Facebook
Twitter
Google+
YouTube
Blog
RSS Feed
වෙසෙස් බූන්දි
ටෙඩිබෙයා සහ ස්ත්‍රී ලිංගිකත්වය
බූන්දි, 18:25:16
ප්‍රවේශය

ප්‍රාථමික අවධියේදී ගැහැණු ළමුන් රුචි කරනුයේ තම අනුරුව දරන බෝනික්කන්ටය. අනාගතයෙහි වීමට අපේක්ෂිත මාතෘ සංකල්පයට සිය කුටුම්භ කාරකාදීන් සහ පොදු සමාජය විසින් කෙරෙන බලපෑමක් විනා එය අවශ්‍යයෙන් ම ඔවුන්ගේ සවිඥානයෙන් මතුව එන්නක් නොවේ. බෝනික්කා වනාහි ස්ත්‍රී ලිංගය භජනය කරන්නක් බැවින් ඊර්ෂ්‍යාපර ස්වභාවය දරනා ඇතැම් ළදැරියක් ඇයට වද දීමෙන් සතුටු වෙයි; ඉන් නොනැවතී බෝනික්කාගේ අවයව කඩා දමයි. එහෙත් ටෙඩිබෙයා සම්බන්ධයෙන් ස්ත්‍රී වර්ගයා දරන මතය මීට වෙසෙස් එකකි. පුරුෂ ලිංගික කෙළි බඩුවක් ලෙස හැඳිනිය හැකි ටෙඩිබෙයා, ෆ්‍රොයිඩ් පවසන ඊඩිපස් හා ඉලෙක්ට්‍රා සංකීර්ණවල අතු ශාඛා නියෝජනය කරන්නේ වෙයි. ළඳැරියන් මතු නොව තරුණියන් පවා මහත් ආශාවෙන් වැළඳ ගන්නා මෙම කෙළි බඩුව පිටුපස ඇති ස්ත්‍රී මනෝලිංගික චින්තාවන් කෙරේ සාපේක්ෂ අධ්‍යයනයක් මෙම ලිපියෙන් සිදු කෙරේ.

ප්‍රාරම්භක සිදුවීම

ටෙඩිබෙයා ළදරු මෙවලමක් වශයෙන් භාවිතයට පැමිණීමට තුඩු දුන් සත්‍ය සිදුවීමක් වෙයි. දඩ කෙළියෙහි ලෝලයකු වූ අමෙරිකානු ජනාධිපති තියඩෝර් රූස්වෙල්ට් 1902 වසරේදී සිය සමීප මිතුරන් හා මිසිසිපි පෙදෙස ආසන්නයේ වලස් දඩයමක නිරතවෙමින් සිටියේ ය. සෙසු සියල්ලන් කුමන හෝ දඩයමක් කරගැනීමට සමත් වූවත් ජනාධිපති තෙමේ ඊට අසමත් විය. එබැවින් ඔහුගේ සහායකවරයා වූ හෝල්ට් කොලියර් මහතා වලස් පැටවකු සොයා අවුත් අසළ විලෝ ගසක බැඳ ඌට වෙඩි තබා තම දඩයම සරිකරගන්නැයි ඉල්ලා සිටියේ ය. අනායාසයකින් කරන්නා වූ දඩයමක් වූ හෙයින් තියඩෝර් ඊට නොකැමති විය. දඩයමෙහි උද්යෝගිමත් පුද්ගලයෙකු වූ තියඩෝර් වලස් පැටවකු දඩයම් කිරීම මඟහැරියේය යන පුවත රට පුරා ප්‍රසිද්ධ විණි. එහි ප්‍රතිඵලයක් වශයෙන් ක්ලිෆර්ඩ් බෙරිසන් විසින් Washington Post පුවත්පත සඳහා මෙම සිදුවීම කාටූනයට නැගූ අතර ඊට 'ටෙඩීගේ වලසා' (Teady’s Bear) යන නාමය යොදන ලදී. ඒ ජනාධිපති තියඩෝර්ගේ නාමය කෙටි කර (Theodore- Teady) සැකසීමෙනි. කාටූනය දුටු මොරිස් නම් සෙල්ලම් බඩු නිෂ්පාදකයෙක් වලසාගේ අනුරුවක් සාදා සිය සාප්පුවේ ප්‍රදර්ශනයට තැබීය. 'ටෙඩි' යන නාමය යෙදීමට ජනාධිපති තියඩෝර්ගෙන් අනුමැතිය ලැබිණි. එතැන් පටන් බොහෝ ළඳරු කෙළි බඩු සකසන්නන් ටෙඩිබෙයා අනුරුව භාවිත කරන ලදී.


ක්ලිෆර්ඩ් බෙරිසන්- Washington Post (1902)

පුරුෂයන් සහ සෙල්ලම් භාණ්ඩ

ගැහැණු ළමුන් කුඩා අවධියේදී බෝනික්කන් ප්‍රිය කළ ද ක්‍රමයෙන් වැඩෙත් ම වීරයන්ට ආශක්ත වෙති. පිරිමි ළමුන්ගෙන් මෙහි අනෙක් පස නියෝජනය කෙරේ. එනම් කුඩා අවධියේදී වීරයන් ප්‍රිය කරන ඔවුන් තරුණ වියට එළඹෙත් ම නැඹුරුවන්නේ බෝනික්කන් බඳු යුවතියන්ට ය. එහෙත් ස්ත්‍රීන්ට සාපේක්ෂව ටෙඩිබෙයාට කැමති පුරුෂ පක්ෂය අවප්‍රමාණ වේ. පිරිමි ළමුන් සෙල්ලම් භාණ්ඩවලට දක්වන උනන්දුව පිළිබඳව විග්‍රහයක යෙදෙන ඇනා හා බාබරා පීස් පවසන්නේ ඔවුන් ටෙඩිබෙයකු මිලදී ගැනීමට වඩා රුචි කරන්නේ ඊට ඉහළ මිලක් ගෙවා ගැහැනුන් මිලදී ගැනීමට බවයි; ස්ත්‍රීන් මෙන් පුරුෂයන් ටෙඩිබෙයා කෙරේ උනන්දු නොවනබවයි; ඉහළ මිලක් වැය කර හෝ තම අභිමත වස්තූන් ලබාගැනීමෙහි නොතිත් බවයි. පුරුෂයා වනාහි අවිඥානික දඩයක්කාර මොළය දරා සිටින්නෙකි. මහ වනයේ දිවයන ඔහු එහි කෝණ, දුර ගැළපුම් මෙන් ම කාර්ය සාධන හැකියාවන්ට අදාළ ක්ෂණික ආයුධ සැකසීම් ආදිය සැලසුම් කිරීමෙහි සමතෙකි. එබැවින් බොහෝ පුරුෂයන් රුචි වනුයේ එකී ශිල්පීය ලක්ෂණවලට උත්ප්‍රේරණය සපයන යාන්ත්‍රික සෙල්ලම් භාණ්ඩ කෙරෙහි ය.

ස්ත්‍රී ලිංගිකත්වය

ටෙඩිබෙයා සහ ස්ත්‍රිය සම්බන්ධව මනෝවිද්‍යාඥයින්ගේ ගවේෂණ ඇරඹියේ අද ඊයේක නොවේ. ඔස්ට්‍රියානු ජාතික මෙලනි කෙලීන් (1882-1960) සෙල්ලම් භාණ්ඩ පරිහරණය කරන ආකාරයෙන් ළමා ෆැන්ටසිය අවබෝධ කොට ගත හැකිබවත්, ඔවුන්ගේ අභ්‍යන්තර හැඟීම් ඉන් නිරූපණය වන බවත් පැවසීය. ෆ්‍රොයිඩ්, ඇඩ්ලර් වැනි ප්‍රධාන මනෝවිද්‍යාඥයින් පවා ළමයින්ගේ 'ඉඩ්' සහ 'ඊගෝ' වර්ධනය වී නැතැයි ළමා මනෝවිශ්ලේෂණයට අත ගැසීමට බියෙන් පසු වූව ද මෙලනි එය අනුමත නොකරන ලදී. ඊඩිපස් සංකීර්ණයේදී දරුවා මුඛීය අවධියේදී ම මව අත්පත් කරගැනීමට ආශා දක්වන බව පවසන ඇය පියා මෙන් මවව පාලනය කිරීමට තමාට හැකිබව සිතමින් දරුවා සතුටු වන්නේ යැයිද තවදුරටත් පවසයි. සැබවින් ම ටෙඩිබෙයා සංකල්පයේදී වන්නේ එහි අනෙක් පසයි. ඉලෙක්ට්‍රා සංකීර්ණයේදී තමාට පියා පාලනය කළ හැකි යැයි දැරිය සිතන්නට ගනී. එහෙත් මව දැනටමත් පියාව අත්පත් කරගෙන සිටිනා දකින ඇය මව කෙරේ උරණ වෙයි. ඇයට පිරිමියෙකු තනිව ම හිමි කරගැනීමේ අදහස උපදී. එහි ප්‍රතිඵලයක් වශයෙන් අවිඥානිකව පුරුෂ ලිංගික කෙළිබඩුවක් වන ටෙඩිබෙයා සන්තක කර ගනී. ටෙඩිබෙයා තමාට පමණක් හිමි කරගැනීමෙන් ඇය තෘප්තිමත් වෙයි. මෙලනිගේ අදහසට විරුද්ධ වූ ෆ්‍රොයිඩ්ගේ දියණිය ඇනා ෆ්‍රොයිඩ් කියා සිටියේ 'ඕනෑවට වඩා ක්‍රීඩා භාණ්ඩවලින් මානසිකත්වය විග්‍රහ කිරීමට යාම හානිකර විය හැකි' බවයි. එය ද එසේ මැ යි.



ලොව ආරම්භක යුගයේ පැවති සමාජ සංස්ථා අවධි කිහිපය අතරින් මිනිසා ශිෂ්ටාචාරගතවීම පිළිබඳ සංරචකයන්ට පෙර පැවතියා වූ දඩයම් යුගය ස්ත්‍රී පුරුෂයන්ට අනන්‍ය ලක්ෂණ උත්පාදනයෙහි මූලික අඩිතාලම ලෙසින් ක්‍රියාකරයි. ගල් යුගයේ සිට පැවත එන කාන්තාවගේ මනස ටෙඩිබෙයා අභිමුවෙහි සක්‍රීය වන්නට ගනී. ඩෙස්මන්ඩ් මොරිස්, 'නිරුවත් වානරයා'හි දක්වන ගල් යුගයේ පුරුෂයාගේ නිර්මිතය ස්ත්‍රී චින්තය දැඩිව ඇඳ බැඳ තබා ලූවකි. ඒකීය අරමුණක් වෙනුවෙන් එදිනෙදා දිවිසරි කරගනු වස් සමූහ වශයෙන් වසර දහස් ගණනක් තිස්සේ මහ ඝන වනයේ දඩයම් පිණිස ගිය පුරුෂයෝ ඕනෑම අවධානමකට මුහුණ පෑ හැකි ආකාරයේ කාය ශක්තියකින් ද චිත්ත ශක්තියකින් ද හෙඹිවූවෝ වෙත්. ශක්තිමත් දිගු බාහු, උස් ශරීරය, පුළුල් උරහිස් සපිරි දැඩි ලකුණු පෙන්වන මිනිසා දඩයම් කාර්යයේ දී අවශ්‍යයෙන් ම සටන්කාමී විය යුතුය. සුපිරි වීරයන් ලෙසින් කාන්තාවන් පුරුෂයන් දක්නා කැමතිවනුයේ ද එහි ප්‍රතිඵලයක් ලෙසිනි. දැඩි ලොම් ආවරණයකින් සැදුණු, තියුණු ප්‍රහාර එල්ල කිරීමට සමත්, දිදුලන, කුඩා නමුත් සෘජු දෙනෙත් ඇති වලසා කෙරෙන් සංකේතීය වනචාරී මිනිසා ඉස්මතුව ස්ත්‍රී අවිඥානයේ රඟ දෙන්නට වෙයි. පිරිපුන් හස්ත පාද ආදියත්, නිතම්බ ප්‍රදේශයත්, තියුණු දෙනෙතත් ස්ත්‍රී මනස ඩැහැගන්නා ටෙඩිබෙයා දරන පුරුෂ ශරීර ලකුණු වෙයි. පසු කලෙක විවිධ වර්ණයෙන් හැඩ වුවද මෙකී සෙල්ලම් භාණ්ඩයට අනන්‍ය වර්ණය වූයේ තද දුඹුරු පැහැය යි. එය දැඩි හිරු රැසට උරදෙන පුරුෂයා සතු තලෙලු පැහැය ඉඟි කරන්නකි. එබැවින් ටෙඩිබෙයා කෙරෙන් ස්ත්‍රිය දුටුවේ මෙකී පුරුෂයා ම විය හැකියි.

කාර්ල් යුං (1875-1961)ගේ මනෝ විශ්ලේෂණවාදයට අනුව සෑම ස්ත්‍රියකගේ ම අවිඥානයේ පුරුෂ ස්වභාවයක් ද, සෑම පුරුෂයකුගේ ම අව්ඥානයේ ස්ත්‍රී ස්වභාවයක් ද ස්ථාවරව පවතිනබව පැවසීය. ඒවා පිළිවෙළින් 'අනිමුස්' හා 'අනිමා' සංකල්ප ලෙස අර්ථ දැක්වේ. ඒ අනුව ස්ත්‍රියක් පිරිමියකු වීමේ ආශා මනසින් පසුවන බව දැක්වේ. ටෙඩිබෙයකු ලබාගැනීම යනු ඒ පුරුෂයකු වීමේ අරමුණ තමා ලබාගත් බවට කරන සංකේතීය නිවේදනයකි. අනෙක් අතින් කුඩා ටෙඩිබෙයෙකු මඟින් ස්ත්‍රියගේ මනසයට ගෝචර වූයේ මාතෘ සංකල්පය වීමට ද පුලුවන. සිය පුතු කෙරේ මව දක්වන ආශක්තභාවය යයි ෆ්‍රොයිඩ් දක්වන ඊඩිපස් සංකීර්ණයට නෑකම් කියන්නකි එය. මවක් දුවකට වඩා සමීප වනුයේ පුතකුට ය. ටෙඩිබෙයා මඟින් තම දරුවා අවිඥානික මනසෙහි මවාගන්නා ළදැරියන් මවකගේ භූමිකාවට පිවිසේ. වත්මන වනවිට ප්‍රමාණයෙන් ඉතා විශාල ටෙඩිබෙයාලා නිපදවීමට නිෂ්පාදන කම්හල් සමත්ව සිටී. මෙකී විශාල ශරීර ප්‍රමාණය ද ස්ත්‍රී ලිංගිකාස්වාදයෙහි උපරි ව්‍යුහය නියෝජනය කරයි. මන්ද ස්ත්‍රී චිත්තය සොයන්නා වූ පුරුෂයා හැඩි දැඩි තමාට වඩා උස් හෝ විශාල, පිරිපුන් මාංහපේශීන් සහිත (ෆොයිඩ්ට අනුව විශාල ශිෂ්ණයක් සහිත) අයෙකි. උස් ටෙඩිබෙයා සිය සයන මත තබන ගැහැණු ළමෝ ඔවුන් වැළඳ සිය ලිංගික ආශාව වක්‍ර මාර්ගයෙන් විසඳාගනී. ටෙඩිබෙයා සමඟ අනියමාකාරයෙන් ලිංගික සුවය විඳි තරුණියන් පිළිබඳව අන්තර්ජාලය ද සාධක සපයයි.

ළදරුවන් විෂයෙහි ටෙඩිබෙයා

ටෙඩිබෙයා කාටූන් ලොවට පිවිසෙන්නේ ළදරුවන් කේන්ද්‍ර කරගනිමිනි. එහෙත් ඒ අතර ස්ත්‍රිය හා වන සම්බන්ධය කෙරේ ඉලක්කගත අවස්ථා ද හමුවේ. Jungle Book, Kung Fu Panda, Brave, Winnie the Pooh වැනි කාටුන් චිත්‍රපට වලසා සහ ටෙඩිබෙයා අනුව නිමි ඒවා වෙයි. Brave (2012) චිත්‍රපටයේ වලසකු බවට පත්වන මවක හා ඇගේ දියණියක පිළිබඳ කථාන්දරයක් දිවෙයි. වලසා වූයේ මව වුවද අංග ලක්ෂණ සියල්ල පුරුෂයා සංකේතවත් කරයි.

බටහිර පෙර පාසල් ගීයක එන "Teddy bear, Teddy bear turn around
Teddy bear, Teddy bear touch the ground" වැනි වැකි ටෙඩිබෙයා ළදරු මනස අත්පත් කරගත්බවට දෙස් දෙයි. පෙර පාසල් ළමුන්ගේ ඉගෙනුම් ශක්‍යතා, සුහදතාව හා සුරක්ෂිත හැඟීම් වර්ධනය කිරීමට ටෙඩිබෙයා සෙල්ලම් භාණ්ඩයට හැකි වී ඇතැයි ප්‍රාථමික අධ්‍යාපනයෙහි නිරත ළමුන් යොදාගනිමින් පර්යේෂණ පවත්වන නිව්යෝක් නුවර මනෝවිශ්ලේෂක ගුරු කුලයේ පර්යේෂකයෝ පවසති.



සමාලෝචනය

ස්ත්‍රී ලිංගිකත්වය සම්බන්ධව මනෝවිද්‍යා මූලාශ්‍ර බහුලය. ඒ අරභයා ඇති තතු ද ගැඹුරු ය. තත් විෂය පථය කෙටි කර දක්වමින් නිගමන මේ මේ යැයි සෘජුව කිව නොහැක්කේ එබැවිනි. මනෝවිද්‍යාත්මක ලොවෙහි නොනිමි පර්යේෂණ තවදුරටත් සිදුකෙරෙමින් පවතින්නේ වුවද අප කළ සීමාන්තික අධ්‍යයනයට යොදාගන්නා ලද්දේ අවැසි ම වූ දත්ත පමණෙකි. ටෙඩිබෙයා යනු ස්ත්‍රී අවිඥානයේ ම නිරූපිතයකැයි ඉහත එළඹුම් මඟින් තහවුරු වන නමුදු ස්ත්‍රී ලිංගිකත්වය සම්බන්ධයෙන් තවදුරටත් මනස් ව්‍යුහය විවරකළ යුතුව පවතී. ඊට ඌන පූර්ණයක් වශයෙන් පහත වැකි කිහිපයෙන් අප ලිපියේ කේන්ද්‍රීය න්‍යෂ්ටිය මුදාහරිමු.

එංගල්ස් දක්වන ඓතිහාසික පවුල් විකාශනයෙහි බහු පුරුෂ සේවනයේ සිට ඒකල පුරුෂයා කරා විතැන් වීමෙන් හටගත් ශිෂ්ටසම්පන්න සමාජයක ටෙඩිබෙයා යනු පෙර කී බහු පුරුෂ සංකල්පය ම සංකේතීයව ලබාගැන්මකි. එක් ටෙඩිබෙයකුට සීමා වීමේ නියමයක් හෝ නෛතික ගිවිසුමක් ස්ත්‍රියට නැති බැවිනි. එනිසා ටෙඩිබෙයාලා එසේ සිටියදී, බෝනික්කන් පසුකර අප ගල් යුගයෙන් ඔබ්බට යා යුත්තෙමු.
මේ වියමන ඔබේ මූණු පොතට එක් කරන්න-
Tags- Teddy Bear, Female Sexuality, Theodore Roosevelt, Sigmund Freud, Carl Jung, Psychoanalysis, Anna Freud, Desmond Morris, Naked Ape, Clifford Berryman
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ඩිල්ෂානි චතුරිකා දාබරේගෙන් තවත් වියමන්
පොත්
සමහර කමටහන් සහ සමහර රජත
පොත්
ලියෝ තෝල්ස්තෝයිගේ ඇනා කැරනිනා නවකථාව සහ ද්විත්ව කථා වින්‍යාසය පිළිබඳ විමසුමක්
තවත් වෙසෙස් බූන්දි
මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
මුතුරාජවෙල වනසන්නට පෙර
රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා
බූන්දි නව ඊමේල් ලිපිනය- editorial@boondi.lk
BoondiLets
හර්මන් ගෝරිං (නියුරම්බර්ග් නඩුවේ දී) කියයි.
ස්වභාවිකවම සාමාන්‍ය මිනිසුන් යුද්ධයට අකමැතිය. මෙය රුසියාවටත්, එංගලන්තයටත් එසේම ජර්මනියටත් එකසේ අදාලය. මේ අපේ අවබෝධයයි. එසේ වුවත් අවසානයේ දී ප්‍රතිපත්තිමය තීරණ ඇත්තේ රටක නායකත්වය අත... [More]
What's New | අලුතෙන්ම
Cine| "මේ රට මගෙ නෙවෙයි; මගෙ අම්මගෙත් නෙවෙයි" සමඟ "28" කියවීම

8-Mins

(කේ.ඩී. දර්ශන) මෙය 28 සිනමාපටය ගැන බරපතල න්‍යායික විචාරයක් නොවෙන්න පුළුවං. දවසින් දවස මතු කරගන්නවා වෙනුවට සංස්කෘතික සළුපිලි අන්දලා යට කරන්න හදන... [More]
කතන්දර| "කළු කිටියා හරි නරකයි"- ළමා කතන්දරය [වීඩියෝව]

27-Secs

අනුෂ්කා රවිශංකර් පොඩිත්තන් වෙනුවෙන් රචනා කළ, ප්‍රියා කුරියාන් සිත්තම් කළ, "It's All the Cat's Fault!" සිඟිති කතන්දරය ඇසුරින් හැදූ කාටූනය.... [More]
ඔත්තු| 'තට්ට ගායිකාව' කෘතිය දොරට වැඩුම- සැප්. 2

1-Mins

රුමේනියානු- ප්‍රංශ අභූතරූපී නාට්‍ය රචක යූජෙන් ඉයොනෙස්කෝගේ La Cantatrice Cahuve හෙවත් The Bald Soprano නාට්‍යයෙහි... [More]
ඔත්තු| නේරංජනේ ඉස්නානේ- අගෝ. 29

16-Secs

2000 වසරේදී අතිශය ආදෝලනයට මෙන්ම නොනිල තහනමකට ලක්වූ කේ. කේ. සමන් කුමාරගේ 'නේරංජනේ ඉස්නානේ' නවමුද්‍රණය,... [More]
පොත්| සමහර කමටහන් සහ සමහර රජත

8-Mins

(ඩිල්ෂානි චතුරිකා දාබරේ) ශ්‍රී ලංකා පොත් ප්‍රකාශකයන්ගේ සංගමය විසින් පිරිනැමෙන 2016 වසරේ ප්‍රකාශිත ප්‍රශස්තත ම කාව්‍ය කෘතිය සඳහා වන රජත සම්මානය පසුගිය දා... [More]
කවි| An Attacked Mosque alias Sutta Palli

40-Secs

(ෆතීක් අබූබකර්) Poem embeds the same boy
twenty sixth time
into the memory of an attacked mosque
where thousand eyes of misery
are wide-opened scars... [More]
කතන්දර| රා ත්‍රි ය

2-Mins

(අරුශිමා කරුණාකලගේ ) ඒක හුඟක් කෙටි රාත්‍රියක්... මට උවමනා වුනේ ඒ රාත්‍රිය නවත්තන් ඉන්න... ඉවරයක් වෙන්න නොදී... අපි වෙනදා වගේම අසුන් ගත්තේ බිම... [More]
වෙසෙස්| මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා

7-Mins

(කපිල මහේෂ් රාජපක්ෂ) සේද මාවත පසුකර රුවල් නැවෙන් වෙළදාමේ ගිය වෙළෙන්දා විසිතුරු ඇඳුම් ආයිත්තම් මහද්වීපයෙන් මහද්වීපයට ගෙන ගොස් වෙළදාමේ යෙදුණි. ඒ යුගය වන... [More]
රත්තරං ටික| දේශපාලන කිණිතුල්ලෝ

1-Mins

(සුනන්ද මහේන්ද්‍ර) සෝමෝසයේ වැසියෝ අත් පා බඳින ලද මිනිසෙකුට කුරිරු ලෙස තලමින් රංග භූමියට පිවිසෙති. ඒ මිනිසා... [More]
රංග| ඇරිස්ටොෆනීස් -සම්භාව්‍ය කොමඩියේ පියා- සහ ඔහුගේ කෘති

4-Mins

(සංජීව නුවන් ගුණරත්න) ශ්‍රේස් දෙවඟනාවෝ, සදාකාලික නිවහනක් සොයා යද්දී එය සොයා ගත්තේ ඇරිස්ටොෆනීස්ගේ ආත්මයෙහිය.
-ප්ලේටෝ- මධුසාදය- ඩී.ආර්.පෙන්නම්පෙරුම පරිවර්තනය

ඇරිස්ටොෆනීස් ක්‍රි.පූ. 444 දී ඇතෑන්ස් නගරයේදී උපත... [More]
රත්තරං ටික| ධනේශ්වරයේ නැගීම- කොමියුනිස්ට් ප්‍රකාශනයෙන්

2-Mins

ධනපති පංතියේ යුගය වන අපේ මෙම යුගයට අයත් විශේෂ ලක්ෂණය නම් එය පංති ප‍්‍රතීඝතය සරල... [More]
පරිවර්තන| ආත්මීය කුණාටුව

13-Secs

(එමිලි ඩිකින්සන් | මාලතී කල්පනා ඇම්බ්‍රෝස්) පහර දුනි එය මට, හැමදාම
නැවුම් විය අකුණුසර,
වලාවක ක්ෂණික විවරයකින්
විහිදුවන ගින්නක්ව

දැවී එය මා රෑ කල... [More]
පරිවර්තන| පීඩිතයෝ

47-Secs

(එදුවාර්දෝ ගලියානෝ | මහේෂ් මුණසිංහ) බල්ලෙකු මිලට ගැනීමට මැක්කෝ සිහින දකිති
බඳුන් පිරෙන්නට වාසනාවේ වැසි වැටෙතැයි
පීඩිතයෝ සිහින දකිති

එහෙත් වාසනාවේ වැසි නම් නොවැටෙයි
ඊයේ නොවේ අද, හෙට, අනිද්දා කවදාවත්... [More]
කතන්දර| "හඳහාමී මගෙ යාලූ"- ළමා කතන්දරය [වීඩියෝව]

27-Secs

රෝහිණී නිලේකානි පොඩිත්තන් වෙනුවෙන් රචනා කළ, "The Moon and The Cap" සිඟිති කතන්දරය ඇසුරින් හැදූ කාටූනය.

Sinhala Translation of... [More]
කවි| තාත්තේ කෝ ඔය ඉදිමුණ අත දෙන්න....

46-Secs

(තුෂාරිකා ඇන්තනි) කැණියුලාවේ ඵලක් නොමැති බැල්මත්
බෙහෙත් විද දෙන
නිමා නැති රුදුරු රිදුමත් නවතා
මට පුළුවනි ලොවම අතැ'ර
රෝගී ඔබ අත පිරිමැද මැද
ඔබ ළඟම ගැවසී... [More]
කතන්දර| "රජ්ජුරුවෝ කෙට්ටු වෙලෝ"- ළමා කතන්දරය [වීඩියෝව]

24-Secs

පරිස්මිතා පොඩිත්තන් වෙනුවෙන් ලියා සිත්තම් කළ, "Fat King Thin Dog" සිඟිති කතන්දරය ඇසුරින් හැදූ කාටූනය.

Sinhala Translation of the Kids... [More]
ඔත්තු| "රාජ්‍ය සේවකයාට සමාජ මාධ්‍ය අකැපද?" කතිකාව- ජූලි 26

12-Secs

"මූණුපොතේ කවි ලියූ ගුරුවරයාට දඬුවම් කිරීම -වර්තමානයෙන් අනාගතයට- රජයේ සේවකයාට සමාජ මාධ්‍ය අකැපද?" යන මැයෙන්... [More]
ඔත්තු| කොළඹ නාට්‍ය කතිකාව නව මුහුණුවරකින්- ජූලි 25

39-Secs

ඉන්ටර් ඇක්ට් නාට්‍ය කණ්ඩායම පසුගිය වසර පුරා පවත්වාගෙන ආ කොළඹ නාට්‍ය කතිකාව නව මුහුණුවරකින් මේ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook