Facebook
Twitter
Google+
YouTube
Blog
RSS Feed
වෙසෙස් බූන්දි
Brexit- සමුගැනීමේ මොහොත, ඉන් එපිට සහ මෙපිට
බූන්දි, 03:36:24
යුරෝපා හවුලෙහි සමාරම්භක සාමාජිකයෙකු වූ මහා බ්‍රිතාන්‍යය ඉන් ඉවත්ව යා යුතුයැයි එහි සිටින ජනයා තීරණය කොට තිබේ. ලෝ පුරා දේශපාලන ප්‍රභූ ස්ථරයන් බොහොමයකටම පාහේ පාහේ අවශ්‍ය වූයේ මහා බ්‍රිතාන්‍ය යුරෝපා හවුල තුළ රඳවා තබා ගැනීමටයි. ඇමරිකානු ජනාධිපති බරැක් ඔබාමාගේ සිට රනිල් වික්‍රමසිංහ දක්වා සෘජු ලෙස ඊට සහයෝගය දැක්වීය. බ්‍රිතාන්‍යයේ ශාඛාවන් පවත්වා ගෙන යන ලොව සියළුම බහුජාතික සමාගම් සහ ප්‍රාග්ධනය උතුරා යන බැංකු සියල්ල බ්‍රිතාන්‍ය ජනතාව තැති ගැන්වූයේ පොදු හේතුවක් නිසාය. බ්‍රිතාන්‍ය ජාතික නොවන ඒ සියළු දෙනා ඒ වෙනුවෙන් පෙළඹ වූ කාරණය නම් ප්‍රාග්ධනයට නිදහසේ හැසිරීම වෙනුවෙන් යුරෝපය ශක්තිමත් වීමට නම් බ්‍රිතාන්‍ය එහි රැඳී සිටිය යුතුය යන ආකල්පයයි. බ්‍රිතාන්‍ය අගමැති ඩේවිඩ් කැමරන්ගේ සහ ඔහුගේ පිරිවර සමඟින් එකපෙළට සිට ගත් අන්තර්ජාතික ප්‍රභූ දේශපාලන පැලැන්තියත්, රටවල් වලට වඩා විශාල සමාගම් වලත් අවශ්‍යතාවය සැඟවිය යුතු නොවීය. එහෙත් මේ පිරිවර සමඟ එකඟව හෝ නොඑකඟව අභිමුඛ වීමට එරට වාමාංශයට හැකියාව නොලැබුණේ ඇයි? බ්‍රිතාන්‍යය විසින් යුරෝපා සංගමයෙන් ඉවත්වීම වාමාංශික දෘෂ්ඨිකෝණයක සිට කියවීමට සිදු කළ උත්සාහයකි මේ.

බ්‍රිතාන්‍යය යුරෝපා සංගමයෙන් ඉවත්වීමට පක්ෂව සිය ප්‍රචාරණ කටයුතු සිදු කළ පිරිස් අතර කැපී පෙනුණේ අන්ත දක්ෂිණාංශික හඬයි. එය බ්‍රිතාන්‍ය ජාතිවාදී, සංක්‍රමණික විරෝධී, සරණාගත විරෝධී, ව්‍යාපාරයක් විය. ආර්ථික ගැටළු පෙරදැරි කරගෙන දියත් වූ හඬක් වුවද, ඊට හේතු ලෙස ඔවුන් දැක්වූයේ සියළු දෑ සඳහා වගකිව යුත්තේ යුරෝපා සංගමයෙන් පැමිණෙන සංක්‍රමණික ජනයා සහ යුරෝපා සංගමයේ ප්‍රතිපත්තිමය කාරණාවන්ය. එසේ නොමැතිව පසුගිය කාලය පුරාවට බ්‍රිතාන්‍යය මෙන්ම අනෙකුත් රටවල් පාලනය කළ ආර්ථික ප්‍රතිපත්ති ප්‍රශ්ණ කිරීමකට ලක් කළේ නැත. යුරෝපා සංගමයේ ආර්ථික, සාමාජයීය ප්‍රතිපත්ති සහ බැඳුම් ප්‍රශ්ණ කරනවාට වඩා වාමාංශය සිදු කළේ සංක්‍රමණික හිතවාදී, සරණාගත හිතවාදී අන්ත දක්ෂිණාංශයට එරෙහි ස්ථාවරයක සිට ජනමතවිචාරණයට මුහුණ දීමය. අතීතයේ සහ වර්තමානය තුළ වාමාංශය තුළ කතාබහට ලක්වන කරුණු කතිකාවට ලක්කිරීම වැදගත්ය.

බ්‍රිතාන්‍ය වාමාංශික ප්‍රවණතාවයට හිතකාමී මෝනිංස්ටාර් පුවත්පත තමන්ගේ නිල ස්ථාවරය ලෙස ප්‍රකාශ කළේ යුරෝපා සංගමයෙන් ඉවත්වීමට පක්ෂ බවයි. ඒ සඳහා හේතු ලෙස දැක්වූ පහත කරුණ වැදගත්ය. ඔවුන් 1975 සිට සෘජුව මෙම ස්ථාවරය ගෙන තිබුණි. ඒ වන විට ප්‍රායෝගිකව අත්දැක නොතිබූ යුරෝපා සංගමය සම්බන්ධයෙන් ඔවුන්ගේ සැකය යොමු වී තිබුණේ සාමූහික පොදු වෙළදපොළක් තුළ ජනතා නියෝජිතයින්ගේ බලය ඉක්මවා ගොස් වෙළඳ බලාධිකාරයට යටත්වීමට සිදු වීමයි. මහජනතාවගේ බලය ඉක්මවා ගොස් එකී බලාධිපත්‍යයේ ග්‍රහණයට ලක් වීම අයර්ලන්තයේ, පෘතුගාලයේ මෙන්ම මෑතකදී ග්‍රීසියේ ජනතා කැමැත්තට සිදු වූ දේ ඇසුරින් තේරුම්ගත හැක.



"යුරෝපා සංගමයේ ගිවිසුමට එහා ගිය කිසිදු ප්‍රජාතාන්ත්‍රික තෝරා ගැනීමක් නොමැත." යුරෝපා කොමිසමේ ප්‍රධානී ජීන්-ක්ලූඩ් ජන්කර් විසින් ග්‍රීසියේ ජනතාව විසින් නව ලිබරල් ප්‍රතිපත්ති වලට එරෙහිව සිය ජනමතය ප්‍රකාශ කළ පසුව ඇති වූ ව්‍යාකූල තත්ත්වය තුළදී ප්‍රකාශ කළේය.

ඔවුන් විසින් මෙකී තත්ත්වය වඩාත් පැහැදිලි කර ගැනීම සඳහා ලේබර් පක්ෂයේ වාමාංශික නායකයෙකු වූ ටෝනි බෙන්ගේ අදහසක් උපුටා දක්වයි. හිට්ලර්ගෙන් හෝ වෙනත් ඒකාධිපතියෙකුගෙන් එය සනාත කර ගැනීම සඳහා ඇසිය යුතු ප්‍රශ්ණ කිහිපයක් ඔහු දක්වයි.

"ඔබ සතුවන බලය කවරේද? එය ඔබට ලැබුණේ කෙසේද? ඔබ එම බලය භාවිතා කරන්නේ කා වෙනුවෙන්ද? ඔබ විසින් වගකියන්නේ කාටද? අපට ඔබෙන් ගැලවිය හැක්කේ කෙසේද?"

ප්‍රජාතන්ත්‍රවාදී නායකයෙකු එහි මූලධර්ම වලට අනුකූලව තමන්ට බලය ලැබෙන්නේ මහජනතාවගෙන් බවත්, එය ඡන්ද විමසීමකදී බහුතරය මඟින් තමන්වෙත ලැබුණ බවත්, එසේම එකී බලය තමන් නියෝනය කරන පිරිස වෙනුවෙන් භාවිතා කරන බවත්, ඔහු විසින් සිය ජනතාව වෙත වගකියන බවත්, අවසාන වශයෙන් ඡන්ද විමසීමකදී තමන්ගේ බලය ඉවත්කරගත හැකි බවත් පවසයි. එහෙත් හිට්ලර්, ස්ටාලින් හෝ පිනොෂේ වැනි කිසිදු නායකයෙකු මෙකී ප්‍රශ්ණ සඳහා වග නොකියයි. එබඳු ඒකාධිපතීන්ට සමානව යුරෝපා සංගමයත් එම තත්ත්වයේම පසුවන ආයතනයක් වීම උත්ප්‍රාසය දනවන සුළු බව ටෝනි බෙන් පැහැදිලි කොට ඇත.

මෙවැනි තත්ත්වයක් තුළ රටේ ජනතාව අකමැති වුවද යුරෝපා සංගමය විසින් පටවන නව ලිබරල්වාදී ආර්ථික ප්‍රතිපත්ති අදාළ රටවල් වල ක්‍රියාත්මක කිරීමට එකී සාමාජික රටවලට අනිවාර්ය වී ඇත. නොඑසේ නම් දැඩි ආර්ථික සම්බාධක හෝ නොනවත්වා සිදු කෙරෙන අයුතු බලපෑම් වලට මුහුණ දීමට අදාළ රටවලට සිද්ධවනු ඇත.

බ්‍රිතාන්‍ය කම්කරු පක්ෂ නායකයාගේ යුරෝපා සංගමය සමඟ සිටිය යුතුය යන ස්ථාවරය සහ ඔහු විසින් ඒ වෙනුවෙන් ඉදිරිපත් කළ සටන්පාඨ පරස්පර විරෝධී බවක් දක්නට ලැබුණි. ඔහුගේ සටන්පාඨ කිහිපයක් මෙසේය.

"කම්කරු අයිතිවාසිකම් සුරක්ෂිතතාවය"
"රැකියා සුරක්ෂිතතාවය"
"ඉහළ යන අධ්‍යාපන, සෞඛ්‍ය, පොදුපහසුකම් සඳහා වන රාජ්‍ය වියදම්"


එහෙත් යුරෝපා සංගමය තුළ මෙවැනි එකදු ඉල්ලීමකටවත් සාධානීය පිළිතුරක් ඇතැයි යැයි සිතීම උගහටය. ඒ වෙනුවට ඓතිහාසික වශයෙන් නව ලිබරල්වාදය දහම කොට ගත් යුරෝපා සංගමය, කම්කරු අයිතිවාසිකම් වෙනුවෙන් පෙනී සිටියේ නැත. අවම කම්කරු තත්ත්වයන් පිළිබඳව නියමයන් දියත්වන විට ප්‍රාග්ධන හිමියන් වෙනුවෙන් දහසක් ඉල්ලීම් ඉෂ්ඨවිය. බහුජාතික සමාගම් වල ලාභය සම්බන්ධයෙන් සැළකිලිමත් වූ නමුදු සේවකයින් ගැන සැළකීම ද්වීතියික විය. රාජ්‍ය වියදම් පහත හෙලීම සම්බන්ධයෙන් සියළු රාජ්‍යයන් වෙත බලපෑම් කිරීමට යුරෝපා සංගමය පසුබට නොවීය.



ඉබ්බෙකුගෙන් පිහාටු ඉල්ලනවා වැනි ඉල්ලීම් පෙරටු කොට ගෙන නැග ගෙන එන සංක්‍රමණික විරෝධී අන්ත දක්ෂිනාංශික මතවාදයට කොන්දේසි විරහිතව විරෝධය පළකරමින් කම්කරු පක්ෂ නායක ජෙරමි කෝබීන්ගේ ජනමත විචාරණ ව්‍යාපාරය දියත් විය. ඒ අනුව සිය විවෘත වෙළදපොල සම්බන්ධයෙන් වන අදහස පරාජයට පත්වූ අගමැති ඩේවිඩ් කැමරන් මෙන් කම්කරු පක්ෂ නායකයාගේ අදහස පරාජයට පත්වූයේ නැත.

කම්කරු පක්ෂ නායකත්වයට පත් වීමට පෙර ජෙරමි කෝබින් යුරෝපා සංගමය එරෙහි මතවාදයක සිටියෙක් විය. එය ඔහුගේ නායකත්ව සටන පුරාවට ද දක්නට ලැබුනි. කම්කරු පක්ෂ ආණ්ඩුවක් පිහිටු වීම වෙනුවෙන් මෙතෙක් තමන් සතු වූ ස්කොට්ලන්ත ආසන සියල්ල අහිමි වූ තත්ත්වයක් තුළ බ්‍රිතාන්‍ය ලිබරල් මධ්‍යම පන්තිය වෙත ප්‍රවේශ වීම මෙම ස්ථාවරය තුළ ඇති වුවමනාව බව පැහැදිලිය. කොන්සවේටිව්, ලිබරල් ප්‍රජාතන්ත්‍රික මෙන්ම හරිත පක්ෂයට සතුවන මෙකී ජනපිරිස ආකර්ෂණය කර ගැනීම ඉදිරි කම්කරු පක්ෂ ආණ්ඩුවක් වෙනුවෙන් වන අත්‍යාවශ්‍ය සාධකයකි. ඒ වෙනුවෙන් ගෙවන්නට සිදු වූ මිල වෙනුවට ඔහුගේ මූලික ප්‍රතිපත්ති දියකර නොයැවීමට ඔහු සමත් වීම උපායමාර්ගික ලෙස සාර්ථක වීමක් ලෙස ගත හැකිය.

බ්‍රිතාන්‍යය යුරෝපා සංගමයෙන් ඉවත් වීමට පක්ෂව ලද ඡන්ද, පවතින දේශපාලන ක්‍රමයට එරෙහි වූවක් බව පැහැදිලිය. අන්ත දක්ෂිනාංශිකයින් සිය ජාතිවාදී අවශ්‍යතාවන් හැඟීම්බර ලෙස ප්‍රචාරණය සදහා යොදා ගත්තද, ඒ ක්‍රම විරෝධය තුළ අන්තර්ගත වන දේශපාලන අවශ්‍යතාවය වටහා ගත හැක්කේ වාමාංශික දේශපාලන ප්‍රවේශයකින්ම පමණකි. මීට සමාන තත්ත්වයක් ඇති ඇමරිකාවේ ඩොනල්ඩ් ට්‍රම්ප් වෙත ඇති ජනතා ආකර්ශණය කෙරෙහි බ්‍රිතාන්‍යයේ සමාජ හැසිරීම සිදු කරන බලපෑම ආකර්ශණීය නිරීක්ෂණයකි.

අවසාන වශයෙන් බ්‍රිතාන්‍යය තුළ ඇති විය හැකි ආර්ථික අවපාත තත්ත්වයන් වලින් වඩාත් පීඩාවට පත් වීමට නියමිත වන්නේ වැඩකරන ජනතාවයි. සංක්‍රමණිකයින් වෙත ඇති කරන ලද වෛරය එවිට කා වෙත එල්ල වේද යන්න සැක සහිතය. සැබෑ ලෙසම දේශපාලන ක්‍රමයේ ඇති විකෘතිය හඳුනා ගෙන ඊට එරෙහිව ක්‍රියාත්මක වීමට ජනතාව යොමු වීම, බ්‍රිතාන්‍ය කම්කරු පක්ෂය විසින් ජනතාව අතර ගෙන යන මතවාදයේ ශක්තිමත් බව විසින් තීරණය වනු ඇත. අගමැතිවරයා නික්ම ගිය පසු බොහෝ විට බ්‍රිතාන්‍ය මහමැතිවරණයක් පැමිණීමට ඉඩකඩ ඇත. කම්කරු පක්ෂයේ නායකත්වය කවදාටත් වඩා වැඩ කරන මිනිසුන්ට හිතවාදී වී ඇත. සමාජවාදය වෙනුවෙන් පෙනී සිට ඇත. අඳුරු වළා අතර රිදී ඉරක් සැඟව තිබිය හැකිය.
මේ වියමන ඔබේ මූණු පොතට එක් කරන්න-
Tags- Brexit, Regrexit, United Kingdom, European Union, Leaving the European Union, David Cameron, Ranil Wickremesinghe, Labour Party
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංඛ කිරිඳිවැලගෙන් තවත් වියමන්
වෙසෙස්
සංචාරක ව්‍යාපාරය, අධිපාරිභෝජනය සහ ශ්‍රී ලංකාව
Cine
ආලෝකය නොදිටිමි!
අදහස්
දඩ ගැහුවම අවිචාරේ- මල් පිපෙයිද මහ පාරේ?
වෙසෙස්
ට්‍රම්ප්...!
අදහස්
අපචාර වින්දනයේ සිට එල්ලුම් ගස් සුරතාන්තය දක්වා
තවත් වෙසෙස් බූන්දි
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
සමාජවාදයේ සහ ධනවාදයේ දත්තවාදී කියවීම
මානව සමාජයේ මීළඟ විප්ලවය 'දත්තවාදය'ද?
ආරියසේන යූ ගමගේ- සොඳුරු මතක ඉතිරි කොට නික්ම ගිය වෛද්‍යවරයා
බූන්දි නව ඊමේල් ලිපිනය- editorial@boondi.lk
BoondiLets
ඒබ්‍රහම් ටී. කොවූර් කියයි.
තමන් විසින් පානු ලබන ඊනියා ප්‍රාතිහාර්යයන් පරීක්ෂාවට ලක් කිරීමට ඉඩ නොදෙන්නා තක්කඩියෙකි. එබඳු පරීක්ෂා කිරීමකට ධෛර්යය නොමැත්තා පහසුවෙන් මුළාවේ වැටෙන්නෙකි. පරීක්ෂාවකින් තොරව සියල්ල විශ්වාස කිරීමට... [More]
What's New | අලුතෙන්ම
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook