Facebook
Twitter
Google+
YouTube
Blog
RSS Feed
පොත් බූන්දි
'රැජින' තුලින් ඉතිහාසයට මානුෂික සංස්කරණයක්
බූන්දි, 17:16:53
කිසියම් මොහොතක යම් නිර්මාණයක, පාත්‍ර චරිතයක හෝ සමාජ දේහයේ වෙසෙන පුද්ගලයෙකුගේ අවබෝධයට හසුවන ආලෝකවත් යථාර්ථය (epiphany) පැවැත්මෙහි ශුද්ධාලෝකය ලෙස නව විචාරයෙහි (new criticism) හැඳින්වේ. මේ කියන ශුද්ධාලෝකය, මොහාන් රාජ් මඩවල සිය "රැජින" කෘතියෙහි නොමසුරුව භාවිතා කරයි.

ක්‍රී. පු. 47 දී ලංකාවේ රාජ්‍යත්වයට පැමිනි අනුලා බිසව වංශ කතාවේ විශේෂණය වන්නේ විවිධ ස්වාමිවරුන්ගේ පහස පැතූ රාගාධික හා මිනීමරු රැජිනක ලෙසිනි. ලෝකයේ ඕනෑම ජාතියක ඉතිහාස වෘත්තාන්ත තුළ එවැනි හංවඩු ගැසුණු පිළිගැනීම් පවතී. එහෙත් සැබවින්ම එවැනි සිදුවීම් සිදුවු ආකාරය හෝ ඒ අදාළ ඓතිහාසික චරිත ක්‍රීයාකල ආකාරය වංශ කතාවේ හෘදයාංගම ලෙස සටහන්ව නොතිබීමේ ඉඩකඩක් පැවතිය හැකිය. මෙවන් උභතෝකෝටික තත්ත්ව සමාලෝචනය කිරීමේදී විචක්ෂණ කතුවරයකු තුළ ඉහත කී විනිවිද දැක්මේ ශුද්ධාලෝකය තිබීම වැදගත්ය.

එමෙන්ම සාහිත්‍ය සේවනයේදී හා නිර්මාණ රචනයේදී සම්ප්‍රදායික ඉතිහාසය දෙස එක් අතකින් මානව විද්‍යාත්මකවත්, තවත් අතකින් තියුණු ලෙස සුසර කර ගත් මානවීය දෘෂ්ටියකිනුත් අවලෝකනය කිරීම අත්‍යාවශ්‍ය වේ. මෙය විචාරවේදයේදී හඳුන්වනු ලබන්නේ නව ඉතිහාසවාදය (New Historicism) ලෙසිනි. ඒ අනුව මොහාන් රාජ් මඩවලගේ රැජින, නව ඉතිහාසවාදය ගුරු කර ගනිමින් ලියැවුණු නවකතාවක් බව කිව යුතුය.

පැරණි ඉතිහාසවාදයත්, නව ඉතිහාසවාදයත් අතර වෙනස පැහැදිලි කරන මහාචාර්ය විමල් දිසානායක, පැරණි ඉතිහාසවාදය වංශකතා හා සාහිත්‍ය මතත්, නව ඉතිහාසවාදය ඉතිහාසය පිළිබඳ ලියැවුණු හාත්පස ලේඛන මතත් රදාපවතී යැයි පවසයි. මොහාන් රාජ් මඩවලද හුදෙක් අනුලා රැජින පිළිබඳ මහාවංශ ආඛ්‍යානය මත පමණක් විශ්වාසය නොතබා සමකාලීන වෙනත් ඉතිහාස වාර්තා මෙන්ම මිසරය හා ක්ලියෝපැට්රා රැජින පිළිබඳ ඉතිහාසය ද මෙහිදී පරිහරණය කරන බව පෙනේ. මොහාන් රාජ් සිදුකරන මේ පරිශීලනය නව ඉතිහාසවාදය පිලිබඳ නිර්මාණකරනයේදී වැදගත් ප්‍රවේශයකි.

අනුලා නැමැති චරිතය පිළිබඳ සවන්පත් වත්ම කෙනෙකු තුළ ද්වේශයක් සහ පිළිකුලක් ඇතිවීම සාමාන්‍ය ස්වභාවය වුවද, ඇය අතිශයින් සංවේදීවුත්, සියුම් අනුරාගය හා මුසු වු මානව භක්තියකින් යුත් ගැහැනියක බව "රැජින" කියවීමේදි පාඨකයාට තියුණු ලෙස දැනේ. ඉතිහාසය තුළ ඇය සල්ලාල හා මිනීමරු කාන්තාවක යැයි සටහන් වන්නේ බොහෝ රාජ්‍ය තාන්ත්‍රික ක්‍රියාදාමවල අවසන් වගකීම රාජ්‍ය පාලකයා මත පැටවීමේ සාමාන්‍ය නියාමය අනුවය. අනුලාගේ ස්වාමිවරුන් එක එකා මියගියේ රාජ්‍ය තන්ත්‍රයේ අප්‍රකට හා රහස් කුමන්ත්‍රණවල ප්‍රතිඵල ලෙසිනි. ඒවායේ නායකත්වය ගත්තෝ එක් එක් විටදී මතුවු සමාජ බලවේග නියෝජනය කල අය වෙති. එහෙත් මියගියේ අනුලාගේ ස්වාමිවරුන් වූ නිසා ඒවායේ වගකීම ඇය පිට පැටවුනේ ඉතා පහසු ලෙසය.

යම් ඓතිහාසික හෝ වේවා සමකාලීන හෝ වේවා පුද්ගලයන් පිළබඳ ප්‍රතිරූප මතුකිරීම හෝ බිඳ දැමිම සිදුවන්නේ සමාජීය හා පුද්ගල අවශ්‍යතා අනුව බව 1949 දී බර්නාඩ් ෂෝ ගේ චරිතය ඇසුරින් ලියවුනු Days with Bernard Shaw නම් කෘතියෙන් ද ප්‍රකට වන බව සේනාරත්න වීරසිංහගේ "මැද මිදුල" කෘතියේ දැක්වේ. මේ යථාර්ථය අනුලාගේ ඓතිහාසික චරිතයට ඒ සම්ප්‍රදායික කැළල ඇතිවීම කෙරෙහි බලපා ඇතැයි සිතේ.

අනුලා කුමරිය විවිධ පුරුෂයන් හට බිරිය වු බව සැබෑය. ඇයගේ පළමු හිමියා වුයේ මහානාග රජුය. ඉන් අනතුරුව කුඩා තිස්ස රජු ඇය බිසව කරගනී. ඒ සියලු පුරුෂයෝ අනුලා තම කාම පහස සතපා ගත හැකි උරගලක් සේ තැකුහ. එහෙත් අනුලා තුල තම අභ්‍යන්තර ලිංගික හා භාවමය රිද්මය සමඟ පෑහෙන පුරුෂයකු පිළිබඳ හැඟීමක් ඇතිවිණි. ඒ තිස්ස නම් වු කරත්තකරුවා ගැනය. තිස්ස පසුව ඇමතිවරයකු බවටත්, ඉනුත් පසුව අනුලාගේ මනදොළ තෘප්ත කරන පෙම්වතා බවටත් පත්විණි. ඩී.එච්. ලෝරන්ස්ගේ Fantasia of Unconscious නම් කෘතියේ මේ තත්වයෙහි යථාර්ථය විස්තර වේ. සමාන ලිංගික හා භාවමය රිද්මයෝ එකට බැඳෙතැයි එහි කියවේ.

මෙසේ බැඳන්නේ සංස්කෘතියෙහි හෝ ආගමෙහි අනුදත් සදාචාර ප්‍රඥප්තීන් අනුව නොවේ. බොහෝ අපරිණත හා අල්පශ්‍රැත ගැහැනුන්ට හා මිනිසුන්ට, අනුන් පිළිබඳ කලු සුදු තීරණ ගැනීම ඉතා පහසුය. "ඒ මිනිහා මෙහෙමලු", "අර ගෑනි අරෙහෙමලු" වැනි නර්මාලාප සමාජයේ ප්‍රසිද්ධ හා අප්‍රසිද්ධ සිරස්තල බවට පත්වන්නේ ඒ නිසාය. ඒත් ඇත්ත වශයෙන්ම එවන් මිනිසකු හෝ ගැහැනියක පිළිබඳව යථාරූපී තීරණ දීමට හැකිවන්නේ මනුෂ්‍යත්වය හා මනුෂ්‍ය සන්තානගත සංකීර්ණ භාවවේග පිළිබඳ සියුම් ඥානවිභාගයක් සහිත ඥානවන්තයෙකුට පමණි. එසේ කළ නොහැකි මිනිසුන් සංකීර්ණ හා සංවේදී මිනිසුන් ගැන අදහස් පළකිරීමට නොයා අතකට පියාගෙන සිටීම වඩා යහපත් බව ආචාර්ය පිිලිප් සී. මැග්‍රෝ සිය Life Stratgies කෘතියෙහි දක්වා තිබේ.

අනුලා නම් වු හෘද සංවේදී සියුම් ගැහැනිය මත ඉතිහාසයේ ජීවත් වු අල්පශ්‍රැත හා අපරිණත මිනිසුන් විසින් පතිත කරන ලද අඳුරු වහන්තරා සහ පැල්ලම් සුනු විසිනු කරමින් ඈ මත "ශුද්ධාලෝකය" පතිත කළ කෘතියක් ලෙස මොහාන් රාජ් මඩවලගේ රැජින නවකතාව හැඳින්විය හැකිය.
මේ වියමන ඔබේ මූණු පොතට එක් කරන්න-
Tags- Rajina by Mohan Raj Madawala, Sinhala Epic Novel, Sinhala Nawakatha, Sri Lankan Novels, Sinhala Stories
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් පොත් බූන්දි
ඉණෙන් හැලෙන කලිසමක් රදවා ගන්න තතනමින්...
උමතු වාට්ටුවට අප්පචිචී ඇවිත්!
සෞන්දර්යය වෙනුවට කටු අතු- අපේ යුගයේ උරුමය!
"මතක වන්නිය" හෙවත් උතුරේ ශේෂ පත්‍රය
මී පුප් සේ රස 'හෑල්ල'
BoondiLets
අයිසෙක් බුෂෙවිස් සිංගර් කියයි.
සාහිත‍්‍යයේ නියම හරය වන්නේ බුද්ධිය සහ හැඟීම් අතර ද ජීවිතය සහ මරණය අතර ද ඇතිවන සංග්‍රාමය යි. සාහිත්‍යය ඕනෑවට වඩා බුද්ධිමය වන විට, එනම් ආශාවන්... [More]
What's New | අලුතෙන්ම
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook