Facebook
Twitter
Google+
YouTube
Blog
RSS Feed
අදහස් බූන්දි
බොරළුගොඩ සිංහයාගේ පුත්තරයා
බූන්දි, 18:16:21
දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප් එකේ හිටියේ කළුවර වැටෙනකල්ය. කළුවර වැටුණ ගමන් දඩිබිඩි ගා කළේ ගෙදර දුවන එකය. තත්ත්වේ හැටියට එළිය වැටිලා තියන වෙලාවක ගෙදර යන්නටත් බැරිය. පාර්ලිමේන්තුවෙන් දොට්ට දැමූ සිද්ධිය ටක්කෙටම දැන් ගෙදරට ආරංචිවෙලා තියෙන්නට ඕනෑය. එහෙනම් ගෙදර යන්න වෙන්නේ කන් දෙකේ කිරල ඇබ දෙකක් ගහගෙනය. දියත පාර්ක් එක එක පුරා කිරල ගස් තිබුණත් අැබයකට ගන්නට කිරල ගහක අත්තක්වත් අල්ලන්නට බැරිය. දිනේෂ් තරහටම ගෝඨාට පළු යන්නට බැන්නේ හිතේ වේදනාවටමය.

කළුවර වැටුණ පසුව හොර පාරෙන් ගෙදරට යන දිනේෂ්ට මතක් වුණේ ඒ දවස්වල රෝයල් එකේ තාප්පෙන් පැනලා හොර පාරෙන් ගෙදර ආ හැටිය. ඒ කාලේ රනිල්නම් මළාට තාප්පෙන් පනින්නේ නැත. ඒකට හේතුව එකක් රනිල්ට තාප්පෙට නැග ගන්නට බැරිය, අනිත් එක රනිල්ට දිනේෂ් ෂුවර්ම නැත. එදත් හොර පාරෙන් යද්දි දිනේෂ්ට රෝයල් එක මතක්වෙලා කඳුළු ආවටත් වඩා එකපතේ කාගෙන හිටපු කරූ තමන්ව දොට්ට දාපු එක ඉවසන්නටම බැරිය. 'ලැජ්ජයි... කියලා කිව්වට ඉතින් පාර්ලිමේන්තුවෙන් දොට්ට දාන්න ඕනද?' ගම්මන්පිල කිව්වේ ඒ වගේ කතාවකි. දැන්නම් දිනේෂ්ට ඇඬෙන්න ඔන්න මෙන්නය. ඉන්නේද ගෙදර ගේට්ටුව ලඟම නිසා අඬන්නත් බැරිය. ඒ අතර ගේට්ටුව ලඟ ඇති ලඳු කැලෑව පැත්තෙන් සර සර හඬක් ඇහුණ නිසා දිනේෂ් ඒ පැත්ත බැලුවේය. අප්පට සිරි තඩි සිංහ පෝතකයෙක් කැලයෙන් මතුවුණේ ඒ වෙලාවේමය. දඩි බිඩි ගා සරම වලාපට ගහගත්ත දිනේෂ් සෙරෙප්පු දෙක ද දමා දුවන්නට සූදානම් විය.

"ඔහි හිටු අවලමා... දුවන්න එපා... තෝව මම කීතු කීතු කරනවා..!"

සිංහයා දුවන්නට ඔන් යූවර් මාක් කියාගෙන ඉන්න දිනේෂ්ට කිව්වේය. දැන් දිනේෂ්ට චූ යන්නට ඔන්න මෙන්නය. සේරටම වඩා අවුල සිංහයා කතා කරන්නේ කොහොමද කියලාය. දිනේෂ්ට සිද්ධි ගණනාවක් මතක් විය. එකක් සිංහබාහුගේ සීන් එකය, අනිත් එක නාර්නියා ෆිල්ම් එකේ කතා කරන හුරතල් සිංහයා ගැනය. අන්තිමට ලයන් කිංග් එකත් ලාවට මතක් විය.

"ඔහේ කවුද... කො..කො...කොහොමද කතා කරන්නේ...?" දිනේෂ් ගොත ගහ ගහ අහනවිට සිංහයාට අසූ හාරදාහයි දශම පහට තදවිය.

"මම කව්ද... මම තොගේ තාත්තා බොල.... තූ නොදකින් තෝ කරන ඒවට මට හතර විලිලැජ්ජයි බොල..."

දැන් දිනේෂ්ට හිතාගන්නට බැරිය. බැරිවෙලාවත් මේක ආණ්ඩුවේ මායවක් වෙන්නට බැරිද? තාත්තා පිලිප් විදිහට බොරු සිංහයෙක් එව්වා වෙන්නට බැරිද? පහුගිය කාලයේ සිංහ-ලේ පෙන්නුවෙත් මෙන්න මේ වගේ වැඩය. ඒ නිසා දිනේෂ්ට දැන් තමන්ගේ තාත්තාවත් ෂුවර් නැත.

"අප්පොච්චා.. කොහොමද සිංහයෙක් වුනේ...?"

"සිංහයෙක් වුණේ....? කටින්ද බොල අහන්නේ...? තොපි නේද බොරළුගොඩ සිංහයා.. බොරළුගොඩ සිංහයා කිය කිය කෑ ගැහුවේ... තොපේ අලුගුත්තේරු ප්‍රාර්ථනාවලට හෙණ ගැහිලා යන්න ඇත්තටම මම සිංහයෙක් වෙලා ඉපදුණා යකෝ... දැන් මේ හතර හන්දි පණ නැතිවෙනකල් කැලයක් කැලයක් ගානේ ඇවිදලා ට්‍රොස්කිවාදෙත් අමතකයි බොල...."

දැන්නම් දිනේෂ්ට මේ තාත්තා කියා බුදු ෂුවර්ය. තාත්තාගේ දේශනාවත් මේ වගේම නිසා සිංහයෙක් වෙලා තාත්තට අත්වුණ ඉරණම ගැන දැන් දිනේෂ්ට හෙණ දුකය.

"අනේ අප්පොච්චා සිංහයෙක් වෙච්ච එක ගැන මට සෑහෙන්න කණගාටුයි.."

"තොට කණගාටුයි... තෝ නෙවෙයි බොල මමයි විලිලැජ්ජාවෙලා ඉන්නේ තෝ කරන තකතීරු වැඩවලට... තෝ පාර්ලිමේන්තුවෙන් එලෙව්වා නේද අද...?" සිංහයා දිගටම කියාගෙන යද්දී දිනේෂ්ට විලිලැජ්ජාවේ බැරිය. එකක් තාත්තා නිසා මොකුත් කියන්නට බැරිය, අනික සිංහයා නිසා අවුල් හදාගෙනත් බැරිය. දැන් දිනේෂ් ගිරේට අහුවෙච්ච පුවක් ගෙඩිය වගේය.

"ඒ වුණාට අප්පොච්චා මම සාධාරණ දේ ගැන කතා කලේ... අර තකතීරු කරූවා... ඕකට හොඳක් වෙන්න එපා... ඕකා රනිල්ට ඕන දේ තමයි කළේ..."

දිනේෂ් අඳෝනාව කියාගෙන යද්දි සිංහයාට ආයෙත් මල පැන්නේය. ගොරවාගෙන දත් විලිස්සාගෙන දිනේෂ් ගාවට පැන අත්දෙක දිනේෂ්ගේ උරේට තියා බිම පෙරළා යට කරගත්තේය.

"උඹ එක වචනයක් කියන්න එපා... මගේ පුතා නොවුණ නම් මම උඹව මෙතනම ඉරනවා නිකන් එම්සී එකේ එවුන් ටිකට් ඉරනවා වගේ. උඹ මොන සාධාරණයක් ගැන කතා කරන්න ගිහිල්ලද යකෝ එළියට දැම්මේ... අර ජනතාවගේ සල්ලිවලින් ගෙදර වැඩකරන ගෑණිටත් වාහන දීපු එකාලගේ සැප ගැන කතාකරන්න යන එකද බොල සාධාරණේ... එහෙම එකක් කොහෙද බොල අපි දන්න සාමජවාදේ තියෙන්නේ... මට කියලා මැරුම් කන්න එපා උඹ..."

දිනේෂ් ඔළුවත් පාත්කරගෙන ට්‍රයි කලේ නැගිටින්නය. නැගිටින්නම බැරිය සිංහයා ඇඟ උඩය.

"ඒත් අප්පොච්චා යූ.එන්.පී කාරයන්ට මෙහෙම නටන්න දෙන්න බෑ. ඇරත් මාව පාර්ලිමේන්තුවෙන් එලියට දාද්දි වැඩිපුරම හිනාවුනේ ආණ්ඩුවේ ඉන්න ශ්‍රී ලංකාකාරයෝ..."

සිංහයා ආයෙත් දත් විලිස්සා ගත්තේය.

"තෝ දැනගනින්... තෝ නිකන් බූරුවෙක් වගේ ඕන එකටයි එපා එකටයි පාර්ලිමේන්තුවේ බෙරිහන් දෙන එකෙන් අපේ පරපුරටම තෝ ලැජ්ජාකරනවා... අනිත් එක තව ටික දවසක් ඔහොම බෙරිහන් දුන්නොත් තෝ පාර්ලිමේන්තුව ඇතුළෙම නහරයක් පුපරලා මැරෙනවා... එහෙම වුනොත් උඹ ඉපදෙන්නේ අමුතුම සතෙක් වෙලා... ඒක මතක තියාගනින්..."

දිනේෂ්ට කට වසාගෙන ඉන්නටම බැරිය. ඒ නිසා සිංහයාගේ ඉස්සරහා ආයෙත් කට ඉස්සර විය.

"ඒ වුණාට අප්පොච්චත් ඉස්සර පාර්ලිමේන්තුවේ අසාධාරණයට විරුද්දව කතාකරපු කෙනෙක් නේ... මම කළේ අප්පොච්චගේ නම ගෙනියන එක..."

ඒ පාර සිංහයා දිනේෂ්ට පයින් පාරක් දුන්නේ තරු විසිවෙන්නටය.

"තෝ දැනගනින් උඹ දැන් අර සයිටම් එකට විරුද්ධව වේදිකාවල බෙරිහන් දෙනවා උඹට මතකද පහුගිය ආණ්ඩුව කාලේ ඕවා හොඳයි කියලා බෙරිහන් දුන්නෙත් උඹමනේ මුලින්ම... යකෝ දෙපිටකාට්ටුවෙක් වගේ වැඩකරලා මගේ වලටත් හෙණගහන වැඩකරන්න එපා තවත්..."

දිනේෂ් බැනුම් වේගය වැඩිවෙනකොටම ඇස්දෙක වහගත්තේ ලැජ්ජාව වැඩිකමටමය. අන්තිමට ඇස්දෙක ඇරලා බලනකොට සිංහයා නැත. දිනේෂ් හෙමීට නැගිටලා වැලි එහෙම ගසලා දාලා සරමත් ඇඳගෙන ගේ පැත්තට යන්නට වුනේ මොකුත් නොවුණ ගානටය.
මේ වියමන ඔබේ මූණු පොතට එක් කරන්න-
Tags- Dinesh Gunawardena, Philip Gunawardena, Boralugoda Sinhala
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ජනරඟ විජඉඳු දේවසුරේන්ද්‍රගෙන් තවත් වියමන්
අදහස්
බදු, ණය සහ අපේ අනාගතය
අදහස්
වැලිවේරිය, රූකාන්ත, චන්ද්‍රලේඛා සහ තවත් කතා
අදහස්
හෘද සාක්ෂියක් ඇත්තෙකුගේ අනාගත ආමන්ත්‍රණය
අදහස්
සුරූපී නිවේදිකාව සහ කැරලිකාර කණ්ඩායම
අදහස්
ඇමතිතුමෙක් සිය පුත්‍රයාගේ ගුරුවරියට ලියූ ලිපියක්
තවත් අදහස් බූන්දි
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
සිංහලයා වඳ වෙමින් යනවද?
කාලෝ අයංතේ
බූන්දි නව ඊමේල් ලිපිනය- editorial@boondi.lk
BoondiLets
නිකෝස් කසන්සාකිස් කියයි.
සැබෑ ගුරුවරු නම් තම සිසුන් තරණය කළ යුතු යයි සිතන දේ හරහා යාමට තමන් ම පාලම් බවට හැරවෙන්නෝ ය. තරණයට උදව් කළ පසු සතුටින් බිඳ... [More]
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook