Facebook
Twitter
Google+
YouTube
Blog
RSS Feed
කතන්දර බූන්දි
කැමැත්ත හා පෙරමඟුල
බූන්දි, 00:17:47
සුමේධා කසාද නොබඳින්නේ බය නිසා කියලා කියපු දවසෙ මුළු ඔෆිස් එකම බිරන්තට්ටු වුණා. "ඒ කියන්නේ එයාට බය කියලත් දෙයක් තියනවා" සුමේධා නැති තැන කට්ටිය කුටු කුටු ගාපු එකෙත් වැරැද්දක් නැහැ. ඔෆිස් එකේ හැමදේකම මූලිකත්වය ගන්න සුමේධා මොන දේකටවත් බයයි කියලා හිතන්න අමාරුයි. මළ ගෙදරක යනකොට ගෙනියන්නේ චොකලට් බිස්කට් ද නයිස් බිස්කට් ද කියන එක වගේම උපන්දිනයකට නම් කේක් ගේන්න ඕනේ ෆැබ් එකෙන් ද ස්පොන්ජ් එකෙන් ද කියලත් තීරණය කළේ එයා. එක ඔෆිස් වෑන් එකේ යන හින්දා සුමේධාව ආශ්‍රය කළාට මම කළේ ප්‍රධාන නිළියට සබන් කෑල්ල ගෙනිහිං දෙන චරිතේ විතරයි. වෑන් එකේදි වුණත් ට්‍රැෆික් දවසට යන්නේ බොරැල්ලෙන් ද පුංචි බොරැල්ලෙන්ද කියන එක තීරණය කරන සුමේධාට සිංදු අහන්න හිතුණොත් වෙනදට සිංදු කියන රූකාන්ත කට වහගෙන නානා මස්කුරීට ඉඩ දෙනවා. වෙසක් භක්ති ගීත කියන්න සුදු සාරියක් ඇඳගෙන එහෙ මෙහෙ දුවද්දියි නත්තල් කැරොල්වලට රතු ලෝගුවක් ඇඳගෙන පාවෙද්දියි මමත් එයාගෙ පස්සෙන් ඇදුණා. වයස තිස් අටක් වුණාට, බඩ පේන්න සාරි අඳින තරමේ ලස්සන ඇඟක් එයාට තිබුණා. ටිකක් අයිශ්වර්යා වගේ වුණත් ඊරිසියාව නිසා වෙන්න ඇති කවුරුත් ඒක මූණට කිව්වේ නැහැ. ඇන්ජලා නම් පරණ තරහක් තිබුණ නිසා "අයිශ්වර්යාගේ ෆොටෝ කොපියක්" කියලා හිනා වුණා. මාකටිං එකේ කට හැකර කොල්ලෙක් කියලා තිබ්බා "ෆොටෝ කොපියක් නෙමේ, ෆැක්ස් කොපියක්" කියලා. ෆැක්ස් එකක් එනකොට පාට වෙනස් වෙලා ඇද වෙලයි එන්නේ කියන එක මටත් තේරුණේ පස්සේ. "ඌ ජේ. වී. පී කාරයෙක්. ආනන්දේට ගියා කිව්වට හෙණ ගොඩයෙක්" සුමේධා එදා දවසම කළේ අර කොල්ලාට බණින එක. එයත් එක්ක දවල් කෑමට යාමේ වරප්‍රසාදය හිමි වුණු මට තිබ්බේ එයා කියන ඒවා අහං ඉන්න විතරයි.

"කසාද නෙමේ තව පොඩ්ඩෙන් මට පිස්සු හැදිලයි නවතින්නේ" ඔන්න ඉතිං සුමේධා එක හේතුවක් මාත් එක්ක කියන්න ගත්තා. දහම් පාසලේදි පළමුවෙනි ධර්ම සංගායනාව ගැන උගන්නනකොට වගේ එයාටත් හැමදේකටම ආසන්න හේතු, දුරස්ත හේතු හුඟක් තිබුණා. සුමේධා ඒ කාලේ යාළුවෙලා ඉඳලා තිබ්බේ පොත්පත් උත්සවවලට යන, පත්තරේ නම වැටෙන කලාකාරයෙක් එක්ක. "මම ප්‍රභාත් නිසා පොත් කියවන්නත් ගත්තා". සුමේධා කියන විදිට නම් එයා 'උතුම් පැතුම්' පොත සම්පූර්ණයෙන්ම කියවලා තියනවා. "ඒත් වැඩක් වුණේ නෑ අනේ. ප්‍රභාත් කියවන්නේ සිංහලත් නෙමෙයි. අර තඩි වඳුරා ඉන්න පොත මොකක්ද ?" එහෙම ඇහුවට මම දන්නවද ප්‍රභාත් කියවපු පොත්. ටාර්සන් නෙමෙයි කිව්ව සුමේධටම මතක් වුණා ඒ මහා භාරතය කියලා. "ඔක්කොමත් හරි. කියන මළ දානයක් තේරෙන්නේ නෑ අනේ. එයා පවුලට කියන්නේ කුටුම්බෙද මොකක්දෝ කියල" සුමේධා තොල කණපිට හැරෙව්වා. එහෙම නම් අමාරුයි. මමත් එකඟ වුණා.

මහා භාරතය නිසා හිත රිදිලා ඉන්න සුමේධගේ පිහිටට එන්නේ නෑදෑ ජෝඩුවක්. "රජී අක්කල නොකියවපු පොතක් නෑ. ඒ කපල් එක වෙරි ඕපන් මයින්ඩඩ්" ඔන්න සුමේධා ඥාති වර්ණනාව පටන් ගත්තා. මොනවා නැතත් සුමේධාට අපිටත් එක්ක ඇතිවෙන්න නෑදෑයෝ ටිකක් හිටියා. එයාලා මළ ගෙදරකට ගියොත් මිනියටත් වඩා කැපිලා පේන ජාතියේ කට්ටිය. "වෙන එකක් තියා බැන්ද දාකට ෆේස්බුක් යූස් කරන විදිය හිටං එයාලා ඇඩ්වයිස් කළා" අෂ්ඨක කියන කෙනාට පිටිපස්සෙන් රජී අක්කා ලැප්ටොප් එකක් අරං ඉන්න හැටි මට මැවිලා පෙනුණා. "බැන්ද වුණත් ගැලපෙන්නේ නැත්නම් හොඳම දේ දෙන්නා සෙපරේට් වෙන එක" කියලා කියපු රජී අක්කලා රණ්ඩු සරුවල් වෙවී පවුල් කන එක මෝඩ වැඩක් කියල කියා දුන්නලු. "ඒක නම් ඇත්ත" කියලා මගෙ කටින් ඉබේම පිටවුණා. "බම්බුව" සුමේධා ගිනි පිටවෙන ඇස්වලින් මා දිහා බලං හිටියා. මට මතක් වුණේම නාගීනා එකේ ශ්‍රී දේවිගේ ඇස් දෙක. "කාලයක් යනකොටයි දන්නේ. රජී අක්කලා රණ්ඩු වෙන්නේ නෑ. උන් අතින් පයින් ගහ ගන්නවා".

මාස ගාණකටපස්සේ සුනේත්‍රා නොහොත් අවිචාර සමය උදාවෙනවා. සුමේධලගේ පවුලේ හිතවතියක් වන සුනේත්‍රා නැන්දා එක දිගට වරුවක් වුණත් උපදෙස් දෙන්න හරිම දක්ෂයි. එයා සුමේධාට කිව්වලු "දුවේ, ඇත්ත ආදරේ කියන්නේ සල්ලිවලින් හරි රූපයෙන් හරි සමාජ තත්ත්වයෙන් හරි තමන්ට වඩා දුප්පත් කෙනෙක් බඳින එකයි" කියලා. ඔය කතා අස්සේ සුමේධට අවුරුදු නමයක්ම බාල, රස්සාවට ත්‍රීවීල් එළවන මධුරංගව මුණ ගැහෙනවා. "හරියට ඇන්ටෝනියස් බන්ඩාරේස් වගේ" කොහොමත් පාස්කු නාට්‍ය පවා බලන්න යන නිසා ඕනේ නළුවෙක්ව දන්න සුමේධාගේ ඇස් දිලිසුණා. දවසක් සුමේධා මධුරංගට කෝල් කරලා තමන්ගේ හිතේ තියෙන දේවල් කියලා. එදා ඉඳන් මධුරංගගේ ෆෝන් එක ඕෆ් නිසා බැරිම තැන සුමේධා ත්‍රීවීල් පාක් එකට ගිහිං එයාව මුණ ගැහුණලු. "සුනේත්‍රා නැන්දා තමයි මගේ ඔළුව අවුල් කළේ. නැත්නම් මට මොකටද අනේ ත්‍රීවීල් ඩ්‍රයිවර්ස්ලා" සුමේධා නෝක්කාඩු විදියට මගේ අතට ගැහුවා. මධුරංගත් එදා සුමේධාට කියලා තියෙන්නේ පුදුම හිතෙන කතාවක්. "අනේ මිස්. මොකුත් හිතන්න එපා. සුනේත්‍රා නෝනා ඔය කතාව මාත් එක්කත් කියලා තියනවා. මමත් කවදාහරි බඳින්න හිතන්නේ මටත් වඩා දුප්පත් කෙනෙක්වමයි. ඉතිං මට බැහැ මිස් වගේ කෙනෙක් එක්ක යාළුවෙන්න" එහෙම කියපු මධුරංග මාස දෙකකට පස්සේ බේකරියේ මුදලාලිගේ දුව එක්ක පැනලා ගියා. "ඔයා කියන්න අනේ? එපා වෙන්නේ නැද්ද" සුමේධා අහනවා. මටත් එපා වෙනවා.

සුමේධා තවම කිව්වේ ඔය ප්‍රශ්න ටික විතරයි. ඒවා ඔළුවට බරක් නිසා එයාට බඳින්න තියා ඒ ගැන හිතන්නවත් බැහැලු. ඒ කතාව ඇත්තක්ය කියලා මටත් හිතෙනවා. බඳින්නේ නැත්තේ ඇයි කියලා තාම නම් අහන්නේ සුමේධාගෙන් විතරයි. මගෙන් ඇහුවොත් නම් මට අලුතෙන් හේතු කිය කිය ඉන්න ඕනෙ නැහැ. සුමේධාව පෙන්නුවම හරි. මට බැහැ සුමේධාට තරම් ලස්සනට ඒ වගේ දෙයක් පැහැදිලි කරන්න.
මේ වියමන ඔබේ මූණු පොතට එක් කරන්න-
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සහන් කසීර වික්‍රමසිංහගෙන් තවත් වියමන්
කතන්දර
සරසවි ශිෂ්‍යයාගේ මරණය
කතන්දර
ඉරණවිල එළිය
කවි
ගර්ඩාය; රෝස මල් කොහිදැයි නොසොයන
කතන්දර
කල්ලඩි පාලම පාමුල
කතන්දර
කබායක් පැළැඳි මැදිවියේ කත
තවත් කතන්දර බූන්දි
සැප්තැම්බරයේ දවසක්
සෙන්ටෙනියල් දෝණි
විරාම ලකුණු
වනවාසි සහ ලෝකවාසී
නිල් සුළිය
BoondiLets
මාර්කේස්ගේ සමුගැනීමේ ලිපියෙන්.
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook