Facebook
Twitter
Google+
YouTube
Blog
RSS Feed
කතන්දර බූන්දි
රා ත්‍රි ය
බූන්දි, 18:09:59
ඒක හුඟක් කෙටි රාත්‍රියක්... මට උවමනා වුනේ ඒ රාත්‍රිය නවත්තන් ඉන්න... ඉවරයක් වෙන්න නොදී... අපි වෙනදා වගේම අසුන් ගත්තේ බිම වැලි ගොඩේ එරමිණියා ගොතා ගෙන. ගැහැනු සාමාන්‍යයෙන් අසුන් ගන්නේ අර්ධ පර්යංකෙන් වුණාට මට පුරුදු බද්ධ පර්යංකය. එයත් බද්ධ පර්යංකයෙන්... අපි ඒ නිසා හුඟක් දුරින් වගේ උන්නේ. සිරුරු එකට ස්පර්ශ වුණේවත් නෑ... ස්පර්ශ වෙලා දැන් කුමක් කරන්නද...

"ඔයාට පුලුවන්ද අන්තිම වතාවට මිල්ටන් මල්ලවආරච්චිගේ සිංදුවක් කියන්න." නිහඬතාව ගොළු කළේ මං එහෙම කියලා... එතකොට මට පුලුවන් අඬන්න.... ඒත් එයා කිව්වේ නෑ...

අපි බලන් හිටියේ ක්ෂිතිජය දිහා.... තද තැඹිලි පාට... තව ටිකකින් දම් වෙලා අඳුරු පැහැයට හැරෙනවා... අමාවකද කොහෙද... හඳ තිබුණේ නැහැ... ටික වෙලාවකින් තරු එකින් එක ඇහැරෙන්න අරන් තිබුණේ... එතකනුත් අපි කතා නොකර ඈත අහස දිහා බලන් හිටියා...

"අපි තරු රටා හොයමුද?"

මං ඇහුවේ එයාගේ මුහුණ දිහා බලලා මගේ මුහුණ පැත්තට බර කරලා... මං දැනන් හිටියා එහෙම ඇහුවම එයාව පිස්සු වැටෙනවා කියලා... මට උවමනා වුනේ අන්තිම වතාවට හරි ආදරෙන් බැඳෙන්න...

ඒත් එයා කිසි සසලවීමක් නැතුව හිටියා...

වෙනදට නම් එහෙම බැලුවත් ඇති... මාව පෙරලන් ප්‍රංශ හාදු දෙන්න..!

මං තනියෙන් තරු රටා තෝරන්න ගත්තා... අපි හමු වුන මුල් දවස් වගේම ඔරායන් ඇවිත් දුන්න අපි දිහාට දික්කරන් හිටියා... දුන්නේ තියෙන්නෙ මලක්... ඒ මල්සරා, නැතුව දඩයක්කාරයා නෙවේ. ඔහු කිව්වේ ඒ දවසේ එහෙම...

"අන්න අනංගයා අදත් ඉන්නවා"

මං එහෙම කිව්වම ඔහු ඔච්චමට හිනා වෙලා කිව්වේ ඒ දඩයක්කාරයා කියලාමයි... මං තර්ක කරන්න ගියේ නෑ... ඔහු කියනවා නම් ඒ දඩයක්කාරයා කියලා මං එහෙම පිළිගන්න පුරුදු වෙලා හිටියේ කොහොමත්...

"සරස්වති, අපි යන්නේ කීයටද? මට පහ වෙද්දි ලැහැස්ති වෙන්න තියනවා."

සරස්වතී...! ඒ තරම් දුරස් වෙලාද මාව... මං ඔයාගේ සාරා නේද... එයාගේ ප්‍රශ්නෙට මං පිළිතුරු දෙන්න දැනන් හිටියේ නැහැ... මේ ගමන රාත්‍රියෙන් නවතින්න. මං පැතුවේ එහෙම.

"තව ටිකකින් දකුණු අහසේ දකුණු කුරුසය දිස් වෙවී... ඔයා එකේ මාව තියලා ඇණ ගහන්න... ඊට පස්සේ ගෙදර ගිහින් ඔයාගේ මංගල්‍යයට ලක ලැහැස්ති වෙන්න පුලුවන්නේ..."

හීන සීතලයි තමයි... ඒත් මේ සීතල මේතරම් වේදනාකාරී කියලා මං දැනන් හිටියේ නෑ. රැයේ සීතල එක්ක මාව ගැහෙන්න අරන් තිවුණේ...

මට අවශ්‍ය වුණේ එයාට රිද්දන්න... මං හිමිහිට බෑග් එකට අත දාලා ලයිටරෙයි, සිගරට් පෙට්ටියයි ගත්තා... මං දුම් උරන කෙල්ලෙක් නෙවේ... ඒත් මං ගණිඳු එක්ක සිගරට් බීලා තියනවා. අපි ඒවා කළේ නිදහස භුක්ති විඳින්න... සිගරට් පෙට්ටිය සුදු පාටයි. එළියේ ප්‍රින්ට් කරලා තිබුණා හර්ද රෝග හා පෙනහළු පිළිකා ඇති කරයි කියලා. සිගරට් හතරක් සුදු පාට කොලේක ඔතලා තිබ්බා. මං එක සිගරට් එකක් තොල් අතර තියා ගත්තා.. ලයිටරේ පත්තු කලා.. පත්තු උනේ නෑ. දෙවනි පාර පත්තු කලා.. පත්තු උනා... ඒ එක්කම එයා මහ බරට සුසුමක් හෙලුවා...

"ඔයාට කොහෙන්ද මල්බොරෝ සාරා... අනික මං කිව්වා නේද සිගරට් ගහන්න පුරුදු වෙන්න එපා කියලා.."

මං කිසිදු වචනයක් නොකියා දුම් ඇද්දා... එයා කියා දීපු විදියට... එළියට නොයවා.

"සාරා ඔය තරම් විහින් නාස්ති වෙන්න හදන්න එපා. මං ජිවීතේ හුඟක් ආදරය කල ගෑනි උඹ... මං කොහොමද මේවා බලන් ඉන්නේ..."

ගණිඳු ඒක හිතන්න තිබ්බේ ගෙදරින් යෝජනා කල මනමාලිට කැමති වෙන්න පෙර නේද... මං ඇහුවේ නෑ... එයා මහ බරට සුසුම් යැව්වා...

මට සීතල දරාගන්න පුලුවන් වුණා... ඒවගේම කාටවත් නොකියා දුකත් මේ සිගරට් දුම් එක්ක වා තලයට මුසු කරන්න පුලුවන් වුණා... සිගරට් එකත් ඉවර වුණා. අපිට වෙන් වෙන වෙලාවත් ලං වෙමින් තිබුණේ එයා යන්න ඕන කියලා නැගිට්ටා. මාත් එයාට කීකරුව එයාගේ පස්සෙන් ගියා. එයා කාර් එක අරන් ගියේ නයිටෙන්ගෙල් මියුසික් ක්ල්බ් එකට... අපි හුඟ දවසකට පස්සේ ඒකට ගියේ.

එයා පුරුදු විදියට විස්කි බොන්න ගත්තා. මාත් බියර් බිව්වා එතකොට වෙලාව එකොලහයි හතලිස් පහයි. තව මිනිත්තු පහලවකින් එයාගේ ජිවිතයේ අලුත්ම දවස උදා වෙනවා... මං කිසි දෙයක් කිව්වේ නැහැ. අපි පුරුදු විදියටම ඒ සෙල්ලම පටන් අරන් තිබුණේ... එයා වෙන කෙල්ලෙක් එක්ක නටන්න ගියා... ඒත් මං බලන් හිටියා එයා දිහා... අද විතරයි මෙහෙම එයා දිහා බලන් ඉන්න පුලුවන්... මිනිත්තු දහයකට පස්සේ එයා ආවා...

"සාරා ඇයි අද ඩාන්ස් කරන් නැද්ද..?"

මං හිනාවුණා... එයාට හුඟක් වැදිලා තිබුණේ... එයා මං දිහා බලන් අඬන්න ගත්තා... මාව තුරුලු කර ගත්තා....

වෙනදා වගේම අපි අපි දෙන්නව අල්ලගෙන කාර් එකට ගියා... ඉන් පස්සේ එයා කාරය අරන් ගියේ එයාගේ මහල් නිවාසෙට... එයා ඉංග්‍රීසි ගීතයක් කිය කිය පඩිපෙල නැග්ගා..

අපි උදේ ඇහැරුණේ අපේ ඇඳේ ඉඳලා, ඒ එයාගේ අක්කා කතා කරන සද්දෙට. අපි දිහා හුඟක් අය බලන් හිටියා. මට දැනුණේ මගේ ඇස් නිලංකාර වෙනවා විතරයි...

එතකොට රාත්‍රිය මට වුවමනා විදියට නැවතිලා තිබුණේ..!
මේ වියමන ඔබේ මූණු පොතට එක් කරන්න-
Tags- Sinhala Short Story, Sinhala Kathandara, Sri Lankan Short Stories
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් කතන්දර බූන්දි
ලියුම්
සරසවි ශිෂ්‍යයාගේ මරණය
දෙවියන්ගේ වැරැද්ද හෙවත් හදවත දෙබඩි වීම...
ඉරණවිල එළිය
බුම්මන්නා පවුල සහ ලේලිය
බූන්දි නව ඊමේල් ලිපිනය- editorial@boondi.lk
BoondiLets
අයිසෙක් බුෂෙවිස් සිංගර් කියයි.
සාහිත‍්‍යයේ නියම හරය වන්නේ බුද්ධිය සහ හැඟීම් අතර ද ජීවිතය සහ මරණය අතර ද ඇතිවන සංග්‍රාමය යි. සාහිත්‍යය ඕනෑවට වඩා බුද්ධිමය වන විට, එනම් ආශාවන්... [More]
What's New | අලුතෙන්ම
කවි| බර

13-Secs

(ලාල් හෑගොඩ) ආලිංගනයෙන් මිදී කවියා
ඔසවා ගත්තේ ඇය දෑතට
මලක් දෝතට ගන්නා සැහැල්ලුවකිනි සිතේ

එනමුත් කවටකම රුචියෙන්
කීය මෙලෙස... [More]
කතන්දර| "ඔරුව"- රුසියානු ළමා කතන්දරය [වීඩියෝව]

14-Secs

පොඩිත්තන්ට රුසියාවෙන් කතන්දරයක්- වී. සුතේයෙව් ලියා සිත්තම් කළ "තෑග්ග" සෝවියට් ළමා පොතෙහි ඇතුළත් "ඔරුව" ළමා කතන්දරය (අනුවාදය- දැදිගම වී. රුද්‍රිගු)... [More]
පොත්| කාංචනාලගෙ පොකුණට ආපු පාත්ත මෙනවිය

5-Mins

(තාරක කල්දේරා) පාත්ත ගෑණි, පාත්ත කෙල්ල ආදී වශයෙනුත් පාත්තයාට මනුෂ්‍ය ස්වභාවයක් ආරූඪ කළ හැකිව තිබුණ ද ඇය මෙම ගැහැණු පාත්තයාට වික්ටෝරියානු ගෞරවාන්විතයක්... [More]
BoondiLets| පියදෝර් දොස්තෝව්ස්කි කියයි.
පව්කාරයෙකුට චෝදනා කොට පිළිකෙව් කිරීම තරම් පහසු අන් කිසිවක් නැත. එපරිදිම, පව්කාරයෙකු තේරුම් ගැනීම තරම් අපහසු අන් කිසිවක් ද නැත!
කතන්දර| ලියුම්

6-Mins

(ජනිත් විතාරණගේ) "අසෝක මහත්තයො මෙන්න මේක මහත්තයාට දෙන්න කියලාමයි මං අරගෙන ආවේ.."

හාමුදුරුවන්ට වැඳලා නැගිටිනකොටම සිවුරු පොට ඇතුලෙන් ඇදලා ගත්ත බාගෙට දියවෙච්ච බ්‍රවුන්පේපර්... [More]
අදහස්| [සරදගේ ලියුං හැකින්ස්]- ජාත්‍යන්තර හොරුන්ගේ සංගමයෙන් බය නැති අගමැතිට ලියුමක්

2-Mins

ඡන්දයක් පවත්වන්න යනවයි කියල හාවක් හූවක් යනකොට නානාප්‍රකාර පක්ෂ, පෙරමුණු බිහිවෙන්න පටන්ගන්නවා. පක්ෂ බිහිවෙන හදිස්සියට ඒවාට දමන්න නම් හොයා දෙන,... [More]
රංග| දේශපාලන සංස්කෘතියේ අඳුරු ප‍්‍රපාතයක් වෙත එබී බලන, "ප‍්‍රපාතය ළඟ වනස්පතිය"

6-Mins

(දමිත් වැලිකල) පසුගිය යෞවන නාට්‍ය උළෙලේ ඉදිරිපත් වූ නාට්‍ය අතරින්, ඉතා සරු වියමනක් ඔස්සේ නාටකීය ධාරණාවක් ආකෘතිකමය සෞන්දර්යකින් යුතුව ඉදිරිපත් කරන්නට සමත්... [More]
කවි| බිරියෝසා හිම හඬයි!

42-Secs

(ඩිල්ෂානි චතුරිකා දාබරේ) බබයිගා යකින්නගෙ කුකුළු අඬු ගේ ගාව මං හිටියෙ මුළු ගෙය ම මුර කරන්
ගෙයි මුල්ලෙ පූසගේ නියෙන් මා සීරිලා පිට පොත්ත තදින් වැහැරී ගිහින්
කඳුකරෙන් හැමූ එක් අවාරේ හුළඟකට කේඩෑරි කොළ වැටුණ ඉකි ගසන්
යකින්නිය යකින්නියෙ වතුර උතුරක් දියන් බිරියෝසා මම පුරන් වී ගිහින්

වසිලිස්සා කෙලි පොඩ්ඩි දුව එද්දි බයවෙලා කඳුලකින් දිග ගවුම නෑවිලා... [More]
කවි| හිරු බැස යෑම නියතයකි!

17-Secs

(විකුම් ජිතේන්ද්‍ර) ඔරලෝසු මුහුණත
කියයි
ඒ මොහොත පැමිණි බව...

තබමි සුදු පැහැ
හිස් තැනක්...... [More]
Cine| අතීත ව්‍යාධිය වෙත අනාගතයෙන් එන රෝග ලක්ෂණය (සමාප්තියක් නොවන ස්මර්ණ)

6-Mins

(විදර්ශන කන්නන්ගර) ස්මර්ණ සමාප්ති නම් වූ ටෙලි චිත්‍රපටිය රූපවාහිනියේ විකාශය වූයේ 2000 වර්ෂයේදීය. අප එම අත්දැකීම නැවත සිහිපත් කරමින් තිබෙන මෙම 2017... [More]
කතන්දර| "පොල්ලෙ බලේ"- රුසියානු ළමා කතන්දරය [වීඩියෝව]

19-Secs

පොඩිත්තන්ට රුසියාවෙන් කතන්දරයක්- වී. සුතේයෙව් ලියා සිත්තම් කළ "කතන්දර හා පින්තූර" සෝවියට් ළමා පොතෙහි ඇතුළත් "පොල්ලෙ බලේ" ළමා කතන්දරය (අනුවාදය-... [More]
BoondiLets| ජෝන් ලෙනන් කියයි.
ජීවිතය යනු, ඔබ කලබලයෙන් වෙන වෙන සැලසුම් සාදමින් ඉන්නා විට, ඔබට සිදුවන දෙයයි!
අදහස්| [සරදගේ ලියුං හැකින්ස්]- කහටගස්දිගිලියෙ කුසුමාවතීගෙන් මංගල ඇමතිතුමාට!

2-Mins

අපේ මංගී මහත්තයා නොහොත් මුදල් ඇමති මංගල සමරවීර මහත්තයා මේ පාර අය වැයෙන් බියර්වල මිල අඩු කළාට පස්සේ රටේ මිනිස්සු... [More]
ඔත්තු| මාසික සිනමා දැක්ම- 'Lipstick Under My Burkha'- නොවැ. 26

7-Secs

Alankrita Shrivastavaගේ "Lipstick Under My Burkha" චිත්‍රපටය, 2017 නොවැම්බර් 26 ඉරිදා, සවස 3:00 ට, මීගමුව... [More]
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook