Facebook
Twitter
Google+
YouTube
Blog
RSS Feed
කතන්දර බූන්දි
කබායක් පැළැඳි මැදිවියේ කත
බූන්දි, 10:39:36
"අලුතෙන් බලන්න දෙයක් නෑ අනේ. දස පණතම තමයි. අක්කටත් එවලා තිබුණේ" මම සිනාසෙන්නට වීමි. අම්මා මගේ සිනාවට අනුබල නො දෙමින් ඔරවාගෙන බලා සිටිනු පෙනේ. යුක්‍රේන ජාතික මිතුරිය තවමත් කාමරයට පැමිණ නැත. ස්කයිප් ඇමතුමට නැවතීමේ තිත තබමින් අම්මාට සමුදුන් මම ඒ ලියුම සොයන්නට ගතිමි. ආච්චි මිය යන්නට පෙර එවූ ලියුම කියවන්නට ඉස්පාසුවක් නො තිබුණේ ඒ දිනවල විභාගයකට සූදානම් වෙමින් සිටි බැවිනි. ලියුම ගැන උනන්දු නොවුණද සිරිතක් වශයෙන් දිනපතා නිවෙසට ගන්න ස්කයිප් ඇමතුම ඔස්සේ ලෙඩ ඇඳේ සිටින ආච්චී සමග ද කතා කරන්නට අවස්ථාව උදා විය. ඒ හැරත් අක්කා සහ මම ආච්චී සමග දැඩි ළෙංගතුකමක් නො තිබුණු බවද පැවසිය යුතුමය. "හැබැයි ඉතින් ... අපරාදේ කියන්න බෑ. ආච්චිගේ පැත්ත පළාතකින් යන්නේ නෑ මිණිබිරියෝ දෙන්නා" අම්මාගේ නිරන්තර දෝෂාරෝපණයට මා ලබා දෙන්නේ සුපුරුදු පිළිතුරකි. "ක්‍රිස්ටීන් ලූ රොටෙන් ලා දෙන්නෙක් මොකටද ? මට සඳපා වීරකෝන් වුණාම හොඳටෝම ඇති"

ආදරණීය සඳපා වෙත ...
යනුවෙන් ලිපිය ඇරඹී තිබිණ. ආච්චිගේ ඉංග්‍රීසි අකුරු කවදත් ලස්සනය. ඇය ඇමරිකානු කාන්තාවක් වීම මගේ මිතුරියන්ට සහ පාසලේ ගුරුවරියන්ට මහත් ආහ්ලාදයක් ගෙන දුන්නද මට නම් ඒ පිළිබඳව තිබුණේ උදාසීන හැඟීමකි. ඇයගේ අතිශය ක්‍රමවත් සහ සැලසුම්සහගත දිවි පෙවෙත කුඩා අප තුළ උද්දාමයක් ඇති නොකළ හෙයින් බොහෝ විට අප අතර තිබුණේ චාරිත්‍රගත සමබන්ධයක් පමණි. ඇයද අප සමග කුළුපග වන්නට උත්සාහ කළ බවක් මගේ මතකයේ නැත. ආච්චි අපට ආදරය කරන්නේ ද ඇමරිකානු මෝස්තරයටයැයි තාත්තා සිනහවෙන හැටි සිහියට නැගේ. "මමා එක්ක ඉන්න එක හොස්ටල් එකක ඉන්නවා වගේ තමයි . යූ ෂුඩ් වෙල් ඩිසප්ලීන්ඩ්.. අදර්වයිස් - ෂී විල් ස්මැක් යූ". අම්මා ද ඒ සිනහවට එකතු වන්නීය.

"මට ජීවත් වෙන්න තියෙන්නෙ තව බොහොම ටික කාලයයි. දෙවියන් වහන්සේ අඬගහන්න කලින් ඔයාලට කියන්න දෙයක් තියනවා. ඒත් ඒක තේරුම් ගන්න පුළුවන් සඳපාට විතරයි කියලා මට හිතෙනවා . ඔයාට විතරක් ලියුමක් එවනකොට අනිත් අය සැක හිතන නිසා මම ඔයාගේ අක්කටත් නිකම් විස්තර ලියලා ලියුමක් යැව්වා"
ලියුමේ සඳහන් වූ එවදන් දැක මා මවිතයට පත් වීමි. නමුත් ලියුම කියවීම නතර නොකළෙමි.

"මම ලංකාවට ආවේ 1963 අවුරුද්දේ. හරියටම නොවැම්බර් මාසේ 28 වෙනිදා මම ලංකාවට ආවේ තනියම නෙමෙයි. ඩලාස් වල හිටිය මගේ බෝයිෆ්‍රෙන්ඩ් බේලා තමයි මාව ලංකාවට එක්කගෙන ආවේ. එයායි ඔයාලගේ සීයායි ලුමුම්බා වල රූම් මේට්ස්. ඔයාගේ සීයා වගේම බේලාත් මට වඩා අවුරුදු 8 ක් බාලයි. ඒ වුණාට බේලා මට හුඟක් ආදරෙන් හිටියා. "

මා ලිපිය පසෙකින් තබා ආච්චීගේ ඡායාරූපයක් සොයා ලැප්ටොප් එක පීරන්නට වීමි. අප දන්නේ ඇය ලුමුම්බා සරසවියේදී ඇතිවූ ප්‍රේමය නිසා ලංකාවට පැමිණ සීයා සමග විවාහ වූ බවය. සීයා වෛද්‍ය වෘත්තියේ නිරත වද්දී ආච්චි නගර මධ්‍යයේ ගොඩනගිල්ලක බේකරියක් පවත්වාගෙන ගියාය. අදටත් අප පවුලේ ව්‍යාපාරය එයය. මා අසා තිබූ කතාවට අනුව අප ව්‍යාපාරයට "බේලා බේක් හවුස්" ලෙස නම යොදන්නේ ළමා වියේදීම මියගිය ඇයගේ එකම සොහොයුරා සිහිවන්නටය. ඒ පිළිබඳව වැඩිවිස්තරයක් නොදන්නා තරමට අපගේ සම්බන්ධය දුරස්ථය. ආච්චි කිසිදිනෙක ලංකාවෙන් බැහැරව නොගිය අතර ඇය කිසිවිටෙකත් ඇගේ ඥාතියෙක් හෝ ඇමරිකා ජීවිතය පිළිබඳව කතා කරන්නට උනන්දු නොවීය. වචනයේ පරිසමාප්ත අර්ථයෙන්ම ක්‍රිස්ටීන් ලූ රොටෙන් යනු අහංකාර කාන්තාවකි. "මම ඇමරිකාව එහේ තියලයි ලංකාවට ආවේ" ඇමරිකාව පිළිබඳ විමසන විටදී එවැනි පිළිතුරක් ලැබෙනවිට කතාව එතැනින්ම නවතින බව අමුතුවෙන් පැවසිය යුතු නැත.

"සඳපා ... බේලා එක්ක යාලු වෙනකොටත් මම කසාද බැඳලා හිටියේ. බේලා ඩලාස් වලට යන්න කලින් මාස කීපයක් අපි හිටිය අපාර්ට්මන්ට් බිල්ඩින් එකේම හිටියා. අපි දෙන්න යාළු වුණේ එහෙමයි. ඒත් ජොනතන්ට කොහෙන්හරි සැකයක් ඇවිත් තිබුණා. මිනිහා එක පාරක් බීලා ඉන්න වෙලාවක මට අනතුරු ඇඟෙව්වා බේලා එක්ක කොහේ හරි ඉඳලා අහු වුණොත් දෙන්නවම මරනවා කියලා. ඒක වෙරි මතටම කියපු දෙයක් කියලා අමතක කරන්න බැරි දෙයක් සඳපා. ජොනතන් ට එහෙම කරන්න බැරි කමක් නැහැ. එයා හොඳ මිනිහෙක් නෙමෙයි. එයාගේ බිස්නස් ඔක්කොම රන් කළේ පාතලෙත් එක්ක සම්බන්ධකම් වලින්"
මෙසේ පවසන ආච්චි ඉන්පසුව ජොනතන් සහ බේලා අතර දෝලනය වූ ඇගේ ජීවිතය පිළිබඳව දීර්ඝ විස්තරයක් කර තිබිණ.

ජොනතන් ඇමරිකාවෙන් බැහැරව සිටි දිනයක ඇය මෙසා සිට ඩලාස් බලා යන්නේ බේලා මුණගැසෙන්නටය. එය දින එකහමාරක ගමනකි. දිනය 1963 නොවැම්බර් 22 වෙනිදාය. බේලා දිවා ආහාරයට මුණ ගැසෙන තෙක් ආච්චි නගරයට පැමිණෙන ජනපති කෙනඩි ප්‍රමුඛ රථ පෙරහර නරඹන්නට තීරණය කරන්නීය. "මම සන්ගලාස් දාලා කාටවත් මුළු ඇඟම වැහෙන්න ඇඳල හිටියේ අඳුනගන්න බැරි වෙන්නයි" ඇය එසේ හේතු දක්වා තිබුණේ තමා සිටියේ කොතරම් නම් අවදානම් සහගත තත්ත්වයකද යන්න පැහැදිලි කිරීමටය. ඩලාස් නගර මධ්‍යයට එන ජනපති ජෝන් එෆ් කෙනඩි ට වෙඩි වදින්නේ මේ අතරතුරය. ජනපතිවරයා ඝාතනය වන්නේ ක්රිස්ටීන් ලූ රොටෙන්ගේ අවාසනාව උදා කරවමිනි. පිරිස හිස් ලූ ලූ අත දිව ගිය අයුරු පසුදා පුවත්පත් වල නොවරදින ඡායාරූප අතර විය. ආච්චිද කාටත් නොදෙවෙනි ලෙසින් ඡායාරූප වලට හසුව තිබිණ. පසුව පැවති ෆෙඩරල් පරීක්ෂණ සඳහා එම ඡායාරූප වල සිටි සහ නොසිටි දෙපිරිසම සහයෝගය දක්වද්දී තැඹිලි පැහැ කබායකින් සැරසී ගත් මැදිවියේ කාන්තාවක් පමණක් තම අනන්‍යතාව හෙළිකිරීමට ඉදිරිපත් නොවීම පරීක්ෂකයින්ගේ සැකයට හේතුවක් විය. "මම ඩලාස් වලම හැංගුණා. ආයේ මෙසා වලට යන්නේ කොහොමද සඳපා. බබුෂ්කා ලේඩි කියලා නමකුත් දාලා මගේ ෆොටෝ එක හැම පත්තරේම යන්න ගත්තා. පොලිසියෙන් බේරුණා කියමුකො. ඩලාස් වල හිටියා කියපු ගමන් ජොනතන් මාව මරලා දානවා ආයේ දෙකක් නැහැ. ඉතින් මම කොහේ කියලා හැංගෙන්නද ? බේලා අන්තිමට කිව්වා ඇමරිකාවෙන් පැනලා යමු කියලා" ආච්චි ඇගේ පෙම්වතා සමග ලංකාවට පැමිණෙන්නේ එලෙසිනි. පැරණි මිත්‍රයාව සහ ඔහුගේ පෙම්වතියව සාදරයෙන් පිළිගන්නා සීයාට ඇයව භාර කරන රුමේනියානු මිතුරා බේලා නැවතත් ඇමරිකාව බලා යන්නේ අළුත් ජීවිතයකට අවශ්‍ය දෑ සූදානම් කරගෙන එනු පිණිසය. "එයා එහෙට ගොඩ බැස්ස ගමන් දාපු ලියුම මට ලැබුණා. එයා ඉක්මණට ඩලාස් වලට ගිහිං යාළුවෙක්ව මුණ ගැහිලා එහෙන් පැනලා යනවා කියලා කතා වෙලා හිටියේ. ඒත් එතනින් එහාට බේලා ගැන කිසිම ආරංචියක් නෑ සඳපා. මම හොඳටෝම දන්නවා ජොනතන් ගැන. අනිවාර්යෙන් ඌ බේලාව මරන්න ඇති. මම ඉන්නේ ලංකාවේ කියන එක අහුවෙන නිසා මට කාටවත් කතා කරලා උදව්වක් ඉල්ලන්නත් බැරි වුණා" අවසානයේදී අවුරුදු දෙකක් තිස්සේ නුපුරුදු රටකට වී තම පෙම්වතා බේලා වෙනුවෙන් බලා සිටින ආච්චී යථාර්ථයට මුහුණ දෙන්නට තීරණය කරන්නීය. ඇය අපේ සීයා සමග විවාහ වන්නේත් අම්මා උපදින්නේත් ඉන් අනතුරුවය.

"සඳපා රුසියාවේ ආවේ අකැමැත්තෙන් කියලා මම දන්නවා. ඔයාට ඇමරිකාවට යන්න ආසාවක් තිබුණට මම උදව් කළේ නැහැ කියලා හිතේ කහටක් තිබුණ බවත් මම දන්නවා. ඒත් එහෙම වුණේ ඇයි කියලා ඔයාට දැන් තේරෙනවා නේද ? මට ලංකාවට ආවයින් පස්සේ මගේ රටත් එක්ක තිබ්බ සම්බන්ධකම් ඔක්කොම නැති වුණා. මට කරන්න කිසිම දෙයක් නෑ සඳපා. මම ඇමරිකාවෙන් එද්දි ක්‍රිස්ටීන් මැරුණා. දැන් එහේ ඉන්නේ පත්තරකාරයෝ හදපු "බබුෂ්කා ලේඩි" කෙනෙක් විතරයි. ඔයා පුළුවන් වෙලාවක ඉන්ටර්නෙට් එකෙන් ඒ ගැන හොයලා බලන්න "

ලියුම තවමත් මා ළඟය. අද වනතුරුම බබුෂ්කා කාන්තාව ගැන කිසිවක් සොයා නොබැලීමි. බේලා සහ ක්‍රිස්ටීන් නැති ලොවෙක ඒ පිළිබඳ වද වීමෙන් පලක් නැතැයි සිතේ.
මේ වියමන ඔබේ මූණු පොතට එක් කරන්න-
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සහන් කසීර වික්‍රමසිංහගෙන් තවත් වියමන්
කවි
ගර්ඩාය; රෝස මල් කොහිදැයි නොසොයන
කතන්දර
කල්ලඩි පාලම පාමුල
කතන්දර
කැමැත්ත හා පෙරමඟුල
කතන්දර
"අජිත් තමයි හොඳ"
කතන්දර
පද්මිණී මොකා......ආ?
තවත් කතන්දර බූන්දි
බුම්මන්නා පවුල සහ ලේලිය
දොළොස්දාහක්
අලුත ගෙනා මනාලිය
නිල් මල් ගවුම
මාස තුනක් සහ එක දවසක්
බූන්දි නව ඊමේල් ලිපිනය- editorial@boondi.lk
BoondiLets
ප්ලූටාර්ක් කියයි
Painting is silent poetry, and poetry is painting that speaks.| සිත්තමක් යනු නිහඬ කවියකි. කවියක් යනු කතා කරන සිත්තමකි!
What's New | අලුතෙන්ම
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
කවි| ඇගේ දරුවන් අමතන ඇගෙ හදවතේ බස් වහර !

28-Secs

(වින්ද්‍යා ආරියරත්න) කොට්ට පුළුං ගස් පෙළක
කිරි පැහැ පුළුං කැටි
සුළං රැළි මත නැළවෙයි

වැට මායිමක
වැටහිරියා අතු අඟිස්සක... [More]
අදහස්| සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?

4-Mins

(සරද සමරසිංහ) සන්ධ්‍යා එක්නැලිගොඩ මහත්මියට ඇමරිකානු රාජ්‍ය දෙපාර්තමේන්තුව මගින් උපහාර පදක්කමක් පිරිනැමූ බව පසුගිය දා මාධ්‍ය මගින් වාර්තා වුනා. ඇය ඇතුළු ලොව... [More]
කරන්ට්ස්| ඇයි කුමක්ද ඔය මඳ සිනහවේ තේරුම?

43-Secs

(විමල් කැටිපෙආරච්චි) ඉතින් කොහොමද සොහොයුර
හතළිස් හය වසරක නිරීක්ෂණ..
දෑස තව සිහින් කර ඈත දුර බලාගෙන හෙළන
ඇයි කුමක්ද ඔය මඳ සිනහවේ තේරුම ?

අද අප්‍රේල් පහ දෙදහස් දා හත... [More]
කවි| අපේ තාත්තා

10-Secs

(උපේක්ෂා ප්‍රේමතිලක) සල්පිලක සෙනඟ හිනස්සා
අපේ බඩගිනි පිස්සා
වෙස්මුහුණ ඇතුළේ
හිටපු අපෙ තාත්තා

කූරු හිසකේ -රැළි ගස්සා... [More]
වෙසෙස්| රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා

4-Mins

(සරද සමරසිංහ) අසුව දශකයේ ඇමරිකාවේ ජනාධිපතිව සිටි රොනල්ඩ් රේගන්ගේ ආර්ථික උපදේශකයා වූයේ ආචාර්ය ආතර් ලෆ්ටර් නැමැත්තෙක්. සුපිරි ධනවතුන්ට ආර්ථික සහන සලසා දීම... [More]
ඔත්තු| මහාචාර්ය ගම්ලත් සැමරුම - මාර්තු 29

22-Secs

ලාංකීය බුද්ධිමය සංස්කෘතිය තුළ ප්‍රබල භූමිකාවක් ඉටුකළ මාක්ස්වාදී බුද්ධිමතෙක් වන මහාචාර්ය සුචරිත ගම්ලත්ගේ සිව්වන වර්ෂ... [More]
රංග| ආදරයේ දයලෙක්තිකය- සුරූපිය හා මෘග

7-Mins

(කේ.ඩී. දර්ශන) සම්මානිත මහාචාර්ය සුනන්ද මහේන්ද්‍රයන්ගේ අභිනව නාට්‍ය නිර්මාණය, 'සුරූපිය හා මෘග' පසුගිය දිනෙක කැළණිය විශ්වවිද්‍යාලයීය රංග ශාලාවේදී රඟදැක්විණි. 'නිදහස් වෘත්තාන්ත රංගයක්'... [More]
කවි| පාස්

36-Secs

(පද්මිණි ශ්‍රියාලතා ) අවසර පත්‍රයක් නොමැතිව මහරෝහලේ දොරටුවෙන් ඇතුළු වීමට උත්සාහ කළ තරුණයෙක් හා බහින් බස් වූ ආරක්ෂක නිළධාරියාගේ කොලරයෙන් අල්ලා "අප්පච්චි උඹේද නැත්නම් මගේද?" යැයි ඔහු දැඩිව අසනු, මම අසා සිටියෙමි.

කටු සැමිටියෙන් තලන විට රුදුරු ඉර එළිය
මහ දවල් කදෝකිමි පිට පනිණ දෑස් අග
දූලි දුම් වලාවේ බොඳ වෙමින් මතුවෙමින්
පොළෝ ගැබ කැණ නිධන් සෙවූ අපෙ අප්පච්චි... [More]
පරිවර්තන| මට අවැසි ඔබ නිශ්චලව ඉන්න

40-Secs

(පබ්ලෝ නෙරූදා | මාලතී කල්පනා ඇම්බ්‍රෝස්) මට අවැසි ඔබ නිශ්චලව ඉන්න
හරියට නො පවතින්නාක් මෙන් වෙන්න
ඈතම ඈත දුරකින් යන්තම් මාව ඇහෙන්න
මගේ හඬ ස්වර ස්පර්ශ නො කරන්න
හරියට ම කිව්වොත් ඔබේ ඇස් වෙනතක පියඹා යන්න
දෙතොල හාදුවකින් ගොළු කළා මෙන් ඉන්න... [More]
කතන්දර| දොළොස්දාහක්

5-Mins

(යශෝධා සම්මානි ප්‍රේමරත්න) "දැන් නම් මගෙ ඉවසීමේ රතුකට්ට පැනලා අභී." ආලියා දෙතොල නොපිට පෙරලමින් ස්කයිප තිරය දෙස බැලීය. ඇගේ බාහුවලට කිටිකිටියේ සිරවූ ටෙඩිවළසා... [More]
අදහස්| බොරළුගොඩ සිංහයාගේ පුත්තරයා

3-Mins

(ජනරඟ විජඉඳු දේවසුරේන්ද්‍ර) දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප්... [More]
කවි| නික්මීම

52-Secs

(බුද්ධික දිනේෂ් මානවසිංහ ) සුවිසාල කැදැල්ලක බිළිඳු විය පසුකරේ
රැකවරණ තිබුණි මට ඒ සොඳුරු මන්දිරේ
එය තැනුව මවුපියන් දෙදෙනාට පින් පිරේ
මමයි හිමිකරු උනේ එහි ඉදිරි කාමරේ

මගේ හා මිතුරන්ගෙ රජ දහන ඒ කුටිය... [More]
Cine| විපරීත යුගයක තරුණ සිනමාව

7-Mins

(චූලානන්ද සමරනායක) මොනවා අඩුපාඩුව තිබුණද කියමන් අතින් කිසිදා හිඟයක් නොමැති අප රටෙහි 'යකඩ මල්ලට ගුල්ලො ගැහුවා නං පන් මල්ල නොබලම වීසි කරපිය'... [More]
වෙසෙස්| ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!

3-Mins

(දුලංජලී මුතුවාඩිගේ) 'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.'... [More]
කවි| මල් පෙති තරම් සියුමැලි තුරුපත්ය

19-Secs

(මහේෂි බී. වීරකෝන්) ඉඳුදුන්නෙ හුය ලිහුණු ඉසිඹුවක
සියක් පැහැ පිනිවලට අත් විසුල
පතන් බිම් පුරා පිපි මල් පමණක්ද...,

මල් පෙති තරම් සියුමැලි
ඒ තරමටම සියුම් පැහැ ඇති... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook