහලේ සිට බලනවිට එකා පසුපස එකා ගාටන රිය පෙළක කහ රතු එළි කවුළුවේ විදුරු අතරින් පෙනෙන්නේ බොඳ වූ සිතුවමක් වගේ.

ඇය තුනටියට අත ගසාගෙන පරිස්සමින් නැගිට කුස්සියට ගියා. නිතර වතුර බොන්න ඕනි. පෝෂණයෙන් ඉහළ දේවල් කන්න ඕනි. නැත්නම් ඒ සියල්ල බලපාන්නේ කුස තුළ සිටින බිළිඳාට. බොහෝ කාලයක් තිස්සෙම ඇය මේ තත්වයට මුහුණ දෙමින් සිටිනවා. මුලින් අපහසුවක් දැනුනත් දැන් සියල්ල පුරුදුයි, පැරණියි. තනිකම හෝ පාළුව දැන් නොසැලකිය හැකි තරම් සුළු දේවල්. පස් වසරක් පෙම්බැඳ විවාහ වන දිනයේ තිබුණු හදිස්සිය හා ප්‍රහර්ෂය කාලයත් සමග සෙමින් වියැකී ගොසින්. වේයන් මෙන් මහන්සියෙන් තනන ලද ගේ දොර පවා අත් හැර දමා එන්නට ඇයට හිත හදා ගන්න සිදුවුනත් ඒ කිසිවක් ගැන ඇල්මක් තව දුරටත් ශේෂ වී නෑ. සියල්ල සිහිනයක් වගෙයි. බය හිතෙන සිහිනයක් මැදදී ඇහැරුනවිට දැනෙන භ්රාන්තිය ඒ අත්දැකීම නොවිඳි කිසිවෙකුට වටහාගත නොහැකියි. ඔවුන් දරුවෙක් පතා නොකළ දෙයක් නැති තරම්. නව සොයාගැනීම් වලට අනුව කල හැකි සියලු පරීක්ෂණ, ප්‍රතිකාර අවසානයේ ඔවුන් තදින් වෙහෙසට සහ අපේක්ෂා භංගත්වයට පත්වුනා. එකිනෙකා නුරුස්සන සමහර දවස්වල ප්‍රේමය කළුවර මුල්ලක සැඟව ගත්තා.
සෙමින් චලනය වූ රූප රාමු බොහෝ ගණනකට පසු එතරම් වැසි වලාකුළු හෝ නොතිබූ අහසක ප්‍රථම අකුණ පිපිරුවා.

ඔහුට පෙම්වතියක්.

ඉතා නීරස අයුරින් ජීවිතය ගලා යන්නට පටන් ගත්තා. මෙවැනි වෙලාවක බොහෝවිට සිදුවෙන සණ්ඩු හා කඳුළු අවසාන අමිහිරි නිහඬතාවයකින් ඔවුන්ගේ ජීවිතය පිරෙන්නට වුනා.

නිහඬ බව කොතරම් දුර දිග ගියේද යත් එක්තරා අවස්ථාවක ඔවුන්ට වෙන් වෙන්න සිදුවුනා. එය පවා සිදුවුනේ ඉතා නිහඬව. ඇයට පස්වෙනි තට්ටුවේ ගෙයක් ලැබුනා. ඔහුට පදිංචි නිවස අලුත් බිරිදක් හා අලුත් ජිවිතයක් ලැබුනා. ඇයට ශාප කරන්නට, දෙස් දෙවොල් තියන්නට පමණක් නෙමෙයි හඬන්නට පවා උවමනාවක් නැතිවුනා. ඇය නිහඬව, නිශ්චලව සියල්ල භාර ගත්තා. නැත්නම් භාර ගන්නට සිදුවුනා. වරද සිදුකලේ ඔහු නෙමෙයි ඇය කියා සිතන්නට ඇය පෙළඹුනා. ඇය සෙවණැල්ලක් මෙන් ජිවත් වෙන්න ඉගෙන ගත්තා. රැකියාවට ගියා. වෙළඳ පොළට ගියා. ගෙදර ගියා. සෙවණැල්ලකට හදවතක් නැති නිසා ඇයට රිදුනේ නෑ. ඇස් දෙකක් නැති නිසා කඳුළු ආවේ නෑ.

කාලය සමග විශාල තුවාල සුව වුනා. ඉඳහිට ඔහු ඇයට කතා කළා. ඉඳහිට.

"හායි" කියන්න. ඇය උත්තර දුන්නා. ප්‍රශ්න ඇහුවේ නෑ .

මෙහෙම හායි කියන දවසක දෙවෙනි අකුණ පිපිරුණා. වැසි වලාකුල් නොමැති ඉරිදා දවසක.

"එයා ප්‍රෙග්නන්ට්. දැන් මාස තුනක්."


එය ඉතා බලවත් අකුණක්. පිපිරීමෙන් ඇය බරපතල තුවාල සහ පිළිස්සුම් ලැබුවා. ඇස් නිලංකාර වීම්, ක්ලාන්තවීම් සිදුවුනා. රැකියාවට නොගිහින් සති දෙකක් සිටියා, වේල් ගණන් නිරාහාරව සිටියා.

ඉන්පසු එළඹුණු අසිරිමත් උදෑසනක ඇය ගැබ් ගත්තා.

අවුරුදු ගණනක් ප්‍රේමය අපතේ ගොස් තිබියදී, මහත් ධන සම්භාරයක් නාස්තිවී ගොස් තිබියදී, ජීවිතය උඩු යටිකුරුවී ගොස් තිබියදී ඉතා හදිසියෙන් මෙසේ සිදුවුයේ කෙළෙසදැයි කිසිවෙකු ට විස්තර කල නොහැකියි. නැවත හායි කියන දවසක ඇය ඔහුට මේ බව පැවසුවා.

"මම ප්‍රෙග්නන්ට්. ඔයයි මායි බලාන උන්නු දරු පැටියා. ඔයා වගේ නිකටේ සුළියක් තියෙන පුතු පැටියෙක් අපිට ලැබෙයි. ඔයා ආස වුනේ එහෙමනේ. ඔයා හිතපු විදියටම අපි එයාට ෂේන් කියල නම දාමු."

"ඔයාට පිස්සුද? අපි සෙපරේට් වෙලත් දැන් අවුරුද්දක්. ඔයාට වෙන කාවහරි ඉන්නවද? නැත්නම් දේව දුතයෙක් ඔය පැත්තේ ඇවිත් ගියාද?"

ඔහු අමිහිරි ලෙස සිනාසුනා. ඇය පුරුදු පරිදි නිහඬ වුනා. කිසිවෙකුට කිසිවක් නොකියා සියල්ල රහසක් ලෙස තබා ගත්තා.

"මම දන්නවා. මට දරුවෙක් ඉන්නවා. නැත්නම් කොහොමද මට එහෙම දැනෙන්නේ? මේ විදියට දඟලන්නේ. එයා හුස්ම ගන්න විදිහ මට දැනෙනවා. එයා හෙලවෙනකොට මට දැනෙනවා."

ගැබිනියක් විසින් අනුගමනය කලයුතු සියලු වත්පිළිවෙත් ඇය ඉටු කළා.

උදේ හවස පිරිත් දැමුවා, සිත සනසන සංගීත ඛණ්ඩ බිලින්දාට ඇසෙන්නට සැලැස්සුවා. සිත්ගත් නවකතා සෙමෙන් මිමුණුවා. කිසියම් හාස්කමකින් ඇගේ කුස ඉදිරියට නෙරා ආවේ නෑ . සිරුරේ බර වැඩි වුනේ නෑ . ඒ නිසා සියල්ල සියල්ලන්ගෙන්ම වසන් කරගෙන සිටීමට ඇයට හැකිවුනා. ඇයට කිසිදාක බසයේ විශේෂ අසුන ලැබුනේ නෑ. කිසිවෙකුගෙන් විශේෂ සැලකිලි ලැබුනේ නෑ . අඩුම ගන්නේ හායි කියන දවස පවා ඉන්පසු ලැබුනේ නෑ . ප්‍රසුති කාලය ළං වෙත්ම ඇය වෛද්‍යවරයෙක් මුණ ගැසීමට ගියා. බොහෝ වෙලාවක් ඇයට සවන්දුන් ඔහු ඇයව මානසික වෛද්‍යවරයෙක් වෙත යොමුකළා.
ඇය කිසිදාක ඔහු ළඟට ගියේ නෑ .

"මට පිස්සු වෙන්නෙ කොහොමද? මේ මම හොඳින් රස්සාව කරගෙන, ගෙදර වැඩ කරගෙන ඉන්නේ එහෙනම්. මට දැනෙන්නේ මගේ බබා හුස්ම ගන්න හැටි. එයා හීන් හඬකින් අම්මේ කියන්නේ එහෙනම්. එයාලටයි පිස්සු."

ඇය ගැබ දරාගෙනම සුපුරුදු පරිදි ජිවත් වුනා. ඔහුගේ දරුවන් පෙර පාසල් ගියා, ඉන්පසු ජාත්‍යන්තර පාසල් වලට ගියා. ඇගේ දරුවා ඇගේ කුස තුළ ආරක්ෂා සහිතව සුවෙන් සිටියා. ඇය සමග සුරතල් හඬකින් කතා කළා. ලෝකය ගැන, තාත්තා ගැන තොරතුරු ඇසුවා. ඇය ඒවාට පිළිතුරු දුන්නා. අනිත් ළමයින් ශිෂ්‍යත්ව පංති ගියා, මහන්සි වී පාඩම් කළා. අගේ දරුවා නවකතා හා සංගීතය අසමින් ප්‍රීතියෙන් සිටියා.

නියඟ, ගං වතුර , පිපිරීම් මැද ලෝකය සලිත වුනා. ඇගේ දරුවා ප්‍රේමයේ තරලයක පාවෙමින් නිරුපද්‍රිතව සිටියා. සමහර දිනවල ඔහු ඔහුගේ දරුවන් පාසලට ඇරලන්නට යද්දී ඇය දුටුවා. ඇය තම කුසට අත තබා සෙමින් කතා කළා. "පුතේ ඒ ඔයාගේ තාත්තා. ඔයාගේ අක්කයි අයියයි ඉස්කෝලේ එක්කන් යනවා. දවසක එයා ඔයා බලන්න එයි. ඔයාට හායි කියයි. බලන්න ඔයාගේ වගේම නිකටේ සුළියක් එයාගෙත් තියනවා. එයා වෙන ගෙදරක හිටියට අපි එයා එක්ක තරහ වෙන්න නරකයි. දවසක අපි ඔක්කොටම සන්තෝසෙන් ඉන්න ලැබෙයි. එතකන් මගේ පුතා ඔහොමම ඉන්න. මගේ ළඟටම වෙලා සනීපෙට නිදාගන්න. දැන් ඔයා මගේ විතරක් වුනාට දවසක එයාටත් ඔයා ඕනි වෙයි."

අවුරුදු දහයක් ගතවී තිබුනත් ඇය සතුටින්, සන්තෘප්තව, ගර්භිණීව සිටිනවා.

සරත් සමය ගෙවී, වසන්තය සහ සිසිරය වශයෙන් ඍතු මාරුවෙනවා. තට්ටු පහකට ඉහලින් තවමත් පිරිත් හඬක් හා මෘදු සංගීතයක් ඇහෙනවා. ඉන්පසු මහත් සෙනෙහසින් මුමුණන ප්‍රේමයේ හඬක් ඇසෙනවා.
සිතුවම-Katie M. Berggren
මේ වියමන ඔබේ මූණු පොතට එක් කරන්න-
Tags- Sinhala Short Stories, Keti Katha
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
වර්ණ රසිකාගෙන් තවත් වියමන්
කවි
උතුරු සුළඟ
කවි
ඔයා කියනව ඔයා මැරිලලු!!
කවි
ආදි ශිෂ්‍ය හමුව
කවි
දුවේ
තවත් කතන්දර බූන්දි
සැප්තැම්බරයේ දවසක්
සෙන්ටෙනියල් දෝණි
විරාම ලකුණු
වනවාසි සහ ලෝකවාසී
නිල් සුළිය
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook