Review on Aloko Udapadi Sinhala Epic Movie | BOONDI.LK
Facebook
Twitter
Google+
YouTube
Blog
RSS Feed
Cine බූන්දි
ආලෝකය පහළ වීම හා "ආලෝකෝ උදපාදී"
බූන්දි, 17:13:50
සිනමා කෘතියක් නිෂ්පාදනය කිරීමට සාමාන්‍යයෙන් විචිත්‍ර චින්තාව මූලික වේ. ඒ චින්තාව තිරයක් මත පතිත කරගත හැකි වන්නේ තෝරාගත් චරිත හා පසුතල අනුසාරයෙනි. අවසානයේ සිනමා කෘතියකට අදාළ රෑපරාමුවක් තිරයක් මත පිහිටන්නේ කැමරාව හා වෙනත් තාක්ෂණික විධික්‍රම ඇසුරෙන් ප්‍රේක්ෂක ඇස හා චරිත, පසුතල අතර සමෝධාන කාර්යය ඉටුකරමිනි. එබැවින් සමස්ත සිනමා කෘතියක් හෝ කෘතියෙහි එක් රූප රාමුවක් විචාරය කිරීමේදී ඊට අදාළ චින්තනමය, රෑපමය හා තාක්ෂණිකමය භාවිතාවන් මෙන්ම නිර්මාණ කාර්යය සිදුවන බිමෙහි ඒ කාලයට අදාළව එම භාවිතාවන් කෙරෙහි අත්පත් කරගන ඇති හැකියාවන් හා කුසලතාවලින් වියුක්ත වීම යුක්ති සහගත නොවේ. විශේෂයෙන්ම අනෙකුත් කලා කෘතීන්ට වඩා චිත්‍රපටය වඩ වඩාත් තාක්ෂණික යෙදවුම් සමඟ ගැටෙමින් හැපෙමින් ඉදිරියට දිවෙයි. ඕනෑම බිමක තාක්ෂණික දියුණුව සෘජුව සබැඳෙන්නේ එම බිම අත්පත් කරගන තිබෙන ආර්ථික හැකියාව මතය. එබැවින් ආරම්භයේ සිටම මෙම ලිපිය විසින් තර්කනය ස්ථානගත කිරීමට උත්සාහ කරන්නේ යම් බිමක ආර්ථික හැකියාව පිළිබඳ නොසැලකිල්ලෙන් එම බිමේ ගොඩනැගෙන සිනමා කෘතියක් පිළිබද විචාරය කිරීම උගහට බවය.

ආලෝකෝ උදපාදී පවතින තත්ත්ව යටතේ තාක්ෂණය සිනමාවට මුසු කරලීම සම්බන්ධව ඇගයීමක් ලැබිය යුතු සිනමා කෘතියකි. සනාථ නොවු ඉතිහාසය පිළිබඳ එක් එක් ප්‍රේක්ෂකයා තුල ඇඳී තිබෙන්නේ විවිධ වූ සංකල්ප රූපය. මිනිසාගේ ස්භාවය, පරිසරයේ ස්භාවය, ඇඳුම්වල ස්භාවය ආදිය තම තම ෆැන්ටසියේ තරමට ඉතිහාස සිනමා කතාවකදී දකින්නට ප්‍රේක්ෂකයා කැමති වෙන බව සැබෑමුත් නිර්මාණකරු මවන රූපය වඩ වඩා සමීප විය යුත්තේ කතා තේමාවටය. චිත්‍රපටය නරඹා අවසානයේ රාජ මාලිගාව රාජ ආභරණ හෝ අනෙකුත් පසුතල මීට වඩා රාජකීය ස්භාවයක් ගත යුතු බව කිසිවෙකුට යෝජනා කළ හැකි මුත් එතුලින් රටේ කලෙක සිට පැවත එන අරාජිකත්වය සවිඥානිකව සංකේතවත් කරන ලද බවත් එය කතන්දරයට ආදාළ කාලය පිළිබඳ ඉඟියක් බවත් තවත් කිසිවෙකුට යෝජනා කල හැකිය. එය තම තම පමණටය. කෙසේ නමුත් එක පෙළට ආ සිලෝන් එපික් රැල්ලේ බෝහෝ චිත්‍රපට වල දුටු ඩිෂුම් ඩිෂුම් තාලේ විකෘතින්ගෙන් මිදී එයට ප්‍රමිතිකරණයක් ලබාදීමට ආලෝකෝ උදපාදී සමත්ව තිබෙන බව කිසිවෙකුට පැවසිය නොහැකි නම් එය ව්‍යාජයකි.







චිත්‍රපටයකින් ගොඩනගන මතවාදය ද වැදගත්ය. බොහෝ විචාරකයන්ට අනුව ලංකාවේ යුධ වින්දන සිනමාවක් පවතී. එය එක්තරා ජාතිකවාදී ආගම්වාදී මතවාදයක් පෝෂණය කරයි. එය එසේ නම් යුධ වින්දන නොවන සිනමාව පෝෂණය කරන්නේ කුමන මතවාදයක් ද? එය සාමය වින්දනය කරයිද? සාමය වින්දනය කරන සිනමාවක් නැති තැන යුද්ධය වින්දනය කරන සීමාවක් අර්ථ නිරුපනය කළ හැකිද? සැබෑ යුධ වින්දනය පවතින්නේ සිනමාව තුළ නොවේ. තත් කාලීන සමාජය තුළය. මේ ලියන මොහොතේත් ලෝකයේ සුවහසක් මිනිසුන් යුද්ධ වලට මැදි වී වෙව්ලමින් පණ ගැට ගසාගනිමින් සිටින බව යථාර්ථයයි. එය අල්පතර රටවල් ප්‍රමාණයක් හා බලධාරීන් පිරිසක් විසින් වින්දනය කරයි. වින්දනය කරන අතරම සාමය වින්දනය කිරීම සඳහා චිත්‍රපට කිරීමට ලංකාව වැනි රටවල් වලට චෙක් ලියා දෙයි. සැබෑ යුධ වින්දන සිනමාව යනු එම මුදලින් යැපෙන සිනමාවයි.

'ආලෝකෝ උදපාදී' යන්න ලිහිල් අර්ථයෙන් බෞද්ධ දර්ශනයේ හරය ලෙස ගැනීම වැරදි නැත. ආගමික නිරාගමික බොහෝ සබුද්ධික මිනිසුන්ට බෞද්ධ දර්ශනයේ සෑබෑ යථාර්ථයන් සමඟ කිසිම් හෝ එකඟතාවයක් පවතී. සත්‍ය වශයෙන්ම ආලෝකෝ උදපාදී මතවාදීව පරාජය වන්නේ බෞද්ධ දර්ශනය හා සංඝයා යනු රජ පෙලපත් වලින් එන මැණික් රැකීමට පැවතිය යුතු හමුදාවක්ය යන මතය තවදුරටත් තහවුරු වන පරිදි යටි පෙළ ගොඩනැගීමට සැලැස්වීම තුලය. එබැවින් එහි නම ආලෝකෝ උදපාදී වීමම හාස්‍යජනකය. අඩු තරමේ මෙය කොමඩි කෘතියක් ලෙස නම් කර තිබුනේ නම් සබුද්ධික ජනයාට හාමුදුරුවරැ මැණික් රකිනු දැක, පිරිත් හඬ අස අසා සටන් පුහුණු වනු දැක සිනාසී මේ සිනාසෙන්නේ අපටම නේදැයි සිතා විදර්ශනා කොට එළිය දකින්නට ද ඉඩක් තිබුණි. රාජ්‍ය බලය වෙනුවෙන් කඩේ නොගිය වනවාසී භික්ෂූන් පිළිබදව ඒ.වී. සුරවීරගේ "අඳුර දුරලන රැස්" කෘතිය විස්තර කරන්නේ මීට පසු යුගය ගැන විය යුතු නිසා එම වනවාසී භික්ෂූන්ගේ ආභාෂය මේ යුගය වන විට පැවතිය හැකිව තිබුණු බව පමණක් අවසාන වශයෙන් ලියා තබමි.
වෙනත් සබැඳි |
ආලෝකෝ උදපාදී
මේ වියමන ඔබේ මූණු පොතට එක් කරන්න-
Tags- Aloko Udapadi, Sinhala Epic Movies, Sinhala Historical Film, King Valagamba, Anuradhapura Kingdom, Chathra Weeraman, Baratha Hettiarachchi, Uddika Premarathna, Dihani Ashokamala Ekanayake, Roshan Ravindra
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් Cine බූන්දි
ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්
Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!
ලෙස්ටර්- සිනමා අඹරේ මැකී ගිය රිදී රේඛාව
"තුන්දෙනෙක්|மூவர்"- මිනිස්කම අහිමි වීම පිටුපස ඇති දේශපාලන ප්‍රශ්නය නිරාවරණය කිරීමේ අභියෝගය
ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය
බූන්දි නව ඊමේල් ලිපිනය- editorial@boondi.lk
BoondiLets
දාරියෝ ෆෝ ලියයි.
පවතින පාලනය, ඉවසන් ඉන්න බැරි තරමට ජඩ, දූෂිත, මර්දනකාරී එකක් උනහම ජනතාව ජීවිත පරදුවට තියල හරි ඒක පෙරලලා දානවා. ඊට පස්සෙ අලුත් පාලකයෝ විසින් හිටපු... [More]
What's New | අලුතෙන්ම
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook