Facebook
Twitter
Google+
YouTube
Blog
RSS Feed
අදහස් බූන්දි
අමරදේව මාස්ටර්, අපිනං ගොඩ...!
බූන්දි, 19:28:59
අමරදේව මාස්ටර් ගැන මේ දවස්වල හැමෝම ලියනවා කියනවා. මුහුණු පොත ඇරියොත් අමරදේව මහත්තයා ගැන අටුවා ටීකා ටිප්පනි හෝල් සේල් එකේ ලාබෙට අහුලගන්ඩ පුළුවන්. මාස්ටර් ගැන වචන දෙකක් හරි ලියල කොහේ හරි ඇලෙවුවේ නැතිනම් නිකං අහෝසි වෙනවා වගේ බයක් දැනෙනවා. නිකං පරණයි වගේ...! මොඩ් නෑ වගේ, එහෙමත් නැතිනම් සම්භාව්‍යකමක් නෑ වගේ...! ඉස්සරනම් දන්න කියන කලාකාරයෙක් මැරුනොත් හදවත පුම්බගෙන, එයා ගැන ලියවුණු ලිපියක් දෙකක් කියවනවා. එහෙමත් නැතිනම් සෙට්වෙලා පොඩි කථා පාරක් දානවා. සංවේගය පුද්ගලිකවම විදිනවා. ඒත් දැන් ඩිජිටල් සන්නිවේදන යුගයේ එහෙම බෑ. අපි අයිති අපිට විතරක් නෙමෙයිනේ. ඉතිං මාත් මගේ ලියන මේසයේ වාඩි උනේ අමරදේව ගැන යමක් නොලියා මිසක් නැගිටින්නේ නෑ කියන දැඩි අදහසකින්!

මේ දවස්වල ජීවත්වෙන වාසනාවන්තම මිනිස්සු තමයි අමරදේව මාස්ටර් එක්ක එකට ඉන්න ෆොටෝ එකක් දෙකක්, වීඩියෝ කෑල්ලක් එහෙම සුරැකිව අරන් තියාගත්තු උදවිය. අනුන් ගත්ත ෆොටෝ එකක අයිනක එල්ලිලා හිටියත් කමක් නෑ. දැන් ඒවා වලින් වැඩ ගන්න පුළුවන්. ඒවා දැන් එහෙ මෙහෙ වීසි කරලා හරිම ලාබෙට ‘කාරුණික හෝ සම්භාව්‍ය මිනිසෙක්’ වෙන්ඩ පුළුවන්. මාත් මගේ ෆොටෝ එකතුව පීරලා බැලුවා එහෙම වාසනාවක්වත් තියේවිද කියල. මොන!

මුහුණු පොතේ මාස්ටර් ගැන ලියන අය යුගයේ මිනිසා, සංගීත ලෝකයේ මහා ප්‍රාඥයා ආදී වශයෙන් ලියමින් ඔහුව උඩ දාද්දි අමරදේව වෙනුවෙන් වෙහෙසෙන මිනිසුන් ආදරණීය සහ සම්භාව්‍ය හමුදාවක් බව ඔවුන් එකිනෙකාට නොකියා කියාගන්නවා. ඒත් මේ ආකාරයේ සමාජ මහන්සිවීම් ‘සමාජ සල්ලි’ ඉපයීමේ කුරිරු මහන්සිවීම් බව ප්‍රංශ ජාතික සමාජ විද්‍යාඥයෙකු වන පියරේ බෝදියු (Pierre Bourdieu) කියනවා. ඔහු විසින් හඳුන්වාදී ඇති සමාජ ප්‍රාග්ධන න්‍යාය, ඉතා සරල ලෙස පැවසුවහොත් මුහුණු පොත ආදී සමාජ ජාලාවල සබඳතා ගොඩනැංවීම සහ අනෙකාගේ ප්‍රතිරුපය ‘පාවිච්චි’ කිරීම සමාජ මුදල් (Social Currency) ඉපයීමේ ක්‍රියාවලියක්.

අමරදේව සාධකයට සමාජ ජාලා වෙලඳපොළේ සමාජ මුල්‍ය වටිනාකම ඉතා වැඩයි. අමරදේවගේ ගීතයක් පුද්ගලිකව රසවිඳීමෙන් හෝ අමරදේව නම් වූ මිනිසාව පුද්ගලිකව මෙනෙහි කිරීමෙන් මේ සමාජ මුදල් වටනාකම් අත්පත් කරගන්ඩ බෑ. ඒ සදහා යුහුසුලුව ක්‍රියා කල යුතු වෙනවා.

මෙසේ යුහුසුලුව ක්‍රියා කරන ආකාරය අපේ සිරිසේන ජනාධිපතිවරයාගෙන් ඉගෙන ගන්ඩ පුළුවන්. සාමාන්‍ය පංතියේ අමරදේව ලෝලියෙකු වන ඔහු සමාජ මුදල් ඌණතාවයෙන් පෙළෙන්නෙක්. ඒ නිසා ඔහු අමරදේව සමග වේදිකාවේ අමාරුවෙන් සිංදු කියනවා. ඉන් නොනැවතී අමරදේව මාස්ටර්ගේ මිනී පෙට්ටියටත් කර ගහනවා. ඉතා 'බිසී' දින චර්යාවක් ඇතැයි සිතිය හැකි ජනාධිපතිවරයා තමාගේ දවසේ වැඩසටහන් ගොනුවෙන් ඔහුත් නොදැනීම වාගේ අමරදෙවගේ මිනියට කරගහන වැඩේ තෝරාගන්නේ ඔහුගේ තිබෙන මානව හිතවාදී අහිංසක උසස් කලා රසිකත්වය නිසා බවක් අපට හිතෙනවා. ඒත් මේ සම්බන්ධතා ඒ තරම් අහිංසක නොවන සමාජ මුදල් ඉපයීමේ සම්බන්ධතායැයි පියරේ බෝදියු කියනවිට අපේ රන් දේවාල බිමට සමතලා වෙනවා.



මේ කාලයේ ලංකාවේ කලාකරුවෙකුට මිය නොගොස් වයසට යනතුරු ජීවත් වන්නට සිදු වීම ඉතා අවාසනාවන්ත අත්දැකීමක්. මොකද කලාකරුවාගේ යාළුවෝ, රසිකයෝ සහ සමාජ මුදල් ඌණතාවයෙන් පෙලෙන අය එකතුවෙලා ඔහු හෝ ඇය වෙනුවෙන් උපහාර උත්සව පවත්වනවා. මෙවැනි උපහාර වැඩවලදී බොහෝවිට කලාකරුවාට පිත්තල වලින් නිමකළ රත්තරං පිගානක් කෝප්පයක් හම්බවෙනවා! ඒ හිලව්වට කලාකරුවාට තමා වටා ගොඩනැගී ඇති සමාජ මුදල් මේ උත්සව සඳහා මහන්සි වෙන අයට ලෝබ නැතුව බෙදීමට සිදුවෙනවා. උත්සවයේදී කථා පවත්වන, කලාකරුවාව ඉඹගන්නා අයට තොග වශයෙන් සමාජ මුදල් ලැබෙන අතර මෙම උත්සව මුහුණු පොත්වල අලවා හෝ අයිනෙනේ වැඩේට බහින හෝ ෆුට්බෝඩ් ඒකෙ යන අයට සිල්ලර විදිහට සමාජ මුදල් ලැබෙනවා.

පණ්ඩිත් අමරදේව යනු මෙසේ උපහාර අකරතැබ්බ වලට මදි නොකියන්න මුහුණ දුන් අයෙක්. ඔහුගේ ජිවිත කාලයේ චන්ද්‍රිකා ගෙන් පටන්ගෙන සිරිසේන දක්වා හැමෝම මාස්ටර් වෙනුවෙන් දමා ගසන ලද එකම තාලයේ උපහාර උත්සව වලට මුහුණ දීමට ඔහුට සිදුවුනා. මරා වේදිකාවට විත් මාස්ටර්ව බදාගන්නාවිට සිරිසේන ඇවිත් අමරදේව සමග යුග ගී ගැයුවා. කාටහරි අවශ්‍ය නම් ලංකාවේ දේශපාලන බල කඳවුරු අතර සමගි සන්ධානයක් ගොඩනගන්න එයට සුදුසුම කෙනා මාස්ටර් අමරදේවයි!

අමරදේව සිංදු කියපු වේදිකාවෙන් එළියේ සිටි හොරු, තක්කඩි මෙන්ම වර්ගවාදීන් සහ බෙදුම්වාදීන් තීරණාත්මක යුධ ප්‍රකාශ කරමින් දිනපතා සටන්කරමින් ඉන්නවා. ඊළඟ නිමේෂයේදී ඔවුන් මාස්ටර්ගෙ වේදිකාවේ එකත්පසෙක හිටගෙන ‘ඉපිද මැරේ යළි ඉපිදේ නොතිර සසර සාගරේ’ ගීතයට අත්පුඩි ගහනවා. ඒ තමයි අමරදේව. ඔහු සංවේදියි. ඒ සංවේදීකම ඔහුගේ ගීත තුලින් උත්කර්ෂයට නැගෙනවා. ඒත් අවාසනාවකට වගේ පාළොස්වක සඳේ ලලාසාව දකින ඔහුට තල් රුප්පාවෙන් හමන මළ මිනී වල සුවඳ දැනුනේ නෑ.

ඔහු තම ජිවිත කාලය පුරාවටම සුභාවිත ගීතය උත්කර්ෂයට නැගුවා. අපේ සමාජය සාමය ගැන කතා කරනවිට සාම ගීත ගැයීමටත්, යුධ කාලයට රණ ගී සහ විප්ලව කාලෙට විප්ලව ගී ගයමින් හැමදාම වීරයෙක් වී සිටීමට තරම් ඔහු ‘ස්මාර්ට්’ කලාකාරයෙක් වුනේ නෑ. ඒ වෙනුවට ඔහු බය නැතුව ජීවිතය වින්දා. අමරදේවව පරික්ෂා කෙරෙන ලිට්මස් පරික්ෂාව ඇත්තේ මෙතනද?

අමරදේව මාස්ටර් ගැන කථාකරන, ලියන විට බර බර වචන පාවිච්චි කිරීම අනිවාර්යයයි. 'හෙළ සංගීතයේ සුභාවිත ලකුණ' වගේ වචන ටිකක් ගලපගන්න පුළුවන් වුනොත් සමාජ වෙළෙඳපොළේ හොඳ ආයෝජනයක්. අමරදේව ගැන වෙළෙඳපොළේ බිස්නස් කරන අය අවසානයේ නොකියා කියන දේ නම් "අමරදේව මාස්ටර්.... ඔබ මැරුණා, ඔබේ මරණයත් උස්සන් අපි ගොඩ ගියා!" යන්නයි.
මේ වියමන ඔබේ මූණු පොතට එක් කරන්න-
Tags- W.D. Amaradeva, Pierre Bourdieu, Social currency, Social Networks, Facebook, Maithripala Sirisena, Mahinda Rajapaksa
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
අදහස්
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
වෙසෙස්
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
වෙසෙස්
දීපාල්- ගැලරියට ඇහුණේ නැති ගැලරියේ ගායකයා
අදහස්
චේ නැතිව චේ සමග!
වෙසෙස්
පාට පාට බොලිවුඩ් හීන වලට වෙඩි තියන මහපාරේ ගායකයෝ
තවත් අදහස් බූන්දි
බොරළුගොඩ සිංහයාගේ පුත්තරයා
සම රිසිභාවය වරදක් වූ සමාජයක....
ආණ්ඩුවේ සමකාමී-සංක්‍රාන්ති ලිංගික භීතිකාවට එරෙහිව පෙත්සමක්..
දඩ ගැහුවම අවිචාරේ- මල් පිපෙයිද මහ පාරේ?
ෆිදෙල් කස්ත්‍රෝ - පීඩිතයාට ජීවය ද ආදරය ද දුන් සදාකාලික සටන්කරුවා!
බූන්දි නව ඊමේල් ලිපිනය- editorial@boondi.lk
BoondiLets
ලෙනින් ලියයි.
පීඩිත ජනයාට ඉවත් වීමේ අයිතිය දෙන ලෙස කරන ඉල්ලීම අත් හැර දමා ජාතීන්ගේ අයිතිවාසිකම් එක සමාන විය යුතු බවත් පිළිගැනීම පුහු වදන් දෙඩීමක් හා හුදු... [More]
What's New | අලුතෙන්ම
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
කවි| ඇගේ දරුවන් අමතන ඇගෙ හදවතේ බස් වහර !

28-Secs

(වින්ද්‍යා ආරියරත්න) කොට්ට පුළුං ගස් පෙළක
කිරි පැහැ පුළුං කැටි
සුළං රැළි මත නැළවෙයි

වැට මායිමක
වැටහිරියා අතු අඟිස්සක... [More]
අදහස්| සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?

4-Mins

(සරද සමරසිංහ) සන්ධ්‍යා එක්නැලිගොඩ මහත්මියට ඇමරිකානු රාජ්‍ය දෙපාර්තමේන්තුව මගින් උපහාර පදක්කමක් පිරිනැමූ බව පසුගිය දා මාධ්‍ය මගින් වාර්තා වුනා. ඇය ඇතුළු ලොව... [More]
කරන්ට්ස්| ඇයි කුමක්ද ඔය මඳ සිනහවේ තේරුම?

43-Secs

(විමල් කැටිපෙආරච්චි) ඉතින් කොහොමද සොහොයුර
හතළිස් හය වසරක නිරීක්ෂණ..
දෑස තව සිහින් කර ඈත දුර බලාගෙන හෙළන
ඇයි කුමක්ද ඔය මඳ සිනහවේ තේරුම ?

අද අප්‍රේල් පහ දෙදහස් දා හත... [More]
කවි| අපේ තාත්තා

10-Secs

(උපේක්ෂා ප්‍රේමතිලක) සල්පිලක සෙනඟ හිනස්සා
අපේ බඩගිනි පිස්සා
වෙස්මුහුණ ඇතුළේ
හිටපු අපෙ තාත්තා

කූරු හිසකේ -රැළි ගස්සා... [More]
වෙසෙස්| රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා

4-Mins

(සරද සමරසිංහ) අසුව දශකයේ ඇමරිකාවේ ජනාධිපතිව සිටි රොනල්ඩ් රේගන්ගේ ආර්ථික උපදේශකයා වූයේ ආචාර්ය ආතර් ලෆ්ටර් නැමැත්තෙක්. සුපිරි ධනවතුන්ට ආර්ථික සහන සලසා දීම... [More]
ඔත්තු| මහාචාර්ය ගම්ලත් සැමරුම - මාර්තු 29

22-Secs

ලාංකීය බුද්ධිමය සංස්කෘතිය තුළ ප්‍රබල භූමිකාවක් ඉටුකළ මාක්ස්වාදී බුද්ධිමතෙක් වන මහාචාර්ය සුචරිත ගම්ලත්ගේ සිව්වන වර්ෂ... [More]
රංග| ආදරයේ දයලෙක්තිකය- සුරූපිය හා මෘග

7-Mins

(කේ.ඩී. දර්ශන) සම්මානිත මහාචාර්ය සුනන්ද මහේන්ද්‍රයන්ගේ අභිනව නාට්‍ය නිර්මාණය, 'සුරූපිය හා මෘග' පසුගිය දිනෙක කැළණිය විශ්වවිද්‍යාලයීය රංග ශාලාවේදී රඟදැක්විණි. 'නිදහස් වෘත්තාන්ත රංගයක්'... [More]
කවි| පාස්

36-Secs

(පද්මිණි ශ්‍රියාලතා ) අවසර පත්‍රයක් නොමැතිව මහරෝහලේ දොරටුවෙන් ඇතුළු වීමට උත්සාහ කළ තරුණයෙක් හා බහින් බස් වූ ආරක්ෂක නිළධාරියාගේ කොලරයෙන් අල්ලා "අප්පච්චි උඹේද නැත්නම් මගේද?" යැයි ඔහු දැඩිව අසනු, මම අසා සිටියෙමි.

කටු සැමිටියෙන් තලන විට රුදුරු ඉර එළිය
මහ දවල් කදෝකිමි පිට පනිණ දෑස් අග
දූලි දුම් වලාවේ බොඳ වෙමින් මතුවෙමින්
පොළෝ ගැබ කැණ නිධන් සෙවූ අපෙ අප්පච්චි... [More]
පරිවර්තන| මට අවැසි ඔබ නිශ්චලව ඉන්න

40-Secs

(පබ්ලෝ නෙරූදා | මාලතී කල්පනා ඇම්බ්‍රෝස්) මට අවැසි ඔබ නිශ්චලව ඉන්න
හරියට නො පවතින්නාක් මෙන් වෙන්න
ඈතම ඈත දුරකින් යන්තම් මාව ඇහෙන්න
මගේ හඬ ස්වර ස්පර්ශ නො කරන්න
හරියට ම කිව්වොත් ඔබේ ඇස් වෙනතක පියඹා යන්න
දෙතොල හාදුවකින් ගොළු කළා මෙන් ඉන්න... [More]
කතන්දර| දොළොස්දාහක්

5-Mins

(යශෝධා සම්මානි ප්‍රේමරත්න) "දැන් නම් මගෙ ඉවසීමේ රතුකට්ට පැනලා අභී." ආලියා දෙතොල නොපිට පෙරලමින් ස්කයිප තිරය දෙස බැලීය. ඇගේ බාහුවලට කිටිකිටියේ සිරවූ ටෙඩිවළසා... [More]
අදහස්| බොරළුගොඩ සිංහයාගේ පුත්තරයා

3-Mins

(ජනරඟ විජඉඳු දේවසුරේන්ද්‍ර) දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප්... [More]
කවි| නික්මීම

52-Secs

(බුද්ධික දිනේෂ් මානවසිංහ ) සුවිසාල කැදැල්ලක බිළිඳු විය පසුකරේ
රැකවරණ තිබුණි මට ඒ සොඳුරු මන්දිරේ
එය තැනුව මවුපියන් දෙදෙනාට පින් පිරේ
මමයි හිමිකරු උනේ එහි ඉදිරි කාමරේ

මගේ හා මිතුරන්ගෙ රජ දහන ඒ කුටිය... [More]
Cine| විපරීත යුගයක තරුණ සිනමාව

7-Mins

(චූලානන්ද සමරනායක) මොනවා අඩුපාඩුව තිබුණද කියමන් අතින් කිසිදා හිඟයක් නොමැති අප රටෙහි 'යකඩ මල්ලට ගුල්ලො ගැහුවා නං පන් මල්ල නොබලම වීසි කරපිය'... [More]
වෙසෙස්| ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!

3-Mins

(දුලංජලී මුතුවාඩිගේ) 'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.'... [More]
කවි| මල් පෙති තරම් සියුමැලි තුරුපත්ය

19-Secs

(මහේෂි බී. වීරකෝන්) ඉඳුදුන්නෙ හුය ලිහුණු ඉසිඹුවක
සියක් පැහැ පිනිවලට අත් විසුල
පතන් බිම් පුරා පිපි මල් පමණක්ද...,

මල් පෙති තරම් සියුමැලි
ඒ තරමටම සියුම් පැහැ ඇති... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook