Facebook
Twitter
Google+
YouTube
Blog
RSS Feed
අදහස් බූන්දි
කොළඹ නිල කතෝලික සභාවේ පෝර්ට් සිටි විරෝධය
බූන්දි, 17:07:56
පසුගිය රජය ආරම්භ කර ක්‍රියාත්මක කළ වත්මන් රජයේ අගමැතිතුමා සිදුවිය හැකි පරිසර විනාශය හේතුකොට ගෙන තමන් බලයට පැමිණි විට නවත්වන බව සපථ කර කියූ නමුත් මේ රජය ද ජයටම කරගෙන යන ජෝර්ට් සිටි ව්‍යායපෘතියට එරෙහිව මීගමුව ඇතුළු බටහිර මුහුදු තීරුවේ ධීවරයින්ගෙන් විරෝධතා මතුවිය. මෙකී විරෝධතාවයන් ගොනු කර පෝර්ට් සිටි විරෝධී සංවිධානය බිහි විය. මෙම සංවිධානය රාජපක්ෂ යුගයේ සිටම මෙම ව්‍යාපෘතියට එරෙහිව විරෝධතා දැක් වූ අතර බලයට කෙළ හලමින් සිටි රනිල්ලා ඊට හූ මිටි තැබූහ.

එකල කොළඹ නිල කතෝලික සභාව නිහඬව සිටි බව කවුරුත් දනිති. එකල ද රටේ විවිධ ප්‍රදේශවල කඳුගැට පුපුරුවා කඩා ගත් කළුගල් ද, අවට මුහුදින් වැලි ද යොදා ගනිමින් අදාළ මුහුදු ප්‍රදේශය ගොඩ කරමින් තිබිණි. පෝර්ට් සිටි විරෝධී ව්‍යාපාරය ජනතාව දැනුවත් කරමින් ද ජනතාව බල මුළු ගන්වමින් ද කටයුතු කරනු දැකිය හැකි විය.

පෝර්ට් සිටිය ගොඩගැනීමේ කටයුතුවල යෙදී සිටින චීන සමාගම මාධ්‍යය ද බටහිර මුහුදුකරයේ කතෝලික ජනයා ද හීලෑ කරන මං සොයමින් සිටියේ ය. මේ අතර සිරස මාධ්‍ය ආයතනය එකී චීන සමාගමේ අනුග්‍රහයෙන් ගලක් අරගෙන රට වටේ යනු දක්නට ලැබිණි. කොළඹ කතෝලික සභාවට බරපතළ ගැටලුවක් මතු වී තිබිණි. එනම් දෙවන ලෝක යුද සමයේ ශ්‍රී ලංකාව යුදරකුසාගෙන් බේරා ගැනීම වෙනුවෙන් මරියතුමියට කෘතඥතාව පළ කිරීම සඳහා ගොඩනැගූ තේවත්ත බැසිලිකාවේ වහලේ මතු වු කාන්දුවයි. මේ සඳහා විශාල මුදලක් වැය වන බව ගණනය කරනු ලැබිණි. පූජක ප්‍රාණීන් එක්කෙනෙකුට හෝ දෙදෙනෙකුට ලැගුම් ගන්නට කෝටි ගණන් වැය කර ගෙවල් හදන කොළඹ නිල කතෝලික සභාවේ පිළිසරණට අදාළ චීන සමාගම පෙරට ආයේ ය. චීන රාජ්‍යය තුළ කතෝලික ආගම ඇදහීමේ නිදහසට කොතරම් සම්බාධක තිබුණ ද ආදාළ කොම්පැනියට පහළ වූ මහා සත්ත-කරුණාව නිසා දෝ බැසිලිකාවේ වහල නොමිලේ ම ප්‍රතිසංස්කරණය කර දෙන්නට ඉදිරිපත් විය.

මේ අතර අලුත් ආණ්ඩුව පැමිණි පසුව ද පෝර්ට් සිටි විරෝධී ව්‍යාපාරය, ඉදිකරමින් පැවති පෝර්ට් සිටිය අසබඩ ගාලු මුවදොරට විත් විරෝධය පාමින් එතැනට සම්ප්‍රාප්ත වුණු අගමැති නියෝජිතවරයාට සිය ලිඛිත විරෝධය භාර දුන්හ. පසුගිය දිනෙක මීගමුවේ සිට උස්වැටකෙයියාව දක්වා ධීවරයෝ අදාළ ගම්මානවලම රැස්වී නිහඬ විරෝධය පළ කළහ. කොළඹ නිල කතෝලික සභාවට කිසිවක් නොකර සිටිය නොහැකි විය. එතෙක් පැවති පෝර්ට් සිටි විරෝධතාවය වැලි විරෝධයකට ලඝුවී නව මගක් ගති. මීගමුව අවට මීසම් සේවක පියතුමන්ලාගේ නිල අනුග්‍රහයෙන් නව ප්‍රාණයක් ලද ධීවරයෝ මීගමු-කොළඹ මහා මාර්ගය අවහිර කර පසුදා සිට දින ගණනාවක් දරුපවුල් පවා උගසට තබා, රැකියාවට නොගොස් දිවා රෑ මීගමුව නගර සභා පිටියේ රැදී උන්හ. රජය ද කරුණාබරිත විය. කි.මී 10කට එහායින් පමණක් වැලිගන්නා බව නිවේදනය කෙරිණි. පෝර්ට් සිටි වැඩේ ජයමට කෙරෙයි.

කැලෑ පත්තරයක්

ඉහත අවසාන සිදුවීමට පෙර වූ තවත් සිදුවීමක උභතෝකෝටිකය ද පාඨක භවතුන්ගේ දැන ගැනීම පිණිස ඉදිරිපත් කිරීම ප්‍රයෝජනවත් විය හැක.

පසුගිය දිනෙක මීගමුවේ සිට උස්වැටකෙයියාව දක්වා ගම්මට්ටමෙන් ජනතාව දැක් වූ නිහඬ විරෝධයෙන් පසු එළඹි ඉරුදින එම ප්‍රදේශවල පල්ලිවල සැදැහැවතුන්ට ලැබෙන පරිදි මඩ කැලෑපත්තරයක් බෙදා හැර තිබුණි. ඒ පූජකවරයෙන් පසු 70 දශකයේ සිට මේ දක්වා මීගමුව හා තදාසන්න ප්‍රදේශවල දිළිඳු ජනයා සංවිධානය කරමින් ජනතා සංවිධාන ගොඩනගමින් වචනයෙන් කියා නිම කළ නොහැකි සුවිශාල මෙහෙවරක යෙදුණු හා දැන් පෝර්ට් සිටි විරෝධී ව්‍යාපාරයේ පෙරමුණේ සිටින ගරු සරත් ඉද්දමල්ගොඩ පියතුමාට එරෙහිව ය.

ඒ මඩ කැලෑ පත්තරයේ අරමුණ පැහැදිලිය. ඒ පෝර්ට් සිටි විරෝධී ව්‍යාපාරය කඩා බිඳ දැමීමය. එහි පැහැදිලිව සටහන් වී තිබුණේ කතෝලික ජනයා පොර්ට් සිටියට විරුද්ධ නැති බවක් කියැවෙන අමූලික බොරුවය.

මේ කැලෑපත්තරය බෙදා හැරිමේ යෙදුණු දෙදෙනෙකු පිළිබඳව පෝර්ට් සිටි විරෝධී ව්‍යාපාරයට දැනගන්නට ලැබිණි. ඔවුන් පිළිබඳ තොරතුරු මීගමුව පොලිසියට ලබා දීමෙන් අනතුරුව පොලීසිය විමර්ශනයක් කැඳවීය. පෝර්ට් සිටි විරෝධී ජනතා ව්‍යාපාරය හා සම්බන්ධ පියතුමන්ලා හා අදාළ මඩ කැලෑ පත්තරය බෙදාහැරීමට සම්බන්ධ වූ දෙදෙනා මුහුණට මුහුණ පොලිසිය ඉදිරියේ සම්මුඛ වීමෙන් පසු මාධ්‍යයට ප්‍රකාශයක් කළ පියතුමෙකු පැවසූයේ අදාළ මඩ කැලෑපත්තරය ක්‍රිස්තියානි කටයුතු අමාත්‍යංශයෙන් නිරිමාණය වී බෙදා හැරි එකක් බැව් ඔවුන් ප්‍රකාශ කළ බවයි. මේ පිළිබඳ වංහුං නියම ලෙස දැන ගැනීම පිණිස පෝර්ට් සිටි විරෝධී ව්‍යාපාරය හා ඓන්ද්‍රීය ලෙස බැදී ඇති ක්‍රිස්තියානී සහයෝගිතා ව්‍යාපාරය අදාළ අමාත්‍යාංශයේ ඇමතිතුමා සමග සාකච්ඡාවක් ඉල්ලා සිටිය ද කිසිදු සුබවාදී ප්‍රතිචාරයක් නැත. මීපුර අවට මීසම්වල පියතුමන්ලාගේ අනුග්‍රහයෙන් පෝර්ට් සිටි විරෝධය වැලි ගැනීමට එරෙහි විරෝධයක් බවට ලඝු වි දවස් ගණනාවක් ධීවරයන් මීගමු නගර සභා පිටියේ සිර කර සටන දියාරු කර හැරෙන්නේ ඉන් ඉක්බිතිවය.



ඥානාර්ථ ප්‍රදීපය

පෝර්ට් සිටි විරෝධය වැලි විරෝධයක් බවට පරිවර්තනය කර දියාරු කිරීමේ සටන රජයේ පාර්ශ්වයෙන් සිදුවූ තදබල විරෝධයකින් තොරව ජයගැනීම නිසා උද්දාමයට පත් ආචාර්ය කැමිලස් පියතුමාගේ කර්තෘත්වයෙන් යුත් කතෝලික සභාවේ නිල පුවත්පත වූ ඥානාර්ථ ප්‍රදීපයේ කතුවැකිය හැමදාම ජනතාවාදී අරගල භූමියේ සිටියවුන් හාස්‍යයට ලක්කිරීමට තරම් උඩඟු වීම අපට නම් නියම හාස්‍යජනක කරුණකි. ජනතාවාදී අරගල භූමියේ හුළඟක්වත් නොවදින්නට පරිස්සම්වන එතුමන්ලා අරගල කරුවන්ට අරගල කරන හැටි කියා දීම තව තවත් හාස්‍යජනකය.

ඥානාර්ථ ප්‍රදීපයේ හිටපු සංස්කාරක සාන්ත සාගර පියතුමා තමන් උපන් ගම් ප්‍රදේශයට ද ඍජුවම බලපාන පෝර්ට් සිටි සිද්ධියට එරෙහිව පැහැදිළි ස්ථාවරයක් ගෙන තිබිණි. මේ පිළිබඳව කොළඹ නිල කතෝලික සභාවේ ඉහළම තැන්වල උදහසට එතුමා ලක් වූ බව සැලය. ප්‍රදීපයේ සකසු අංශවලින් අසන්නට ලැබෙන ආරංචි මාර්ග අනුව එතුමාගේ මාරුවට ද බලපා ඇත්තේ එය ය. මෙම ලිපිකරු මේ පිළිබඳව එතුමා සමඟ කළ සංවාදයේදී මේ බව තහවුරු වන්නට තරම් කරුණු අනාවරණය විය. කෙසේ වුවද පුද්ගලබද්ධ වීම වලක්වනු පිණිස ඒ සියලු කරුණු අනාවරණය කිරීමෙන් වැලකීම පිළිබඳව පාඨකයෝ කමත්වා!

අපෝස්තලික සේවාව යනු මීසම් ආකෘතිය තුළ පමණක් කෙරෙන කෙරුවාව බැව් සිතන එක්තරා නොමේරූ තරුණ පියතුමෙකු ගරු සරත් ඉද්දමල්ගොඩ පියතුමාගේ මුහුණටම එතුමාගේ අපෝස්තලික සේවාව හෑල්ලු කරමින් අපහාසාත්මකව දෝෂාරෝපණය කළ බව උස්වැටකෙයියාව පැත්තෙන් වාර්තාවේ. ඒ ගැන අපට නම් ඇත්තේ පිළිකුලකි. 70 දශකයේ සිට මේ දක්වා සරත් ඉද්දමල්ගොඩ පියතුමා කළ සේවාවට අලගු තියන්නටවත් කිසිවක් කර නොමැති එතුමන්ලා සිතා සිටින්නේ මීසමක් භාරදුන් පමණින් තමන් තරම් කෙරුමෝ ලොව නැති බව ය. අඩුම තරමින් වැඩිහිටි පියතුමෙකුට ඇහුම්කන්දීමට හෝ ගරු කිරීමටවත් සදාචාරයක් නැති එතුමන්ලා වැනි අය ජනතාවට උගන්වන දහම ප්‍රශ්නාර්ථයකි.

මෙවන් ප්‍රතිචාරවලට අපට ඇත්තේ එකම උත්තරයකි. ඒ කතෝලික සභාවේ සසුන් පියා වූ ප්‍රැන්සිස් පාප්තුමා පජකාධිපත්‍යය (Clericalism) පිළිබඳ ලියූ උපදේශ ලිපිය කියවන ලෙස ඉල්ලා සිටීමයි. එය අන්තර්ජාලය ඔස්සේ ලබාගත හැකි බව දැනගැනීම පිණිස වැඩිදුරටත් සඳහන් කරනු කැමැත්තෙමි.

කොළඹ නිල කතෝලික සභාවට ප්‍රශ්න කිහිපයක්

01. බටහිර මුහුදුකරේ ධීවර ජනතාව ද ඔබගේ නිල පුවත්පත වන ඥානාර්ථ ප්‍රදීපය ද මුල සිටම ගොනු කළ පෝර්ට් සිටි විරෝධය වැලි විරෝධයක් දක්වා පසුබැස්සවූයේ ඔබ පෝර්ට් සිටි ව්‍යාපෘතිය අනුමත කරන නිසා ද?

02. ගොඩ මුහුදෙන් වැලි නොගෙන දියඔ මුහුදෙන් වැලි ගැනීම මගින් පරිසර හානියක් සිදු නොවන්නේ යැයි ඔබට සහතික විය හැකි ද?

03. පෝර්ට් සිටිය ඉදි කිරීම නිසා ලාංකීය ධීවරයන්ට හිමි මත්ස්‍ය භූමි ඔවුන්ට අහිමි නොවේයැයි ඔබට කිව හැකිද?

04. පෝර්ට් සිටිය ඉදි කිරීමෙන් අනතුරුව කොළඹ හා කැලණි ගඟ තදාසන්න ප්‍රදේශවල සිදු විය හැකි යැයි අනුමාන කෙරෙන පස් කඳු කඩා වැටීම් හා ගංවතුර තර්ජන ගැන ඔබට කිව හැක්කේ කුමක්ද?

05. අවු. 99 බද්දකට රටේ කොටසක් පිටරටකට විකිණීම මගින් රටේ ස්වෛරීත්වයට ඇති විය හැකි තර්ජනය හා හානිය පිළිබඳව මොහොතක්වත් ඔබ සිතා ඇත්ද?

06. මෙය මූල්‍ය නගරයක් බව බවට දැනටමත් හෙළිදරව් කොට ඇත. මුදල් හම්බ කිරීම ප්‍රමුඛතම අරමුණ වුණු නගරයක සුරැකෙන ආගමික හා සදාචාරාත්මක වටිනාකම් මොනවාද?

අවසාන වශයෙන් මගේ සභාව වෙනුවෙන් මගේ සමිඳුන්ට කරන යාච්ඥාවකින් මෙය නිමා කරන්නට රිසි වෙමි.

"දිළිඳුන් අතර ඉපිද, නිරිඳුන් හා පූජකයන් විසින් පාවා දෙනු ලදුව, කුරුසපත් කරන ලද්දා වූ මගේ ආදර ජේසු ස්වාමිනී, ඔබ වහන්සේ ම පමණක් සිරස වූ මගේ ශුද්ධ වූ සභාවට ප්‍රඥාවත්, දුරදක්නා නුවණත්, නිහතමානී ගුණයත් දානය කළ මැනව. ආමෙන්...."
මේ වියමන ඔබේ මූණු පොතට එක් කරන්න-
Tags- Colombo Port City, Sarath Iddamalgoda, Protests against Colombo Port City, China, Gnanartha Pradeepaya, Ranil Wickremesinghe, Rajapaksa Era
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
අජිත් හැඩ්ලි පෙරේරාගෙන් තවත් වියමන්
අදහස්
පාලම තව දුරය සෙන්දුරන්
අදහස්
බෙදුම්වාදී ෆෝබියාව
වෙසෙස්
ශ්‍රී ලංකාවම ෆෝබියාවෙනි...!
අදහස්
අලුත් වයින් පරණ බඳුන්
අදහස්
දැන් පෙන්නනවා! 'පාප්තුමාගේ ලංකාගමනය'!
තවත් අදහස් බූන්දි
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
බොරළුගොඩ සිංහයාගේ පුත්තරයා
සම රිසිභාවය වරදක් වූ සමාජයක....
ආණ්ඩුවේ සමකාමී-සංක්‍රාන්ති ලිංගික භීතිකාවට එරෙහිව පෙත්සමක්..
දඩ ගැහුවම අවිචාරේ- මල් පිපෙයිද මහ පාරේ?
බූන්දි නව ඊමේල් ලිපිනය- editorial@boondi.lk
BoondiLets
හැනා අරෙන්ඩ්ට් කියයි.
ඒකාධිපති රාජ්‍යයකට අතිශයින්ම සුදුසු, ඇති තතු හා ප්‍රබන්ධ අතරත්- සත්‍යය හා අසත්‍යය අතරත්, වෙනසක් නැතැයි අදහන සාමාන්‍ය ජනතාවය.
What's New | අලුතෙන්ම
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
කවි| ඇගේ දරුවන් අමතන ඇගෙ හදවතේ බස් වහර !

28-Secs

(වින්ද්‍යා ආරියරත්න) කොට්ට පුළුං ගස් පෙළක
කිරි පැහැ පුළුං කැටි
සුළං රැළි මත නැළවෙයි

වැට මායිමක
වැටහිරියා අතු අඟිස්සක... [More]
අදහස්| සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?

4-Mins

(සරද සමරසිංහ) සන්ධ්‍යා එක්නැලිගොඩ මහත්මියට ඇමරිකානු රාජ්‍ය දෙපාර්තමේන්තුව මගින් උපහාර පදක්කමක් පිරිනැමූ බව පසුගිය දා මාධ්‍ය මගින් වාර්තා වුනා. ඇය ඇතුළු ලොව... [More]
කරන්ට්ස්| ඇයි කුමක්ද ඔය මඳ සිනහවේ තේරුම?

43-Secs

(විමල් කැටිපෙආරච්චි) ඉතින් කොහොමද සොහොයුර
හතළිස් හය වසරක නිරීක්ෂණ..
දෑස තව සිහින් කර ඈත දුර බලාගෙන හෙළන
ඇයි කුමක්ද ඔය මඳ සිනහවේ තේරුම ?

අද අප්‍රේල් පහ දෙදහස් දා හත... [More]
කවි| අපේ තාත්තා

10-Secs

(උපේක්ෂා ප්‍රේමතිලක) සල්පිලක සෙනඟ හිනස්සා
අපේ බඩගිනි පිස්සා
වෙස්මුහුණ ඇතුළේ
හිටපු අපෙ තාත්තා

කූරු හිසකේ -රැළි ගස්සා... [More]
වෙසෙස්| රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා

4-Mins

(සරද සමරසිංහ) අසුව දශකයේ ඇමරිකාවේ ජනාධිපතිව සිටි රොනල්ඩ් රේගන්ගේ ආර්ථික උපදේශකයා වූයේ ආචාර්ය ආතර් ලෆ්ටර් නැමැත්තෙක්. සුපිරි ධනවතුන්ට ආර්ථික සහන සලසා දීම... [More]
ඔත්තු| මහාචාර්ය ගම්ලත් සැමරුම - මාර්තු 29

22-Secs

ලාංකීය බුද්ධිමය සංස්කෘතිය තුළ ප්‍රබල භූමිකාවක් ඉටුකළ මාක්ස්වාදී බුද්ධිමතෙක් වන මහාචාර්ය සුචරිත ගම්ලත්ගේ සිව්වන වර්ෂ... [More]
රංග| ආදරයේ දයලෙක්තිකය- සුරූපිය හා මෘග

7-Mins

(කේ.ඩී. දර්ශන) සම්මානිත මහාචාර්ය සුනන්ද මහේන්ද්‍රයන්ගේ අභිනව නාට්‍ය නිර්මාණය, 'සුරූපිය හා මෘග' පසුගිය දිනෙක කැළණිය විශ්වවිද්‍යාලයීය රංග ශාලාවේදී රඟදැක්විණි. 'නිදහස් වෘත්තාන්ත රංගයක්'... [More]
කවි| පාස්

36-Secs

(පද්මිණි ශ්‍රියාලතා ) අවසර පත්‍රයක් නොමැතිව මහරෝහලේ දොරටුවෙන් ඇතුළු වීමට උත්සාහ කළ තරුණයෙක් හා බහින් බස් වූ ආරක්ෂක නිළධාරියාගේ කොලරයෙන් අල්ලා "අප්පච්චි උඹේද නැත්නම් මගේද?" යැයි ඔහු දැඩිව අසනු, මම අසා සිටියෙමි.

කටු සැමිටියෙන් තලන විට රුදුරු ඉර එළිය
මහ දවල් කදෝකිමි පිට පනිණ දෑස් අග
දූලි දුම් වලාවේ බොඳ වෙමින් මතුවෙමින්
පොළෝ ගැබ කැණ නිධන් සෙවූ අපෙ අප්පච්චි... [More]
පරිවර්තන| මට අවැසි ඔබ නිශ්චලව ඉන්න

40-Secs

(පබ්ලෝ නෙරූදා | මාලතී කල්පනා ඇම්බ්‍රෝස්) මට අවැසි ඔබ නිශ්චලව ඉන්න
හරියට නො පවතින්නාක් මෙන් වෙන්න
ඈතම ඈත දුරකින් යන්තම් මාව ඇහෙන්න
මගේ හඬ ස්වර ස්පර්ශ නො කරන්න
හරියට ම කිව්වොත් ඔබේ ඇස් වෙනතක පියඹා යන්න
දෙතොල හාදුවකින් ගොළු කළා මෙන් ඉන්න... [More]
කතන්දර| දොළොස්දාහක්

5-Mins

(යශෝධා සම්මානි ප්‍රේමරත්න) "දැන් නම් මගෙ ඉවසීමේ රතුකට්ට පැනලා අභී." ආලියා දෙතොල නොපිට පෙරලමින් ස්කයිප තිරය දෙස බැලීය. ඇගේ බාහුවලට කිටිකිටියේ සිරවූ ටෙඩිවළසා... [More]
අදහස්| බොරළුගොඩ සිංහයාගේ පුත්තරයා

3-Mins

(ජනරඟ විජඉඳු දේවසුරේන්ද්‍ර) දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප්... [More]
කවි| නික්මීම

52-Secs

(බුද්ධික දිනේෂ් මානවසිංහ ) සුවිසාල කැදැල්ලක බිළිඳු විය පසුකරේ
රැකවරණ තිබුණි මට ඒ සොඳුරු මන්දිරේ
එය තැනුව මවුපියන් දෙදෙනාට පින් පිරේ
මමයි හිමිකරු උනේ එහි ඉදිරි කාමරේ

මගේ හා මිතුරන්ගෙ රජ දහන ඒ කුටිය... [More]
Cine| විපරීත යුගයක තරුණ සිනමාව

7-Mins

(චූලානන්ද සමරනායක) මොනවා අඩුපාඩුව තිබුණද කියමන් අතින් කිසිදා හිඟයක් නොමැති අප රටෙහි 'යකඩ මල්ලට ගුල්ලො ගැහුවා නං පන් මල්ල නොබලම වීසි කරපිය'... [More]
වෙසෙස්| ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!

3-Mins

(දුලංජලී මුතුවාඩිගේ) 'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.'... [More]
කවි| මල් පෙති තරම් සියුමැලි තුරුපත්ය

19-Secs

(මහේෂි බී. වීරකෝන්) ඉඳුදුන්නෙ හුය ලිහුණු ඉසිඹුවක
සියක් පැහැ පිනිවලට අත් විසුල
පතන් බිම් පුරා පිපි මල් පමණක්ද...,

මල් පෙති තරම් සියුමැලි
ඒ තරමටම සියුම් පැහැ ඇති... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook