Facebook
Twitter
Google+
YouTube
Blog
RSS Feed
වෙසෙස් බූන්දි
එක ම ගඟට දෙවරක් නොබට මිනිසා, හෙරක්ලීටස්
බූන්දි, 17:56:55
අපරදිග ලෝකයේ බටහිර දර්ශනය බිහිවීමට තුඩුදුන් ප්‍රධාන භූගෝලීය මර්මස්ථානය වූ ග්‍රීසිය අයෝනියන්වාදීන්, ඊලියානුවාදීන්, පෛතගෝරස්වාදීන්, විතණ්ඩාවාදීන් හා සෙසු දාර්ශනිකයන්ගෙන් සුසැදි ඥාන කෝෂ්ඨාගාරයක් විය. ක්‍රි.පූ. 585 දී බැබිලෝනියන්වරුන් දැරූ මත නිශ්චය කරමින් සූර්යග්‍රහණයක් පිළිබඳ අනාවැකි පළකළ තේල්ස්ගේ සිට ඇරිස්ටෝටල් මිය ගිය ක්‍රි.පූ. 322 දක්වා වූ ශත වර්ෂ දෙකහමාරක කාල පරාසය බටහිර දර්ශනයේ උසස් සහ ඵලදායී ම දාර්ශනිකයන් බිහි වූ අවධිය බව වියතුන් අවිවාදයෙන් පිළිගන්නා කරුණකි. ග්‍රීක දර්ශනයේ කූටප්‍රාප්ත අවස්ථාව සනිටුහන් කළ සොක්‍රටීස්ට පෙරාතුව ඇතෑන්ස් නුවර ආධිපත්‍ය පතුරවාසිටියේ විශ්වය හා සිව් මහා භූතයන් පිළිබඳ ඥාන ගවේෂණයෙහි නියැළෙන්නන් ය. මොවුන් උත්සුක වූයේ 'මනුෂ්‍යයා පිළිබඳ දර්ශනයක්' (philosophy of man) ගොඩනැගීමටත් වඩා භෞතිකමය සංඝටක පිළිබඳ අධ්‍යයනය කරමින් විශ්වය සම්බන්ධ දර්ශනයක් (philosophy of the universe) වෙනුවෙන් බුද්ධීවාදී එළඹුමක් ලබාදීමට යි. මොවුන් අතරින් අයෝනියාවේ එපීසස් නගරයේ සිට පැමිණි හෙරක්ලීටස් (ක්‍රි.පූ. 536-470) අතිශය වැදගත් වෙයි. ඒ.ඩී.පී. කලංසූරිය 'ග්‍රීක දර්ශනය' කෘතියෙන් අවධාරණය කරමින් පවසා ඇත්තේ ද ප්‍රාග් සොක්‍රටීසියානු දර්ශනයේ ගැඹුරු හා ශක්තිමත් ම අදහස් ගෙනෙන ලද තැනැත්තා මොහු බවයි. තේමාවෙහි එන හෙරක්ලීටස්ගේ සුප්‍රකට මතයෙන් ඔබ්බට ඔහුගේ චින්තාවන් කෙරෙහි විමර්ශනාක්ෂිය යොමුකිරීම මෙම ලිපියෙන් අපේක්ෂා කෙරේ.

විශ්වයේ ආරම්භය කෙසේ සිදුවීද? එහි මූල පදාර්ථය කුමක්ද? යන පැන සඳහා තේල්ස්, ඇනැක්සිමැන්ඩර්, ඇනැක්සිමීනිස් ආදී මුල්කාලීන මයිලීටස්වාදී දාර්ශනිකයන් සැපයූ භෞතිකමය නිර්වචනය පිළිතුරු අනුව ම යන හෙරක්ලීටස් 'විශ්වය අග්නියෙන් සෑදී ඇතැ'යි ප්‍රකාශ කරයි. ඔහුගේ මතයෙහි විශේෂ වදන නම් 'නොනිවෙන අග්නිය' යන්නයි. මෙම සංකල්පය කේන්ද්‍ර කරගත් හෙතෙම ප්‍රවාහී ධර්මය නොහොත් doctrine of flux නම් පැවැත්මක් පිළිබඳව විස්තර කර තිබේ. ඔහු පවසන සර්වසාධාරණ විපරිණාම සංකල්පයට මූලිකවන්නේ මෙය යි. ඉන් කියැවෙන්නේ විශ්වයේ ආරම්භය, පැවැත්ම හා පරිණාමය වීමෙන් අනතුරුව නැවතත් විශ්ව වස්තූන් අග්නිය ම වන බවයි. තත් දහම සුප්‍රකට දර්ශනිකයෙකු වූ ප්ලේටෝ 'ගංගාවක් මෙන් සියලු දේ ප්‍රවාහී ස්වභාවයෙන් යුක්ත වෙයි' ලෙස පසු කලෙක විස්තර කරන්නට යෙදිණි. හෙරක්ලීටස්ගේ ප්‍රචලිත ම ප්‍රකාශය වන 'ගංඟාවකට මිනිසෙක් දෙවරක් නොබසින්නේ ය' සහ 'එක ම ගඟට අපි බසිමු. අපි නොබසිමු. අපි සිටිමු. අපි නොසිටිමු' යන අදහස ලොව පිළිබඳ හුදු ද්‍රව්‍ය වස්තූන්ගෙන් එහා කළ ප්‍රකාශයකි. බුදුදහම හා දර්ශනය තුලනාත්මකව ගෙන විමසන ඇතැමෙක් එයට බෞද්ධ අර්ථකථන දීමට සිතනුයේ බුදුන් පැවසූ මෙබඳු ම අදහසක් හා සමතැන තබමිනි. තාරකා විද්‍යාව සම්බන්ධයෙන් විශේෂයෙන් ග්‍රහලෝක අරභයා වැඩි නැඹුරුවක් පැවති මෙම අවධියේ ඒ කෙරේ යුහුසුළු වූ ප්‍රාරම්භකයන් අනුව නොගිය මොහු සූර්යයා සම්බන්ධයෙන් තමා දරන ලද නොනවතින ප්‍රවාහීභාවයේ ධර්මතාව නම් ස්ථාවරයෙහි ම රැඳී සිටියේ ය. 'සෑම දින ක ම සූර්යයා අලුත් ය' යන්න ඔහු දැරූ අදහස යි. හෙරක්ලීටස් දැරූ මතය එය වූව ද ඔහුගේ සමකාලීනයෙකු වූ පාමෙනිඩේස් ගෙන ආයේ එහි විරුද්ධ තර්කය යි. එනම් 'කිසිවක් වෙනස් නොවන බවයි; ඒකාන්ත වෙනස්වීමක් නොමැති බවයි'. කෙසේ වෙතත් හෙරක්ලීටස්ගේ අදහස් සම්බන්ධයෙන් එවකට ග්‍රීසියේ විසූ එම්පිඩොක්ලීස්, ඇරිස්ටෝටල්, ප්ලේටෝ පවා උනන්දු වූ බව මෙයින් වටහා ගත හැකිවේ.

මිනිසාගේ ඉතිහාසය වනාහි ශිෂ්ටාචාරයෙන් ශිෂ්ටාචාරයට කළ සටන් හා ලේ වැගිරීම්වල ප්‍රතිඵලයකි යන්න පවසන ඉතිහාසඥයන්ගේ මත සඳහා හෙරක්ලීටස් ග්‍රීසියේ දී දැක් වූ ඇතැම් අර්ථකථන ද පුරෝගාමී සාධක සපය යි. ඔහු සිය Fragments නම් ලිපිවල 44 වන ඛණ්ඩයෙහි දී 'සියලු දෙයෙහි පීතෘ වන්නේ සටන ය' යි පවසයි. ඔහු එය තවදුරටත් මෙසේ විස්තර කරයි; 'විරෝධය යහපත් ය. විරුද්ධ දෙයෙනි උසස්ත ම එකඟභාවය ලැබෙන්නේ. සටන මාර්ගකොට සියලු දේ උත්පාදනය වේ.' මෙය වූ කලී ඔහු කළ වැදගත් ම ප්‍රකාශ අතරින් එකකැයි හැඳින්වීම සාධාරණය. සටන යන්නෙන් ඔහු අදහස් කරන්නේ යුක්තිය පමණක් නොවේ. හුදු දේශපාලනික ස්ථාවරයක පමණක් සිට නොවේ. නොනවතින ජගත්විෂයීය ධර්මතාවක් ය යන්න සෘජුව පවසමිනි. ස්වභාව ධර්මයේ පැවැත්ම තුළ හොඳ හා නරක දෙක අන්‍යොන්‍යව ක්‍රියාකිරීම නිසා නොවේ නම් ලෝක පැවැත්ම ද නවත්නා බවයි ඔහුගේ අදහස. විශ්වය නිරන්තරයෙන් ප්‍රතිපක්ෂ මාර්ග දෙකක් සමඟින් ඝට්ටනය වේ. එම ගැටීම අවසානයේ ප්‍රතිපක්ෂ මාර්ගයෙන් සිදුවන ක්‍රියාවලීන් මඟින් බිහිවන ප්‍රතිවිරෝධීබව හේතුවෙන් ම එකඟතාවක් නැතිනම් 'ප්‍රතිවිරුද්ධ යුගලයන්ගේ සාමයක්' ද පැන නඟී. දුන්නෙහි දුනු දිය ප්‍රතිවිරුද්ධ පක්ෂ ද්වයට ම නොඅදින්නේ නම් එහි දුන්නක් නැත. දුනු දිය අදින පසට මෙන් ම බලයක් අනෙක් පසට ද හිමි විය යුතුය. මෙය නිව්ටන්ගේ තෙවන නියමයට සාදෘෂ්‍ය වන්නකි. හේගල් දක්වන 'සෑම දෙයක් ම එහි ප්‍රතිවිරුද්ධ පක්ෂය බවට පෙරළේ' යන්න ද ඔහුගේ යථෝක්ත අදහස සංස්පර්ශ කරන්නකි. හුදු සංඝටකමය ගැටීමක් නොවන මෙම සංකල්පය (identity of opposites) හෙරක්ලීටස්ගේ අග්නිය හා බැඳී දර්ශනයේ ම උප කොටසක් වශයෙන් දතයුතුය. බර්ටෝල්ඩ් බ්‍රෙෂ්ට් පවසන 'නොමැරී සිටීමට නම් විරෝධය පෑ යුතුම ය' වැනි අදහස් හෙරක්ලීටස් වැනි දාර්ශනිකයන්ගේ අදහස් වඩා ඔපමට්ටම් කරගැනීමක් වශයෙන් සැලකිය හැකි ය. ප්‍රතිවිරුද්ධ යුගලයන්ගේ සටනට එකහෙළා විරුද්ධව 'දෙවියන් සහ මනුෂ්‍යයන් අතර මේ සටන නැතිවේවා'යි පැවසූ හෝමර් අඥානයෙකැයි හෙරක්ලීටස් විවේචනය කරයි. 'දෙවියන් යනු දවල් හා රාත්‍රිය යි. ශීත සෘතුව හා උෂ්ණ සෘතුව යි. යුද්ධය හා සාමය යි. කුසගින්න හා තෘප්තිය යි' යි ඔහු පවසයි. මෙහිදී ඔහු විග්‍රහ කරනුයේ දේව කථා සාහිත්‍යයේ එන දෙවිවරු පිළිබඳව නොවනබව පැහැදිලි ය. ඔහු දක්වන දෙවියා ලොව පුරා පැතිර සිටින අනවරත වෙනස්වීම හා ප්‍රතිවිරෝධය මත ගොඩනැඟන සංකල්පමය ධර්මතාවකි. එබැවින් දෙවියා යන පදයටත් වඩා ඔහු භාවිත කළේ 'ලෝගෝස්' (The Logos = The World) නම් ග්‍රීක වදනයි.

හෙරක්ලීටස් විද්‍යානුකූල අදහස් මතුනොව සිය සමීපතමයන් හා සෙසු විචරකයන් සම්බන්ධයෙන් ද විවේචනශීලී අදහස් පවසයි. නමුත් සෘජුව පැවසීමට නොව වක්‍ර අදහස් දැක්වීමට ඔහු රුචිබව පෙනේ. පැරණි ග්‍රීක දර්ශනවාදීන් අපහාසයට ලක් කරන ඔහු හෙසියඩ් රාත්‍රියවත් නොදන්නා මෝඩයකැයි පවසයි. ග්‍රීක කවියෙකුවන හෝමර්ටත් ආකිලෝස්ටත් කසයෙන් තලා එළවා දැමිය යුතුබව කියයි. පෛතගරස්ට විද්‍යාත්මක ඥානයක් තිබුන ද එය ප්‍රයෝගයක් බව කියා සිටී. මේ අන්දමට සීනෝෆනීස් හා හෙක්ටායස් සම්බන්ධයෙන් ද ඔහු පවසා ඇත්තේ නොයෙක් දේ පිලිබඳ ඥානයක් ඔවුන් සතුව පැවතියත් 'දැක්මක්' නොමැතිබවයි. තමා යම් උසස් තත්තත්වයකට නිතැතින් ම පැමිණ ඇතැයි අපේක්ෂා කළ හෙරක්ලීටස් 'මම මා සොයාගෙන සිටිමි' වශයෙන් ද ස්වාර්ථ කථන දීමෙහි නිමග්න වී ඇත. ඔහුගේ පළමුවන ඛණ්ඩය නිරීක්ෂණය කිරීමේ දී 'ඕනෑකමින් කන්දිය යුත්තේ මට නොව, සියල්ල ඒකත්ව යැයි ප්‍රකාශ කරන මාගේ වචනයට ය' වැනි ආත්ම වර්ණනා හමුවේ.

'අඳුරු' (Obsecure) නමින් ඔහු ම හැඳින්වීමට යෙදුණු තම අදහස් සාමාන්‍ය ජනයාට නොවැටහුණේ වුව ද ඒ පිළිබඳව ආඩම්බර වූවෙකි හෙරක්ලීටස්. ඔහු රදළ කුලීන පවුලකින් පැවත ඒම ඊට හේතුවන්නට ඇත. එසේ ම, තම මත නොරෙන්නේ මෝඩයන්ට යැයි ඔහු සිතා ඇති බව 6 සහ 51 වන ඛණ්ඩනයන් අධ්‍යයනයෙන් පෙනේ. 'බූරුවො රන්වලට වඩා පිදුරු අගේ කරති', 'රන් සොයන්නෝ බොහෝකොට පොළව කොටා රන් ස්වල්පයක් ලබති' වශයෙන් කෙරෙන අර්ථ දැක්වීම්වලින් ගම්‍යවන සත්‍ය නම් ඔහු බහුතර පුද්ගලයන් මෝඩයන් ලෙස සැලකූ බවයි. 'මිනිසුන් බහුතරයකගේ අදහස් හරියට ළඳරුවන්ගේ කෙළිබඩු වැනි ය', 'ශුද්ධභාවය ලබා ඇත්තේ ඉතා ස්වල්ප දෙනෙකි' යි ඔහු කීවේ එබැවිනි.

හෙරක්ලීටස්ගේ කියුම් සියල්ල ම දාර්ශනික නොවෙයි. ඇතැම් ඒවා හුදු විවේචන ම පමණි. නමුත් සෙසු දාර්ශනිකයන්ට සාපේක්ෂව ගත්කළ ඇනෙක්සිමීනිස්ගෙන් කෙළවර වූ අයෝනියානු දර්ශනය ම වපුරනු වෙනුවට මොහු ඥානය ප්‍රායෝගික කරමින් දාර්ශනික බුද්ධියට මුල් තැන දුන්බව පෙනේ. පෙර විසූ දාර්ශනිකයන් මෙන් හුදු කෘතිම සිද්ධාන්ත දැක්වීමකින් එහා ලෝක පැවැත්ම පිළිබඳව සමස්තව අධ්‍යයනය කිරීම ඔහුගේ විශේෂත්වය යි. එබැවින් හෙරක්ලීටස්ගේ නිර්වචන වටහාගත යුත්තේ වාච්‍යාර්ථයෙන් නොවේ. බර්ට්‍රන්ඩ් රසල් පවසන පරිද්දෙන් ඔහු ගූඪවාදියෙකු වශයෙන් සලකා ද නොවේ. තත්කාලීන ග්‍රීක දාර්ශනිකයන් අතරෙහි ඔහුගේ අදහස් තුලනාත්මකව වටහාගැනීමෙනි.
මේ වියමන ඔබේ මූණු පොතට එක් කරන්න-
Tags- Heraclitus, Pre-Socratic Greek philosopher, Ancient philosophy, Greek philosophy, Weeping Philosopher, No man ever steps in the same river twice
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ඩිල්ෂානි චතුරිකා දාබරේගෙන් තවත් වියමන්
ගී කිය(ව)මු
සඳ, හොරෙන්- හොරෙන්- හොරෙන්- බලමු!
පොත්
සමහර කමටහන් සහ සමහර රජත
වෙසෙස්
ටෙඩිබෙයා සහ ස්ත්‍රී ලිංගිකත්වය
පොත්
ලියෝ තෝල්ස්තෝයිගේ ඇනා කැරනිනා නවකථාව සහ ද්විත්ව කථා වින්‍යාසය පිළිබඳ විමසුමක්
තවත් වෙසෙස් බූන්දි
භූතයෙක්, යකැදුරෙක් සහ සත්‍ය කතාවක්
දහමට බියෙන් සයුරට පනින මියන්මාර රොහින්ගානුවෝ
මිහිකත විකුණනු ලැබේ!- සොබාදහම වස්තුකරණයේ සිට නව ලිබරල් පරිසරවාදය දක්වා
බුදු දහමට අනුව ඒබ්‍රහම් ටී. කොවුර් 'දේවදත්තයෙක්'ද?
උතුරු කොරියාවේදී ඔවුහු වනසා දමනු ඇත්තේ මිනිසත්බව සහ ආදරයයි!
බූන්දි නව ඊමේල් ලිපිනය- editorial@boondi.lk
BoondiLets
චේ ලියයි.
යම් රටක් නිදහස් වූ සැම විටම එය අධිරාජ්‍යවාදයේ පරාජයක් ලෙස පෙනී යයි. එහෙත්, අප තේරුම් ගත යුත්තේ හුදෙක් හුදකලා ආයුධ සන්නද්ධ අරගලයකින් හෝ නිදහස ලබා... [More]
What's New | අලුතෙන්ම
කවි| මාතෘ වාට්ටුව ඉදිරිපිට මල් පිපුණු සල් ගස

30-Secs

(පද්මිණි ශ්‍රියාලතා ) මායා මව් බිහිකරන විට ලොවට බුදු පුතෙක්
අතු නමා පාත් කර සැනසුවේ සල් ගහක්
මල් නෙළන්නට කියා එක වසරෙ ‍පෙළ පොතක්
කාලයක් දරුවනට පෙන්නුවෙත් සල් ගහක්

මේ මෙතන තිඹිරිගෙයි ඉදිරිපිට රෝහලේ... [More]
අදහස්| ගබ්සාව සහ දෙවියන් වහන්සේගේ සැලැස්ම!

3-Mins

(තාරක වරාපිටිය) "දරුවෙක් උපදිනවා කියල කියන්නේ, දෙවියන් වහන්සේගේ සැලැස්මෙනුයි ජීවිතය උදා වෙන්නේ. එක දරුවෙක්වත් දේව සැලැස්මෙන් පිට ඉපදෙන්නේ නැහැ." යෝජිත ගබ්සා නීති... [More]
ගී කිය(ව)මු| සඳ, හොරෙන්- හොරෙන්- හොරෙන්- බලමු!

4-Mins

(ඩිල්ෂානි චතුරිකා දාබරේ) ප්‍රේමයට රාත්‍රිය මහෝපකාරීවන්නේ යම් සේ ද ශෘංගාරෝද්දීපනයට සඳ සතු කාර්යභාර්ය ද එසේ ම වේ. ළමා ලපටියන් සඳ දකිනුයේ සිය කුටුම්බ... [More]
කතන්දර| සරසවි ශිෂ්‍යයාගේ මරණය

6-Mins

(සහන් කසීර වික්‍රමසිංහ) ප්‍රවෘත්ති සංස්කාරක තුමනි,
සති දෙකකට උඩදි ගෙලවැල ලාගෙන සියදිවි නසාගත් 'කසුන් හේරත්' නම් සරසවි ශිෂ්‍යයාගේ (ශිෂ්‍ය සංගම් නායකයෙක් ලෙස ද... [More]
කවි| ප්‍රේමයක් ඇති වුණේ නෑ!

45-Secs

(භාතිෂ අකලංක සිල්වා) එක ගමේ, ළඟ ගෙවල්,
එක වයස, ඒ වුනත්
කළු කෙල්ලෙ නුඹේ ගැන
කිසිදාක මගෙ හිතේ
ප්‍රේමයක් ඇති වුණේ නෑ!... [More]
කතන්දර| "එඩිසන්ගෙ අම්මා"- ළමා කතන්දරය [වීඩියෝව]

12-Secs

තෝමස් අල්වා එඩිසන් කියන මහා විද්‍යාඥයා ගැන චූටි ටීචර් කියන අපූරු කතාවක්-

Voiced by- Masha Suwani and Nayomi Gunasiri
Script and Animated... [More]
අදහස්| විභාගය ගොඩ යාමට ඥාන පූජාව!

2-Mins

(තාරක වරාපිටිය) ස්ථානය- වේයන්ගොඩ, පත්තලගෙදර බෝධිමංගලාරාමය විහාරස්ථානය
නිමිත්ත- ශිෂ්‍යත්ව විභාගය වෙනුවෙන් පෙනී සිටින සිසු-සිසුවියන් හට උසස් ප්‍රතිඵල ලබා ගැනීම උදෙසා පවත්වනු ලබන විශේෂ... [More]
අදහස්| [සරදගේ ලියුං හැකින්ස්]- සිරිසේන මහත්තයාට ලියා ඔප්පු කරන වග නම්...,

2-Mins

සෑර්,

සෑර් කැකිරාව පැත්තේ ඇවිල්ල කුඹුරු ටිකක් එහෙම හාලා දීලා, මදිවට වගා සංග්‍රාමයක් එහෙමත් පටන් ගන්නව කියල ආරංචියක් ආව. ආසාවේ උහුලගන්ඩ... [More]
කවි| පටාචාරා

1-Mins

(ප්‍රියලාල් කොග්ගලගේ) සැවැත් නුවරත් නොවෙයි, සිටු කුලේකත් නොවෙයි පටාචාරා ඉපදුණේ
බුදුන් වැඩියත් රජුන් නොවඩින ඈත දුර මහියංගණේ
ඈ කැටුව ආ දාසයා වෙමි ඉපිද ඈ පිළිබඳ සෙනේ
අතු පැහීමයි ගෙඩි කැඩීමයි දත් එකම ශිල්පය වුණේ

පුතෙකු වැදුවා, දුවක වැදුවා මමත් පොඩි අතුපැලක් හැදුවා... [More]
රංග| දෙවියන් බුදුන් මැරී බොහෝ කල්ය! -"මායා බන්ධන"- විචාරාත්මක විමර්ශනයක්

10-Mins

(ප‍්‍රනීත් චානක මුරමුදලිගේ) වත්මන

පරමාදර්ශී කලාවන්ට කණකොකා හඬන 2017 වැනි යුගයක, තරුණ නාට්‍යකරුවන්ට සෙත්ශාන්තියක් මෙන් වූ ජාතික තරුණ සේවා සභා නාට්‍ය තරඟාවලිය මෙවරත් යම්... [More]
පරිවර්තන| අඳුරු ගොම්මනක කතාව

16-Secs

(ෆතීක් අබූබකර් | මාලතී කල්පනා ඇම්බ්‍රෝස්) මැටි බඳුන
පිරී යයි
මා හෙවත්
පිරියම් නො කළ
වදනින් ...
සිත්තම් කරමි... [More]
කවි| නෙළුමෙහි කුහුඹු මිනිසාට

24-Secs

(දුලන්ජන් විතාරම) වළාකුළු සිඹී ඉහළට නැගුනාම
බලා නෙත් අහස මුදුනේ රැඳුනාම
රවා බලන ඉර තරහින් බැලුවාම
නිවා විඩා දුරලා නුඹ ගනු කෝම

පියාඹන කාක පෙරහැර නිරන්තරේ... [More]
කතන්දර| "සිංහයාට දත් කැක්කුමක්"- ළමා කතන්දරය [වීඩියෝව]

29-Secs

Sanjiv Jaiswal 'Sanjay' ලියා, Ajit Narayan සිත්තම් කළ "The Royal Toothache" සිඟිති කතන්දරය ඇසුරින් හැදූ කාටූනය.

Sinhala Translation of the... [More]
කවි| මායිම් ගම්මානයේ ටීචර්

21-Secs

(අනුෂ්ක තිලකරත්න) ඒ ටීචර් ඔච්චර ම හිනාවෙන්නේ මොකද?
මොකද නෙමෙයි කොහොමද?
දන්නේ නැද්ද තවමත්
මායිමේ ගම්මානයක් බව මේක

තාමත් ලයිට් නැති... [More]
BoondiLets| ඇල්බට් අයින්ස්ටයින් කියයි.
ඔබට ඔබේ පුංචි දරුවා බුද්ධිමත් කිරීමට අවශ්‍යද? දරුවාට සුරංගනා කතා කියා දෙන්න. ඔබට ඒ දරුවා තවත් බුද්ධිමත් කිරීමට අවශ්‍යද? දරුවාට තව තවත් සුරංගනා කතා කියා... [More]
කතන්දර| "කපටි නරිහාමිට ඔන්න යස පාඩම"- ළමා කතන්දරය [වීඩියෝව]

34-Secs

"Foxy Joxy Plays a Trick" සිඟිති කතන්දරය ඇසුරින් හැදූ කාටූනය.

Sinhala Translation of the Kids Story "Foxy Joxy Plays a... [More]
පොත්| කැත මත ලස්සන සෙවීම- සරද සමරසිංහ ප්‍රබන්ධ ප්‍රවේශය

4-Mins

(මංජුල වෙඩිවර්ධන) සමාජ ජීවිතය අපසාරී වෙමින් ද, ව්‍යුක්ත වෙමින් ද පවතින දේශපාලන මොහොතක අභීසාරී මෙන් ම සංයුක්ත ජීවන යථාර්තයක් වෙත පර්යාලෝකයක් එල්ල... [More]
රත්තරං ටික| සොක්‍රටීස්ගේ මරණය

35-Secs

(එරික් ඉලයප්ආරච්චි) ප්‍රංශ මහා විප්ලවයේ දොරකඩ සිටිමින් ශාක් ලුයී ඩේවිඩ් (1748-1825) මේ අසහාය චිත්‍රය නිමවූයේ ය. ග්‍රීක... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook