Facebook
Twitter
Google+
YouTube
Blog
RSS Feed
සූකිරි කතා-බස්
"වලාකුළු බැම්ම"ට භූගෝලීය පරිසරය සපයන්නේ මම අත්වින්ද ගම‍යි!- චන්ද්‍රරත්න බණ්ඩාර
කවියෙකු, කෙටිකතාකරුවෙකු හා නවකතාකරුවෙකු වන චන්ද්‍රරත්න බණ්ඩාරගේ නවතම නවකතා නිර්මාණය වන 'වලාකුළු බැම්ම' මේ වනවිට සහෘදගතවී හමාරය. මේ වලාකුළු බැම්මත්, ඒ නවකතාවත් සම්බන්ධයෙන් වර්තමානයේදී කැනඩාවේ දිවිහරින කතුවරයාගේ පරිකල්පණීය අත්දැකීම් හා වෙනත් සාහිත්‍යමය අහුමුලූ පිළිබඳ කරන සංවාදයකි. මෙය මුල්වරට රාවය පුවත්පතෙහි පළ විය.
බූන්දි, 00:25:19
වලාකුළු බැම්මට අනුභූතීන් සපයන්නේ ඔබ කුඩා කල අත්වින්ද ගම කියලයි පෙනෙන්නෙ?

වලාකුළු බැම්ම නවකතාවේ අත්දැකීම මගේ ම කියලා කියන්ඩ බෑ. ඒත් ඒ කතාව විකාශනය කරන්නඩ අවශ්‍ය භූගෝලීය කලාපය සකස් කරන්නේ අපේ ගම. ඒ වගෙම ගම ආශි‍්‍රත හඟුරන්කෙත, දියතිලක කෝරළය ආදිය ඇතුළත් භූගෝලීය කලාපය. නිර්මාණකරුවෙකුට තමන් උපන් පරිසරය හෝ හැදුණු වැඩුණු පරිසරය එක්ක සංවේදනා ගලපන එක ලේසියි. අද වන විට මට මගේ නිජ පරිසරයත්, ජීවිතයේ ලස්සණ දවස්වල ආ ගිය තැන් ගැනත් එක්තරා ආකාරයක රොමෑන්තික බැඳීමක් තියෙනවා. විශේෂයෙන් යුරෝපා රටක ජීවිතයක් ගත කරද්දී මේ තත්ත්වය තදින් දැනෙනවා. ළමා අවධියේ අපි අවට පිපුණු හෙන්දිරික්කා මල්වල සුවඳ පවා අද මතක් වෙනවා. නවකතාවේදී අරං තියෙන ඇහැල හා සපුමල් පවා හුදු සැරසිල්ලක් නෙමෙයි. ඒවා මගේ බරසාර මතකයට කා වැදුණු ලස්සණක් හා සුවඳක් එකතු කරනවා. සමහර විට මේ මතකයන් මේ තරමට බරසාර වෙන්නෙ මම විදේශයක ජීවත් වෙන නිසා වෙන්ඩ ඇති. ඇත්තටම වලාකුළු බැම්ම කියවපු වැඩි දෙනෙක් අගය කරන, භාෂාව සකස් කර ගන්ඩ මේ මතක සුවඳ විශාල බලපෑමක් වුණා කියලයි මට හිතෙන්නේ.

කිසියම් අවිනිශ්චිත භාෂාමය හා ආකෘතිකමය අරගලයක හෙවණැලි පොත කියවද්දි පේන්ඩ තියෙනවා?

වලාකුළු බැම්මට නිමිත්තක් විදිහට ගන්ඩ නිශ්චිත දෙයක් මට තිබ්බා. ඒ විතරක් නෙමෙයි, මම දේශපාලනික සත්ත්වයෙක් නිසා ඒක මට හරිම නුදුරු වුණා. ඇත්තටම ඒ නිමිත්ත මට අපූරුවට දැනුණා. ඒත් ඒ කතා නායකයාගේ ඇත්ත ජීවන විලාසය ගලාගෙන ගියේ නවකතාවේ විදියට ම නෙමෙයි. ඔහු පියසිරි වගේ සියුමැලි කෙනෙක් නෙමෙයි. රළු අදහස් තියෙන, අරමුණක් ජය ගන්න නොසෙල්වෙන, අධිෂ්ඨානශීලී කෙනෙක්. ඒත් පියසිරිගේ වගෙම ඔහුගෙ ජීවිතයත් අර්බුදයකට යනවා. හැබැයි මානව වටිනාකම් එක්ක ඔහු ඉදිරි ජීවිතය ගත කරන්නට වෑයම් කරනවා.

මේක ලියන්න ගත්තාම මට මුලින් ඕනෙ වුණේ මගේ කතා නිමිත්තේ ඇත්ත කර්තෘවරයාගේ සත්‍ය ජීවිතය ඒ විදිහට ම නිර්මාණයට ගන්ඩ. ඒ සඳහා මං කලින් සකස් කර ගත්ත නිර්මාණ ආකෘතියක් තිබ්බා. ඒත් කතාව ලියාගෙන යන විට ඒ ධාරණාවන් පළක් නෑ කියලා හිතෙන්ඩ ගත්තා. ඊට පස්සේ මං කෘතිය විසින් ඉල්ලා සිටි ආකෘතියට අවනත වුණා. එතනින් පොතට හොඳක් වුණාද නරකක් වුණාද කියලා මට කියන්න අමාරුයි.

ඒ වගෙම පොතේ කිසියම් දුරක් යනකම් මං පාවිච්චි කළේ ලිඛිත ව්‍යවහාරය. ඒත් අදහස් ගලා ඒමට ඒක අවහිරයක් වගේ දැනුනා. ඒ නිසා කට වහර අනුව ඒ ටික ආයෙමත් ලිව්වා. ඒත් ඒ ලියවිල්ලත් මට අනන්‍ය නිර්මාණ භාෂාව නොවන බව පස්සෙ හැඟී ගියා. ඒ දෙකේම මිශ‍්‍රණයක් සහිත භාෂා ව්‍යවහාරයෙන් වලාකුළු බැම්ම ලියවුණේ ඊට පස්සේ.

මේ කතාව ප‍්‍රධාන වශයෙන් ගලා යන්නේ යථාර්ථවාදී සහ අධි යථාර්ථවාදී සංකේතමය දෙමුහුන් රීතියක් ඇතුළේ. මෙකී ආඛ්‍යාන ක‍්‍රමය ඔබගේ ප‍්‍රකාශනයට වැදගත් වුණේ කොහොමද?

සම්පූර්ණයෙන්ම අධි යථාර්ථවාදී රීතියක් මගේ තේමාවට අනුචිත බව මට හැඟුණා. එවැනි රීතියක් පාවිච්චි කරන්න ගියොත් මගේ අතින් වලාකුළු බැම්ම මැනවින් කැටයම් නොවේය කියන සැකයත් මට තිබුණා. ඒ නිසා සමහර විස්තෘත අවස්ථා නිරූපණයට විතරයි මම අධි යථාර්ථවාදී ව්‍යවහාරය පාවිච්චි කළේ.

'කැණිමඬල ගිනි ගත් දා' කියන මගේ මුල්ම කෙටිකතා පොත මුළුමනින්ම වගේ ලියවුණේ අධි යතාර්ථවාදී රීතියෙන්. ඒත් මං ඊළඟට ලිව් හැම පොතක්ම වගේ බර යථාර්ථාවාදී රීතියට. කොහොම වුණත් අසාමාන්‍ය ජීවන මානයන් නිරූපණයට වඩා හොඳ අධි යථාර්ථවාදී රීතිය කියලයි මං කල්පනා කරන්නේ. ඒත් වළාකුළු බැම්ම ඒ ශෛලියයෙන් විතරක් ලිව්වා නම් චරිත හා උපමාන මීට වඩා වෙනසකට භාජනය වෙනවා.

වලාකුළු බැම්ම ලේඛන රීතිය ඇතුළේ පේන්න තියෙන සුවිශේෂී කරුණ තමයි රූපණය සඳහා සියුම් වශයෙන් අවධානය යොමු කර තිබීම. අධික රූපණය පාඨකයාගේ කියවීම කෙරෙහි බලපාන්නේ කොයි විදිහටද කියලද ඔබ කල්පනා කරන්නේ?

මෑත කාලයේ සිංහල නවකතාවක නොවූ තරම් චරිත හා අවස්ථා රූපණය මේ පොතේ වැඩිපුර ටිකක් තියෙනවා තමයි. මේ නවකතාව මං අවුරුදු තුනහමාරක් තිස්සේ දවසට පැය හතර ගානේ ලිව්වා. ඒ විදේශයක ජීවත් වෙමින්. ඉතිං විශේෂයෙන් ලංකාවේ පරිසරය තුළ සිදුවන සිදුවීම් නැවත පරිකල්පනය කරද්දී මම ම එහි කොටස් කාරයෙක් වුණා. එහෙම වෙද්දී කතාව මගේම හෘද සාක්ෂීය ප‍්‍රකාශනයක් බවට පත් වුණා. උදාහරණයක් විදියට උඩහ අත්තම්මා කියන චරිතය ගන්න පුළුවං. ඒක ගොඩ නැගුනේ ඒ වගේ ඇත්ත චරිතයකට මගේ තිබුණු හෘදයාංගම නෑකම නැවත සිහිපත් කරමින්ග ඒ සිහිපත් කිරීම විප‍්‍රවාසීව ජීවත්වන, මැදිවියේ සංස්කෘතික මිනිසෙකුට දැනෙන්නේ හරිම හැඟීම්බරව. ඒක හරියට කවියක් ගීතයක් ලියවෙන ආරම්මණය ඇති වෙනවා වගේ. කොටින්ම කියනවානම් භාෂාවේ හැඩ තල සැකසුනේ පවා මේ චරිතවලට මගේ තිබුණු හෘදයාංගම නෑකම හරහා.

මට ආභාසය සැපයූ ඇත්ත චරිතයට දේව දූතයෙක් ගැන ආසාවක් නැති බව මට විශ්වාසයි. ඒත් කතාවෙදි මං ඔහු දේවදූතයෙක් කරනවා. මගේ ලෝකය තුළ පරමාදර්ශී ගැමි දරුවා නැංවෙන ඉහළම තැන තමයි ඒ. කතාවෙදි ඒ දේ සිදුවෙන්නේ ලොකු හාමුදුරුවන්ගේ ජාගර ආසාවට ගෙවන අල්ලසක් විදිහට මිස ඔහුගේ අවශ්‍යතාවට නෙමෙයි. මේ සිදුවීමත් එහි පරස්පරයත් දෙකම ඇත්ත. ඔබ ඇහුවා වගේ, මේ කතාවේ රූපණය බහුල වුණේ මේ වගේ කාරණාවල සමබරතාව රැක ගන්නත් එක්ක.

ඔබ කල්පනා කරන විදිහට මේ කතාවේ චරිත, චරිත වශයෙන් නියෝජනාත්මකද?

කතාවේ සමස්තය ගොඩ නැගීමට මේ සියලූ චරිත දායක වුණා. ඉතිං චරිත වශයෙන් ඒවා නියෝජනාත්මකයි. උදාහරණයක් විදිහට පියසිරිගේ මව වන ලොකු මැණිකා ගමුකෝ. ඒ මාතෘ ගුණය අපටම හිමිව තිබුණු සංස්කෘතික දේපළක කොටසක් නෙවෙයිද? අපි අද දවසේ හොයාගෙන යන මහා සිංහලත්ව ව්‍යාපාරය ඒ අහිමිවීම පිළිබඳ තැකීමක් කරනවාද? කණස්සල්ලක්වත් තියෙනවාද? බුදු දහම ව්‍යවස්ථාවට එකතු කල යුතු යයි කියන අය වෙදාත්තා, සිල්මෑණියෝ, උඩහ අත්තම්මා රැකගත් පෝෂණය කළ, බුදු දහමේ සැබෑ ඇතුලාන්තය අහිමි වීම ගැන තැකීමක් කරනවාද? නෑනෙ.

නියෝජනාත්මක චරිතයක් විදිහට සෙල්වි සුවිශේෂයි කියලා මට හිතෙනවා. ඒ නියෝජනය ගැන පැහැදිලි කිරීම මොකද්ද?

යාපනයේ දෙමළ සමාජය, සිංහල සමාජයට වඩා සාපේක්ෂව සාම්ප‍්‍රදායික එකක්. දෙමළ ස්ති‍්‍රය රැකුණු කොටු පවුර, සිංහල කාන්තාවට තිබුණු කොට පවුරට වඩා විශාලයි. සාපේක්ෂ වශයෙන් සිංහල කාන්තාවට වඩා දේශපාලන සමාජ සංස්කෘතික ව්‍යාපාරවල දෙමළ ගැහැනු චරිත අඩු ඒකයි. ඒත් දේශපාලන පීඩනය පුපුරා යද්දී මේ සම්ප‍්‍රදායික වැට කඩුලූ සියල්ල බිඳී විසිරී ගියා. කොටු පවුරු තුළ සිර වී සිටීමේ අධිෂ්ඨානයෙන්ම ඔවුන් සටනේදී අධිෂ්ඨාන සහගත වුණා. සම්ප‍්‍රදායික සමාජයේදී පුරුදු පුහුණු කළ ගුණ දහම් සටනේදීත් උපයෝගී කර ගත්තා.

මේ දෙමළ ගැහැනු චරිතයේ උච්චතම නියෝජනය සෙල්විග පත්තිනි, පාර්වතී, රාධා, රෝසා ලක්ෂම්බර්ග්, කමලා දේවි, විවියන් ගුණවර්ධන. පියසීලි විජේගුණසිංහ, කාමලිකා අබේරත්න ආදී විශිෂ්ට ගණයේ චරිතවල හොඳම ලක්ෂණ මම සෙල්විගේ ජීවි ප‍්‍රතිමාව හැදීමට භාවිත කළා. ඒත් ඒක හිතා මතා වූ නිරූපණයක් ය කියලා කියන්නත් බෑ. ඒක කතාව විසින් ඉල්ලා සිටි නිරූපණයක්. සමහර වෙලාවල මගේම හෘද සාක්ෂියේ හා පේ‍්‍රමයේ බලාපොරොත්තුව ඒක වෙන්න පුළුවං. ඒ විදිහේ බලාපොරොත්තුවක් කාටත් තියෙනවා. පත්තිනි දේවිය අඹ ගෙඩියකින් උපද්දවාගෙන පතිවෘතාවේ හිමිකාරිත්වය ඇයට පවරන්න ඇත්තෙ මං වගේ පිරිමි වෙන්ඩ ඇති. සෙල්වි එක අතකට දේශපාලන පීඩිත බවේත්, එහි ප‍්‍රතිකි‍්‍රයාවේත් නියෝජනයක් මෙන්ම ලයාන්විත පිරිමි හදවතක බලාපොරොත්තුවේත් නියෝජනයක්. වලාකුළු බැම්මේ සෙල්වි ඇතුළත් පරිච්ඡේද කුමක්දෝ නොහැ‍‍ඟෙන උද්දාමයකින් මම විටින් විට කියවනවා. විචාරකයන් මොනවා කියුවත් සෙල්වි උපද්දවීම පිළිබඳ මට තියෙන්නේ බරපතළ හැඟීමක්.
මේ වියමන ඔබේ මූණු පොතට එක් කරන්න-
Tags- Walakulu Bamma Sinhala Novel by Chandrarathna Bandara, Interview on Sinhala Literature, Sri Lankan Author
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ප්‍රසාද් නිරෝෂ බණ්ඩාරගෙන් තවත් වියමන්
කතා-බස්
යාය හතරේ ලියන්නී- ශාන්ති දිසානායක
කවි
පිටුවහල් වහලෙක්මි‍‍‍‍.
අදහස්
මෛත්‍රීගේ කතාව- ප්‍රති කියවීමක්
රංග
අව්‍යාජ - වෙළඳ සංස්කෘතීන් හි ද්විඝටනයක් ලෙස "සිරිවර්ධන පවුල"
අදහස්
කෝටි ගණන් වැය කළ ආණ්ඩුවේ හරාකිරි ප්‍රචාරණ කලාව
තවත් සූකිරි කතා-බස්
"මට අවශ්‍ය අපගේ අනෙකා කෙතරම් විචිත්‍රවත්ද යන්න පෙන්වීමටයි."- නිශ්ශංක විජේමාන්න
"මේක හාඩ්වෙයාර් එකක යකඩ කපන එකෙකුගේ වැඩක්!"- නාගොල්ලාගොඩ ධර්මසිරි බෙනඩික්
නාඳුනන ගැහැණියකගේ දේශපාලන අරගලය- තිලිනා වීරසිංහ සමග කතාබහක්
"ගොතන කතාවකට වඩා අවිශ්වසනීය වූ ඇත්ත කතාවක් තිබුණා...!"- සුරේඛා සමරසේන
"යන්නං චන්දරේ" සහ "ගාලු පාර දිග හැලුණු සිනා සළු"- ටිමා සහ ඩොමා සමග කතාබහක්
බූන්දි නව ඊමේල් ලිපිනය- editorial@boondi.lk
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
BoondiLets| පියදෝර් දොස්තෝව්ස්කි කියයි.
පව්කාරයෙකුට චෝදනා කොට පිළිකෙව් කිරීම තරම් පහසු අන් කිසිවක් නැත. එපරිදිම, පව්කාරයෙකු තේරුම් ගැනීම තරම් අපහසු අන් කිසිවක් ද නැත!
කතන්දර| ලියුම්

6-Mins

(ජනිත් විතාරණගේ) "අසෝක මහත්තයො මෙන්න මේක මහත්තයාට දෙන්න කියලාමයි මං අරගෙන ආවේ.."

හාමුදුරුවන්ට වැඳලා නැගිටිනකොටම සිවුරු පොට ඇතුලෙන් ඇදලා ගත්ත බාගෙට දියවෙච්ච බ්‍රවුන්පේපර්... [More]
අදහස්| [සරදගේ ලියුං හැකින්ස්]- ජාත්‍යන්තර හොරුන්ගේ සංගමයෙන් බය නැති අගමැතිට ලියුමක්

2-Mins

ඡන්දයක් පවත්වන්න යනවයි කියල හාවක් හූවක් යනකොට නානාප්‍රකාර පක්ෂ, පෙරමුණු බිහිවෙන්න පටන්ගන්නවා. පක්ෂ බිහිවෙන හදිස්සියට ඒවාට දමන්න නම් හොයා දෙන,... [More]
රංග| දේශපාලන සංස්කෘතියේ අඳුරු ප‍්‍රපාතයක් වෙත එබී බලන, "ප‍්‍රපාතය ළඟ වනස්පතිය"

6-Mins

(දමිත් වැලිකල) පසුගිය යෞවන නාට්‍ය උළෙලේ ඉදිරිපත් වූ නාට්‍ය අතරින්, ඉතා සරු වියමනක් ඔස්සේ නාටකීය ධාරණාවක් ආකෘතිකමය සෞන්දර්යකින් යුතුව ඉදිරිපත් කරන්නට සමත්... [More]
කවි| බිරියෝසා හිම හඬයි!

42-Secs

(ඩිල්ෂානි චතුරිකා දාබරේ) බබයිගා යකින්නගෙ කුකුළු අඬු ගේ ගාව මං හිටියෙ මුළු ගෙය ම මුර කරන්
ගෙයි මුල්ලෙ පූසගේ නියෙන් මා සීරිලා පිට පොත්ත තදින් වැහැරී ගිහින්
කඳුකරෙන් හැමූ එක් අවාරේ හුළඟකට කේඩෑරි කොළ වැටුණ ඉකි ගසන්
යකින්නිය යකින්නියෙ වතුර උතුරක් දියන් බිරියෝසා මම පුරන් වී ගිහින්

වසිලිස්සා කෙලි පොඩ්ඩි දුව එද්දි බයවෙලා කඳුලකින් දිග ගවුම නෑවිලා... [More]
කවි| හිරු බැස යෑම නියතයකි!

17-Secs

(විකුම් ජිතේන්ද්‍ර) ඔරලෝසු මුහුණත
කියයි
ඒ මොහොත පැමිණි බව...

තබමි සුදු පැහැ
හිස් තැනක්...... [More]
Cine| අතීත ව්‍යාධිය වෙත අනාගතයෙන් එන රෝග ලක්ෂණය (සමාප්තියක් නොවන ස්මර්ණ)

6-Mins

(විදර්ශන කන්නන්ගර) ස්මර්ණ සමාප්ති නම් වූ ටෙලි චිත්‍රපටිය රූපවාහිනියේ විකාශය වූයේ 2000 වර්ෂයේදීය. අප එම අත්දැකීම නැවත සිහිපත් කරමින් තිබෙන මෙම 2017... [More]
කතන්දර| "පොල්ලෙ බලේ"- රුසියානු ළමා කතන්දරය [වීඩියෝව]

19-Secs

පොඩිත්තන්ට රුසියාවෙන් කතන්දරයක්- වී. සුතේයෙව් ලියා සිත්තම් කළ "කතන්දර හා පින්තූර" සෝවියට් ළමා පොතෙහි ඇතුළත් "පොල්ලෙ බලේ" ළමා කතන්දරය (අනුවාදය-... [More]
BoondiLets| ජෝන් ලෙනන් කියයි.
ජීවිතය යනු, ඔබ කලබලයෙන් වෙන වෙන සැලසුම් සාදමින් ඉන්නා විට, ඔබට සිදුවන දෙයයි!
අදහස්| [සරදගේ ලියුං හැකින්ස්]- කහටගස්දිගිලියෙ කුසුමාවතීගෙන් මංගල ඇමතිතුමාට!

2-Mins

අපේ මංගී මහත්තයා නොහොත් මුදල් ඇමති මංගල සමරවීර මහත්තයා මේ පාර අය වැයෙන් බියර්වල මිල අඩු කළාට පස්සේ රටේ මිනිස්සු... [More]
ඔත්තු| මාසික සිනමා දැක්ම- 'Lipstick Under My Burkha'- නොවැ. 26

7-Secs

Alankrita Shrivastavaගේ "Lipstick Under My Burkha" චිත්‍රපටය, 2017 නොවැම්බර් 26 ඉරිදා, සවස 3:00 ට, මීගමුව... [More]
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
කවි| (ඔබ හිනැහෙන විට)

5-Secs

(මහගම සේකර) ඔබ හිනැහෙන විට
මුලු ලොව
ඔබ සමඟින් සිනා සෙයි

ඔබ වැලපෙන විට
මුලු ලොව... [More]
කරන්ට්ස්| ඈත සහ මෑත

23-Secs

(අමිල නන්දසිරි) "අනුරාධපුරයේ උද්‍යාන තුලදී පෙම්වතුන් යුවල 304ක් පොලිස් භාරයට."
-පුවතක්


ඈත, කුහුලින් සවල් ගහනා
මැදිවියේ නෙතු බහුලය
මෑත, විලියෙන් ජම්බු රතුවෙන... [More]
Cine| ස්වරූප නොපෙන්වීමේ සහ නොබැලීමේ විනෝදය

13-Mins

(එරික් ඉලයප්ආරච්චි) කලාත්මක අවකාශය සහාසික ලෙස විනෝදයේ අවකාශය විසින් පාගා දමනු ලබන අතරේ කලාත්මක ප්‍රදර්ශනයේ අවකාශය විනෝද ප්‍රදර්ශනයේ අවකාශය විසින් උදුරා ගනිමින්... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook