Facebook
Twitter
Google+
YouTube
Blog
RSS Feed
කතන්දර බූන්දි
සංසිඳීමක්
බූන්දි, 23:18:42
සන්තාපය තාමත් ඉවර නොවී තිබෙන බව සහන් අනුත්තරාට පැවසුවේලු. අනුත්තරාගේ ඇස් වලින් කඳුළු පෙරෙනවා. ඈ සිටියේ මට පිටුපා අහස දෙස බලාගෙන. ඉන්පසු අප දෙදෙනා ගල්බැම්ම මත වාඩිවී ගස් සෙලවෙන සිලි සිලි හඬට සවන් දුන්නෙමු. මුළු මහත් විශ්වයම කලාගාරයක් යැයි සහන් අපට පැවසුවේය.

"ගහ කොළ සතා සිව්පාවා තේරුම් ගන්න පුළුවන්, ඔවුන්ගේ හඬට සවන් දෙන්න පුළුවන් වුන දවසට තමයි මනුස්ස ජීවිතේ සම්පූර්ණ වෙන්නෙ." අනුත්තරාගේ ඉකිබිඳුම පරයා සහන්ගේ හඬ මගේ මනසේ නින්නාද විය.

"එයා හිටියේ හරි හමන් රස්සාවක් නැතිව නන්නත්තාර වෙලා. ජීවිතයේ බැඳීම් මතුවෙන හැම උල්පතක්ම එයා සම්බන්ධයෙන් වියළිලා ගියා. ඒක මිනිහෙක්ගේ දෛවයට වඩා මේ රටේ කාලකන්නිකම." අනුත්තරා පැවසුවාය.

මම යළිත් සොබා දහමේ හඬට සම වැදුනෙමි. සැපටිල්ලා ගසේ වසා සිටින කුරුල්ලෙකු කීචි බීචි ගා මොර දුන්නේය. මේ ගසේ අතු මත වාඩිවී සහන් සමඟ සිදුකල තර්ක විතර්ක මට සිහි වේ. ඒ සෑම විටෙකම ඔහුව තර්කයට පටලා ගත්තේ මා විසිනි. ඒ වන විට අප දෙදෙනා ගමන් කරමින් සිටියේ එකම අරමුණක් කරා වුවත් වෙනස්ම මාර්ග දෙකකයි. තමා තුළටම නැමුණු හදකින් යුතු වූ සහන් විමුක්තිය සොයා ගියේද ඔහුගේම ඇතුළු හද පර්යේෂණාගාරයක් කොට ගෙනය.

"කෙනෙකුට තමාගේ මනසින් හදාගත්තු ලෝකෙ අවසානයක් දකින්න පුළුවන්. ඒ කියන්නේ කැමති නම් අපට වුනත් අපේ සංකල්ප ලෝකෙ නැති කරගන්න පුළුවන්." සහන් පැවසුවේය.

එහෙත් මම උමතුවෙන් මෙන් ඔහු හා තර්ක කළෙමි. "සැබෑ විමුක්තිය කියන්නේ උඹ ඔය කියන විදිහෙ මනෝරාජික තැනක තියෙන දෙයක් නෙවේ. මේ සමාජ සම්බන්ධතා වෙනස් කරන්නේ නැතිව තනි පුද්ගලයෙක් සමඟ බද්ධ වුනු විමුක්තියක් ගැන කතා කරන එකත් මුලාවක්."

එහෙත් ඔහු පෙරලා මට මෙසේ පැවසුවේ ය.

"මට උඹත් එක්ක තර්ක කරන්න ඕනේ නෑ. තර්කය කියන්නේ වචන ගොඩකට. උඹ තාම කිසි දෙයක් පරාජය කරල නැති ප‍්‍රාථමිකයෙක්. ඉස්සෙල්ල වචන, භාෂාව පරාජය කරපන්. භාෂාව තමයි මිනිස්සු නිර්මාණය කරපු ඓතිහාසික බොරුව. භාෂාවෙන් නිදහස් වුනහම උඹට තේරෙන්න ගනීවි."

මම අනුත්තරා දෙස බැලූවෙමි. ඇය තාමත් කඳුළු පිරුණු දෑසින් අහස දෙස බලා සිටින්නීය. සහනුත් මමත් ජීවිතයේ සියලූ බැඳීම් අත්හරිමින් සිටි සමයෙක අනුත්තරා අප වෙත ආවාය. උත්තර නොමැති ඉරණමක කොටස්කාරියක වීමේ ඇගේ දෛවය ඇයට වළකා ගත නොහැකි වූවාය. ලයිබ‍්‍රරියේ මුල්ලකට වී පොත පත කියවන අනුත්තරා ප‍්‍රාග්ධනයේ වසඟයට හසු නොවුණු නිර්මල පිනි බිඳක් ලෙසින් එකල මට පෙණුනේය. මම ඇගේ රූපයට වඩා ඈ තුළින් පිළිඹිබු වුනු දෘඩ මනුෂ්‍යත්වයට පෙම් බැන්දෙමි. අනුත්තරා මට හමුවුන කාලය වනවිට සහන් මිනිසුන්ගෙන් නිරාශ‍්‍රය වී සිටියේය. මා සම්බන්ධයෙන් පවා ඔහුගේ ප‍්‍රතිචාර නිශ්ක‍්‍රීය වෙමින් තිබුනේය. ඔහු පැවසුවේ ආශ‍්‍රය කිරීමට තරම් හරයක් කිසිවකු ළඟ නොමැති බවයි.

"මිනිස්සු වේශ නිරූපණය වෙලා. ඒගොල්ලො මං ඉදිරියට එද්දී ටිෂූ එකකින් වගේ උන්ගේ අධ්‍යාත්මයේ තියෙන සියළු දේ මට පේන්න ගන්නව. වේශ නිරූපණ යන්ත‍්‍රත් එක්ක සම්බන්ධයක් හදාගන්න මට බෑ." යි සහන් පැවසුවේය.

කෙසේ වෙතත් මට කලින් අනුත්තරා සහන්ගේ මිතුරියක වූවාය. අනුත්තරා තාමත් ඒ දවස ගැන කියමින් සිනාසෙන්නීය.

"එදා මම හිටියේ ලයිබ‍්‍රරියේ මට පුරුදු මේසෙට වෙලා පෙරදිග දර්ශනය ගැන ලියවුනු පොතක් කියව කියව. මට දැනුන මගේ මේසෙ ඉස්සරහ කවුරුහරි කෙනෙක් හිටගෙන ඉන්නව. මම ඔළුව උස්සල බලද්දී වැස්සට තෙත බරිතවුණ කොල්ලෙක් මං දිහා බකමූණෙක් වගේ බලන් ඉන්නව. ඒ විතරක්යැ - ගෝරිල්ලෙක් වගේ මූණ පුම්බල බුක් - බුක් ගෑවා. මට 'බකස්' ගාල හිනහ ගියා. එයා පුටුවක් ඇදල අරන් මං ඉස්සරහ වාඩි වුනා. වාඩිවෙලා කිව්ව "මම කැමතියි ඔයා එක්ක මිත‍්‍රත්වයක් හදා ගන්න.ඒ කියන්නෙ ඔයා මගේ මිතුරියක් වෙනව නම් මම කැමතියි. ඒකට ඉඩ දෙනව නම් මම ඔයාට පොරොන්දු වෙනව අපේ මිත‍්‍රත්වය පාවිච්චි කරල ඔයාගෙ ඇඟ උඩ නගින්න මම කවදාවත් උත්සාහ කරන්නෑ කියලා."

මට එදා පුදුම හිතුන මේ කොල්ල ගැන. ජීවිතේ ගැන මහා දාර්ශනික කථා කියන මිනිස්සු ඕන තරම් මට ඒ වෙනකොට හමුවෙලා තිබුනා. කොටින්ම මට උගන්වපු ගුරුවරු පවා මොකක්දෝ සමීප විය නොහැකි හතුරු කමක් හැමදාම අපි අතරෙ ඉතිරිකරගෙන හිටිය. දන ගහල වැඳපු වැඩිහිටියන්ගේ හිත්වලත් මොකක්දෝ ගුප්ත දෙයක් සැඟවිලා තියෙනව කියලා හය-හතර තේරෙන කාලෙ ඉදන්ම මට හිතිලා තියෙනවා. මම ජීවත් වුනේ බයෙන් සැකෙන්. වැඩිහිටි පිරිමි ඉස්සරහ මගේ දණහිස් වෙව්ලුව. කොටින්ම මට සේරම පිරිමි පෙණුනෙ මාව ගිලගන්න බලන් ඉන්න හිවල් රැළක් විදිහට. ඒත් එදා මේ කොල්ලගෙ ඇස් වල තිබුනු අවංකකම මම ටක්කෙටම තේරුම් ගත්තා. මට දැනුනා මගේ ක්ලෝන පිටපතක් මං ඉස්සරහ ඉඳගෙන ඉන්නව වගේ හැඟීමක්. පැනල මේ කොල්ලව බදාගෙන ඉඹින්න තරම් ආවේගයක් මට ආව. හී... හී..... මගේ ඇස් වලට කඳුළු පිරුණ. දැනගෙන ජීවත්වෙන්න ගත්තු දවසෙ ඉඳන් එදා තරම් මම සතුටට අඬල නෑ කවදාවත්ම.


පස්සෙ දවසක සැපටිල්ලා ගහ උඩදී සහන් මට මෙහෙම කිව්වා. "මං මගේ අන්තිම එක්ස්පරිමන්ට් එකත් කරා.... මට දැන් මං ගැන පූර්ණ විශ්වාසයක් තිබෙනවා. අනුත්තරා දැන් මගේ හැබෑම මිතුරියක්. සිදුහත් කුමාරයාටත් ස්ත‍්‍රීත්වය වටා ගොඩනගල තිබුණු මායාව බිඳදාන්නළඟන රැඟුම් බලන්නම වුනා. තුන්සිය හැටපස් දවසෙම බස්වල එක ගොඩේ තෙරපිලා මිරිකිලා යන එන මේ මිනිසුන්ට තාමත් බැරිවෙලා තියෙනව සැබෑ මිනිස්කම වෙත ළඟා වෙන පාර අවුරල තියෙන මායාව මොකක්ද කියල තේරුම් ගන්න."

මම ඒ වෙනකොට හිටියෙ සහන් කෙරෙහි ආකර්ශණය වෙමින්. මට වඩා මොන පැත්තෙන් බැලුවත් ඔහු දක්‍ෂයෙක්. කන්තෝරු කාමරවල සීතලට ගුලිවෙලා ඉන්න මිනිසුන් සමඟ බලන විට සහන් අඩුම තරමින් මෙරටෙහි ඇකඩමියාව තුළ ඉහළ තනතුරක ඉන්න ඕනෙ මිනිසෙක් ය යනුවෙන් මට සිතුණු වාර අනන්තය. එහෙත් අම්මයි, නංගිල දෙන්නෙකුයි ජීවත් කරවීමට ඔහුට අන්තිමේ පාරට බසින්න සිදු විය. එනමුත් කවදාවත් සහන් ඔහුගේ ඉරණම ගැන පශ්චාත්තාප නොවුනු බව මගේ විශ්වාසයයි.

"බෙදීම් හදාගත්තොත් තමයි බං මේ හැමදේකම අසම්පූර්ණත්වයක් අපට පෙනෙන්නෙ. මේ හැමදේකම මම නම් දකින්නෙ ශුන්‍යත්වයක් විතරයි." ඔහු කීවේය.

සැපටිල්ලා ගහට යටින් ඈතට දිවයන වෙල්යාය පුරා සැන්දෑ සූර්යාලෝකය පැතිරී තිබේ. වෙල්යාය කෙළවර අහස රක්ත වර්ණයෙන් බැබලේ. සහන්ගේ අම්මා ආලින්දයේ හාන්සි පුටුවට වී ඈත වෙල්යාය දෙස බලාගෙන සිටී. අනුත්තරා මගේ උරහිසට හේත්තු වූවාය. සහන් ගියාට පසු ඇතිවුනු හිස්කමේ ආගාධයට අපි දෙදෙනාම ඇද වැටුනෙමු. අනුත්තරාත්, මමත් අතිනත ගත්තේ අනුරාගයටත් වඩා විරාගය පෙරටු කොටගත් ආත්මීය හැඟීමකිනි. එක් කලෙක අපි තිදෙනාම මේ විපරිත ලෝකයේ හුදකලා වූවන් වී සිටියෙමු. තනි තනිව අප අත්විඳි දේවල් දියුණු තේරුම් ගැනීමක් දක්වා විකසිත කිරීමට අප අතර ඇතිවුන මිතුදම සමත් විය. එහෙත් සහන්ගේ නික්ම යාමෙන් පසු ඇතිවුන හිස්කම අපි පුරවා ගත්තේ අනුත්තරාත්, මමත් එකම ජීවි ඒකකයක් බවට පත්වීම හරහාය.

මම අද වන විට ඈ පිළිබඳ පූර්ණ විශ්වාසයකින් පසුවෙමි. ඇයත් එලෙසම මාව විශ්වාස කරනවා ඇත. දිනෙන් දින අප අතර මෝරා වැඩෙන අනුරාගයට ගොදුරු නොවී සිටීමට ද අපට නොහැක. අප දෙදෙන දිනෙක ගෙවල් දොරවල් හදනු ඇත. දරු මල්ලන් බිහි කරනු ඇත. ඒ සියල්ල සිදු වනු ඇත්තේ එකිනෙකා කෙරෙහි පූර්ණ විශ්වාසයක් තිබෙන නිසාය. ජීවිතයේ යථාර්ථය පිළිබඳ සවිඥ්ඥානක නිසා අපට අප දෙදෙනා හැර අන් තැනක්ද ලෝකයේ නැත. එහෙත් විශ්වාසය කඩවුණු, විනාශ වුනු තත්ත්වයකට මුහුණ දෙන්නේ කෙසේද කියා අප තාමත් සිතා නැත.

මට දැන් දැන් ඔහුගේ මුහුණ මැවී පෙනේ. ඔහුගේ මුහු‍ණේත් ඇස්වලත් තිබුණු අව්‍යාජත්වය අප දෙදෙනා තරම් මෙලොව කිසිවකු දැන නොසිටින්නට ඇත. මනුෂ්‍යත්වයේ අර්ථය අපි ඔහු තුළින් දුටුවෙමු. එහෙත් ඔහු දිනෙන් දින අප කෙරෙන් දුරස් විය. තව කලෙකදී සහන් යනු අපේ ජීවිත වල මතක මං පෙතක් පමණක් වනු ඇත. ඉඳහිට ලැබෙන විරාමයක බීර වීදුරුවක් තොලගාමින් ඒ මං පෙතේ මෙමා පියමන් කරනු ඇත. මට ඔහු මේ රක්තවර්ණ අහසේ පෙනේ. හිස බූ ගා කසාවතක් හැඳ නිවුණු දෑසින් ඔහු මා දෙස බලා සිටී. වළාකුළු ඔහුට පවන් සලයි. සුළඟට සෙලවෙන ගහකොළ වල නාදය ඔහු වෙනුවෙන් ගැයෙන මිහිරි ගීතයයි. හෝ...... ඕ..... ඕ..... "මම උගෙන් පිරිලා......." මම අනුත්තරා දෙස බලා කෑ ගැසුවෙමි.... "කොහොමටත් එයා තාම බුදුවෙලා නෑ...." අනුත්තරා කීවාය.

-අඳින ලද සුදු පැහැ ඉරි සටහන් (2016)
මේ වියමන ඔබේ මූණු පොතට එක් කරන්න-
Tags- Andina Lada Sudu Paha Iri Satahan, Sinhala Short Stories, Sanjeewa Munamalpe, Sinhala Ketikatha
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංජීව මූණමල්පෙගෙන් තවත් වියමන්
කතන්දර
අඳින ලද සුදු පැහැ ඉරි සටහන්
කතන්දර
ඔපරේෂන් එම්.සී. 37
කතන්දර
පිහි පාර
කතන්දර
මම
කතන්දර
සිහිනයත් අප සමග මිය ගියා නොවේද?
තවත් කතන්දර බූන්දි
ඉරණවිල එළිය
බුම්මන්නා පවුල සහ ලේලිය
දොළොස්දාහක්
කල්ලඩි පාලම පාමුල
අලුත ගෙනා මනාලිය
බූන්දි නව ඊමේල් ලිපිනය- editorial@boondi.lk
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
අදහස්| ගාමිණි වියන්ගොඩගේ සයිටම් ජපමාලයට පිළිතුරක්- 1

9-Mins

(අජිත් සී හේරත්) ගාමිණි වියන්ගොඩ ශූරීන් තම සයිටම් ජපමාලය සතිපතා දිගින් දිගටම ජපකරයි. ඔහු සයිටම් විරෝධීන් යැයි සිතන සියල්ලන්ට එරෙහිව ද්වේෂය සහ වෛරය... [More]
වෙසෙස්| බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?

4-Mins

(තිලක් සේනාසිංහ ) හේතුවාදය යනු Rationalism යන ඉංග‍්‍රීසි වදනෙහි සිංහල අරුත ය. මෙම ඉංග‍්‍රීසි වදන සඳහා සුදුසු සිංහල වචන කිහිපයක්ම මුල දී යෝජනා... [More]
ඔත්තු| රංජිනී ඔබේසේකරගෙන් Sinhala Poetry in Translation

22-Secs

ආචාර්ය රංජිනී ඔබේසේකර විසින් පසුගිය දශක කිහිපය පුරා වරින් වර පරිවර්තනය කරන ලද සිංහල කාව්‍ය... [More]
වෙසෙස්| උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!

10-Mins

(අන්ද්‍රෙ විල්ෂෙක් | අජිත් සී හේරත්) උතුරු කොරියාව ගැන සිතන විට මගේ මතකයට පළමුවෙන්ම නැගෙනුයේ පියොන්ග්යෑන්ග් අසල තායිදොන් නදියේ නිශ්චල ගම්භීර ජලතලය මත වූ මිහිදුම් පටලයන්ය.... [More]
කතන්දර| ඉරණවිල එළිය

6-Mins

(සහන් කසීර වික්‍රමසිංහ) 2016. 12.18
jessica_mclarck88@yahoo.com

ආදරණීය ජෙසිකා,

දුවටත් , අම්මාටත් සුබ නත්තලක් පතමි. සියලුම කටයුතු හොඳින් සිදුවෙනු ඇතැයි සිතන අතර නත්තල් රාත්‍රිය ඔබ දෙදෙනා... [More]
ගී කිය(ව)මු| ඔබට පමණි ඔබ ආදරේ- ප්‍රොයිඩියානු කියවීමක්

2-Mins

(සුදේශ් කවීශ්වර) ඇයගේ ඇකයෙහි ඔබ හිස රඳවා
සැනැහුණු මොහොතක ඔබේ ම දෙනෙතින්
මා ඔබ දුටුවා ඇයට නොවේ
ඔබට පමණි ඔබ ආදරේ

වසන්ත දෙකොපුල නිදිවැරු තොල් මල
දසැඟිලිි... [More]
Cine| යුක්තිය ජය ගැනීමට 'දුෂ්ටයාගෙන්' පළිගැනීම- ඇස්ගාර් ෆර්හාඩිගේ The Salesman

6-Mins

(උපාලි අමරසිංහ) පහත පළ වන්නේ ඉරාන ජාතික කීර්තිමත් සිනමාකරුවෙකු වන ඇස්ගර් ෆර්හාඩි ගේ The Salesman චිත්‍රපටය පිළිබඳ ටොම් කාටර් විසින් ලෝක සමාජවාදි... [More]
රංග| මරණය සහ කන්‍යාවිය මැවූ ඒරියල් ඩෝෆ්මන්

2-Mins

(සංජීව නුවන් ගුණරත්න) ශ්‍රී ලාංකික වේදිකා නාට්‍ය කලාවට ආගන්තුක නොවන නමුත්, විශාල වශයෙන් සංවාදයට බඳුන් නොවුණු, නූතන ඇමරිකානු නාට්‍ය රචකයෙකු ලෙසට ඒරියල් ඩෝෆ්මන්... [More]
අදහස්| විධිමත් සංහිඳියාවක සවිමත් පදනම

6-Mins

(කසුන් සී. තිලකරත්න) පසුගිය වසර කිහිපයක පටන්, මේ මොහොත දක්වාම අප සමාජය තුළ සුවිසල් කතිකාවතකට ලක් වූ සංකල්පයක් වේ නම්, එය සංහිඳියාවයි. යුද... [More]
අදහස්| තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!

3-Mins

(හිරාන් ද සේරම්) එක්සත් ජාතීන්ගේ සංගමය විසින් ජාත්‍යන්තර වෙසක් දිනයක් නම් කළ බවට ලොකු ප්‍රසිද්ධියක් දෙනවා රාජ්‍ය මැදිහත්වීමෙන්. ලංකාවෙ මාධ්‍යවලත් ඒ ගැන හදපු... [More]
ඔත්තු| සයිටම් පිළිබඳ සාකච්ඡාවක්- මැයි 6

7-Secs

සයිටම් ගැටළුව හා නිදහස් අධ්‍යාපනය පිළිබඳ සාකච්ඡාවක්, 2017, මැයි 6 සෙනසුරාදා, සවස 3:00ට, මීගමුව ජනාවබෝධ... [More]
ඔත්තු| ශිශිරය සන්ධ්‍යාව- මැයි 28

22-Secs

අග්නි ඔපෙරාව ඇතුළු ප්‍රේමසිරි කේමදාසගේ ඔපෙරා නිර්මාණ සඳහා ගායනයෙන් දායකත්වය ලබා දෙමින්, ලාංකේය ඔපෙරා කලාව... [More]
වෙසෙස්| මුතුරාජවෙල වනසන්නට පෙර

4-Mins

(කපිල මහේෂ් රාජපක්ෂ) මීතොටමුල්ල ඛේදවාචකයෙන් පසු කොළඹ කුණු බැහැර කිරීම සඳහා දේශපාලකයින් සහ ඇතැම් අමනෝඥ්ඥ නිළධාරීන් විසින් වඩාත් සුදුසු ස්ථාන ලෙස තෝරාගනිමින් සිටින්නේ... [More]
රංග| යුරිපිඩීස් චිත්‍රණය කළ ස්ත්‍රීත්වය

3-Mins

(මහේෂි බී. වීරකෝන්) සම්භාව්‍ය ඇතැන්ස් පුර (ක්‍රි.පූ. 480-323) ස්ත්‍රියගේ අවකාශය වූකලී, ඓතිහාසික ග්‍රීක ඉතිහාසය තුළ, අන් කාල පරිච්ඡේදයන්ට සාපේක්ෂව ගත් කල යම් කිසි... [More]
ඔත්තු| 'නොසන්සුන් මොහොතක හීනයක්'| අප්‍රේල් 30

9-Secs

කසුන් සමරතුංග විසින් රචිත 'නොසන්සුන් මොහොතක හීනයක්' කාව්‍ය සංග්‍රහය 2017 අප්‍රේල් 30 වන ඉරිදා සවස... [More]
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook